1. NAFARROAKO FORU KOMUNITATEA
1.7. BESTELAKOAK
716/2019 EBAZPENA, urriaren 28koa, Lehendakaritzako eta Gobernu Irekiko zuzendari nagusiak emana, zeinaren bidez xedatzen baita Nafarroako Aldizkari Ofizialean argitaratzea Estatuko Administrazio Orokorraren eta Nafarroako Foru Komunitatearen arteko Lankidetza Batzordearen Erabakia, Nafarroako Foru Komunitatean familia gurasobakarrak egiaztatzeari buruzko otsailaren 7ko 5/2019 Foru Legearen gainekoa.
Aintzat hartuz Konstituzio Auzitegiari buruzko urriaren 3ko 2/1979 Lege Organikoaren 33. artikulua, urtarrilaren 7ko 1/2000 Lege Organikoak aldatu zuena,
EBAZTEN DUT:
Estatuko Administrazio Orokorraren eta Nafarroako Foru Komunitatearen arteko Lankidetza Batzordearen 2019ko urriaren 10eko Erabakia, ebazpen honi eranskin gisa gehitu zaiona, Nafarroako Aldizkari Ofizialean argitara dadila xedatzea.
Iruñean, 2019ko urriaren 28an.–Lehendakaritzako eta Gobernu Irekiko zuzendari nagusia, Joseba Asiain Albisu.
ERABAKIA, ESTATUKO ADMINISTRAZIO OROKORRAREN ETA NAFARROAKO FORU KOMUNITATEAREN ARTEKO LANKIDETZA BATZORDEARENA, NAFARROAKO FORU KOMUNITATEAN FAMILIA GURASOBAKARRAK EGIAZTATZEARI BURUZKO OTSAILAREN 7KO 5/2019 FORU LEGEAREN GAINEKOA
Estatuko Administrazio Orokorraren eta Nafarroako Foru Komunitatearen arteko Aldebiko Lankidetza Batzordeak erabaki hau hartu du:
1. Estatuko Administrazio Orokorraren eta Nafarroako Foru Komunitatearen arteko Aldebiko Lankidetza Batzordearen Erabakiaren bidez lantalde bat sortu zen Nafarroako Foru Komunitatean familia gurasobakarrak egiaztatzeari buruzko otsailaren 7ko 5/2019 Foru Legea dela-eta sorturiko desadostasunak aztertzeko eta konponbiderako proposamen bat aurkezteko. Lantalde horretan izandako negoziazioekin bat, bi alderdien iritziz konponduta daude desadostasun horiek, konpromiso hau hartuta:
a) 5/2019 Foru Legearen 2. artikulua dela-eta sortutako auziari dagokionez, Nafarroako Foru Komunitateko Gobernuak hitz ematen du legegintzako ekimen bat sustatuko duela guraso bakarreko familia izaera edo gurasobakartasun egoera aitortzeko eskakizun bat aldatzeko, honako hau: Nafarroako Foru Komunitatean, benetan eta etenik gabe, gutxienez urtebete bizitzen eramatea. Aldaketaren ondorioz, epe laburrago bat ezarriko da, urte erditik gorakoa. Izan ere, epe berri hori nahikotzat jotzen da laguntzak jasotzeko lege-iruzurrak saihesteko; hori guztia Espainiako Konstituzioaren 139.1 artikuluarekin bat.
b) 5/2019 Foru Legearen 12. artikulua dela-eta sortutako auziari dagokionez, bi alderdiak ados daude agindu hori honela interpretatzeko: aginduak eragindako zergak dira, araugintzari dagokionez, Nafarroako Foru Komunitatearen eskumenean daudenak Hitzarmen Ekonomikoan ezarritakoaren arabera. Horrela, Nafarroako Foru Komunitateak bere gain hartzen du legegintzako ekimen bat sustatzeko konpromisoa, artikulu hori aldatzeko zehaztapena sartzearren.
2. Lortutako akordioaren bitartez, bi alderdiek uste dute konpondu direla agertutako desadostasunak eta bukatu dela azaldutako auzia.
3. Erabaki hau Konstituzio Auzitegiari jakinaraztea, Konstituzio Auzitegiari buruzko urriaren 3ko 2/1979 Lege Organikoaren 33.2 artikuluan aurreikusitako ondorioetarako, eta erabaki hau Estatuko Aldizkari Ofizialean eta Nafarroako Aldizkari Ofizialean argitaratzea.
Iragarkiaren kodea: F1913661
