102. ALDIZKARIA - 2011ko maiatzaren 27a

1. NAFARROAKO FORU KOMUNITATEA

1.2. AGINTARIAK ETA LANGILEAK

1.2.2. Oposizioak eta lehiaketak. Lan publikoaren eskaintza

DEIALDIA, Nafarroako Administrazio Publikoaren Institutuko zuzendari nagusiaren maiatzaren 10eko 43/2011 Ebazpenaren bidez onetsia, Nafarroako Foru Komunitateko Administrazioaren eta haren erakunde autonomoen zerbitzuko industria ingeniari izateko 5 lanpostu oposizio bidez betetzeko.

Nafarroako Administrazio Publikoaren Institutuko zuzendari kudeatzailearen maiatzaren 10eko 43/2011 Ebazpenaren bidez, Nafarroako Foru Komunitateko Administrazioaren eta haren erakunde autonomoen zerbitzuko industria ingeniari izateko 5 lanpostu oposizio bidez betetzeko deialdia onetsi da.

Hautapen prozesua honako hauetan xedatutakoari jarraikiz eginen da: Nafarroako Administrazio Publikoen zerbitzuko Langileen Estatutuaren Testu Bategina, abuztuaren 30eko 251/1993 Legegintzako Foru Dekretuaren bidez onetsia, aipatutako estatutua garatu eta gauzatzeko Sarrera Erregelamendua, gainerako aplikazio arauak eta deialdi honen oinarriak.

1.-Deialdiaren xedea.

1.1. Deialdi honen xedea da industria ingeniari izateko 5 lanpostu oposizio bidez betetzea. Lanpostuak funtzionarioen araubidekoak, A mailakoak eta Iruñean aritzekoak dira, eta txanda hauetan banatu dira:

-2 lanpostu, txanda irekian.

-3 lanpostu, igoera txandan.

1.2. Deialdiko lanpostu hutsak hauek dira:

-Bi Herri Lan, Garraio eta Komunikazio Departamentuan:

1, Herri Lan Zuzendaritza Nagusiari atxikia. Plantillako zenbakia: 7226, Iruñean aritzeko.

1, Garraio Zuzendaritza Nagusiari atxikia. Plantillako zenbakia: 8311, Iruñean aritzeko.

-Hiru lanpostu Berrikuntza, Enpresa eta Enplegu Departamentuan:

3, Enpresa Zuzendaritza Nagusiari atxikiak. Plantillako zenbakia: 2605, 2614 eta 2631, Iruñean aritzeko.

1.3. Igoera txandako lanpostuak hutsik geldituz gero, izangaiek ez dutelako hautaprobak gainditzeko behar den gutxieneko puntuazioa lortu, txanda irekikoei gehituko zaizkie.

Bestalde, igoera txandan hutsik dauden lanpostuak baino izangai gehiagok gainditzen badituzte probak, txanda horretan probak gainditu arren lanposturik eskuratzen ez dutenek aukera izanen dute txanda irekiko lanpostu hutsak eskuratzeko, txanda horretako izangaiekin lehian eta lortutako azken puntuazioaren arabera.

Era berean, deialdiaren 7.2 oinarrian agiriak aurkezteko ezarritako epea bukatzen denean, deialdiaren 2.1.2 oinarriko betebehar berariazkoak betetzen ez dituzten igoera txandako izangaiek aukera izanen dute txanda irekiko lanpostuak eskuratzeko, aurreko lerroaldean adierazitako modu berean.

1.4. Lanpostuen ordainsariak hauek izanen dira: uztailaren 4ko 158/1984 Foru Dekretuaren bidez onetsitako Ordainsariei buruzko Behin-behineko Erregelamenduan A mailarentzat oro har ezarritakoak eta aplika daitezkeen gainerako xedapenetan kasu bakoitzerako ezartzen direnak.

1.5. Halaber, deialdi honen bidez, hautapen prozesuan parte hartu eta lanposturik lortzen ez duten izangaiekin aldi baterako kontratatuak izateko izangaien zerrenda hauek osatu nahi dira:

-Probak gainditu arren, lanposturik lortzen ez duten izangaien zerrenda, departamentu eta erakunde autonomo guztietarako.

-Administrazio Erroan aldi baterako kontratatzeko izangaien zerrenda.

-Osasunbidea-Nafarroako Osasun Zerbitzuan aldi baterako kontratatzeko izangaien zerrenda.

Izangaien zerrenda horiek deialdi honen 10. oinarrian xedatutakoaren arabera onetsi eta kudeatuko dira.

2.-Izangaiek bete beharreko baldintzak.

2.1. Oposizioan onartuak izateko, izangaiek, eskabideak aurkezteko epea bukatzen den egunean eta agiriak aurkezteko epea bukatzen denetik (deialdiaren 7.2 atalean adierazia) lanpostuaren jabetza hartu arte, baldintza hauek bete beharko dituzte:

2.1.1. Izangai guztiek bete beharreko baldintzak:

a) Espainiarra izatea, edo Europar Batasuneko beste estatu batekoa edo, Europar Batasunak sinatu eta Espainiak berretsitako nazioarteko itunak direla medio, langileen zirkulazio librea aplikatzen den eremuko estatu batekoa.

Orobat, parte har dezakete espainiarren eta Europar Batasuneko beste estatuetako herritarren ezkontideek, edo aipatu nazioarteko itunen aplikazio eremuan sartutako estatuetako herritarren ezkontideek, zuzenbidez bereizita ez badaude; halaber, haien ondorengoek eta ezkontidearenek, zuzenbidez bereizita ez badaude, 21 urtetik beherakoak badira, edo gorakoak, haien kontura biziz gero.

b) Hamasei urte beteta izatea eta erretiroa nahitaez hartzeko gehieneko adina gainditua ez izatea.

c) Industria ingeniari titulua edo baliokidea izatea, edo eskaerak aurkezteko epea bukatzen den egunean titulu hori eskuratzeko moduan egotea.

Atzerrian lortutako tituluak badira, homologazioaren frogagiria eduki beharko da.

d) B motako ibilgailuen gidabaimena izatea.

e) Bete behar dituen eginkizunetan aritzeko adinako gaitasun fisikoa eta psikikoa izatea.

f) Eginkizun publikoetan aritzeko ezgaitua edo gabetua ez egotea eta administrazio publikoren baten zerbitzutik bereizia ez izatea.

Espainiako nazionalitatea ez duten izangaiek frogatu beharko dute ez dutela diziplina zehapenik edo zigor penalik, beren estatuko funtzio publikoan sartzea eragozten dienik.

2.1.2. Igoera txandako izangaiek bete beharreko baldintza berariazkoak:

Igoera txandako izangaiek, aurreko atalean adierazitako baldintzez gain, hauek ere bete beharko dituzte:

a) Nafarroako edozein administrazio publikotako langile finkoa izatea, edo Nafarroako Foru Komunitateari transferitutako Justizia Administrazioaren zerbitzuei atxikitako langile finkoa, eta abiapuntuko lanpostuan borondatezko edo nahitaezko eszedentzian ez egotea.

b) Deialdiko lanpostu hutsen maila berekoa edo apalagokoa izatea.

c) Administrazio publikoetan bost urteko antzinatasun aitortua izatea, Nafarroako Polizia Kidegoetako kideen kasuan izan ezik, horiek frogatu beharko baitute zortzi urtez benetan eman dituztela zerbitzuak kidego horietan.

Nafarroako Administrazio Publikoen Zerbitzuko Langileen Estatutuaren zortzigarren xedapen gehigarrian ezarri dena aplikatuz, igoera txandan parte hartzeko gainerako baldintzak betetzen dituzten Nafarroako Parlamentuko funtzionarioek ere txanda horretan parte hartzen ahalko dute.

2.2. Izendatua izateko proposatzen den izangaiak betebehar horiek frogatu beharko ditu, deialdiaren 7.2 atalean ezarritako epean eta moduan. Salbuespen izanen dira agiri horiek eskabidearekin batera aurkeztu behar dituzten izangaiak, 3. oinarriarekin bat.

3.-Eskabideak aurkeztea eta tasak ordaintzea.

3.1. Tasak.

Azterketa eskubideengatik eta espedientea formalizatzeko, 40 euroko tasa ordaindu beharko da. Azterketa eskubideengatiko tasa ordaindu ez bada, izangaia lehiaketatik kanpo geldituko da.

