I. NAFARROAKO FORU KOMUNITATEA
1.3. BESTELAKO XEDAPENAK
1.3.5. Estatutuak eta lan hitzarmen kolektiboak
293/2008 EBAZPENA, apirilaren 7koa, Arriskuen Prebentziorako eta Lanaren zuzendari nagusiak emana, Olorizko "Aqualia Gestión Integral del Agua, S.A." enpresaren lan hitzarmen kolektiboko 2008ko lansarien berrikuspenari buruzko akordioa erregistratu, gorde eta Nafarroako ALDIZKARI OFIZIALean argitaratzea erabakitzen duena (espediente zenbakia: 40/2008).
Departamentu honetan 2008ko martxoaren 5ean sartu da "Aqualia Gestión Integral del Agua, S.A." enpresaren lan hitzarmen kolektiboko 2008ko lansarien berrikuspenari buruzko akordioa, negoziazio batzordeak hitzarmen hartan xedaturikoa betez sinatu eta onetsia (hasierako espedientearen zenbakia: 60/2007).
Estatuaren lan arloko eginkizunak Nafarroako Foru Komunitateari eskualdatzeko apirilaren 11ko 937/1986 Errege Dekretuan ezarritakoaren arabera, Berrikuntza, Enpresa eta Enplegu Departamentua da lan hitzarmen kolektiboak erregistratu, gorde eta argitaratzeko eskumena duena. Eginkizun horiek martxoaren 24ko 1/1995 Legegintzako Errege Dekretuaren 90. artikuluan ezarrita daude. Horiek horrela, kontuan harturik Hitzarmen kolektiboen erregistro eta gordailuei buruzko maiatzaren 22ko 1040/1981 Errege Dekretuan ezarritakoa.
Adierazitakoarekin bat, eta Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1 artikuluak ematen dizkidan eskurantzak erabiliz,
EBATZI DUT:
1. Olorizko "Aqualia Gestión Integral del Agua, S.A" enpresaren lan hitzarmen kolektiboko lansarien berrikuspenari buruzko akordioa erregistratzea (kodea: 3106972), Lan Hitzarmen eta Akordio Kolektiboak Erregistratu eta Gordetzeko Bulegoan horretarako bereziki prestaturik dagoen liburuan, eta bertako administrazio unitatean testua eta dokumentazioa gordetzea.
2. Negoziazio batzordeari ebazpen honen berri ematea eta adieraztea ebazpenak ez duela administrazio bidea agortzen eta haren aurka gora jotzeko errekurtsoa jartzen ahal dela Berrikuntza, Enpresa eta Enplegu Departamentuko kontseilariari zuzendua, jakinarazi eta biharamunetik hilabeteko epean.
3. Ebazpen hau Nafarroako ALDIZKARI OFIZIALean argitaratzea, orok jakin dezan.
Iruñean, 2008ko apirilaren 7an.-Arriskuen Prebentziorako eta Lanaren zuzendari nagusia, Imelda Lorea Echavarren.
AQUALIA GESTION INTEGRAL DEL AGUA, S.A. ENPRESAK MAIRAGAKO MANKOMUNITATEAN (NAFARROAN) DITUEN LANTEGIETARAKO 2007, 2008 ETA 2009KO LAN HITZARMEN KOLEKTIBOKO 2008. URTERAKO LANSARIEN TAULAK BERRIKUSTEKO MAHAIAREN ERAKETA AKTA
Aqualia Gestion Integral del Agua, S.A. enpresaren aldetik: Jesús Rodríguez Bernabé jauna (Giza Baliabideen burua).
Enpresako langileen aldetik: José Raimundo Marco García jauna (langileriaren delegatua).
Oloritzen, 2008ko otsailaren 18an, Aqualia Gestion Integral del Agua, S.A. enpresaren Edateko Ura Tratatzeko Estazioan goian adierazitako aldeak bildu eta akordio hau hartu dute:
1. Bi alderdiok gaitasuna eta legitimitatea onartzen diote elkarri, Aqualia Gestión Integral del Agua, S.A. enpresak Mairagako Mankomunitatean (Nafarroan) dituen lantegietarako 2007, 2008 eta 2009ko lan hitzarmen kolektiboko 2008. urterako lansarien taulak berrikusteko.
2. Aqualia Gestión Integral del Agua, S.A. enpresak Mairagako Mankomunitatean (Nafarroan) dituen lantegietarako 2007, 2008 eta 2009ko lan hitzarmen kolektiboko 2008. urterako lansarien taulak berrikusteko batzordea eratu da, goian aipatu diren eta akta hau sinatu duten ordezkariek osatua.
