51. ALDIZKARIA - 2016ko martxoaren 15a

2. NAFARROAKO TOKI ADMINISTRAZIOA

2.2. XEDAPEN ETA IRAGARKIAK, HERRIEN ARABERA ANTOLATUAK

ESTERIBAR

Ordenantza fiskal orokorra eta ordenantza fiskalak. Behin betiko onespena

Esteribarko Udalak, 2015eko abenduaren 22ko osoko bilkura arruntean, erabaki zuen hasiera batean onestea Ordenantza Fiskal Orokorra, eta ondotik zehazten diren ordenantza fiskalak, Nafarroako Toki Ogasunei buruzko martxoaren 10eko 2/1995 Foru Legearen eta Nafarroako Toki Administrazioari buruzko uztailaren 2ko 6/1990 Foru Legearen 325. eta 326. artikuluetako aginduak betez.

–1. ordenantza fiskala: Ordenantza fiskala, lizentziak emateko, hirigintzan bertzelako jarduketak egiteko eta kontroleko jarduera administratiboak egiteko tasak arautzen dituena.

–2. ordenantza fiskala: Ordenantza fiskala, baimenak ematea, eta ingurumena babestearen eta jarduera kaltegabeen alorrean kontroleko administrazio jarduerak egitea arautzen duena.

–3. ordenantza fiskala: Ordenantza fiskala, ibilgailuak espaloietan barna sartzeko eta eremu publikoa aparkaleku esklusiborako, ibilgailuak gelditzeko nahiz edozein motatako salgaien zamalanetarako erreserbatzeko tasak arautzen dituena.

–4. ordenantza fiskala: Ordenantza fiskala, erabilera publikoko lurretan zangak, laginketak eta zuloak irekitzeko eta eremu publikoko zoruan edo espaloietan edozein mugimendu egiteko tasak arautzen dituena.

–5. ordenantza fiskala: Ordenantza fiskala, Herriko jabari publikoko lurzoruaren, hegalkinaren eta zorupearen erabilpen pribatiboa edo aprobetxamendu berezia egiteko tasak arautzen dituena.

–6. ordenantza fiskala: Ordenantza fiskala, Agiriak egin eta tramitatzeko tasak arautzen dituena.

Hasierako onespenaren iragarkia 2016ko 10. Nafarroako Aldizkari Ofizialean eman zen argitara, urtarrilaren 18an.

Jendaurrean 30 egun baliodunean egon ondoren, ordenantza fiskal orokorra behin betiko onetsita gelditu da, ez baita alegaziorik jaso jendaurreko epean. Hortaz, jarraian argitara ematen da haren behin betiko testua, osorik.

Argitara ematen da, behar diren ondorioak izan ditzan.

Esteribarren, 2016ko otsailaren 24an.–Alkate udalburua, Mikel Gastesi Zabaleta.

ZERO ORDENANTZA

ORDENANTZA FISKAL OROKORRA

Oinarria

Ordenantza hau Nafarroako Toki Ogasunei buruzko martxoaren 10eko 2/1995 Foru Legeak xedatzen duenari jarraikiz ezarri da (1995eko 36. Nafarroako Aldizkari Ofiziala, martxoaren 20koa).

I. KAPITULUA

Printzipio orokorrak

1. artikulua. Honako Ordenantza fiskal orokor honen xedea da udalerri honetako zerga araubidea osatzen duten ordainarazpen guztiendako arauak eta oinarri orokorrak finkatzea.

Ordenantza honen arauak ordenantza partikularren osagarritzat hartuko dira, azken horiek berariaz arautzen ez duten guztian.

2. artikulua. Ordenantza fiskal bakoitzak eta honako honek ere agintzen duten ildotik, zergak ordaintzeko obligazioa guztiena da, eta zerga-eskubide eta betebeharrak izan ditzaketen pertsona fisiko eta juridiko guztiak edo nortasun juridikorik gabeko subjektuak hartzen ditu bere esparruan, betiere, berdintasun eta ahalmen ekonomikoaren oinarriak aintzat hartuz (2/1995 Foru Legearen 56.a. artikulua).

3. artikulua. Esteribarko Udalak onetsitako ordenantza fiskalek udal mugape osoan izanen dute indarra, eta ezin izanen da kargarik ezarri entitate zerga-ordainarazlearen lurraldetik kanpo egindako negozio, egintza edo gertaerengatik (2/1995 Foru Legearen 56.b artikulua).

4. artikulua. Udal honek ordainarazten dituen toki-tributuen subjektu pasiboek behar bezalako frogabidez hornituriko kontsultak egiten ahal dizkiote Udalari, kasu bakoitzean dagokien tributu arloko araubide, sailkapen edo kalifikazioari buruz.

Erantzunak informazio soilaren balioa izanen du eta ez egintza administratiboarena, eta ez dio loturarik ezarriko Administrazioari.

Hala ere, bere kontsulta egin ondoren, organo eskudunaren erantzunak dioenaren arabera bere tributu arloko eginbeharrak betetzen dituen subjektu pasiboak ez du erantzukizunik izanen, baldin eta 2/1995 Foru Legearen 63.3 artikuluan adierazten diren baldintzak betetzen badira.

Interesdunek ezin izanen dute inolako errekurtsorik aurkeztu kontsulta baten erantzunaren aurka, nahiz eta gero erantzun horretan oinarritutako egintza administratiboaren aurka egitea zilegi izanen duten (2/1995 Foru Legearen 63.4 artikulua).

5. artikulua. Udal honek indarrean diren ordenantza fiskalen kopiak emanen dizkie eskatzen dituztenei.

Ordenantzek beraietan ezarritako epean izanen dute indarra. Eperik ezartzen ez bada, mugarik gabeko iraupena dutela ulertuko da (2/1995 Foru Legearen 14. artikulua).

II. KAPITULUA

Zerga harremanaren elementuak

Zergapeko egintza.

6. artikulua. Zergapeko egintza izaera juridikoa edo ekonomikoa duen betebeharra da, ordainarazpen bakoitza finkatzeko behar den ordenantzan zehaztutakoa, eta hura gauzatzeak zerga ordaintzeko betebeharra sorrarazten du.

Ordenantza fiskal partikular bakoitzean zehaztuko da zergapeko egintzaren izaera, zerga ordaindu beharra zein kasutan sortzen den adierazita.

7. artikulua. Ez da analogia onartuko zergapeko egintzaren edo salbuespen edo hobarien esparrua bere muga hertsietatik harata hedatzeko (2/1995 Foru Legearen 65. artikulua).

8. artikulua. Subjektu pasiboa.

a) Subjektu pasiboa pertsona fisiko edo juridikoa da, zeina, ordainarazpen bakoitzari buruzko ordenantza partikularraren arabera, zergak ordaintzera beharturik baitago, zergadun nahiz zergadunaren ordezkari gisa.

Zergaduna pertsona natural edo juridikoa da, zeinari ordainarazpen bakoitzaren ordenantzak (2/1995 Foru Legean xedatutakoa aplikatuz) zergapeko egintzari darion tributu-karga ezartzen baitio, bakarka edo beste batzuekin batera.

Zergadunaren ordezkoa subjektu pasiboa da, zeina, ordenantzak edo legeak hala beharturik eta haren ordez, behartuta baitago zerga betebeharraren prestazio material eta formalak betetzera.

b) Subjektu pasibotzat hartuko dira, halaber, jaraunspen banatugabeak, ondasun komunitateak eta gainerako entitateak, nortasun juridikorik ez izanik ere, unitate ekonomiko bat edo ezarpena jar dakiokeen bereizitako ondare bat osatzen badute.

9. artikulua. Zerga erlazioaren aldaezintasuna.

Subjektu pasiboaren eta zerga betebeharraren gainerako elementuak ezin dira partikularren egintza edo hitzarmenen eraginpean aldatu.

Egintza eta hitzarmen horiek ez dute eraginik izanen udal administrazioan, berekin dakartzaten ondorio juridiko-pribatuak ukatu gabe.

10. artikulua. Zerga-oinarria.

Zerga-oinarritzat hartuko da:

a) Zergapeko egintza ezarpen modulutzat kalifikatzea, tributu-zorra kopuru finkotan mugatzen denean.

b) Zergapeko egintzaren kopuru, pisu edo neurri unitateen multzoa. Unitate horien gainean ezarriko da tarifa egokia, tributu-zorra zehaztera iristeko.

c) Zergapeko egintzaren balorazioa diru unitatetan, Udaleko administrazioak kontuan hartutakoa. Kopuru horri (indarra duen arautegiari jarraikiz behar diren murriztapenak egin ondoren, hala behar bada) tasa egokia aplikatuko zaio, tributu-zorra zehaztera iristeko.

Ordainarazpenak erroldatu, matrikulatu edo erregistratu egin beharko dira, baldin eta, beren ezaugarriak direla medio, zergapeko egintzak jarraitutasunez gertatzen badira.

11. artikulua. Likidazio oinarria.

Likidazio oinarritzat hartuko da zerga-oinarrian eginiko murrizketen emaitza. Murrizketa horiek kasuan kasuko ordainarazpena arautzen duen legean edo ordenantzan ezarrita daude.

12. artikulua. Karga-tasa.

Karga-tasatzat hartuko dira likidazio-oinarriari kuota zehazteko aplikatzen zaizkionak, izaeraz proportzionalak edo progresiboak izan daitezkeenak.

13. artikulua. Kuotaren zehaztapena.

Kuota honela zehaztuko da:

a) Dagokion ordenantzan zerga-modulu gisa seinalatutako kopuru finkoaren arabera.

b) Zerga-oinarriaren gainean aplikaturiko tarifen, ordenantza partikularretan ezarrita dauden horien, arabera.

c) Zerga-oinarriaren balioari dagokion karga-tasa proportzional edo progresiboa aplikatuz.

d) Oro har, kontribuzio berezietan, ordaintzera beharturik dauden guztientzat, interes partikularrari egozten zaizkion obra eta instalazioen kostuaren ehunekoaren arabera, kuota osoa subjektu pasiboen artean nork berea ordaintzeko banatuz, dagokion ordenantzan finkatutako moduluen arabera.

14. artikulua. Salbuespenak eta hobariak.

Nafarroako Toki Ogasunei buruzko martxoaren 10eko 2/1995 Foru Legean eta Nafarroako Foru Parlamentuak onetsiak dituen edo onesten dituen gainerako arau aplikagarrietan xedatzen denari lotuko zaio.

III. KAPITULUA

Tributu-zorra

15. artikulua. Tributu-zorra subjektu pasiboak udal administrazioari zor dion diru kopurua da. Kopuru horretan tributu-kuota sartzen da eta, hala behar denean, ondoko kontzeptuak gehitzen zaizkio:

a) Oinarrien edo kuoten gainean legez galda daitezkeen errekarguak.

b) Berandutze interesa, legez ezarria.

c) Gerorapen edo luzapen errekarguak.

d) Premiamenduko errekargua.

e) Diru bidezko zerga-zehapenak.

Tributu-zorra ordaintzeko erantzukizuna.

16. artikulua.

1. Legeak tributu-zorraren erantzule deklaratzen ahal ditu, subjektu pasibo edo zordun nagusiekin batera, beste pertsona batzuk solidario edo subsidiarioki.

2. Kontrakorik agintzen duen legezko arau espresik izan ezean, erantzukizuna beti subsidiarioa izanen da.

3. Erantzukizuna tributu-zor osoari dagokiona izanen da, zehapenak kenduta.

Premiamenduko errekargua bakarrik eskatzen ahal zaio erantzuleari, diru-sarrera egiteko borondatezko epea igarotzen bada ordainketa egin gabe.