Honako hauek ez dute tasarik ordaindu beharko:

a) %33ko edo hortik gorako desgaitasun aitortua duten pertsonek, hala onartu bazaie.

b) Deialdia argitaratu aurretik hilabetez gutxienez lan eskatzaile gisa inskribaturik egon diren pertsonek. Salbuespen hori aplikatzeko baldintza izanen da inskribaturik egon diren bitartean eskaini zaizkien lan egokiei uko egin ez izatea eta lanbide sustapen, prestakuntza edo aldaketarako ekintzetan parte hartzeari uko egin ez izatea, justifikatutako kasuetan izan ezik, eta, horrez gainera, lanbide arteko gutxieneko soldatatik gorakoa den diru-sarrerarik ez izatea hilabetean.

Lan eskatzailea dela frogatzeko, enplegu bulegoak emandako agiria aurkeztu beharko du. Bertan, lan eskatzaile gisa inskribatu zeneko data agertuko da eta, orobat, adieraziko da inskribaturik egon den bitartean ez diola uko egin handik eskainitako inolako lan egokiri, ez eta lanbide sustapen, prestakuntza edo moldaketarako ekintzetan parte hartzeari ere, justifikatutako kasuetan izan ezik.

Interesdunaren aitorpenaren bidez frogatuko da ez duela hilabetero lanbide arteko gutxieneko soldatatik gorako diru-sarrerarik. Aitorpen eredua Nafarroako Gobernuko Informazio Bulegoan eskuratzen ahalko da edo, bestela, Internet bidez, arestian emandako helbidean.

Sistema hauetakoren bat erabiliz ordaintzen ahalko da tasa hori:

-Telematika bidez, 3.2 oinarriko A.1 letran adierazitako moduan.

-Behar den bezala betetako ordainketa-gutunaren bidez, Nafarroako Foru Komunitateko banku entitateetan ordaintzeko. Internet bidezko deialdian, www.navarra.es helbidean, "Enplegu Publikoa" atalean, ordainketa-gutunaren eredua dago.

Herritarrentzako laguntza bulegoetan tramite horiek egiteko behar diren informazioa eta laguntza eskuratzen ahalko dira. Deialdiaren Interneteko aipuan horri buruzko informazioa dago.

3.2. Eskabideak.

Eskabideak deialdi honen eranskineko ereduari lotu behar zaizkio eta, haietan, izangaiek adierazi beharko dute eskatutako baldintza guztiak betetzen dituztela. Eskabide eredua Interneten bidez ere eskuratzen ahalko da, www.navarra.es helbidean, bai hori argitaratzen duen aldizkari ofizialetik, bai "Enplegu Publikoa" atalean deialdiari buruz dagoen aiputik abiatuta.

Deialdian parte hartzeko eskabideak hura Nafarroako Aldizkari Ofizialean argitaratu eta, biharamunetik hasita, hogeita hamar egun naturaleko epean aurkeztu beharko dira. Eskabideak aurkezteko epea luzaezina da.

Eskabidean atzematen diren akats materialak edo egitezkoak ofizioz edo interesdunak eskaturik zuzentzen ahalko dira, noiznahi ere.

Aurkezteko, baliabide hauetako edozein erabil daiteke:

A) Bide telematikoa.

A.1. Internet bidez, deialdi honen fitxan dagoen "Inskripzioa eta ordainketa telematikoa" izeneko estekan sartuta, Nafarroako Atariaren "Enplegu Publikoa" atalean, www.navarra.es helbidean.

Aurkezteko eta ordaintzeko modu hori ezin izanen da erabili tasak ordaintzetik salbuesten duen frogagiria aurkeztu behar denean, ezta 3.3 oinarriko Bi eta Hiru zenbakietan aipatzen diren kasuetan ere.

A.2. Nafarroako Foru Komunitateko Administrazioaren Erregistro Orokor Elektronikoan, Nafarroako Gobernuaren web atarian eskura baitago.

B) Aurrez aurre.

Deialdian parte hartzeko eskabideak Nafarroako Gobernuko Erregistro Orokorrean (Karlos III.aren etorbidea, 2, 31002 Iruña) edo Nafarroako Gobernuaren gainerako erregistro bulegoetako edozeinetan (zerrenda deialdiko aipuan, "izena emateko lekuak" atalean, hain zuzen, argitaratu zen) aurkeztu beharko dira, edo, bestela, Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 38.4 artikuluan adierazi diren bideetakoren bat erabiliz.

Eskabidea posta bulegoan aurkeztea aukeratuz gero, gutun-azalak irekita egon beharko du, postetxeko langileek data eta zigilua jar diezazkioten, ziurtatu eta Nafarroako Gobernuaren Erregistro Orokorrera (Karlos III.aren etorbidea, 2, 31002 Iruña) igorri aurretik.

3.3. Eskabidearekin batera aurkeztu beharreko agiriak.

Bat.-Espedientea formalizatzeko eta azterketa eskubideengatik tasa ordaindu izanaren frogagiria.

Bi.-Deialdian igoera txandan parte hartu nahi duten izangaiek, lehengoaz gainera, deialdi honen 2.1.2 oinarrian jasotzen diren betebeharrak betetzen dituztela frogatzen duen agiria gehitu beharko diote eskabideari, baldin eta Nafarroako Foru Komunitateko Administrazioa ez den Nafarroako beste administrazio publikoren bateko langile finkoak edo Nafarroako Foru Komunitateari eskualdatutako Justizia Administrazioko zerbitzuei atxikitako langile finkoak badira.

Hiru.-3.1. oinarriaren a) atalean (tasak salbuestea) eta 8. oinarrian (lanpostuak aukeratzeko lehentasuna) xedaturikoari dagokionez eta, halaber, denboren eta baliabideen egokitzapena eskatzeko, %33ko edo hortik gorako desgaitasuna duten izangaiek hori agiri hauetariko baten jatorrizkoaren edo kopia konpultsatuaren bidez frogatu beharko dute:

-IMSERSOk edo autonomia erkidegoan eskumena duen organoak luzatutako ziurtagiria.

-Gizarte Segurantzako Institutu Nazionalaren ebazpena, prestazio bat jasotzeko eskubidea onartzen diona hauetakoren bat izateagatik: ezintasun iraunkor osoa, erabateko ezintasun iraunkorra edo baliaezintasun handia.

Desgaitasuna duten izangaiek probak egiteko denboren eta baliabideen egokitzapenak eskatzeko, hala adierazi beharko dute eskabidean, eta aparteko orri batean azaldu beharko dute nolako desgaitasuna duten eta zein egokitzapen eskatzen duten. Interesdunen eskura dago egokitzapenak eskatzeko eredu bat www.navarra.es helbidean, deialdiaren aipuan, "Enplegu Publikoa" atalean, hain zuzen.

4.-Izangaien onarpena eta erreklamazioak.

4.1. Eskabideak aurkezteko epea bukatuta, Sarrerarako Hautapenaren Zerbitzuko zuzendariak, Nafarroako Administrazio Publikoaren Institutuko zuzendari kudeatzaileak eskuordetuta (103/2008 Ebazpena, ekainaren 26koa), ebazpena emanen du izangai onartuen eta baztertuen behin-behineko zerrenda onesteko, eta Nafarroako Aldizkari Ofizialean argitara dadila aginduko.

4.2. Behin-behineko zerrenda Nafarroako Aldizkari Ofizialean argitaratu eta biharamunetik hasita, izangai baztertuek hamar egun balioduneko epea izanen dute erreklamazioak aurkezteko eta, akatsik egin badute, haiek zuzentzeko.

4.3. Erreklamazioak aurkezteko epea bukaturik eta haien gaineko ebazpena eman ondoren, Sarrerarako Hautapenaren Zerbitzuko zuzendariak, Nafarroako Administrazio Publikoaren Institutuko zuzendari kudeatzaileak eskuordetuta (103/2008 Ebazpena, ekainaren 26koa), ebazpena emanen du, izangai onartuen eta baztertuen behin betiko zerrenda onesteko, eta Nafarroako Aldizkari Ofizialean argitara dadila aginduko.

4.4. Izangaiei ez zaizkie azterketa egiteko eskubideak itzuliko, baldin eta beraiei egotzitako arrazoiengatik baztertzen badira.

5.-Epaimahaia.