3. Akta honen testua eta Aqualia Gestión Integral del Agua, S.A. enpresak Mairagako Mankomunitatean (Nafarroan) dituen lantegietarako 2007, 2008 eta 2009ko lan hitzarmen kolektiboko 2008. urterako lansarien taulak onestea. Akta honi erantsita daude.
4. Enpresaren ordezkariaren esku gelditzen dira hitzarmen kolektiboaren berrikuspena errregistratu, gorde eta Nafarroako ALDIZKARI OFIZIALean argitaratzeko egin beharrekoak.
5. Hitzarmen kolektibo honen aplikaziotik sorrarazitako atzerapenak gehienez ere 2 hilabeteko epean ordainduko dira, Nafarroako ALDIZKARI OFIZIALean argitaratzen denetik hasita.
Eta adostasunaren adierazgarri aldeek honako akta hau sinatu dute goian aipatu egunean eta lekuan.
AQUALIA GESTION INTEGRAL DEL AGUA, S.A. ENPRESAK MAIRAGAKO MANKOMUNITATEKO (NAFARROA) LANTEGIETAN DITUEN LANGILEENTZAKO HITZARMEN KOLEKTIBOA
2008. urteko lansarien taulak
KARGUAREN IZENA OINARRIZKO SOLDATA MOZKINAK HITZARMEN PLUSA GUZTIRA HILEAN APARTEKO PAGA GUZTIRA URTEAN
Goi mailako tituluduna, burutzarekin 1.079,29 161,89 208,46 1.449,64 1.079,29 21.712,91
Goi mailako tit. / Erdi mailako tit., burutzarekin 1.042,27 156,34 208,46 1.407,07 1.042,27 21.053,86
Erdi mailako tituluduna 1.031,46 154,72 208,46 1.394,64 1.031,46 20.861,56
Arduraduna 858,74 128,81 208,46 1.196,01 858,74 17.787,09
Administrazioko arduraduna 1.031,46 154,72 208,46 1.394,64 1.031,46 20.861,56
Administrari-ofiziala 857,26 128,59 208,46 1.194,31 857,26 17.760,76
Administrari laguntzailea 758,18 113,73 208,46 1.080,37 758,18 15.997,21
Irakurle-administraria 758,18 113,73 208,46 1.080,37 758,18 15.997,21
Irakurlea 727,44 109,12 208,46 1.045,02 727,44 15.449,97
Langilezaina 1.018,90 152,83 208,46 1.380,19 1.018,90 20.637,81
Langilezainordea 932,36 139,85 208,46 1.280,67 932,36 19.097,51
Lehen mailako ofiziala 856,15 128,42 208,46 1.193,03 856,15 17.740,96
Bigarren mailako ofiziala 792,19 118,83 208,46 1.119,48 792,19 16.602,51
Hirugarren mailako ofiziala 759,85 113,98 208,46 1.082,29 759,85 16.026,87
Langilea 727,44 109,12 208,46 1.045,02 727,44 15.449,97
23. artikulua. Toxikotasun, nekagarritasun eta arriskuaren plusa (saneamendua): 1,27 euro lan egindako ordu bakoitzeko.
24. artikulua. Gaueko lanaren plusa (Edateko ura tratatzeko estazioa): 8,21 euro benetan lan egindako gau bakoitzeko.
25. artikulua. Jaiegunetako ordainsaria -14 egun- (Mairagako EUTE): 16,42 euro errekuperatuko ez den lan egindako jaiegun bakoitzeko.
25. artikulua. Gabon gaueko eta Urte Zahar gaueko konpentsazioa (Mairagako EUTE): 82,13 euro adierazitako gau bakoitzeko.
26. artikulua. Mantentze-lanetako ofizialen guardiak: 20,54 euro guardian emandako egun bakoitzeko.
26. artikulua. Mantentze-lanetako ofizialen guardiak (larunbat, igande edo jaieguna): 41,06 euro guardian emandako larunbat, igande edo jaiegun bakoitzeko.
26. artikulua. Mantentze-lanetako ofizialen guardiak (larunbata jaieguna izanez gero): 82,13 euro guardian emandako larunbat bakoitzeko, jaieguna izanez gero.
26. artikulua. Langilezainordearen eta elektromekanikariaren guardiak: 205,32 euro hilean.
27. artikulua. EUTEko langileen garraioaren plusa: 147,84 euro hilean.
32. artikulua. Istripu aseguru kolektiboa. 36.000,00 euro.
Iragarkiaren kodea: F0805596
