Iragarkia
214. ALDIZKARIA - 2020ko irailaren 22a
1. NAFARROAKO FORU KOMUNITATEA
1.4. DIRU-LAGUNTZAK, LAGUNTZAK ETA BEKAK
781/2020 EBAZPENA, abuztuaren 31koa, Nekazaritza eta Abeltzaintzako zuzendari nagusiak emana, zeinaren bidez oinarri arautzaileak ezartzen baitira “de minimis” araubideko laguntza batzuk emateko, goi-mendiko eta zailtasun bereziko eskualdeetan behi-aziendaren ustiategietako esnea biltzeak dituen zailtasunak konpentsatzeko, eta 2020ko laguntzen deialdia onesten baita. DDBN identifikazioa: 522377.
Goi-mendiko eskualdeetan esnetarako behi-aziendaren ustiategietako esnea biltzeak zailtasun bereziak ditu: komunikatzeko zailtasuna, malda handiak, bertara iristeko zailtasunak eta batzuetan eguraldi txarra. Hori dela-eta, beharrezkoa da konpentsazio ekonomikoa ematea ustiategi horietan esnea biltzen duten enpresei.
Ustiategi horietako esnea biltzeko laguntza honi esker, goi-mendiko eskualdeetako ustiategiek ekoizten segitzen ahalko dute, eta era berean, tokian tokiko jarduera ekonomikoari eta landa eremuari eusten lagunduko zaie.
Hori guztia dela eta, Landa Garapeneko eta Ingurumeneko Departamentuak beharrezkotzat jotzen du diruz laguntzea Nafarroako esnetarako behi-aziendaren ustiategi horietan esnea biltzen duten enpresei, oinarrizko jarduera ekonomiko hau desager ez dadin, Nafarroako landa eremuek bizirik iraun dezaten eta kontsumitzaileek eskura izaten jarrai dezaten lur honetan kalitatez eta segurtasunez ekoizten diren elikagaiak.
Ebazpen honetan araututako laguntzak “de minimis” araubidearen menpean daude (Batzordeak 2013ko abenduaren 18an emandako 1407/2013 (EB) Erregelamendua, Europar Batasunaren Funtzionamenduari buruzko Tratatuaren 107. eta 108. artikuluak “de minimis” laguntzei aplikatzeari buruzkoa).
Ebazpen honi Dirulaguntzei buruzko azaroaren 9ko 11/2015 Foru Legea aplikatuko zaio.
Adierazitakoarekin bat, erabiliz Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 32. artikuluak ematen dizkidan eskudantziak eta Landa Garapeneko eta Ingurumeneko Departamentuaren egitura organikoa onesten duen urriaren 23ko 258/2019 Foru Dekretuak ematen dizkidanak,
EBAZTEN DUT:
1. “De minimis” araubideko laguntza batzuk emateko oinarri arautzaileak onestea, goi-mendiko eta zailtasun bereziko eskualdeetan behi-aziendaren ustiategietako esnea biltzeak dituen zailtasunak konpentsatzeko, 2020. urtean, ebazpen honen I., II. eta III. eranskinetan jasotzen den moduan.
2. Gardentasun betebeharrari buruzko adierazpenerako eredua onestea, helbide honetan eskuratu daitekeena:
3. “De minimis” araubideko laguntza batzuk emateko deialdia onestea, goi-mendiko eta zailtasun bereziko eskualdeetan behi-aziendaren ustiategietako esnea biltzeak dituen zailtasunak konpentsatzeko, 2020. urtean.
4. Laguntza hauetarako 70.000 euroko gastua baimentzea, ebazpen honen ondoriozko gastu konpromisoei aurre egiteko, 2020ko aurrekontu orokorretako honako partida honen kargura: “Mendi eskualdeetan behi-esnea biltzeko laguntzak esne-enpresei” izeneko 710004-71310-4700-412200 partida.
