1. NAFARROAKO FORU KOMUNITATEA
1.5. ESTATUTUAK ETA LAN HITZARMEN KOLEKTIBOAK
19C/2019 EBAZPENA, otsailaren 19koa, Politika Ekonomiko eta Enpresarialaren eta Lanaren zuzendari nagusiak emana. Horren bidez erabakitzen da Nafarroako Lan Harremanei buruzko Sektore arteko Akordioaren Berrikuspena erregistratzea, gordetzea eta Nafarroako Aldizkari Ofizialean argitaratzea.
Aztertu da Lan Harremanei buruzko Sektore arteko Akordioaren Berrikuspena (kode zenbakia: 31100015092013), erregistro honetan sartu zena 2019ko urtarrilaren 29an, Nafarroako Enpresarien Konfederazioak eta UGT eta CCOO sindikatuek sinatua 2018ko urriaren 18an, honako hauetan ezarritakoarekin bat: 2/2015 Legegintzako Errege Dekretuaren, urriaren 23koaren, Langileen Estatutuari buruzko Legearen testu bategina onesten duenaren, 90. artikuluaren 2. eta 3. apartatuak; eta 713/2010 Errege Dekretua, maiatzaren 28koa, Hitzarmen Kolektiboen Erregistro eta Gordailuei buruzkoa. Horrenbestez,
EBAZTEN DUT:
1. Nafarroako Lan Hitzarmen eta Akordio Kolektiboen Erregistroan inskribatzeko agintzea.
2 Nafarroako Aldizkari Ofizialean argitaratzeko agintzea, orok jakin dezan.
Iruñean, 2019ko otsailaren 19an.–Politika Ekonomiko eta Enpresarialaren eta Lanaren zuzendari nagusia, Izaskun Goñi Razquin.
Lan Harremanei buruzko Nafarroako Sektore arteko Akordioaren Berrikuspena (PDFa).
Iragarkiaren kodea: F1903013
