2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
IRUÑA
Aldaketa UE-1 exekuzio unitatea birzatitzeko proiektuan ("Iturrama Berria" U.I. XVIII unitateko ZN-1 eremua eta "Trinitarioak" U.I. VII unitateko GZA-1 eta GZA-2 eremuetako kanpoko lurzoruak).
Behin betiko onespena
Iruñeko Udalaren Tokiko Gobernu Batzarrak, 2009ko irailaren 8an, erabaki hau hartu zuen:
JOB 08-SEP-09 (14/UV)
«JOB 9-Jun-09 erabakiaren bidez UE-1 exekuzio unitatea birzatitzeko proiektuaren aldaketa hasiera batean onetsi ondoren ("Iturrama Berria" U.I. XVIII unitateko ZN-1 eremua eta Trinitarioetako kanpoko lurzoruak, 2009ko 92. Nafarroako Aldizkari Ofizialean argitaratua, uztailaren 27an), jendaurreko epea iragan da inork alegaziorik aurkeztu gabe. Beraz, honako erabaki hau hartu da:
1. Aldaketa behin betiko onestea UE-1 exekuzio unitatea birzatitzeko proiektuan ("Iturrama Berria" U.I. XVIII unitateko ZN-1 eremua eta "Trinitarioak"-U.I. VII unitateko GZA-1/GZA-2 eremuetako kanpoko lurzoruak). Proiektua behin betiko 2008ko apirilaren 15ean onetsi zen eta aldaketa Agrupación Aralarri jatorrizko proiektuan onetsitako eskubideei eta betebeharrei dagokie, hark 35. lurzatia eman baitzuen. Ondoriozko C lurzatiaren %3,09an gauzatuko dira eta hemendik aurrera titulartasun ezezaguntzat hartuko dira ondorio guztietarako.
2. UE-1 exekuzio unitatea birzatitzeko proiektuaren testu bategina onestea ("Iturrama Berria" U.I. XVIII unitateko ZN-1 eremua eta "Trinitarioak" U.I. VII unitateko GZA-1 eta GZA-2 eremuetako kanpoko lurzoruak, erantsitako dokumentuaren arabera).
3. Erabaki hau Nafarroako Aldizkari Ofizialean argitaratzea eta Nafarroako Gobernuari eta Jabetzaren Erregistroari jakinaraztea.»
Ebazpen honen kontra, errekurtso hauetako bat aurkez daiteke, hautara:
-Berraztertzeko errekurtsoa, ebazpen hau eman duen organoari zuzendua, hilabeteko epean, hura jakinarazi eta biharamunetik aitzina.
-Administrazioarekiko auzi-errekurtsoa, Administrazioarekiko Auzien Epaitegiari zuzendua, bi hilabeteko epean, ebazpen hau jakinarazi eta biharamunetik hasita; edo bestela,
-Gora jotzeko errekurtsoa, Nafarroako Administrazio Auzitegiari zuzendua, hilabeteko epean, ebazpen hau jakinarazten denetik hasita.
Iruñean, 2009ko irailaren 14an.-Alkatea, María Yolanda Barcina Angulo.
Iragarkiaren kodea: L0922659