45. ALDIZKARIA - 2017ko martxoaren 6a

1. NAFARROAKO FORU KOMUNITATEA

1.2. AGINTARIAK ETA LANGILEAK

1.2.2. Oposizioak eta lehiaketak. Lan publikoaren eskaintza

471/2017 EBAZPENA, otsailaren 20koa, Funtzio Publikoko zuzendari nagusiak emana, Nafarroako Foru Komunitateko Administrazioaren eta haren erakunde autonomoen zerbitzuko ogasuneko teknikari izateko hamar lanpostu oposizio bidez betetzeko deialdia onesten duena.

Ekainaren 29ko 44/2016 Foru Dekretuaren bidez (2016ko 139. Nafarroako Aldizkari Ofizialean argitaratua, uztailaren 19koan), Nafarroako Foru Komunitateko Administrazioaren eta haren erakunde autonomoen 2016ko enplegu publikoaren eskaintza onetsi da. Bertan ogasuneko teknikari izateko 10 lanpostu huts onetsi dira, funtzionario araubidekoak eta A mailakoak.

Ondoren, Funtzio Publikoko zuzendari nagusiaren urtarrilaren 23ko 130/2017 Ebazpenaren bitartez, Nafarroako Foru Komunitateko Administrazioaren eta haren erakunde autonomoen zerbitzuko ogasuneko teknikari izateko 11 lanpostu huts lekualdatze lehiaketa bidez betetzeko deialdia onetsi da.

Lekualdatze lehiaketa tramitazioan dagoenez gero, lekualdatze lehiaketa horretan bete gabe gelditzen diren lanpostuak izanen dira deialdi honetan bete beharreko hamarrak.

Aurrekoa kontuan harturik, bidezkoa da Nafarroako Foru Komunitateko Administrazioaren eta haren erakunde autonomoen zerbitzuko ogasuneko teknikari izateko 10 lanpostu sarrera prozedura eta oposizio bidez betetzeko deialdia eta dagozkion oinarriak onestea.

Horrenbestez, eta otsailaren 21eko 30/2005 Foru Dekretuaren bidez esleiturik ditudan eskudantziak erabiliz,

EBATZI DUT:

1. Nafarroako Foru Komunitateko Administrazioaren eta haren erakunde autonomoen zerbitzuko ogasuneko teknikari izateko 10 lanpostu sarrera prozedura eta oposizio bidez betetzeko deialdia eta dagozkion oinarriak onestea.

2. Nafarroako Aldizkari Ofizialean argitara dadila agintzea, behar diren ondorioak izan ditzan.

3. Ebazpen hau jakinaraztea Langileen Kudeaketarako Zerbitzuari, Argibide eta Erregistro Bulegoari eta izendatutako epaimahaiko kideei, behar diren ondorioak izan ditzan.

Iruñean, 2017ko otsailaren 20an.–Funtzio Publikoko zuzendari nagusia, Amaia Goñi Lacabe.

OGASUNEKO TEKNIKARI IZATEKO HAMAR LANPOSTU OPOSIZIO BIDEZ BETETZEKO DEIALDIA

Hona hemen deialdiaren

OINARRIAK

1.–Deialdiaren xedea.

1.1. Deialdi honen xedea da ogasuneko teknikari izateko 10 lanpostu oposizio bidez betetzea. Lanpostuak funtzionarioen araubidekoak dira, A mailakoak eta Nafarroako Foru Komunitateko Administrazioaren eta haren erakunde autonomoen zerbitzukoak; zehazki, Funtzio Publikoko zuzendari nagusiaren urtarrilaren 23ko 130/2017 Ebazpenaren bidez deitutako lekualdatze lehiaketaren ondorioz bete gabe gelditzen diren lanpostuak eskainiko dira. Haien plantilla-zenbakiak eta destinoak lanpostu hutsak hautatzeko ekitaldia egin baino lehen zehaztuko dira.

1.2. Deialdiko 10 lanpostuak txanda hauetan banatuko dira:

–4 lanpostu, txanda irekian.

–3 lanpostu, berariazko igoera txandan, Nafarroako Ogasuneko kudeatzaile eta ikertzaile laguntzaileen lanpostuen titular direnentzat erreserbatuak.

–2 lanpostu, igoera txanda orokorrean.

–Lanpostu 1 erreserba txandan, %33ko edo hortik gorako desgaitasuna duten pertsonentzat.

1.3. Nafarroako Ogasuneko kudeatzaile eta ikertzaile laguntzaileen lanpostuen titularren berariazko igoera txandan gehiago badira probak gainditzen dituzten izangaiak txanda horretarako gorde diren lanpostu hutsak baino, probak gainditu bai baino lanposturik lortzen ez dutenek ezin izanen dituzte aukeratu igoera txanda orokorreko beste lanpostu hutsak, ez eta txanda irekiko lanpostu hutsak ere.

Berariazko igoera txanda horretan erreserbaturiko lanpostuetako batzuk betetzen ez badira, igoera txanda orokorrekoei gehituko zaizkie, lehenengoz, eta gero txanda irekikoei.

Bestalde, desgaitasunaren txandan, igoera txanda orokorrean edo txanda irekian lanpostu hutsak geratzen badira txanda horietako izangaiek ez dutelako lortu hautaprobak gainditzeko gutxieneko puntuazioa, lanpostu huts horiek gehitu ahalko zaizkio Nafarroako Ogasuneko kudeatzaile eta ikertzaile laguntzaile lanpostuen titularrentzako erreserbaturiko igoera txanda berariazkorako hasiera batean ezarritako lanpostuen kopuruari.

–Lanpostua desgaitasunaren txandan: lehenik eta behin, txanda irekikoei gehituko zaie; horretan izangai gaindituak baino lanpostu huts gehiago izanez gero, bete gabeko lanpostuak igoera txanda orokorrera pasatuko dira, eta, horretan izangai gaindituak baino lanpostu huts gehiago izanez gero, bete gabeko lanpostuak berariaz Nafarroako Ogasuneko kudeatzaile eta ikertzaile laguntzaileen lanpostuen titular direnentzat erreserbatutako igoera txandara pasatuko dira.

–Lanpostuak txanda irekian: kasu honetan, lehenengo eta behin, oposizioa gainditu eta beren txanda horretan lanposturik lortzen ez duten igoera txanda orokorreko izangaiek beteko dituzte lanpostu huts horiek eta, hori egin ondoren, lanpostu hutsik geratzen bada, berariazko igoera txandara gehituko dira.

–Lanpostuak igoera txanda orokorrean: lehenengo eta behin, berariazko igoera txandako kopuruari gehituko zaizkio eta, txanda horretan gainditzen duten izangaien kopurua lanpostu hutsena baino txikiagoa bada, soberako lanpostuak txanda irekikoei gehituko zaizkie.

1.4. Bestaldetik, desgaitasuna duten pertsonentzat gordetako txandan edo igoera txanda orokorrean, gainditu duten izangaiak hutsik dauden lanpostuak baino gehiago badira, txanda horietan lanpostuak eskuratzen ez dituztenek aukera izanen dute txanda irekiko lanpostu hutsak eskuratzeko, txanda horretako izangaiekin lehian eta eskuratutako azken puntuazioaren arabera.

Era berean, deialdiaren 7.2 oinarrian agiriak aurkezteko ezarritako epea bukatzen denean deialdiaren 2.1.2 oinarriko betebehar berariazkoak betetzen ez dituzten igoera txanda orokorreko izangaiek aukera izanen dute txanda irekiko lanpostuak eskuratzeko, aurreko lerroaldean adierazitako modu berean.

2.–Betebeharrak.

2.1. Oposizio honetan onartuak izateko, izangaiek honako betebehar hauek bete beharko dituzte:

2.1.1. Eskatzaile guztien betebeharrak:

a) Espainiako nazionalitatea izatea.

b) Hamasei urte beteak izatea eta erretiroa nahitaez hartzeko gehieneko adina gainditua ez izatea.

c) Lizentziadun, ingeniari, arkitekto edo graduko titulua edo baliokidea izatea, edo eskaerak aurkezteko epea bukatzen den egunean titulu hori eskuratzeko moduan egotea.

Atzerrian lortutako tituluak badira, homologazioaren egiaztagiria eduki beharko da.

d) Bete behar dituen eginkizunetan aritzeko behar den gaitasun fisiko eta psikikoa izatea.

e) Eginkizun publikoetan aritzeko ezgaitua edo gabetua ez izatea eta ezein administrazio publikoren zerbitzutik baztertua ez izatea.

2.1.2. Igoera txanda orokorreko izangaiek bete beharreko baldintza berariazkoak.

Txanda horretako izangaiek, aurreko atalean adierazitako betebeharrez gain, hauek ere bete beharko dituzte:

a) Nafarroako edozein administrazio publikotako langile finkoa izatea, edo Nafarroako Foru Komunitateari transferitutako Justizia Administrazioaren zerbitzuei atxikitako langile finkoa, eta abiapuntuko lanpostuan borondatezko edo nahitaezko eszedentzian ez egotea.

Nafarroako Administrazio Publikoen Zerbitzuko Langileen Estatutuaren zortzigarren xedapen gehigarrian ezarri dena aplikatuz, igoera txandan parte hartzeko baldintzak betetzen dituzten Nafarroako Parlamentuko funtzionarioek ere txanda horretan parte hartzen ahalko dute.

b) Deialdiko lanpostu hutsen maila berekoa edo apalagokoa izatea.

c) Administrazio publikoetan bost urteko antzinatasun aitortua izatea, Nafarroako Polizia Kidegoetako kideen kasuan izan ezik, horiek frogatu beharko baitute zortzi urtez benetan eman dituztela zerbitzuak kidego horietan.

2.1.3. 2007. urteko ekitaldirako Nafarroako Aurrekontu Orokorrei buruzko abenduaren 27ko 17/2006 Foru Legearen seigarren xedapen gehigarrian aipatzen den igoera txandako izangaientzako berariazko betebeharrak.

Nafarroako Ogasuneko kudeatzaile eta ikertzaile laguntzaileen lanpostu baterako izendatuak izan diren funtzionarioek bakarrik hartzen ahalko dute parte igoerako txanda honetan, oinarri honetako 2.1.1 eta 2.1.2 ataletan aipatzen diren betebeharrak betetzen badituzte.

2.1.4. Desgaitasuna duten pertsonen txandako izangaiek bete beharreko berariazko baldintzak:

Desgaitasunak dituzten pertsonen erreserbako txandako izangaiek, 2.1.1 atalean aipatzen diren betebeharrez gain, %33ko edo hortik goitiko desgaitasun bat izan beharko dute, ofizialki onartua.

2.2. Baldintza horiek eskaerak aurkezteko epea bukatu baino lehen bete beharko dira, lanpostuaren jabetza hartu arte.

Aurrekotik salbuetsita daude igoera txandako izangaiak, borondatezko eszedentzian edo nahitaezkoan ez egoteko baldintzari dagokionez. Izan ere, hura bete beharko da eskaerak aurkezteko epea bukatzen denean, bai eta deialdiaren 7.2 atalean agiriak aurkezteko aurreikusten den epetik lanpostuaz jabetzeko unera arte ere.

2.3. Izendapenerako proposatutako izangaiek frogatu beharko dute aurreko baldintzak betetzen dituztela, deialdiaren 7.2 atalean aurreikusten diren epean eta moduan, salbu eta 3.3 oinarriko 3. eta 4 puntuetan ezarritako dokumentazioa, deialdian parte hartzeko eskaerarekin batera aurkeztu beharko baita.

3.–Eskabideak aurkeztea eta tasak ordaintzea.

3.1. Tasak.

Azterketa eskubideengatik eta espedientea formalizatzeko, 41,60 euroko tasa ordaindu beharko da.

Honako hauek tasa ordaintzetik salbuetsita daude:

a) %33ko edo hortik gorako desgaitasun aitortua duten pertsonek.

b) Deialdia argitaratzen den egunerako lan eskatzaile gisa hilabete bat edo gehiago inskribaturik daramaten pertsonak. Salbuespen hori aplikatzeko baldintza izanen da inskribaturik egon diren bitartean eskainitako inolako lan egokiri uko egin ez izana eta lanbide sustapen, prestakuntza edo aldaketarako ekintzetan parte hartzeari uko egin ez izana, justifikaturiko kasuetan izan ezik, eta, horrez gainera, lanbide arteko gutxieneko soldatatik goitiko diru-sarrerarik ez izatea hilabetero.

