2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
DEIERRI
Katastroko aldaketa, Aritzalako 25. poligonoko 306. lurzatian, titular ezezaguna baitu
Nafarroako Lurralde Aberastasunaren Erregistroari eta Katastroei buruzko azaroaren 21eko 12/2006 Foru Legearen 32.7 artikuluan ezarritakoarekin bat, Alkatetzaren 2020ko ekainaren 15eko Ebazpenaren bidez abiatu da Lurralde Aberastasunaren Erregistroko oinarrizko datuak aldatzeko espedientea, honako honi dagokionez: Aritzalako 25. poligonoko 306. lurzatia, Eza alderdian, “Deierriko ezezagunen” izenean agertzen dena.
Iragarki honen bidez ebazpen honen berri ematen zaie interesdunei, hilabeteko epean alegazioak aurkez ditzaten eta 25. poligonoko 306. lurzatiari dagokion jabetza titulua eta beharrezkotzat jotzen dituzten gainerako agiriak ekar ditzaten.
Aritzalan (Deierri), 2020ko ekainaren 17an.–Alkatea, Eduardo Lezaun Echalar.
Iragarkiaren kodea: L2006176