5.1. Epaimahaia honako kide hauek osatuko dute:

-Mahaiburua: Jesús Posadas Martínez jauna, Herri Lan, Garraio eta Komunikazio Departamentuko Garraioen Antolamendu eta Kudeaketaren Zerbitzuko zuzendaria.

-Ordezkoa: Iñaki Morcillo Irastorza jauna, Berrikuntza, Enpresa eta Enplegu Departamentuko Energiaren, Meatzaritzaren, Telekomunikazioen eta Industria Segurtasunaren Zerbitzuko zuzendaria.

-Epaimahaikidea: Javier Sainz de los Terreros Goñi jauna, Herri Lan, Garraio eta Komunikazio Departamentuko Obrak Ikuskatzeko Ataleko burua.

-Ordezkoa: Manuel Espina Lombardero jauna, Berrikuntza, Enpresa eta Enplegu Departamentuko meatze ingeniaria.

-Epaimahaikidea: José Murguialday Murguialday jauna, Berrikuntza, Enpresa eta Enplegu Departamentuko industria ingeniaria.

-Ordezkoa: Ana Vicente Alzuaz andrea, Berrikuntza, Enpresa eta Enplegu Departamentuko Berriztapena Sustatzeko Ataleko burua.

-Epaimahaikidea: Nafarroako Foru Komunitateko Administrazioko Langileen Batzordearen ordezkari bat, batzordeak berak proposatua.

-Ordezkoa: Nafarroako Foru Komunitateko Administrazioko Langileen Batzordearen ordezkari bat, batzordeak berak proposatua.

-Mahaikide idazkaria: Charo Loitegui Biurrun andrea, Herri Lan, Garraio eta Komunikazio Departamentuko Garraioen Araubide Juridikoaren Ataleko burua.

-Ordezkoa: Isabel Akerreta Larraz andrea, Berrikuntza, Enpresa eta Enplegu Departamentuko Laguntza Juridikoaren Ataleko burua.

Epaimahaia hautaprobak hasi baino lehen eratuko da.

5.2. Epaimahaia ezin izanen da eratu, ezta aritu ere, kideen gehiengo osoa bertan izan gabe.

Kide anitzeko organoaren eraketak eta jardunak balio izateko, epaimahaiburuak eta epaimahaikide-idazkariak edo haien ordezkoek egon beharko dute bertan.

5.3. Epaimahaiko kideek ez dute parte hartuko, eta organo dei egileari horren berri emanen diote, baldin eta Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legean parte ez hartzeko aipatzen diren egoeretakoren batean badaude.

Izangaiek, halaber, zilegi dute epaimahaikideak errefusatzea, egoera horietako bat gertatzen denean.

5.4. Epaimahaiak gehiengoz erabakiko ditu deialdiaren oinarriak ulertu eta aplikatzeko moduaren gainean sortzen diren arazo guztiak.

5.5. Epaimahaiak aholkulari adituen laguntza izan dezake, proba batzuetan nahiz guztietan. Aholkulari horiek beren espezialitate teknikoetan baizik ez dira arituko eta haietan bakarrik emanen diote laguntza epaimahaiari.

6.-Oposizioa nola eginen den.

6.1. Oposizioa 2011ko urrian hasiko da. Onartu eta baztertuen behin betiko zerrenda onesten duen ebazpenean berean finkatuko dira probak hasteko tokia, eguna eta ordua.

Ondoren, epaimahaiak gainerako probak egiteko iragarkiak jakinaraziko ditu, arauz egin behar den moduan.

6.2. Oposizioak ariketa hauek izanen ditu:

-Lehenengo ariketa: teorikoa, 100 galderako sorta bati gehienez ere bi orduz erantzun beharko zaio idatziz, eta erantzunen arteko bat bakarra izanen da zuzena. Galderak deialdi honetan ageri diren gaiei buruzkoak izanen dira. Erantzun okerrengatik puntuak kenduko dira.

-Bigarren ariketa: teorikoa, zozketaz aukeratutako bi gairi buruz idatzi beharko da, gehienez ere 4 orduz. Gai horietako bat deialdi honen eranskinean ageri den gai-zerrendako bigarren zatikoa izanen da eta bestea hirugarren zatikoa. Horretarako, epaimahaiak zozketaz aterako ditu aipatutako zati bakoitzeko bi gai, eta izangaiek horietako bat, nahi dutena, aukeratu eta garatu beharko dute.

-Hirugarren ariketa: praktikoa, epaimahaiak proposatutako bi kasu praktiko idatziz ebatzi beharko dira, 5 orduz gehienez ere. Kasu horietako bat deialdi honen eranskinean ageri den gai-zerrendako bigarren zatian biltzen diren gaiei buruzkoa izanen da eta bestea hirugarren zatian biltzen diren gaiei buruzkoa.

-Laugarren ariketa: ingeleseko probak. Borondatezko ariketa da eta ez baztertzailea, eta aurreko hiru ariketak gainditzen dituzten izangaiek egiten ahalko dute. Idatzizko eta ahozko proba bana eginen dira, izangaien jakite maila zehazteko. Proba horiek Nafarroako Administrazio Publikoaren Institutuak prestatuko ditu eta haren emaitza loteslea izanen da epaimahaiarentzat. Internet bidezko deialdian, www.navarra.es helbidean, "Enplegu Publikoa" atalean, hain zuzen, horien edukiari eta ezaugarriei buruzko informazio orokorra dago.

6.3. Oposizioko ariketen balorazioan 100 puntu eman daitezke gehienez, honela banatuak:

-Lehenengo ariketa: 25 puntu gehienez.

-Bigarren ariketa: 30 puntu gehienez. Gai bakoitzean 15 puntu emanen dira gehienez.

-Hirugarren ariketa: 35 puntu gehienez. Kasu bakoitzean 17,5 puntu emanen dira gehienez.

-Laugarren ariketa: 10 puntu gehienez.

6.4. Oposizioko lehenengo, bigarren eta hirugarren ariketak baztertzaileak izanen dira. Bazterturik geldituko dira ariketa bakoitzean kalifikaziorik altuena lortzen duen izangaiaren puntuazioaren erdira gutxienez iristen ez diren izangaiak. Hori hala izanik ere, ariketa gainditutzat jotzeko, deialdiaren oinarrietan ariketarako ezarritako gehieneko puntuazioaren 1/3 atera beharko da gutxienez. Halaber, bazterturik geldituko dira bigarren eta hirugarren ariketetako gai edo kasuetako edozeinetan 0 puntuko kalifikazioa jasotzen duten izangaiak.

6.5. Bigarren eta hirugarren ariketak plika sistemaren bidez eginen dira.

6.6. Ariketa bakoitzaren kalifikazioa amaitutakoan, epaimahaiak jendaurrean jarriko du, ariketa egiten den lekuan eta Nafarroako Gobernuaren iragarki oholean, probak gainditu dituzten izangaien zerrenda, bakoitzaren kalifikazioekin. Horrez gainera, oposizioko hurrengo proba non, zein egunetan eta zein ordutan eginen den adierazten duen oharra argitaratuko du, gutxienez hura hasi baino 48 ordu lehenago. Zerrenda Interneten bidez ere kontsultatzen ahalko da, www.navarra.es helbidean, "Enplegu Publikoa" atalean, hain zuzen, deialdiari buruz dagoen aiputik abiatuta.

6.7. Ariketa bakoitzerako deialdi bakarra eginen da. Izangaiek aldean izan beharko dute nortasun agiri nazionala, pasaportea, gidabaimena edo epaimahaiaren iritziz identifikaziorako balio duen beste agiriren bat. Azterketara agertzen ez direnak edo arestian aipatutako agirietako baten bidez beren nortasuna frogatzen ez dutenak oposiziotik baztertuko dira.

6.8. Hautaprobak egiteko, desgaitasun aitortua dutenentzat beharrezkoak diren denbora eta baliabide egokitzapenak ezarriko dira, eskabidean azaldutakoaren arabera.

7.-Probak gainditu dituztenen zerrenda, izendapen proposamena eta agirien aurkezpena.