Dokumentazio hau aurkeztu beharko da b) lerroaldeko salbuespena egiaztatzeko:

–Lan eskatzailea dela frogatzeko, behar den enplegu bulegoak emandako agiria aurkeztu beharko da. Bertan, lan eskatzaile gisa inskribatu zeneko data agertuko da, eta, orobat, adieraziko da inskribaturik egon den bitartean ez diola uko egin handik eskainitako inolako lan egokiri, ezta lanbide sustapen, prestakuntza edo moldaketarako ekintzetan parte hartzeari ere, justifikatutako kasuetan izan ezik.

–Interesdunaren aitorpenaren bidez frogatuko da ez duela hilero lanbide arteko gutxieneko soldatatik gorako diru-sarrerarik. Eredua Interneten bidez lor daiteke, www.navarra.es helbidean.

Tasa hori behar den bezala betetako ordainketa-gutunaren bidez ordaintzen ahalko da, Nafarroako Foru Komunitateko banku entitateetan. Interneten deialdiari buruz egiten den aipamenean, www.navarra.eus helbidean, “Menua” atalean, “Tramiteak” aukeratuta, ordainketa-gutunaren eredua dago.

Azterketa eskubideen tasa ordaintzen ez bada, izangaia baztertu eginen da.

Azterketa eskubideen tasa ordaintzeak ez du inola ere aldatuko eskabidea behar den epean eta moduan aurkeztu beharra.

3.2. Eskaerak.

Eskabideak deialdi honen eranskineko ereduari lotu behar zaizkio eta, haietan, izangaiek adierazi beharko dute eskatutako baldintza guztiak betetzen dituztela. Eskabide eredua Interneten bidez eskuratzen ahalko da, www.navarra.eus helbidean, bai deialdia argitaratzen duen aldizkari ofizialetik, bai “Menua” atalean, “Tramiteak” aukeratuta, deialdiari buruz dagoen aiputik abiatuta.

Deialdian parte hartzeko eskabideak hura Nafarroako Aldizkari Ofizialean argitaratu eta, biharamunetik hasita, hogeita hamar egun naturaleko epean aurkeztu beharko dira. Eskaerak aurkezteko epea luzaezina da.

Eskabideak aurkezteko, baliabide hauetako edozein erabil daiteke:

A) Aurrez aurre.

Deialdian parte hartzeko eskabideak Nafarroako Gobernuko Erregistro Orokorrean (Karlos III.aren etorbidea, 2, 31002 Iruña) edo Nafarroako Gobernuaren gainerako erregistro bulegoetako edozeinetan aurkeztu beharko dira, edo, bestela, Administrazio Publikoen Administrazio Prozedura Erkideari buruzko urriaren 1eko 39/2015 Legearen 16. artikuluan adierazitako bideetakoren bat erabiliz.

Eskabidea posta bulegoan aurkeztea aukeratuz gero, gutun-azalak irekita egon beharko du, postetxeko langileek data eta zigilua jar diezazkioten, ziurtatu eta Nafarroako Gobernuaren Erregistro Orokorrera (Karlos III.aren etorbidea, 2, 31002 Iruña) igorri aurretik.

B) Nafarroako Foru Komunitateko Administrazioaren Erregistro Orokor Elektronikoan, Nafarroako Gobernuaren web ataritik abiatuta (www.navarra.es).

3.3. Aurkeztu beharreko agiriak.

Bat.–Eskabidea, deialdiaren I. eranskinean dagoen ereduaren araberakoa.

Bi.–Espedientea formalizatzeko eta azterketa eskubideengatik tasa ordaindu izanaren frogagiria, edo, hala badagokio, ordaindu beharretik salbuetsita dagoela frogatzen duen agiria.

Hiru.–Deialdian igoera txandan parte hartu nahi duten izangaiek, lehengoaz gainera, deialdi honen 2.1.2 oinarrian jasotzen diren betebeharrak betetzen dituztela frogatzen duen agiria gehitu beharko diote eskabideari, baldin eta Nafarroako Foru Komunitateko Administrazioa ez den Nafarroako beste administrazio publikoren bateko langile finkoak edo Nafarroako Foru Komunitateari eskualdatutako Justizia Administrazioko zerbitzuei atxikitako langile finkoak badira.

Lau.–%33ko desgaitasuna edo hortik gorakoa duten izangaiek, hura frogatzeko, ondoko agirietako bat aurkeztu behar dute:

–IMSERSOk edo autonomia erkidegoan eskumena duen organoak emandako ziurtagiria.

–Gizarte Segurantzako Institutu Nazionalaren ebazpena, prestazio bat jasotzeko eskubidea onartzen diona hauetakoren bat izateagatik: ezintasun iraunkor osoa, ezintasun iraunkor absolutua edo baliaezintasun handia.

Desgaitasuna duten izangaiek probak egiteko denboren eta baliabideen egokitzapenak eskatzeko, hala adierazi beharko dute eskabidean, eta aparteko orri batean azaldu beharko dute nolako desgaitasuna duten eta zein egokitzapen eskatzen duten. Egokitzapenaren eskabide eredua Interneten bidez eskuratzen ahalko da, www.navarra.eus helbidean, “Menua” atalean, “Tramiteak” aukeratuta, deialdiari buruz dagoen aiputik abiatuta.

4.–Izangaien onarpena.

4.1. Eskaerak aurkezteko epea bukaturik, Funtzio Publikoko zuzendari nagusiak ebazpena emanen du izangai onartuen eta baztertuen behin-behineko zerrenda onesteko, eta Nafarroako Aldizkari Ofizialean argitara dadila aginduko du.

4.2. Izangai baztertuek hamar egun balioduneko epea izanen dute, behin-behineko zerrenda Nafarroako Aldizkari Ofizialean argitaratzen denetik, erreklamazioak aurkezteko eta, akatsik egin badute, haiek zuzentzeko.

4.3. Erreklamazioak aurkezteko epea bete eta haiek ebatzita, Funtzio Publikoko zuzendari nagusiak onartuen eta baztertuen behin betiko zerrenda onesteko ebazpena emanen du, eta Nafarroako Aldizkari Ofizialean argitaratzeko aginduko.

4.4. Izangaiei ez zaizkie azterketa egiteko eskubideak itzuliko, baldin eta beraiei egotzitako arrazoiengatik baztertzen badira.

5.–Epaimahaia.

5.1. Epaimahaia honako kide hauek osatuko dute:

–Mahaiburua: Marta Huarte Rodríguez andrea, Nafarroako Zerga Ogasuneko Pertsona Fisikoen Errentaren eta Ondarearen gaineko Zergen Kudeaketa Zerbitzuko zuzendaria.

Ordezkoa: José Javier Zabaleta Zúñiga, Nafarroako Zerga Ogasuneko Arauen Garapen eta Aholkularitza Juridikorako Zerbitzuko zuzendaria.

–Mahaikidea: José Alberto Bayo Moriones jauna, Nafarroako Unibertsitate Publikoan Enpresen Antolaketako katedraduna.

Ordezkoa: María Cristina del Río Solano andrea, Nafarroako Unibertsitate Publikoan Finantza Ekonomiako eta Kontabilitateko irakasle titularra.

–Mahaikidea: Rafael Lara González jauna, Nafarroako Unibertsitate Publikoan Merkataritza Zuzenbideko katedraduna.

Ordezkoa: José Francisco Alenza García jauna, Nafarroako Unibertsitate Publikoan Zuzenbide Administratiboko irakasle titularra.

–Mahaikidea: José Javier Barinaga Adrián jauna, Langileen Batzordearen ordezkaria.

Ordezkoa: Maite Soro Marqués andrea, Langileen Batzordearen ordezkaria.

–Epaimahaikide-idazkaria: Javier Marturet Ilundain jauna, Nafarroako Zerga Ogasunari atxikiriko Ogasuneko teknikaria.

Ordezkoa: Raquel Fuentes Iriarte andrea, Nafarroako Zerga Ogasunari atxikiriko Ogasuneko teknikaria.

5.2. Hautaprobak egiten hasi aurretik eratuko da epaimahaia.

Epaimahaia ezin izanen da eratu, ezta jardun ere, kideen gehiengo osoa gutxienez bildu gabe.

Kide anitzeko organoaren eraketak eta jardunak balio izateko, epaimahaiko buruak eta idazkariak edo haien ordezkoek bertan egon beharko dute.

5.3. Epaimahaiko kideek ez dute parte hartuko, eta organo dei egileari horren berri emanen diote, baldin eta Sektore Publikoaren Araubide Juridikoari buruzko urriaren 1eko 40/2015 Legearen 23. artikuluan parte ez hartzeko aipatzen diren egoeretakoren batean badaude.

Halaber, izangaiek mahaikideak errefusa ditzakete, arrazoi horietako bat gertatzen denean.

5.4. Epaimahaiak gehiengoz ebatziko ditu deialdiaren oinarriak interpretatu eta aplikatzeko moduari buruz sor daitezkeen gorabehera guztiak.

5.5. Epaimahaiak aholkulari adituen laguntza izan dezake proba batzuetan nahiz guztietan. Aholkulari horiek beren espezialitate teknikoetan baizik ez dira arituko eta haietan bakarrik emanen diote laguntza epaimahaiari.

6.–Oposizioa nola eginen den.

6.1. Oposizioa 2017ko abendutik aurrera hasiko da.

Onartu eta baztertuen behin betiko zerrenda onesten duen ebazpenean zehaztuko da oposizioko lehen proba non, noiz eta zer ordutan eginen den.

Oposizioaldiko ariketa bakoitza zuzendu ondoren, epaimahaiak jendaurrean jarriko du, Nafarroako Gobernuaren web orrian, Nafarroako Gobernuaren iragarki oholean eta ariketa egin den tokian, gainditu duten izangaien zerrenda, lortutako kalifikazioekin eta, halaber, hurrengo proba egiteko tokia, eguna eta ordua, gutxienez 48 ordu lehenago.

Oposizioaldiko proba bakoitzerako dei bakarra eginen da eta izangaiek Nortasun Agiri Nazionala, pasaportea edo gidatzeko baimena eraman beharko dute. Iragarritako egunetan, orduetan eta tokietan agertzen ez diren izangaiak, edo aipatu diren agirien bidez identifikatzen ez direnak oposiziotik baztertuak izanen dira.

6.2. Oposizioko probak oinarri honetan zehaztuko dira, eta deialdiko II. eranskinean zehazten den gai-zerrendako gaiei buruz eta ordenan eginen dira.

Zein egunetan argitaratzen den deialdia Nafarroako Aldizkari Ofizialean, egun horretan indarra duen araudiaren arabera eskatuko dira gai guztiak.

Oposizioko ariketa guztiak plika sistemaren bidez eginen dira.

Hauta-probak egiteko, desgaitasun aitorturen bat dutenentzat bidezkoak diren denbora eta baliabide egokitzapenak eginen dira, eskabidean azaldutakoaren arabera.

6.3. Oposizioak ariketa hauek izanen ditu:

6.3.1. Lehen ariketa.

Epaimahaiak zuzenbide zibilaz, merkataritzako zuzenbideaz, ekonomia orokorraz eta enpresako ekonomiaz proposatutako 16 galderari erantzun beharko zaie. Horietatik, 10 zuzenbide zibilari eta merkataritzako zuzenbideari buruzkoak izanen dira, eta gainerako 6ak, berriz, ekonomia orokorrari eta enpresako ekonomiari buruzkoak. Galderek ez dute zertan izanik gai-multzoetako epigrafeak bezalakoak. Proba hori egiteko, 5 ordu izanen dira gehienez.

Kalifikazioa: ariketako gehieneko puntuazioa 20 puntukoa izanen da; galdera bakoitzari dagokion gehieneko puntuazioa, berriz, 1,25 puntukoa.

Izangaia bazterturik geldituko da baldin eta hiru galderatan edo gehiagotan zeroa jartzen bazaio edo ariketan 10 puntura ailegatzen ez bada.

6.3.2. Bigarren ariketa.

Bi zatitan banatzen da.

–Lehenengo zatia: epaimahaiak proposaturiko kontabilitateko kasu bat edo gehiago ebatzi beharko dira, 5 orduan gehienez, deialdiaren II. eranskineko programan ageri diren gaien gainean. Proban, finantzetakoak ez diren kalkulagailuak erabil ditzakete izangaiek.

Nafarroako Ogasuneko kudeatzaile eta ikertzaile laguntzaileen lanpostuetan ari diren izangaiak, 17/2006 Foru Legearen seigarren xedapen gehigarrian arauturiko barne igoeraren bidez oposizio honetan parte hartzen badute, bigarren ariketako lehenengo zati hori egitetik salbuetsirik daude.

