203. ALDIZKARIA - 2019ko urriaren 14a

1. NAFARROAKO FORU KOMUNITATEA

1.7. BESTELAKOAK

595/2019 EBAZPENA, irailaren 19koa, Lehendakaritzako eta Gobernu Irekiko zuzendari nagusiak emana, zeinaren bidez xedatzen baita Nafarroako Aldizkari Ofizialean argitaratzea Estatuko Administrazio Orokorraren eta Nafarroako Foru Komunitatearen arteko Lankidetza Batzordearen Erabakia, Nafarroako 2019ko Aurrekontu Orokorrei buruzko abenduaren 24ko 27/2018 Foru Legearen gainekoa.

Aintzat hartuz Konstituzio Auzitegiari buruzko urriaren 3ko 2/1979 Lege Organikoaren 33. artikulua, urtarrilaren 7ko 1/2000 Lege Organikoak aldatu zuena,

EBAZTEN DUT:

Estatuko Administrazio Orokorraren eta Nafarroako Foru Komunitatearen arteko Lankidetza Batzordearen 2019ko irailaren 9ko Erabakia, ebazpen honi eranskin gisa gehitua, Nafarroako Aldizkari Ofizialean argitara dadila xedatzea.

Iruñean, 2019ko irailaren 19an.–Lehendakaritzako eta Gobernu Irekiko zuzendari nagusia, Joseba Asiain Albisu.

ESTATUKO ADMINISTRAZIO OROKORRAREN ETA NAFARROAKO FORU KOMUNITATEAREN ARTEKO LANKIDETZA BATZORDEAREN ERABAKIA, NAFARROAKO 2019KO AURREKONTU OROKORREI BURUZKO ABENDUAREN 24KO 27/2018 FORU LEGEAREN GAINEAN

Estatuko Administrazio Orokorraren eta Nafarroako Foru Komunitatearen arteko Lankidetza Batzordeak erabaki hau hartu du:

1. Estatuko Administrazio Orokorraren eta Nafarroako Foru Komunitatearen arteko Lankidetza Batzordearen Erabakiak ezartzen duena betetzeko lan talde bat eratu zen, Nafarroako 2019ko Aurrekontu Orokorrei buruzko abenduaren 24ko 27/2018 Foru Legearen azken xedapenetan zazpigarrenari buruz eskumenak direla-eta sortutako desadostasunak aztertu, eta konponbidea proposatzeko. Lan talde horrek egin zituen aldez aurretiko negoziazioak direla-eta, bi alderdien iritziz konponduta daude desadostasun horiek, konpromiso hauetan oinarrituta:

a) 27/2018 Legearen azken xedapenetan zazpigarrenari dagokionez, Foru Komunitateko Gobernuak konpromisoa hartzen du xedapen horrek aintzat hartzen duen ordutegi-prestasuneko lansaria ez dela aplikatuko 2019an, eta aplikazioa erregelamenduz garatuko dela; erregelamendua oinarrizko legerian baimendutako lansari-gehikuntzei egokituko zaie, eta lansari-kontzeptu hori finantzatuko da 24/2018 Errege Lege Dekretu horren 3.Bi artikuluak baimentzen dituen ehuneko maximoen kontura, batez ere aipatu oinarrizko arauaren laugarren paragrafoak aipatzen duen funts gehigarriaren kontura, edo arau hau ordezkatzen duen eta aplikatzekoa den arauaren kontura.

2. Bi alderdiak ados jarri direnez, bat datoz adieraztean konpondutzat jotzen dituztela agertutako desadostasunak eta, beraz, amaitutzat ematen dute eztabaida.

3. Erabaki hau Konstituzio Auzitegiari jakinaraztea, Konstituzio Auzitegiari buruzko urriaren 3ko 2/1979 Lege Organikoaren 33.2 artikuluan aurreikusitako ondorioetarako, eta Erabaki hau Estatuko Aldizkari Ofizialean eta Nafarroako Aldizkari Ofizialean argitaratzea.

Iragarkiaren kodea: F1912503