Iragarkia

149. ALDIZKARIA - 2009ko abenduaren 4a

1. NAFARROAKO FORU KOMUNITATEA

1.2. AGINTARIAK ETA LANGILEAK

1.2.2. Oposizioak eta lehiaketak. Lan publikoaren eskaintza

DEIALDIA, Nafarroako Administrazio Publikoaren Institutuko zuzendari kudeatzailearen azaroaren 19ko 202/2009 Ebazpenaren bidez onetsia, Nafarroako Foru Komunitateko Administrazioaren eta haren erakunde autonomoen zerbitzuko Enpresa Zientzietako diplomadun izateko, hasiera batean, hamaika lanpostu oposizio bidez betetzeko. Lanpostu horiei gehituko zaizkie Funtzio Publikoaren zuzendari nagusiak apirilaren 27an emandako 1205/2009 Ebazpenaren bidez eta Osasunbidea-Nafarroako Osasun Zerbitzuko zuzendari kudeatzaileak irailaren 7an emandako 1623/2009 Ebazpenaren bidez deitutako lekualdatze lehiaketaren bidez betetzen ez direnak, tramitatzen ari baitira.

Nafarroako Administrazio Publikoaren Institutuko zuzendari kudeatzaileak, azaroaren 19ko 202/2009 Ebazpenaren bidez, Nafarroako Foru Komunitateko Administrazioaren eta haren erakunde autonomien zerbitzuko Enpresa Zientzietako diplomadun izateko, hasiera batean, hamaika lanpostu oposizio bidez betetzeko deialdia onetsi zuen. Lanpostu horiei gehituko zaizkie tramitatzen ari diren lekualdatze lehiaketetan betetzen ez direnak.

Hautaketa-prozesua honako hauetan xedatutakoari jarraikiz eginen da: Nafarroako Administrazio Publikoen Zerbitzuko Langileen Estatutuaren Testu Bategina, abuztuaren 30eko 251/1993 Legegintzako Foru Dekretuaren bidez onetsi zena, aipatu estatutua garatu eta gauzatzeko Sarrera Erregelamendua, gainerako aplikazio arauak eta deialdi honen oinarriak.

1.-Deialdiaren xedea.

1.1. Deialdi honen xedea Nafarroako Foru Komunitateko Administrazioaren eta haren erakunde autonomoen zerbitzuko Enpresa Zientzietako diplomadun izateko, hasiera batean, 11 lanpostu oposizio bidez betetzea, funtzionarioen araubidean eta B maila edo taldekoak. Ondoren ematen dira haien plantillako zenbakiak eta atxikipenak:

-2 Lehendakaritza, Justizia eta Barne Departamentuko Funtzio Publikoaren Zuzendaritza Nagusian. Plantillako zenbakiak: 827 eta 7442, Iruñean aritzeko.

-2 Toki Administrazioko Departamentuko Toki Administrazioko Zuzendaritza Nagusian. Plantillako zenbakiak: 6366 eta 6369, Iruñean aritzeko.

-2 Familia, Gazteria, Kirol eta Gizarte Gaietako Departamentuko Gizarte Gaien eta Garapenerako Lankidetzaren Zuzendaritza Nagusian. Plantillako zenbakiak: 7737 eta 7976, Iruñean aritzeko.

-1 Ekonomia eta Ogasun Departamentuko Aurrekontuen eta Kontu-hartzearen Zuzendaritza Nagusian. Plantillako zenbakia: 7727, Iruñean aritzeko.

-3 Landa Garapeneko eta Ingurumeneko Departamentuan: 2 Nekazaritza eta Abeltzaintza Zuzendaritza Nagusian, platillako zenbakiak: 7753 eta 7736; eta 1 Landa Garapeneko Zuzendaritza Nagusian, plantillako zenbakia: 8180, Iruñean aritzeko.

-1 Ekonomia eta Ogasun Departamentuko Enpresa Zuzendaritza Nagusian. Plantillako zenbakia: 2600, Iruñean aritzeko.

Lanpostu horiei gehituko zaizkie Funtzio Publikoaren zuzendari nagusiak apirilaren 27ko 1205/2009 Ebazpenaren bidez eta Osasunbidea-Nafarroako Osasun Zerbitzuko zuzendari kudeatzaileak irailaren 7ko 1623/2009 Ebazpenaren bidez deitutako lekualdatze lehiaketetan bete gabe geratzen direnak, 8 lanpostu huts eta lanpostu huts bat, hurrenez hurren. Lehiaketa horiek tramitatzen ari dira.

Guztira dei egindako lanpostuen zerrenda, araubide juridikoa, plantilla organikoko identifikazio zenbakia, atxikipen eremua eta norako den zehaztuta, eranskin gisa argitaratuko da, hautaketa prozeduran onartutakoen eta baztertutakoen behin betiko zerrenda onesten duen ebazpenari gehituta, txanda irekikoen eta igoerakoen artean banatuta, abuztuaren 30eko Nafarroako Administrazio Publikoen Zerbitzuko Langileen Estatutuaren Testu Bateginaren 15.3. artikuluan ezarritako formulari jarraituz. Ondoren aipatzen da:

-Lehenbiziko lanpostua txanda irekikoa izanen da.

-Bigarren lanpostua igoera txandakoa.

-Hirugarrenetik aurrera, bakoitiak igoera txandakoak eta bikoitiak txanda irekikoak.

Deitutako lanpostuetatik bi gordeko dira erreserba txandarako, %33ko ezgaitasuna edo handiagoa duten pertsonek bete ditzaten.

1.2. Igoera txandako lanpostuak hutsik geldituz gero, izangaiek hautaprobak gainditzeko behar den gutxieneko puntuazioa atera ez dutelako, txanda irekikoei gehituko zaizkie.

Era berean, ezgaitasuna dutenentzako txandako lanpostuak bete gabe geldituz gero, izangaiek hautaprobak gainditzeko behar den gutxieneko puntuazioa atera ez dutelako, bidezko diren txandetakoei gehituko zaizkie, Nafarroako Administrazio Publikoen Zerbitzuko Langileen Estatutuaren 15.3 artikuluan ezarritako hurrenkeraren arabera.

Bestalde, igoera txandan edota ezgaitasunak dituztenentzako txandan eskaintzen diren lanpostuak baino izangai gehiagok gainditzen badute, txanda horietan lanpostua eskuratzen ez dutenek aukera izanen dute txanda irekiko lanpostu hutsak eskuratzeko, txanda horretako izangaiekin lehia garbian eta eskuratutako azken puntuazioaren arabera.

Era berean, deialdiaren 7.2 oinarrian agiriak aurkezteko ezarritako epea bukatzen denean, deialdiaren 2.1.2 oinarriko betebehar berariazkoak betetzen ez dituzten igoera txandako izangaiek txanda irekiko lanpostuak eskuratzeko aukera izanen dute, aurreko lerroaldean adierazitako modu berean.

1.3. Lanpostuen ordainsariak hauek izanen dira: uztailaren 4ko 158/1984 Foru Dekretuaren bidez onetsitako Ordainsarien Behin-behineko Erregelamenduan B mailarentzat oro har ezarritakoak eta aplika daitezkeen gainerako xedapenetan kasu bakoitzerako ezartzen direnak.

1.4. Halaber, deialdi honen bidez, hautaketa-prozesuan parte hartu eta lanposturik lortzen ez duten izangaiekin aldi baterako kontratatuak izateko izangaien zerrendak osatu nahi dira:

-Probak gainditu arren, lanposturik lortu ez duten izangaien zerrenda, departamentu eta erakunde autonomo guztietarako.

-Administrazio Erroan aldi baterako kontratatzeko izangaien zerrendak.

-Osasunbidea-Nafarroako Osasun Zerbitzuan aldi baterako kontratatzeko izangaien zerrenda.

Izangaien zerrenda horiek deialdi honen 10. oinarrian xedatutakoaren arabera onetsi eta kudeatuko dira.

2.-Izangaiek bete beharreko baldintzak.

2.1. Oposizio honetan onartuak izateko, izangaiek, eskaerak aurkezteko epea bukatzen den egunean eta agiriak aurkezteko epea bukatzen denetik (deialdiaren 7.2 atalean adierazia) lanpostuaren jabetza hartu arte, betebehar hauek izanen dituzte:

2.1.1. Izangai guztiek bete beharreko baldintzak:

a) Espainiarra izatea, edo Europar Batasuneko beste estatu batekoa, edo Europar Batasunak sinatu eta Espainiak berretsitako nazioarteko itunak direla medio, langileen zirkulazio librea aplikatzen den eremuko estatu batekoa.

