1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
1056/2012 EBAZPENA, maiatzaren 10ekoa, Hezkuntza Departamentuko Giza Baliabideen Zerbitzuko zuzendariak emana, Hezkuntza Departamentuko Giza Baliabideen Zerbitzuko zuzendariaren irailaren 1eko 1674/2011 Ebazpena aldatzen duena. Ebazpen horren bidez, zuzendari horren beraren otsailaren 18ko 300/2011 Ebazpenaren bidez deitutako hautapen prozeduran hautatutako izangaiak praktiketako funtzionario izendatu eta praktika horiek egiteko destinoa esleitu zitzaien.
Hezkuntza Departamentuko Giza Baliabideen Zerbitzuko zuzendariaren otsailaren 18ko 300/2011 Ebazpenaren bidez, Nafarroako Foru Komunitateko Administrazioaren kudeaketa esparruko lanpostuetan maisu-maistren kidegoan sartzeko eta maisu-maistren kidegoko karrerako funtzionarioek kidego horretan espezialitate berriak eskuratzeko deialdia onetsi zen.
Hezkuntza Departamentuko Giza Baliabideen Zerbitzuko zuzendariaren uztailaren 28ko 1467/2011 Ebazpenaren bidez, Nafarroako Foru Komunitateko Administrazioaren kudeaketa esparruko lanpostuetan maisu-maistren kidegoan sartzeko hautapen prozedurako probak gainditu zituzten izangaien zerrendak onetsi ziren, espezialitateak eta hizkuntzak zehazturik.
Giza Baliabideen Zerbitzuko zuzendariaren abuztuaren 8ko 1552/2011 Ebazpenaren eta abuztuaren 26ko 1624/2011 Ebazpenaren bidez, Nafarroako Foru Komunitateko Administrazioaren kudeaketa esparruko lanpostuetan maisu-maistren kidegoan sartzeko hautapen prozedura gainditu zuten izangaien zerrenda osagarriak onetsi eta jendaurrean jarri ziren.
Hezkuntza Departamentuko Giza Baliabideen Zerbitzuko zuzendariaren irailaren 1eko 1674/2011 Ebazpenaren bidez, zuzendari horren beraren otsailaren 18ko 300/2011 Ebazpenaren bidez deitutako hautapen prozeduran hautatutako izangaiak praktiketako funtzionario izendatu eta praktika horiek egiteko destinoa esleitu zitzaien. Ebazpen hori, gero, Giza Baliabideen Zerbitzuko zuzendariaren martxoaren 8ko 582/2012 Ebazpenaren bidez aldatu zen.
2011ko azaroaren 28tik aurrerako ondorioekin, María Isabel Álvarez Álvarez andreak uko egin dio maisu-maistren kidegoko praktiketako funtzionario izateko izendapenari (Ingeles espezialitatekoa, gaztelaniaz).
Horrenbestez, bidezko da Hezkuntza Departamentuko Giza Baliabideen Zerbitzuko zuzendariaren irailaren 1eko 1674/2011 Ebazpena aldatzea, María Isabel Álvarez Álvarez andrea praktiketako funtzionario izateko egindako izendapena ondoriorik gabe utzita.
Horiek horrela, Hezkuntza Departamentuko Hezkuntza Baliabideen zuzendari nagusiak abuztuaren 3an emandako 15/2011 Ebazpenaren bidez eskuordetutako ahalmenak erabiliz,
EBATZI DUT:
1. Hezkuntza Departamentuko Giza Baliabideen Zerbitzuko zuzendariaren irailaren 1eko 1674/2011 Ebazpena aldatzea, María Isabel Álvarez Álvarez andrea praktiketako funtzionario izateko egindako izendapena ondoriorik gabe utzita 2011ko azaroaren 28tik aurrerako ondorioekin. Beraz, haren azken laneguna 2011ko azaroaren 27a izan zen.
2. Ebazpen honen kontra gora jotzeko errekurtsoa jar daiteke, Lehendakaritzako, Administrazio Publikoetako eta Barneko Departamentuko kontseilariari zuzendua, hilabeteko epean, Nafarroako Aldizkari Ofizialean argitaratu eta biharamunetik hasita.
3. Ebazpen hau Nafarroako Aldizkari Ofizialean argitaratzea.
4. Ebazpen hau igortzea Idazkaritza Tekniko Nagusiari, Kontrol Administratiboaren eta Langileriaren Araubidearen Bulegoari, Giza Baliabideen Zerbitzuko Deialdien Atalari, Baliabide Ekonomikoen Zerbitzuari, praktiketaldia ebaluatzeko Batzordeari eta interesdunari, behar diren ondorioak izan ditzan.
Iruñean, 2012ko maiatzaren 10ean.-Giza Baliabideen Zerbitzuko zuzendaria, Begoña Unzué Vela.
Iragarkiaren kodea: F1207254
