1. NAFARROAKO FORU KOMUNITATEA
1.7. BESTELAKOAK
80/2012 FORU AGINDUA, maiatzaren 3koa, Sustapen eta Etxebizitzako kontseilariak emana, "Zilbetira iristeko NA-2532 errepidea egokitzea" izeneko proiektua behin-behinekoz onetsi eta jendaurrean jartzen duena, ukitutako ondasun eta eskubideak zehazteko eta ingurumenaren gaineko eragina ebaluatzeko.
Azterlan eta Proiektuen Zerbitzuak adierazi du Nafarroako Errepideen 2010-2018rako III. Plan Zuzentzailean, Nafarroako Parlamentuak onetsian, "Zilbetira iristeko NA-2532 errepidea egokitzeko" jarduketa sartzen dela.
Proiektu horren bidez, NA-6900 errepidearen saihesbidea eginen da, N-135 errepidearekiko gurutzagune berri batetik hasiz, gutxi gorabehera 24+200 k.p.an, eta gaur egungo errepidearen 2+000 k.p.an bukatuko da. Tunel bat ere eginen da, gutxi gorabehera 330 metro luze, mendatea saihesteko.
Jarduketak 1.231 m-ko luzera du guztira. Oinplanoko trazadura nabarmen hobetuko da, ibilbidea 769 metro murriztuz gaur egungo ibilbideko 2 km-tan; horrek orduko 60 km-ko abiaduran ibiltzeko aukera emanen du ia ibilbide osoan, hasierako gurutzaguneko bihurgunean izan ezik.
330 m-ko luzerako tunel bat proiektatu da 0+460 eta 0+790 k.p.en artean; 20,83 m-ko diametroa izanen du, eta 5,00 m-ko galibo bertikala galtzadaren edozein puntutan.
Bi gurutzagune daude, bata hasieran, N-135 errepidean T formarekin, hau da, plataforma handituko da N-135ean sartu eta bertatik irteteko errei gehigarri berriak sortzeko, eta N-135aren erdialdean errei bat sortzeko, irten edo sartzeko, kasuaren arabera. Beste gurutzagunea gaur egungo NA-2532 errepidearekiko sarbidearen bukaeran egonen da, T formarekin, sarrera-irteerak egiteko errei gehigarririk gabe.
Egitura garrantzitsuena azpiko pasabide bat da, faunarendako erabilera anitzeko pasabide gisa erabiltzen dena, 0+866 k.p.an, 3,50 x 2,00 m-ko markoarekin egina.
Eredu sekzioan 3,00 m-ko bi errei izanen dira 0,50 m-ko bazterbideekin eta 0,50 m-ko bermekin, bi aldeetan tuneletik kanpo, eta, tunelaren barnean, berriz, sekzioak 3,50 m-ko bi errei izanen ditu, 1,00 m-ko bazterbideak eta 0,75 m-ko espaloi goratuak alde bakoitzean.
T-42 zoladurako sekzioa egin nahi da. 25 cm-ko zagor artifiziala eta 5 cm-ko nahasketa bituminosoa (AC16 surf B60/70 S motakoa) izanen ditu.
Proiektuan azaltzen da ukitutako zerbitzu hauek berriz ezarriko direla: telefono linea bat hasierako gurutzagunean, eta goi tentsioko linea elektriko bat, azken puntuaren iparraldean 220 metrotara dagoena.
Errepidea ingurumenean integratzeko, proiektuak Ingurumen eraginaren azterlana du. Bertan, prebentzio neurriez eta eragina gutxitzen duten neurri orokorrez gainera, neurri zuzentzaileak eta ingurumen jarraipenekoak sartu dira.
Proiektuak ingurumen askitasuna lortu du, Ingurumen Kalitatearen Zerbitzuko zuzendariak proiektuaren aldeko txostena eman baitu, 2012ko martxoaren 26an.
Proiektua jendaurrean jartzeko idatzitako dokumentuak Nafarroako Errepideei buruzko martxoaren 23ko 5/2007 Foru Legeak eskatutako agiriak jaso ditu.
Lizitazioa egin aurretik, beharrezkoa da obrek ukitutako ondasun eta eskubideak eskuratzeko kudeaketak egin eta haiek desjabetzeko espedienteari ekitea.
Nafarroako Errepideei buruzko martxoaren 23ko 5/2007 Foru Legearen 20. artikuluko 2. eta 3. idatz-zatietan xedatutakoarekin bat, bidezkoa da eraikuntza proiektua behin-behinekoz onetsi eta jendaurrean jartzea, bai proiektuaren eduki teknikoari bai lurrak okupatu beharrari dagokienez, desjabetu ahal izateko.
