1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.2. Oposizioak eta lehiaketak. Lan publikoaren eskaintza
249/2009 EBAZPENA, abenduaren 22koa, Nafarroako Administrazio Publikoaren Institutuko zuzendari kudeatzaileak emana, Nafarroako Administrazio Publikoaren Institutuko zuzendari kudeatzaileak azaroaren 19an emandako 202/2009 Ebazpenaren II. eranskinean (gai zerrenda) atzemandako akatsa zuzentzen duena. Ebazpen horren bidez, Nafarroako Foru Komunitateko Administrazioaren eta haren erakunde autonomoen zerbitzuko enpresa zientzietako diplomadun izateko lanpostuak oposizio bidez betetzeko deialdia onetsi zen.
Nafarroako Administrazio Publikoaren Institutuko zuzendari kudeatzailearen azaroaren 19ko 202/2009 Ebazpenaren bidez (2009ko 149. Nafarroako Aldizkari Ofizialean argitaratua, abenduaren 4an), Nafarroako Foru Komunitateko Administrazioaren eta haren erakunde autonomoen zerbitzuko enpresa zientzietako diplomadun izateko 11 lanpostu, hasieran, oposizio bidez betetzeko deialdia onetsi zen. Funtzio Publikoaren zuzendari nagusiaren apirilaren 27ko 1205/2009 Ebazpenaren bidez dei egindako lekualdatze-lehiaketan eta tramitatzen ari den Osasunbidea-Nafarroako Osasun Zerbitzuko zuzendari kudeatzailearen irailaren 7ko 1623/2009 Ebazpenaren bidezkoan hutsik gelditzen diren lanpostuak gehituko zaizkie.
Espedientea aztertuta ikusi da akatsa egin dela deialdiaren II. eranskineko bi gai aipatzean, bikoiztuta agertu baitira Kontratu Publikoei buruzko Foru Legearen edukiak (araudi orokorreko 11. gaia eta sektore publikoko 11.a) eta Europar Batasunarenak (araudi orokorreko 2. gaia eta sektore publikoko 12. gaia), eta bigarren zatiaren araudi orokorrean ez da Toki Administrazioari buruzkoa sartu, proposamen teknikoan jasota izan arren. Hori dela eta, Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 105.2 artikuluan ezarritakoarekin bat, bidezko da zuzentzea.
Horrenbestez, Nafarroako Foru Komunitateko Administrazioaren eta haren erakunde autonomoen organoetako langileen arloko eskumenak zehazten dituen otsailaren 21eko 30/2005 Foru Dekretuaren bidez esleituak ditudan eskudantziak erabiliz, azaroaren 5eko 235/2007 Foru Dekretuaren bidez eman zaion idazketaren arabera,
EBATZI DUT:
1. Nafarroako Administrazio Publikoaren Institutuko zuzendari kudeatzailearen azaroaren 19ko 202/2009 Ebazpenaren II. eranskinean atzemandako akatsa zuzentzea.
Honela dio:
Bigarren zatia
Araudi orokorra.
"11. gaia.-Kontratu Publikoei buruzko Foru Legea: aplikaziorako arau orokorrak eta eremua. Kontratistak. Administrazio publikoen kontratu guztietarako xedapenak. Esleipenaren aurreko jarduketak."
Hirugarren zatia
Sektore publikoa.
"12. gaia.-Europar Batasuna: instituzioak eta ordena juridikoa. Europar Batasunaren itunak. Europar Batasunaren aurrekontua. Diru-sarreren eta gastuen gaineko alderdi orokorrak."
Honela behar du:
Bigarren zatia
Araudi orokorra.
"11. gaia.-Nafarroako Toki Administrazioa: antolamendua, administrazioa eta funtzionamenduaren araubidea. Kudeaketa sistemak eta jarduerak. Nafarroako toki administrazioen zerbitzuko langileak. Toki Administrazioari buruzko Foru Legea."
Hirugarren zatia
Sektore publikoa.
"12. gaia.-Europar Batasunaren aurrekontua. Baliabide berekiak, ikuspegi finantzarioa eta finantzetako araudia. Europar Batasunaren politika nagusiak."
2. Ebazpen hau epaimahaiko kideei igortzea eta Nafarroako Aldizkari Ofizialean argitara dadila agintzea, behar diren ondorioak izan ditzan, eta interesdunei ohartaraztea gora jotzeko errekurtsoa jartzen ahalko dela, Lehendakaritza, Justizia eta Barneko kontseilariari zuzendua, hilabeteko epean, argitaratu eta biharamunetik hasita, Nafarroako Foru Komunitateko Administrazioari buruzko abenduaren 3ko 15/2004 Foru Legearen 57. artikuluan eta Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 114. eta 115. artikuluetan xedatutakoari jarraikiz.
Iruñean, 2009ko abenduaren 22an.-Nafarroako Administrazio Publikoaren Institutuko zuzendari kudeatzailea, Gregorio Eguilaz Gogorza.
Iragarkiaren kodea: F0929027