Orobat, espainiarren eta Europar Batasuneko beste estatuetako edo aipatu nazioarteko itunek ukitutako estatuetako herritarren ezkontideek parte hartzen ahal dute, zuzenbidez bereizita ez badaude; halaber, haien ondorengoek eta ezkontidearen ondorengoek, zuzenbidez bereizita ez badaude, 21 urtetik beherakoak badira, edo, gorakoak izanda, haien kontura bizi badira.

b) Hamasei urte beteta izatea eta erretiroa nahitaez hartzeko gehieneko adina gainditua ez izatea.

c) Enpresa Zientzietako diplomadun tituluaren, merkataritzako irakasle tituluaren edo horien baliokidea den beste titulu baten jabe izatea edo eskaerak aurkezteko epea amaitzen den egunean titulu hori eskuratzeko moduan egotea, edo Ekonomiako, Ekonomia eta Enpresa Zientzietako edo Enpresen Administrazio eta Zuzendaritzako lizentziaturaren lehenengo hiru ikasmailak osorik gaindituak izatea aipatutako epearen barnean.

Atzerrian lortutako tituluak badira, homologazioaren frogagiria eduki beharko da.

d) B motako ibilgailuak gidatzeko baimena izatea, betebehar hori duen lanpostua eskuratu gogo denean.

e) Bete behar dituen eginkizunetan aritzeko adinako gaitasun fisikoa eta psikikoa izatea.

f) Eginkizun publikoetan aritzeko ezgaitu edo gabetua ez egotea eta administrazio publikoren baten zerbitzutik bereizia ez izatea.

Espainiako nazionalitatea ez duten izangaiek frogatu beharko dute beren estatuko funtzio publikoan sartzea eragozten dien diziplina zehapenik edo zigor penalik ez dutela.

2.1.2. Igoera txandako izangaiek bete beharreko baldintzak.

Igoera txandako izangaiek, aurreko atalean adierazitako betebeharrez gain, hauek ere bete beharko dituzte:

a) Nafarroako edozein administrazio publikotako langile finkoa izatea, edo Nafarroako Foru Komunitateko Administrazioari transferitutako Justizia Administrazioaren zerbitzuei atxikitako langile finkoa, eta abiapuntuko lanpostuan borondatezko edo nahitaezko eszedentzian ez egotea.

b) Deialdiko lanpostu hutsen maila berekoa edo apalagokoa izatea.

c) Administrazio publikoetan bost urteko antzinatasun aitortua izatea, Nafarroako polizia kidegoetako kideen kasuan izan ezik, horiek frogatu beharko baitute zortzi urtez eman dituztela zerbitzuak kidego horietan.

Nafarroako Administrazio Publikoen Zerbitzuko Langileen Estatutuaren zortzigarren xedapen gehigarrian ezarri dena aplikatuz, igoera txandan esku hartzeko betebeharrak betetzen dituzten Nafarroako Parlamentuko funtzionarioek ere txanda horretan parte hartzen ahalko dute.

2.1.3. Ezgaitasunak dituzten pertsonen erreserbako txandako izangaiek bete beharreko baldintzak.

Ezgaitasunak dituzten pertsonen erreserbako txandako izangaiek, 2.1.1 atalean aipatzen diren betebeharrez gain, %33ko edo hortik goitiko ezgaitasun bat izan beharko dute, ofizialki aitortua, eta hori 3.2.c) oinarrian ezarrita dagoen bezala frogatuko da.

2.2. Izendatua izateko proposatzen den hautagaiak betebehar horiek frogatu beharko ditu, deiadiaren 7.2 atalean ezarritako epean eta moduan. Salbuespen izanen dira agiri horiek eskabidearekin batera aurkeztu behar dituzten izangaiak, 3. oinarriarekin bat.

3.-Eskabideak.

3.1. Deialdian parte hartzeko eskabideak Nafarroako Gobernuko Erregistro Orokorrean (Karlos III.aren etorbidea 2, 31002 Iruña) edo Nafarroako Gobernuaren gainerako erregistro bulegoetako edozeinetan (zerrenda 2008ko 14. Nafarroako Aldizkari Ofizialean argitaratu zen, urtarrilaren 30ean) aurkeztuko dira, edo, bestela, Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 38.4 artikuluan adierazi diren bideetakoren bat erabiliz, deialdia Nafarroako Aldizkari Ofizialean argitaratu eta biharamunetik hogeita hamar egun naturaleko epean.

Eskaera posta bulego batean aurkeztuz gero, gutun-azal irekian eginen da, postako langileek, ziurtatu aurretik, data eta zigilua jar ditzaten.

Eskabideak deialdiaren eranskinean argitaratutako ereduaren araberakoak izanen dira eta, horietan, izangaiek adierazi beharko dute eskatutako baldintza guztiak betetzen dituztela. Eredu hori Nafarroako Gobernuaren edozein erregistro bulegotan dago eskuragarri. Interneten bidez ere lortzen ahal da, www.navarra.es helbidean, bai argitaratzen deneko aldizkari ofizialetik abiatuta, bai Zerbitzuen Katalogoko Enplegu Publikoan dagoen deialdiaren aiputik abiatuta.

3.2. Eskabideari, behar bezala bete ondoren, agiri hauek erantsiko zaizkio:

A) Izangai guztiek aurkeztu beharreko agiriak:

Bat.-Nortasun agiri nazionalaren fotokopia, edo izangaiaren nortasuna egiaztatzen dituen beste agiri baliokideren batena.

Bi.-Espedientea formalizatzeko eta azterketa eskubideetarako 40 euro ordaindu izanaren jatorrizko ziurtagiria. Azterketa eskubideen tasa ordaintzen ez bada, izangaia baztertu eginen da.

Sistema hauetako bat erabiliz ordaintzen ahalko da tasa hori:

-Behar den bezala betetako ordainketa gutunaren bidez, Nafarroako Foru Komunitateko banku entitateetan ordaintzeko. Interneten, deialdiaren iragarkian, arestian aipatutako helbidean ordainketa gutunaren eredua dago.

-Banestoko (Banco Español de Crédito) 0030 8124 87 0870002271 kontuan eskudirutan edo bankuko transferentzia bidez ordainduz; horrelakoetan, ordainagirian datu hauek jarri beharko dira nahitaez:

-Izangaiaren izen-deiturak.

-NANa/IFZ.

-Ordainketa zein kontutan egiten den, haren zenbakia.

-Kontzeptua: oposizioak.

-Deialdiaren xede den lanpostua.

Honako hauek ez dute tasarik ordaindu beharko:

a) %33ko edo hortik goitiko ezgaitasun aitortua dutenak.

b) Deialdia argitaratu aurretik hilabete batez edo luzaroago lan eskatzaile gisa inskribaturik egon diren pertsonek. Salbuespen hori aplikatzeko baldintza izanen da inskribaturik egon diren bitartean eskainitako inolako lan egokiri uko egin ez izana eta lanbide sustapen, prestakuntza edo aldaketarako ekintzetan parte hartzeari uko egin ez izana, justifikatutako kasuetan izan ezik, eta, horrez gainera, lanbide arteko gutxieneko soldatatik gorakoa den diru sarrerarik ez izatea hilabetero.

Lan eskatzailea dela frogatzeko, enplegu bulegoak emandako agiria aurkeztu beharko du. Bertan, lan eskatzaile gisa inskribatu zeneko data agertuko da eta, orobat, adieraziko da inskribaturik egon den bitartean ez diola uko egin handik eskainitako inolako lan egokiri, ez eta lanbide sustapen, prestakuntza edo moldaketarako ekintzetan parte hartzeari ere, justifikatutako kasuetan izan ezik.

Interesdunaren adierazpenaren bidez frogatuko da ez duela hilabetero lanbide arteko gutxieneko soldatatik gorako diru-sarrerarik. Adierazpen eredua Nafarroako Gobernuko Informazio Bulegoan eskuratzen ahalko da, edo bestela Interneten bidez, arestian emandako helbidean.

B) Igoera txandako izangaiek aurkeztu beharreko berariazko dokumentazioa, izangai horiek Nafarroako Foru Komunitateko Administrazioa ez den Nafarroako beste administrazio publiko bateko langile finkoak badira edo Nafarroako Foru Komunitatera transferitutako Justizia Administrazioko zerbitzuei atxikitako langile finkoak badira:

A atalean adierazitakoaz gain, aurkeztu beharko dituzte:

-Deialdi honen 2.1.2. ataleko a), b) eta c) letretan aipatzen diren betebeharrak betetzen dituztela frogatzen duten agiriak.

