1. NAFARROAKO FORU KOMUNITATEA
1.5. ESTATUTUAK ETA LAN HITZARMEN KOLEKTIBOAK
BERRIKUNTZA, ENPRESA ETA ENPLEGU DEPARTAMENTUA. Iragarkia.
Apirilaren 22ko 873/1977 Errege Dekretuaren laugarren artikuluan xedatutakoari jarraikiz eta bertan hala agintzen baita, aditzera ematen da Nafarroako Gobernuko Berrikuntza, Enpresa eta Enplegu Departamentuan, 2009ko irailaren 30eko 9:00etan, ondoko lanbide erakundearen estatutuak aurkeztu direla: ''Asociación Navarra de Centros de Inserción''. Elkarte horren lurralde eremua Nafarroako Foru Komunitatea da, eta dagokion lanbide eremuak jarduera horretan aritu eta askatasunez eta beren borondatez elkartzea erabakitzen duten entitateak hartzen ditu.
Eraketa aktaren lehenbiziko bi sinatzaileak hauek dira: Maite García andrea (Gaztelan fundazioa) eta Alfonso Uriz jauna (Ilundain fundazioa).
Hori guztia aditzera ematen da, interesdunei jakinarazi eta jakin dezaten. Interesdunek honi buruz bidezkoa iruditzen zaiena alegatzen ahal dute, idatziz, iragarki hau Nafarroako Aldizkari Ofizialean argitara eman eta zortzi eguneko epean.
Iruñean, 2009ko urriaren 6an.-Lan Zerbitzuko zuzendaria, José María Andueza Azcona.
Iragarkiaren kodea: F0924155
