1. NAFARROAKO FORU KOMUNITATEA
1.7. BESTELAKOAK
JENDAURREAN JARTZEA. Oharra, Ingurumenaren eta Uraren Zuzendaritza Nagusiarena, jendaurrean jartzen duena Itzagaondoko, Urrotz-Hiriko, Longidako eta Agoizko udal- mugarteetako abelbideetako mugarriak sailkatzeko eta berritzeko eta haien inbentarioa egiteko proposamena.
Aditzera ematen zaie arestian aipatu udal-mugarteetako abelbideetako mugarriak sailkatzeko eta berritzeko eta haien inbentarioa egiteko lanetan interesa dutenei:
Lehendabizikoa.–Ingurumeneko zuzendari nagusiak irailaren 19an eman 41/2019 Ebazpenaren bidez, onetsi zen hasiera ematea Itzagaondoko, Urrotz-Hiriko, Longidako eta Agoizko udal-mugarteetako abelbideetako mugarriak sailkatzeko eta berritzeko eta haien inbentarioa egiteko espedienteari. 2019ko 213. Nafarroako Aldizkari Ofizialean argitaratu zen, urriaren 28koan. Gero, dokumentu-funts bat bildu zen, baita udal-mugarte bakoitzean egindako landa-lana ere.
Bigarrena.–Hilabete batez egonen da jendaurrean Itzagaondoko, Urrotz-Hiriko, Longidako eta Agoizko udal-mugarteetako abelbideetako mugarriak sailkatzeko eta berritzeko eta haien inbentarioa egiteko proposamena, ohar hau Nafarroako Aldizkari Ofizialean argitaratu eta biharamunetik hasita edo COVID-19agatik deklaratutako alarma-egoera bukatu ondoko lehenbiziko egun baliodunetik aurrera, alarma-egoeran argitaratzen bada.
Proposamen horren laburpena ikusgai dago udalerri bakoitzeko proiektua bukatzeko ekintza publikoa jaso zuten aktetan (ekintza publiko horren bidez jendaurreko epea hasi zen). Akta horiek kontsulta daitezke:
• Itzagaondoko akta.
• Urrotz-Hiriko akta.
• Longidako akta.
• Agoizko akta.
Hirugarrena.–Epe horretan, aipatutako udaletxe bakoitzean kontsultatzen ahalko da proposamena, eta bidezkotzat jotzen diren alegazio edo erreklamazioak aurkezten ahalko dira.
Gobernu Irekiaren Atarian ere egonen da ikusgai (https://gobiernoabierto.navarra.es/eu/partaidetza/prozesuak?field_propuestas_titulo_value=abelbideak+sailkatzeko&field_tipo_propuesta_tid_1=All&field_legislatura_tid=All&field_departamento_gn_tid_entityreference_filter=All&field_propuesta_estado_tid=All&=Ezarri).
Iruñean, 2020ko maiatzaren 26an.–Ingurumeneko zuzendari nagusia, Pablo Muñoz Trigo.
Iragarkiaren kodea: F2005263