17. artikulua. Betiere, tributu-zorra ordaintzera behartzeko administrazio-ekintza erantzuleei bideratu ahal izateko, beharrezkoa da administrazio-egintza bat, zeinean, interesdunari entzunaldia eman ondoren, erantzukizuna deklaratu eta haren zenbaterainokoa zehaztuko baita.

Egintza hori jakinaraziko zaie, likidazioaren funtsezko osagaiak adieraziz, eta une horrexetatik zordun nagusiaren eskubide guztien jabe eginen dira.

18. artikulua. Administrazio-ekintza erantzule subsidiarioei bideratu ahal izateko, nahitaezkoa da aldez aurretik zordun nagusiaren eta gainerako erantzule solidarioen ordainezintasuna deklaratzea, aitorpen horren aurretik bidezko diren zuhurtasunezko neurriak hartzea galarazi gabe.

19. artikulua. Zor baten erantzule solidario edo subsidiarioak bi edo gehiago badira, zorra oso-osorik galdatu ahalko zaie horietako edonori.

Tributu-zorraren iraungipena.

20. artikulua. Tributu-zorra honela iraungiko da:

a) Ordaindu edo bete delako.

b) Preskribatu delako.

c) Kaudimengabezia frogatuta dagoelako.

d) Konpentsatu delako.

21. artikulua. Tributu-zorren ordainketa ordenantza honen 54.etik 57.era bitarteko artikuluek (biak barne) arautzen dutenaren arabera eginen da.

22. artikulua. Lau urteren buruan ondoko eskubide eta ekintzak preskribituko dira:

a) Subjektu pasiboen alde:

–Tributu-zorra zehazteko Udal Administrazioak duen eskubidea, likidazio egokiaren bitartez, eta sorrarazpena egin zen egunetik hasita.

–Likidatutako tributu-zorrak ordain daitezen galdatzeko ekintza, borondatezko ordainketako epea akitzen den egunetik hasita.

–Zergei buruzko arau-hausteengatik zehapenak jartzeko ekintzak, kasuko arau-hauste horiek egin ziren egunetik kontatuta.

b) Administrazioaren alde, jaso behar ez ziren sarrerak itzultzeko eskubidea, sarrera egin zen egunetik hasita.

23. artikulua. Aurreko artikuluaren a) atalak aipatzen dituen preskripzio epeak eten egiten dira:

–Subjektu pasiboa formalki jakinaren gainean izanik, zergapeko egintza bakoitzagatik sortutako ordainarazpenaren aitorpena, arautzea, ikuskaritza, segurtasuna, egiaztapena, likidazioa eta diru-bilketa erdiesteko egindako edozein ekintza administratiboren eraginez.

–Edozein motatako erreklamazio edo errekurtsoen aurkezpenaren bidez, baldin eta, udal administrazioari berari egozten ahal zaion errua dela medio, administrazio horrek ebazpenik ematen ez badu hartarako ezarritako epearen barrenean, preskripzio epea berriz ere hasiko da kontatzen aipatu epe hori iragandakotzat jotzen den unetik aurrera.

–Subjektu pasiboak tributu zorra ordaindu edo likidatzeko egiten duen edozein ekintzagatik.

Aurreko artikuluaren b) atalaren kasuan, preskripzio epearen etendura etorriko da diru-sarrera bidegabea atzera jasotzeko xedez subjektu pasiboak egiten duen edozein egintza fedemailerekin, edo hori hala izan dela aitortzeko udal administrazioak egiten duen edozein egintzaren bidez.

24. artikulua. Preskripzioa ofizioz aplikatuko da, subjektu pasiboak eskatu edo salbuespen gisa alegatu behar izan gabe.

25. artikulua. Subjektu pasiboaren eta gainerako erantzuleen kaudimengabezia egiaztatua dela bide ordaindu ezin izan diren tributu-zorrak behin-behinekoz iraungitzat deklaratuko dira, preskripzio epearen barrenean birgaitzen ez diren bitartean. Epe horretan zorra birgaitzen ez bada, behin betiko iraungita geldituko da.

Gerora etorritako kaudimena suertatuz gero, eta preskripziorik ez badago, prozedura exekutiboa irekiko da berriz. Erabaki hori aldi berean jakinaraziko zaio dagokion bulego kudeatzaileari, baja emanda dauden kredituen likidazio berria egin dezan, eta, honela, kasuan kasuko titulu exekutiboak luza daitezen ordainezintasuna deklaratu zen momentuan zeuden kobrantza egoera berean.

IV. KAPITULUA

Tributu arloko arau-hausteak eta zehapenak

Tributuen arloko arau-hausteak.

26. artikulua. Nafarroako Toki Ogasunei buruzko martxoaren 10eko 2/1995 Foru Legearen 93. artikuluari jarraikiz, tributuen arloko arau-hausteak dira lege horretan berean eta gainerako arau aplikagarrietan sailkatzen eta zehatzen diren ekintzak eta omisioak.

27. artikulua. Subjektu arau-hausletzat joko dira legez arau-haustetzat hartutako ekintzak edo omisioak egiten dituzten pertsona fisiko edo juridikoak, eta, bereziki, ondoko hauek:

a) Tributuen subjektu pasiboak, zergadunak nahiz ordezkoak izan.

b) Jarduteko gaitasunik ez duten subjektu pasiboen legezko ordezkaria.

c) Nafarroako Toki Ogasunei buruzko 2/1995 Foru Legearen 62. artikuluan ezarritakoaren arabera, Administrazioari argibideak edo laguntza emateko obligazioa duten pertsona fisiko edo juridikoak.

28. artikulua. Legeetan arau-hauste gisa sailkaturik dauden ekintza edo omisioetatik erantzukizunik ekarriko ez dutenak 2/1995 Foru Legearen 93. artikuluan aipatutakoak dira.

29. artikulua. Arau-hausteak soilak edo larriak izan daitezke, kontuan harturik ekintza edo omisioak Nafarroako Toki Ogasunei buruzko 2/1995 Foru Legearen 94. artikuluak batzuez eta bertzeez ezartzen duen kontzeptuan sartzen diren.

Zehapenak.

30. artikulua. Arau-hausteak zigortzeko, diru bidezko isunak jarriko dira, finkoak edo proportzionalak, 2/1995 Foru Legearen 95. artikuluan xedatutakoaren arabera.

31. artikulua.

1. Arau-hauste arin bakoitzak 6,01 eurotik 901,52ra bitarteko zehapena izanen du.

2. Ikuskatzaileen jardunari, beren eskumenak erabiltzen ari direlarik, kontra, uko edo traba egiten bazaio, 300,51etik 6.010,12 eurora bitarteko isuna ezarriko da.

3. Tributu arloko arau-hauste larriak kuotaren zenbatekoaren %50etik %150era bitarteko isun proportzionalaren bidez zehatuko dira dirutan, 2/1995 Foru Legearen 97.3 artikuluan aipatzen den murrizketa deusetan galarazi gabe.

4. Orobat, zilegi izanen da berandutze interesak eskatzea borondatezko epea bukatzetik zerga-egoera bere onera ekartzen duen likidazioa egin arte iragandako denboraren arabera.

32. artikulua. Zehatzeko prozedura.

Administrazio egintzak egin behar dituzten organoek zehapenak erabaki eta ezarriko dituzte, interesdunari entzutea eman ondoren; administrazio egintza horietan tributuen behin-behineko edo behin betiko likidazioak eginen dira eta, betiere, behar den espedientea ireki aurretik.

33. artikulua. Tributu arloko arau-hausteen ondoriozko erantzukizunak.

1. Arau-hausteek ekarritako erantzukizuna ordainketa egin edo zehapena bete delako galtzen da, edo preskripzio bidez.

2. Subjektu arau-hausleak hiltzean, gauzatu gabeko tributu eginbeharrak oinordeko edo legaziodunei transmitituko zaizkie, legeria zibilean herentzia eskuratzeari buruz finkatzen dena ukatu gabe. Inoiz ez zaio zehapenik beste bati transmitituko.

3. Sozietateak edo entitateak deuseztatu eta likidatzen direlarik, haien tributu eginbehar burutu gabeak bazkide edo kapital-partaideei pasatuko zaizkie, eta haiek solidarioki hartuko dute erantzukizun hori, esleitu zaien likidazio kuotaren balioa muga dutela.

V. KAPITULUA

Kudeaketa arauak

34. artikulua. Ordainarazpenen kudeaketa ondokoen bidez hasiko da:

a) Subjektu pasiboaren aitorpen edo ekimenaren bidez.

b) Ofizioz.

c) Toki entitateen organo administratiboen ikerketaren bidez.

Tributu aitorpena.

35. artikulua.

a) Tributu aitorpentzat hartuko da zergapeko egintza baten inguruabarrak edo elementuak gertatu edo sortu direla adierazi edo aitortzen duen dokumentu oro. Halaber, aitorpen balioa emanen zaio zergapeko egintza biltzen edo eratzen duen dokumentua aurkezte hutsari.

b) Inondik inora ere ez da eskatuko zerga aitorpenak zinpean egin daitezen.

c) Aurkezteko garaian, aitorpenaren hartu-agiria emanen zaie interesdunei; aitorpenaren kopiak ere horretarako balioko du.

d) Froga agiria aurkeztean, interesdunek eransten ahal diote kopia soil bat edo fotokopia bat, hain zuzen ere, udal administrazioak erkatu ondoren, jatorrizkoa itzul diezaien, non ez den erabakitzen ez dela itzuli behar prozedurari buruzko behin betiko ebazpena eman baino lehen, agiria pribatua izateagatik edo bidezkotzat jotzen den beste arrazoiren batengatik.

36. artikulua. Aitorpena nahitaez aurkeztu beharko da ordenantza partikular bakoitzean zehaztutako epeetan, eta, oro har, zergapeko egintza gertatzen den egunaren ondoko hogeita hamar egun balioduneko epearen barrenean. Epe horietan aurkezten ez bada, arau-hauste soiltzat hartuko da eta dagokion zehapena ezarriko zaio.

37. artikulua. Aitorpena toki entitate honetan aurkezteak ez du esan nahi zerga bidezkoa dela ontzat eman edo aitortzen dela.

Udal honek aitorpenak eska ditzake eta hauek gehitzeko ere bai, eta orobat ohartu diren okerrak zuzentzeko, tributuen likidaziorako eta egiaztapenerako beharrezko den neurrian.

Aurreko paragrafoak aipatzen dituen betebeharrak ez egitea arau-hauste soiltzat hartuko da eta horren arabera zehatuko.

38. artikulua. Epeak.

1. Ordenantza partikularretan adieraziko dira tributu kudeaketako izapideak egiteko bete beharreko epeak. Ordenantza horiek ez badituzte epeak finkatzen, oro har ulertuko da ez dela sei hilabete baino gehiago igaroko administrazio prozedura hasi eta hura bukatzen duen ebazpena eman arte; betiere, galarazten duten aparteko arrazoiak, behar bezala justifikatuak, ez badaude. Ikuskatze kasuan, epe hori bi urtekoa izanen da.

2. Toki entitate honek epeak betetzen ez baditu, ez da ondorioz administrazio ekintzaren iraungipena etorriko, baina interesdunek erreklamazioa aurkezteko baimena izanen dute.

3. Uneoro egiten ahal dira tramitazio akatsen kontrako erreklamazioak; bereziki, haien ondorioz prozedura gerarazi, jarritako epeak hautsi edo arazoa behin betikoz ebatzi aitzin konpon daitezkeen tramiteak egin ez direnean. Erreklamazioa baiesten bada, horretarako arrazoirik izanez gero, erantzukizuna duen funtzionarioaren kontrako diziplina espedientea irekitzea ekarriko du.

Egiaztatu eta ikertzea.

