2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
BARAÑAIN
LAG 1/2020 aurrekontu-aldaketa. Behin betiko onespena
Barañaingo Udalak, 2020ko ekainaren 25ean egin osoko bilkuran, hasiera batez onetsi zuen aurrekontu-aldaketa egiteko MP LAG 2-2020 espedientea, Lagunak udal zerbitzuaren aurrekontua (2020ra luzatua) betearazteko indarrean diren oinarriak aldatzeko. Atal berri bat gehituko da: “prozedura bereziak”.
Jendaurrean jartzeko eta alegazioen eta erreklamazioen epea irekitzeko iragarkia argitaratu zen 2020ko 157. Nafarroako Aldizkari Ofizialean, uztailaren 17an, eta Udalaren ediktu-taulan.
Iragan baita hamabost eguneko epea, zeina ezartzen baitu, bere 214.2 artikuluan, Nafarroako Toki Ogasunei buruzko martxoaren 10eko 2/1995 Foru Legeak, lege beraren 202.1 artikuluarekin loturik, eta ez baitu inork jarri alegaziorik edo erreklamaziorik, behin betiko onesten da aldaketa, bat etorriz Nafarroako Toki Ogasunei buruzko martxoaren 10eko 2/1995 Foru Legearen 202. artikuluarekin.
Hona hemen behin betiko onetsitako aurrekontu-aldaketa:
Honako atal hau gehitzea Lagunak udal zerbitzuak indarrean dituen betearazteko oinarrietan:
Laugarren atala: prozedura bereziak
XIII. oinarria.–Dirulaguntza izendunak
1.–Dirulaguntza izendunak izanen dira halakotzat ageri direnak aurrekontu-egozpenaren beraren izenean, eta oinarri hauen 1. eranskinean jasorik daudenak. Eranskin horretan, aurrekontu-egozpenak, zenbatekoak, onuradunak eta xedeak ematen dira aditzera.
2.–Hitzarmenak izanen dira ohiko tresnak aurrekontuan aurreikusitako dirulaguntza izendunak formalizatzeko. Hitzarmen horietan, behin betiko zenbatekoa jasoko da, oinarri honetan ezarririko mugekin.
XIII. OINARRIAREN ERANSKINA Aurrekontuan aurreikusitako dirulaguntza izendunak |
AURREKONTU-EGOZPENAREN KODEA | ONURADUNA | IFK | KONTZEPTUA | ZENBATEKOA |
02 34102 48901 | SASKI ELKARTEA | G31969702 | Saskibaloi-programarako dirulaguntza | 12.000,00 |
03 34103 48901 | ADISKIDEOK ELKARTEA | G31877335 | Eskubaloi-programarako dirulaguntza | 14.000,00 |
05 34105 48901 | GIMNASIA RITMICA BARAÑAIN KIROL-ELKARTEA | G71250831 | Gimnastika erritmikoko programarako dirulaguntza | 7.500,00 |
06 34106 48901 | CLUB HOCKEY PATÍN BARAÑÁIN | G71274658 | Hockey-programarako dirulaguntza | 5.500,00 |
08 34108 48901 | JAIGERI ELKARTEA | G71287700 | Igeriketa-programarako dirulaguntza | 3.400,00 |
09 34109 48901 | LAGUNPATÍN KIROL-ELKARTEA | G71057160 | Abiadura-patinajeko programarako dirulaguntza | 300,00 |
12 34112 48901 | FOOTLAG ELKARTEA | G71342927 | Futbol-programarako dirulaguntza | 32.500,00 |
Argitara ematen da, aipatutako legezko aginduak betetzeko, eta ohartarazten da behin betiko onespen hau aurkaratzen ahal dela honako bide hauetako bat erabiliz:
a) Administrazioarekiko auzi-errekurtsoa, zuzenean Nafarroako Justizia Auzitegi Nagusiko Administrazioarekiko Auzien Epaitegiari zuzendua, bi hilabeteko epean, iragarki hau Nafarroako Aldizkari Ofizialean argitaratu eta biharamunetik hasita.
b) Gora jotzeko errekurtsoa, Nafarroako Administrazio Auzitegiari zuzendua, hilabeteko epean, iragarki hau Nafarroako Aldizkari Ofizialean argitaratzen denetik.
Barañainen, 2020ko abuztuaren 10ean.–Alkate udalburua, María Lecumberri Bonilla.
Iragarkiaren kodea: L2008996
