1. NAFARROAKO FORU KOMUNITATEA
1.7. BESTELAKOAK
126/2020 EBAZPENA, maiatzaren 11koa, Hezkuntzako zuzendari nagusiaren maiatzaren 10eko 263/2019 Ebazpena aldatzen duena. Ebazpen horren bidez, jarraibideak eman ziren 2019-2020 ikasturteko eskola egutegia eta ordutegi orokorra prestatzeko Nafarroako Foru Komunitateko Haur Hezkuntzako bigarren zikloan, Lehen Hezkuntzan, Hezkuntza Berezian, Derrigorrezko Bigarren Hezkuntzan eta Batxilergoan ikasketa arautuak ematen dituzten ikastetxeetarako.
COVID19 koronabirusaren bilakaerak sortutako egoerak neurri bereziak ezarri beharra eragin du, eta hala egitea arautu da martxoaren 14ko 463/2020 Errege Dekretuan arautu direnak, COVID-19ak eragindako osasun krisia kudeatzeko alarma egoera deklaratzen duen horretan.
Aipatutako errege dekretuaren 9. artikuluak ezartzen duenaren arabera, hezkuntzaren eta prestakuntzarenheziketaren arloan, neurri horien ondorioa da hezkuntza jarduera presentziala bertan behera gelditzea ikastetxe guztietan eta hezkuntza etapa, ziklo, gradu, maila eta kurtso guztietan.
Horiek horrela, Hezkuntzako eta Lanbide Heziketako Ministerioak argitara eman du apirilaren 22ko EFP/365/2020 Agindua, 2019-2020 ikasturteko hirugarren hiruhilekoan eta 2020-2021 ikasturtearen hasieran jarduteko esparrua eta jarraibideak ematen dituena COVID-19ak eragindako krisiaren aurrean.
Jarduteko irizpide horiekin bat, Hezkuntza Departamentuak Nafarroako Foru Komunitaterako behar direnak ezarri zituen, 2020ko apirilaren 22an zenbait jarraibide emanez jarduera presentziala bertan behera gelditu ondorengo hezkuntza jarduerarako.
Era berean, hezkuntza jarduera berrantolatu denez, Hezkuntza Departamentuaren iritziz beharrezkoa da data batzuk aldatzea, 2019-2020 ikasturtearen bukaerako data esanguratsuenak alegia, Hezkuntzako zuzendari nagusiaren maiatzaren 10eko 263/2019 Ebazpenaren eraginpeko irakaskuntzetako batzuetan.
Antolamendu, Prestakuntza eta Kalitate Zerbitzuko zuzendariak txostena eman du, Hezkuntzako zuzendari nagusiaren maiatzaren 10eko 263/2019 Ebazpena aldatzearen aldekoa; ebazpen horren bidez, jarraibideak eman ziren 2019-2020 ikasturteko eskola egutegia eta ordutegi orokorra prestatzeko Nafarroako Foru Komunitateko Haur Hezkuntzako bigarren zikloan, Lehen Hezkuntzan, Hezkuntza Berezian, Derrigorrezko Bigarren Hezkuntzan eta Batxilergoan ikasketa arautuak ematen dituzten ikastetxeetarako.
