1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.2. Oposizioak eta lehiaketak. Lan publikoaren eskaintza
DEIALDIA, Nafarroako Foru Komunitateko Administrazioaren eta haren erakunde autonomoen zerbitzuko administrazio publikoko teknikari (arlo ekonomikoa) izateko hogeita lau lanpostu oposizio bidez betetzekoa. Izendapen proposamena.
Funtzio Publikoko zuzendari nagusiaren urtarrilaren 31ko 246/2018 Ebazpenak onetsi zuen Nafarroako Foru Komunitateko Administrazioaren eta haren erakunde autonomoen zerbitzuko administrazio publikoko teknikari (arlo ekonomikoa) izateko hogeita lau lanpostu oposizio bidez betetzeko deialdia (2018ko 38. Nafarroako Aldizkari Ofiziala, otsailaren 22koa). Deialdi haren 8. oinarriak ezartzen duena betez, oposizioaren kalifikazio epaimahaiak ondoren aipatzen diren izangaien aldeko izendapen-proposamena aurkeztu du: Cristina Arana Rey andrea eta Iranzu Soto Ortigosa andrea, igoera txandakoak; eta José Javier García Logroño jauna, Raquel Arteta Equiza andrea, Javier Arnedo Morrás jauna, Javier Quintana Lacalle jauna, Lidia Goicoechea López andrea, Nerea Fernández Estanga andrea, Mikel Merino García jauna, Artiz Barbería Herrero jauna eta Iñigo Fernández Lizarraga jauna, txanda irekikoak.
Deialdiaren 8.2 oinarrian ezarritakoa betez, proposatutako izangaiek 30 egun naturaleko epea izanen dute, proposamen hau Nafarroako Aldizkari Ofizialean argitaratu eta biharamunetik hasita, aipatu oinarrian aipatzen diren agiriak Nafarroako Gobernuko Erregistro Orokorraren bidez aurkezteko.
Iruñean, 2019ko azaroaren 20an.–Langileriaren Kudeaketako Zerbitzuko zuzendaria, María Pilar Goñi Muro.
Iragarkiaren kodea: F1916447