7.1. Hautaprobak bukaturik, epaimahaiak jendaurrean jarriko du, probak egin diren tokian eta Nafarroako Gobernuaren iragarki oholean, probak gainditu dituztenen zerrenda, oposizioan lortutako kalifikazioekin. Gero, zerrenda hori Nafarroako Administrazio Publikoaren Institutuko zuzendari kudeatzaileari igorriko dio, puntuaziorik altuenak izateagatik deialdiko lanpostuetan sartzen ahal diren izangaiak izendatzeko proposamenarekin eta espediente osoarekin batera. Proposamena Nafarroako Aldizkari Ofizialean argitaratuko da. Zerrenda Interneten bidez ere kontsultatzen ahalko da, www.navarra.es helbidean, "Enplegu Publikoa" atalean, hain zuzen, deialdiari buruz dagoen aiputik abiatuta.

Gertatzen diren berdinketetan, hirugarren ariketan puntu gehien lortzen dutenen alde joko da, eta berdinketak badirau, bigarren eta lehenengo ariketetan lortutako puntuak hartuko dira aintzakotzat, hurrenez hurren.

7.2. Izendapen proposamena Nafarroako Aldizkari Ofizialean argitaratu ondoko 30 egun naturaleko epean, proposatutako izangaiek berariazko inprimaki batzuk jaso eta honako agiri hauek aurkeztu beharko dituzte, Nafarroako Administrazio Publikoaren Institutuko Sarrerarako Hautapenaren Zerbitzuan:

7.2.1. Nafarroako Foru Komunitateko Administrazioaren eta haren erakunde autonomoen zerbitzuko langile finko ez diren izangaiek:

a) Nortasun agiri nazionalaren bi fotokopia konpultsatu, edo izangaiaren nazionalitatea eta nortasuna frogatzen dituen agiri baliokideren batenak.

b) Deialdiaren 2.1.1.c) oinarrian eskatzen den tituluaren fotokopia konpultsatua, edo hura lortzeko eskubideak pagatu direla frogatzen duen gordekinarena, edo, hala bada, eskabideak aurkezteko epean titulua eskuratzeko moduan dagoela frogatzen duen ziurtagiria.

c) B motako ibilgailuak gidatzeko baimenaren kopia konpultsatua.

d) Laneko Arriskuei Aurrea Hartzeko Atalak emandako txostena, interesdunak karguan aritzea eragozten dion eritasun edo akats fisiko edo psikikorik ez duela frogatzeko.

Desgaitasunen bat alegatu duten izangaiek, gainera, desgaitasuna deialdiko lanpostuarekin bateragarria dela dioen frogagiria aurkeztu beharko dute, balorazio eta orientazio talde eskudunek emana.

e) Eginkizun publikoetarako ezgaitua edo gabetua ez izatearen eta inongo administrazio publikoren zerbitzutik bereizia ez izanaren zinpeko aitorpena.

f) Zin egin edo hitz ematea Nafarroako Foru Araubidea errespetatuko duela, Konstituzioari eta legeei men eginen diela eta karguari dagozkion eginkizunak zuzen beteko dituela.

Deialdi hau egin ez duen Nafarroako beste administrazio publikoren bateko langile finkoek edo Nafarroako Foru Komunitateari transferitutako Justizia Administrazioko zerbitzuei atxikitako langile finkoek, gainera, beste ziurtagiri bat aurkeztu beharko dute, aurreko administrazioko espediente pertsonalean ageri diren inguruabar eta aurrekari guztiak frogatzeko, hots, sarrerari, antzinatasunari, mailari, egoera administratiboari eta abarri buruzko guztiak.

7.2.2. Nafarroako Foru Komunitateko Administrazioaren edo haren erakunde autonomoen zerbitzuko langile finkoak diren izangaiek:

a) Deialdiaren 2.1.1.c) oinarrian eskatzen den tituluaren fotokopia konpultsatua, edo hura lortzeko eskubideak pagatu direla frogatzen duen gordekinarena, edo, hala bada, eskabideak aurkezteko epean titulua eskuratzeko moduan dagoela frogatzen duen ziurtagiria.

b) B motako ibilgailuak gidatzeko baimenaren kopia konpultsatua.

7.2.3. Desgaitasunen bat alegatu duten izangaiek, gainera, desgaitasuna deialdiko lanpostuarekin bateragarria dela dioen frogagiria aurkeztu beharko dute, balorazio eta orientazio talde eskudunek emana.

7.3. Aipatu epearen barrenean, eta aski justifikaturik dauden ezinbesteko kasuetan izan ezik, arestiko agiriak aurkezten ez dituztenak ezin izanen dira izendatu, eta ordura arteko egintza guztiak baliorik gabe geldituko dira, beren eskabidearen faltsukeria dela-eta legokiekeen erantzukizuna galarazi gabe.

7.4. Aurreko atalean ezarritakoa gertatuz gero, Nafarroako Administrazio Publikoaren Institutuko zuzendari kudeatzaileak probak gainditu dituztenen zerrendan, 7.1 atalean aipatutakoan, hurrengoa den izangaiarekin beteko du hutsunea, eta horrekin ere aurreko ataletan adierazitako moduan jokatuko da.

7.5. Nahitaezko betebehar eta baldintzen frogagiriez gain, Funtzio Publikoaren Zuzendaritza Nagusiak, bere eskudantziak erabiltzeko, beste edozein agiri eska diezaioke izangaiari, eta horrek deialdi honen 7.2 oinarrian ezarritako moduan aurkeztu beharko du.

8.-Lanpostu hutsak hautatzea.

8.1. Aurreko oinarrian xedatu dena betetzen duten izangaiek Nafarroako Administrazio Publikoaren Institutuak (NAPI) hartarako jartzen dien epean aditzera eman beharko dute eskaintzen zaizkien lanpostuetatik zein hautatzen duten. Aukeratu beharreko lanpostuak hasieran deitutakoak izanen dira, edo beste batzuk, zerbitzuaren beharren arabera horiek aldatzea erabakitzen bada.

8.2. Lanpostu hutsak aukeratzerakoan, %33ko desgaitasun aitortua edo handiagoa duten izangaiek lehentasuna izanen dute gainerako izangaien aurretik, kontuan hartu gabe zein txandaren bidez parte hartu duten.

Hala izanagatik ere, desgaitasuna duen izangairik bada, eta horrek eragina badu lanpostu bat edo bestea hautatzeko, aukeratzen hasi aurretik, desgaitasunarekin hobekien egokitzen direnak esleituko zaizkie, horren gainean balorazio eta orientazio talde eskudunek egiten duten txostenaren arabera.

8.3. Hautaprobak igoera txandan gainditzen dituzten izangaiek deialdiko lanpostuak betetzeko lehentasuna izanen dute txanda irekiko izangaien aldean, aurreko atalean adierazitako salbuespena kontuan hartuz.

9.-Izendapena, lanpostu hutsen esleipena eta jabetza hartzea.

9.1. Funtzio Publikoaren zuzendari nagusiak, ebazpen baten bitartez, aurreko oinarrietan ezarritakoa betetzen duten izangaiak Nafarroako Foru Komunitatearen Administrazioko funtzionario izendatuko ditu, industria ingeniari lanetan aritzeko. Ebazpen horren bidez lanpostuen esleipena ere eginen da.

9.2. Izendapenak eta lanpostuaren jabetza hartzeak nomina eta plantillako funtzionario bilakatuko ditu izendatuak, eta Nafarroako Foru Komunitateko Administrazioko funtzionarioen arloan indarra duten xedapenetan ezarri diren eskubide eta betebehar guztiak izanen dituzte. Gizarte Segurantzako araubide orokorrean afiliatuko dira, araubide horretan ezarritakoaren babesean.

Aurrekoa gorabehera, Nafarroako Administrazio Publikoen Zerbitzuko Langileen Estatutua onetsi zuen abuztuaren 30eko 251/1993 Legegintzako Foru Dekretuaren bederatzigarren xedapen gehigarriaren 3. puntuan xedatutakoa aplikatzearen ondorioz, Nafarroako administrazio publikoen edozein montepioren eskubide pasiboetan sarturik daudenek bi aukera izanen dituzte: Nafarroako Foru Komunitateko Administrazioaren montepioan segitzea, martxoaren 5eko 10/2003 Foru Legearen bidezko eskubide pasiboen araubideak babesturik, edo Gizarte Segurantzaren Araubide Orokorrean sartzea.

9.3. Lanaldia zerbitzuaren beharretara egokituko da eta noiznahi aldatzen ahalko dute administrazio organo eskudunek, aplikatzekoa den araudian ezarritakoarekin bat.