5. Ebazpen honen aurka gora jotzeko errekurtsoa jar daiteke, Landa Garapeneko eta Ingurumeneko kontseilariari zuzendua, argitaratu eta biharamunetik hasita hilabeteko epean.
6. Dirulaguntzen deialdi hau Nafarroako Gobernuaren Dirulaguntzen Datu Basean erregistratzea (NGDDB).
7. Ebazpen hau Nafarroako Aldizkari Ofizialean argitaratzea.
Iruñean, 2020ko abuztuaren 31n.–Nekazaritza eta Abeltzaintzako zuzendari nagusia, Ignacio Gil Jordán.
I. ERANSKINA
“De minimis” araubideko laguntzak emateko oinarri arautzaileak, goi-mendiko eta zailtasun bereziko eskualdeetan esnetarako
behien ustiategietako esnea biltzeak dituen zailtasunak
konpentsatzeari buruzkoak
Lehena.–Xedea.
1. Ebazpen honen helburua da oinarri arautzaileak ezartzea, laguntzak ematearren konpentsatzeko goi-mendiko eta zailtasun bereziko udalerrietan (II. eranskina) behi-ustiategietako esnea biltzeak dituen zailtasunak, bat etorriz Landa Garapeneko eta Ingurumeneko kontseilariaren maiatzaren 18ko 76/2020 Foru Aginduaren V. eranskinarekin eta ebazpen honen III. eranskinean ezarritakoarekin. Aipatu foru aginduaren bidez, honako hauen deialdia egin zen 2020ko kanpainarako: Nekazaritza Bermatzeko Europako Funtsak nekazaritzarako eta abeltzaintzarako finantzaturiko ordainketa zuzenei eta Landa Garapenerako Programaren eta Estatuaren halako laguntza batzuei dagokien eskaera bakarra, Erreserba Nazionalerako eskubide eskaerak, Nekazaritzako Lurzatien Informazio Geografikoko Sistemarentzako aldaketa eskaeren aurkezpena eta urteko jakinarazpena, Nekazaritzako Ekoizpenaren Erregistro Orokorrean erregistra dadin.
2. Behi-esnea erosten duten enpresek jasotzen ahalko dituzte dirulaguntzak, ebazpen honetan aurreikusitako baldintzak betetzen badituzte.
Bigarrena.–Dirulaguntzaren zenbatekoa.
1. Gehienez 3.000 euroko laguntza emanen da, behi-esnea jasotzen duen ustiategi bakoitzeko, zeina egonen baita goi-mendiko edo zailtasun bereziko udalerri batean, ebazpen honen II. eta III. eranskinen arabera.
2. Dirulaguntzen deialdi hau “de minimis” araubidearen menpean dago (Batzordeak 2013ko abenduaren 18an emandako 1407/2013 (EB) Erregelamendua, Europar Batasunaren Funtzionamenduari buruzko Tratatuaren 107. eta 108. artikuluak nekazaritzan “de minimis” laguntzei aplikatzeari buruzkoa). L 352. Europar Batasunaren Aldizkari Ofiziala, 2013ko abenduaren 24koa.
3. Edozein onuraduni gehienez ere 200.000 euroko “de minimis” laguntza ematen ahal zaio hiru zergaldiko epean, Batzordeak 2013ko abenduaren 18an emandako 1407/2013 (EB) Erregelamenduaren 3. artikuluko 2. apartatuan xedatutakoaren arabera; erregelamendu hori da Europar Batasunaren Funtzionamenduari buruzko Tratatuaren 107. eta 108. artikuluak nekazaritzan “de minimis” laguntzei aplikatzeari buruzkoa.
Hirugarrena.–Onuradunak eta laguntza jasotzeko baldintzak.
1. Behi-esnearen lehenbiziko erosleak izanen dira laguntza hauen onuradunak, baldin:
a) Esnearen sektoreko operadore gisa erregistraturik badaude, lehenbiziko erosle gisa edo lehenbiziko erosle eraldatzaile gisa, eta indarreko kontraturik badute behi-esne ekoizleekin, goi-mendiko edo zailtasun bereziko udalerrietan daudenekin, II. eta III. eranskinetan jasotakoaren arabera.
b) Goi-mendiko edo zailtasun bereziko udalerrietan dauden esne ekoizleengandik esnea jaso badute deialdi hau argitaratu aurreko bi hilabeteetan.
