Iragarkia

225. ALDIZKARIA - 2020ko urriaren 1a

1. NAFARROAKO FORU KOMUNITATEA

1.4. DIRU-LAGUNTZAK, LAGUNTZAK ETA BEKAK

378/2020 EBAZPENA, irailaren 15ekoa, Hezkuntzako zuzendari nagusiak emana, zeinaren bidez baimentzen baita urteko lehenbiziko ordainketa, lehen seihilekoari dagokiona, udalen musika eskolei dirulaguntzak emateko deialdian aurreikusitakoari jarraikiz. Deialdi hori apirilaren 30eko 117/2020 Ebazpenaren bidez onetsi zen 2020rako, eta abuztuaren 20ko 320/2020 Ebazpenaren bidez ebatzi. DDBN identifikazioa: 504692.

Apirilaren 30eko 117/2020 Ebazpenaren I. eranskineko 10.2 oinarriak ezartzen du ezen 2020ko ekainaren 30ean bukatzen dela dirulaguntzen onuradunek aurrekontu partziala aurkezteko epea; hain zuzen, aurrekontu horretan jasoko dira musika eskolek 2020ko ekainaren 15era arte betearazi edo gauzatutako diru-sarrerak eta gastuak.

Apirilaren 30eko 117/2020 Ebazpenaren I. eranskineko 12. oinarriak ezartzen du ezen dirulaguntza horren onuradun diren entitateek gardentasun betebeharra zehaztuta dutela Gardentasunari, informazio publikoa eskuratzeari eta gobernu onari buruzko maiatzaren 17ko 5/2018 Foru Legearen 11. artikuluan.

Eskatutako aitorpenak jaso eta gero, Hezkuntza Zuzendaritza Nagusiko Eleaniztasunaren eta Arte Ikasketen Zerbitzuak txosten bat aurkeztu zuen 2020ko irailaren 2an, musika eskolen 2020ko funtzionamendu gastu orokorrei zati batean aurre egiteko ordaindu beharreko dirulaguntzei buruz.

Erabiliz Hezkuntza Departamentuaren egitura organikoa ezartzen duen urriaren 30eko 267/2019 Foru Dekretuaren bidez esleitutako ahalmenak,

EBAZTEN DUT:

1. Dirulaguntzaren lehenengo ordainketa egin dadila agintzea, entitate titular bakoitzari dagokion zenbatekoaren arabera, ebazpen honen eranskinarekin bat. Banatu beharreko diru-zenbatekoa, guztira, 1.500.000,12 eurokoa da, eta 2020ko aurrekontuetako “Musika eskolentzako dirulaguntza” izeneko 420001-42440-4609-322502 partidaren kargura ordainduko da (40004269 kontabilitate espedientea), apirilaren 30eko 117/2020 Ebazpenaren bidez 2020rako onetsitako eta abuztuaren 20ko 320/2020 Ebazpenaren bidez ebatzitako deialdian ezarritako arauei jarraikiz.

2. Ebazpen hau eta eranskina Nafarroako Aldizkari Ofizialean argitara daitezela agintzea.

3. Ebazpen hau eta eranskinak igortzea Ekonomia eta Ogasun Departamentuak Hezkuntza Departamentuan duen kontu-hartzaile delegatuari, Hezkuntzako Ikuskapen Zerbitzura, Azterlan Ekonomikoen eta Nominen Zerbitzura, Eleaniztasunaren eta Arte Ikasketen Zerbitzura, Arte Ikasketen Atalera, Kudeaketa Ekonomikoaren Bulegora eta interesdunei, behar diren ondorioak izan ditzaten.

4. Administrazio ebazpen honen kontra administrazio publiko interesdunek administrazioarekiko auzi-errekurtsoa jartzen ahalko dute, Nafarroako Justizia Auzitegi Nagusiko Administrazioarekiko Auzien Salari zuzendua, ebazpena argitaratu eta biharamunetik hasita bi hilabeteko epean, galarazi gabe Nafarroako Gobernuan aurretiazko errekerimendua egiteko aukera, Administrazioarekiko Auzien Jurisdikzioa arautzen duen ekainaren 13ko 29/1998 Legearen 44. artikuluan aurreikusitako moduan eta epeetan.

Iruñean, 2020ko irailaren 15ean.–Hezkuntzako zuzendari nagusia, Gil Sevillano González.

ERANSKINA

UDAL MUSIKA ESKOLENTZAKO DIRULAGUNTZAK
2020. URTERAKO

117/2020 Ebazpena, apirilaren 30ekoa,
Hezkuntzako zuzendari nagusiak emana

320/2020 Ebazpena, abuztuaren 20koa,
Hezkuntzako zuzendari nagusiak emana

Iragarkiaren kodea: F2010645