34. ALDIZKARIA - 2015eko otsailaren 19a

2. NAFARROAKO TOKI ADMINISTRAZIOA

2.2. XEDAPEN ETA IRAGARKIAK, HERRIEN ARABERA ANTOLATUAK

TAFALLA

Nafarroa Behereko etorbideko 6ko etxebizitzen eraikinean igogailua paratzeko plan berezia. Hasierako onespena

Tafallako Udalaren Gobernu Batzarrak, 2015eko urtarrilaren 27an egin bilkura arruntean, hasiera batean onetsi zuen Nafarroa Behereko etorbideko 6ko etxebizitzen eraikinean igogailua paratzeko plan berezia, Vicente López Garcíak aurkeztua, jabeen elkartea ordezkatuz, 2014ko abenduaren 16an. 5.200 zenbakiko sarrera erregistroa dauka.

Lurraldearen Antolamenduari eta Hirigintzari buruzko abenduaren 20ko 35/2002 Foru Legean xedatuari jarraikiz, espedientea jendaurrean egonen da hogei egunean, iragarki hau Nafarroako Aldizkari Ofizialean argitaratu eta biharamunetik hasita, interesdunek hura aztertu eta erreklamazio, kexa edo oharrak aurkez ditzaten.

Tafallan, 2015eko otsailaren 2an.–Alkatea, Cristina Sota Pernaut.

Iragarkiaren kodea: L1501938