Hezkuntza Departamentuaren egitura organikoa ezartzen duen urriaren 30eko 267/2019 Foru Dekretuak ematen dizkidan ahalmenak erabiliz,
EBAZTEN DUT:
1. Aldatzea Hezkuntzako zuzendari nagusiaren maiatzaren 10eko 263/2019 Ebazpenaren II. eranskina, “2019-2020 ikasturteko eskola egutegia eta ordutegi orokorra prestatzeko jarraibideak, Derrigorrezko Bigarren Hezkuntzari dagozkionak, Nafarroako Foru Komunitatean maila hori behin-behinekoz emanen duten Haur eta Lehen Hezkuntzako ikastetxe publikoetarako, herrian Haur eta Lehen Hezkuntzako ikastetxe publikoarekin batera diharduten Derrigorrezko Bigarren Hezkuntzako institutuetarako eta garraioa Lehen Hezkuntzako ikastetxearekin batera partekatzen duten Derrigorrezko Bigarren Hezkuntzako institutuetarako” izenekoa. Aipatutako ebazpenaren bidez jarraibideak eman ziren 2019-2020 ikasturteko eskola egutegia eta ordutegi orokorra prestatzeko Nafarroako Foru Komunitateko Haur Hezkuntzako bigarren zikloan, Lehen Hezkuntzan, Hezkuntza Berezian, Derrigorrezko Bigarren Hezkuntzan eta Batxilergoan ikasketa arautuak ematen dituzten ikastetxeetarako. Hau da aldaketa:
Bat.–Lehen puntuko (Egutegia) 2. klausulak testu hau izanen du:
“2. Ikastetxeek berariazko egutegi proposamen bat prestatu beharko dute, honako baldintza hauek betez:
a) Eskola egunen kopurua: 175, gutxienez ere.
b) Eskolen hasiera: irailaren 5ean edo 6an.
c) Eskolen bukaera: ekainaren 18an edo 19an. Azken hiru egunetan 2019-2020 ikasturteko deialdi bereziko azterketak eginen dira.
d) Hirugarren hiruhilekoaren bukaera, barnean direla bai ebaluazio saioak, bai notak ematea: maiatzaren 25era arte, hori barne. Proba guztiak egokitu beharko dira egoerara.
e) Ebaluazioen berreskuratzeak egitea, hiru hiruhilekoen errepasoa, amaierako ebaluazio arrunta (ebaluazio saioak eta gainditu gabekoenak barne) eta, azkenik, notak ematea: maiatzaren 26tik ekainaren 8ra arte. Proba guztiak egokitu beharko dira egoerara.
f) Amaierako ebaluazio berezia: ekainaren 8tik 19ra. Proba guztiak egokitu beharko dira egoerara. Deialdi arrunteko notak emateko azken egunetik deialdi bereziko azterketak hasteko zehaztutako egunera arteko aldia ikastetxeak antolatuko du azterketa horiek egin behar dituzten ikasleak behar bezala prestatzeko. Halaber, ikastetxeak errepasatzeko curriculum-jarduerak eginen ditu gainerako ikasleentzat egun horietan, hau da, azterketak prestatzeko eta egiteko egunetan.
g) Eskola egunetan ezin izanen dira eskolak eten kontrolak, probak edo azterketak egiteko.
h) Eguberrietako oporrak: abenduaren 21etik urtarrilaren 7ra arte, biak barne.
i) Aste Santuko oporrak: apirilaren 9tik 19ra bitarte, biak barne.
j) Jaiegunak, Nafarroako lan egutegi arruntaren arabera: urriaren 12a, azaroaren 1a, abenduaren 3a, abenduaren 6a, martxoaren 19a eta maiatzaren 1a. 2020ko lan egutegi arruntean eskola egutegiari eragiten dion beste jaiegunen bat egonez gero, ikastetxeek eskola egutegia egokituko dute, Antolamenduaren, Orientazioaren eta Aukera Berdintasunaren Zerbitzuak emanen dituen jarraibideekin bat.
k) Hezkuntzako zaindariaren jaieguna: azaroaren 27a. Ikastetxeek zilegi izanen dute egun hori aldatzea.
l) Herriko festa eguna, Nafarroako Foru Komunitateko herrietako festa egunak zehazten dituen arauaren arabera. Data hori eskola eguna ez den egun batean egokitzen denean, ikastetxeak beste egun bat hautatzen ahalko du.
m) Ikastetxeak erabakitako eskola egunez gainerako egunak, aurreko ataletan jaiegun gisa finkatu ez direnak, eskolarik gabeko lanegunak izanen dira, gehienez ere 5 egun, eskolak hasten direnetik amaitzen diren arte.
n) Ezin izanen dira erabili k), l) eta m) letretan aipatzen diren egunak Eguberrietako eta Aste Santuko oporraldiak luzatzeko.
