1. NAFARROAKO FORU KOMUNITATEA
1.7. BESTELAKOAK
JENDAURREKO INFORMAZIOA, Zizur Nagusian instalazio elektrikoa jartzeko administrazio baimenari eta proiektuaren onespenari buruzkoa eta zehazki haren onura publikoa deklaratzekoa. SAT08866-JAA/TB espedientea.
Sektore Elektrikoari buruzko azaroaren 27ko 54/1997 Legearen 52., 53. eta 54. artikuluetan eta Energia elektrikoaren instalazioak baimentzeko prozedurari buruzko abenduaren 1eko 1955/2000 Errege Dekretuaren 144. artikuluan xedatutakoak ondorioak izan ditzan, jendaurrean jarri da Iberdrola D.E.S.A.U.k egindako eskaera, ondoko ezaugarri nagusiak dituen goi tentsioko instalazioa baimendu, proiektua onetsi eta haren onura publikoa deklaratzeko:
a) Eskatzailea: Iberdrola D.E.S.A.U.
b) Instalazioa jartzeko tokia: Zizur Nagusia.
c) Instalazioaren xedea: Zizur Nagusia BTA elikatzea.
d) Ezaugarri nagusiak: lurpeko hargunea, 66 kV-ekoa eta zirkuitu bikoitzekoa, "Zizur Nagusia BTA" azpiestaziorako, "Cordovilla-Orkoien 3 eta 4" izeneko zirkuitu bikoitzeko aireko lineetako 00.27 euskarritik hasita, 443 m, HEPR-Z1/ 630, Zizur Nagusiko udal mugapean.
f) Aurrekontua: 171.390,20 euro.
Onura publikoaren deklarazioak berarekin dakar ondasunak okupatu beharra edo ukitutako eskubideak eskuratzea, eta horrek presako okupazioa ekarriko du.
Hori horrela, eskaera egin duen enpresak eskatzen du, halaber, zortasuna ezartzea eta ondoren adieraziko diren finken presako okupazioa.
Aditzera ematen da, instalazioaren proiektua Nafarroako Gobernuko Berrikuntza, Enpresa eta Enplegu Departamentuan azter dadin (Tomás Caballero parkea, 1, Fuerte del Príncipe II. eraikina, 5. solairua), eta egokitzat jotzen diren erreklamazioak aurkez daitezen bi aletan, iragarki hau argitaratu eta biharamunetik hogei eguneko epean. Departamentu honetan aurkezten ahal dira eta, halaber, ekainaren 24ko 137/2002 Foru Dekretuan ageri diren Nafarroako Gobernuaren Erregistro Orokorreko bulegoetako edozeinetan (95. Nafarroako Aldizkari Ofiziala, abuztuaren 7koa), edo Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 38.4 artikuluan ageri diren erregistro eta bulegoetan.
Iruñean, 2009ko irailaren 14an.-Azpiegituren, Instalazioen eta Industria Segurtasunaren Zerbitzuko zuzendaria, José Antonio Ayesa Usabiaga.
ERANSKINA Ukitutako ondasun eta eskubideak Lurpeko hargunea, 66 kV-ekoa (D/C), "Cordovilla-Orkoien 3 eta 4", Zizur Nagusia BTA berria hornitzeko |
UDALERRIA | FINKA - KATASTROKO DATUAK | TITULARRA ETA HELBIDEA | UKIPENAK |
POLIGONO ZENBAKIA | LURZATI ZENBAKIA | LUR MOTA | KUTXATILA KOPURUA | KUTXATILEN OKUPAZIOA m2 | KANALIZ. LUZERA m | KANALIZ. ZABALERA m | KANALIZ. AZALERA m2 |
Zizur Nagusia | 2 | 865 | Alorra | Santos Planillo Torrellas Buenaventura Íñiguez kalea, 5 31006 Iruña (Nafarroa) | 1 | 1 | 32 | 0,5 | 16 |
F0922839 |
Iragarkiaren kodea: F0922839