–Bigarren zatia: Izangai bakoitzak hautaprobetan onartzeko eskaeran egindako hautuaren arabera, ondokoa egin beharko da:

a) Gehienez ere hiru orduz matematika finantzarioko buruketa bat edo gehiago ebatzi beharko dira, deialdiaren II. eranskineko programan jasotzen diren gaien gainean. Proba egiteko, izangaiek finantzen eta logaritmoen taulak eta finantzetakoak ez diren kalkulagailuak erabiltzen ahalko dituzte.

b) Irizpen juridiko bat egin beharko da epaimahaiak deialdiaren II. eranskineko programan berariaz aipatzen diren gaien gainean ematen dituen kasuei buruz. Proba hori egiteko 3 ordu izanen dira gehienez. Lehiatzaileek paperezko legezko testuak erabiltzen ahalko dituzte, baldin eta horietan bakar-bakarrik zuzenbide positiboko edukiak badaude. Horretarako, aurkibideak edo oin-oharrak, beste arau batzuen aipamenak badituzte edo beste arau batzuetara igortzen badute, ez dira eduki gehigarritzat joko. Haatik, jurisprudentzia edo doktrina administratiboaren aipamenak, doktrinaren iruzkinak edo lehiatzailearen ohar pertsonalak dauzkaten bilduma edo testuak ez dira onartuko. Epaimahaiak noiznahi ere aukera izanen du izangaien testuak berrikusi eta kentzeko, lerroalde honetan xedaturikoari aurka egiten badiote.

Kalifikazioa: Ariketan 20 puntu lor daitezke gehienez. Ariketako lehen zatiak 12 puntu izanen ditu gehienez, eta ariketako bigarren zatiak, berriz, 8 puntu.

Gutxienez ere 10 puntu lortzen ez dituzten izangaiak baztertu eginen dira. Horretatik salbuetsita daude Nafarroako Ogasuneko kudeatzaile eta ikertzaile laguntzaile lanpostuen titularrentzako berariazko igoera txandaren bidez parte hartzen duten izangaiak, bazterturik geratuko baitira ariketa horren bigarren zatian 4 puntu gutxienez lortzen ez badituzte.

6.3.3. Hirugarren ariketa.

Bi zatitan banatzen da.

–Lehenengo zatia: bi gai garatu beharko dira, zozketaz aukeratuak, Zuzenbide Konstituzional eta Administratiboaren programan sartutakoen artetik. Idatziz egin beharko da, gehienez ere lau orduz.

–Bigarren zatia: bi gai garatu beharko dira, zozketaz aukeratuak, bata Herri Ogasunaren programan eta bestea Espainiako Finantza Sistemaren programan sartutakoen artetik. Idatziz egin beharko da, gehienez ere lau orduz.

Kalifikazioa: ariketako gehieneko puntuazioa 20 puntukoa izanen da; gai bakoitzaren gehieneko puntuazioa, berriz, 5 puntukoa.

Izangaia bazterturik geldituko da baldin eta ariketa honetan, guztira, 10 puntura ailegatzen ez bada edo gaietakoren batean zeroa jartzen bazaio.

6.3.4. Laugarren ariketa.

Bi zatitan banatzen da.

–Lehenengo zatia: bi gai garatu beharko dira, zozketaz aukeratuak, Nafarroako Finantzen eta Zergen Zuzenbidearen programaren Zati Orokorrean eta Tributuen Prozeduren atalean sartutakoen artetik. Idatziz egin beharko da, gehienez ere lau orduz.

–Bigarren zatia: 20 galdera erantzun behar dira, idatziz, Nafarroako Finantza eta Zerga Zuzenbidearen programaren zati berezian sartutako gaiei buruz. Galderek ez dute zertan izanik gai-multzoetako epigrafeak bezalakoak. Ariketa idazteko gehienez ere lau ordu izanen dira.

Nafarroako Ogasuneko kudeatzaile eta ikertzaile laguntzaileen lanpostuetan ari diren izangaiak, 17/2006 Foru Legearen seigarren xedapen gehigarrian arauturiko barne igoeraren bidez oposizio honetan parte hartzen badute, laugarren ariketa hori egitetik salbuetsirik daude.

Kalifikazioa: ariketa honetan gehienez ere 20 puntu lor daitezke. Gaietako bakoitzak 5 puntuko kalifikazioa izan dezake gehienez; beraz, 0,5 puntu lortzen ahal dira gehienez galdera bakoitzean.

Baztertuta geldituko dira ariketan 10 puntu lortzen ez dituzten izangaiak edo hiru galderatan edo gehiagotan zero puntuko kalifikazioa jasotzen dutenak.

6.3.5. Bosgarren ariketa.

Bi zatitan banatzen da.

–Lehenengo zatia: gehienez ere lau orduz, tributu likidazioen kasu bat edo gehiago ebatzi beharko dira. Haien subjektu pasiboa pertsona juridiko bat izanen da.

–Bigarren zatia: tributu likidazioen kasu bat edo gehiago erantzun beharko dira, gehienez ere lau orduz. Haien subjektu pasiboa pertsona fisiko bat izanen da.

Epaimahaik emanen ditu kasuak likidazioak egiteko. Lehiatzaileek paperezko legezko testuak erabiltzen ahalko dituzte, baldin eta horietan bakar-bakarrik zuzenbide positiboko edukiak badaude. Horretarako, aurkibideak edo oin-oharrak, beste arau batzuen aipamenak badituzte edo beste arau batzuetara igortzen badute, ez dira eduki gehigarritzat joko. Haatik, jurisprudentzia edo doktrina administratiboaren aipamenak, doktrinaren iruzkinak edo lehiatzailearen ohar pertsonalak dauzkaten bilduma edo testuak ez dira onartuko. Epaimahaiak noiznahi ere aukera izanen du izangaien testuak berrikusi eta kentzeko, lerroalde honetan xedaturikoari aurka egiten badiote. Kalkulagailua ere erabiltzen ahalko dute.

Kalifikazioa: ariketako gehieneko puntuazioa 20 puntukoa izanen da; zati bakoitzaren gehieneko kalifikazioa, berriz, 10 puntukoa.

Bazterturik geldituko dira ariketan gutxienez 10 puntu lortzen ez dituztenak.

7.–Probak gainditu dituztenen zerrenda, izendapen proposamena eta agirien aurkezpena.

7.1. Hautaprobak bukatuta, epaimahaiak argitara emanen du, Nafarroako Gobernuaren webgunean eta Nafarroako Gobernuaren iragarki oholean, gainditu duten pertsonen zerrenda, txanden arabera banatuta bakoitzak oposizioan lortutako kalifikazioarekin, lortutako puntuazioari jarraituz.

Gertatzen diren berdinketetan, lehen ariketan puntu gehien lortzen dituztenen alde joko da eta berdinketak badirau, bigarren, hirugarren, laugarren eta bosgarren ariketetan lorturiko puntuak hartuko dira aintzakotzat, elkarren segidan eta hurrenkera horretan.

Orobat, zerrenda hori Funtzio Publikoko zuzendariari igorriko zaio, espediente osoarekin batera, baita probak gainditu eta, puntuazio handiena izateagatik, lanpostuen kopuruan sartzen diren izangaiak izendatzeko proposamena ere.

Izendatzeko proposamen hori Nafarroako Aldizkari Ofizialean argitaratuko da, baita Interneten deialdiari buruz egiten den aipamenean ere, www.navarra.es helbidean “Menua” atalean, “Tramiteak” aukeratuta.

7.2. Proposatzen diren izangaiek ondoko dokumentuak aurkeztu beharko dituzte Nafarroako Gobernuko Erregistro Orokorrean, izendatzeko proposamena Nafarroako Aldizkari Ofizialean argitaratu ondoko 30 egun naturaleko epearen barnean:

A) Nafarroako Foru Komunitateko Administrazioaren eta haren erakunde autonomoen zerbitzuko langile finko diren izangaiak:

a) Nortasun agiri nazionalaren fotokopia, edo izangaiaren nazionalitatea eta nortasuna frogatzen dituen beste agiri baliokideren batena.

b) Deialdiko 2.1.1.c) oinarrian eskatzen den tituluaren fotokopia, titulua lortzeko eskubideak ordaindu dituela frogatzen duen gordekinarena edo, hala bada, eskaerak aurkezteko epean titulua eskuratzeko moduan dagoela frogatzen duen ziurtagiria.

c) Osasun ziurtagiria, karguaren eginkizunak betetzea eragotziko liokeen akats fisiko nahiz psikiko edo eritasunik ez duela erakusten duena.

d) Zinpeko aitorpen bat edo aitorpen handi bat, adierazteko ez dagoela ezgaitua edo gabetua eginkizun publikoetan aritzeko eta ez dela bereizia izan administrazio publikoren baten zerbitzutik.

e) Zin egin edo hitz ematea Nafarroako Foru Araubidea errespetatuko duela, Konstituzioari eta legeei men eginen diela eta karguari dagozkion eginkizunak zuzen beteko dituela.

B) Deialdi hau egin ez duen Nafarroako beste administrazio publikoren bateko langile finko edo Nafarroako Foru Komunitateari eskualdatutako Justizia Administrazioko zerbitzuei atxikitako langile finko diren izangaiek, aurreko ataleko dokumentazioaz gainera, aurreko administrazioko espediente pertsonalean ageri diren inguruabar eta aurrekari guztiak frogatzen dituen ziurtagiria aurkeztu beharko dute, hots, sarrerari, antzinatasunari, mailari, egoera administratiboari eta abarri buruzkoa.

C) Proposatutako izangaia Nafarroako Foru Komunitateko Administrazioaren eta haren erakunde autonomoen zerbitzuko langile finkoa bada:

a) Deialdiaren 2.1.1.c) oinarrian eskatzen den tituluaren fotokopia, edo hura lortzeko eskubideak pagatu direla frogatzen duen gordekinarena, edo, hala bada, eskabideak aurkezteko epean titulua eskuratzeko moduan dagoela frogatzen duen agiria.

D) Desgaitasuna alegatu duten izangaiek frogatu behar dute hura bateragarria dela deialdiaren xedeko lanpostuarekin. Balorazio eta orientazio talde eskudunek emanen dute ofizioz bideragarritasun hori, eta espedienteari erantsiko zaio.

7.3. Aipatu epearen barrenean, eta aski justifikaturik dauden ezinbesteko kasuetan izan ezik, arestiko agiriak aurkezten ez dituztenak ezin izanen dira izendatu, eta ordura arteko egintza guztiak baliorik gabe geldituko dira, beren eskabidearen faltsukeria dela-eta legokiekeen erantzukizuna galarazi gabe.

7.4. Aurreko atalean aurreikusitakoa gertatuz gero, Funtzio Publikoaren zuzendari nagusiak prozesua gainditu dutenen zerrendan, 7.1 atalean aipatutakoan, hurrengoa den izangaiarekin beteko du baja, eta horrekin ere aurreko ataletan adierazitako moduan jokatuko da.

7.5. Deialdiaren xede den lanposturako izendatua izateko beharrezko betebehar eta baldintzez gain, Funtzio Publikoaren Zuzendaritza Nagusiak, bere eskudantziak erabiltzeko, beste edozein agiri eskatu diezaioke proposatutako izangaiari, eta honek aurkeztu beharko du deialdi honen 7.2. oinarrian ezarritako moduan.

8.–Lanpostu hutsak hautatzea.

8.1. Funtzio Publikoko Zuzendaritza Nagusiak lanpostu hutsak aukeratzeko ekitaldiaren deialdia eginen du, aukeratu beharreko 10 lanpostu hutsen zerrenda eta aurreko oinarrian xedatutakoa betetzen duten izangaien zerrenda argitaratuz, puntuazioaren arabera lanpostu hutsak hautatzeko lehentasun ordenari jarraituz, baita lanpostuak hautatzeko izangaiei ematen zaien epea ere.

Informazio hori jendaurrean paratuko da Interneten deialdiari buruz egiten den aipamenean, www.navarra.es helbidean “Menua” atalean, “Tramiteak” aukeratuta.

Ondoren, izangaiek jakinaraziko dute, horretarako ezarritako epearen barrenean, zer lanpostu huts nahiago duten ogasuneko teknikari izateko.

8.2. Lanpostu hutsak aukeratzerakoan, %33ko desgaitasun aitortua edo handiagoa duten izangaiek lehentasuna izanen dute gainerako izangaien aurretik, kontuan hartu gabe zein txandaren bidez parte hartu duten.

Aurrekoa gorabehera, desgaitasuna duen izangairen bat baldin badago, eta horrek eragina badu lanpostu batean edo bestean jarduteko, lanpostuak banatzen hasi aurretik, desgaitasunarekin hobekien egokitzen dena esleituko zaio, balorazio eta orientazio talde eskudunak horren gainean egiten duen txostena aztertu eta gero.