2. Aldatzea Hezkuntzako zuzendari nagusiaren maiatzaren 10eko 263/2019 Ebazpenaren III. eranskina, “2019-2020 ikasturteko eskola egutegia eta ordutegi orokorra prestatzeko jarraibideak Nafarroako Foru Komunitateko Derrigorrezko Bigarren Hezkuntzako gainerako institutuetan emanen den Derrigorrezko Bigarren Hezkuntzarako eta Bigarren Hezkuntzako ikastetxe pribatuetarako eta institutuetarako” izenekoa. Aipatutako ebazpenaren bidez jarraibideak eman ziren 2019-2020 ikasturteko eskola egutegia eta ordutegi orokorra prestatzeko Nafarroako Foru Komunitateko Haur Hezkuntzako bigarren zikloan, Lehen Hezkuntzan, Hezkuntza Berezian, Derrigorrezko Bigarren Hezkuntzan eta Batxilergoan ikasketa arautuak ematen dituzten ikastetxeetarako. Hau da aldaketa:
Bat.–Lehen puntuko (Egutegia) 2. klausulak testu hau izanen du:
“2. Ikastetxeek berariazko egutegi proposamen bat prestatu beharko dute, honako baldintza hauek betez:
a) Eskola egunen kopurua: 175, gutxienez ere.
b) Eskolen hasiera: irailaren 5ean edo 6an.
c) Eskolen bukaera: ekainaren 18an edo 19an. Azken hiru egunetan 2019-2020 ikasturteko deialdi bereziko azterketak eginen dira.
d) Hirugarren hiruhilekoaren bukaera, barnean direla bai ebaluazio saioak, bai notak ematea: maiatzaren 25era arte, hori barne. Proba guztiak egokitu beharko dira egoerara.
e) Ebaluazioen berreskuratzeak egitea, hiru hiruhilekoen errepasoa, amaierako ebaluazio arrunta (ebaluazio saioak eta gainditu gabekoenak barne) eta, azkenik, notak ematea: maiatzaren 26tik ekainaren 8ra arte. Proba guztiak egokitu beharko dira egoerara.
f) Amaierako ebaluazio berezia: ekainaren 8tik 19ra. Proba guztiak egokitu beharko dira egoerara. Deialdi arrunteko notak emateko azken egunetik deialdi bereziko azterketak hasteko zehaztutako egunera arteko aldia ikastetxeak antolatuko du azterketa horiek egin behar dituzten ikasleak behar bezala prestatzeko. Halaber, ikastetxeak errepasatzeko curriculum-jarduerak eginen ditu gainerako ikasleentzat egun horietan, hau da, azterketak prestatzeko eta egiteko egunetan.
g) Eskola egunetan ezin izanen dira eskolak eten kontrolak, probak edo azterketak egiteko.
h) Eguberrietako oporrak: abenduaren 21etik urtarrilaren 7ra arte, biak barne.
i) Aste Santuko oporrak: apirilaren 9tik 19ra bitarte, biak barne.
j) Jaiegunak, Nafarroako lan egutegi arruntaren arabera: urriaren 12a, azaroaren 1a, abenduaren 3a, abenduaren 6a, martxoaren 19a eta maiatzaren 1a. 2020ko lan egutegi arruntean eskola egutegiari eragiten dion beste jaiegunen bat egonez gero, ikastetxeek eskola egutegia egokituko dute, Antolamenduaren, Orientazioaren eta Aukera Berdintasunaren Zerbitzuak emanen dituen jarraibideekin bat.
k) Hezkuntzako zaindariaren jaieguna: urtarrilaren 28a. Ikastetxeek zilegi izanen dute egun hori aldatzea.
