2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
TEBAS-MURU ARTEDERRETA
2020ko 5., 6., 7., 8. eta 9. aurrekontu-aldaketak. Hasierako onespena
Tebas-Muru Artederretako Udalak, 2020ko irailaren 22ko osoko bilkuran, hasiera batez onetsi zituen zenbait espediente, 2020ko gastu-aurrekontuan aparteko kredituak eta kreditu-gehigarriak gaitzeko. Hona hemen:
5/2020 aurrekontu-aldaketa: 5.600 euroko aparteko kredituaren espedientea, hiri-lorategirako lursailak erosteko, Hiri-lorategirako lursailak erostea 1-1710-6000001 gastu-partidan, Gazteluaren mantentze-lanak partida zenbateko berean beheitituz finantzatuko dena.
6/2020 aurrekontu-aldaketa: 13.293,20 euroko kreditu-gehigarriaren espedientea, eguzki-panelen proiekturako eta instalaziorako, 1-9200-6220001 gastu-partidan, Gazteluaren mantentze-lanak partida zenbateko berean beheitituz finantzatuko dena.
7/2020 aurrekontu-aldaketa: 6.375,85 euroko aparteko kredituaren espedientea, 3. poligonoko 67. partzelan sartzeko kalea zolatzeko, 1-1532-6190002 gastu-partidan, finantzatuko dena Tokiko Azpiegituren Planarekin, Despopulazioaren aurkako borroka, 2.972,85 euro, eta Onuradunen ekarpenekin, 3.406 euro, ekarpen bereziaren bidez.
8/2020 aurrekontu-aldaketa: 7.906,39 euroko aparteko kredituaren espedientea, dirulaguntza emateko Muru Artederretako Kontzejuari, hilerriko lorategirako, 1-1640-7680001 gastu-partidan, Gazteluaren mantentze-lanak partida zenbateko berean beheitituz finantzatuko dena.
9/2020 aurrekontu-aldaketa: 8.288,50 euroko aparteko kredituaren espedientea, Nordic Walking ibilbideak egiteko, 4320-61901 gastu-partidan, zenbateko berean finantzatuko dena Tokiko Azpiegituren Planarekin (Despopulazioaren aurkako borroka).
Espedientea Idazkaritzan egonen da ikusgai hamabost egun baliodunean, iragarki hau Nafarroako Aldizkari Ofizialean eta Udalaren iragarki-taulan argitaratu eta biharamunetik hasita, bizilagunek nahiz interesdunek azter dezaten eta egoki iruditzen zaizkien erreklamazioak aurkez ditzaten; hori guztia, irailaren 21eko 270/1998 Foru Dekretuaren 35. artikuluan xedatuari jarraikiz (foru dekretu horren bidez garatu zen, aurrekontuen eta gastu publikoaren alorretan, Nafarroako Toki Ogasunei buruzko martxoaren 10eko 2/1995 Foru Legea).
Erreklamaziorik aurkeztu ezean, aurrekontu-aldaketa behin betiko onetsitzat joko da, arestian aipatutako jendaurreko epea iragan ondoan.
Tebas-Muru Artederretan, 2020ko urriaren 5ean.–Alkatea, Yolanda Obanos Irure.
Iragarkiaren kodea: L2011554