2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
IRUÑA
Deialdia, erabilera publikoko segurtasun eta higiene neurriak sustatzeko dirulaguntzena. Laburpena
Oharra: testu osoa Dirulaguntzen Datu Base Nazionalean kontsulta daiteke (http://www.pap.minhafp.gob.es/bdnstrans/GE/eu/index). DDBN (Identif.): 526421.
Administrazio deitzailea: Iruñeko Udala.
Organo emailea: Gizarte Zerbitzuetako, Komunitate Ekintzako eta Kiroleko zinegotzi ordezkaria.
Alor kudeatzailea: Komunitate Ekintza, Garapenaren aldeko Lankidetza eta Kirola.
Instrukzio-organoa: dirulaguntza kudeatzen duen Alorreko Idazkaritza Teknikoa.
Deialdiaren xedea: deialdi honen xedea da irabazi-asmorik gabeko kirol elkarteak, bere kirol instalazioak eduki eta Iruñeko udal-mugartean daudenak, diruz laguntzea, COVID-19ak eragindako osasun-krisiari aurre egiteko beharrezkoak diren segurtasun eta higiene neurriak har ditzaten.
Deialdiaren helburua: kirol elkarteak diruz laguntzea segurtasun eta higiene neurriak har ditzaten eskaintzen duten kirol- eta aisialdi-zerbitzuetarako, eta horrela baldintza egokiak bermatzea erabiltzaileei, zeinak ia gehienak Iruñeko bizilagunak diren.
Iruñean, 2020ko urriaren 1ean.–Gizarte Zerbitzuetako, Komunitate Ekintzako eta Kiroleko zinegotzi ordezkaria, María Caballero Martínez.
Iragarkiaren kodea: L2011519
