1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.2. Oposizioak eta lehiaketak. Lan publikoaren eskaintza
2305/2009 EBAZPENA, abenduaren 22koa, Osasunbidea-Nafarroako Osasun Zerbitzuko zuzendari kudeatzaileak emana, bete gabe uzten dituena Nafarroako Foru Komunitateko Administrazioaren Osasunbidea-Nafarroako Osasun Zerbitzua erakunde autonomoko merezimendu lehiaketa bidezko deialdiko burutza hauek: Laguntza Espezializatuko Harrerako Administrazio Atalekoa (lanpostu zenbakia: 67519), Oinarrizko Osasun Laguntzako Euskarri Informatikoaren Administrazio Unitatekoa (lanpostu zenbakia: 67717), Bideko Ama Birjina Ospitaleko Larrialdietako Operazio-gelen Erizaintza Unitatekoa (lanspostu zenbakia: 65969), Bideko Ama Birjina Ospitaleko Erditzeen eta Larrialdi Tokoginekologikoen Solairuko Erizaintza Unitatekoa (lanpostu zenbakia: 65978), Oinarrizko Osasun Laguntzako Garesko Osasun Eskualde Oinarrizkoko Erizaintza Unitatekoa (lanpostu zenbakia: 66564) eta Nafarroako Ospitaleko Errehabilitazioko Erizaintza Unitatekoa (lanpostu zenbakia: 62372).
Osasunbidea-Nafarroako Osasun Zerbitzuko zuzendari kudeatzaileak, abenduaren 19ko 3580/2008 Ebazpenaren bidez, Osasunbidea-Nafarroako Osasun Zerbitzuaren mendeko hainbat zentrotan merezimendu lehiaketaren bidez 63 burutza betetzeko deialdia onetsi zuen. Lanpostuok osasun laguntzaz kanpoko atal eta unitateetako burutzak, txandako arduradunak, pabiloiko arduradunak, erizaintza unitateetako burutzak eta laguntza unitateetako burutzak dira. Deialdia 2009ko 12. Nafarroako Aldizkari Ofizialean argitaratu zen, urtarrilaren 28an.
Osasunbidea-Nafarroako Osasun Zerbitzuko Giza Baliabideen Zerbitzuko zuzendariak, maiatzaren 15eko 1306/2009 Ebazpenaren bidez, deialdian onartu eta baztertu diren izangaien behin betiko zerrendak onetsi zituen. Ebazpen hori 2009ko 67. Nafarroako Aldizkari Ofizialean argitaratu zen, ekainaren 1ean.
Laguntza Espezializatuko Harrerako Administrazio Ataleko Burutzan (lanpostu zenbakia: 67519) eta Bideko Ama Birjina Ospitaleko Larrialdietako Operazio-gelen Erizaintza Unitatekoan (lanpostu zenbakia: 65969), memoriak aurkezteko epea iraganik, aipatu burutzetara aurkeztu diren izangaiek ez dute bat bakarra ere erakutsi; hortaz, bidezko da burutza horiek bete gabe uztea.
Oinarrizko Osasun Laguntzako Garesko Osasun Eskualde Oinarrizkoko Erizaintza Unitateko Burutzan (lanpostu zenbakia: 66564), merezimendu lehiaketaren fasea bukatu eta epaimahaiak aktak igorririk, bidezko da deialdiko lanpostua bete gabe uztea, aurkeztu den izangaiak memoria-lanaren fasea gainditu ez duelako.
Oinarrizko Osasun Laguntzako Euskarri Informatikoaren Administrazio Unitateko Burutzan (lanpostu zenbakia: 67717), Bideko Ama Birjina Ospitaleko Erditzeen eta Larrialdi Tokoginekologikoen Solairuko Erizaintza Unitatekoan (lanpostu zenbakia: 65978) eta Nafarroako Ospitaleko Errehabilitazioko Erizaintza Unitatekoan (lanpostu zenbakia: 62372), burutza horietara aurkeztu diren izangaiak baztertu egin dira; hortaz, bidezko da bete gabe uztea.
Osasunbidea-Nafarroako Osasun Zerbitzuaren estatutuak onesten dituen uztailaren 3ko 45/2006 Foru Dekretuak eman dizkidan eginkizunak betez,
EBATZI DUT:
1. Merezimendu lehiaketa bidezko deialdiko burutza hauek bete gabe uztea: Laguntza Espezializatuko Harrerako Administrazio Atalekoa (lanpostu zenbakia: 67519), Oinarrizko Osasun Laguntzako Euskarri Informatikoaren Administrazio Unitatekoa (lanpostu zenbakia: 67717), Bideko Ama Birjina Ospitaleko Larrialdietako Operazio-gelen Erizaintza Unitatekoa (lanspostu zenbakia: 65969), Bideko Ama Birjina Ospitaleko Erditzeen eta Larrialdi Tokoginekologikoen Solairuko Erizaintza Unitatekoa (lanpostu zenbakia: 65978), Oinarrizko Osasun Laguntzako Garesko Osasun Eskualde Oinarrizkoko Erizaintza Unitatekoa (lanpostu zenbakia: 66564) eta Nafarroako Ospitaleko Errehabilitazioko Erizaintza Unitatekoa (lanpostu zenbakia: 62372).
2. Ebazpen hau Nafarroako Aldizkari Ofizialean argitaratzea.
3. Ebazpen hau igortzea Oinarrizko Osasun Laguntzako Langileriaren Burutzara, Bideko Ama Birjina Ospitaleko Langileriaren Zuzendaritzara, Nafarroako Ospitaleko Langileriaren Zuzendaritzara, Anbulatorioetako eta Laguntza Espezializatuko Langileriaren Atalera, Osasunbidea-Nafarroako Osasun Zerbitzuko Deialdiak Tramitatzeko Atalera eta Osasun Departamentuko Idazkaritza Tekniko Nagusira, behar diren ondorioak izan ditzan.
Iruñean, 2009ko abenduaren 22an.-Osasunbidea-Nafarroako Osasun Zerbitzuko zuzendari kudeatzailea, José Carlos Garde Celigueta.
Iragarkiaren kodea: F0929080