C) Ezgaitasunak dituzten izangaiak.

Ezgaitasunak dituzten pertsonentzako erreserba txandan onartuak izateko, bai eta 3.2 oinarriaren (tasekiko salbuespena) A) atalaren eta 8. oinarriaren (lanpostuak aukeratzeko lehentasuna) ondorioetarako eta denborak eta baliabideak egokitzeko eskaria egiteko ere, %33ko edo hortik gorako ezgaitasuna duten izangaiek hori frogatu beharko dute, agiri hauetariko baten jatorrizkoaren edo kopia konpultsatuaren bidez:

-IMSERSOk edo autonomia erkidegoan eskumena duen organoak luzatutako ziurtagiria.

-Gizarte Segurantzako Institutu Nazionalaren ebazpena, ezintasun iraunkor osoa, ezintasun iraunkor absolutua edo baliaezintasun handia izateagatik prestazio bat jasotzeko eskubidea onartzen diona.

Ezgaitasuna duten izangaiek ariketak egin ahal izateko egokitzapenak eskatzen badituzte denboran edo baliabideetan, hala adierazi beharko dute eskabidean, eta aparteko orri batean adierazi beharko dute nolako ezgaitasuna duten eta zein egokitzapen eskatzen dituzten. Interesdunen eskura egokitzapenak eskatzeko eredu bat dago www.navarra.es web orrian, deialdiaren laburpenean, "Zerbitzuak", "Enplegu Publikoa" atalean.

3.3. Eskabideak aurkezteko epea ezin izanen da luzatu.

3.4. Eskaeran atzematen diren akats materialak edo egitezkoak ofizioz edo interesdunak eskaturik zuzentzen ahalko dira, noiznahi ere.

4.-Izangaien onarpena eta erreklamazioak.

4.1. Eskaerak aurkezteko epea bukatuta, Sarrerarako Hautapenaren Zerbitzuko zuzendariak, Nafarroako Administrazio Publikoaren Institutuko zuzendari kudeatzaileak eskuordetuta (103/2008 Ebazpena, ekainaren 26koa), ebazpena emanen du izangai onartuen eta baztertuen behin-behineko zerrenda onesteko, eta Nafarroako Aldizkari Ofizialean argitara dadila aginduko.

4.2. Izangai baztertuek hamar egun balioduneko epea izanen dute, behin-behineko zerrenda Nafarroako Aldizkari Ofizialean argitaratu eta biharamunetik, erreklamazioak aurkezteko eta, akatsik egin badute, zuzentzeko.

4.3. Erreklamazioak aurkezteko epea bukaturik eta haien gainean ebatzi ondoren, Sarrerarako Hautapenaren Zerbitzuko zuzendari kudeatzaileak, Nafarroako Administrazio Publikoaren Institutuko zuzendari kudeatzaileak eskuordetuta (103/2008 Ebazpena, ekainaren 26koa) ebazpena emanen du, izangai onartuen eta baztertuen behin betiko zerrenda onesteko, eta Nafarroako Aldizkari Ofizialean argitara dadila aginduko.

4.4. Izangaiei egotzitako arrazoiengatik baztertzen diren izangaiei ez zaizkie azterketa egiteko eskubideak itzuliko.

5.-Epaimahaia.

5.1. Epaimahaia kide hauek osatuko dute:

-Mahaiburua: Alfonso Izco Arana jauna, Ekonomia eta Ogasun Departamentuko Finantza Politikaren Ataleko Administrazio Publikoko teknikaria (arlo ekonomikoa).

-Ordezkoa: María Puy Aldaz Pérez andrea, Ekonomia eta Ogasun Departamentuko Diruzaintza Ataleko burua.

-Mahaikidea: María Carmen Roda Movilla andrea, Landa Garapeneko eta Ingurumeneko Departamentuko Kudeaketa Ekonomikoaren Ataleko burua.

-Ordezkoa: Jesús Muñoz Apesteguía jauna, Ekonomia eta Ogasun Departamentuko Kontu-hartze Ataleko Administrazioko teknikaria (arlo ekonomikoa).

-Mahaikidea: Helio Robleda Cabezas jauna, Nafarroako Unibertsitate Publikoko Ekonomia Finantzarioko eta Kontabilitateko katedraduna.

-Ordezkoa: José Ignacio del Villar Cruz jauna, Ekonomia eta Ogasun Departamentuko Nafarroako Zerga Ogasuneko Ez-egoiliarren Errentaren eta Sozietateen gaineko Zergen Ataleko Ogasuneko teknikaria.

-Mahaikidea: langileen ordezkari bat, Administrazio Erroko Langileen Batzordeak proposaturik izendatua.

-Ordezkoa: langileen ordezkari bat, Administrazio Erroko Langileen Batzordeak proposaturik izendatua.

-Mahaikide idazkaria: Luis Ceras Arrese jauna, Ekonomia eta Ogasun Departamentuko Kontu-hartze Ataleko Administrazio Publikoko teknikaria (arlo ekonomikoa).

-Ordezkoa: Óscar Góngora Yerro jauna, Ekonomia eta Ogasun Departamentuko Kudeaketa eta Kontrol Sistemaren Ataleko burua.

Epaimahaia hautaprobak hasi baino lehen eratuko da.

5.2. Epaimahaia ezin izanen da eratu, ezta aritu ere, kideen gehiengo osoa bertan izan gabe.

Kide anitzeko organoaren eraketak eta jardunak balio izateko, mahaiburuak eta mahaikide idazkariak edo haien ordezkoek egon beharko dute bertan.

5.3. Epaimahaiko kideek ez dute parte hartuko, eta organo dei egileari hori jakinaraziko diote, baldin eta Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legean parte ez hartzeko aipatzen diren egoeretakoren batean badaude.

Izangaiek, halaber, zilegi dute mahaikideak errefusatzea, egoera horietako bat gertatzen denean.

5.4. Epaimahaiak gehiengoz erabakiko ditu deialdiaren oinarriak ulertu eta aplikatzeko moduaren gainean sortzen diren arazo guztiak.

5.5. Epaimahaiak aholkulari adituen laguntza izan dezake, proba batzuetan nahiz guztietan. Aholkulari horiek beren espezialitate teknikoetan baizik ez dira ariko eta haietan bakarrik emanen diote laguntza epaimahaiari.

6.-Oposizioa nola eginen den.

6.1. Oposizioa 2010eko martxoan hasiko da. Onartuen eta baztertuen behin betiko zerrenda onesten duen ebazpenean berean finkatuko dira probak hasteko tokia, eguna eta ordua.

Ondoren, epaimahaiak gainerako probak egiteko iragarkiak jakinaraziko ditu, arauz egin behar den moduan.

6.2. Oposizioak ariketa hauek izanen ditu:

Lehenbiziko ariketa: praktikoa; idatziz, gai zerrendako lehen zatiko gaien gainean epaimahaiak proposatuko dituen galdera eta kasuak jorratu eta erantzun beharko dira. Epaimahaiak ariketa hori egiteko zenbat denbora dagoen adieraziko du haren hasieran.

Bigarren ariketa: teorikoa; idatziz, gehienez ere hiru orduz, epaimahaiak gai zerrendako bigarren eta hirugarren zatietako gaiei buruz proposatzen dituen galdera laburrak (15 eta 25 bitarte) erantzun beharko dira. Izangaiei emanen zaizkien galderak erantzun beharko dituztenak baino %25 gehiago izanen dira, horien artean aukera dezaten.

Hirugarren ariketa: teorikoa; idatziz, gehienez ere bost orduz, gai zerrendako bigarren eta hirugarren zatietako hiru gai garatu beharko dituzte: horietariko bat bigarren zatikoa izanen da, beste bat hirugarren zatikoa (Sektore publikoa) eta beste bat hirugarren zatikoa (Ekonomia eta Enpresa). Horretarako, epaimahaiak zozketaz aterako ditu bi gai bigarren zatitik eta beste bina hirugarren zatia osatzen duten bi blokeetatik. Izangaiak bigarren zatitik hautatutako gaietatik bat aukeratu eta garatu beharko du eta hirugarren zatia osatzen duten bloke bakoitzetik ateratako gaietatik ere bana hautatu eta garatuko du.

