169. ALDIZKARIA - 2020ko uztailaren 31

1. NAFARROAKO FORU KOMUNITATEA

1.2. AGINTARIAK ETA LANGILEAK

1.2.1. Kargu-uzteak, izendapenak eta bestelako egoerak

50/2020 FORU DEKRETUA, uztailaren 15ekoa, José Ramón Mora Martínez jauna, Osasunbidea-Nafarroako Osasun Zerbitzuko zuzendari kudeatzailea, kargutik kentzen duena.

Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 51.2 artikuluak xedatzen du Nafarroako Gobernuak izendatuko eta kargutik kenduko dituela erakunde publikoetako zuzendari kudeatzaileak, foru dekretu bidez, erakundea atxikia duen departamentuko kontseilariak proposaturik.

Osasunbidea-Nafarroako Osasun Zerbitzuaren Estatutuak onetsi zituen irailaren 3ko 171/2015 Foru Dekretuaren 14.1 artikuluak ezartzen du Nafarroako Gobernuak libreki izendatuko eta kargutik kenduko duela Osasunbidea-Nafarroako Osasun Zerbitzuko zuzendari kudeatzailea, Osasun Departamentuaren titularrak proposaturik.

Horiek horrela, Osasuneko kontseilariak proposaturik,

DEKRETATZEN DUT:

1. José Ramón Mora Martínez jauna, Osasunbidea-Nafarroako Osasun Zerbitzua erakunde autonomoko zuzendari kudeatzailea, kargutik kentzea, osasun arrazoiak direla eta. Kargu uzteak 2020ko uztailaren 31tik aurrera izanen ditu ondorioak.

2. Foru dekretu hau José Ramón Mora Martínez jaunari jakinaraztea, eta igortzea Funtzio Publikoko Zuzendaritza Nagusira, Osasunbidea-Nafarroako Osasun Zerbitzura eta Osasuneko Idazkaritza Tekniko Nagusira, behar diren ondorioak izan ditzan.

3. Foru dekretu hau Nafarroako Aldizkari Ofizialean argitaratzea, orok jakin dezan.

Iruñean, 2020ko uztailaren 15ean–Nafarroako Gobernuko lehendakaria, María Chivite Navascués.–Osasuneko kontseilaria, Santos Induráin Orduna.

Iragarkiaren kodea: F2007616