I. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
1172/2007 EBAZPENA, uztailaren 2koa, Osasunbidea-Nafarroako Osasun Zerbitzuko zuzendari kudeatzaileak emana. Honen bidez hein batean ebazten da, Osasunbidea-Nafarroako Osasun Zerbitzuaren menpeko hainbat zentrotan merezimendu lehiaketaren bidez 38 burutza betetzeko deialdia, osasun laguntzaz kanpoko atal eta unitateetakoak eta osasun laguntzako eta erizaintza unitateetakoak.
Osasunbidea-Nafarroako Osasun Zerbitzuko zuzendari kudeatzaileak maiatzaren 15ean emandako 928/2003 Ebazpenaren bidez onetsi zen Osasunbidea-Nafarroako Osasun Zerbitzuaren menpeko hainbat zentrotan merezimendu lehiaketaren bidez 38 burutza betetzeko deialdia, osasun laguntzaz kanpoko atal eta unitateetakoak eta osasun laguntzako eta erizaintza unitateetakoak.
Deialdia 2003ko ekainaren 11ko Nafarroako ALDIZKARI OFIZIALean argitaratu zen, 73. zenbakian.
Merezimendu lehiaketaldia bukatu, epaimahaiak merezimendu aktak igorri eta 2007ko urtarrilaren 10ean Nafarroako Auzitegi Nagusiko Administrazioarekiko Auzien Salak epaia emanda, bidezko da proba gainditu eta puntuazio handiena lortu duen izangaia izendatzea.
Osasunbidea-Nafarroako Osasun Zerbitzuaren Estatutuak onesten dituen uztailaren 3ko 45/2006 Foru Dekretuak eman dizkidan eginkizunak betez,
EBATZI DUT:
1. Proba gainditu eta puntuazio handiena lortu duen izangaia sei urterako izendatzea deialdiaren xede den lanpostu honetan aritzeko:
_Laguntza Espezializatuko Laborategiko Erizaintza Unitateko burutza (68147), María Eugenia Inza Elíari.
2. Interesdunari jakinaraztea hamar egun naturaleko epea izanen duela lanpostuaren jabetza hartzeko, lanpostua esleitzeko ebazpen hau jakinarazi edo argitaratzen denetik hasita.
3. Ebazpen hau Nafarroako ALDIZKARI OFIZIALean argitaratzea.
4. Ebazpen honen aurka gora jotzeko errekurtsoa jar daiteke, Lehendakaritza, Justizia eta Barne kontseilariari zuzendua, hilabeteko epean, errekurtsoaren xede den egintza argitaratu edo jakinarazi eta biharamunetik hasita, Nafarroako Foru Komunitateko Administrazioari buruzko abenduaren 3ko 15/2004 Foru Legeko 57.1 eta 2. c) artikuluan xedaturikoarekin bat.
5. Ebazpen honen berri ematea interesdunari, Osasunbidea-Nafarroako Osasun Zerbitzuko Anbulatorioen eta Ospitalez kanpoko Laguntzaren Zuzendaritzako Langileriaren Atalari, Langileriaren Kudeaketa, Sarrera eta Barne Igoerarako Zerbitzuko buruari, Nominen eta Gastu Kontrolaren Zerbitzuko buruari eta Osasun Departamentuko Idazkaritza Tekniko Nagusiari, behar diren ondorioak izan ditzan.
Iruñean, 2007ko uztailaren 2an._Osasunbidea-Nafarroako Osasun Zerbitzuko zuzendari kudeatzailea, José Carlos Garde Celigueta.
Iragarkiaren kodea: F0711000