2. Onuradunek eguneratuta eduki behar dituzte zerga betebeharrak eta Gizarte Segurantzarekikoak, eta ez dute ezer edukiko itzuli gabe dirulaguntza publikoen arloan.
Laugarrena.–Eskaerak aurkeztea.
1. Hilabeteko epea dago eskaerak aurkezteko, ebazpen hau Nafarroako Aldizkari Ofizialean argitaratzen denetik hasita.
2. Eskaerak Landa Garapeneko eta Ingurumeneko Departamentuaren Erregistroan aurkeztuko dira (González Tablas kalea 9, Iruña), Abeltzaintza Zerbitzuari zuzenduak, edo Administrazio Publikoen Administrazio Prozedura Erkideari buruzko urriaren 1eko 39/2015 Legearen 16.4 artikuluan aipatzen diren tokietatik edozeinetan.
Telematika bidez ere aurkez daitezke, Nafarroako Gobernuak Interneten duen Atariko zerbitzuen katalogoko fitxa erabiliz (http://www.navarra.es/home_eu/Servicios/). Fitxa horretan, Nafarroako Foru Komunitateko Administrazioko Erregistro Orokor Elektronikoan sartzeko esteka bat izanen da. Identifikatzeko, ziurtagiri digitala eduki beharko da.
Eskabidea horretarako ezarritako ereduan aurkeztuko da. Eredu hori eskuratzen ahal da Landa Garapeneko eta Ingurumeneko Departamentuko Erregistroan eta Nafarroako Gobernuaren Interneteko atariko zerbitzuen katalogoan (www.nafarroa.eus).
3. Eskabideekin batera honako dokumentazio hau aurkeztuko da:
a) Behi-esne ekoizle izanik esnea biltzeko kontratuak dituzten ekoizleen zerrenda; betiere, goi-mendiko edo zailtasun bereziko udalerrietan egon behar dute, II. eta III. eranskinetan jasotakoaren arabera.
b) Eskatzailea pertsona fisikoa bada, NANaren fotokopia. Pertsona juridikoa izanez gero, entitatearen IFZ eta eratzearen eskrituraren fotokopia. Eskaerak bazkide guztiek sinatu beharko dituzte, edo legezko ordezkariak edo administratzaileak; azken kasu horretan, ordezkaritzaren frogagiria ere aurkeztuko da.
c) Landa Garapeneko eta Ingurumeneko Departamentuari laguntzak lehen aldiz eskatzen dizkioten ekoizleek, transferentzia bidez kobratzeko eskabidea.
d) Adierazpen bat, idatziz edo euskarri elektronikoan egina, zeinak aipagai baititu aurreko bi ekitaldi fiskaletan eta unean uneko ekitaldi fiskalean erregelamendu honi edo “de minimis” araubideko beste erregelamendu batzuei loturik jasotako gainerako laguntza guztiak.
e) Zerga arloko eta Gizarte Segurantzarekiko betebeharrak egiaztatzeko baimena, hitzez hitz honako hau dioena: “Nik, ............(e)k, nire izenean edo ................ ordezkatuz, baimena ematen diot Landa Garapeneko eta Ingurumeneko Departamentuari egiazta dezan nik/ordezkatzen dudan entitateak aurreko ekitaldiko zerga betebeharrak eta Gizarte Segurantzarekikoak eguneratuak ditudala/dituela, deialdi hau tramitatzeko prozeduraren barruan: goi-mendiko eta zailtasun bereziko eskualdeetan behi-aziendaren ustiategietako esnea biltzeak dituen zailtasunak konpentsatzeko”.
f) Lehenagoko e) apartatuarekin ados ez badago, pertsonak edo entitateak berak aurkeztu beharko ditu zerga betebeharren eta Gizarte Segurantzaren gaineko betebeharrak betetzeari buruzko datuak.
g) Horietako agiriren bat Foru Komunitateko Administrazioak baldin badu, interesdunak eskabidean hala azaldu beharko du, adieraziz zein agiri den eta zein artxibotan dagoen. Agiriak datu babestuak baldin baditu, eskatzaileak baimena eman beharko dio Landa Garapeneko eta Ingurumeneko Departamentuari datuak aztertzeko.