39. artikulua. Toki entitate honek ikertuko ditu zergapeko egintza osatzen edo baldintzatzen duten gertaera, egintza, egoera, jarduera, ustiapen eta gainerako inguruabarrak oro, eta egiaztatuko du karga-oinarriaren balorazioa.

40. artikulua. Ikerketa egiteko, subjektu pasiboaren kontabilitate nagusiko edo osagarriko dokumentuak, liburuak, fitxategiak, fakturak, frogagiriak eta idazpenak aztertuko dira, eta orobat ondasunak, elementuak, ustiapenak eta tributua zehazteko beharrezko diren beste aurrekari guztiak, informazioa ematen badute.

41. artikulua. Subjektu pasiboak beharturik daude kontabilitate liburuak, erregistroak eta kasu bakoitzean eskatzen diren gainerako dokumentuak eraman eta kontserbatzera, bai eta ikuskatze lanetarako laguntza ematera ere, administrazioaren esku jarriz zergapeko egintzarekin zerikusia duten datu, txosten eta aurrekariak edo frogagiriak.

42. artikulua. Ikuskatze lanak subjektu pasiboentzat eragin ekonomikorik baldin badakar, eginbide, komunikazio eta aurretiko edo behin betiko akten bidez dokumentatuko dira.

43. artikulua. Salaketa.

1. Toki entitateen ikerketa salaketa bidez hasten ahal da. Salaketa erabiltzea Administrazioari laguntza emateko betebeharretik aparte dago, 2/1995 Foru Legearen 62. artikuluan xedatutakoaren arabera.

2. Salatzailea ez da interesduntzat hartuko salaketaren ondorioz hasten den ikerketan, eta salatzailea den aldetik ez du eskubiderik izanen errekurtso edo erreklamaziorik aurkezteko.

3. Nabarmenki funtsik gabeak diren salaketak bestelako tramiterik gabe artxibatzen ahal dira.

Ordainarazpenen likidazioa.

44. artikulua.

1. Zerga-oinarriak zehaztu ondoan, kudeaketak jarraituko du: likidazioa eginen da, tributu-zorra finkatzeko. Likidazioak behin-behinekoak edo behin betikoak izanen dira.

2. Behin betikotzat hartuko dira:

–Zergapeko egintzaren ikerketa administratiboa egin ondoan eta karga-oinarria egiaztatutakoan egindakoak, tartean behin-behineko likidaziorik izan edo ez.

–Preskripzio epearen barrenean egiaztatu ez direnak.

3. Aurreko atalean adierazitako kasuetatik at, likidazioak behin-behinekoak izanen dira, kontuaren gainekoak, osagarriak, kauziokoak, partzialak edo osokoak izan.

45. artikulua.

a) Likidazioak egiterakoan, toki entitate honek egiaztatuko ditu tributu aitorpenetan adierazitako egintza eta balorazio guztiak.

b) Aitorpenen emaitzaren gaineko tributu-oinarria handitzen bada subjektu pasiboari jakinarazi behar zaio.

46. artikulua.

1. Likidazioak subjektu pasiboei jakinaraziko zaizkie, honako hauek adierazita:

a) Haien funtsezko elementuak.

b) Erabil daitezkeen inpugnazio bideak, bai eta zer epetan eta zein erakundetan paratu behar diren ere.

c) Tributu-zorra ordaindu behar den tokia, epea eta modua.

2. Jakinarazpen akastunak eragina izaten hasiko dira subjektu pasiboak jakinarazi zaiola espresuki onartzen duenean, dagokion errekurtsoa aurkezten duenean edo tributu-zorraren ordainketa egiten duenean.

3. Subjektu pasiboei zuzenean egindako jakinarazpenek sei hilabeteren buruan izanen dute eragina, baldin eta egintzaren testu osoa izanik, beste edozein baldintza aipatu ez badute, salbu eta epe horretan behar bezalako protesta egin bada, Administrazioak akatsa zuzen dezan eskatzeko.

Zergadunen erroldak.

47. artikulua. Ordenantza partikularrean berean hala zehazten den kasuetan, udal administrazioak zergadunen erroldak prestatuko ditu, interesdunen aitorpenak ikusirik, ezagutzen dituen datuen arabera eta, orobat, administrazio ikuskapenak emandakoak gehituz. Zergadunen errolda, horrela prestatu eta gero, erregistro iraunkor eta publikotzat hartuko da, eta erabiliko da Udalak paratzen duen edonolako prozedura bidez, mekanikoa ere barne dela.

48. artikulua.

1. Zergadunen errolda eratu ondoan, erreklamatzen ahal den egintza administratibo baten bidez onetsiko dira gertatzen diren alta, baja eta aldaketa guztiak, eta subjektu pasiboei jakinaraziko zaizkie, legeak agindu bezala.

2. Erroldan gerora zernahi alta, baja edo aldaketarik sor dezakeen mudantzaren berri eman beharko dio zergadunak udal administrazioari, hura gertatu eta hogeita hamar egun balioduneko epean.

49. artikulua. Zergadunen zentsuek zerga gaietarako agiri balioa izanen dute, haiek erabiliko baitira zerrenda, ordainagiri eta kobrantzako bestelako agirietan, kasuan kasuko ordainarazpena gauzatzeko.

VI. KAPITULUA

Diru-bilketa

Printzipio orokorrak.

50. artikulua. Diru-bilketaren kudeaketa da toki entitatearen ogasunaren ondasunak osatzen dituzten kreditu eta eskubideak gauzatzera bideratutako eginkizun administratiboa betetzea.

51. artikulua.

1. Diru-bilketa egin daiteke:

–Borondatezko aldian.

–Derrigorrezko aldian.

2. Borondatezko aldian ordaintzera behartuta daudenek horretarako adierazitako epeen barrenean kitatuko dituzte beren zorrak. Derrigorrezko ordainketaren aldian, indarra duen legeriari atxikiz, zerga ordaindu behar duenak borondatezko aldian bere eginbeharra betetzen ez badu, diru-bilketa nahitaez eginen da ondarearen gaineko premiamendu bidez.

52. artikulua. Udalaren baliabideen bilketa zuzenean eginen da, diruzaintzaren bidez, halako moduan non kontu-hartzaileak zerbitzuen fiskalizazioa betetzen ahalko baitu.

53. artikulua. Tributu-zorren sailkapena, diru-bilketari begira.

1. Udal agintariek eginiko likidazioen ondorioz sortutako tributu-zorrak, diru-bilketari dagokionez, honela sailkatuko dira: jakinarazi beharrekoak, jakinarazpenik gabekoak eta norberak likidatutakoak.

2. Jakinarazi beharrekoetan ezinbestekoa da jakinarazpena igortzea, subjektu pasiboak tributu-zorraren berri izan dezan. Hortaz, legearen araberako jakinarazpenik gabe, zorra ezin izanen da eskatu.

3. Jakinarazpenik gabeko zorrak dira banakako jakinarazpenik behar ez dutenak, zuzenean subjektu pasiboek ezagututako zergadun zentsuetatik etortzeagatik, tributu-zorra aldiro aldatzen bada ere, dagokion ordenantzan aurretiaz zehaztutako errekargu edo tasa igoeren aplikazioagatik.

4. Norberak likidatutakoetan subjektu pasiboak, efektu tinbratuen bidez edo aitorpen-likidazioa egitean, aldi berean tributu zorraren ordainketa egiten du.

54. artikulua. Ordaintzeko tokia.

Toki entitate honen aldeko zorrak Udalbatzaren kutxan ordainduko dira edo, bera titular dela, banku nahiz aurrezki kutxetan horretarako irekitako kontuetan.

55. artikulua. Ordaintzeko epeak.

Tributu-zorrak honela ordainduko dira:

a) Jakinarazi beharrekoak, hogeita hamar egun balioduneko epearen barrenean, jakinarazpenetik hasita.

b) Epez epe ordainagiri bidez kobratu beharreko tributuen kasuan, banan-banako jakinarazpena beharrezkoa ez dutenetan, aurreko zenbakian adierazitako epean; borondatezko ordainketarako epearen lehenbiziko eta azkeneko egunak zehaztuko dira, tributu horiei dagozkien kuotak onesten dituen ebazpenean.

Kobratzeko epea zein den multzoka komunikatuko da, eta horretarako beharrezko ediktuak argitaratuko dira Nafarroako Aldizkari Ofizialean eta Herriko Etxeko iragarki oholean.

c) Subjektu pasiboak berak zuzenean likidatzen dituen zorrak aitorpena aurkeztean ordainduko dira. Aitorpenak aurkezteko egunak edo epeak tributu bakoitza arautzen duen ordenantzan zehaztuko dira eta, halakorik ezean, zergapeko egintza gauzatzen den egunetik kontatzen hasi eta hurrengo hogeita hamar egun baliodunen barrenean.

56. artikulua. Ordaintzeko modua.

1. Tributu-zorrak eskudirutan ordaindu behar dira honako bitarteko hauetako bat erabiliz:

a) Indarra duen dirua.

b) Posta edo telegrafia bidezko igorpena.

c) Banku txekea.

d) Kreditu eta aurrezki entitateetan toki entitateak horretarako irekitako kontuetan, transferentzia edo ordainketa gutunaren bidez.

2. Aitzineko atalean erranagatik ere, zilegi da tributu-zorrak kreditu eta aurrezki entitateetan helbideratzea; horrela, azken hauek subjektu pasiboaren administratzaile lana eginen dute, hark baimendutako zorrak ordainduz. Helbideratze horretarako betebehar bakarra da toki entitateko diruzaintzari eta aurrekontu eta kreditu entitateari aldez aurretik idatziz jakinaraztea helbideratze hori zein zerga kontzeptutarako den.

57. artikulua. Derrigorrezko aldiaren hasierak errekargu bat sorrarazten du, zeinak sartu ez den zorraren zenbatekoaren %20 joko baitu, bai eta zor horri dagozkion berandutze interesak ere.

Tartean, eten, geroratze edo zatiketarik ez dagoenean, ordaindu gabeko tributu zorra ordaintzen baldin bada premiamenduzko probidentzia jakinarazi baino lehen, errekargua %10ekoa izanen da, eta ez dira eskatuko epe exekutiboa hasten denetik sorrarazitako berandutze interesak.

58. artikulua.

1. Berandutze interesa galdatuko da egintzaren exekuzioa eteten den kasuetan, bai eta geroratzeetan, zatiketetan edo edozein motako luzapenetan ere.

2. Aitorpen-likidazioei edo autolikidazioei dagozkien diru-sarrerei, haiek epetik kanpo baina aldez aurretik errekerimendurik izan gabe aurkeztu badira, bai eta epetik at eta aurreko errekerimendurik gabe aurkeztutako aitorpenek eragindako likidazioei ere, %20ko errekargua ezarriko zaie; horiei bertze zenbait kasutan ezar zitezkeen zehapenak ez zaizkie paratuko, baina bai, ordea, berandutze interesak. Hala ere, diru-sarrera edo aitorpenaren aurkezpena egiteko borondatezko epea amaitu eta ondoko hiru, sei edo hamabi hilabeteetan egiten bada diru-sarrera edo aurkezten bada aitorpena, errekargu bakarra aplikatuko da, hurrenez hurren %5, %10 edo %15ekoa, eta ez dira galdatuko bertze zenbait kasutan galda zitezkeen berandutze interesa eta zehapenak.

Errekargu horiek premiamendu errekarguarekin batera galdatzen ahalko dira, baldin eta tributua ordaintzera beharturik daudenek ez badute dirua sartzen aitorpen-likidazioa edo epetik kanpoko autolikidazioa aurkeztearekin batera.

59. artikulua. Gerorapenak eta zatikako ordainketak.