Bestalde, Ingurumena Babesteko Esku-hartzeari buruzko martxoaren 22ko 4/2005 Foru Legearen 39. artikuluko 3. idatz-zatian xedatutakoarekin bat, bidezkoa da, halaber, Ingurumen eraginaren azterlana jendaurrean paratzea, proiektuaren ingurumen eragina ebaluatu ahal izateko.
Horrenbestez, Azterlan eta Proiektuen Zerbitzuak jakinarazi eta proposatu duenarekin bat eta Sustapen eta Etxebizitza Departamentuaren egitura organikoa ezartzen duen abuztuaren 24ko 143/2011 Foru Dekretuaren 2.2 artikuluaren bidez eskuratu ditudan eskudantziak erabiliz,
AGINDU DUT:
1. "Zilbetira iristeko NA-2532 errepidea egokitzeko" proiektua behin-behinekoz onestea.
2. Proiektuak ukitutako ondasun eta eskubideen desjabetze espedienteari hasiera ematea. Zerrenda eranskinean jaso da.
3. Proiektua jendaurrean jartzea, hilabetez, ukitutako ondasun eta eskubideak zehazteko eta ingurumenaren gaineko eragina ebaluatzeko. Epe horretan interesdunek egokitzat jotzen dituzten oharrak edo alegazioak aurkez ditzakete idatziz, eta ondasun eta eskubideen zerrendako okerrak zuzentzeko behar diren datuak eman. Eranskinean jaso dira. Interesdunek eskura izanen dute proiektua Sustapen eta Etxebizitza Departamentuko Azterlan eta Proiektuen Zerbitzuaren bulegoetan eta Esteribarko eta Erroibarko udaletxeetan.
4. Foru agindu hau Nafarroako Aldizkari Ofizialean eta departamentuaren web orrian argitaratzea, eta dagokion iragarkia Nafarroako Foru Komunitatean gehien zabaltzen diren egunkarietako batera bidaltzea.
5. Foru agindu hau jakinaraztea Azterlan eta Proiektuen Zerbitzuari, Desjabetze Atalari eta Esteribarko eta Erroibarko udalei, eta horiek premiatzea beren iragarki oholetan argitara dezaten.
Iruñean, 2012ko maiatzaren 3an.-Sustapen eta Etxebizitzako kontseilaria, Anai Astiz Medrano.
ERANSKINA "ZILBETIRA IRISTEKO NA-2532 ERREPIDEA EGOKITZEA" IZENEKO PROIEKTUA BEHIN-BEHINEKOZ ONESTEA Ukitutako ondasun eta eskubideen banakako zerrenda zehaztua |
FINKA ZK. | JABEA ETA HELBIDEA | DESJABETUTAKO AZALERA m² | KATASTROKO DATUAK |
Poligonoa | Lurzatia | Lur mota |
ESTERIBARKO UDAL MUGAPEA |
ES-01 | Indurain Larraya, Daniel Miguel Indurain plaza, 6-5.a A (Atarrabia) Indurain Larraya, Luis Prudencio Urederraren iturburua, 7-2.a B (Sarriguren) | 57 | 28 | 30 | Pinudia |
ES-02 | Vidaurreta Garcia, Gracian San Gil (Agorreta) | 229 | 28 | 31 | Pinudia |
ES-03 | Indurain Larraya, Daniel Miguel Indurain plaza, 6-5.a A (Atarrabia) Indurain Larraya, Luis Prudencio Urederraren iturburua, 7-2.a B (Sarriguren) | 594 | 28 | 32 | Pinudia |
ES-04 | Elcano Armendariz, Martin San Gil, 8 (Agorreta) Elcano Armendariz, Jesus Eugenio San Gil, 8 (Agorreta) | 512 | 28 | 33A | Pinudia |
ES-05 | Vidaurreta García, Gracian San Gil (Agorreta) | 382 | 28 | 34A | Pinudia |
ES-06 | Elcano Armendariz, Martin San Gil, 8 (Agorreta) Elcano Armendariz, Jesus Eugenio San Gil, 8 (Agorreta) | 1.267 | 28 | 35 | Pinudia |
ES-07 | Indurain Larraya, Daniel Miguel Indurain plaza, 6-5.a A (Atarrabia) Indurain Larraya, Luis Prudencio Urederraren iturburua, 7-2.a B (Sarriguren) | 71 | 28 | 136A | Pinudia |
ES-08 | Elcano Armendariz, Martin San Gil, 8 (Agorreta) Elcano Armendariz, Jesus Eugenio San Gil, 8 (Agorreta) Vidaurreta García, Gracian San Gil (Agorreta) Indurain Larraya, Daniel Miguel Indurain plaza, 6-5.a A (Atarrabia) Indurain Larraya, Luis Prudencio Urederraren iturburua, 7-2.a B (Sarriguren) | 11.307 | 28 | 37 | Pinudia |
