Iragarkia

135. ALDIZKARIA - 2010eko azaroaren 5a

2. NAFARROAKO TOKI ADMINISTRAZIOA

2.2. XEDAPEN ETA IRAGARKIAK, HERRIEN ARABERA ANTOLATUAK

NAFARROAKO ERRIBERAREN GARAPENERAKO ESTRATEGIETARAKO PARTZUERGOA (EDER PARTZUERGOA)

Nafarroako Erriberarako laguntzen 2011ko deialdia eta arauak, FEADERen Landa Garapenerako 2007-2013 urteetarako Programako LEADER 4. ardatzaren barnean.
EDER Partzuergoko Toki Ekintzarako Taldea

Deialdiaren eta laguntzen gaineko arauak interesa duten pertsona eta entitateen eskura daude, EDER Partzuergoko Toki Ekintzarako Taldearen bulegoetan (Yehuda Ha Levi plaza, zk.g., 31500 Tutera; telefonoa, 948 847356; faxa, 948 847398 , eta posta elektronikoa, eder@consorcioeder.es).

-Jarduketa eremua: Nafarroan Toki Ekintzarako Taldeak 2007-2013 aldirako hautatu zituen ekainaren 6ko 286/2008 Foru Aginduaren bitartez EDER Partzuergoko Toki Ekintzarako Taldeari esleitu zitzaizkion udalerriak.

-Eskabideak: eskabidearen eredu normalizatua, paperezko euskarrian nahiz euskarri elektronikoan, EDER Partzuergoko Toki Ekintzarako Taldearen bulegoetan eskura daiteke (Yehuda Ha Levi plaza, zk.g., Tutera; posta elektronikoa, eder@consorcioeder.es).

-Eskabideak aurkezteko epea: 2011ko azaroaren 30a arte.

-Laguntza jasotzen ahal duten proiektuak:

1. Lehiakortasunaren gainekoak: artisau erara ekoitzitako nekazaritzako elikagaiak eraldatzeko eta/edo merkaturatzeko zerbitzuak sortzeko sostengua, enpresa berritzaileekiko lankidetza eta haien sorrera, tokiko nekazaritza sektorea gizarte eta kultur aldetik bulkatzeko proiektuak, ekoizpen ekologikoa eta integratua garatzeko sostengua, usadiozko praktika egokiak bulkatzea...

2. Ingurumenaren eta landa inguruaren gainekoak: BIL eremuetako natur ondarea kudeatzeko proiektuak sareratzea, Natura 2000 Sareko eremuetan paisaia zaintzeko proiektu pilotu kolektiboak, tokiko natur ondarea zaindu eta lehengoratzeko lehiaketa, natur baliabideak zaindu, lehengoratu eta hobetzeko proiektuak, ingurumen hezkuntza eta interpretazioko proiektuak, praktika egokiak eta berrikuntza...

3. Landa eskualdeetako bizi kalitatearen eta dibertsifikazioaren gainekoak: mikroenpresen sorrera eta garapena, turismo jardueren sustapena, landa eremuko ekonomia eta biztanleriarendako zerbitzu oinarrizkoak (herri tikietan hainbat eginkizunetarako eta biztanleei zerbitzu egiteko ekipamendu tikiak sortzea eta hornitzea, kultur eta aisia jarduera modu kolektiboan kudeatzeko planak, IKTBen erabilera areagotzeko jarduketak...) landa eremuko biztanleriak berritzea eta garatzea, landa eremuko ondarearen zainketa eta hobekuntza.

-2011ri eta 2012ri dagokion finantza hornidura.

Kontzesioa norgehiagoka emanen da.

Emandako laguntzen finantzaketa honela eginen da: %55, FEADERren ekarpena, eta %45, Nafarroako Gobernuaren ekarpena.

Argitara ematen da, behar diren ondorioak izan ditzan.

Tuteran, 2010eko urriaren 7an.-Batzorde Betearazleko burua, Rafael Remírez de Ganuza.

Iragarkiaren kodea: L1016871