1. Tributu-zorra likidatzean, toki entitateak ordainketa geroratu edo zatika ordaintzeko aukera eman dezake, zergadunek hala eskatzen badute.

2. Tributu-zorraren gerorapen edo zatikako ordainketari buruzko gorabehera guztiak martxoaren 10eko 2/1995 Foru Legearen 90.etik 92.era bitarteko artikuluek, biak barne, xedatzen dutenari lotuko zaizkio.

VII. KAPITULUA

Errekurtsoak

60. artikulua. Behin ordenantza fiskalak eta horien aldaketak behin betikoz onetsirik, onespen horren aurka jotzen ahalko da, bai eta kudeaketa, ikuskapen eta tributu bilketarako egintzen aurka ere, Nafarroako toki entitateetako egintzak eta erabakien aurka joateko indarrean dagoen errekurtsoen araubide orokorrari jarraikiz.

61. artikulua.

1. Bidezko errekursoak paratzeko ez da beharrezkoa izanen galdatutako diru kopurua aurretik ordaintzea.

2. Errekurtsoa paratzeak ez du geldiaraziko inpugnatu den egintzaren betarazpena, horrek dakartzan legezko ondorioekin, likidatutako kuota edo eskubideen, interesen, errekarguen eta kostuen bilketa barne. Nolanahi ere, interesdunak hala eskatzen badu, inpugnatutako egintzaren betearazpena eten eginen da, ondoko kasuetan:

a) Ondoko bermeetako bat udal diruzaintzaren eskutan jartzen bada:

–Eskudirua gordailatzea.

–Abal edo fidantza solidarioa, banku, aurrezki- kutxa, kreditu-kooperatiba edo elkarren bermerako sozietate batek emana.

–Fidantza pertsonala eta solidarioa, hiriko bi zergadunak emana, zorrek 1.502,53 euro baino gutiago egiten badute, soilik; zergadun horiek eguneratuak izan behar dituzte Esteribarko Udalari ordaintzeko betebeharrak.

b) Salbuespenez, bermerik gabe etetea bidezkoa bada, indarra duten arauekin bat.

3. Emaniko bermea balioduna izanen da bide administratiboan etendura mantentzen den bitartean. Bermeak bere indarra galdu badu edota bermatu beharreko kopurua handiagoa bada, errekarguak, interesak edo gehitutako beste erantzukizun batzuk direla eta, berme berri bat aurkeztu beharko da edota aurrekoa osatu.

Zorra premiamenduko prozeduraren barnean dagoenean, bermeak, zor nagusiaz gain, %25 estali beharko du, premiamenduzko errekargu, interes eta sor daitezkeen kostuak direla medio.

4. Tributu arloko zehapenen exekuzioa berehala etenen da, inolako bermerik aurkeztu behar gabe, baldin eta haien kontra bidezko den errekursoa aurkezten bada, behar den era eta epeetan; hala bada, ezin gauzatuko dira bide administratiboan irmoak izan arte.

AZKEN XEDAPENAK

Lehenbizikoa.–Nafarroako Toki Administrazioari buruzko uztailaren 2ko 6/1990 Foru Legearen 325. artikuluan ezarritako prozeduraren arabera behin betiko onetsitakoan, ordenantza fiskal honek indarra hartuko du eta ondorio juridiko guztiak izanen ditu, Nafarroako Aldizkari Ofizialean testua oso-osorik argitara emandakoan.

Bigarrena.–Ordenantza fiskal orokor hau eta toki entitate honek onesten dituen ordenantza partikularrak aldatzeko, onespenerako egin diren izapide berberak eginen dira, Nafarroako Toki Administrazioari buruzko uztailaren 2ko 6/1990 Foru Legearen IX. tituluko hirugarren ataleko lehen kapituluan xedatutakoaren arabera.

Hirugarrena.–Ordenantza honetan aurreikusten ez den orotan aplikagarri izanen dira Nafarroako Toki Ogasunei buruzko martxoaren 10eko 2/1995 Foru Legea eta udal erabakiak baino goragoko xedapen guztiak, araututako arloei aplikatzeko modukoak diren heinean.

1. ORDENANTZA FISKALA

ORDENANTZA FISKALA, LIZENTZIAK EMATEKO, HIRIGINTZAN BERTZELAKO JARDUKETAK EGITEKO ETA KONTROLEKO JARDUERA ADMINISTRATIBOAK EGITEKO TASAK ARAUTZEN DITUENA

Oinarria

1. artikulua. Ordainarazpen hau ezarri da Nafarroako Toki Ogasunei buruzko martxoaren 10eko 2/1995 Legearen lehen tituluko IV. kapituluko 7. atalean xedatutakoaren arabera eta lege beraren 12. artikuluan jasotzen den baimenari jarraituz.

Zergapeko egintza

2. artikulua. Zergapeko egintza hirigintzako jarduketei dagozkien zerbitzu tekniko eta administratiboak ematean datza, etxegintzaren eta lurzoruaren erabileraren arloko egintzak indarra duten hirigintza eta eraikuntza arauei egokitu ahal izateko.

3. artikulua. Tasa hauei loturiko udal ekintza, bertzeak bertze, hirigintzako jarduketa hauetan gauzatzen da:

–Partikularrek aurkeztu antolamendurako plan partzial edo bereziak eta haien aldaketak, xehetasun azterlanak, aurrerapen azterlanak, antolamendurako planen aurreproiektuak, birzatiketak eta planeamenduko aldaketak tramitatzea.

–Partikularrek aurkeztu urbanizazio proiektuak tramitatzea.

–Aldez aurretik kontrolatzeko administrazio egintzak –lizentzia ematea Lurraldearen Antolamenduari eta Hirigintzari buruzko 35/2002 Foru Legearen 189. artikuluan aipatu diren eta lizentzia behar duten egintzengatik– eta erantzukizuneko aitorpena edo aurretiazko komunikazioa behar duten egintzak ondoren kontrolatzeko egintzak, lege horren 189.ter artikuluan, besteak beste, aipatutakoak.

Aipatze aldera, ondokoak dira:

–Lurzatiketak egiteko lizentziak.

–Honako obra lizentzia hauek: etxe berriak egitekoak, etxeak eraberritzekoak, tramitazio laburrekoak, obra txikiak, etxeak mantendu eta apaintzekoak eta eraikuntza txikietakoak.

–Lehen erabilerako lizentziak.

–Bereizteko, banatzeko edo elkartzeko lizentziak.

–Lizentziak eraikinak eraisteko, eta bota, hustu eta apeoa egiteko obretarako.

–Lurrak mugitu, zelaitu eta lurrerauzteko lizentziak.

–Emandako lizentzien aldaketak.

–Lurzoruaren Araubideari eta Hiri Antolamenduari buruzko Legearen testu bateginaren 136. artikuluaren babesean emandako behin-behineko lizentziak.

–Ondorengo kontrolari dagokionez, 189.ter artikuluan aipatutako jarduketak, adibidez: itxiturak, hesiak, kartelak, zundaketak, laginak, garrantzi txikiko obrak edo merkataritza jarduerei lotutakoak, aplikatu beharreko araudiaren arabera.

Ordaindu beharra

4. artikulua. 1. Orokorrean, zergak ordaintzeko betebeharra lizentzia ematen den unean sortzen da. Uko egiten bazaio, lizentzia eskatzen den unean hasten da ordaintzeko betebeharra.

2. Plan partzialak edo bereziak eta haien aldaketak, xehetasun azterlanak, birzatiketak eta urbanizazio proiektuak eta planeamenduko aldaketak tramitatzean, haiek ebatzi edo behin betiko onesten diren unean sortuko da zerga ordaindu beharra.

3. Plan partzialak edo bereziak eta haien aldaketak, xehetasun azterlanak, birzatiketak eta urbanizazio proiektuak eta planeamenduko aldaketak tramitatzean, haien tramitazioa hasierako onespenaren egintzarekin hasi bada eta ez badira ebatzi edo behin betiko onetsi, ordaindu beharra sortuko da, Foru Komunitateko egunkarietako iragarkien gastuei dagokienez, espedientea hasiera batean onesten den unean.

4. Erantzukizuneko aitorpena edo aurretiazko komunikazioa behar duten egintzei dagokienez, ordaindu beharra sortuko da, Udalak txosten teknikoetan edo ikuskapen bisitako aktetan adierazitako egiaztatu, kontrolatu eta/edo ikuskatzeko jarduera gauzatzearekin batera.

Subjektu pasiboa

5. artikulua. Tasa hauek ordaintzera beharturik daude pertsona fisikoak edo juridikoak, heredentzia banatugabeak, ondasun komunitateak eta Tributuei buruzko Lege Orokorraren 33. artikuluak aipatzen dituen gainerako entitateak, zerbitzuak eta lizentziak edo ondoren kontrolatzeko egintzak eskatu, sorrarazi eta haien onura izaten dutenean.

Tarifak eta karga-tasak

6. artikulua. Aplikatu beharreko tarifa, tasa eta karga-oinarriak ordenantza honen eranskinean agertzen dira.

Lizentzien eta ondoren kontrolatzeko egintzen tramitazioa
eta ondorioak

7. artikulua. Hirigintzako jarduketak egiteko eskabide guztiak aplikatzekoa den araudian aurreikusten den bezalaxe bete beharko dira. Erantzukizuneko aitorpenek edo aurretiazko komunikazioek aplikatu beharreko araudian ezarritako baldintzak bete beharko dituzte.

8. artikulua. Lizentzien iraungipenaren inguruko orotan, lizentzia emateko erabakian xedatutakoari jarraituko zaio.

9. artikulua. Lizentziaren titularrek uko egiten ahalko diote eskatutako obrak egiteari, Udalari ukoa idatziz aurkeztuz gero, betiere aipatu lizentzia iraungirik ez badago. Udalak lizentzia emateko erabakia hartu baino lehen egiten bada uko eta obrak hasi gabe badaude, lizentzia emandakoan legokiokeen tasaren %20 ordaindu beharko da. Lizentzia eman eta gero egiten bada uko, tasak %50 baizik ez dira gutxituko.

Kudeatzeko arauak

10. artikulua. Lizentziak eta planeamendurako espedienteak tramitatzeko edo, txosten teknikoen edo ikuskapen bisitako akten bidez, ondoren kontrolatzeko egintzak gauzatzeko ardura duten bulegoetatik, udal teknikariek aldeko txostena eman eta gero, zergak likidatuko dituen bulegora igorriko dira espedienteak. Bulego horrek likidazioa eginen du, eta bertan honako hauek aipatuko ditu: subjektu pasiboaren izena, tasa zer kontzepturen arabera likidatzen den, tasaren tarifa eta zenbatekoa.

11. artikulua. Urbanizazio proiektuak tramitatzeko, proiektua onesterakoan likidatuko dira tasak. Orobat, prentsan argitaratzeko gastuak likidatuko dira, betiere argitaratu ondotik.

12. artikulua. Lizentziak emateagatik edo ondoren kontrolatzeko egintzak egiteagatik ordaindu beharreko tasak behin-behinean likidatuko dira, obraren aurrekontuaren kostuaren arabera.

Obra bukatu edo behin-behineko onartu eta hurrengo hilabetean, hori eman dela ziurtatzen duen aitorpena aurkeztuko da, obraren zuzendariak egindako ziurtagiriarekin batera, behar den Elkargo profesionalak ikus-onetsia, bideragarria bada, zeinak obren kostu osoa ziurtatuko baitu.

Aipatutako kostua udal teknikariek aztertuko dute eta errealitateari ez zaiola egokitzen ikusten badute, egokitzen saiatuko dira. Behin betiko likidazioa eginen da eta onesteko aurkeztuko.

