55. ALDIZKARIA - 2008ko maiatzaren 2a

I. NAFARROAKO FORU KOMUNITATEA

1.3. BESTELAKO XEDAPENAK

1.3.6. Beste batzuk

1173/2008 EBAZPENA, apirilaren 2koa, Enpresa zuzendari nagusiak emana, goi tentsioko instalazio elektrikoa baimendu, haren onura publikoa deklaratu eta 13,2 KV-ko tentsio ertaineko aireko linea elektrikoarekin hargune elektrikoa egiteko proiektua onesten duena, Irunberriko "Larraine-Villar de Arnedo" gasbidearen konpresio estaziorako.

Enagas, S.A. enpresak 2007ko apirilaren 27an eskatu du ondotik aipatzen diren ezaugarri nagusiak dituen linea elektrikoaren instalazioa baimendu, proiektua onetsi eta, zehazki, haren onura publikoa deklaratzeko, bide zortasuna ezartzearren, eta linea elektrikoak ukitutako ondasun eta eskubideen presako okupazioa deklara dadin:

a) Eskatzailea: Enagas, S.A.

b) Instalazioa jartzeko tokia: Irunberri.

c) Instalazioaren xedea: Gas Navarraren konpresio estazioa energia elektrikoz hornitzea.

d) Ezaugarri nagusiak: 13,2 KV-ko aireko deribazioa, "Larraine-Villar de Arnedo" gasbideko azken euskarritik "G-04 kokagunea" TZraino, 957 m, LA-56, metalezkoak, eta azken tartea lurpean, HEPR-Z1/150, 26 m, bukaera "Larraine-Villar de Arnedo" gasbideko "Konpresio estazioa" izeneko TZ berrian, Irunberriko mugapean.

e) Nongo materialak: Espainiakoak.

f) Aurrekontua: 41.617 euro.

Eskaera hori jendaurrean jarri zen, 2007ko azaroaren 15eko Diario de Navarran, 131. Nafarroako ALDIZKARI OFIZIALean (2007ko urriaren 19koan) eta Irunberriko Udaletxean argitaratutako iragarkien bitartez. Ezarritako epean ez da alegaziorik jaso.

Adierazitakoarekin bat, eta Nafarroako Foru Komunitateko Administrazioari buruzko abenduaren 3ko 15/2004 Foru Legearen 22 artikuluak ematen dizkidan eskurantzak erabiliz,

EBATZI DUT:

1. Goi tentsioko instalazio elektriko horren ezarpena baimentzea, Irunberriko udal mugapean.

2. Aipatutako instalazioaren onura publikoa deklaratzea, ondoko arauetan ezarritakoaren ondorioetarako: Sektore Elektrikoari buruzko Legearen 52., 53. eta 54. artikuluak eta hura garatzen duen Errege Dekretuaren 148. eta 149. artikuluak.

3. Instalazio hori egiteko aurkeztutako proiektua onestea; Madrilen datatua da 2007ko urtarrilean eta Rafael Gutiérrez Partida industria ingeniariak sinatua. 12 hilabete eman zaizkio obrak burutzeko.

4. Enagas, S.A. enpresari onuradun izaera aitortzea desjabetze espedientean.

5. Ebazpen hau Enagas, S.A.ri (Paseo de los Olmos, 19, 28005 Madril) eta ukitutako ondasun eta eskubideen titularrei jakinaraztea eta ohartaraztea honen kontra, ez baitu bide administratiboa agortzen, gora jotzeko errekurtsoa jartzen ahal dutela, Berrikuntza, Enpresa eta Enplegu kontseilariari zuzendua, hilabeteko epean, jakinarazpena egin eta biharamunetik aurrera.

6. Ebazpen hau Irunberriko Udalari (Mayor, 48, 31440 Irunberri) jakinaraztea eta aditzera ematea honen kontra administrazioarekiko auzi-errekurtsoa jartzen ahal dela, eskumena duen ordena jurisdikzionalari zuzendua, honako hau jakinarazi eta biharamunetik hasita bi hilabeteko epean, alde batera utzi gabe Nafarroako Gobernuan aldez aurreko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legeko 44. artikuluan aurreikusitako moduan eta epean.

7. Ebazpen hau Nafarroako ALDIZKARI OFIZIALean argitaratzea, orok jakin dezan.

Iruñean, 2008ko apirilaren 2an.-Enpresa zuzendari nagusia, Begoña Urien Angulo.

Iragarkiaren kodea: F0805302