8.3. Hautaprobak igoera txandaren bidez gainditzen dituzten izangaiek, aurreko idatz-zatia aipatutako kasuan izan ezik, lehentasuna izanen dute deialdiko lanpostu hutsak aukeratzerakoan txanda irekiko izangaien aurretik eta, igoera txandan berean, lanpostu hutsak aukeratzeko lehentasuna izanen dute 17/2006 Foru Legearen seigarren xedapen gehigarrian arauturiko berariazko igoera txandaren bidez lanpostua lortzen duten izangaiek.

9.–Izendapena, lanpostuen esleipena eta jabetza hartzea.

9.1. Funtzio Publikoaren zuzendari nagusiak, ebazpen baten bitartez, aurreko oinarrietan ezarritakoa betetzen duten izangaiak Nafarroako Foru Komunitatearen Administrazioko funtzionario izendatuko ditu, Ogasuneko teknikari lanetan aritzeko. Ebazpen horren bidez lanpostuen esleipena ere eginen da.

9.2. Izendapenak eta lanpostuaren jabetza hartzeak nomina eta plantillako funtzionario bilakatuko ditu izendatuak, eta Nafarroako Foru Komunitateko Administrazioko funtzionarioen arloan indarra duten xedapenetan ezarri diren eskubide eta betebehar guztiak izanen dituzte. Gizarte Segurantzako araubide orokorrean afiliatuko dira, araubide horretan ezarritakoaren babesean.

Aurrekoa gorabehera, Nafarroako Administrazio Publikoen Zerbitzuko Langileen Estatutua onetsi zuen abuztuaren 30eko 251/1993 Legegintzako Foru Dekretuaren bederatzigarren xedapen gehigarriaren 3. puntuan xedatutakoa aplikatzearen ondorioz, Nafarroako Administrazio Publikoen edozein montepioren eskubide pasiboetan sarturik daudenek bi aukera izanen dituzte: Nafarroako Foru Komunitateko Administrazioaren Montepioan segitzea, martxoaren 5eko 10/2003 Foru Legearen bidezko eskubide pasiboen araubideak babesturik, edo Gizarte Segurantzaren Araubide Orokorrean sartzea.

9.3. Izendapena Nafarroako Aldizkari Ofizialean argitaratuko da eta izangai izendatuek hilabeteko epean jabetu beharko dute lanpostuaz, izendapenaren jakinarazpenetik kontatzen hasita.

Aipatutako epean eta ezinbesteko kasuetan izan ezik, izangairen bat lanpostuaren jabe egiten ez bada, Foru Komunitateko Administrazioko funtzionario izateko eskubide guztiak galduko ditu. Hala gertatzen bada, deialdiaren 7.4 atalean ezarritakoari jarraikiko zaio.

9.4. Izangai bat funtzionario bihurtu eta lanpostuan batere aritu gabe, zuzenean eta berak eskatuta, indarreko araudian ezarritako kasuetan, borondatezko eszedentzia ematen bazaio jabetza hartzearen egunetik beretik, kasuko lanpostu hutsa ere deialdiaren 7.4 atalak agintzen duen moduan beteko da.

9.5. Aurreko atalean aipatutako kasuetan, ez da aldatuko izendapenaren aurretik egindako lanpostu hutsen hautaketa. Beraz, funtzionario berriei egoera horien ondoriozko lanpostuak esleituko zaizkie zuzenean.

10.–Errekurtsoak.

Kalifikazio epaimahaiak ematen dituen egintzen eta ebazpenen kontra, gora jotzeko errekurtsoa aurkezten ahalko da, Funtzio Publikoko zuzendari nagusiari zuzendua, errekurtsoaren xede den egintza argitaratu edo jakinarazi eta biharamunetik hilabeteko epean.

Deialdiaren, haien oinarrien eta haiek aplikatzeko egintzen kontra, kalifikazio epaimahaiak hartutakoen kontra izan ezik, zilegi izanen da gora jotzeko errekurtsoa jartzea, Lehendakaritzako, Funtzio Publikoko, Barneko eta Justiziako kontseilariari zuzendua, hilabeteko epean, errekurritu nahi den egintza argitaratu edo jakinarazi eta biharamunetik hasita.

Hori guztia Nafarroako Foru Komunitateko Administrazioari buruzko abenduaren 3ko 15/2004 Foru Legearen 57. artikuluarekin bat eta Administrazio Publikoen Administrazio Prozedura Erkideari buruzko urriaren 1eko 39/2015 Legearen 121. eta 122. artikuluei jarraikiz.

Iruñean, 2017ko otsailaren 20an.–Funtzio Publikoko zuzendari nagusia, Amaia Goñi Lacabe.

I. ERANSKINA

Eskaera

Hautaprobetan onartua izateko eskabidea (PDFa).

II. ERANSKINA

GAI ZERRENDA

Lehenengo ariketa

Zuzenbide Zibila.

1. gaia.–Zuzenbidearen iturriak Espainiako sistema juridiko positiboan. Nafarroako Foru Zuzenbide Zibilaren iturriak. Foru Zuzenbide Pribatuaren Konpilazioa edo Nafarroako Foru Berria: egitura eta edukiaren gaineko ezagupen orokorra. Arau juridikoen aplikazioa. Eraginkortasun orokorra. Denborari eta espazioari dagozkien mugak.

2. gaia.–Pertsona: kontzeptua eta motak. Pertsona fisikoa. Pertsona juridikoa: fundazioa eta elkartea. Ahalmena. Ordezkaritza. Nafarroako Foru Zuzenbide Zibila: pertsona juridikoak eta norbanakoen ahalmena.

3. gaia.–Nazionalitatea. Helbidea. Egoera zibila. Nafar izaera zibil forala. Erregistro zibila.

4. gaia.–Ondasunen araubidea familian Nafarroako foru zuzenbide zibilaren arabera: familiako ondasunen araubidearen oinarriak. Ezkontzako itunak. Ondasunen araubidea ezkontzan. Ondasunen araubidea bigarren ezkontzan edo hurrengoetan. ‘’Propter nuptias’’ dohaintzak. Ezkonsaria eta erresak. Familia-erkidegoak desegitea. Harrera etxean eta zuzkidurak. Ahaide nagusiak.

5. gaia.–Zuzenbidearen xedea. Gertaera, egintza eta negozio juridikoa. Funtsezko elementuak.

6. gaia.–Eskubide errealak. Kontzeptua, ezaugarriak eta motak.

7. gaia.–Jabetza eskubidea. Edukia. Babesa. Jabaria eskuratzea eta galtzea. Dohaintzaren aipamen berezia. “Inter vivos” dohaintza Nafarroako foru zuzenbide zibilean.

8. gaia.–Ondasun-erkidegoa. Edukitza. Gozamena, erabilera eta biztantzea. Zortasunak. Gozamenari eta zortasunei buruzko arau bereziak Nafarroako foru zuzenbide zibilean.

9. gaia.–Berme-eskubide errealak. Hipoteka. Higigarrien hipoteka. Bahitura. Eskualdatzerik gabeko bahitura. Antikresia. Berme errealak Nafarroako Foru Zuzenbide Zibilean.

10. gaia.–Jabetza erregistroa: ezin inskribatuzko tituluak eta erregistroko idazpenak. Hipoteken printzipioak. Aurreneurrizko enbargo-idatzoharra.

11. gaia.–Obligazioa (I). Kontzeptua eta sailkapena. Kontratuez kanpoko obligazioak. Arrazoirik gabe aberastea. Obligazioen betetze normala: ordainketa.

12. gaia.–Obligazioa (II). Obligazioak azkentzeko beste modu batzuk. Obligazioen betetze berezia: zergatikoak eta ondorioak. Kredituaren babesa. Kredituen konkurrentzia eta lehentasuna.

13. gaia.–Obligazioak Nafarroako foru zuzenbide zibilean: obligazioen iturri eta ondorioak. Obligazioak bete eta azkentzea. Hutsalketa kalteagatik. Arrazoirik gabe aberastea. Obligazioen lagapena.

14. gaia.–Kontratua. elementuak eta baldintzak. Sailkapenak. Kontratua sortzea, burutzea eta gauzatzea. Kontratuen eraginkortasun eza. Kontratuen interpretazioa.

15. gaia.–Salerosketa kontratua. Elementuak. Saltzailearen eta eroslearen betebeharrak. Lehentasunez erosi eta atzera eskuratzeko eskubideak. Eskubideak eta akzioak lagatzea. Trukaketa.

16. gaia.–Errentamendua, oro har. Zerbitzuen errentamendua. Obren errentamendua. Gauzen errentamendua. Landa eta hiri finken errentamendua.

17. gaia.–Agindua. Mailegua. Prekarioa. Gordailua. Fidantza.

18. gaia.–Sozietatea. Transakzioa. Konpromisoa. Arbitrajea. Atxikitzea.

19. gaia.–Denboraren eragina harreman juridikoetan. Preskripzioa eta iraungipena.

20. gaia.–Oinordetza Nafarroako Foru Zuzenbide Zibilean: Oinarrizko printzipioak. Mortis causa dohaintzak. Oinordetzako itun edo kontratuak. Testamentua eta testamentu motak. Mortis causa xedapenen deuseztasuna eta eragingabetasuna. Jaraunsle izendapena. Ordezpenak. Legatuak. Xedatzeko askatasunaren mugak. Fiduziario-komisarioak. Konfiantzazko jaraunsleak. Albazeak. Legezko oinordetza. Ordezkapen eskubidea. Gehiagotzeko eskubidea. Jaraunspena eta beste liberalitate batzuk onartzea eta ukatzea. Jarauntsia eskatzeko akzioa. Jarauntsia lagatzea. Jarauntsiaren banaketa.

Merkataritza zuzenbidea.

21. gaia.–Merkataritza zuzenbidearen edukia. Merkataritzaren egintza. Merkataritzaren egintzak analogiaren bidez. Egintza mistoak. Merkataritzako enpresa. Merkataritza zuzenbidearen iturriak.

22. gaia.–Merkatariaren kontzeptua, doktrinaren eta legeen aldetik. Banakako merkataria. Desgaitasunak eta debekuak. Atzerriko merkataria. Ohikotasuna eta profesionaltasuna. Publizitatea merkataritza zuzenbidean. Merkataritza Erregistroa.

23. gaia.–Enpresaburuen kontabilitatea. Liburuak. Betekizunak. Kontserbazioa. Liburuen balioa froga gisa eta haien aitortza. urteko kontuak.

24. gaia.–Merkataritza sozietatea. kontzeptua, izaera eta motak. Sozietatearen helburua. Sozietate irregularra. Sozietate erregular kolektiboa. Sozietate komanditario bakuna. Akzioen bidezko sozietate komanditarioa. Erantzukizun mugatuko sozietatea.

25. gaia.–Sozietate anonimoa. Eratzeko moduak. Eskritura soziala eta estatutuak. Ekarpenak. Ondarea eta kapital soziala. Erreserbak. Akzioak: motak. Botorik gabeko akzioak. Kapital soziala handitu eta gutxitzea. Obligazioen jaulkipena. Obilgaziodunen sindikatua. Aipamen berezia helbidea Espainian duen Europako sozietate anonimoaren gainean.

26. gaia.–Sozietate anonimoko organoak. Batzar nagusia. Administratzaileak. Administrazio Kontseilua. Egiturazko aldaketak merkataritzako sozietateetan. Merkataritza sozietateen desegitea. Merkataritza sozietateen likidazioa: zer eragiketa sartzen diren.

27. gaia.–Kreditu tituluak: kontzeptua eta ezaugarriak. Motak. Titulu izendunak. Agindurako tituluak. Kanbio letra. Letraren jaulkipena eta haren forma. Endosua. Onarpena. Abala. Iraungipena eta ordainketa. Protestoa. Kanbio-akzioak. Zor-agiria. Txekea.

28. gaia.–Merkataritza obligazio eta kontratuak. Merkataritza komisioa. Ordezkaritza merkataritza zuzenbidean. Merkataritzako sal-erosketetako kontratua. Salerosketa bereziak.

29. gaia.–Bankuetako kontratuak oro har. Kontu korrontearen azterketa, kreditua irekitzea, maileguak eta bankuen deskontua. Bankuetako gordailuak. Baloreen pignorazioa. Kreditu dokumentarioak. Aseguru kontratua: kontzeptua, izaera eta arautegia.

30. gaia.–Laguntza teknikoko kontratua. Contrato de agencia: la exclusividad. Frankizia. Merkataritzako kontu korronteko kontratua. Parte hartzeko kontuetako kontratua. Merkataritzako mailegu eta gordailuak. Gordailuan uzteko biltegi orokorren konpainiak. ‘’warrant’’ direlakoak.

31. gaia.–Konkurtsoa: aurrekontuak. Konkurtsoaren deklarazio autoa. Hartzekodunen, kredituen eta kontratuen gaineko ondorioak. Konkurtsoaren masa. Hitzarmena: edukia eta ondorioak. Konkurtsoa bukatzeko zergatikoak. Konkurtsoaren kalifikazioa. Auzibidetik kanpoko ituna ordaintzeko.