Partikularraren aldeko diferentziarik izanez gero, itzuli eginen zaio; Udalaren aldekoa bada, berriz, hura ordaintzeko hilabeteko epea emanen zaio. Ordaintzen ez badu, premiamendu bidez kobratuko da, besterik gabe.

13. artikulua. Ez dira tasaren zerga oinarriaren zati izanen bertze elementu batzuk, hala nola, altzariak eta bertze, ezta obra proiektuaren substantziatu ezinezko bertze batzuk ere.

Ordenantza honen eranskinean erraten denaz gain, tasaren ezarpen oinarriaren zatitzat hartuko da barne urbanizazioaren proiektuaren zenbatekoa. Horretarako, interesdunek barne urbanizaziorako proiektua aurkeztu beharko dute, aurrekontu eguneratuarekin batera.

14. artikulua. Tasen likidazioa onetsi eta gero, interesdunari jakinaraziko zaio, erregelamenduzko epean tasak ordain ditzan.

15. artikulua. “Tramitazio laburreko” lizentzien kasuan, eskatzaileak Udal Diruzaintzako Departamentutik hartuko du baimenaren agiria. Horrela geratuko da lizentziaz eta haren aplikazioaz jabeturik.

Arau-hausteak eta zehapenak

16. artikulua. Arau-hausteei eta zehapenei dagokien orotan, ordenantza fiskal orokorrean xedatutakoari jarraituko zaio.

Ordenantza honek indarra hartuko du eta ondorio juridiko osoak sortuko, haren testu osoa Nafarroako Aldizkari Ofizialean argitaratu ondoan.

AZKEN XEDAPENAK

Lehenbizikoa.–Ordenantza honetan jasotzen ez den orotan, toki entitate honek onetsitako ordenantza fiskal orokorrean eta Nafarroako Toki Ogasunei buruzko martxoaren 10eko 2/1995 Foru Legean xedatua aplikatuko da.

Bigarrena.–Ordenantza honek indarra hartuko du eta ondorio juridiko osoak sortuko, testu osoa Nafarroako Aldizkari Ofizialean argitaratu ondoan.

ERANSKINA

1. epigrafea.

–Plan partzial edo bereziak tramitatzea: 600,00 euro.

–Udal Planeko egiturazko aldaketak tramitatzea: 600,00 euro.

–Udal Planeko aldaketa ez egiturazkoak tramitatzea: 400,00 euro.

–Plan partzial edo berezien aldaketak tramitatzea: 400,00 euro.

–Birzatitzeko, finkak erregularizatzeko edo lurzatiak berrantolatzeko proiektuak tramitatzea: 400,00 euro.

–Xehetasun azterlanak edo lerrokadura azterlan osagarriak: 200,00 euro.

–Unitateen mugapena, erabilera aldaketak: 100,00 euro.

–Aitzinetik aipatu ez diren beste kudeaketa moduak tramitatzea: 300,00 euro.

2. epigrafea.–Partikularrek sustatutako eta eskatzaileek egindako urbanizazio proiektuak tramitatzea:

Proiektuaren zenbatekoaren arabera likidatuko dira, %1,5eko karga-tasa aplikatuz urbanizazio obrak gauzatzeko aurrekontuaren gainean (zerga-oinarria). Zenbateko horri Foru Komunitateko egunkarietan iragarkiak paratzeko gastuak gehituko zaizkio.

3. epigrafea.–Obra lizentziak ematea, edo, kontzejuen kasuan, kontzejuak lizentzia eman aurreko txostenak ematea, edo kontrolatzeko administrazio jarduerak egitea, lizentzia eskatu beharrean erantzukizuneko aitorpena edo aurretiazko komunikazioa aurkeztu behar denetan.

–3.1 azpiepigrafea. Obra gauzatzeko aurrekontua 15.000 eurokoa edo txikiagoa duten obretan: 33,00 euroko tasa.

–3.2 azpiepigrafea. 3.1 azpiepigrafean biltzen ez diren obrak. Tasa honen kuota aterako da, zerga-oinarriari (obra gauzatzeko aurrekontua, ordenantza honen 12. artikuluari jarraituz) %0,2198ko karga-tasa aplikatuz.

4. epigrafea.–Bereizteko, banatzeko edo elkartzeko lizentziak ematea: 100,00 euro.

5. epigrafea.–Eraikinak edo lokalak lehen aldiz erabili edo okupatzeko lizentziak. Horien kuota aterako da, metro eraikiak metroei tarifa hau biderkatuz: 0,449 euro/metro karratu eraikia. (Zerga-oinarria: metro karratu eraikiak × 0,449 euro/metro karratua).

2. ORDENANTZA FISKALA

BAIMENAK EMATEKO, ETA INGURUMENA BABESTEAREN ETA JARDUERA KALTEGABEEN ALORREAN KONTROLEKO ADMINISTRAZIO JARDUERAK EGITEKO TASAK ARAUTZEN DITUEN ORDENANTZA FISKALA

Oinarria

1. artikulua. Ordainarazpen hau ezarri da Nafarroako Toki Ogasunei buruzko martxoaren 10eko 2/1995 Legearen lehenbiziko tituluko IV. kapituluko 7. atalean xedatutakoaren arabera eta lege beraren 12. artikuluan jasotzen den baimenari jarraituz.

Zergapeko egintza

2. artikulua. Zergapeko egintza da Ingurumena Babesteko Esku-hartzeari buruzko martxoaren 22ko 4/2005 Foru Legearen ondorioz jarduera sailkatuaren udal lizentzia behar duten instalazio eta jardueren ezarpenari, ustiapenari, lekuz aldatzeari, nabarmen aldatzeari, berriz irekitzeari eta abian jartzeari dagozkien zerbitzu tekniko eta administratiboak ematea, baita, jarduera kaltegabeen kasuan, udal lizentzia behar dutenei dagozkienak ere; orobat, lizentziaren ordez aurretiazko komunikazioa edo erantzukizuneko aitorpena aurkeztu behar denetan egiten diren kontrol jarduera administratiboak, eta zehatz-mehatz:

a) Jarduera lizentzia.

b) Irekitzeko lizentzia.

c) Irekitzeko lizentziaren aldaketa.

d) Instalazio eta lokalak berriz irekitzeko baimena.

e) Jarduera hasitakoan edo irekitakoan kontrolak egitea, lizentzia emantzat jotzen den kasuetan edo lizentziaren ordez erantzukizuneko aitorpena edo aurretiazko komunikazioa aurkeztu behar bada.

Ordaindu beharra

3. artikulua. Tasa lizentzia eskatzen denean sortuko da edo erantzukizunezko aitorpena edo aurretiazko komunikazioa aurkezten denean. Ez da ordaindu beharko interesdunak eskabideari uko egiten badio Udalak lizentzia emateko erabakia hartu baino lehen. Ez da ordaindu beharrik izanen baldin jarduera hasteari uko egiten zaiola komunikatzen bada jardueraren kontrola bukatzen duen udal ebazpena eman aurretik.

Subjektu pasiboa

4. artikulua. Ordenantza honetan ezarritako tasak ordaindu behar dituzte pertsona fisiko eta juridikoek, baita, nortasun juridikorik ez izan arren, batasun ekonomikoa edo aparteko ondarea osatzen duten entitateek ere, baldin haien izenean lizentzia eman, aldatu edo berraztertzen edo eskualdatzen bada, edo haien izenean aurkezten bada aurretiazko komunikazioa edo erantzukizuneko aitorpena.

Tarifak

5. artikulua. Ordenantza honen eranskinean jaso dira aplikatuko diren tarifak.

Kudeaketa arauak

6. artikulua. Jarduera baterako baimena erdietsi edo jarduera abiarazi nahi dutenek Herriko Etxean aurkeztuko dute behar den lizentzia eskabidea, aurretiazko komunikazioa edo erantzukizuneko aitorpena, lokalean egin beharreko jarduera edo jarduerak eta lokalaren kokapena zehazten dituztela, dagozkien udal ordenantzetan eskatutako dokumentazioarekin batera.

7. artikulua. 1. Udal honek behin-behineko likidazioa egindakoan exijituko dira ordenantza honetan ezarritako tasak.

8. artikulua. Lizentzia iraungiz gero, jardueran aritu nahi duten interesdunek lizentzia berria eskatu beharko dute, eta dagokion tasa ordaindu.

Arau-hausteak

9. artikulua. Arau-hausteei eta zehapenei dagokien orotan, ordenantza fiskal orokorrean xedatutakoari jarraituko zaio.

TARIFEN ERANSKINA

I. epigrafea.–Berritik jartzen diren establezimenduak, jardueren lekualdaketak, jarduera aldaketak.

I.1.–Jarduera lizentzia ematea, lokaleko jardueran funtsezko aldaketa egitea:

Establezimendua edo instalazioak:

AZALERA

SAILKATUA

KALTEGABEA

50 m² bitarte

550,00 euro

275,00 euro

50 m²-tik 100 m²-ra bitarte

620,00 euro

310,00 euro

100 m²-tik 250 m²-ra bitarte

690,00 euro

345,00 euro

250 m²-tik 500 m²-ra bitarte

795,00 euro

397,50 euro

500 m²-tik gora

900,00 euro

450,00 euro

I.2.–Jarduerak irekitzeko lizentzia ematea.

Establezimendua edo instalazioak:

AZALERA

SAILKATUA

KALTEGABEA

50 m² bitarte

600,00 euro

325,00 euro

50 m²-tik 100 m²-ra bitarte

670,00 euro

360,00 euro

100 m²-tik 250 m²-ra bitarte

745,00 euro

395,00 euro

250 m²-tik 500 m²-ra bitarte

860,00 euro

462,50 euro

500 m²-tik gora

990,00 euro

540,00 euro

Bi epigrafe hauek likidazio sistemaren bidez aplikatzen dira. Jardueraren lizentzia ematen denean, I.1 epigrafean zehazten den zenbatekora arte ordaintzen da, eta irekitzeko lizentzia ematen denean, I.2 epigrafean zehaztutako zenbatekora arte ordaintzen da diferentzia, azkenik legeztaturiko jardueraren arabera.

Jarduera sailkatutzat joko dira 4/2005 Foru Legearen eta 93/2006 Errege Dekretuaren eranskinetan edo haien ordezko legerian agertzen direnak, baita udal ordenantzetan halakotzat jotzen direnak ere. Jarduera kaltegabetzat joko dira aitzineko baldintzak betetzen ez dituztenak.

II. epigrafea.–Jarduerak handitzea edo murriztea, aldaketak, berritzeak, jardueren eskualdaketak eta titularraren aldaketak.

II.1.–Jarduera handitzea edo murriztea.

II.1.1.–Lokalaren azalera handitzea:

I.1 epigrafeko tarifen %100 aplikatuko da, jardueran handitzen den azaleraren arabera.

II.1.2.–Lokalaren azalera murriztea:

I.1 epigrafeko tarifen %25 aplikatuko da, jardueran murrizten den azaleraren arabera.

II.1.3.–Lizentzia fiskalari epigrafe gehiago eranstea, azalera bere horretan utzita:

I.1. epigrafeko tarifen %50 aplikatuko da.

II.2.–Jardueraren aldaketak.

II.2.1.–Aurreko lizentzia desberdina denean:

Jarduera berritzat hartuko da eta I.1 eta I.2 epigrafeetako tarifak aplikatuko dira.

II.2.2.–Aurreko lizentzia berarekin:

I.1. epigrafeko tarifen %100 aplikatuko da.

II.3.–Jarduera eskualdatzea.

I.2. epigrafeko tarifen %50 aplikatuko da.

II.4.–Titularra aldatzea.

