1. NAFARROAKO FORU KOMUNITATEA
1.7. BESTELAKOAK
JENDAURREKO INFORMAZIOA. Ingurumen baimen integratua berraztertzeko espedientea, Graftech Iberica SLk sustatua.
Kutsaduraren prebentzio eta kontrol integratuei buruzko Legea garatzeko industriako emisioei buruzko Erregelamenduaren 15. artikuluan (urriaren 18ko 815/2013 Errege Dekretuak onetsia) xedatutakoa betez, aditzera ematen da aipatu espedientearen dokumentazioa jendaurrean egonen dela hogeita hamar egun balioduneko epean, iragarki hau Nafarroako Aldizkari Ofizialean argitaratzen denetik hasita, Landa Garapeneko eta Ingurumeneko Departamentuko bulegoetan (Gonzalez Tablas kalea 9, beheko solairua, Iruña), jendea hartzeko orduetan (08:30etik 14:30era arte), edozein pertsona fisikok edo juridikok azter dezan eta, nahi izanez gero, alegazioak aurkez ditzan aipatu hogeita hamar egun balioduneko epean.
Espedientearen kodea | 0001-0052-2019-000001 |
Instalazioa | Grafito artifiziala eta bigarren mailako beste produktu batzuen fabrikazioa |
Sailkapena | 4/2005 Foru Legea, martxoaren 22koa | 2A / 11 |
1/2016 ELD, abenduaren 16koa | 11.1 |
2010/75/EB Zuzentaraua, azaroaren 24koa | 6.8 |
21/2013 Legea, abenduaren 9koa | II. eranskina |
Titularra | Graftech Iberica SL |
Kokapena | Asteraingo errepidea z.g., 3. poligonoko 448. lurzatia - Ororbia |
Koordenatuak | UTM-ETRS89, ardatza: 30N, X: 602.818,501 eta Y: 4.740.806,717 |
Udalerria | Oltza Zendea |
Proiektua | TEOri buruzko ondorioen gaineko 2016/1032 Betearazpen Erabakiari (EB) egokitzeko baimena emateko baldintzen berrikustea |
Informazioa eskatzeko organoa | Baimen Bulegoa. autprema@navarra.es |
Alegazioak aurkezteko organoa | Baimen Bulegoa. Alegazioak bide hauek erabiliz aurkezten ahalko dira: –Aurrez aurre: Nafarroako Gobernuaren erregistro bulegoak. –Telematika bidez: Nafarroako Atarian dagoen Erregistro Orokor Elektronikoaren bitartez (www.nafarroa.eus). –Administrazio Publikoen Administrazio Prozedura Erkideari buruzko urriaren 1eko 39/2015 Legearen 16.4 artikuluan ezarritako gainontzeko bideetako edozein erabiliz. |
Iruñean, 2019ko urriaren 24an.–Ekonomia Zirkularraren eta Uraren Zerbitzuko zuzendaria, César Pérez Martín.
Iragarkiaren kodea: F1913557