Laugarren ariketa: ingeleseko probak. Aurreko hiru ariketak gainditzen dituzten izangaiek egin ahal izanen dituzte. Beren borondatez eginen dituzte eta ez dira baztergarriak izanen.

Idatzizko eta ahozko proba izan ditu, izangaien jakite maila zehazteko.

Proba horiek Nafarroako Administrazio Publikoaren Institutuak prestatuko ditu eta haren emaitza loteslea izanen da epaimahaiarentzat.

6.3. Oposizioko ariketen balorazioan 100 puntu eman daitezke gehienez, honela banatuak:

Lehenbiziko ariketa: gehienez ere 40 puntu.

Bigarren ariketa: gehienez ere 26 puntu.

Hirugarren ariketa: gehienez ere 24 puntu. Gai bakoitzean gehienez 8 puntu emanen dira.

Laugarren ariketa: gehienez ere 10 puntu.

6.4. Oposizioko lehendabiziko, bigarren eta hirugarren ariketak baztergarriak izanen dira. Baztertuak izanen dira ariketa bakoitzean kalifikaziorik onena lortu duen izangaiaren puntuazioaren erdia gutxienez lortzen ez duten izangaiak, betiere hori ariketaren gehieneko puntuazioaren 1/3 edo handiagoa bada.

6.5. Lehendabiziko, bigarren eta hirugarren ariketak plika sistemaren bidez eginen dira.

6.6. Ariketa bakoitza amaitutakoan, epaimahaiak jendaurrean jarriko du, ariketa egin den lekuan eta Nafarroako Gobernuaren iragarki oholean, probak gainditu dituzten izangaien zerrenda, bakoitzaren kalifikazioekin. Horrez gainera, oposizioko hurrengo proba non, zein egunetan eta zer ordutan eginen den adierazten duen oharra argitaratuko du, gutxienez hura hasi baino 48 ordu lehenago. Zerrenda Interneten bidez ere kontsultatzen ahalko da, www.navarra.es helbidean, Zerbitzuen Katalogoan, Enplegu Publikoaren atalean, deialdiari buruz dagoen aiputik abiatuta.

6.7. Ariketa bakoitzerako deialdi bakarra eginen da. Izangaiek aldean izan beharko dute nortasun agiri nazionala, pasaportea, gidabaimena edo epaimahaiaren iritziz identifikaziorako balio duen beste agiriren bat. Azterketara agertzen ez direnak edo arestian aipatutako agirietako baten bidez beren nortasuna frogatzen ez dutenak oposiziotik baztertuko dira.

6.8. Hautaprobak egiteko, ezgaitasun aitorturen bat dutenentzat beharrezkoak diren denbora eta baliabide egokitzapenak eginen dira, eskabidean azaldutakoaren arabera.

7.-Probak gainditu dituztenen zerrenda, izendapen proposamena eta agirien aurkezpena.

7.1. Hautaprobak bukaturik, epaimahaiak jendaurrean jarriko du, probak egin diren tokian eta Nafarroako Gobernuaren iragarki oholean, probak gainditu dituztenen zerrenda, oposizioan lortutako kalifikazioekin. Gero, zerrenda hori Nafarroako Administrazio Publikoaren Institutuko zuzendari kudeatzaileari igorriko dio, puntuaziorik altuenak izateagatik deialdiko lanpostuetan sartzen ahal diren izangaiak izendatzeko proposamenarekin eta espediente osoarekin batera. Proposamen hori Nafarroako Aldizkari Ofizialean argitaratuko da. Zerrenda Interneten bidez ere kontsultatzen ahalko da, www.navarra.es helbidean, Zerbitzuen Katalogoan, Enplegu Publikoaren atalean, deialdiari buruz dagoen aiputik abiatuta.

Berdinketarik gertatuz gero, lehendabiziko ariketan puntu gehien lortu dutenen alde ebatziko da. Eta hala ere berdinduta segitzen badute, bigarren ariketan lortutako puntuazioa hartuko da kontuan.

7.2. Izendapen proposamena Nafarroako Aldizkari Ofizialean argitaratu ondoko 30 egun naturaleko epean, proposatutako izangaiak inprimaki berariazko batzuk jaso eta honako agiri hauek aurkeztu beharko ditu Nafarroako Administrazio Publikoaren Institutuko Sarrerarako Hautapenaren Zerbitzuan:

7.2.1. Nafarroako Foru Komunitateko Administrazioaren eta haren erakunde autonomoen zerbitzuko langile finko ez diren izangaiek:

a) Nortasun agiri nazionalaren bi fotokopia konpultsatu, edo izangaiaren nazionalitatea eta nortasuna frogatzen dituen beste agiri baliokideren batenak.

b) Deialdiaren 2.1.1.c) oinarrian eskatzen den tituluaren fotokopia konpultsatua, edo titulua lortzeko eskubideak pagatu direla frogatzen duen gordekinarena edo eskaerak aurkezteko epean titulua eskuratzeko moduan dagoela frogatzen duen ziurtagiriarena; edo aipatu oinarrian adierazitako lizentzien lehen hiru ikasmailak egin eta gainditu direla frogatzen duen ziurtagiriarena.

c) B motako ibilgailuak gidatzeko baimenaren fotokopia konpultsatua, betebehar hori duten lanpostuak eskuratu gogo direnean.

d) Laneko Arriskuei Aurrea Hartzeko Atalak emandako txostena, interesdunak karguan aritzea eragozten dion eritasun edo akats fisiko edo psikikorik ez duela frogatzeko.

Ezgaitasunen bat alegatu duten izangaiek, gainera, ezgaitasuna deialdiko lanpostuarekin bateragarria dela dioen frogagiria aurkeztu beharko dute, balorazio eta orientazio talde eskudunek emana.

e) Eginkizun publikoetarako ezgaitua edo gabetua ez izatearen eta inongo administrazio publikoren zerbitzutik bereizia ez izanaren zinpeko aitorpena.

Izangaiek Espainiako nazionalitatea ez badute, zinpeko aitorpen bat aurkeztu beharko dute, adierazteko ez dutela beren estatuko funtzio publikoan sartzea eragozten dien diziplina zehapenik edo zigor penalik.

f) Zin egin edo hitz ematea Nafarroako Foru Araubidea errespetatuko duela, Konstituzioari eta legeei men eginen diela eta karguari dagozkion eginkizunak zuzen beteko dituela.

Deialdi hau egin ez duen Nafarroako beste administrazio publikoren bateko langile finko edo Nafarroako Foru Komunitateari eskualdatutako Justizia Administrazioko zerbitzuei atxikitako langile finko diren izangaiek, gainera, aurreko administrazioko espediente pertsonalean ageri diren inguruabar eta aurrekari guztiak frogatzen dituen ziurtagiria aurkeztu beharko dute, hots, sarrerari, antzinatasunari, mailari, egoera administratiboari eta abarri buruzkoa.

7.2.2. Nafarroako Foru Komunitateko Administrazioaren edo haren erakunde autonomoen zerbitzuko langile finkoak diren izangaiek:

a) Deialdiaren 2.1.1.c) oinarrian eskatzen den tituluaren fotokopia konpultsatua, edo titulua lortzeko eskubideak pagatu direla frogatzen duen gordekinarena edo eskaerak aurkezteko epean titulua eskuratzeko moduan dagoela frogatzen duen ziurtagiriarena; edo aipatu oinarrian adierazitako lizentzien lehen hiru ikasmailak egin eta gainditu direla frogatzen duen ziurtagiriarena.

b) B motako ibilgailuak gidatzeko baimenaren fotokopia konpultsatua, betebehar hori duten lanpostuak eskuratu gogo direnean.

7.2.3. Ezgaitasunen bat alegatu duten izangaiek, gainera, ezgaitasuna deialdiko lanpostuarekin bateragarria dela dioen frogagiria aurkeztu beharko dute, balorazio eta orientazio talde eskudunek emana.

7.3. Aipatu epearen barrenean, eta aski justifikaturik dauden ezinbesteko kasuak salbu, arestiko agiriak aurkezten ez dituztenak ezin izanen dira izendatu, eta ordura arteko egintza guztiak baliorik gabe geldituko dira, beren eskabidearen faltsukeria dela-eta legokiekeen erantzun beharra galarazi gabe.

7.4. Aurreko atalean ezarritakoa gertatuz gero, Nafarroako Administrazio Publikoaren Institutuko zuzendari kudeatzaileak probak gainditu dituztenen zerrendan, 7.1 atalean aipatutakoan, hurrengoa den izangaiarekin beteko du baja, eta horrekin ere aurreko ataletan adierazitako moduan jokatuko da.