I.2 epigrafeko tarifak aplikatuko dira, irekitzeko lizentzia berria balitz bezala. Lokalak aurretik irekitzeko lizentzia baldin bazuen azalera eta jarduera beretarako, likidatuko da lokalak jarduera lizentziaren tasak ordaindu balitu bezala.

II.5.–Jarduera indarra duen legeriari egokitzea edo administrazioak eskatzen dituen jarduketak.

Jadanik badiren lizentziak, jarduera handitzea eskatzen ez dutenak:

I.2 epigrafeko tarifak aplikatuko dira, irekitzeko lizentzia berria balitz bezala. Aitzinetik irekitzeko lizentzia izanez gero egokitzen den jardueran aritzen den pertsonaren izenean, dagokion jarduera lizentziaren balioa deskontatuko da.

Jadanik badiren lizentziak, jarduera handitzea behar dutenak azalera handitu gabe:

I.1. epigrafeko tarifen %50 aplikatuko da.

Jadanik badiren lizentziak, jarduera handitzea eta/edo hartan funtsezko aldaketa egitea behar dutenak:

Jarduera berritzat hartuko da eta I.1 eta I.2 epigrafeetako tarifak aplikatuko dira.

II.6.–Instalazioak eta lokalak berriz irekitzeko baimena, egiaztatu behar izaten diren obra garrantzitsuak egin ondotik.

AZALERA

TASA

50 m² bitarte

50,00 euro

100 m² bitarte

75,00 euro

200 m² bitarte

150,00 euro

300 m² bitarte

300,00 euro

500 m²-tik gora

638,40 euro

3. ORDENANTZA FISKALA

ORDENANTZA FISKALA, IBILGAILUAK ESPALOIETAN BARNA SARTZEKO, ETA APARKAMENDU ESKLUSIBORAKO EDO GELDITZEKO LEKUA NAHIZ EDOZEIN MOTATAKO SALGAIEN ZAMALANAK EGITEKO EREMU PUBLIKOA ERRESERBATZEKO TASAK ARAUTZEN DITUENA

Oinarria

1. artikulua. Ordainarazpen hau ezarri da Nafarroako Toki Ogasunei buruzko martxoaren 10eko 2/1995 Legearen lehenbiziko tituluko IV. kapituluko 7. atalean xedatutakoaren arabera eta lege beraren 12. artikuluan jasotzen den baimenari jarraituz.

Zergapeko egintza

2. artikulua. Espaloietan barna ibilgailuak sartzea eta aparkamendu esklusiborako nahiz edozein motatako salgaien zama-lanak egiteko edo ibilgailuak gelditzeko eremu publikoa erreserbatzea, horra zergapeko egintza.

Ordaindu beharra

3. artikulua. Tasa urtarrilaren 1ean sorraraziko da urtero, eta zergaldia urte naturala izanen da, salbu eta erabilera pribatiboa edo erabilera berezia urte hartan hasi edo bukatu egin den kasuetan, orduan zergaldia horren arabera moldatuko baita eta kuota hainbanatuko.

Erabilera edo aprobetxamendua urte naturala hasi eta gero egiten bada, seihileko osoaren tasa ordaindu beharko da.

Ordaintzera behartuak

4. artikulua. Tasa ordaintzera beharturik daude, zergadunak diren aldetik, pertsona fisiko zein juridikoak eta, nortasun juridikorik ez izanik ere, unitate ekonomikoa edo ondare berezia osatzen duten entitateak, baldin eta Ordenantza honetako 2. artikuluan aurreikusitako kasuetako bati jarraikiz, toki entitatearen jabari publikoa beren alde erabili edo ustiatzen badute edo hari onura ateratzen badiote.

Ibilgailuak espaloietan zehar sartzeko aprobetxamendu bereziko kasuetan, zergadunaren ordezko izanen dira ibilgailuendako sarrera horien sarbide diren finka eta lokalen jabeak. Halaber, azken hauek zilegi izanen dute dagokien onuradunei kuotak ordainaraztea.

Hornidurako zerbitzu publikoak ustiatzen dituzten enpresek egindako aprobetxamendu bereziei zein erabilera pribatiboei dagozkien tasak horren gaineko Ordenantza Fiskalak edo haiek arautzeko Udal Erabakiek gobernatuko dituzte.

Oinarriak, tasak eta tarifak

5. artikulua.

1. Espaloien barnako pasabideko aprobetxamenduaren kasuan, ordenantza fiskal honen eranskinean ezarritako tarifak aplikatzeko oinarria zehaztuko da kontuan hartuta erabilitako pasabidearen zabalera, gutienez 4 metro izanen baita, baita plaza kopurua ere.

2. Tokia erreserbatzen denean, eremu horren luzera hartuko da oinarritzat.

6. artikulua. Aplikatu beharreko tarifak ordenantza fiskal honen eranskinean agertzen dira.

Kudeaketa arauak

7. artikulua. Lizentziak emateko onesten den arauan xedatuak arautuko du lizentzietarako baimena.

8. artikulua. Ibilgailuen pasabidea espaloietan barna erraztu ahal izateko lanak egin behar direnean eta zoladura nola edo hala mugitu, pasabidea egiteko behar den lizentzia eskatu beharko da une berean eta “Erabilera publikoko lurretan zangak, laginketak eta zuloak irekitzea eta eremu publikoan zorua edo espaloiak kentzeko tasak arautzen dituen ordenantza fiskalean” ezarri prezio publikoak eta fidantzak ordaindu.

Etxebizitzetako edo lurpeko garajeen kasuan, administrazio kontzesioak eta planeamenduan garajeetako aurreikusitako lurzatiak direnean, ez da beharrezkoa izanen fidantzarik zintarriak birjartzeko, kasu hauetan zintarriak apaldua egon behar du eraikuntza zutik dagoen bitartean.

Pasabidea egiteko lizentzia eman ahal izateko pasabide horrek baimena izan beharko du eta tasak ordaindu eta gordailua egin beharko dira.

Indarra duen arautegia edo lizentziaren baldintzak ez betetzeagatik ezarritako zehapenekin lotu daiteke gordailua. Gordailua berreskuratu ahal izateko, Udaltzaingoaren eta kasuan kasuko zerbitzu teknikoen txostena beharko da, segurtasun eta trafiko arauak eta lizentzia hartzeko baldintzak bete eta lurzorua behar bezala konpondu duela egiaztatzen duena.

9. artikulua. Espaloietan barna ibilgailuak sartu eta lekua erreserbatzeko lizentziak emanik, behar den zentsuan sartuko dira titularrak.

10. artikulua. Seinalatzeko diskoak Udalak emanen ditu IV. epigrafean ezarritako tasa ordaindu ondoan, eta lizentziaren titularraren eginkizuna izanen da disko horiek paratu, mantendu, behar izanez gero berriro paratzea, eta erabilera edo aprobetxamendua bukatutakoan kentzea.

11. artikulua. Lizentziaren titularrak erabilera edo aprobetxamendua burutu eta gero zentsuan baja ematera beharturik daude, eta zintarria eta espaloia lehengoratzera. Era berean, seinalatzeko diskoak ere kendu beharko dituzte. Bertzenaz, ulertuko da aprobetxamenduak jarraitzen duela, zintarria eta espaloia lehengoratu eta diskoak kendu arte.

2016KO TARIFEN ERANSKINA

I. epigrafea.–Ibilgailuen pasabidea.

I.1.–Turismoendako garaje pribatuak, metro lineal bakoitzeko, urtean:

–1 - 5 ibilgailu: 38,00 euro.

– 6 - 10 ibilgailu: 58,00 euro.

– 11 - 25 ibilgailu: 96,00 euro.

– 26 - 50 ibilgailu: 132,00 euro.

– 51 - 75 ibilgailu: 186,00 euro.

– 76 - 100 ibilgailu: 229,00 euro.

– 101 - 150 ibilgailu: 271,00 euro.

–150 ibilgailutik goiti: 350,00 euro.

I.2.–Merkataritzako eta industriako ibilgailuendako garaje pribatuak.

I.1. epigrafeko turismoen parekoak izanen dira. Auto-omnibusen kasuan ibilgailu bat 10 toki edo horren zatiki bakoitzeko kalkulatuko da, eta kamioi eta nekazaritzako herresta-ibilgailuen kasuan gehieneko karga baimenduko 2 tona metriko edo horren zatiki bakoitzeko.

I.3.–Autoak konpondu, garbitu eta olioztatzeko tailerrak, mota guztietakoak, gasolindegiak eta erakusketarako lokalak, metro lineal eta urte bakoitzeko.

–Tarifa: 115,00 euro.

I.4.–Garaje publikoak, metro lineal bakoitzeko, urtean:

–50 ibilgailu bitarte: 132,00 euro.

– 51 - 75 ibilgailu: 186,00 euro.

–6 - 100 ibilgailu: 229,00 euro.

–101 - 150 ibilgailu: 271,00 euro.

–150 ibilgailutik goiti: 350,00 euro.

I.5.–Orduka aparkatzea ahalbidetzen duten lizentziak, aparkatzeko debekua dakartenak.

–I.1, I.2, I.3 eta I.4 epigrafeei dagozkien tarifak aplikatuko dira, %44 merkeago.

I.6.–Sarbidearen aurreko espaloian edo gune publikoan aparkatzea murriztu edo debekatzea eskatzen ez duten lizentziak, mugaketa horiek aurretik ezarrita egoteagatik, hamabostaldietarako edo beste epe batzuetarako, edo ordutegiaren arabera mugaturik badaude ere.

–I.1, I.2, I.3 eta I.4 epigrafeei dagozkien tarifak aplikatuko dira, %50 merkeago.

II. epigrafea.–Lekua erreserbatzea.

II.1.–Gau eta eguneko erreserba:

–Metro lineal edo horren zatiki bakoitzeko, urtean: 81,00 euro.

II.2.–Ordutegi mugatuko erreserba:

–Metro lineal edo horren zatiki bakoitzeko, urtean: 57,00 euro.

Txandakako aparkatzeko debekua duen kale bateko bi espaloietan baimendurik badago erreserba egitea, tarifa finkatuko da luzera handiena duen aldearen neurriak azterturik.

III. epigrafea.–Seinalatzeko diskoak.

III.1.–Pasabideak seinalatzeko disko trokelatuak, bakoitzeko: 29,00 euro.

4. ORDENANTZA FISKALA

ORDENANTZA FISKALA, ERABILERA PUBLIKOKO LURRETAN ZANGAK, LAGINKETAK ETA ZULOAK IREKI ETA EREMU PUBLIKOKO ZORUAN EDO ESPALOIETAN EDOZEIN MUGIMENDU EGITEKO TASAK ARAUTZEN DITUENA

Oinarria

1. artikulua. Ordainarazpen hau ezarri da Nafarroako Toki Ogasunei buruzko martxoaren 10eko 2/1995 Legearen lehenbiziko tituluko IV. kapituluko 7. atalean xedatutakoaren arabera eta lege beraren 12. artikuluan jasotzen den baimenari jarraituz.

Zergapeko egintza

2. artikulua. Zergapeko egintza da erabilera publikoko tokiko lurretan, tokiko errepide, bide eta gainontzeko eremu publikoak barne, zangak, laginketak eta zuloak irekitzea, tutueria, hodiak eta bertzelako instalazioak jarri eta konpontzeko, bai eta eremu publikoko zoruan edo espaloietan edozein mugimendu egitea ere.

Ordaindu beharra

3. artikulua. Zergak ordaindu beharra toki entitatearen jabari publikoaren erabilera pribatiboa edo aprobetxamendu berezia hasten denean sortzen da.