9.4. Funtzionarioek bizilekua destinoko herrian ez izateak ez du alde batera uzten lantokira puntual iritsi beharra eta lanaldia eta lanpostuko eginkizunak zuzen bete beharra eta, gainera, ez da inolako konpentsaziorik jasoko lantokirako joan-etorriengatik.

Behar bezala justifikatutako kasu batzuetan, administrazio publikoek zilegi izanen dute funtzionarioei destinoko herrian bizi daitezela eskatzea, lanpostuko eginkizunengatik eta eskatzen den dedikazioagatik bidezkoa denean.

9.5. Izendapena Nafarroako Aldizkari Ofizialean argitaratuko da eta izangai izendatuek hilabeteko epean jabetu beharko dute lanpostuez, izendapenaren jakinarazpenetik kontatzen hasita.

Aipatutako epean eta ezinbesteko kasuetan izan ezik, izangairen bat lanpostuaren jabe egiten ez bada, Foru Komunitateko Administrazioaren funtzionario izateko eskubide guztiak galduko ditu. Hala gertatzen bada, deialdiaren 7.4 idatz-zatian ezarritakoari jarraikiko zaio.

9.6. Izangai bat funtzionario bihurtu eta lanpostuan batere aritu gabe, zuzenean eta berak eskatuta, indarreko arudian ezarritako kasuetan, borondatezko eszedentzia ematen bazaio jabetza hartzearen egunetik beretik, kasuko lanpostu hutsa ere deialdiaren 7.4 atalak agintzen duen moduan beteko da.

9.7. Aurreko bi ataletan aipatutako kasuetan, izendapena egin aurretik hautaturiko lanpostua ez da aldatuko. Beraz, funtzionario berriei, zuzenean, egoera horien ondoriozko lanpostuak esleituko zaizkie.

10.-Aldi baterako kontratuetarako izangaien zerrenda.

10.1. Nafarroako Administrazio Publikoetan sartzeko Erregelamenduaren 42. artikuluan, Lehendakaritza, Justizia eta Barneko kontseilariaren abenduaren 31ko 814/2010 Foru Aginduan (aldi baterako kontratazioa kudeatzeko arauak onesten dituena), Osasuneko kontseilariaren abenduaren 24ko 172/2009 Foru Aginduan (aldi baterako langileak hautatzeko arauak onetsi zituen, Osasunbidea-Nafarroako Osasun Zerbitzuaren osasun zentro eta establezimenduetarako. 2010eko 7. Nafarroako Aldizkari Ofizialean argitaratu zen, urtarrilaren 15ean) eta oinarri honetan ezarritakoarekin bat, hurrengo zerrendak eginen dira hautapen prozesuan parte hartu eta lanposturik lortu ez duten izangaiak aldi baterako kontratatzeko:

a) Gainditu arren lanposturik lortu ez duten izangaien zerrenda.

b) Administrazio Erroan aldi baterako kontratatuak izateko izangaien zerrenda.

c) Osasunbidea-Nafarroako Osasun Zerbitzuan aldi baterako kontratatuak izateko izangaien zerrenda.

10.2. Probak gainditu arren lanposturik lortu ez duten izangaien zerrenda eta Administrazio Erroan aldi baterako kontratatuak izateko izangaien zerrenda.

Nafarroako Administrazio Publikoaren Institutuko Sarrerarako Hautapenaren Zerbitzuak espedientea bidali ondoren, Funtzio Publikoaren zuzendari nagusiak emandako ebazpenaren bidez, gainditu arren lanposturik lortu ez duten izangaien zerrenda eta probak gainditu arren lanposturik lortu ez duten izangaien zerrenda onetsiko dira, aplikatzen ahal diren kudeaketa arauen arabera.

Probak gainditu gabe lanposturik lortu ez duten izangaien zerrenda honakoek osatuko dute:

a) Sartzeko deialdian aurkeztuta, prozesu osoa ez, baina proba batzuk gainditzen dituzten izangaiak.

b) Deialdiaren oinarrietan lehenengo probarako ezarritako gehieneko puntuazioaren gutxienez %30 lortzen duten izangaiak.

Zerrendak Nafarroako Gobernuaren iragarki oholean (Karlos III.aren etorbidea, 2 - ataria, Iruña) eta Nafarroako Gobernuaren www.navarra.es webgunean argitaratuko dira.

Funtzio Publikoaren Zuzendaritza Nagusiak Osasunbidea-Nafarroako Osasun Zerbitzuari eta Nafarroako Mendekotasun Agentziari igorriko die probak gainditu arren lanposturik lortu ez duten izangaien zerrenda, aplikatzekoak diren arauei jarraikiz kudea dezaten.

Honako hau izanen da aldi baterako kontratazioen zerrendetako hurrenkera: probak gainditu arren lanposturik lortu ez dutenen kasuan, sarrerako hautaketa prozesuan lortutako puntuaziorik handienaren arabera, eta gainerako izangaien kasuan, hurrengo irizpideen eta aplikazio hurrenkeraren arabera:

a) Nork gainditu duen proba gehien.

b) Nork izan duen puntuaziorik altuena probetan.

Berdinketa dagoenean, nor nagusitzen den erabakitzeko, deialdi honetan kasu horietarako ezarritako irizpideak hartuko dira kontuan.

Aldi baterako kontrataziorako izangaien zerrendan agertzeak ez du esan nahi interesdunei onartzen zaienik 2. oinarrian ezarritako betebeharrak betetzen dituztela; izan ere, horiek oinarri honetan adierazten den bezala frogatu beharko dituzte.

Izangaiei deitu eta, kasua bada, haiek kontratatzerakoan, Administrazio Erroan, honako hauetan xedatutakoari jarraikiz jokatuko da: Nafarroako Administrazio Publikoen zerbitzuko Langileen Estatutuaren Testu Bategina onesten duen abuztuaren 30eko 251/1993 Legegintzako Foru Dekretuaren 88.b) artikulua eta hurrengoak; aldi baterako kontratazioa kudeatzeko arauak onesteko Lehendakaritza, Justizia eta Barneko kontseilariak abenduaren 31n eman zuen 814/2010 Foru Agindua; eta aplikatzekoak diren gainerako arauak.

Izangaiei deitzeko, Lehendakaritza, Justizia eta Barneko kontseilariak abenduaren 31n eman zuen 814/2010 Foru Aginduaren 9. artikuluan izangaien zerrendetako lehentasun hurrenkera finkatzeko araubide orokorraren salbuespenei buruz ezarritakoa hartuko da kontuan.

Kontratatzeko deitzen diren izangaiek bakarrik aurkeztu beharko dituzte 2.1. oinarrian tituluei buruz eskatzen zaiena betetzen dutela frogatzeko agiriak; hain zuzen ere kontratua formalizatzen den unean, jatorrizko agiriak edo behar bezala konpultsatutako kopiak aurkeztuz.

Eskatzen diren agiriak aipatu epean aurkezten ez dituzten izangaiek, aski justifikatutako ezinbesteko kasuetan izan ezik, eta eskatutako baldintzak betetzen ez dituztenek deialdian parte hartzetik ondorioztatutako eskubide guztiak galduko dituzte; betiere, parte hartzeko eskabidea faltsutzeagatik legokiekeen erantzukizuna galarazi gabe.

Sarrera prozesuko eskabideak aurkezteko epea bukatzen den egunerako bete beharko dira baldintzak eta, orobat, hautaprobak egin bitartean eta kontratazioaldiak iraun bitartean.

10.3. Osasunbidea-Nafarroako Osasun Zerbitzuan aldi baterako kontratatuak izateko izangaien zerrenda.

Nafarroako Administrazio Publikoaren Institutuko Sarrerarako Hautapenaren Zerbitzuak Osasunbidea-Nafarroako Osasun Zerbitzuko organo eskudunei igorriko die sarrerako hautapen prozesuko ariketa guztiak gainditzen ez dituzten izangaien zerrenda, aldi baterako kontrataziorako izangaien zerrendak presta daitezen.

Osasunbidea-Nafarroako Osasun Zerbitzuan aldi baterako kontratazioetarako zerrenden prestaketa eta funtzionamendua Osasuneko kontseilariaren abenduaren 24ko 172/2009 Foru Aginduan xedatutakoaren arabera arautuko dira. Foru agindu horren bidez, aldi baterako langileak hautatzeko arauak onetsi ziren, Osasunbidea-Nafarroako Osasun Zerbitzuaren osasun zentro eta establezimenduetarako (2010eko 7. Nafarroako Aldizkari Ofiziala, urtarrilaren 15ekoa).