Ekonomia orokorra.

32. gaia.–Ondasunen urritasuna eta hautaketa. Ekonomia kontzeptua. Ekonomia gizarte zientzia den aldetik. Ekonomia positiboa eta arau-emailea. Jarduera ekonomikoa. Teoria eta politika ekonomikoa. Sistema ekonomikoak. Eredu ekonomikoak: errentaren fluxu zirkularra. Mikroekonomia eta makroekonomia.

33. gaia.–Merkatua. Eskaria eta eskaintza. Eskariaren eta eskaintzaren kurbak eta haien gorabeherak. Eskariaren eta eskaintzaren malgutasuna. Merkatuaren oreka eta desoreka. Merkatu motak.

34. gaia.–Ekoizpena eta enpresen etekinik handiena. Produktibitatea eta epe laburrerako kostuak. Ekoizpena eta epe luzerako kostuak. Lehiaren oreka.

35. gaia.–Lehia inperfektua: lehia monopolistikoa, oligopolioa eta monopolioa. Botere publikoak eta lehia.

36. gaia.–Helburu eta adierazle makroekonomikoak: produktu nazionala, kontsumoa eta inbertsioa eta gastu nazionala. Produktu nazional gordina eta produktu nazional garbia. Errenta nazionala eta errenta eskuragarria. Magnitude agregatuak eta errentaren fluxu zirkularra.

37. gaia.–Oreka-errenta sektore publikorik gabeko ekonomia itxi batean: biderkatzailea. Oreka-errenta sektore publikoa duen ekonomia itxi batean: Oreka-errenta sektore publikoa duen ekonomia ireki batean.

38. gaia.–Dirua. Diru-agregatuak. Diru eskaria. Diru oinarria eta diruaren sorrera. Finantza sistema.

39. gaia.–Oreka merkatu errealean eta diru merkatuan. IS-LM eredua. Zerga eta diru kontuetarako politikak.

40. gaia.–Inflazioa eta langabezia: zergatiak eta ondorioak. Politika ekonomikoaren ikuspegiak. Ziklo ekonomikoak.

41. gaia.–Nazioarteko merkataritza: abantaila konparatiboaren legea eta Heckscher-Ohlin eredua. Nazioarteko merkatuaren murrizketak. Merkataritza librea protekzionismoaren aldean. Integrazio ekonomikoa.

Enpresaren Ekonomia.

42. gaia.–Enpresa erakundea den aldetik. Erakunde-esparrua. Kontzeptua, errealitatea, ekonomia eta ingurunea. Enpresa motak eta sailkapen irizpideak. Enpresa eta merkatua.

43. gaia.–Enpresa publikoa. Enpresa publikoaren helburuak. Enpresa publikoa kontrolatzeko sistema. Enpresa publikoaren finantzaketa.

44. gaia.–Enpresaren kontrol sistemak. Kontzeptua. Elementuak. Kontrol sistema nagusiak. Kontrolerako prozesua. Zuzeneko kontrola. Eraginkortasuna eta efizientzia kontrolatzeko neurriak diren aldetik.

45. gaia.–Enpresaren erabakiak eta erabakiak hartzeko sistemak: kontzeptuak eta motak. Erabakiak hartzeko prozesua.

46. gaia.–Enpresaren egitura ekonomiko eta finantzarioa. Enpresa finantzatzeko diru-sarrerak. Finantza oreka. Inbertsioen eta finantzaketen arteko oreka.

47. gaia.–Inbertsioa enpresan: kontzeptua eta motak. Inbertsio proiektuen balorazioa eta hautaketa. Ekipo ondasunen inbertsioa. Ekipoak berritzeko erabakiak. Aktibo zirkulatzaileetako inbertsioa. Esku-dirua.

48. gaia.–Enpresaren egitura finkoaren finantzaketa: autofinantzaketa. Amortizaziorako funtsak. Enpresaren kanpo finantzaketa: haren kostua. Zorpetzea.

49. gaia.–Ekoizpen prozesua. Ekoizpenerako printzipio eta ereduak. Produktuaren kostua. Ustiatzeko gutxiena eta ustiatzeko hoberena. Kostuen kontrola. Kostuen kontrola.

50. gaia.–Produktuaren politika. Eskariaren ebaluazioa eta merkatuaren ikerlanak. Produktuaren merkaturatzea. Prezioen politika. Prezioen gorabeherak eta haien ondorioak. Produktuaren banaketa. Banaketa-kanalak.

Bigarren ariketa

I.–Kontabilitatea.

–Finantzen kontabilitatea.

–Kontabilitateko plan orokorra.

–Sozietateen kontabilitatea.

–Kontabilitate analitikoa.

–Finantza egoeren azterketa.

II.–Finantzetako matematika.

–Kapitalizazio bakuna eta konposatua.

–Errenta iraunkorrak, aldakorrak eta zatituak.

–Maileguen eta jesapenen amortizazioa.

–Eragiketak balore higigarriekin.

III.–Irizpen juridikoaren xede izan daitezkeen gaiak.

A) Zuzenbide zibila:

1.–Zuzenbidearen iturburuak. Arau juridikoen aplikazioa eta ondorioak.

2.–Pertsona fisikoa. Ahalmena. Adina, nazionalitatea, auzotasuna, ezkontza eta ahaidetasuna. Pertsona juridikoa: ahalmena, helbidea, nazionalitatea, organoak, ondarea eta azkentzea.

3.–Ondasunen araubidea ezkontzan.

4.–Jabetza eskubidea. Jabaria eskuratzea eta galtzea. Ondasun-erkidegoa. Gozamena. Berme eskubide errealak.

5.–Betebeharra. Betebeharren iturriak. Betebehar mankomunatuak eta solidarioak. Betebehar hutsak, baldintzazkoak eta epe jakinerakoak. Betebeharren azkentzea. Betebeharren proba.

6.–Kontratua: elementuak eta baldintzak. Kontratuen eraketa, burutzea, gauzatzea, ondorioak eta interpretazioa. Salerosketa kontratua. Dohaintza kontratua. Sozietate kontratua. Errentamenduak. Mailegua. Fidantza.

7.–Denboraren eragina harreman juridikoetan. Preskripzioa eta iraungipena.

8.–Oinordetza Nafarroako Foru Zuzenbide Zibilean.

Arestian aipatutako gaiak, bestela azaltzen ez den bitartean, hala zuzenbide zibil arruntari nola Nafarroako foru zuzenbide zibilari buruzkoak dira.

B) Merkataritza zuzenbidea:

1.–Merkataritza zuzenbidearen iturriak.

2.–Merkataritza enpresa trafiko jurdikoaren xede den aldetik. Merkataritza enpresen kontabilitatea.

3.–Banakako merkataria. Gaitasuna. Ezkontza eta merkataritzan jarduteko gaitasuna. Merkataritza sozietateen kontratua. Merkataritza sozietateen nazionalitatea eta helbidea. Merkataritza sozietateen desegitea eta likidazioa.

4.–Merkataritza sozietateak.

5.–Merkataritza obligazioak. Merkataritza kontratuak: burutzea, modua, proba eta interpretazioa. Salerosketa kontratua.

C) Administrazio Zuzenbidea:

1.–Administrazio Zuzenbidearen iturriak. Legea. Erregelamendua.

2.–Egintza administratiboak.

3.–Administrazio prozedura.

4.–Egintza administratiboen berrikuspena.

D) Nafarroako tributuei buruzko legeria:

1.–1990eko uztailaren 31ko Hitzarmen Ekonomikoa, 2003ko urtarrilaren 22ko Eguneratze Akordioaren arabera eta 2007ko azaroaren 5eko Akordioaren arabera.

2.–Tributuei buruzko Foru Lege Orokorra eta hura garatzeko erregelamenduak.

3.–Pertsona fisikoen errentaren gaineko zerga.

4.–Sozietateen gaineko zerga.

5.–Oinordetzen eta dohaintzen gaineko zerga.

6.–Ondare eskualdaketen eta egintza juridiko dokumentatuen gaineko zerga.

7.–Balio erantsiaren gaineko zerga.

8.–Zerga bereziak.

9.–Nafarroako Foru Komunitateko Administrazioaren tributu arloko egintzen berrikuspena.

Hirugarren ariketa

Konstituzio eta Administrazio Zuzenbidea.

1. gaia.–Europar Batasuneko zuzenbidea. Europar Batasuneko antolamenduaren iturriak eta haien aplikazioa. Europar Batasuneko eta kide diren estatuetako antolamenduaren arteko harremanak.

2. gaia.–Europar Batasuna: batasun politikoa eta batasun ekonomikoa eta diruarena. Euroa. Salgai, pertsona, zerbitzu eta kapitalen zirkulazio librea. Nekazaritza eta arrantzarako politika bateratua. Kanporako eta segurtasunerako politika bateratua.

3. gaia.–Europar Batasuneko erakundeak: Europako Kontseilua, Kontseilua, Europako Parlamentua, Batzordea, Europar Batasuneko Justizia Auzitegia, Europako Banku Zentrala eta Kontuen Auzitegia.

4. gaia.–Espainiako 1978ko Konstituzioa. Konstituzioaren ezaugarri orokorrak. Egitura. Oinarrizko eskubideak eta askatasun publikoak. Konstituzioaren erreforma.

5. gaia.–Koroa. Gorte Nagusiak: osaera eta eginkizunak. Parlamentuko organoak. Legegintzako prozedura arrunta.

6. gaia.–Botere Judiziala: eginkizunak eta gobernua. Konstituzio Auzitegia: antolaketa eta funtzioak. Konstituzio Auzitegiari jartzen zaizkion errekurtso eta prozesuak. Arartekoa.

7. gaia.–Gobernua: osaera eta eginkizunak. Ministroen Kontseilua. Kontuen Auzitegia.

8. gaia.–Estatuaren lurralde antolaketa: autonomia erkidego eta hiriak. Toki entitateak.

9. gaia.–Autonomia erkidegoen legeria. Autonomia estatutuak. Eskumenen banaketa Estatuaren eta autonomia erkidegoen artean. Nafarroaren ahalmen eta eskumenak.

10. gaia.–Nafarroako Foru Eraentza. Nafarroa Gaztelan sartu aurretik eta ondoren. 1841eko Lege Itundua: aurrekariak, izaera juridikoa eta edukia. Espainiako 1978ko Konstituzioaren lehenengo xedapen gehigarria. Nafarroako Foru Eraentza Berrezarri eta Hobetzeari buruzko Lege Organikoa: izaera eta esanahia. Atariko titulua. Nafarroaren eskumenak.

11. gaia.–Nafarroako Parlamentua edo Gorteak: aurrekariak. Parlamentua: ahalmenak eta prerrogatibak. Parlamentarioen estatutua. Antolamendua eta funtzionamendua. Eginkizunak: gehienbat legegintzakoa.

12. gaia.–Nafarroako Gobernua. Eginkizunak. Osaera, izendapena, eraketa eta kargu-uztea. Eskudantziak eta ahalmenak. Funtzionamendua. Sostengu eta laguntzarako organoak. Erantzukizun politikoa, Parlamentuaren kontrola eta Parlamentuaren desegitea. Nafarroako Gobernuko lehendakaria.

13. gaia.–Nafarroako Foru Komunitateko Administrazioa. Nafarroako Foru Komunitateko Administrazioari buruzko abenduaren 3ko 15/2004 Foru Legean ezarritako printzipio orokorrak. Herritarren eskubideak Foru Komunitateko Administrazioarekiko harremanetan. Antolaketa: printzipio nagusiak eta egitura organikoa, kide anitzeko organoak eta administrazio organoen eskumenak.

14. gaia.–Nafarroako Comptos Ganbera: aurrekariak. Antolamendua eta funtzionamendua. Kontu Auzitegia eta Comptos Ganbera: harremanak. Nafarroako Kontseilua. Nafarroako Arartekoa.

15. gaia.–Nafarroako toki administrazioa. Toki entitateen antolaketa eta administrazioa. Funtzionamendua. Prozedura. Ondasunak. Nafarroako Administrazio Auzitegia: aurrekariak, antolaketa eta eskumenak.

16. gaia.–Administrazio Zuzenbidearen iturriak. Konstituzioa. Legea. Lege dekretuak. Legegintzarako eskuordetza. Nazioarteko itunak.

17. gaia.–Erregelamendu ahalmena: titulartasuna, mugak eta kontrola. Erregelamendua: motak. Erregelamenduen eraginkortasuna. Indargabezintasun berezia.