l) Herriko festa eguna, Nafarroako Foru Komunitateko herrietako festa egunak zehazten dituen arauaren arabera. Data hori eskola eguna ez den egun batean egokitzen denean, ikastetxeak beste egun bat hautatzen ahalko du.
m) Ikastetxeak erabakitako eskola egunez gainerako egunak, aurreko ataletan jaiegun gisa finkatu ez direnak, eskolarik gabeko lanegunak izanen dira, gehienez ere 5 egun, eskolak hasten direnetik amaitzen diren arte.
n) Ezin izanen dira erabili k), l) eta m) letretan aipatzen diren egunak Eguberrietako eta Aste Santuko oporraldiak luzatzeko.”
3. Aldatzea Hezkuntzako zuzendari nagusiaren maiatzaren 10eko 263/2019 Ebazpenaren IV. eranskina, “Nafarroako Foru Komunitatean Batxilergoari dagozkion eskola egutegia eta ordutegi orokorra prestatzeko jarraibideak, 2019-2020 ikasturterako” izenekoa. Aipatutako ebazpenaren bidez jarraibideak eman ziren 2019-2020 ikasturteko eskola egutegia eta ordutegi orokorra prestatzeko Nafarroako Foru Komunitateko Haur Hezkuntzako bigarren zikloan, Lehen Hezkuntzan, Hezkuntza Berezian, Derrigorrezko Bigarren Hezkuntzan eta Batxilergoan ikasketa arautuak ematen dituzten ikastetxeetarako. Hau da aldaketa:
Bat.–Lehen puntuko (Egutegia) 2. klausulak testu hau izanen du:
“2. Ikastetxeek berariazko egutegi proposamen bat prestatu beharko dute, honako baldintza hauek betez:
a) Eguberrietako oporrak: abenduaren 21etik urtarrilaren 7ra arte, biak barne.
b) Aste Santuko oporrak: apirilaren 9tik 19ra bitarte, biak barne.
c) Jaiegunak, Nafarroako lan egutegi arruntaren arabera: urriaren 12a, azaroaren 1a, abenduaren 3a, abenduaren 6a, martxoaren 19a eta maiatzaren 1a. 2020ko lan egutegi arruntean eskola egutegiari eragiten dion beste jaiegunen bat egonez gero, ikastetxeek eskola egutegia egokituko dute, Antolamenduaren, Orientazioaren eta Aukera Berdintasunaren Zerbitzuak emanen dituen jarraibideekin bat.
d) Hezkuntzako zaindariaren jaieguna: urtarrilaren 28a. Ikastetxeek zilegi izanen dute egun hori aldatzea.
e) Herriko festa eguna, Nafarroako Foru Komunitateko herrietako festa egunak zehazten dituen arauaren arabera. Data hori eskola eguna ez den egun batean egokitzen denean, ikastetxeak beste egun bat hautatzen ahalko du.
f) Ikastetxeak erabakitako eskola egunez gainerako egunak, aurreko ataletan jaiegun gisa finkatu ez direnak, eskolarik gabeko lanegunak izanen dira, gehienez ere 5 egun, eskolak hasten direnetik amaitzen diren arte.
g) Ezin izanen dira erabili d), e) eta f) letretan aipatzen diren egunak Eguberrietako eta Aste Santuko oporraldiak luzatzeko.
h) Abenduaren 20an eta apirilaren 8an goizez bakarrik izanen da eskola.
i) Hezkuntza maila bat baino gehiago ematen duten ikastetxeek egun bakar batean bateratzen ahalko dituzte hezkuntza maila ezberdinei dagozkien zaindarien jaiegunak, baina ez dituzte inolaz ere ezarriko zaindarien jaiegun guztiak ikasle guztientzat.
j) Eskola egunetan ezin izanen dira eskolak eten kontrolak, probak edo azterketak egiteko.”
