1. NAFARROAKO FORU KOMUNITATEA
1.7. BESTELAKOAK
88/2015 EBAZPENA, urriaren 21ekoa, Hezkuntzako zuzendari nagusiak emana, Iruñeko “San Ignacio” ikastetxe itundu pribatuari baimena ematen diona 2015-2016 ikasturtetik aurrera Atzerriko Bigarren Hizkuntza, frantsesa edo alemana, Lehen Hezkuntzako 4. ikasmailatik aurrera irakasteko.
Antolamenduaren eta Aukera Berdintasunaren Zerbitzuko zuzendariak aldeko txostena eman du Iruñeko “San Ignacio” ikastetxe itundu pribatuari baimena eman diezaioten 2015-2016 ikasturtetik aurrera Atzerriko Bigarren Hizkuntza, frantsesa edo alemana, Lehen Hezkuntzako 4. ikasmailatik aurrera irakasteko.
Nafarroako Foru Komunitateko lurralde eremuan diren Lehen Hezkuntzako ikastetxeetako irakaskuntzen ezarpena eta ordutegia arautzeko Hezkuntzako kontseilariak ekainaren 2an emandako 51/2014 Foru Aginduak, uztailaren 3ko 64/2015 Foru Aginduak aldatu ondoren, ezartzen du ikastetxeek Lehen Hezkuntzako edozein ikasmailatatik aurrera eskain dezaketela Atzerriko Bigarren Hizkuntza, Hezkuntza Departamentuak baimena eman ondoren.
Atzerriko Bigarren Hizkuntza Lehen Hezkuntzan emateko baimenaren prozedura arautzea du xede abuztuaren 22ko 73/2014 Foru Aginduak, betiere Nafarroako Foru Komunitateko lurralde eremuan diren ikastetxe publikoetan, pribatuetan eta pribatu itunduetan.
Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1 d) artikuluak ematen dizkidan ahalmenak erabiliz,
EBATZI DUT:
1. Iruñeko “San Ignacio” ikastetxe itundu pribatuari baimena ematea 2015-2016 ikasturtetik aurrera Atzerriko Bigarren Hizkuntza, frantsesa edo alemana, Lehen Hezkuntzako 4. ikasmailatik aurrera irakasteko.
2. Ebazpen honetako aurreko puntuak aipatzen duen baimenak balioa izateko, bete beharko dira ekainaren 2ko 51/2014 Foru Aginduan eta abuztuaren 22ko 73/2014 Foru Aginduan ezarritako baldintzak eta prozedurak, hurrenez hurren.
3. Atzerriko Bigarren Hizkuntzaren curriculuma uztailaren 16ko 60/2014 Foru Dekretuan ezarritakoa izanen da, foru dekretu horren bidez ezarri baitzen Nafarroako Foru Komunitateko Lehen Hezkuntzako irakaskuntzen curriculuma.
4. Hezkuntzako kontseilariaren abuztuaren 22ko 73/2014 Foru Aginduaren 3. artikuluko 4. puntuan aipatzen diren kasuetako bat gertatuz gero, Hezkuntza Departamentuak baliorik gabe utz dezake baimena.
5. Ebazpen honen aurka gora jotzeko errekurtsoa jartzen ahal da, Hezkuntzako kontseilariari zuzendua, argitaratu eta biharamunetik hilabeteko epean.
6. Ebazpen hau Antolamenduaren eta Aukera Berdintasunaren Zerbitzura, Hezkuntzako Ikuskapen Zerbitzura, Baliabide Ekonomikoen Zerbitzura eta Giza Baliabideen Zerbitzura, Ikasketak Antolatzeko Atalera, Ingelesaren eta Atzerriko Beste Hizkuntza Batzuen Atalera, Ikastetxeen, Finantzaketaren eta Ikasketetarako Laguntzen Atalera eta “San Ignacio” ikastetxe pribatu itundura igortzea, behar diren ondorioak izan ditzan.
7. Ebazpen hau Nafarroako Aldizkari Ofizialean argitaratzea.
Iruñean, 2015eko urriaren 21ean.–Hezkuntzako zuzendari nagusia, Estebe Petrizan Iriarte.
Iragarkiaren kodea: F1514355