Bosgarrena.–Dirulaguntza emateko modua, lehentasunak eta irizpide objektiboak.
1. Deialdi honen xede diren dirulaguntzak norgehiagokako prozeduraren bidez emanen dira.
2. Onartzen diren eskaerek aurrekontuetan ezarritako diru-muga gainditzen badute, laguntzak eskatzaileen ezaugarrien arabera banatuko dira. Eskaerak hurrenkera honetantxe hartuko dira kontuan:
2.1. Gehiengoz esne ekoizle diren abeltzainek osatutako kooperatiba edo ENSei (eraldaketarako nekazaritza-sozietateak) dagozkien eskaerak.
2.2. Gainerako eskatzaileak.
3. Aurrekontua ez bada aski lehentasunezko talderen baten eskaerak finantzatzeko, talde horren barrenean kobratu beharreko zenbatekoak hainbanatuko dira.
Seigarrena.–Ebaluazio organoa.
Abeltzaintza Zerbitzuko Animalien Ekoizpenaren Atalak ebaluatuko ditu eskaerak.
Zazpigarrena.–Deialdiaren antolamendua, instrukzioa eta ebazpena.
1. Eskaera harturik, egiaztatuko da hirugarren oinarrian ezarritako baldintzak betetzen dituen eta laugarren oinarrian adierazitako agiriak erantsi dituen. Eskatzen diren agiriak aurkezten ez baditu, gehienez ere 10 eguneko epean zuzendu dezala eskatuko zaio interesdunari, eta ohartaraziko zaio ezen, hala egin ezean, eskaera bertan behera uzten duela ulertuko dela. Hala bada, espedientea artxibatzeko ebazpena eman, eta jakinaraziko zaio.
Halaber, eskatzen diren beharkizunak betetzen ote diren egiaztatuko du Animalien Ekoizpenaren Atalak, Landa Garapeneko eta Ingurumeneko Departamentuan dauden agiri, erregistro eta datu base ofizialen egiaztapen administratiboen bidez.
2. Eskaera ebaluatu ondoren, Abeltzaintza Zerbitzuak laguntza emateko ebazpen proposamena eginen du.
3. Dirulaguntza eman baino lehen, onuradunak aitorpen bat egin beharko du, idatziz edo euskarri elektronikoan, zeinaren aipagai izanen baitira aurreko bi ekitaldi fiskaletan eta unean uneko ekitaldi fiskalean erregelamendu honi edo “de minimis” araubideko beste erregelamendu batzuei loturik jasotako gainerako laguntza guztiak.
4. Araubide honen araberako laguntzak ez dira emanen harik eta frogatu arte horrek ez duela berekin ekarriko onuradun bati emandako “de minimis” araubideko laguntzen zenbateko osoak gainditzea 2013ko abenduaren 18ko 1407/2013 (EB) Erregelamenduaren 3.2 artikuluan ezarritako muga, eta, orobat, frogatu arte aipatu erregelamenduan ezarritako baldintza guztiak betetzen direla.
5. Nekazaritzako eta Abeltzaintzako zuzendari nagusiak dirulaguntzen gainean ebatziko du, arrazoiak emanda.
6. Prozeduraren gainean ebazteko epea hiru hilabetekoa izanen da. Epea espresuki ebazpenik gabe bukatzen bada, ezetsitzat joko da eskaera.
Zortzigarrena.–Onuradunaren betebeharrak.