7.5. Nahitaezko betebehar eta baldintzen frogagiriez gain, Funtzio Publikoaren Zuzendaritza Nagusiak, bere eskudantziak erabiltzeko, beste edozein agiri eska diezaioke izangaiari, eta horrek aurkeztu beharko ditu, deialdi honen 7.2. oinarrian ezarritako moduan.

8.-Lanpostu hutsak hautatzea.

8.1. Aurreko oinarrian xedatu dena betetzen duten izangaiek Nafarroako Administrazio Publikoaren Institutuak (NAPI) hartarako jartzen dien epean aditzera eman beharko dute eskaintzen zaizkien lanpostuetatik zein hautatzen duten. Aukeratu beharreko lanpostuak hasieran deitutakoak izanen dira, edo beste batzuk, zerbitzuaren beharren arabera horiek aldatzea erabakitzen bada.

8.2. Lanpostu hutsak aukeratzerakoan, %33ko ezgaitasun aitortua edo handiagoa duten izangaiek lehentasuna izanen dute gainerako izangaien aurretik, zein txandaren bidez parte hartu duten kontuan hartu gabe.

Hala izanagatik ere, ezgaitasuna duen izangairik bada, eta horrek eragina badu lanpostu bat edo bestea hautatzeko, aukeratzen hasi aurretik, ezgaitasunarekin hobekien egokitzen direnak esleituko zaizkie, horren gainean balorazio eta orientazio talde eskudunek egindako txostenaren arabera.

8.3. Hautaprobak igoera txandan gainditzen dituzten izangaiek deialdiko lanpostuak betetzeko lehentasuna izanen dute txanda irekiko izangaien aldean, aurreko atalean adierazitako salbuespena salbuespen.

9.-Izendapena, lanpostuen esleipena eta jabetza hartzea.

9.1. Funtzio Publikoaren zuzendari nagusiak, ebazpen baten bitartez, aurreko oinarrietan ezarritakoa betetzen duten izangaiak Nafarroako Foru Komunitateko Administrazioko funtzionario izendatuko ditu, Enpresa Zientzietako diplomadun lanetan aritzeko, eta lanpostu hutsak esleituko dizkie.

9.2. Izendapenak eta lanpostuaren jabetza hartzeak nomina eta plantillako funtzionario bilakatuko ditu izendatuak, eta Nafarroako Foru Komunitateko funtzionarioen arloan indarrean dauden xedapenetan ezarri diren eskubide eta betebehar guztiak izanen dituzte. Gizarte Segurantzako araubide orokorrean afiliatuko dira, araubide horretan ezarritakoaren babesean.

Aurrekoa gorabehera, Nafarroako Administrazio Publikoen zerbitzuko Langileen Estatutua onetsi zuen abuztuaren 30eko 251/1993 Legegintzako Foru Dekretuaren bederatzigarren xedapen gehigarriaren 3. puntuan xedatutakoa aplikatzearen ondorioz, Nafarroako administrazio publikoen eskubide pasiboen montepioan sarturik daudenen kasuan, bi aukera izanen dituzte: Nafarroako Foru Komunitateko Administrazioko montepioan segitzea, martxoaren 5eko 10/2003 Foru Legearen bidezko eskubide pasiboen araubideak babesturik, edo Gizarte Segurantzaren Araubide Orokorrean sartzea.

9.3. Izendatzen diren izangaiek destinoko herrian bizi beharra dute eta, horretarako, udalerri horretan finkatuko dute bizilekua. Administrazio organo eskudunek destinoa aldatzen ahalko dute, aplikatzekoa den araudian ezarritakoarekin bat.

9.4. Lanaldia zerbitzuaren beharretara egokituko da eta noiznahi aldatzen ahalko dute administrazio organo eskudunek, aplikatzekoa den araudian ezarritakoarekin bat.

9.5. Izendapena Nafarroako Aldizkari Ofizialean argitaratuko da eta izangai izendatuek hilabeteko epean jabetu beharko dute lanpostuez, izendapenaren jakinarazpenetik kontatzen hasita.

Aipatu epean eta ezinbesteko kasuetan izan ezik, izangairen bat lanpostuaz jabetzen ez bada, Foru Komunitateko Administrazioaren funtzionario izateko eskubide guztiak galduko ditu. Hala bada, deialdiaren 7.4 atalean ezarritakoari jarraikiko zaio.

9.6. Izangai bat funtzionario bihurtu eta lanpostuan batere aritu gabe, zuzenean eta berak eskatuta, borondatezko eszedentzia ematen bazaio jabetza hartzearen egunetik beretik, data horretan beste administrazio publiko batean ari delako, kasuko lanpostu hutsa ere deialdiaren 7.4 atalak agintzen duen moduan beteko da.

9.7. Aurreko bi ataletan aipatutako kasuetan, izendapena egin aurretik hautaturiko lanpostua ez da aldatuko. Beraz, funtzionario berriei, zuzenean, egoera horien ondoriozko lanpostuak esleituko zaizkie.

10.-Aldi baterako kontratuetarako izangaien zerrenda.

10.1. Kontuan harturik Nafarroako Administrazio Publikoan sartzeko Erregelamenduaren 42. artikulua, Lehendakaritza, Justizia eta Barneko kontseilariaren azaroaren 14ko 146/2005 Foru Agindua (Lanpostuak aldi baterako betetzeko kudeaketa arauak onetsi zituena), 2009ko ekainaren 9ko Erabakia (horren bidez, Osasun Administrazioak eta sindikatuek Osasunbidea-Nafarroako Osasun Zerbitzuaren osasun zentro eta establezimenduetan aldi baterako kontratatzeko langileak hautatzeko moduari buruz izenpeturiko ituna onetsi zen. 2009ko 95. Nafarroako Aldizkari Ofizialean argitaratu zen, abuztuaren 3an) eta oinarri honetan ezarritako prozedura, hautaketa-prozesuan parte hartu eta lanposturik lortu ez duten izangaiekin aldi baterako kontratazioak egiteko hurrengo zerrendak eginen dira.

a) Probak gainditu arren lanposturik lortu ez duten izangaien zerrenda.

b) Administrazio Erroan aldi baterako kontratatzeko izangaien zerrendak.

c) Osasunbidea-Nafarroako Osasun Zerbitzuan aldi baterako kontratatzeko izangaien zerrenda.

10.2. Probak gainditu arren lanposturik lortu ez duten izangaien zerrenda eta Administrazio Erroan aldi baterako kontratatzeko izangaien zerrendak.

Nafarroako Administrazio Publikoaren Institutuko Sarrerarako Hautapenaren Zerbitzuak espedientea igorri ondoren, Funtzio Publikoaren zuzendari nagusiaren ebazpen bidez onetsiko dira probak gainditu arren lanposturik lortu ez duten izangaien zerrenda eta azken-aurreko ariketa gainditu dutenena, une horretan indarrean diren kudeaketa arauekin bat, eta jarriko dira Nafarroako Gobernuko iragarki oholean (Karlos III.aren etorbidea, 2, atalondoa, Iruña) eta Nafarroako Gobernuaren web orrian: www.navarra.es.

Funtzio Publikoaren Zuzendaritza Nagusiak Osasunbidea-Nafarroako Osasun Zerbitzuari eta Nafarroako Mendekotasun Agentziari igorriko die probak gainditu arren lanposturik lortu ez duten izangaien zerrenda, aplikatzekoak diren arauei jarraikiz kudea dezaten.

Hauxe izanen da aldi baterako kontratazioen zerrendaren ordena: oposizioa gainditu arren lanposturik lortzen ez dutenen kasuan, sarrerako hautaketa-prozesuan lortutako puntuazioarik handienaren arabera; gainerako izangaien kasuan, gainditutako ariketetan lortutako puntuazioen batura. Berdinketa dagoenean, nor nagusitzen den erabakitzeko, deialdi honetan kasu horietarako ezarritako irizpideak hartuko dira kontuan.

Aldi baterako kontratazioetarako izangaien zerrendetan agertzeak ez du esan nahi interesdunei onartzen zaienik 2. oinarrian ezarritako betebeharrak betetzen dituztela; izan ere, horiek oinarri honetan adierazten den bezala frogatu beharko dituzte.

