238. ALDIZKARIA - 2011ko abenduaren 1a

1. NAFARROAKO FORU KOMUNITATEA

1.4. DIRU-LAGUNTZAK, LAGUNTZAK ETA BEKAK

55/2011 FORU AGINDUA, azaroaren 21ekoa, Kulturako, Turismoko eta Erakunde Harremanetako kontseilariak emana, Erakundeekiko Harremanetarako kontseilari eta Gobernuaren eledunak martxoaren 29an emandako 8E/2011 Foru Aginduan baimendutako gastua murrizten duena. Agindu horren bidez, etorkinen gizarteratzearen esparruan ari diren gizarte ekimeneko entitateentzako 2011ko diru-laguntzaren deialdia onetsi zen.

Erakundeekiko Harremanetarako kontseilari eta Gobernuaren eledunak martxoaren 29an emandako 8E/2011 Foru Aginduaren bidez, etorkinen gizarteratzearen esparruan ari diren gizarte ekimeneko entitateentzako 2011ko diru-laguntzaren deialdia onetsi zen. 238.680,00 euroko zenbatekoa baimendu zen, "Lanaren eta Immigrazioaren Ministerioarekin sinatutako hitzarmenaren ondoriozko jarduketak etorkinak gizarteratzeko" izeneko B40000 B0200 4819 231903 kontu-sailaren kargura.

Egoera ekonomikoaren bilakaera eta ekitaldi honetarako diru-sarreren aurreikuspenak direla eta, Nafarroako Gobernuak, 2011ko irailaren 7an hartutako Erabakiaren bidez, aurrekontu egonkortasunaren helburua beteko dela ziurtatzeko, muga bat ezarri du ekitaldi honetan egin beharreko gastu ez finantzariorako, eta horrek murrizketa ekarri du Nafarroako 2011ko Aurrekontu Orokorretan aurreikusitako zenbatekoan.

Aipatutako erabakia betetzeko, Ekonomia eta Ogasuneko kontseilariaren irailaren 8ko 132/2011 Foru Aginduak Kulturako, Turismoko eta Erakunde Harremanetako Departamentuan egin beharreko gastu doikuntza ezarri du.

Nafarroako Gobernuaren erabaki horrek xedatzen duenez, 2011ko hasierako aurrekontuaren gaineko gastu doikuntza hori bi modutara eginen da: batetik, tramitazio egoera edozein izanik ere irmo bilakatu ez diren proiektuei ez heltzea, edo, bestetik, konpromiso irmoak direnen baldintzak aldatzea, edukia murriztuz edo gauzatzeko epeak luzatuz.

Horregatik, Nafarroako Gobernuak, 2011ko irailaren 28ko Erabakiaren bidez, 2011rako finkatutako BPGd-eko %1,3 defizitaren helburua betetzeko beharrezkoak diren doikuntza ekonomikoak egiteko xedez, aurrekontuetan zenbait atxikipen egitea erabaki du. Zehazki, beste atxikipen batzuen artean, 2011rako indarra duen gastuen aurrekontuko "Lanaren eta Immigrazioaren Ministerioarekin sinatutako hitzarmenaren ondoriozko jarduketak etorkinak gizarteratzeko" izeneko B40000 B0200 4819 231903 kontu-saila murriztea erabaki zen, hain zuzen ere 23.868,00 euro.

Horiek horrela, eta aurrekontu egonkortasunaren helburua beteko dela bermatzeko, beharrezkoa da etorkinen gizarteratzearen esparruan ari diren gizarte ekimeneko entitateentzako 2011ko diru-laguntzaren deialdian baimendutako gastua murriztea. Deialdi hori Erakundeekiko Harremanetarako kontseilari eta Gobernuaren eledunak martxoaren 29an emandako 8E/2011 Foru Aginduaren bidez onetsi zen.

Horrenbestez, Kulturako, Turismoko eta Erakunde Harremanetako Departamentuaren egitura organikoa ezarri zuen abuztuaren 1eko 119/2011 Foru Dekretuak ematen dizkidan eskudantziak erabiliz,

AGINDU DUT:

1. 23.868,00 euro murriztea Erakundeekiko Harremanetarako kontseilari eta Gobernuaren eledunak martxoaren 29an emandako 8E/2011 Foru Aginduaren bidez baimendu zen gastua. Agindu horren bidez, etorkinen gizarteratzearen esparruan ari diren gizarte ekimeneko entitateentzako 2011ko diru-laguntzaren deialdia onetsi zen.

2. Deialdi horretarako baimendutako gastua, 2011rako indarra duen gastuen aurrekontuko "Lanaren eta Immigrazioaren Ministerioarekin sinatutako hitzarmenaren ondoriozko jarduketak etorkinak gizarteratzeko" izeneko B40000 B0200 4819 231903 kontu-sailaren kargura ezarria, 214.812,00 eurotan finkatzea, eta soberakin baimendua, 23.860,00 euro, aske uztea.

3. Foru Agindu hau Nafarroako Aldizkari Ofizialean argitaratzea.

4. Foru agindu hau igortzea Immigraziorako Bulegoari, Idazkaritza Tekniko Nagusiko Aurrekontu eta Kudeaketa Ekonomikoaren Atalari eta Ogasunak Kulturako, Turismoko eta Erakunde Harremanetako Departamentuan duen Kontu-hartzailetza Delegatuari, behar diren ondorioak izan ditzan.

5. Foru agindu honen aurka gora jotzeko errekurtsoa aurkezten ahal da, Nafarroako Gobernuari zuzendua, argitaratu eta biharamunetik hilabeteko epean.

Iruñean, 2011ko azaroaren 21ean.-Kulturako, Turismoko eta Erakunde Harremanetako kontseilaria, Juan Luis Sánchez de Muniáin Lacasia.

Iragarkiaren kodea: F1119041