Ordaintzera behartuak

4. artikulua. Tasa ordaintzera beharturik daude, zergadunak diren aldetik, pertsona fisiko zein juridikoak eta, nortasun juridikorik ez izanik ere, unitate ekonomikoa edo ondare berezia osatzen duten entitateak, baldin eta Ordenantza honetako 2. artikuluan aurreikusitako kasuetako bati jarraikiz, toki entitatearen jabari publikoa beren alde erabili edo ustiatzen badute edo hari onura ateratzen badiote.

Oinarriak, tasak eta tarifak

5. artikulua. Tasa oinarritzat hartuko da egin beharreko aprobetxamendua egin ahal izateko mugitu edo ireki beharreko toki entitatearen jabari publikoko azalera.

Ordaindu behar den tasaz gain, ordaintzeko obligazioa dutenek ordaindu beharko dute lanaren ondorioz jabari publikoan eragiten den kalteari dagokion zenbatekoa, tarifen eranskinean ageri denaren arabera.

Hornidurako zerbitzu publikoak ustiatzen dituzten enpresek egindako aprobetxamendu bereziei zein erabilera pribatiboei dagozkien tasak horren gaineko Ordenantza Fiskalak edo horiek arautzeko Udal Erabakiek gobernatuko dituzte.

Ondasunak eta instalazioak berreraiki, birrezarri edo konpontzea.

6. artikulua. Ordaintzeko beharturik dagoenak aprobetxamendua egin den tokietako ondasun eta instalazioak berreraiki, birrezarri eta konpondu beharko ditu.

7. artikulua. Konponezinak diren kalteak egiten badira, interesdunak ordaindu beharko ditu. Udal teknikariek zehaztuko dute kalte-ordainaren zenbatekoa, desegindako gaiek balio dutenaren edo kaltetutakoaren balio galeraren arabera, aplikagarri den legeriari jarraikiz.

8. artikulua. Aurreko artikuluetan ezarritakoaren ondorioetarako, ordaintzera beharturik dagoenak gordailu bat egin beharko du, lehenik eta behin, zanga behar bezala betetzeko erabiliko dena eta, behar izanez gero, zoladura emateko, eta pasabideen kasuan, hurrengo batean berreraikitzeko, hala nola konponezinak gerta daitezkeen kalteak ordaintzeko.

Indarra duen arautegia edo lizentziaren baldintzak ez betetzeagatik ezarritako zehapenekin lotu daiteke gordailua. Fidantza berreskuratu ahal izateko aldeko txostena beharko da, indarra duen araudia eta lizentzia lortzeko baldintzak hertsiki bete direla eta zoladura behar bezala konpondu dela egiaztatuko duena.

9. artikulua.

1. Pasabideak egiterakoan gordailuak eratu, handitu eta itzultzeko gaietan, “Eremu publikoetako espaloietan eta erreserbatutako lekuetan barna ibilgailuak pasatzeko lizentziei buruzko tasak arautzen dituen ordenantza fiskalak” xedatutakoari jarraituko zaio.

2. Ordenantza honen xede diren gainerako aprobetxamenduetan, aipatu gordailu horien zenbatekoak aprobetxamendurako baimendutako azaleraren arabera zehaztuko dira, betiere tarifen eranskinean ageri denari jarraikiz.

Kudeaketa arauak

10. artikulua. Edozein arrazoi dela medio, toki entitateko erabilera publikoko lurretan, zangak, laginketak edo zuloak ireki edo zoladuran edo espaloietan edozein mugimendu egin nahi duen pertsona natural edo juridikoak, behar den baimena eskatuko dio Udalari, eta horretarako hirigintza arloko araudian eta “HAPOaren (hiri antolamenduko plan orokorra) arabera eremu publikoan obrak egiteko ordenantza” izenekoan eskatutakoa ere bete beharko ditu.

11. artikulua. Lizentziak ematen diren unean behar diren tasak ordaindu beharko dira. Pasabideak egiten direnean, lizentziaren eraginkortasuna lotua geldituko da espaloia zeharkatzeko baimenari.

12. artikulua. Baimenak indarra galduko du hura eman eta sei hilabetetan ez badira obrak hasi edo ezarri epean ez badira bukatu.

2016KO TARIFEN ERANSKINA

I. epigrafea.–Zangak irekitzea.

1.1.–Zanga metro bat zabal baino gutiago bada, luzerako metro bakoitzagatik 22,50 euro.

1.2.–Zanga metro bat zabal bada edo gehiago, luzerako metro bakoitzagatik 24,00 euro.

II. epigrafea.–Fidantza zangak irekitzeagatik.

–Fidantza metro lineal bakoitzeko: 120,00 euro.

5. ORDENANTZA FISKALA

ORDENANTZA FISKALA, HERRIKO JABARI PUBLIKOKO ZORU, ZORUPE ETA HEGALKINAREN ERABILERA PRIBATIBOA EDO APROBETXAMENDU BEREZIA EGITEKO TASAK ARAUTZEN DITUENA

Oinarria

1. artikulua. Ordainarazpen hau ezarri da Nafarroako Toki Ogasunei buruzko martxoaren 10eko 2/1995 Legearen lehenbiziko tituluko IV. kapituluko 7. atalean xedatutakoaren arabera eta lege beraren 12. artikuluan jasotzen den baimenari jarraituz.

Zergapeko egintza

2. artikulua. Zergapeko egintzak dira herriko jabari publikoko zoru, hegalkin eta zorupearen erabilera pribatiboak edo aprobetxamendu bereziak, hala nola:

a) Erabilera publikoko zorupea okupatzea.

b) Erabilera publikoko lurrak salgai, eraikuntzako material, hondakin, hesi, puntal, euskarri, aldamio edo gisako instalazioen bidez okupatzea.

c) Pisuetako burdinsareak, soto edo sotoarteei argia, aireztapena, pertsonen sarbidea edo ibilgailuen sarrera eman ahal izateko herriko edozein eremu publikotako zoru edo zorupean kokatutako lukana, arnasbide, ate, karga-aho edo gisako elementuak, bai eta argi-sare publikotik egindako hargunea ere.

d) Toki entitateko edozein eremu publikoko hegalkina ukitzea, eraikinak ixteko elementu, terraza, behatoki, balkoi, markesina, olana edo gisako instalazioekin, eremu publikoaren gainean dauden edo fatxadaren lerrotik ateratzen diren hegalkinak, eta balkoi eta terrazak kristalez ixtea.

e) Toki entitateko eremu publiko edo jabari publikoko bertzelako lurretan edo haien hegalkinean kokatuta dauden hariak, hodiak eta galeriak, argi indarra, ura, gasa edo bertze edozein isurkari eramateko; kableak, horma-besoak, lotura, banaketa edo erregistrorako kaxak, transformadoreak, burni-barrak, baskulak, aldamioak eta gisakoak; eta salmenta automatikorako tresnak eta gisakoak.

f) Irabazteko xedearekin mahaiak, aulkiak, tribunak, oholtzak edo haien gisako bertzelako elementuak jarriz erabilera publikoko lurrak okupatzea.

g) Eremu publikoan kioskoak paratzea.

h) Erabilera publikoko lurretan kokatutako postu, barraka, saltoki, ikuskizun, atrakzio eta jolaskizunak jartzea, bai eta kalez kaleko industriak eta zinema filmaketa ere.

i) Portada, erakusleiho eta beira-arasak.

j) Erregaiaren biltontziak eta hornigailuak eta, oro har, erabilera publikoko lurretan kokatutako artikulu edo salgaiak.

k) Toki entitateko jabari publikoko lurrak okupatzen dituzten edo herriko errepide edo eremu publikoetatik ikusgarri diren iragarkiak jartzea.

l) Lur, eraikin edo hesiei eusteko hormak, behin betikoak zein behin-behinekoak, herriko eremu publikoetan.

Ordaindu beharra

3. artikulua. Ordaindu beharra erabilera pribatiboa edo aprobetxamendu berezia hastean sortzen da, eta aurretik behar den baimena eskatu behar da.

Udalaren nahitaezko lizentziarik aurretik izan gabe erabilera edo aprobetxamendua hasten bada, ordenantza fiskal honetan ezarritako tasa pagatzeak ez ditu izandako erabilera edo aprobetxamenduak legeztatuko eta kalte-ordainik eman gabe instalazioak kentzeko agindu daiteke.

Ordenantza honetako erabilera edo aprobetxamenduak tasaren aldian behingo sorrarazpena behar badu, hura urtarrilaren 1ean izanen da urtero eta zergaldia urte naturala izanen da, salbu eta erabilera pribatiboa edo aprobetxamendu berezia urte hartan hasi edo bukatu den kasuetan, orduan zergaldia horren arabera moldatuko baita eta berdin kuota hainbanatuko.

Festetan, kalez kaleko salmenta denean, eranskinean aipatzen den fidantza emanen da, eskabidea egiten denean. Azkenik, behar den baimena tramitatu eta eman ondotik, onuradunaren erruz salmentan hasten ez bada, zenbateko hori Udalak beretako hartuko du, tramitazioko gastu gisa.

Ordaintzera behartuak

4. artikulua. Tasa ordaintzera beharturik daude, zergadunak diren aldetik, pertsona fisiko zein juridikoak eta, nortasun juridikorik ez izanik ere, unitate ekonomikoa edo ondare bereizia osatzen duten entitateak, baldin eta, toki entitateko jabari publikoko zoru, hegalkin edo zorupearen erabilera pribatiboa edo aprobetxamendu berezia egiten badute, edo hari onura ateratzen badiote.

Eremu publikoan paratzen diren edukiontzien kasuan, lizentziaren titular edo aprobetxamenduaz baliatzen direnez gain, zaborrontzien jabeek eta etxegileek ere ordaindu beharko dute.

5. artikulua. Hornidurako zerbitzu publikoak ustiatzen dituzten enpresek zoruan, hegalkinean eta zorupean egindako erabilera edo aprobetxamenduen tasak horien gaineko ordenantza fiskalen edo aplikagarri diren udal erabakien menpe egonen dira.

Oinarriak, tasak eta tarifak

6. artikulua. Tarifak aplikatzeko oinarria zehaztuko da erabileraren edo aprobetxamenduaren iraupenaren eta okupatutako eremu publikoaren azaleraren arabera.

7. artikulua. Tarifak ordenantza honen eranskinean agertzen dira.

Kudeaketa arauak

8. artikulua. Erabilpen pribatiboak edo aprobetxamendu bereziak berekin dakartenean toki erakundearen jabari publikoaren suntsiketa edo narriadura, onuraduna, behar den tasaren ordainketa ukatu gabe, aipatu horiek berreraiki edo konpontzeko gastuen kostu osoa ordaintzera beharturik dago, bai eta aurretik zenbateko hori gordailutako uztera ere.

Gordailu hori ukituta gerta daitezkeen ondasun eta instalazio guztien balioaren arabera finkatuko da, hura zenbakietara ekartzeko udal teknikariak txostena aldez aitzinetik eginda.

Eremu publikoa edukiontziekin okupatzen bada, eremu publikoan edukiontziak paratzeari buruzko Ordenantzan ezarritako zenbatekoei jarraikiz finkatuko da gordailua.

Indarra duen arautegia edo lizentziaren baldintzak ez betetzeagatik ezarritako zehapenekin lotu daiteke gordailua. Fidantza itzultzeko beharrezkoa izanen da aldez aurreko txostena, non indarra duen arautegia eta lizentziaren baldintzak hertsiki bete eta zoladura behar bezala konpontzen den islatuko baita.

9. artikulua. Erabilera dela eta sortutako kalteak konponezinak badira, onuradunak, desegindako gaiek zenbat balio duten edo kaltetutakoen balio galera norainokoa den, horrenbeste emanen dio ordainetan Udalari. Bereziki konponezintzat hartuko diren kalteak interes artistiko edo historikoa duten monumentuetan eta 20 urte baino gehiagoko zuhaitzetan egindakoak izanen dira.