Izangaiei deitu eta, kasua bada, haiek kontratatzeko orduan, Administrazio Erroan, honako hauetan xedatutakoari jarraikiz jokatuko da: Nafarroako Administrazio Publikoen zerbitzuko Langileen Estatutuaren Testu Bategina onesten duen abuztuaren 30eko 251/1993 Legegintzako Foru Dekretuaren 88.b) artikulua eta hurrengoak; lanpostuak aldi baterako betetzeko arauak ezartzeko Lehendakaritza, Justizia eta Barneko kontseilariak 2005eko azaroaren 14an eman zuen 146/2005 Foru Agindua (2005eko 144. Nafarroako Aldizkari Ofizialean argitaratua, abenduaren 2an); eta aplikatzekoak diren gainerako arauak.

Langileei dei egiterakoan, aintzat hartuko da Nafarroako Administrazio Publikoen Zerbitzuko Langileen Estatutuaren Testu Bateginaren zazpigarren xedapen gehigarriaren 3. idatz-zatian ezarritakoa (Nafarroako Foru Komunitatean ezgaitasuna duten pertsonek enplegua lortzeari buruzko maiatzaren 31ko 16/2002 Foru Legean emandako idazketaren arabera).

Kontratatuak izateko deia jasotzen duten izangaiek baizik ez dituzte aurkeztu beharko deialdiaren titulazioaren gaineko baldintzak betetzen direla eta B motako ibilgailuak gidatzeko baimena badutela frogatzeko agiriak, 2.1 oinarriarekin bat, kontratua formalizatzen denean, jatorrizko agirien edo behar bezala konpultsatutako kopien bitartez.

Eskatzen diren agiriak aipatu epean aurkezten ez dituzten izangaiek, aski justifikatutako ezinbesteko kasuetan izan ezik, eta eskatutako baldintzak betetzen ez dituztenek deialdian parte hartzetik eratorritako eskubide guztiak galduko dituzte, betiere parte hartzeko eskabidea faltsutzeagatik legokiekeen erantzukizuna galarazi gabe.

Sarrera prozesuko eskaerak aurkezteko epea bukatzen den egunerako bete beharko dira betebeharrak eta, orobat, hautaprobak egin bitarte eta kontratazioaldiak iraun bitarte.

10.3. Osasunbidea-Nafarroako Osasun Zerbitzuan aldi baterako kontratatzeko izangaien zerrenda.

Nafarroako Administrazio Publikoaren Institutuko Sarrerarako Hautapenaren Zerbitzuak Osasunbidea-Nafarroako Osasun Zerbitzuko organo eskudunei igorriko die hautaketa-prozesuko ariketa guztiak gainditu ez dituzten izangaien zerrenda, aldi baterako kontratazioetarako izangaien zerrendak presta daitezen.

Enpresa Zientzietako diplomadun izateko lanposturako aldi baterako kontratatzeko zerrendak 2009ko ekainaren 9ko Erabakian xedatutakoaren arabera prestatuko dira eta hari jarraituz funtzionatuko dute, erabaki horren bidez onetsi baitzen Osasun Administrazioak eta sindikatuek sinatutako ituna, Osasunbidea-Nafarroako Osasun Zerbitzuko zentro eta establezimenduetan aldi baterako langileak hautatzeko. Erabakia 2009ko 95. Nafarroako Aldizkari Ofizialean argitaratu zen, abuztuaren 3an.

Erabaki horretan xedatutakoaren arabera, oposizio bidezko deialdi honen emaitzetan oinarrituko dira aldi baterako zerrendak, irizpide hauei jarraituz:

a) Deialdiko hautaprobak gainditu arren lanposturik lortu ez duten izangaiek lehentasuna izanen dute aldi baterako kontrataziorako.

Izangai horiek, Langileriaren eta Lan Harremanen Zuzendariordetzari eskabidea igorrita, kontratazio zerrendetatik kentzeko eskatzen ahal dute, kontratazio zentro edo unitate batean edo gehiagotan.

b) Aurreko atalean adierazitako izangaien ondotik, oposizio bidezko deialdi honetan aurkeztu eta hura gainditu gabe hautaprobaren bat gainditzen duten izangaiak jarriko dira kontratazio zerrendetan. Halakoetan, lehenik erabiliko dira hautaprobarik gehien gainditu dituztenen zerrendak, lortutako puntuazio osoaren araberako ordena zorrotzari jarraikiz osatuak. Izangaien zerrendaren lehentasuna kalkulatzeko, gainditutako proben puntuazioa eta kasuan kasuko baremoarena batuko dira. Baremoan izangaiak edozein administrazio publikotan izan duen esperientzia profesionala baizik ez da adieraziko.

c) Oposizioan aurkeztu baina hautaproba bat bera ere gainditu ez duten izangaiak. Halakoetan, zerrendan sartu ahal izateko, proba gainditzeko eskatutako puntuazioaren %30 lortu beharko dute gutxienez. Proban lortutako puntuazioaren ordena zorrotzari jarraikiz osatuko da zerrenda. Izangaien zerrendaren lehentasuna kalkulatzeko, egindako probaren puntuazioa eta baremoarena batuko dira. Baremoan izangaiak edozein administrazio publikotan izan duen esperientzia profesionala baizik ez da adieraziko.

b) eta c) letretan sartutako izangaiek ondoko dokumentazio hau aurkeztu beharko dute Osasunbidea-Nafarroako Osasun Zerbitzuaren Erregistroan (Irunlarrea kalea 39, 31008 Iruña), hamabost egun balioduneko epean, hautaproben behin betiko emaitzak argitaratzen direnetik:

1. Edozein administrazio publikotan emandako zerbitzuen egiaztagiria. Kasuan kasuko deialdia argitaratu arte egindako zerbitzuak baloratuko dira. Horretarako, egindako azken deialdi publikoa baizik ez da kontuan hartuko.

2. III. eranskina (iraupen laburreko/luzeko kontratazioetarako zerrendetan sartzeko) betea eta sinatua.

Esparru horietako bakoitzean bi zerrenda eginen dira: bata, iraupen laburreko kontratuetarako, eta iraupen luzeko kontratuetarako bestea.

-Iraupen luzekoa.

Lanpostu hutsak bitarteko gisa betetzeko egiten diren kontratuak dira, baita plantillako langileentzat erreserbatutako lanpostuak betetzeko egiten direnak eta, oro har, sei hilabeteko edo gehiagoko beste edozein kontratazio.

Izangai bakoitzak zein zentrotan jardun nahi duen adierazi beharko du. Guztiak hautatzen ahal dira.

-Iraupen laburrekoa.

Jardunean dauden plantillako langileak ordezteko xedea dute eta, oro har, hasierako aurreikuspenen arabera, sei hilabetetik beherako iraupena dutenak. Kontratu laburrak izanen dira, halaber, etengabeko edo guardiako osasun laguntza emateko egiten direnak, alde batera utzita zenbat irauten duten, baita lanaldi partzialeko kontratuak ere.

Izangai bakoitzak zentro bat aukeratu beharko du A, B eta C ataletan agertzen direnetatik, baina ez da beharrezkoa atal guztietan bat aukeratzea.

Aipatu eremuetatik bakar bat ere hautatzen ez dutenek oinarri honen arabera prestatzen diren aldi baterako kontratazio zerrendetan sartzeari uko egiten diotela ulertuko da.

Aurreko ataletan xedatutakoaren arabera osatutako zerrendak indarra hartuko du hautaketa-prozesu honetan parte hartu eta lanpostua eskuratzen duen lehen izangaia lanpostuaz jabetzen denean.

11.-Errekurtsoak.

Epaimahaiak ematen dituen egintza eta ebazpenen kontra gora jotzeko errekurtsoa jartzen ahalko da, Nafarroako Administrazio Publikoaren Institutuko zuzendari kudeatzaileari zuzendua, errekurtsoaren xede den egintza argitaratu edo jakinarazi eta biharamunetik hilabeteko epean.

Deialdiaren, oinarrien eta horiek aplikatzeko egintzen kontra, epaimahaiak hartutakoen kontra izan ezik, zilegi izanen da gora jotzeko errekurtsoa jartzea, Lehendakaritza, Justizia eta Barneko kontseilariari zuzendua, errekurritu nahi den egintza argitaratu edo jakinarazi eta biharamunetik hasita hilabeteko epean.

Hori guztia Nafarroako Foru Komunitateko Administrazioari buruzko abenduaren 3ko 15/2004 Foru Legearen 57. artikuluan eta urtarrilaren 13ko 4/1999 Legeak aldatutako Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 114. eta 115. artikuluetan xedatutakoari jarraikiz.