ES-10 | Villanueva Vidaurreta, Daniel San Bartolomé/San Bartolo, 3 (Aurizberri) Villanueva Vidaurreta, Sara San Bartolomé/San Bartolo, 3 (Aurizberri) Vidaurreta García, Vicenta San Bartolomé/San Bartolo, 3 (Aurizberri) | 4.690 | 28 | 38 | Larrea eta zuhaitzak |
ES-11 | Elcano Armendariz, Martin San Gil, 8 (Agorreta) Elcano Armendariz, Jesus Eugenio San Gil, 8 (Agorreta) Vidaurreta García, Gracian San Gil, (Agorreta) Indurain Larraya, Daniel Miguel Indurain plaza, 6-5.a A (Atarrabia) Indurain Larraya, Luis Prudencio Urederraren iturburua, 7-2.a B (Sarriguren) | 1.785 | 28 | 26 | Pinudia |
ES-12 | Elcano Armendariz, Martin San Gil, 8 (Agorreta) Elcano Armendariz, Jesus Eugenio San Gil, 8 (Agorreta) | 774 1.354 409 39 | 28 28 28 28 | 25A 25B 25C 25D | Belardia Larrea eta zuhaitzak Pinudia Belardia |
ES-13 | Elcano Armendariz, Martin San Gil, 8 (Agorreta) Elcano Armendariz, Jesus Eugenio San Gil, 8 (Agorreta) Agorreta Macaya, María Nieves Iturralde y Suit, 5-3.a D (Iruña) Arcelus Miquele, Asunción Urdazubiko Monasterioa, 30, 6.a B (Iruña) Fundación Hnos. Agorreta Zangoza, 17-2.a (Iruña) Vidaurreta García, Gracian San Gil (Agorreta) | 4.185 | 28 | 119 | Pinudia |
ES-16 | Elcano Armendariz, Martin San Gil, 8 (Agorreta) Elcano Armendariz, Jesus Eugenio San Gil, 8 (Agorreta) Vidaurreta García, Gracian San Gil, (Agorreta) Indurain Larraya, Daniel Miguel Indurain plaza, 6-5.a A (Atarrabia) Indurain Larraya, Luis Prudencio Urederraren iturburua, 7-2.a B (Sarriguren) | 350 | 28 | 21 | Pinudia |
ES-16.1 | Elcano Armendariz, Martin San Gil, 8 (Agorreta) Elcano Armendariz, Jesus Eugenio San Gil, 8 (Agorreta) Vidaurreta García, Gracian San Gil, (Agorreta) Indurain Larraya, Daniel Miguel Indurain plaza, 6-5.a A (Atarrabia) Indurain Larraya, Luis Prudencio Urederraren iturburua, 7-2.a B (Sarriguren) | 12 | 28 | 22 | Pinudia |
ALDI BATERAKO OKUPAZIOAK UKITUTAKO LURZATIAK, PILAKETA EREMUAK ETA INSTALAZIO OSAGARRIAK DIRELA ETA Ukitutako ondasun eta eskubideen banakako zerrenda zehaztua |
FINKA ZK. | JABEA ETA HELBIDEA | DESJABETUTAKO AZALERA m² | ALDI BATERAKO OKUPAZIOA m² | KATASTROKO DATUAK |
Poligonoa | Lurzatia | Lur mota |
ESTERIBARKO UDAL MUGAPEA |
ES-100 | Elcano Armendariz, Martin San Gil, 8 (Agorreta) Elcano Armendariz, Jesus Eugenio San Gil, 8 (Agorreta) | | 4.038 | 28 | 45A | Belardia |
ZABORTEGI EREMUETAN ALDI BATERAKO OKUPAZIOAK UKITUTAKO LURZATIAK Ukitutako ondasun eta eskubideen banakako zerrenda zehaztua |
FINKA ZK. | JABEA ETA HELBIDEA | DESJABETUTAKO AZALERA m² | ALDI BATERAKO OKUPAZIOA m² | KATASTROKO DATUAK |
Poligonoa | Lurzatia | Lur mota |
ESTERIBARKO UDAL MUGAPEA |
ES-101 | Elcano Armendariz, Martin San Gil, 8 (Agorreta) Elcano Armendariz, Jesus Eugenio San Gil, 8 (Agorreta) | | 5.240 | 28 | 60A | Belardia |
ES-102 | Vidaurreta García, Gracian San Gil (Agorreta) | | 4.630 | 28 | 59A | Belardia |
ES-103 | Ballano Lopez, Rafael Iruñeko bidea, 2-1.a (Aranguren. C) | | 6.699 | 28 | 137A | Belardia |
ERROIBARKO UDAL MUGAPEA |
ER-104 | Bidaurreta Azkárate, Eduardo San Esteban/Done Esteb (Erroibar. C) | | 11.565 | 4 | 1100A | Belardia |
F1206800 |
Iragarkiaren kodea: F1206800