4. PROZEDURA JUDIZIALAK
TUTERAKO LEHEN AUZIALDIKO ETA INSTRUKZIOKO
1. EPAITEGIA
Ediktua. 697/2010 jabari-espedientea
Nuria Creus Portas andreak, Tuterako Lehen Auzialdiko eta Instrukzioko 1. Epaitegiko idazkari judizialak,
Aditzera ematen dut: epaitegi honetan 697/2010 jabari-espedientearen prozedura bideratzen ari da, Enrique eta Jesús Rodríguez Gómez jaunek eskaturik, finka honen segidako traktua berriro hasteko:
Hiri finka.-Ribaforadako (Nafarroa) Franco jeneralaren kaleko 22an (gaur egun Kale Nagusiko zenbaki berean) dagoen orubea. Katastroko eta egiazko azalera laurehun eta hogeita bat metro eta hirurogeita hamazazpi dezimetro karratukoa da (421,77 m²). Horrela frogatu da Nafarroako Gobernuko Ekonomia eta Ogasun Departamentuko idazkari tekniko Pedro Ugalde Zaratiegui jaunak 2009ko otsailaren 10ean emandako ziurtagiri deskribatzaile eta grafikoaren bidez. Berariaz eskatu da edukieraren soberakina inmatrikulatzeko, tituluan hirurehun eta hamasei metro karratu (316 m²) ageri baitira. Mugakideak: sartu eta eskuinean, Juana Ducar, gaur egun 956., 966. eta 964. lurzatiak; ezkerrean, Andrés Zardoya, gaur egun 958. eta 963. lurzatiak; hondoan ere Andrés Zardoya, gaur egun 963. lurzatia; eta aurrean bere helbideko kalea.
Erregistroko titularrak: Enrique eta Jesús M. Rodríguez Gómez jaunak.
Katastroko titularrak: berak.
Honen bidez, gaurko probidentzian erabakitakoa betez, dei egiten zaie katastroko eta erregistroko titularrei, finkaren gaineko eskubide errealen titularrak diren Laureana Gómez Calavia andrearen eta Simón Zardoya Murillo jaunaren legezko jaraunsleei, egitezko edukitzaileari, baita ondasunen jatorrizko jabeei, haien kausadunei eta eskatutako inskripzioak kalte egin diezaiekeen pertsona ezezagunei, ediktu hau argitaratu eta ondoko hamar eguneko epean espedientera agertu ahal izan daitezen beren eskubidearen alde egokitzat jotzen dutena alegatzeko.
Tuteran, 2010eko urriaren 18an.-Idazkari judiziala, Nuria Creus Portas.
Iragarkiaren kodea: J1017321