Iruñean, 2009ko azaroaren 19an.-Nafarroako Administrazio Publikoaren Institutuko zuzendari kudeatzailea, Gregorio Eguílaz Gogorza.

I. ERANSKINA

Hautaprobetan onartua izateko eskabidea

Deialdiaren datuak:

Sartzeko txanda:

Datu pertsonalak:

Aurkeztutako agiriak:

Ondoko hauen proba eskatzen du:

Sinatzaileak ESKAERA egiten du eskabide honetan adierazitako prozesuan onartua izan dadin eta ADIERAZTEN DU, erantzukizuna berea izanik, bertan adierazten diren datu guztiak egiazkoak direla, eta deialdiaren oinarrian eskatutako betebehar guztiak betetzen dituela, eta datu horiek guztiak dokumentuen bidez frogatzeko konpromisoa hartzen duela.

(Sinadura)

..........................(e)n, ...................(e)ko ........................aren ...........(e)an

NAFARROAKO ADMINISTRAZIO PUBLIKOAREN ZUZENDARI KUDEATZAILEA.

LEHENDAKARITZA, JUSTIZIA ETA BARNE DEPARTAMENTUA.

(*) Deialdiaren oinarrietan xedatutakoari jarraikiz.

II. ERANSKINA

Gai zerrenda

Lenenengo zatia

Kontabilitatea

1. gaia.-Kontabilitatearen gaineko Plan Orokorra. Kontabilitatearen esparru kontzeptuala. Erregistro eta balorazio arauak. Urteko kontuak. Kontuen taula. Definizioak eta kontabilitateko harremanak.

2. gaia.-Finantza-egoeren azterketa. Epe laburrerako finantza egoeraren azterketa. Epe luzerako finantza egoeraren azterketa.

3. gaia.-Kostuen kontabilitatea. Kontzeptuak eta sailkapenak. Kostuen eredu eta metodoak. Kudeaketa-kontabilitatearen aplikazio sektorialak sektore publikoan.

4. gaia.-Kontabilitate Publikoaren Plan Orokorra. Nori dagokion. Kontuen taula. Aurrekontukoak diren eta ez diren eragiketen erregistroa.

5. gaia.-Kontabilitate Publikoaren Plan Orokorra. Urteko kontuak. Egoera-balantzea, ondarearen emaitza ekonomikoa, aurrekontuaren likidazioaren egoera eta Memoria.

6. gaia.-Administrazio publikoen kontabilitateko magnitudeen azterketa eta interpretazioa, ondare, ekonomia eta finantzen aldetik.

Estatistika

7. gaia.-Posizio-neurriak: batez bestekoak. Batez besteko aritmetikoa, geometrikoa, harmonikoa, koadratikoa, mediana eta moda. Sakabanatze-neurriak: bidea, batez besteko desbiderapena, bariantza eta desbiderapen standarra, aldakuntza-koefizientea, aldagai baten tipifikazioa. Asimetria eta kurtosia: beste neurri batzuk.

8. gaia.-Bi aldagairen arteko doikuntza eta korrelazioaren azterketa.

9. gaia.-Denborazko serieak: ezaugarriak eta autokorrelazioa. Denborazko serieen osagaiak. Joera sekularra. Aldakuntza urtarotarrak. Gorabehera ziklikoak. Aurresatea.

10.gaia.-Indize-zenbakiak: bakunak eta konposatuak. Serie estatistikoen deflaktazioa. Loturak eta oinarri aldaketak. Gehien erabilitako indizeak: KPIren aipamen berezia.

11. gaia.-Probabilitatearen teoria. Banaketa-ereduak. Banaketa normala eta bere funtzio deribatuetako batzuk. X2 Pearson, T Student eta F Snedecor.

Finantza-eragiketak

12. gaia.-Kapitalizazio soila. Deskontu komertziala eta arrazionala. Mugaegun komuna. Mugaegun ertaina. Kapitalizazio konposatua. Hitzarmen lineala. Hitzarmen esponentziala. Puntu baliokideak kapitalizazio bakunean eta konposatuan. Puntu efektiboa eta puntu nominala.

13. gaia.- Errentak. Kontzeptua eta sailkapenak. Errenta ziurrak, konstanteak eta aldakorrak. Errenta zatikatuak. Errenta betierekoak.

14. gaia.-Maileguak. Amortizazio sistemak: errenboltsu bakarra, amortizazio kuota iraunkorra, urteko sari iraunkorra, aritmetikoki eta geometrikoki handituz doazen urteko sariak. Amortizazio metodoa interes zatikatuen bidez. Kapital bat eratzeko eragiketak.

15.-Jesapen normalak eta alde bateko zein biko ezaugarri komertzialak dituztenak. Normaliza daitezkeen jesapenak: amortizazio-primarekin, amortizazio lehorrarekin, loteekin, interesen ordainketaren zatikapenarekin, aldian aldiko administrazio-gastuekin.

Bigarren zatia

Araudi orokorra

1. gaia.-Espainiako 1978ko Konstituzioa: printzipio orokorrak. Funtsezko eskubideak eta eginbeharrak. Botere Judiziala. Gorte Nagusiak: osaera eta eginkizunak. Gobernua eta Estatuko Administrazioa. Auzitegi Konstituzionala: osaera, antolakuntza eta eskumenak.

2. gaia.-Europar Batasuna. Parlamentua. Europako Kontseilua. Europako Batzordea. Kontseilua (ministroena). Justizia Auzitegia. Beste erakunde batzuk.

3. gaia.-Erkidegoko ordenamendu juridikoaren iturriak: jatorrizko zuzenbidea eta zuzenbide eratorria.

4. gaia.-1978ko Konstituzioaren lehen xedapen gehigarria. Nafarroako Foru Eraentza Berrezarri eta Hobetzeari buruzko Lege Organikoa: izaera eta esanahia. Atariko titulua. Nafarroaren eskumenak.

5. gaia.-Nafarroako Parlamentua edo Gorteak. Nafarroako Comptos Ganbera. Arartekoa.

6. gaia.-Nafarroako Gobernua. Funtzioak. Osaera, izendapena, eratzea eta kargu-uztea. Eskudantziak eta eskumenak. Funtzionamendua. Laguntza eta sostengu organoak. Nafarroako Parlamentuaren erantzukizun politikoa, kontrola eta desegitea. Nafarroako Gobernuko lehendakaria.

7. gaia.-Nafarroako Foru Komunitateko Administrazioa. Nafarroako Foru Komunitateko Administrazioari buruzko abenduaren 3ko 15/2004 Foru Legean ezarritako printzipio orokorrak. Herritarren eskubideak Foru Komunitateko Administrazioarekiko harremanetan. Antolaketa: irizpide nagusiak eta egitura organikoa, organo kolegiatuak eta administrazio organoen eskumenak.

8. gaia.-Administrazio publikoen araubide juridikoaren printzipio orokorrak. Administrazio publikoen organoak. Prozedura administratiboarekiko interesdunak.

9. gaia.-Administrazioaren xedapenak eta egintzak. Egintza administratiboen betebeharrak. Egintzen eraginkortasuna. Deuseztasuna eta deusezgarritasuna.

10. gaia.-Prozedura administratiboen xedapen orokorrak: prozeduraren abiaraztea, antolamendua, instrukzioa eta amaiera. Bide administratiboko egintzen berrikuspena: ofiziozko berrikuspena eta administrazio errekurtsoak.

11. gaia.-Kontratu Publikoei buruzko Foru Legea: aplikaziorako arau orokorrak eta eremua. Kontratistak. Administrazio publikoen kontratu guztietarako xedapenak. Esleipenaren aurreko jarduketak.

12. gaia.-Nafarroako Administrazio Publikoen Zerbitzuko Langileen Estatutua. Langile motak. Funtzionario publikoak hautatzea. Egoera administratiboak. Funtzionarioen eskubideak, betebeharrak eta bateraezintasunak. Ordainsariak.

13. gaia.-11/2007 Foru Legea, apirilaren 4koa, Nafarroako Foru Komunitateko Administrazioan Administrazio Elektronikoa ezartzekoa.

14. gaia.-Abenduaren 29ko 21/2005 Foru Legea, Politika Publikoak eta Zerbitzu Publikoen Kalitatea Ebaluatzeari buruzkoa.

15. gaia.- Abenduaren 13ko 15/1999 Lege Organikoa, Datu Pertsonalak Babesteari buruzkoa.