Foru agindu horretan xedatutakoaren arabera, oposizio bidezko deialdi honen emaitzetan oinarrituko dira aldi baterako kontratazioetarako zerrendak, irizpide hauei jarraituz:

a) Deialdiko hautaprobak gainditu arren lanposturik lortzen ez duten izangaiek lehentasuna izanen dute aldi baterako kontrataziorako.

Izangai horiek, Langileriaren Kudeaketa, Sarrera eta Barne Igoerarako Zerbitzuari eskabidea igorrita, kontratazio zerrendetatik kentzeko eskatzen ahal dute, kontratazio zentro edo unitate batean edo gehiagotan.

b) Aurreko atalean adierazitako izangaien ondotik, oposizio bidezko deialdi honetan aurkeztu eta hura gainditu gabe hautaprobaren bat gainditzen duten izangaiak jarriko dira kontratazio zerrendetan. Izangaien zerrendaren lehentasuna ezartzeko, bi hauek batuko dira: gainditutako proben puntuazioa eta kasuan kasuko baremoarena. Baremoan izangaiak edozein administrazio publikotan deialdiaren xedeko lanpostuan izan duen esperientzia profesionala baizik ez da aintzat hartuko.

c) Oposiziora aurkeztu arren hautaproba bat bera ere gainditu ez duten izangaiak. Halakoetan, zerrendan sartu ahal izateko, proba gainditzeko eskatutako puntuazioaren %30 lortu beharko dute gutxienez. Izangaien zerrendaren lehentasuna ezartzeko, bi hauek batuko dira: egindako probaren puntuazioa eta baremoarena. Baremoan izangaiak edozein administrazio publikotan deialdiaren xedeko lanpostuan izan duen esperientzia profesionala baizik ez da aintzat hartuko.

b) eta c) letretan sartutako izangaiek jarraian adierazten den dokumentazioa aurkeztu beharko dute Osasunbidea-Nafarroako Osasun Zerbitzuaren Erregistroan (Irunlarrea kalea, 39, 31008 Iruña), hamabost egun balioduneko epean, hautaproben behin betiko emaitzak argitaratzen direnetik:

1. Edozein administrazio publikotan emandako zerbitzuak baloratzeko eskabidea, behar bezala betea. Kasuan kasuko deialdia argitaratu arte egindako zerbitzuak baloratuko dira. Ondorio horietarako, egindako azken deialdi publikoa baizik ez da kontuan hartuko. (Eredua www.navarra.es helbidean eskura daiteke, "Enplegu Publikoa" ataleko deialdiaren aipuan).

2. Iraupen laburreko/luzeko kontratazioetarako zerrendetan sartzeko eskatzen duen eskabidea, betea eta sinatua. (Eredua www.navarra.es helbidean eskura daiteke, Enplegu Publikoa" ataleko deialdiaren aipuan).

Hautapen prozesu honetan parte hartu eta lanpostua eskuratzen duen lehen izangaia lanpostuaz jabetzen denean hartuko du indarra aurreko ataletan xedatutakoaren arabera osatutako zerrendak.

Izangaiei deitzeko, foru agindu horretan izangaien zerrendetako lehentasun hurrenkera finkatzeko araubide orokorraren salbuespenei buruz ezarritakoa hartuko da kontuan.

11.-Errekurtsoak.

Epaimahaiaren egintzen eta ebazpenen kontra gora jotzeko errekurtsoa jartzen ahalko da, Nafarroako Administrazio Publikoaren Institutuko zuzendari kudeatzaileari zuzendua, errekurtsoaren xedeko egintza argitaratu edo jakinarazi eta biharamunetik hilabeteko epean.

Deialdiaren, oinarrien eta horiek aplikatzeko egintzen kontra, epaimahaiak hartutakoen kontra izan ezik, zilegi izanen da gora jotzeko errekurtsoa jartzea, Lehendakaritza, Justizia eta Barneko kontseilariari zuzendua, errekurtsoaren xedeko egintza argitaratu edo jakinarazi eta biharamunetik hasita hilabeteko epean.

Hori guztia Nafarroako Foru Komunitateko Administrazioari buruzko abenduaren 3ko 15/2004 Foru Legearen 57. artikuluan eta urtarrilaren 13ko 4/1999 Legeak aldatutako Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 114. eta 115. artikuluetan xedatutakoari jarraikiz.

Iruñean, 2011ko maiatzaren 10ean.-Nafarroako Administrazio Publikoaren Institutuko zuzendari kudeatzailea, Gregorio Eguilaz Gogorza.

I. ERANSKINA . ESKABIDEA

Hautaprobetan onartua izateko eskabidea

Deialdiaren datuak.

Lanpostua:

Deialdia Nafarroako Aldizkari Ofizialean argitaratu zen: zenbakia: ....................., eguna: .............................

Sartzeko txanda.

Txanda irekia

[ ]

Igoera txanda*

[ ]

Desgaitasunen bat dutenentzako erreserba txanda*

[ ]

Datu pertsonalak.

Izen-deiturak:

NANa edo agiri baliokidea:

Jaioteguna:

Jaioterria: ( )

Nazionalitatea:

Helbidea:

Herria:

Probintzia:

Posta kodea:

Sakelako telefonoa:

2. telefono zk.:

Helbide elektronikoa:

Aurkeztutako agiriak.

Desgaitasunaren

frogagiria

[ ]

Denboren eta/edo

baliabideen egokitzapenak eskatzen ditu, beste orri batean

[ ]

Euskararen gaitasun agiria edo baliokidea*

[ ]

Honako hauen proba eskatzen du:

Euskara*

[ ]

Ingelesa*

[ ]

Frantsesa*

[ ]

Sinatzaileak ESKAERA egiten du eskabide honetan adierazitako prozesuan onartua izan dadin eta ADIERAZTEN DU, erantzukizuna berea izanik, bertan agertzen diren datu guztiak egiazkoak direla, deialdiaren oinarrian eskatutako betebehar guztiak betetzen dituela eta datu horiek guztiak agirien bidez frogatzeko konpromisoa hartzen duela.

 (Sinadura)

 .................(e)n, 2011ko .............aren ..............(e)an

NAFARROAKO ADMINISTRAZIO PUBLIKOAREN INSTITUTUKO ZUZENDARI KUDEATZAILEA. LEHENDAKARITZA, JUSTIZIA ETA BARNE DEPARTAMENTUA.

(*) Deialdiaren oinarrietan xedatutakoari jarraikiz.

II. ERANSKINA

Gai-zerrenda

I. zatia.

1. gaia.-Espainiako 1978ko Konstituzioa: printzipio orokorrak. Oinarrizko eskubide eta betebeharrak. Botere Judiziala. Gorte Nagusiak: osaera eta eginkizunak. Gobernua eta Estatuko Administrazioa. Konstituzio Auzitegia: osaera, izaera eta eskumenak.

2. gaia.-Europar Batasuna. Parlamentua. Kontseilu Europarra. Europako Batzordea. Kontseilua (ministroena). Justizia Auzitegia. Beste erakunde batzuk.

3. gaia.-Europar Batasuneko antolamendu juridikoaren iturriak: sorrerako zuzenbidea eta zuzenbide eratorria.

4. gaia.-Espainiako 1978ko Konstituzioaren lehen xedapen gehigarria. Nafarroako Foru Eraentza Berrezarri eta Hobetzeari buruzko Lege Organikoa: izaera eta esanahia. Atariko titulua. Nafarroaren eskumenak.

5. gaia.-Nafarroako Parlamentua edo Gorteak. Nafarroako Comptos Ganbera. Arartekoa.

6. gaia.-Nafarroako Gobernua. Eginkizunak. Osaera, izendapena, eratzea eta kargu-uztea. Eskudantziak eta eskumenak. Funtzionamendua. Laguntza organoak. Erantzukizun politikoa, Parlamentuaren kontrola eta Parlamentuaren desegitea. Nafarroako Gobernuko lehendakaria.

7. gaia.-Nafarroako Foru Komunitateko Administrazioa. Nafarroako Foru Komunitateko Administrazioari buruzko abenduaren 3ko 15/2004 Foru Legean ezarritako printzipio orokorrak. Herritarrek Nafarroako Foru Komunitateko Administrazioarekiko harremanetan dituzten eskubideak. Antolaketa: printzipio nagusiak eta egitura organikoa, kide anitzeko organoak eta administrazio organoen eskumenak.