18. gaia.–Administrazio publikoen araubide juridikoaren printzipio orokorrak. Administrazioaren antolakuntza. Pertsona bakarreko organoak eta kide anitzeko organoak. Eskumena eta hierarkia. Zentralizazioa, dezentralizazioa eta deskontzentrazioa.

19. gaia.–Erakundeen administrazioa. Erakunde autonomoak. Enpresa-entitate publikoak. Estatuko merkataritza sozietateak. Gainerako entitate publikoak.

20. gaia.–Administrazio ahalmenak. Legezkotasunaren printzipioa. Administrazioak bere burua babesteko prozedura.

21. gaia.–Administrazio egintza (I). Kontzeptua, motak eta osagaiak. Forma. Administrazio egintzen jakinarazpena eta argitalpena. Isiltasun administratiboa.

22. gaia.–Administrazio egintza (II). Administrazio egintzen eraginkortasuna eta betearazi beharra. Administrazio egintzen ondorioak etetea. Nahitaezko betearazpena eta premiamendu bidearen aipamen berezia. Administrazio egintzen balioa eta baliorik eza. Administrazio egintzak ezeztatzea eta ofizioz deuseztatzea.

23. gaia.–Administrazio prozedura. Kontzeptua eta motak. Erregulazioa. Alderdiak administrazio prozeduran. Herritarren eskubideak. Interesdunak. Gaitasuna, legitimazioa eta ordezkaritza. Hasiera. Instrukzioa: entzunaldiari buruzko aipu berezia. Prozeduraren bukaera. moduak.

24. gaia.–Administrazio kontratuak (I). Ekainaren 9ko 6/2006 Foru Legea: aplikazio esparrua. Kontratistak. Administrazio publikoen kontratu guztietarako xedapenak. Kontratazio organoak. Esleipenaren aurreko jarduketak. Esleipena: xedapen orokorrak eta esleitzeko prozedurak. Kontratuen exekuzioa: xedapen orokorrak, kontratua aldatzea, etetea eta lagatzea. Kontratuak iraungitzea eta baliogabetzea.

25. gaia.–Administrazio kontratuak (II). Ekainaren 9ko 6/2006 Foru Legea: obra, hornidura eta laguntza kontratuen, herri lanen emakidarako kontratuen eta zerbitzuen emakidarako kontratuen legezko araubidea.

26. gaia.–Jabari publikoko ondasunak, herri ondasunak eta ondare ondasunak: alderdi konstituzionalak. Nafarroako Ondareari buruzko arautegia: eskumenen titulua. Nafarroako Ondarea eskuratu, besterendu, laga, babestu eta defendatzea. Nafarroako Foru Komunitateko jabari publikoa eta jabari pribatua.

27. gaia.–Zerbitzu publikoaren kontzeptua. Zerbitzu publikoa kudeatzeko moduak.

28. gaia.–Nafarroako Foru Komunitateko Administrazioaren zehapen ahalmena. Oinarriak, edukia eta mugak. Administrazio zehapenak: kontzeptua eta motak. Zehapen prozedura.

29. gaia.–Nahitaezko desjabetzea. Oinarria eta mugak. Desjabetzearen subjektuak. Desjabetzearen betebeharrak. Balio justua. Desjabetzearen itzulera.

30. gaia.–Nafarroako Foru Komunitateko Administrazioaren ondare erantzukizuna. Betekizunak. Erreklamazio epeak eta prozedura.

31. gaia.–Administrazio errekurtsoei buruzko arauak Nafarroako Foru Komunitateko Administrazioari buruzko Foru Legean. Errekurtso motak. Administrazio errekurtsoak tramitatzeko eta ebazteko prozedura.

32. gaia.–Administrazioarekiko auzien jurisdikzioa. Eremua. Administrazioarekiko auzien jurisdikzioaren organoak. Prozeduraren alderdiak. Errekurtsoaren xedea. Administrazioarekiko auzietarako prozedura. Epaia. Errekurtsoak.

33. gaia.–Administrazio publikoa eta justizia. Jurisdikzioen arteko liskarrak, gatazkak eta eskumen arazoak. Eskumenen eta eskudantzien gaineko gatazka konstituzionalak.

34. gaia.–Nafarroako Administrazio Publikoen Zerbitzuko Langileen Estatutua. Nafarroaren eskumen titulua funtzio publikoaren arloan. Langile motak. Funtzionario publikoen hautapena. Administrazio egoerak. Funtzionarioen eskubideak, betebeharrak eta bateraezintasunak. Ordainsariak.

35. gaia.–11/2007 Foru Legea, apirilaren 4koa, Nafarroako Foru Komunitateko Administrazioan administrazio elektronikoa ezartzeari buruzkoa. Erreferentziako esparru sozial eta legezkoa. Helburua, xedeak eta beste alderdi orokor batzuk. Herritarren eskubideak eta betebeharrak Nafarroako Foru Komunitateko Administrazioarekin baliabide elektronikoen bidez dituzten harremanetan. Baliabide elektronikoen bidezko administrazio prozedura: xedapen orokorrak; alderdiren batek eskatuak eta ofiziozkoak. Sinadura elektronikoa. Kide anitzeko organoak. Administrazio jardueraren publizitatea eta herritarren parte-hartzea.

36. gaia.–15/1999 Lege Organikoa, abenduaren 13koa, Datu Pertsonalak Babesteari buruzkoa. Sarrera: alderdi orokorrak. Legearen helburua eta babesaren elementuak. Datu pertsonalen tratamenduari aplikatu beharreko printzipio orokorrak. Interesdunen eskubideak haiei dagozkien datu pertsonalei buruz. Fitxategiaren arduradunaren betebeharrak. Titulartasun publikoko fitxategiak. Titulartasun pribatuko fitxategiak. Datuen nazioarteko mugimendua. Datuak Babesteko Espainiako Bulegoa. Arau-hausteak eta zehapenak.

37. gaia.–11/2012 Foru Legea, ekainaren 21ekoa, Gardentasunari eta Gobernu Irekiari buruzkoa. Xedea eta aplikazio eremua. Gardentasunaren printzipioa jarduera publikoan: irismena. Publizitate aktiboa: betebeharrak eta informazio publikoa. Informazio publikoa eskuratzeko eskubidea: legezko eraketa eta prozedura. Herritarren parte-hartzea eta elkarlana. Modernizazio printzipioak eta neurriak. Etika eta gardentasuna gobernuaren jardueran.

Ogasun publikoa.

1. gaia.–Sektore publikoa merkatu-ekonomian. Mugak, neurtzeko irizpideak, garrantzia eta bilakaera. Kontabilitate nazionala eta sektore publikoa. Ogasun publikoa. Egungo edukia.

2. gaia.–Sektore publikoak jarduera ekonomikoan esku hartzeko modua. Merkatuaren akatsak. Sektore publikoaren helburuak. Sektore publikoaren eragiketak.

3. gaia.–Erabakiak hartzea sektore publikoan. Gizartearen hautaketa eta gizabanakoen lehentasunak. Funtzionamendu demokratikoa. Burokrazia eta interes taldeak.

4. gaia.–Aurrekontua. kontzeptua eta egitura. Aurrekontuen zikloa. Aurrekontuetarako teknikak: aurrekontu administratibotik aurrekontuetarako teknika berrietara. Aurrekontua eta planifikatzeko eta kontrolatzeko sistemak.

5. gaia.–Efizientzia sektore publikoan. Ekoizpen publikoa eta ekoizpen pribatua. Proiektuak hautatu eta ebaluatzea. Kostuak, etekinak eta erabakiak hartzeko arauak.

6. gaia.–Kudeaketa publikoa. Kudeaketa publikoa, diziplina anitzeko zientzia den aldetik. Sektore publikoaren akatsak. Esku-hartze publikoaren mugak merkatuaren akatsak zuzentzerakoan. Enplegu publikoa: azalpenak eta pizgarriak emateko tresnak.

7. gaia.–Kudeaketa publikoaren berrikuntzen esperientziak Europako Lankidetza eta Garapenaren Antolaketako herrialdeetan. “Outpout” publikoa neurtzeko arazoak. Jardueraren adierazleak. Tresna ia lehiakorrak eta merkatukoak: sasi-merkatuak. Enpresa publikoak eta efizientzia.

8. gaia.–Aurrekontuaren orekaren eta hazkunde eta egonkortasun ekonomikoaren arteko lotura. Diziplina fiskala Europar Batasunean. Aurrekonturako erakundearen berrikuntza Espainian: Aurrekontuen Egonkortasunari buruzko legeak.

9. gaia.–Gastu publikoa: hazkundea, ekitatea eta efizientzia azaltzeko teoriak. Gastu publikoaren hazkundea azaltzeko teoriak. Gastu publikoak banaketan duen eragina eta ondorioak. Gastu publikoaren eraginkortasuna eta efizientzia: kontzeptuak eta azterketarako teknikak.

10. gaia.–Gastu publikoa ongizatearen estatuan (I). Gastu sozialak. Lehentasunezko ondasunak eta ekitate kategorikoa. Gastu publikoa osasungintzan. Gastu publikoa hezkuntzan. Gastu publikoa etxebizitzan.

11. gaia.–Gastu publikoa ongizatearen estatuan (II). Prestazio ekonomikoak: kontzeptua, motak eta justifikazioa. Pentsioen sistema. Langabezia-asegurua. Pobreziari aurre egiteko programak.

12. gaia.–Diru-sarrera publikoak. Sailkatzeko irizpideak. Prezioak eta enpresa publikoa. Prezio publikoak eta tasak. Kontribuzio bereziek. Zerga: kontzeptua eta bereizgarriak. Zerga motak. Zergen osagaiak.

13. gaia.–Zergapetzearen printzipioak. Onuraren eta ordaintzeko gaitasunaren printzipioak. Zergapetzearen eragina. Sistema fiskalak. Zergapetze mota nagusiak. Zergen egitura baldintzatzen duten elementuak. Bilakaera eta nazioarteko ereduak.

14. gaia.–Zergapetzearen kostuak. Efizientziaren kostuak: zerga distortsioak. Gehiegizko karga eta zergapetze egokiena. Dirubilketaren kostuak. Iruzur fiskala: kontzeptuak, ondorioak eta baldintzatzen duten elementuak.

15. gaia.–Pertsona fisikoen errentaren gaineko zergapetzea (I). Kontzeptua eta izaera. Bilakaera. Errentaren gaineko kontzeptu fiskala. Iturrien kontsiderazioa. Errenta irregularrak eta ondarearen aldaketak. Enpresaburuen errentak. Salbuespenak eta gastu kengarriak. Zergapekoen batasuna: mugatzeko arazoak eta haien tratamendurako alternatibak. Tarifak eta tarifen arazoak. Autolikidazioa. Ondorio ekonomikoak eta gaur eguneko balorazioa.

16. gaia.–Sozietateen gaineko zergapetzea: kontzeptua eta ezaugarriak. Justifikazioa. Zerga-oinarria: arazoak eta zehazteko aukerak. Karga tasak eta onura fiskalak. Zergaren eragina. Pertsona fisikoen errentaren gaineko zergarekiko integrazioa.

17. gaia.–Salmenten gaineko zergapetze orokorra: kontzeptua eta sailkapena. Balio erantsiaren gaineko zergapetzea: tipologia eta arazoak. Eragina eta balorazioa.

18. gaia.–Kontsumo berariazkoen gaineko zergapetzea. Justifikazio arrazoiak. Bilakaera eta gaur eguneko figurak. Eragina eta ondorio ekonomikoak. Kuota finkoa versus ad valorem zergapetzea. Kanpoko merkataritzaren gaineko zergapetzea.

19. gaia.–Tributu ereduen egungo joerak. Gaur egun indarra duten ereduei egiten zaizkien kritikak. Zergapetze mota berriak: ordenamendu zergak, zerga ekologikoak eta finantza transakzioen gaineko tasa. Berrikuntza fiskaletarako proposamenak.

20. gaia.–Defizit publikoa eta ogasun berezia. Definizioak eta finantzaketarako tresnak. Zor publikoa: kontzeptua, motak eta ondorio ekonomikoak: zorraren zama. Aktibo publikoen pribatizazioak. Inflakzioa zerga gisa. Defizitaren ondorio ekonomikoak: zabalpena eta kanporatze-efektua.

21. gaia.–Ogasun maila aniztuna. Federalismo fiskalaren printzipioak. Eskumenen banaketa eta finantzabide ereduak. Gobernuarteko diru-laguntzak. Nazioarteko Ogasuna: nazioarteko zergapetze bikoitza; harmonizazio fiskala.

22. gaia.–Plangintza fiskala, banakakoa eta enpresariena. Sarrera. Plangintza fiskala aztertzeko metodoak. Urteko zerga tasa baliokidearen kontzeptua. Epe laburrerako eta epe luzerako aurrezki-tresnei nola aplikatu.