Hirugarren zatia

Sektore publikoa

1. gaia.-13/2007 Foru Legea, apirilaren 4koa, Nafarroako Ogasun Publikoari buruzkoa. Aplikazio esparrua. Nafarroako Ogasun Publikoaren araubidea.

2.gaia.-Nafarroako Aurrekontu Orokorrak. Edukia eta onespena. Kredituak eta aldaketak.

3. gaia.-Nafarroako Ogasun Publikoa: aurrekontuen exekuzioa eta likidazioa. Finantza-eragiketak. Diruzaintza. Erantzukizunak.

4. gaia.-Foru sektore publikoa osatzen duten entitateen kudeaketa ekonomiko-finantzarioaren barne kontrola.

5. gaia.-Espainiako administrazio publikoen arteko finantza harremanak. Araubide arrunteko autonomia erkidegoen finantza sistema: finantza baliabideak eta printzipioak.

6. gaia.-Hitzarmen Ekonomikoaren sistema. Nafarroaren eta Estatuaren arteko hitzarmen ekonomikoen historia. Estatuaren karga orokorrei egiten zaien ekarpen ekonomikoa.

7. gaia.-Nafarroaren eta Estatuaren arteko harmonizazio fiskalari buruzko arauak. Eskumenen mugaketa eta pertsona fisikoen errentaren gaineko zerga, sozietateen gaineko zerga, balio erantsiaren gaineko zerga eta fabrikazioaren gaineko zerga bereziak ordainarazteko eskumena duen administrazioa.

8. gaia.-Nafarroako toki korporazioen aurrekontua. Edukia, eginkizuna eta egitura. Udal aurrekontuen printzipioak. Toki mailako aurrekontu zikloa. Aurrekontuen kontrola: kontzeptua, motak eta erakundeak.

9. gaia.-Araubide arrunteko eta foru araubideko toki korporazioen udal tributu sistema. Zergak, tasak eta kontribuzio bereziak.

10. gaia.-11/2005 Foru Legea, azaroaren 9koa, Diru-laguntzei buruzkoa. Aplikazio esparrua. Dirulaguntza publiko guztiendako xedapenak. Laguntzak emateko eta kudeatzeko prozedurak. Laguntza itzultzeko arrazoiak.

11. gaia.-6/2006 Foru Legea, ekainaren 9koa, Kontratu Publikoei buruzkoa. Aplikazio esparrua. Kontratistak. Aplikatu beharreko arau orokorrak. Administrazio publikoen kontratuetarako xedapen orokorrak. Kontratazio organoak. Esleipena. Exekuzioa. Ordainsariak eta prezioak berraztertzea. Iraungitzea eta baliogabetzea.

12. gaia.-Europar Batasuna: instituzioak eta ordena juridikoa. Europar Batasunaren itunak. Europar Batasunaren Aurrekontua. Dirusarreren eta gastuen gaineko alderdi orokorrak.

13. gaia.-Europar Batasunaren eskualde politika. Helburuak. Estatuetako eskualde politikak koordinatzea. Finantza-tresnak. Nafarroa Europako eskualde politikan.

14. gaia.-Europar Batasunaren Nekazaritza Politika (PAC). Helburuak. PACen garapen historikoa eta hurrenez hurreneko aldaketak.

Ekonomia eta Enpresa

1. gaia.-Enpresa eta haren barne antolaketa. Antolaketarako teoriak eta printzipioak enpresan. Plangintza enpresan. Erabakiak hartzea eta horretarako moduak.

2. gaia.-Enpresa eta inbertsio erabakiak. Inbertsioak hautatzeko metodoak. Errentagarritasuna, arriskua eta kapital kostua.

3. gaia.-Enpresa finantzatzeko dirusarrerak. Barne finantzaketa edo autofinantziazioa. Finantzaketa arrotzaren iturriak.

4. gaia.-Ekoizpen prozesua. Ekoizpenaren kostuak: egitura. Azpiproduktuen kostua. Produktibitatea enpresan. Kontzeptua. Produktibitate neurriak. Produktibitatea areagotzea, esku hartzen duten faktoreak.

5. gaia.-Komertzializazioa enpresan. Produktua, haren bizi-zikloa. Merkatu-azterketa.

6. gaia.-Enpresaren balorazioa. Kontabilitate balioa, kitapen balioa, birjartze-balioa, funtsezko balioa, burtsa-balioa eta enpresaren errendimenduaren balioa. Good will edo merkataritzako fondoa. Enpresaren balio globala lortzeko metodoak.

7. gaia.-Egiturazko eraldaketak Nafarroako ekonomian 1960tik aurrera. Nafarroako ekonomia Espainian. Nafarroako ekonomia Europako eskualdeen artean.

8. artikulua.-Lehen sektorea Nafarroan. Nafarroako nekazaritza politika. Espezializazio produktiboa. PACen aplikazioa Nafarroan.

9. gaia.-Industria sektorea Nafarroan eta egungo egoera. Espezializazio produktiboa. Nafarroako Gobernuaren politika industriaren eta teknologiaren alorretan.

10. gaia.-Eraikuntzaren sektorea Nafarroan. Etxebizitza: etxebizitza-parkea Nafarroan, prezioen bilakaera eta kostuak. Nafarroako Gobernuaren politika etxebizitzaren eta lurzoruaren alorretan.

11. gaia.-Zerbitzuen sektorea Nafarroan. Makromagnitude nagusiak eta horien banaketa ekoizpen-adarka.

12. gaia.-Lan merkatua Nafarroan. Eskura dauden estatistika-iturriak. Biztanleria aktiboa, langileak eta langabetuak. Sektore, eskualde eta adinaren araberako banaketa. Nafarroako Gobernuaren laguntzak enplegua sustatzeko.

13. gaia.-Nafarroan diharduten administrazioen gastu publikoa. Nafarroako aurrekontu orokorrak: gastuen azterketa ekonomiko eta funtzionala, dirusarreren eta saldoen azterketa. Nafarroako Foru Komunitateko Administrazioko enpresa sektore publikoa.

14. gaia.-Kanpo-sektorea. Nafarroako ekonomiaren kanpoko merkataritza harreman globalak. Esportazioak eta inportazioak gainontzeko herrialdeekin. Atzerriko inbertsioak Nafarroan.

Oharra: gai guztiak bat etorriko dira deialdi hau Nafarroako Aldizkari Ofizialean argitaratzen den egunean indarrean den legeriarekin.

III. ERANSKINA

Adierazten dut hautaketa-prozesuan lanpostua eskuratzen ez badut, Osasunbidea-Nafarroako Osasun Zerbitzuan aldi baterako kontratatzeko egiten diren zerrendetan egon nahi dudala:

Iraupen luzekoa

Izangai bakoitzak zein zentrotan sartu nahi duen adierazi beharko du; guztiak hautatzen ahal dira.

? Nafarroako Ospitalea.

? Bideko Ama Birjina Ospitalea (Emakumeari Laguntzeko Zentroa barne).

? Anbulatorioen eta Ospitalez kanpoko Laguntzaren Zuzendaritza.

? Kudeaketako Zuzendaritza.

? Ubarmin Klinika.

? Osasun Publikoaren Institutua.

? Oinarrizko Osasun Laguntzako Zuzendaritza, Nafarroako Iparraldeko OOLT izan ezik.

? Nafarroako Iparraldeko OOLT (eremu euskalduna).

? Tuterako Osasun Barrutia.

? Lizarrako Osasun Barrutia.

Iraupen laburrekoa.

Izangai bakoitzak zentro bat aukeratu beharko du A, B eta C ataletan agertzen direnetatik, baina ez da beharrezkoa atal guztietan bat aukeratzea.

A atala

? Nafarroako Ospitalea.

? Bideko Ama Birjina Ospitalea.

? Oinarrizko Osasun Laguntzako Zuzendaritza, Nafarroako Iparraldeko OOLT izan ezik.

? Anbulatorioen eta Ospitalez kanpoko Laguntzaren Zuzendaritza.

B atala

? Ubarmin Klinika.

? Osasun Publikoaren Institutua.

? Osasunbidea-Nafarroako Osasun Zerbitzuko Kudeaketako Zuzendaritza.

? Nafarroako Iparraldeko OOLT (eremu euskalduna).

C atala

? Tuterako Osasun Barrutia.

? Lizarrako Osasun Barrutia.

Iruñean, 200......ko .............aren ............(e)an.

(Sinadura)

Iragarkiaren kodea: F0926901