8. gaia.-Administrazio publikoen araubide juridikoaren printzipio orokorrak. Administrazio publikoen organoak. Administrazio prozeduraren interesdunak.

9. gaia.-Administrazioaren xedapenak eta egintzak. Egintza administratiboen betebeharrak. Egintzen eraginkortasuna. Deuseztasuna eta deuseztagarritasuna.

10. gaia.-Prozedura administratiboen xedapen orokorrak: prozeduraren abiaraztea, antolamendua, instrukzioa eta amaiera. Bide administratiboko egintzen berrikuspena: ofiziozko berrikuspena eta administrazio errekurtsoak.

11. gaia.-Kontratu Publikoei buruzko Foru Legea: aplikaziorako arau orokorrak eta eremua. Kontratistak. Administrazio publikoen kontratu guztietarako xedapenak. Esleipenaren aurreko jarduketak.

12. gaia.-Nafarroako Administrazio Publikoen Zerbitzuko Langileen Estatutua. Langile motak. Funtzionario publikoak hautatzea. Administrazio egoerak. Funtzionarioen eskubideak, betebeharrak eta bateraezintasunak. Ordainsariak.

13. gaia.-11/2007 Foru Legea, apirilaren 4koa, Nafarroako Foru Komunitateko Administrazioan administrazio elektronikoa ezartzeari buruzkoa.

14. gaia.-21/2005 Foru Legea, abenduaren 29koa, politika publikoak eta zerbitzu publikoen kalitatea ebaluatzeari buruzkoa.

15. gaia.-15/1999 Lege Organikoa, abenduaren 13koa, Datu Pertsonalak Babesteari buruzkoa.

II. zatia.

1. gaia.-Berrikuntza, Enpresa eta Enplegu Departamentuak ikerketarako, garapenerako eta berrikuntzarako ematen dituen laguntzak.

2. gaia.-Berrikuntza, Enpresa eta Enplegu Departamentuak teknologoak prestatzeko eta zentroak aukeratzeko ematen dituen bekak.

3. gaia.-Zerga kenkariak Nafarroan ikerketarako, garapenerako eta berrikuntza teknologikorako jarduerak egiteagatik.

4. gaia.-Ikerketarako, garapenerako eta berrikuntzarako Estatuko laguntzei buruzko Europar Batasunaren esparrua (2006/C 323/01).

5. gaia.-Nafarroako Hirugarren Plan Teknologikoa (2008-2011).

6. gaia.-Batzordeak mikroenpresa, enpresa txiki eta ertainen definizioari buruz emandako gomendioa (2003/361/EE).

7. gaia.-Apirilaren 14ko 13/1986 Legea, Ikerketa Zientifiko eta Teknikoaren Sustapen eta Koordinazio Orokorrari buruzkoa.

8. gaia.-Zientzia eta teknologia estrategia nazionala.

9. gaia.-Ikerketa zientifikorako, Garapenerako eta Berrikuntza Teknologikorako Plan Nazionala (2008-2011).

10. gaia.-Estatuko Berrikuntza Estrategia (E2I).

11. gaia.-Garapen teknologiko-industrialerako zentroa.

12. gaia.-Ikerketako, garapen teknologikoko eta frogapeneko ekintzetarako Europar Elkartearen zazpigarren esparru programa (2007-2013).

13. gaia.-Berrikuntzarako eta lehiakortasunerako esparru programa (2007-2013).

14. gaia.-Osloko eskuliburua.

15. gaia.-Frascatiko eskuliburua.

16. gaia.-Martxoaren 20ko 11/1986 Legea, Patenteei buruzkoa.

17. gaia.-Nafarroako zentro teknologikoak.

18. gaia.-I+G jardueren gaineko estatistika eta enpresen berrikuntza teknologikoari buruzko inkesta. Estatuan eta Nafarroan.

19. gaia.-Oinarri teknologikoa duten enpresa berritzaileak.

20. gaia.-Nafarroako Berrikuntza Parkea.

21. gaia.-Berrikuntza Moderna planean.

22. gaia.-Uztailaren 16ko 21/1992 Legea, Industriari buruzkoa.

23. gaia.-Abenduaren 28ko 2200/1995 Errege Dekretua, Industriaren kalitate eta segurtasunerako azpiegituraren erregelamendua onesten duena.

24. gaia.-Urriaren 7ko 34/1998 Legea, Hidrokarburoen Sektoreari buruzkoa.

25. gaia.-Azaroaren 27ko 54/1997 Legea, Sektore Elektrikoari buruzkoa.

26. gaia.-Abenduaren 1eko 1955/2000 Errege Dekretua, Energia elektrikoa garraiatu, banatu, merkaturatu eta horniketa egiteko jarduerak eta instalazioak baimentzeko prozedurak arautzen dituena.

27. gaia.-Abenduaren 27ko 1434/2002 Errege Dekretua, Gas naturala garraiatu, banatu eta merkaturatzeko jarduerak eta instalazioak baimentzeko prozedurak arautzen dituena.

28. gaia.-Otsailaren 15eko 223/2008 Errege Dekretua, Goi tentsioko linea elektrikoetako baldintza teknikoei eta segurtasun bermeei buruzko erregelamendua, eta jarraibide tekniko osagarriak (ITC-LAT 01etik 09ra bitarte), onesten dituena.

29. gaia.-Azaroaren 12ko 3275/1982 Errege Dekretua, Zentral elektrikoetako eta transformazio zentroetako baldintza teknikoei eta segurtasun bermeei buruzkoa.

30. gaia.-Otsailaren 15eko 222/2008 Errege Dekretua, Energia elektrikoa banatzeko jardueraren ordainsarien araubidea ezartzen duena.

31. gaia.-Maiatzaren 25eko 661/2007 Errege Dekretua, Energia elektrikoa araubide berezian ekoizteko jarduera arautzen duena.

32. gaia.-Abuztuaren 2ko 842/2002 Errege Dekretua, Behe tentsioko erregelamendu elektroteknikoa onesten duena.

33 gaia.-Uztailaren 20ko 1027/2007 Errege Dekretua, Eraikinetako instalazio termikoei buruzko erregelamendua onesten duena.

34. gaia.-Industriako eraikin eta establezimenduetako suteen kontrako babeserako instalazioak.

35. gaia.-Kontrol metrologikoak erregistratzea. Kontrol metrologikoak egiaztatzeko laborategiak.

36. gaia.-Eraikuntzaren Kode Teknikoa. Energia aurrezteko oinarrizko agiria (HE4-HE5).

37. gaia.-Abenduaren 12ko 2060/2008 Errege Dekretua, Presiozko multzoen erregelamendua eta bere jarraibide tekniko osagarriak onesten dituena.

38. gaia.-Apirilaren 6ko 379/2001 Errege Dekretua, Produktu kimikoak biltegiratzeko erregelamendua eta bere jarraibide tekniko osagarriak onesten dituena.

39. gaia.-Ekainaren 28ko 919/2006 Errege Dekretua, Gas erregaien banaketari eta erabilerari buruzko erregelamendu teknikoa eta bere jarraibide tekniko osagarriak onesten dituena.

40. gaia.-Urriaren 1eko 1523/1999 Errege Dekretua, Petrolio instalazioen erregelamendua eta bere jarraibide tekniko osagarriak (MI-IP03 eta MI-IP04) aldatzen dituena.

41. gaia.-Industria erregistro integratuaren erregelamendua.

42. gaia.-Ikuspuntu berriko zuzentarauak. Adostasuna ebaluatzeko prozedura. EE marka.

III. zatia.

1. gaia.-Tunelak. Bide-segurtasuna. Araudi orokorra. Europako Parlamentuaren 2004/54/EE Zuzentaraua, Tuneletako segurtasunari buruzkoa. Berariazko araudia. Seinaleak.

2. gaia.-Tunelak. Errepideko tuneletako segurtasun gailuak. Zeharkako sekzioa, husteko galeriak, gordelekuak, bestelako segurtasun ekipoak.

3. gaia.-Tunelak. Tunelak ustiatzeko eskuliburua eta mantentze-plana.

4. gaia.-Tunelak. Tunelak aireztatzeko sistemak. Motak. Aireztapenaren eginkizuna. Sute kasuetarako aireztapen estrategiak. Neurria. Martxan jartzea.

