Iragarkia

190. ALDIZKARIA - 2015eko irailaren 23a

1. NAFARROAKO FORU KOMUNITATEA

1.7. BESTELAKOAK

19/2015 EBAZPENA, irailaren 9koa, Hezkuntza Departamentuko Hezkuntzako zuzendari nagusiak emana, Nafarroako Foru Komunitateko Haur eta Lehen Hezkuntzako zenbait ikastetxeri baimena ematen diena Atzerriko Bigarren Hizkuntza 2015-2016 ikasturtetik aurrera irakasteko.

Antolamenduaren eta Aukera Berdintasunaren Zerbitzuko zuzendariak aldeko txostena aurkeztu du ebazpen honen eranskinean jasotzen diren Haur eta Lehen Hezkuntzako ikastetxeek 2015-2016 ikasturtetik aurrera Atzerriko Bigarren Hezkuntza irakats dezaten baimentzeko.

Nafarroako Foru Komunitateko lurralde eremuan diren Lehen Hezkuntzako ikastetxeetako irakaskuntzen ezarpena eta ordutegia arautzeko Hezkuntzako kontseilariak ekainaren 2an emandako 51/2014 Foru Aginduak, uztailaren 3ko 64/2015 Foru Aginduak aldatu ondoren, ezartzen du ikastetxeek Lehen Hezkuntzako edozein ikasmailatatik aurrera eskain dezaketela Atzerriko Bigarren Hizkuntza, Hezkuntza Departamentuak baimena eman ondoren.

Atzerriko Bigarren Hizkuntza Lehen Hezkuntzan emateko baimenaren prozedura arautzea du xede abuztuaren 22ko 73/2014 Foru Aginduak, betiere Nafarroako Foru Komunitateko lurralde eremuan diren ikastetxe publikoetan, pribatuetan eta pribatu itunduetan.

Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1 d) artikuluak ematen dizkidan ahalmenak erabiliz,

EBATZI DUT:

1. Baimena ematea ebazpen honen eranskinean jasotzen diren ikastetxe eta eskolei Atzerriko Bigarren Hizkuntza irakats dezaten zehazten den Lehen Hezkuntzako ikasmailatik aurrera, 2015-2016 ikasturtetik aurrera.

2. Ebazpen honetako aurreko puntuak aipatzen dituen baimenek balioa izateko, bete beharko dira ekainaren 2ko 51/2014 Foru Aginduan eta abuztuaren 22ko 73/2014 Foru Aginduan ezarritako baldintzak eta prozedurak, hurrenez hurren.

3. Uztailaren 16ko 60/2014 Foru Dekretuan ezarritako curriculuma izanen da Atzerriko Bigarren Hizkuntzarena. Izan ere, foru dekretu horrek ezarri zuen Nafarroako Foru Komunitateko Lehen Hezkuntzako irakaskuntzen curriculuma.

4. Hezkuntza Departamentuak balioa kentzen ahal die baimenei Hezkuntzako kontseilariaren abuztuaren 22ko 73/2014 Foru Aginduaren 3. artikuluko 4. puntuan aipatzen diren kasuetako bat gertatuz gero.

5. Ebazpen honen aurka gora jotzeko errekurtsoa jartzen ahal da, Hezkuntzako kontseilariari zuzendua, argitaratu eta biharamunetik hilabeteko epean.

6. Ebazpen hau igortzea Antolamenduaren eta Aukera Berdintasunaren Zerbitzura, Hezkuntzako Ikuskapen Zerbitzura, Baliabide Ekonomikoen Zerbitzura eta Giza Baliabideen Zerbitzura, Ikasketak Antolatzeko Atalera, Ingelesaren eta Atzerriko Beste Hizkuntza Batzuen Atalera, Ikastetxeen, Finantzaketaren eta Ikasketetarako Laguntzen Atalera eta ukitutako ikastetxe eta eskoletara, behar diren ondorioak izan ditzan.

7. Ebazpen hau Nafarroako Aldizkari Ofizialean argitaratzea.

Iruñean, 2015eko irailaren 9an.–Hezkuntzako zuzendari nagusia, Estebe Petrizan Iriarte.

ERANSKINA

Lehen Hezkuntzan Atzerriko Bigarren Hizkuntza irakasteko baimena duten eskola eta ikastetxeen zerrenda

Iragarkiaren kodea: F1512932