Lehenik eta behin fidantzek kalte-ordain horiek estaliko dituzte.

10. artikulua.

1. Ordenantza honetan araututako tasei lotutako aprobetxamenduek behar den errolda edo zentsua izanen dute ohikoak eta etengabeak badira. Tasa urtean behin ordaindu beharko da, Ordenantza fiskal orokorrean ezarritako epe eta baldintzetan.

2. Erabilerak edo aprobetxamenduak lizentziarik behar ez badute, aurretik dagokien kuota ordaindu beharko da. Horrela izanez gero txartela jaso beharko da, behar bezala datatua, horretarako izendatzen diren langileen eskutik.

3. Gainerako kasuetan, likidazioa Udalak eginen du. Tasa lizentzia edo kontzesioa eman dela jakinarazi baino lehenago ordainduko da, erabilera edo aprobetxamenduaren epea zehazki finkaturik dagoenean. Hala ez bada, pagamendua erabilera edo aprobetxamendua amaitutakoan eginen da, hau da, partikularrak Udalari bukatu dela jakinarazten dionean.

Erabilera edo aprobetxamendua sasoi osorako ematen bada, tasa ordaintzen ahal da hiruhilabeteka eta horiek iragandakoan. Ez da eginen hiruhilekoaren likidazioa erabilera edo aprobetxamenduari uko egiten bazaio hiruhileko hori hasi baino gutxienez hilabete bat lehenago.

4. “Mahai, aulki eta mahaitxoak” izeneko 1. epigrafeari dagokionez, Udalak baimena osorik balio gabe utzi edo aldi baterako ken dezake, betiere arrazoi bidezko, obra, konponketa eta abarren bat badago, eta kobratutako tasaren zati proportzionala soilik itzultzera behartuta dago.

2016KO TARIFEN ERANSKINA

I. epigrafea.–Zoruko aprobetxamendu bereziak.

–Mahaiak, aulkiak, beladore estali gabeak eta gisako beste instalazio batzuk, urtarriletik abendura, m² bakoitzeko: 25,00 euro.

–Mahaitxo estaliak, maiatzetik urrira, m² bakoitzeko: 40,00 euro.

–Bertzelako erabilera edo aprobetxamendua, jarduera ez ekonomiko, hesi, aldaera, obretako edukiontzi eta abarretarako...

–Jarduera ekonomikoa ez bada: 10 m² edo zati bakoitzeko, eguneko, 20 eurotik goiti: euro 1,00.

–Bertzelako erabilera edo aprobetxamenduak, jarduera ekonomikoetarako: 10 m² edo zati bakoitzeko, eguneko, 20 eurotik goiti: 1,50 euro.

–Kioskoak, maiatzetik urrirako denboraldia: 305,00 euro.

–Merkatu txikia:

  • Zenbatekoa, egunean: 36,00 euro.
  • Zenbatekoa, hilabetean: 85,00 euro.
  • Hiruhilekoan: 235,00 euro.
  • Seihilekoan: 450,00 euro.
  • Urtean: 850,00 euro.
  • Kalez kaleko salmenta festetan: 84,25 euro.
  • Kaleko saltoki bakoitzeko fidantza: 21,05 euro.

–Eremu publikora jotzen duten fatxadetan banku entitateek paratutako kutxazainak:

  • Paratutako kutxazain bakoitzeko, urtean: 115,00 euro.

–Kupoiak eta loteriak saltzeko kioskoak eta kabinak:

  • Kabina edo kiosko bakoitzeko, urtean: 63,00 euro.

–Saltzeko makinak, eremu publikora jotzen duten fatxadetan:

  • Saltzeko makina bakoitzeko, urtean: 63,00 euro.

II. epigrafea.–Hegalkineko aprobetxamendu bereziak.

Hegalkinean eginen diren aprobetxamenduetan aplikatu beharreko tarifak I. epigrafean (“Ekonomikoak ez diren jardueretarako bertze aprobetxamendu batzuk”) ezarritakoen %50 izanen da.

6. ORDENANTZA FISKALA

ORDENANTZA FISKALA, AGIRIAK EGIN ETA TRAMITATZEKO TASAK ARAUTZEN DITUENA, BAITA BESTE EUSKARRI BATZUETAN ERE

Oinarria

1. artikulua. Ordainarazpen hau ezarri da Nafarroako Toki Ogasunei buruzko martxoaren 10eko 2/1995 Legearen lehenbiziko tituluko IV. kapituluko 7. atalean xedatutakoaren arabera eta lege beraren 12. artikuluan jasotzen den baimenari jarraituz.

Zergapeko egintza

2. artikulua. Ordainarazpen honen xedea da udal organoek agiriak egin edo horien gain ardura duten udal organo eta agintariek egiten duten jarduera administratiboa, alderdi batek eskatua:

1. Udalaren artxiboetan dauden plano eta fitxategiak kopiatzea, bai paperean bai euskarri digitalean.

2. Ziurtagiriak, Udal Erroldaren gaineko edozein motatako datuei buruzkoak izan ezik.

3. Kopia eginbidetuak.

4. Agirien konpultsak, salbu eta Katastroko edozein daturen gainean egindakoak.

5. Fotokopiak.

6. Arma txartelak.

7. Lanpostuak betetzeko deialdiak.

8. Lizentziak eta baimenak frogatzeko tituluak eta aplikatzekoa den araudiak eskatzen dituen baldintzak betetzen direla frogatzekoak, salbu eta egiten badira horiek ematerakoan, aldatzerakoan edo tasapean berraztertzerakoan.

9. Ahalmenak askiestea.

10. Aurrekontuak eta ordenantza fiskalak.

11. Txostenak eta kontsultei emaniko erantzunak.

Sortzapena

3. artikulua. 1. Ordenantza honetan ezarritako tasak agiria egin edo tramitatzeko eskabidea aurkeztean sorraraziko dira, eta agiri hori ez da emanen edo tramitatuko, baldin eta lehenago ordaindu ez bada, eta hori egiaztatu behar duen ordainagiria eman ez bada.

2. Nolanahi ere borondatez ordaintzeko ematen den epean ordaindu beharko dira Hirigintza alorreko kontsultei txostenak eta erantzunak emateagatiko tasak, txostena edo erantzuna onetsi eta tasa likidatzen duen Ebazpenean xedatutakoaren arabera.

Subjektu pasiboak

4. artikulua. Ordaintzeko beharra dute tasa honen xedea diren agiriak egin edo tramitatzeko eskatzen dutenek.

Tarifak

5. artikulua. Ordaindu beharreko tasak ordenantza honen eranskinean azaltzen dira.

Kudeaketa arauak

6. artikulua. Ordenantza honetan ezarri diren tasak Udalaren Diruzaintzan sartuko dira, edo Udalak halako gordailu erakunde batean irekita duen kontu korrontean eta, 3.2) artikuluan xedatutakoa izan ezik, ez da eskatutako agiria eginen ordainagiririk ez bada.

Diru-bilketarako arau bereziak dira hauek:

a) Arma txartelak tramitatzeagatiko tasak.

b) Agiriak konpultsatzeagatiko tasak.

c) Ziurtagiriak, txostenak, kopia eginbidetuak eta fotokopiak egiteagatiko tasak.

Bulego Nagusietako Eskudiruko Kutxan ordaindu daitezke.

TARIFEN ERANSKINA

I. epigrafea.–Planoen eta fitxategien kopiak.

1. Udal Planaren planoak edo espediente publikoetan daudenak, paperezko euskarrian:

–Metro lineala: 7,10 euro.

–DIN A0: 7,95 euro.

–DIN A1: 3,95 euro.

–DIN A2: 2,05 euro.

–DIN A3: 0,50 euro.

–Lur-ondasunen erregistroko krokisa: 3,55 euro.

2. Euskarri digitaleko fitxategien kopiak:

–CDan lehendabiziko fitxategia: 10,40 euro.

–DVDan lehendabiziko fitxategia: 10,40 euro.

–Gehitutako fitxategi bakoitzeko: 4,75 euro.

II. epigrafea.–Ziurtagiriak.

1. Udalaren base informatikoetan bildutako datuen ziurtagiriak: 3,85 euro.

2. Espediente administratiboetan jasotako erabaki edo agirien ziurtagiriak: 7,25 euro.

3. Aldez aurretik txostena behar duen ziurtagiria. Txosten bakoitzeko: 22,80 euro.

Ziurtagiriarekin batera planoak edo/eta fotokopiak –eginbidetuak nahiz eginbidetu gabeak– badoaz, I., III. eta IV. epigrafeetatik dagokien tasa ere eskatuko da.

III. epigrafea.–Kopia eginbidetuak.

1. Espediente administratiboetan jasotako agirien kopia eginbidetua: 4,25 euro.

2. Udalaren base informatikoetan bildutako datuen kopia eginbidetua: 4,95 euro.

Tarifa aplikatzeko, eginbide bakartzat jotzen da espediente batean jasotako agiri eta datuen gainean egiten dena, pertsona berarendako. Aurreko zenbakietan ezarritako tasari gehitu beharko zaio I. epigrafetik eta IV. epigrafetik dagokiona, eginbidetu beharreko plano eta/edo fotokopiengatik.

IV. epigrafea.–Agirien konpultsa.

1. Konpultsa bakoitza: 2,35 euro.

Tarifa aplikatzeko, konpultsa bakartzat jotzen da espediente bakar batean pertsona batek eta berak aurkezten dituen agiriak oro.

V. epigrafea.–Agirien fotokopiak, partikularrek eskatuak.

1. Espediente publikoetan bildutako agirien fotokopia bakoitzeko.

–DIN A3, zuri-beltzezkoa: 0,35 euro.

–DIN A4, zuri-beltzezkoa: 0,25 euro.

–DIN A3, kolorezkoa: 1,50 euro.

–DIN A4, kolorezkoa: 1,20 euro.

VI. epigrafea.–Arma txartelen tramitazioa.

1. Txartel bakoitza: 11,00 euro.

VII. epigrafea.–Lanpostuak betetzeko deialdiak.

1. A mailan sartzeko (Funtzio Publikoaren Estatutuaren ariora), izena emateagatik: 22,80 euro.

2. B mailan sartzeko, izena emateagatik: 20,55 euro.

3. C mailan sartzeko, izena emateagatik: 11,40 euro.

4. D eta E mailan sartzeko, izena emateagatik: 4,50 euro.

Deitu beharreko lanpostuak lan-kontratukoak izanez gero, deialdian aurreikusitako ordainsariak funtzionario maila bati atxiki, eta maila horri dagokion tasa aplikatu behar da.

VIII. epigrafea.–Lizentziak eta baimenak frogatzeko tituluak, eta aplikatzekoa den araudiak eskatzen dituen baldintzak betetzen direla frogatzekoak:

1. Ikuskizun publiko bereziak (aire zabalekoak) egiteko: 115,55 euro.

2. Ikuskizun publiko bereziak (toki itxietan) egiteko: 114,60 euro.

3. Zaldiko-maldiko, karrusel eta bestelako instalazio mugigarrietarako: 14,75 euro.

4. Jardueraren funtzionamendurako, titulartasuna aldatzeagatik: 11,85 euro.

5. Bestelakoak: 9,05 euro.

X. epigrafea.–Ahalmenak askiestea.

1. Askieste bakoitza: 8,35 euro.

XI. epigrafea.–Aurrekontuak eta ordenantza fiskalak.

1. Ale bakoitza:

–Ordenantzak: 13,85 euro.

–Aurrekontuak: 13,85 euro.

XII. epigrafea.–Hirigintzako txostenak.

1. Txostenak egiteagatik, oro har: 24,70 euro.

Iragarkiaren kodea: L1602295