5. ALDIZKARIA - 2010eko urtarrilaren 11

1. NAFARROAKO FORU KOMUNITATEA

1.7. BESTELAKOAK

829/2009 EBAZPENA, abenduaren 7koa, Ikuskapenaren eta Zerbitzuen zuzendari nagusiak emana, Aitzoaingo (Berriobeiti) Artsaia musika modernoaren eskolaren (EMMA) baimena baliogabetzen duena, bere jarduera bertan behera uzteagatik.

Ikusirik Juan Miguel Marticorena Araiz jaunak, "Escuela de Música Moderna Artsaia (EMMA)" izena duen eta helbidea Aitzoainen (Berriobeiti) duen musika eskolaren titularraren izenean, jakinarazi duela eskolak bere jarduera bertan behera utziko duela.

Ikusirik Hezkuntzako Ikuskapen Zerbitzuak eskolaren baimena baliogabetzearen alde emandako txostena.

Kontuan harturik Nafarroako Foru Komunitateko musika eta dantza eskolen sorrerari eta funtzionamenduari buruzko oinarrizko arauak ezartzen dituen abenduaren 21eko 421/1992 Foru Dekretuaren 31. artikuluak xedatutakoa (1993ko 22. Nafarroako Aldizkari Ofiziala, urtarrilaren 22koa).

Horrenbestez, Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1 d) artikuluak ematen dizkidan ahalmenak erabiliz eta Ikastetxeen eta Ikasketetarako Laguntzen Zerbitzuak proposaturik,

EBATZI DUT:

1. "Escuela de Música Moderna Artsaia (EMMA)" izena duen eta helbidea Aitzoainen (Berriobeiti) duen musika eskolaren baimena baliogabetzea, bere jarduera bertan behera uzteagatik. Baliogabetzeak 2009-2010 ikasturtearen hasieratik izanen ditu ondorioak. Hona eskolaren erregistro-datuak:

Ikastetxeen kodea: 31008876.

Izen orokorra: musika eskola.

Berariazko izena: " Escuela de Música Moderna Artsaia (EMMA)".

Helbidea: Iruregaña industrialdea, 44-45.

Herria: Aitzoain.

Udalerria: Berriobeiti.

Titularra: Escuela de Música Moderna Artsaia, S.L.

Baimendutako ikasketak: abenduaren 21eko 421/1992 Foru Dekretuaren 9. artikuluan ezarritakoak, musika-tresnen espezialitate hauetan: baxu elektrikoa, bateria modernoa eta jazza, gitarra elektrikoa, ahots interpretazioa, perkusio afrikarra, jazz pianoa/teklatuak, saxofoia.

2. Eskolaren legezko funtzionamendua ahalbidetu zuen baimena baliorik gabe geratzen da. Horrenbestez, zentroari baja emanen zaio Hezkuntza Departamentuko Musika eta Dantza Eskolen Berariazko Erregistroan.

3. Ebazpen honen aurka gora jotzeko errekurtsoa jartzen ahal da, Hezkuntza Departamentuko kontseilariari zuzendua, jakinarazi eta, biharamunetik, hilabeteko epean.

4. Ebazpen hau Nafarroako Aldizkari Ofizialean argitaratuko da.

5. Ebazpen hau igorriko zaio eskolako titularrari, Hezkuntzako Ikuskapen Zerbitzuari eta Ikastetxeen eta Ikasketetarako Laguntzen Zerbitzuari, Arte Ikasketen Atalari, Araubide Administratiboaren Atalari, Informazioaren eta Komunikazioaren Teknologien Atalari, Ikastetxeen eta haien Finantzaketaren Atalari, Ikastetxeetako Informazioa Kudeatzeko Bulegoari eta Ikastetxeak Baimendu eta Erregistratzeko Bulegoari.

Iruñean, 2009ko abenduaren 7an.-Ikuskapenaren eta Zerbitzuen zuzendari nagusia, Francisco Javier Esparza Sánchez.

Iragarkiaren kodea: F0928153