1. Onuradunak Dirulaguntzei buruzko azaroaren 9ko 11/2005 Foru Legearen 9. artikuluan ezarritako betebeharrak izanen ditu.
2. Onuradunak abeltzaintzako ustiategiekin sinatutako esnegintza arloko kontratuak izan beharko ditu, eta horiek NBEFren INFOLAC izeneko programan grabatuta egon beharko dute.
3. NBEFren INFOLAC izeneko programan egindako esne entregak grabatu egin beharko ditu onuradunak.
4. Onuradunek goi-mendiko eskualdeetan edo zailtasun berezikoetan dauden ustiategietako esnea biltzen segitu beharko dute, gutxienez 2020ko abenduaren 31ra arte. Bilketa bertan behera geratzen bada abeltzainak baja hartu duelako edo kontratua amaitu delako, ustiategi hori ez da kontuan hartuko dirulaguntza emateko kalkulua egiterakoan, ezta ordaintzerakoan ere. Baldin dirulaguntza eman eta ordaindu bada, eta ez badu baldintza hori betetzen, ustiategi horri dagokion laguntza itzultzeko eskatuko da.
Bederatzigarrena.–Onuradunaren gardentasun betebeharrak.
Gardentasunari, informazio publikoa eskuratzeari eta gobernu onari buruzko maiatzaren 17ko 5/2018 Foru Legearen 3. artikuluan aipatutako entitateak behartuak daude gardentasun betebeharra betetzera baldin eta, urtebetean, 20.000 eurotik gorako laguntzak edo dirulaguntzak jasotzen badituzte, edo jasotako laguntzak edo dirulaguntzak beren urteko diru-sarrera guztien %20 edo gehiago badira, gutxienez 5.000 eurora iritsiz gero.
Aurreko atalean ezarritako mugak gainditzen ote diren jakiteko, Nafarroako Foru Komunitateko Administrazioak edo haren erakunde publikoek urte naturalean emandako dirulaguntza guztien kopuruak batuko dira.
Urte batean baino gehiagotan ordaintzen diren dirulaguntzen kasuan, aurrekontuko ekitaldi bakoitzean emandako kopurua hartuko da kontuan ondorio horietarako, ez guztizko batura. Erreferentziako urteko negozio-zifra edo aurrekontua honako hauetako txikiena izanen da:
a) Aurreko urteko negozio-zifra edo gauzaturiko aurrekontua.
b) Hala badagokio, dirulaguntza ematen den ekitaldian entitatearen organo eskudunak onartutako aurrekontua edo negozio-zifra.
Aipatu diren inguruabarrak gertatzeagatik gardentasun betebeharra duten entitate onuradunek, dirulaguntzarik jasotzen badute, informazio hau eman beharko dute:
a) Entitatearen gobernu, administrazio eta zuzendaritza organoen osaera.
b) Organo horiek osatzen dituzten kargudunen zerrenda.
c) Entitateak aurreko urtean kargudun bakoitzari ordaindutako ordainsari gordinak eta gainerako diru konpentsazioak, kontzeptuz kontzeptu. Sortu berriak diren entitateen kasuan, informazioa haien aurrekontuetan edo plan ekonomiko-finantzarioan jasotakoa izanen da.
d) Kargudun bakoitzak gobernuko, administrazioko eta zuzendaritzako eginkizunetan duen dedikazioaren araubidea.
e) Entitate onuradunaren urteko azken kontuen kopia bat.
Informazio hori entitate onuradunaren legezko ordezkariak sinatuta aurkeztuko da, Nafarroako Gobernuaren Erregistro Orokor Elektronikoaren bide telematikoak erabiliz, eta dirulaguntza kudeatzen duen administrazio unitateari bidaliko zaio. Informazioa bidaltzeko epea hilabetekoa izanen da dirulaguntza ematen duen ebazpena jakinarazten edo, hala bada, argitaratzen den egunetik hasita.
