1. NAFARROAKO FORU KOMUNITATEA
1.3. LURRALDEAREN ANTOLAMENDUA ETA HIRIGINTZA
ENTZUNALDIA EMATEA lurzoru urbanizaezinean baimentzen ahal diren jarduera hauei buruz interesa dutenei: 2013ko ekainaren 16tik 2015eko ekainaren 16ra baimendu diren eta gaur arte gauzatu ez direnei buruz.
Lurraldearen Antolamenduari eta Hirigintzari buruzko Foru Legearen testu bategina onesten duen uztailaren 26ko 1/2017 Legegintzako Foru Dekretuak ez du ezer esaten lehenagoko araudiaren arabera baimendutako lurzoru urbanizaezinean baimentzen ahal diren jarduera hauei buruz: aipatu foru dekretuak indarra hartu zuenean gauzatzeko epea amaitu gabe zeukatenei buruz, eta zehatzago esateko, 2013ko ekainaren 16tik 2015eko ekainaren 16ra baimendu zirenei buruz; haientzat ez du indarrik bigarren xedapen iragankorrak ezartzen duen berariazko iraungipen-aitorpena, oraindik ez zelako igaro aipatu epea baimena eman zenetik. Baimen hauek gauzatu ez diren kasuetan, baimenen ondorioak ezin daitezke agortutzat jo, horretarako beharrezkoa baita departamentuaren berariazko aitorpena eta interesdunari entzunaldia ematea, baimen horiek arautu zituen 35/2002 Foru Legearen hasierako testuak ezartzen zuenarekin bat.
Honi buruzko edozein zalantza uxatzeko, eta baimen horien indarraldiari amaiera emateko, aipatu 5/2015 Foru Legeak lurzoru urbanizaezinean baimentzen ahal diren gainerako jardueren kasuan ezartzen duen bezala, Ingurumeneko eta Lurraldearen Antolamenduko Zuzendaritza Nagusiak tramiteak hasi ditu 2013ko ekainaren 16tik 2015eko ekainaren 16ra baimendu ziren eta gaur arte gauzatu ez diren lurzoru urbanizaezinean egitekoak ziren jardunen baimenen iraungipena aitortzeko. Lurraldearen Antolamenduari eta Hirigintzari buruzko abenduaren 20ko 35/2002 Foru Legearen 117.3 artikuluak ezartzen dituen arauekin bat eginez, baimenok lege horren arabera eman baitziren, bi hilabeteko entzunaldia zabaltzen da, baimen horiei buruz interesa dutenek zilegi jotzen dituzten alegazioak egin ditzaten beren interesen defentsaren alde.
Iruñean, 2018ko azaroaren 20an.–Lurralde eta Paisaia Zerbitzuko zuzendaria, Carmen Ursúa Sesma.
Iragarkiaren kodea: F1814280
