2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
BERIAIN
Hiri-lurren balio-gehikuntzaren gaineko zergan 2020an aplikatu beharreko koefizienteak eta karga-tasak
Beriaingo Udalak, 2020ko ekainaren 4an egin osoko bilkuran, erabaki hau hartu zuen:
Ikusirik abenduaren 23ko 29/2019 Foru Legea, abenduaren 24koa, Zenbait zerga aldatu eta beste tributu-neurri batzuk hartzekoa, zeinetan ezartzen diren 175.2 artikuluan finkatutako gehieneko koefizienteak, ondorioak 2020ko urtarrilaren 1etik aurrera izanen dituztelarik.
Kontuan harturik Nafarroako Toki Ogasunei buruzko 2/1995 Foru Legearen 12. artikuluak ezartzen duela ez dela behar ez ordenantzarik ez erabakirik hiri-lurren balio-gehikuntzaren gaineko zerga ordainarazteko, nahiz eta Udalak onetsi beharko dituen zerga-kuotak finkatzeko tresnak (koefizienteak eta tasak).
Ikusirik Ogasun Batzordearen 2020ko maiatzaren 14ko irizpena,
Ikusirik Udaleko kontu-hartzailearen txostena,
ERABAKITZEN DA:
Lehena.–Onestea lurren balio-gehikuntzaren gainean sortzapena egiteko unean aplikatu beharreko koefizienteak (balio-gehikuntza noiz sortzen den, horren araberakoak) eta kuotak zehazteko zerga-oinarriari aplikatu beharreko karga-tasak, hiri-lurren balio-gehikuntzaren gaineko zergaren likidazioaren ondorioetarako. Honako hauek dira:
SORTZEALDIA | KOEFIZIENTEA | KARGA-TASA |
20 urte edo hortik gora | 0,60 | %18 |
19 urte | 0,47 | %18 |
18 urte | 0,49 | %18 |
17 urte | 0,09 | %18 |
16 urte | 0,09 | %25 |
15 urte | 0,06 | %25 |
14 urte | 0,06 | %25 |
13 urte | 0,06 | %25 |
12 urte | 0,06 | %25 |
11 urte | 0,06 | %25 |
10 urte | 0,06 | %25 |
9 urte | 0,06 | %25 |
8 urte | 0,06 | %25 |
7 urte | 0,06 | %25 |
6 urte | 0,08 | %25 |
5 urte | 0,26 | %25 |
4 urte | 0,33 | %25 |
3 urte | 0,24 | %25 |
2 urte | 0,15 | %25 |
1 urte | 0,07 | %25 |
Urtebete baino gutxiago | 0,07 | %25 |
Bigarrena.–Koefizienteak automatikoki eguneratuko dira, Nafarroako Toki Ogasunei buruzko 2/1995 Foru Legeak ezarritako indarreko gehieneko koefizienteen arabera.
Hirugarrena.–Aurreko puntuan ezarritakoak Nafarroako Aldizkari Ofizialean argitaratzen den egunaren biharamunetik izanen ditu ondorioak.
Beriainen, 2020ko ekainaren 8an.–Alkatea, Oscar Ayesa Domínguez.
Iragarkiaren kodea: L2005717
