248. ALDIZKARIA - 2020ko urriaren 23a

2. NAFARROAKO TOKI ADMINISTRAZIOA

2.2. XEDAPEN ETA IRAGARKIAK, HERRIEN ARABERA ANTOLATUAK

BERA

Ibilgailuak espaloietan barna sartzeko eta ateratzeko eta eremu publikoa ibilgailuen aparkaleku esklusiborako eta edozein motatako salgaien zamalanetarako erreserbatzeko tasak arautzen dituen ordenantza fiskala. Hasierako onespena

Berako Udalak, 2020ko irailaren 16ko bilkuran, hasiera batez onetsi zuen tasa, tokiko jabari publikoaren erabilera soilagatik edo aprobetxamendu bereziagatik, bide publikoa erreserbatzeagatik ibilgailuak espaloietan barna sartzeko eta ateratzeko, ibilgailuen aparkaleku esklusiborako eta edozein motatako salgaien zamalanetarako. Orobat, onetsi zuen ordenantza fiskala, ibilgailuak espaloietan barna sartzeko eta ateratzeko eta eremu publikoa ibilgailuen aparkaleku esklusiborako eta edozein motatako salgaien zamalanetarako erreserbatzeko tasak arautzen dituena.

Espedientea jendaurrean egonen da hogeita hamar egun baliodunean, iragarki hau Nafarroako Aldizkari Ofizialean argitaratu eta biharamunetik hasita, interesdunek aztertu eta erreklamazio, kexa edo oharrak aurkez ditzaten; hori guztia, Nafarroako Toki Administrazioari buruzko uztailaren 2ko 6/1990 Foru Legearen 325.1 artikuluan xedatutakoari jarraikiz.

Jendaurreko epean alegaziorik aurkezten ez bada, Ordenantza behin betikoz onetsita geldituko da, eta testu osoa Nafarroako Aldizkari Ofizialean emanen da argitara.

Bera, 2020ko urriaren 6an.–Alkatea, Aitor Elexpuru Egaña.

Iragarkiaren kodea: L2011926