Espainiako finantza sistema.

1. gaia.–Espainiako finantza sistemaren egitura instituzionala. Diru agintaritza. Finantzetarako bitartekoak. Finantza merkatuak.

2. gaia.–Espainiako Bankua. Zuzendaritza organoak. Eginkizunak. Kreditu entitateak zuhurtziaz gainbegiratzea. Diru politika burutzea. Banku Zentralen Europako Sistema eta Europako Banku Zentrala.

3. gaia.–Kreditu erakundeak (I). Kreditu erakundeen jarduerak Europar Batasunean. Kaudimenaren kontrola eta gutxieneko erreserben sistema. Kaudimenerako arauak eta kontrolerako arauak. Gordailuetako berme funtsak. Bankuak berregituratzeko prozesua: Bankaren Berregituratze Ordenaturako Funtsa eta babeserako sistema instituzionala.

4. gaia.–Kreditu erakundeak (II). Bankuak. Aurrezki kutxak. Gobernu organoak. Autonomia erkidegoen eskumenak. Kreditu kooperatibak. Diru elektronikoaren entitateak.

5. gaia.–Bankuko eragiketa-multzoa: bankuaren mailegua, krediku kontu bat irekitzea eta bankuaren deskontua. Sinaduraren arriskua: abala eta agiri bidezko kreditua. Gordailuko ziurtagiriak eta bankuko zor-agiriak. Aktiboen aldi baterako lagapenak. Bankuaren konpentsazioa. Bankuko sekretua.

6. gaia.–Finantzarako beste bitarteko eta laguntzaile batzuk. Krediturako finantza establezimenduak. Jarduteko modua: leasing-a eta factoring-a. Elkarren bermerako sozietateak. Partaidetzaren bidezko finantzazioaren plataformak. Arrisku-kapitaleko sozietate eta fondoak. Tasaziorako sozietateak. Kalifikaziorako agentziak.

7. gaia.–Inbertsio kolektiboko erakundeak. Balore higigarrietako inbertsio funtsak eta sozietateak. Balore higiezinetako inbertsio funtsak eta sozietateak.

8. gaia.–Baloreen Merkatuari buruzko Legea: aplikazio esparrua. Balio negoziagarriaren kontzeptua. Kontuan oharrak idatziz ordezkaturiko baloreak. Lehen mailako merkatua. Baloreen jaulkipena. Balore Merkatuaren Batzorde Nazionala. Inbertsio-zerbitzuen enpresak. Baloreen sozietate eta agentziak. Kartera bat kudeatzen duten sozietateak. Inbertsio-bermearen funtsa.

9. gaia.–Diru merkatuak. Bankuen arteko merkatuak. Baloreen merkatu deszentralizatuak: zor publiko anotatuaren merkatua, errenta finko pribatuaren AFBE merkatua. Garrantzi ekonomikoa. Tresna negoziatuak. Antolaketa. Eragiketak. Merkatu hipotekarioa: titulu hipotekarioak.

10. gaia.–Kapitalen merkatuak. Errenta aldakorra eta errenta finkoa. Lehen mailako merkatua. Akzioak saltzeko eskaintza publikoak. Bigarren mailako merkatua: Baloreen Burtsa. Kontratazio sistemak. Bigarren merkatua. Merkatu eratorriak. Aukera kontratuak eta etorkizun negoziatuak.

11. gaia.–Bigarren mailako merkatu ofizialetan kontratatzeko arauak. Eragiketen likidazioa eta konpentsazioa. Baloreak erosteko eskaintza publikoak. Negoziaziorako onartutako baloreen kontratuak. Batzordea. Burtsako salerosketa. Burtsako eragiketa motak: eskurako eta eperako eragiketak. Krediturako eragiketak. Balore berezien erosketa.

12. gaia.–Kreditu-titulazioa. Nozioa eta partaideak. Titulizazio funtsak. Titulizazio funtsak kudeatzen dituen sozietatea.

13. gaia.–Finantza jardueraren arriskuak. Arriskuaren kontzeptua eta arrisku motak. Neurketa eta kontrola. Tresna eratorrien arriskuak eta esku diruko merkatuen gaineko eraginak. Merkatu antolatuetan negoziatzen ez diren produktu eratorriak: forward-forward gordailuak, geroko interes tasei buruzko akordioak (FRA) eta trukaketa finantzarioak (Swap). Warrants direlakoak. Cap, floor eta collar kontratuak. Produktu egituratuak.

14. gaia.–Nazioarteko finantza merkatuak. Dibisen merkatuak. Kanbio tasa. Kanbio tasa zehazteko azalpen teoriak. Dibisa merkatuko eragiketa motak: transakzioak esku dirutan, eperakoak, trukaketak. Nazioarteko kreditu-merkatuak: bonu eta mailegu sindikatuak. Nazioarteko beste jaulkipen eta kolokazio batzuk. Atzerriko inbertsioak Espainian. Espainiako inbertsioak atzerrian. Bi inbertsio moten araubide komuna.

15. gaia.–Aeguratzaileen sektorea. Aseguru enpresa. Aseguruetan sartu eta jarduteko baldintzak. Hornidura teknikoak eta kaudimen marjina. Berme funtsa. Aseguru jardueraren kontrol administratiboa. Aseguruen Konpentsazio Partzuergoa.

16. gaia.–Aseguruen eragiketaren osagai nagusiak. Aseguru kontratua: xedapen orokorrak. Ondasunen asegurua. Pertsonen asegurua. Pentsio planak: motak, oinarrizko printzipioak eta finantza araubidea. Pentsio funtsak: finantza araubidea, entitate kudeatzaileak eta gordailuzainak.

Laugarren ariketa

Nafarroako Finantza eta Tributu Zuzenbidea

I.–Zati orokorra eta tributu arloko prozedurak.

1. gaia.–Finantza zuzenbidea: kontzeptua, autonomia eta edukia. Ogasun publikoa Espainiako Konstituzioan.

2. gaia.–Estatuko Aurrekontu Orokorrak: edukia, aurrekontuen egitura, muga eta aldaketak. Nafarroako Ogasun Publikoari buruzko Foru Legeak gai hauek nola arautzen dituen.

3. gaia.–Nafarroako Ogasun Publikoari buruzko Foru Legea: alderdi orokorrak Nafarroako Ogasun Publikoaren araubidea: eskubideak eta betebeharrak. Nafarroako Aurrekontu Orokorrak bete eta likidatzea. Nafarroako gastu publikoa betearazteko prozedura bereziak.

4. gaia.–Nafarroako sektore publikoaren finantza jardueraren kontrola. Barne kontrola: kontu-hartzearen aipamen berezia. Kanpoko kontrola: Comptos Ganberaren eginkizunak.

5. gaia.–Tributu zuzenbidea: kontzeptua eta edukia. Zerga zuzenbidearen iturriak. Nafarroako tributuei buruzko legeriaren printzipioak.

6. gaia.–Nafarroako tributu arauen aplikazioa eta interpretazioa. Denbora-esparrua eta toki-esparrua. Legearen kontrako iruzurra. Analogia tributu zuzenbidean. Simulazioa.

7. gaia.–Tributuak: kontzeptua, xedeak eta motak. Harreman juridiko-tributarioa. Zerga-egitatea. Loturarik eza eta salbuespena. Salbuespen subjektiboak eta objektiboak. Sortzapena.

8. gaia.–Zerga oinarria: kontzeptua eta zehaztu edo kalkulatzeko araubideak. Likidazio oinarria. Karga tasa. Tributu kuota. Tributu zorra.

9. gaia.–Tributudunak: motak. Eskubideak eta bermeak. Subjektu pasiboak. Zergaduna. Ordezkoa. Atxikitzailea eta konturako sarrera egiteko obligazioa duena. Tributu ordenan jarduteko ahalmena. Ordezkaritza. Egoitza eta helbide fiskala.

10. gaia.–Tributuen arduradunak. Araubide orokorra. Erantzukizun solidarioaren kasu bereziak. Arduradunak ustiapen edo jarduera ekonomikoak eskuratzeagatik. Erantzukizun subsidiarioaren kasu bereziak. Ondorengoak eta atxikitako ondasunen eskuratzaileak.

11. gaia.–Tributuen kudeaketa (I). Kontzeptua eta ezaugarriak. Xedapen orokorrak: prozeduren tramitazio egoera; agirien kopia; arduradunen identifikazioa; ziurtagiriak eta kopiak egitea; agiriak aurkeztea; zerga arloko administrazioaren betebeharra eskubideen erabilera errazteko; administrazio organoak. Tributudunari informazioa eta laguntza ematea: informazioa eta laguntza, argitalpenak, jakinarazpenak eta zerga arloko kontsultak. Gizarte lankidetza.

12. gaia.–Tributuen kudeaketa (II). Tributu kudeaketaren prozedura: Hasiera. Tributu aitorpena. Autolikidazioak. Salaketa publikoa. Ebatzi beharra eta ebazteko epeak. Entzute tramitea eta alegazioak. Jakinarazpenak. Froga.

13. gaia.–Tributuen kudeaketa (III). Egiaztatzeko eta ikuskatzeko jarduketak. Egiaztapen laburtua. Balioak egiaztatzea. Tributuen likidazioa: izaera eta motak.

14. gaia.–Tributuen kudeaketa (IV). Laguntza eman beharra. Agintariek eta erakundeek datuak emateko duten betebeharra. Tributu gaietan eragina duten datuen isilpekotasuna. Fakturazio betebeharra. Hirugarren pertsonekiko eragiketen urteko aitorpena. Okerreko diru-sarreren itzulketa. Autolikidazioen zuzenketa eta tributuetan eragina duten egintzen inpugnazioa eta konturako atxikipen eta sarrerena.

15. gaia.–Diru-bilketaren kudeaketa (I). ezaugarriak eta legezko araubidea. Nafarroako Ogasun Publikoaren dirubilketarako organoak. Nafarroako Zerga Ogasuneko diru-sarrerak erakunde laguntzaileen bitartez. Tributu zorrak kobratzeko pribilejioak. Ogasun Publikoa eta konkurtso prozesuak.

16. gaia.–Diru-bilketaren kudeaketa (II). Zorren iraungipena. Ordainketa: betekizunak, bitartekoak eta egiaztagiriak; ordainketaren ondorioak eta ordainketa egoztea; ez ordaintzearen eta kontsignaziorik ezaren ondorioak. Preskripzioa. Kaudimengabezia. Barkamena.

17. gaia.–Diru-bilketaren kudeaketa (III). Ordainketa arbitratzeko formula bereziak. Gerorapenak eta zatikako ordainketak. Konpentsazio prozedura.

18. gaia.–Diru-bilketaren kudeaketa (IV). Premiamendu bidezko diru-bilketaren prozedura. Aurka egiteko zergatikoak. Prozeduraren fase aurreratuak: enbargoa, gordailua eta besterentzea. Hirugarrengotzak. Ekintza zibilak eta penalak.

19. gaia.–Tributuak ikuskatzeko prozedura (I). Tributuen ikuskapena: eginkizunak, antolaketa, eskubideak eta betebeharrak. Ahalmenak. Jarduketa motak. Tributuen arloan garrantzitsua den informazioa lortzeko jarduketak. Informazio eta aholkurako jarduketak.

20. gaia.–Tributuak ikuskatzeko prozedura (II). Egiaztatzeko eta ikertzeko jarduketak: Jarduketen tokia eta denbora. Prozeduraren hasiera, garapena eta bukaera. Ikuskapen jarduketen agiriak. Zehapenak ezartzea.

21. gaia.–Tributu arloko arau-hauste eta zehapenak (I). Kontzeptua. Araudi erregulatzailea. Arau-hausleak. Arau-hauste arinak eta larriak. Tributu arloko zehapenak. Tributu arloko zehapenak mailakatzeko irizpideak. Tributu arloko arau-hausteen ondoriozko erantzukizunaren iraungipena.

22. gaia.–Tributu arloko arau-hauste eta zehapenak (II). Tributu arloko zehapenak ezartzeko prozedura. Zehapenak ezartzeko eskumena duten organoak. Prozedura bereizia. Hastapena, instrukzioa, entzunaldia interesdunei, tramitazio laburra eta bukaera. Ebazpena emateko epea.

23. gaia.–Ogasun Publikoaren kontrako delituak. Ogasun Publikoaren kontrako delituen zigor moten azalpena. Erantzukizun zibila. Ogasun Publikoaren kontrako delituei aurka egiteko ikuskapen prozedura: tramitazioa.

24. gaia.–Egintzen berrikuspena bide administratiboan. berrikuspeneko prozedura bereziak. Berraztertzeko errekurtsoa. Erreklamazio ekonomikoak eta administratiboak. Nafarroako Foru Auzitegi Ekonomiko eta Administratiboaren antolaketa. Prozeduretako interesdunak: ahalmena, legitimazioa eta ordezkaritza.