Bi.–Lehen puntuko (Egutegia) 3. klausulak testu hau izanen du:
“3. Horrez gain, egutegirako berariazko proposamenak baldintza hauek bete beharko ditu, ikasmailaren arabera:
–Batxilergoko lehen maila:
k) Eskola egunen kopurua: 175, gutxienez ere.
l) Eskolen hasiera: irailaren 5ean edo 6an.
m) Eskolen bukaera: ekainaren 18an edo 19an. Azken hiru egunetan 2019-2020 ikasturteko deialdi bereziko azterketak eginen dira.
n) Hirugarren hiruhilekoaren bukaera, barnean direla bai ebaluazio saioak, bai notak ematea: maiatzaren 25era arte, hori barne. Proba guztiak egokitu beharko dira egoerara.
ñ) Ebaluazioen berreskuratzeak egitea, hiru hiruhilekoen errepasoa, amaierako ebaluazio arrunta (ebaluazio saioak eta gainditu gabekoenak barne) eta, azkenik, notak ematea: maiatzaren 26tik ekainaren 8ra arte. Proba guztiak egokitu beharko dira egoerara.
o) Amaierako ebaluazio berezia: ekainaren 8tik 19ra. Proba guztiak egokitu beharko dira egoerara. Deialdi arrunteko notak emateko azken egunetik deialdi bereziko azterketak hasteko zehaztutako egunera arteko aldia ikastetxeak antolatuko du azterketa horiek egin behar dituzten ikasleak behar bezala prestatzeko. Halaber, ikastetxeak errepasatzeko curriculum-jarduerak eginen ditu gainerako ikasleentzat egun horietan, hau da, azterketak prestatzeko eta egiteko egunetan.
–Batxilergoko bigarren maila:
p) Eskolen hasiera: irailaren 5a.
q) Deialdi arrunteko azterketak egiteko azken eguna: ekainaren 5a. Egun horretara arte, eskola eguntzat joko dira Batxilergoko 1. mailarako halakotzat jotzen diren berberak.
r) Batxilergoko 2. mailako deialdi bereziko azterketak egiteko egunak: ekainaren 24a, 25a eta 26a. Ikastetxeek data horiek malgutasunez hartzen ahal badituzte ere, kontuan izan behar da ikasleei notak ekainaren 26an eman behar zaizkiela.
s) Ekainaren 8tik 18ra arteko aldia ikastetxeak antolatuko du, Batxilergoko 2. mailako deialdi bereziko azterketak eta Unibertsitatean Sartzeko Ebaluaziokoak egin behar dituzten ikasleak behar bezala prestatzeko.
t) Unibertsitatean Sartzeko Ebaluazioaren deialdi arruntean parte hartuko dutenen dokumentazioa NUPen aurkezteko azken eguna: ekainaren 12a.
u) Unibertsitatean Sartzeko Ebaluazioaren deialdi arrunteko probak egiteko egunak: ekainaren 24a, 25a eta 26a.
v) Unibertsitatean Sartzeko Ebaluazioaren deialdi berezian parte hartuko dutenen dokumentazioa NUPen aurkezteko azken eguna: Uztailaren 15a.
w) Unibertsitatean Sartzeko Ebaluazioaren deialdi bereziko probak egiteko egunak: Uztailaren 21a, 22a eta 23a.”
4. Ebazpen honen aurka gora jotzeko errekurtsoa jar daiteke, Hezkuntzako kontseilariari zuzendua, alarma egoeraren deklarazioa bukatu eta hurrengo egunetik hasita hilabeteko epean.
5. Ebazpen hau igortzea Lanbide Heziketaren Zuzendaritza Nagusira, Antolamendu, Prestakuntza eta Kalitate Zerbitzura eta Ikastetxeetako Informazioa Kudeatzeko Bulegora, behar diren ondorioak izan ditzan.
6. Ebazpen hau Nafarroako Aldizkari Ofizialean argitaratzea.
Iruñean, 2020ko maiatzaren 11n.–Hezkuntzako zuzendari nagusia, Gil Sevillano González.
Iragarkiaren kodea: F2004905