Informazio hori urtebetez egonen da aztergai Nafarroako Gobernu Irekiaren Atarian argitaratzen denetik hasita, eta gehienez 15 hilabetez utziko da bertan, informazioa kudeatzen duen organoan sartzen den egunetik hasita. Epe hori iraganik, informazioa argitaratzeko ardura duen unitateak ofizioz kenduko du. Hala egin ezean, entitate onuradunak kentzeko eskatzen ahalko du, eta gehienez ere hilabeteko epean kendu beharko da, eskaera egiten denetik hasita.
Entitateak gardentasun betebeharra bete behar ez badu aurreikusitako inguruabarrak gertatzen ez direlako, horren gaineko aitorpena aurkeztu beharko du.
Entitateak ekitaldi berean dirulaguntza bat baino gehiago jasotzen badu, ez du informazioa errepikatu beharko dirulaguntza bakoitzerako, salbu eta hasieran eman zituen datuak aldatzen badira.
Onuradunak informazioa emateko betebeharrak ez betetzeak ekar ditzakeen zehapenak galarazi gabe, haiek bete ezean, onartutako dirulaguntza ordaindu gabe utziko da, eta, zenbatekorik kobratu bada, itzuli egin beharko da, eta aurrerakinak ere bai, Dirulaguntzei buruzko Foru Legearen 35.1.c) artikuluan ezarritakoari jarraikiz.
Hamargarrena.–Ordaintzeko modua eta epeak.
Dirulaguntza ordainketa bakarrean emanen da; aurretik, organo kudeatzaileak egiaztatu beharko du onuradunak dirulaguntza emateko arrazoi izandako xedeak eta gardentasun betebeharra betetzen dituela.
Hamaikagarrena.–Noiz eta nola frogatu dirulaguntzaren helburua bete dela eta hartutako funtsak erabili direla.
Laguntzen helburua bete dela justifikatzeko, ziurtatuko da esnea goi-mendiko edo zailtasun bereziko udalerrietan dauden ustiategietan bildu dela, eskaera egin aurreko bi hilabeteetan. Kontrol administratiboan eginen da egiaztapena, esne erosleak NBEFren INFOLAC programan egiten dituen aitorpenetan oinarrituta.
Hamabigarrena.–Dirulaguntzaren bateragarritasuna.
Laguntza hauek bateragarriak dira Foru Administrazioak berak edo beste administrazio publiko batzuek helburu bererako ematen dituztenekin, baldin errespetatzen badira Batzordeak 2013ko abenduaren 18an emandako 1407/2013 (EB) Erregelamenduak ezarritako mugak (erregelamendu horrek zehazten du nola aplikatu Europar Batasunaren Funtzionamenduari buruzko Tratatuaren 107. eta 108. artikuluak “de minimis” laguntzei).
Hamahirugarrena.–Ezarritako baldintzak ez betetzearen ondorioak.
1. Ebazpen honetan eskatutako konpromisoak bete ezean, dirulaguntza itzuli egin beharko da eta, bidezkoa denean, behar diren zehapenak jarriko dira.
2. Dirulaguntzei buruzko azaroaren 9ko 11/2005 Foru Legearen 35., 42. eta 43. artikuluetan xedatutakoari jarraikiz arautuko dira diru-itzulketak, arau-hausteak eta zehapenak.
3. Inguruabar bereziak edo ezinbesteko kasuak gertatu direla dakien onuradunak idatziz jakinarazi beharko dio Landa Garapeneko eta Ingurumeneko Departamentuari, betiere kudeaketa organoak egiaztapenak egin baino lehen.
Hamalaugarrena.–Emandako dirulaguntzen publizitatea.
Deialdi honetan ezarritako laguntzen onuradunen zerrenda argitara emanen da Nafarroako Gobernuaren web-orriko zerbitzuen katalogoko fitxa garatzen duen araudian ezartzen denaren arabera.