25. gaia.–Bide ekonomiko-administratiboan aurkaratzen ahal diren egintzak. Berrikuspena zabaltzea. Metaketa. Aurkaratzen ahal den egintza etetea. Prozedura. Berrikusteko errekurtso berezia. Bermeen kostuaren errenboltsua eta haien murrizketa proportzionala.

II.–Zati berezia.

1. gaia.–1841eko Lege Itunduaren xedapenak Ogasunaren arloan. Hitzarmen ekonomikoaren eta itun ekonomikoaren arteko desberdintasunak. Nafarroaren eta Estatuaren arteko hitzarmen ekonomikoen historia laburra. Nafarroako Foru Eraentza Hobetzeari eta Berrezartzeari buruzko Lege Organikoaren arlo horretako xedapenak.

2. gaia.–1990eko uztailaren 31ko Hitzarmen Ekonomikoa, 2003ko urtarrilaren 22ko Eguneratze Akordioaren arabera eta 2007ko azaroaren 5eko Akordioaren arabera (I). Xedapen orokorrak. Tributu-harmonizazioa: arau komunak. Pertsona Fisikoen Errentaren gaineko Zerga. Ondarearen gaineko zerga. Ez-egoiliarren errentaren gaineko zerga. Oinordetzen eta dohaintzen gaineko zerga.

3. gaia.–1990eko uztailaren 31ko Hitzarmen Ekonomikoa, 2003ko urtarrilaren 22ko Eguneratze Akordioaren arabera eta 2007ko azaroaren 5eko Akordioaren arabera (II). Sozietateen gaineko zerga eta balio erantsiaren gaineko zerga.

4. gaia.–1990eko uztailaren 31ko Hitzarmen Ekonomikoa, 2003ko urtarrilaren 22ko Eguneratze Akordioaren arabera eta 2007ko azaroaren 5eko Akordioaren arabera (III). Energia elektrikoaren ekoizpenaren balioaren gaineko zerga. Kreditu entitateen gordailuen gaineko zerga. Zerga bereziak. Berotegi-efektuko gas fluordunen gaineko zerga. Aseguruetako primen gaineko zerga. Ondare eskualdaketen eta egintza juridiko dokumentatuen gaineko zerga. Jokoaren gaineko tributuak. Tasak. Kudeatzeari eta prozedurari buruzko arauak. Toki ogasunak.

5. gaia.–1990eko uztailaren 31ko Hitzarmen Ekonomikoa, 2003ko urtarrilaren 22ko Eguneratze Akordioaren arabera eta 2007ko azaroaren 5eko Akordioaren arabera (IV). Arbitraje Batzordea. Diru ekarpena. Batzorde Koordinatzailea.

6. gaia.–Pertsona fisikoen errentaren gaineko zerga (I). Zergaren araubide juridikoa, izaera, helburua eta aplikazio eremua. Zergapeko egintzaren esparru material eta pertsonala. Zerga-oinarria: arau orokorra. Lan etekinak.

7. gaia.–Pertsona fisikoen Errentaren gaineko zerga (II). Ondasun higigarrien nahiz higiezinen kapitalaren etekinak. Enpresa edo lanbide jardueren etekinak.

8. gaia.–Pertsona fisikoen errentaren gaineko zerga (III). Ondare gehitze eta gutxitzeak. Errenta-egozpena, nazioarteko gardentasun fiskala, inbertsio kolektiboko erakundeak eta irudi-eskubideak.

9. gaia.–Pertsona fisikoen errentaren gaineko zerga (IV). Errenten integrazioa eta konpentsazioa. Likidazio oinarria. Zerga kalkulatzea: kuota osoa, kuota likidoa eta kuota diferentziala. Tributu zorra.

10. gaia.–Pertsona fisikoen errentaren gaineko zerga (V). Taldeko tributazioa. Zergaldia eta zergaren sorrarazpena. Zergaren kudeaketa: atxikipenak eta konturako beste ordainketa batzuk, prozeduraren hasiera, likidazioa eta formazko betebeharrak.

11. gaia.–Ez-egoiliarren errentaren gaineko zerga (I). Ezaugarriak, helburua eta aplikazio eremua. Elementu pertsonalak. Zergarekiko lotura.

12. gaia.–Ez-egoiliarren errentaren gaineko zerga (II) Establezimendu iraunkorraren bidez lortutako errentak. Establezimendu iraunkorrik gabe eskuratutako errentak. Errentak eratxikitzeko araubideko entitatea. Erakunde ez-egoiliarren ondasun higiezinen gaineko karga tasa berezia. Europar Batasuneko kide diren beste estatu batzuetako egoiliarrak diren zergadunendako aukera.

13. gaia.–Pertsona fisikoen ondarearen gaineko zerga. Araubide juridikoa, izaera, helburua eta aplikazio eremua. Zerga-egitatea. Subjektu pasiboa. Ondare-elementuen zergapetzea eta egozpena. Zerga-oinarria eta likidazio-oinarria. Sortzapena. Tributu zorra. Zergaren kudeaketa.

14. gaia.–Sozietateen gaineko zerga (I). Araubide juridikoa, izaera, araudia eta aplikazio eremua. Zerga-egitatea. Subjektu pasiboa. Salbuespenak.

15. gaia.–Sozietateen gaineko zerga (II). Zerga-oinarria: kontzeptua eta kalkulua; balioaren zuzenketak: amortizazioak; finantza errentamendurako kontratuak eta erabilera lagatzekoak, erosteko edo berritzeko aukera dutenak; narriaduraren ondoriozko balio-galera, pentsio planetako ekarpenak eta kontribuzioak; zerga ondorioetarako kengarriak ez diren gastuak; balorazio arauak; aldi baterako egozpena; berrinbertsioak; zenbait aktibo ukiezin lagatzearen ondoriozko diru-sarrerak; finantza gastuen kenkarietarako arauak.

16. gaia.–Sozietateen gaineko zerga (III). Likidazio-oinarria. Likidazio oinarriaren murrizketak. Zergaldia eta zergaren sorrarazpena. Tributu zorra: karga tasak eta kuota osoa; hobariak; zergapetze bikoitza saihesteko metodoak; pizgarriengatiko kenkariak.

17. gaia.–Sozietateen gaineko Zerga (IV). Ordainketa zatikatua. Konturako ordainketen kenkaria. Zergaren kudeaketa: entitateen aurkibidea, kontabilitateko betebeharrak eta borondatezko errabalorazioak; aitorpen-autolikidazioa; ofiziozko itzulketa; konturako diru-sarrera eta atxikipena egiteko betebeharra.

18. gaia.–Sozietateen gaineko Zerga (V). Salbuespen partziala duten entitateen araubidea. Etxebizitzak errentan ematen diharduten entitateak. Kontsolidazio fiskalaren araubidea.

19. gaia.–Sozietateen gaineko Zerga (VI). Bat-egiteen, zatiketen, aktiboen ekarpenen eta baloreen trukaketen araubide berezia eta europar sozietate batek edo europar sozietate kooperatibo batek helbide soziala Europar Batasuneko kide den estatu batetik beste batera aldatzeko araubide berezia. Beste araubide berezi batzuk: aipamena eta oinarrizko ezaugarriak.

20. gaia.–Oinordetzen eta dohaintzen gaineko zerga. Xedapen orokorrak. Zerga-egitatea. Salbuespenak. Zergaren subjektu pasibo eta erantzuleak. Zerga oinarria. Likidazio oinarria. Tributu zorra. Sorrarazpena eta preskripzioa. Arau bereziak. Betebehar formalak.

21. gaia.–Balio erantsiaren gaineko zerga (I). Araubide juridikoa, izaera eta aplikazio eremua. Ondasun-ematea eta zerbitzu-emateak: zergapeko egintza; ondare eskualdaketen eta egintza juridiko dokumentatuen gaineko zergaren pean dagoen egintzaren mugapena; zenbait terminori dagozkien kontzeptuak; lotuta ez dauden eragiketak; parekatutako eragiketak.

22. gaia.–Balio erantsiaren gaineko zerga (II). Ondasunen eskurapenak Europar Batasunaren barrenean: zergapeko egintza; loturarik eza; kontzeptua; eragiketa asimilatuak.

23. gaia.–Balio erantsiaren gaineko zerga (III). Salbuespenak.

24. gaia.–Balio erantsiaren gaineko zerga (IV). Sortzapena. Zerga-oinarria. Subjektu pasiboak. Zergaren erantzuleak. Eragina. Zerga-tasa.

25. gaia.–Balio erantsiaren gaineko zerga (V). Kenkariak eta itzulketak.

26. gaia.–Balio erantsiaren gaineko zerga (VI). Araubide bereziak. Arau orokorrak. Araubide erraztua. Abeltzaintzaren, nekazaritzaren eta arrantzaren araubide berezia. Ondasun erabilien, artelanen, antzinako gauzen eta bildumagaien araubide berezia.

27. gaia.–Balio erantsiaren gaineko zerga (VII). Inbertsioko urrearen araubide berezia. Bidaia agentzien araubide berezia. Baliokidetasun errekarguaren araubide berezia. Bide elektronikoaz egindako zerbitzuen araubide berezia. Entitate taldearen araubide berezia. Kutxa-irizpidearen araubide berezia. Telekomunikazioetako, irrati-difusioko edo telebistako eta bide elektronikoz ematen diren zerbitzuei aplikatzen zaizkien araubide bereziak. Subjektu pasiboen betebeharrak. Zergaren kudeaketa. Diru-sarrera etetea. Arau-hausteak eta zehapenak.

28. gaia.–Ondare eskualdaketen eta egintza juridiko dokumentatuen gaineko zerga (I). Izaera eta aplikazio eremua. Ondare eskualdaketak: zergapeko egintza; subjektu pasiboa; zerga oinarria; tributu kuota; kasu bereziak. Sozietate eragiketak: zergapeko egintza; subjektu pasiboa; zerga oinarria; tributu kuota.

29. gaia.–Ondare eskualdaketen eta egintza juridiko dokumentatuen gaineko zerga (II). Egintza Juridiko Dokumentatuak: printzipio orokorrak; notario agiriak; merkataritza agiriak; agiri judizialak. Hiru karga motei aplikatzen zaizkien xedapenak: onura fiskalak; balioen egiaztapena; sorrarazpena eta preskripzioa; formazko betebeharrak; itzulketak; zergaren kudeaketa.

30. gaia.–Zerga bereziak. Izaera. Zerrenda. Zergapeko egintzak, elementu pertsonalak eta tributu zorraren kalkulua. Zenbait garraiobideren gaineko zergaren aipamen berezia: zergapeko egintza; salbuespenak, itzulketak eta murriztapenak; subjektu pasiboak; sortzapena; zerga oinarria; zerga tasak, zergaren likidazioa eta ordainketa. Hidrokarburoen gaineko zerga. Tabakogaien gaineko zerga. Elektrizitatearen gaineko zerga. Ikatzaren gaineko zerga berezia.

31. gaia.–Aseguruetako primen gaineko zerga. Energia elektrikoaren ekoizpenaren balioaren gaineko zerga. Berotegi-efektuko gas fluordunen gaineko zerga. Hondakin erradiaktiboak eta erregai nuklear gastatua ekoitzi eta biltegiratzearen gaineko zerga. Kreditu entitateen gordailuen gaineko zerga. Su-itzaltze eta salbamendu zerbitzuarengatiko kontribuzio berezia. Nafarroako hondakin urak arazteko kanona. Fundazio eta babesletza jardueren tributu araubidea. Kooperatiben zerga araubidea.

32. gaia.–Nafarroako Foru Komunitateko Administrazioko eta haren Erakunde Autonomoetako Tasa eta Prezio Publikoei buruzko Foru Legea: xedapen orokorrak, tasa eta prezio publikoak.

33. gaia.–Nafarroako Toki Ogasunen finantzaketa. Nafarroako toki entitateen baliabide motak. Jarduera ekonomikoen gaineko zerga. Lur-ondasunen gaineko kontribuzioa. Nafarroako Lurralde Aberastasunaren Erregistroa eta katastroak.

34. gaia.–Araubide arrunteko autonomia erkidegoen finantzabidea: finantza baliabideak eta printzipioak. Haien esku utzi diren tributuen araubidearen eta baterako zerga erantzukizunaren aipamen berezia.

35. gaia.–Ogasuneko eta Finantza Politikako Departamentua: aurrekariak, eginkizunak eta egitura. Nafarroako Zerga Ogasuna erakunde autonomoa: egitura eta eginkizunak.

Iragarkiaren kodea: F1702355