5. gaia.-Tunelak. Argiteria. Ikusteko arazoak. Argiteria sistemak. Sailkapena. Tunel luzeetako argiteria. Tunel motzetako argiteria. Larrialdietako argiteria. Luminantzia mailaren kontrola.

6. gaia.-Tunelak. Suteak atzemateko sistemak. Sistema elektrikoak. Funtzionamenduaren printzipioak. Instalazioa. Mantentze-lanak. Zuntz optikoko sistemak. Funtzionamenduaren printzipioak. Instalazioa. Mantentze-lanak. Tuneletan duten eragina. Sistema motak. Aktibazioa, deskargak eta bestelako faktoreak.

7. gaia.-Tunelak. Suteen ezaugarriak. Suteen garapena. Aireztapenaren eragina.

8. gaia.-Tunelak. Gorabeherak automatikoki atzemateko sistema.

9. gaia.-Tunelak. Telebista-zirkuitu itxiko sistema. Osagaiak eta funtzionamendua. Kamerak.

10. gaia.-Tunelak. Instalazio elektrikoa.

11. gaia.-Tunelak. Megafonia sistema. Diseinuaren irizpideak. Diseinu akustikoa eta elektroakustikoa. Komunikazioak. SOS zutoinak. Instalatzeko irizpideak. Transmisio bideak. Sistemaren funtzionamendua.

12. gaia.-Tunelak. Estaldura radioelektrikoa. Osagaiak. Diseinu eskemak.

13. gaia.-Tunelak. Kudeaketa tekniko zentralizatua. Tunelaren Kontrolerako Zentroa.

14. gaia.-Errepideak. Seinale aldagarriak. Seinale aldagarri motak. Seinale aldagarrien eraginkortasuna. Seinaleen kokapena. Emandako argibideak. Seinale dinamikoak. Mezu aldagarriak dituzten panelen osagaiak. Alderdi funtzionalak.

15. gaia.-Errepideak. Trafikoaren aldagaiak. GT. Detektagailu motak. Bideo bidezko egiaztatze sistemak.

16. gaia.-Errepideak. Semaforoen araudiaren xedea. Semaforo motak. Trafikoan duten eragina. Semaforoak jartzeko irizpideak. Semaforoak dituzten bidegurutzeen araudia. Semaforoaren elementuen deskribapena. Kokapena. Aginduen esanahaia. Kontzeptuak eta kalkuluak. Semaforo bidez kontrolatutako elkarguneak. Semaforoak dituzten bidegurutzeen osagaiak. Trafikoaren araberako funtzionamendua. Bidegurutzeen arteko sinkronizazioa. Elkarguneen gaitasuna. Hiri-zeharbideen erregulazioa eta kontrola.

17. gaia.-Errepideak. Argiteria publikoko instalazioen diseinua. Lurpeko sareak eta aireko sareak. Sekzioen kalkulua. Argiaren maila erregulatzeko sistema motak. Babes, neurketa eta kontrolerako koadroak. Kudeaketa zentralizatuko sistemak.

18. gaia.-Errepideak. Argi-puntuak ezartzea. Elkarguneak. Biribilguneak. Bihurguneak. Trantsizio guneak. Errepideetan, erabilera mistoko bideetan, hiribideetan, bulebarretan eta kaleetan argiak jartzeko printzipioak. Argiteria toki berezietan. Bihurguneak. Maldak. Elkarguneak. Biribilguneak. Lotuneetako argiak: adibideak. Zubiak. Elkargune isolatuak. Gorako galtzadak. Argiak. Osagaiak. Ezaugarri fotometrikoak. Baldintza teknikoak. Argien euskarriak.

19. gaia.-Errepideak. Aldagai meteorologikoak. Detektagailu meteorologikoak. Proba metodoak. Zainketa eta mantentze-lanak.

20. gaia.-Errepideak. GPS sistema. Funtzionamendua. Ibilgailuen kudeaketa sistema. Software elkartua.

21. gaia.-Errepideak. Errepideen Kontrolerako Zentroa. Helburuak, eginkizunak, antolaketa, datuak jasotzea eta tratatzea, erabiltzaileei informazioa ematea, larrialdietako ekipoekin koordinatzea.

22. gaia.-Uztailaren 30eko 16/1987 Legea, Lurreko Garraioaren Antolamenduari buruzkoa (LGAB).

23. gaia.-Uztailaren 30eko 5/1987 Lege Organikoa. Horren bidez, Estatuak errepideko eta kable bidezko garraioen gaineko eskumenak eskuordetu zizkien autonomia erkidegoei.

24. gaia.-Irailaren 28ko 1211/1990 Errege Dekretua, Lurreko garraioaren antolamenduari buruzko Legearen Erregelamendua onesten duena (LGAE). Garraiobide guztientzako xedapenak. Errepideko garraioei eta horien jarduera laguntzaile eta osagarriei aplikatu beharreko xedapen orokorrak.

25. gaia.-Irailaren 28ko 1211/1990 Errege Dekretua, Lurreko garraioaren antolamenduari buruzko Legearen Erregelamendua onesten duena (LGAE). Bidaiarien garraio erregularrak.

26. gaia.-Irailaren 28ko 1211/1990 Errege Dekretua, Lurreko garraioaren antolamenduari buruzko Legearen Erregelamendua onesten duena (LGAE). Garraio diskrezionalak eta garraio berezien motak. Errepideko garraioaren jarduera laguntzaile eta osagarriak.

27. gaia.-Irailaren 28ko 1211/1990 Errege Dekretua, Lurreko garraioaren antolamenduari buruzko Legearen Erregelamendua onesten duena (LGAE). Errepideko garraioaren eta haren jarduera laguntzaile eta osagarriak zehatu eta kontrolatzeko araubidea.

28. gaia.-Garraioetarako lanbide-trebakuntzaren ziurtagiriak. Ziurtagiria eskuratzea honako lanbide hauetan aritzeko: errepideko garraiolaria, garraio-agentzia, garraio-bitartekaria eta biltegizain-banatzailea. Ziurtagiriak luzatzea.

29. gaia.-Errepide, trenbide edo nabigazio bidezko salgai arriskutsuen garraiorako segurtasun kontseilariak. Motak. Lorbidea. Azterketan sartzen diren gaiak.

30. gaia.-Errepide, trenbide edo nabigazio bidezko salgai arriskutsuen garraiorako segurtasun kontseilarien lanbide-trebakuntza. Azterketak. Modalitateak. Deialdiak. Ziurtagiriak. Berritzea.

31. gaia.-Errepideko garraiorako ibilgailu zenbaiteko gidarien hasierako kualifikazioa eta etengabeko prestakuntza.

32. gaia.-Errepideko garraiorako ibilgailu zenbaiteko gidarien hasierako kualifikazioa eta etengabeko prestakuntza ematen duten prestatzaileek bete beharreko baldintzak.

33. gaia.-Eskola-umeen eta adingabeen garraioaren segurtasun baldintzak.

34. gaia.-Baimenak ematea Nafarroako Foru Komunitatearen esparruan eskola-umeen hiriarteko garraio erregularrak egiteko.

35. gaia.-Salgaien errepide-garraioaren baimenak. Nahitaezkotasuna. Salbuespenak. Baldintzak. Aplikatu beharreko araudia.

36. gaia.-Bidaiarien autobus bidezko garraio diskrezional eta pribatu osagarriaren baimenak.

37. gaia.-Errepideko bidaiari-garraio publikoa kontrolatzeko arauak.

38. gaia.-Salgaien garraio agentziak, garraio-bitartekariak eta biltegizain-banatzaileak. Garraiolarien kooperatibak. Merkaturatzeko sozietateak.

39. gaia.-Ibilgailu gidaridunen errentamendua.

40. gaia.-Salgaien lurreko garraioa kontratatzea.

41. gaia.-Desgaitasuna duten pertsonentzako errepideko garraioaren eskuragarritasun baldintza oinarrizkoak eta horietan sartu nahiz horiek erabiltzeko diskriminaziorik eza. Material higigarria.

42. gaia.-Nafarroako taxiari buruzko Foru Legea.

Oharra: Gai guztiak bat etorriko dira deialdi hau Nafarroako Aldizkari Ofizialean argitaratzen den egunean indarra duen legeriarekin.

Iragarkiaren kodea: F1108550