II. ERANSKINA
Goi-mendikotzat jotzen diren udalerrien zerrenda
UDALERRIAREN KODEA | UDALERRIA | KATALOGAZIOA |
3 | ABAURREGAINA | Goi-mendia |
4 | ABAURREPEA | Goi-mendia |
13 | AMESKOABARRENA | Goi-mendia |
20 | ARAITZ | Goi-mendia |
21 | ARANARATXE | Goi-mendia |
22 | ARANTZA | Goi-mendia |
24 | ARANO | Goi-mendia |
28 | ARTZIBAR | Goi-mendia |
31 | ARESO | Goi-mendia |
33 | ARIA | Goi-mendia |
34 | ARIBE | Goi-mendia |
50 | BAZTAN | Goi-mendia |
54 | BERTIZARANA | Goi-mendia |
55 | BETELU | Goi-mendia |
58 | AURITZ | Goi-mendia |
59 | BURGI | Goi-mendia |
71 | GAZTELUBERRI | Goi-mendia |
81 | DONAMARIA | Goi-mendia |
82 | ETXALAR | Goi-mendia |
87 | ELGORRIAGA | Goi-mendia |
90 | ERATSUN | Goi-mendia |
92 | ERROIBAR | Goi-mendia |
93 | EZKAROZE | Goi-mendia |
95 | ESPARTZA ZARAITZU | Goi-mendia |
100 | EULATE | Goi-mendia |
102 | EZKURRA | Goi-mendia |
111 | GALOZE | Goi-mendia |
112 | GARAIOA | Goi-mendia |
113 | GARDE | Goi-mendia |
115 | GARRALDA | Goi-mendia |
117 | GOIZUETA | Goi-mendia |
118 | GOÑERRI | Goi-mendia |
119 | GORZA | Goi-mendia |
128 | IZABA | Goi-mendia |
129 | ITUREN | Goi-mendia |
133 | ITZALTZU | Goi-mendia |
134 | JAURRIETA | Goi-mendia |
137 | LABAIEN | Goi-mendia |
139 | LANA | Goi-mendia |
143 | LARRAGOA | Goi-mendia |
149 | LEITZA | Goi-mendia |
153 | LESAKA | Goi-mendia |
181 | NABASKOZE | Goi-mendia |
185 | OTSAGABIA | Goi-mendia |
187 | OIZ | Goi-mendia |
195 | ORBAIZETA | Goi-mendia |
196 | ORBARA | Goi-mendia |
198 | ORONTZE | Goi-mendia |
199 | OROTZ-BETELU | Goi-mendia |
203 | PETILLA ARAGOI | Goi-mendia |
209 | ERROMANTZATUA | Goi-mendia |
210 | ERRONKARI | Goi-mendia |
211 | ORREAGA | Goi-mendia |
213 | SALDIAS | Goi-mendia |
221 | DONEZTEBE | Goi-mendia |
222 | SARTZE | Goi-mendia |
226 | SUNBILLA | Goi-mendia |
239 | URDAZUBI | Goi-mendia |
241 | URRAULGOITI | Goi-mendia |
244 | URROZ | Goi-mendia |
245 | URZAINKI | Goi-mendia |
247 | UZTARROZE | Goi-mendia |
248 | LUZAIDE | Goi-mendia |
250 | BERA | Goi-mendia |
252 | BIDANKOZE | Goi-mendia |
256 | HIRIBERRI (AEZKOA) | Goi-mendia |
259 | IGANTZI | Goi-mendia |
263 | ZUBIETA | Goi-mendia |
264 | ZUGARRAMURDI | Goi-mendia |
III. ERANSKINA
Zailtasun bereziko kontzejuen zerrenda
UDALERRIAREN KODEA | KONTZEJUA | UDALERRIA | KATALOGAZIOA |
098 | AGORRETA | ESTERIBAR | Mendia |
144 | ODERITZ | LARRAUN | Mendia |
049 | OROKIETA | BASABURUA | Mendia |
Iragarkiaren kodea: F2010126
Sarbidea
Nafarroako Aldizkari Ofiziala
Paseo Pablo Sarasate, 38, 2.º izda.
31001 - Iruña
848 42 12 50