I. NAFARROAKO FORU KOMUNITATEA
1.3. BESTELAKO XEDAPENAK
1.3.5. Estatutuak eta lan hitzarmen kolektiboak
272/2007 EBAZPENA, martxoaren 27koa, Lan zuzendari nagusiak emana, "U.T.E. Recogida Basuras de Tudela" enpresaren lan hitzarmen kolektiboaren 2007ko soldaten berrikuspenari buruzko akordioa erregistratu, gorde eta Nafarroako ALDIZKARI OFIZIALean argitaratzea erabakitzen duena (espediente zenbakia: 34/2007).
Departamentu honetan 2007ko martxoaren 9an sartu da "U.T.E. Recogida Basuras de Tudela" enpresaren lan hitzarmen kolektiboaren 2007ko soldaten berrikuspenari buruzko akordioa, hitzarmen hartan itundutakoa betez negoziazio batzordeak izenpetu eta onetsia (hasierako espedientearen zenbakia: 77/2006).
Industria eta Teknologia, Merkataritza eta Lan Departamentuak bere esku du martxoaren 24ko 1/1995 Legegintzako Errege Dekretuaren 90. artikuluan aipatzen diren lan hitzarmen kolektiboak erregistratu, gorde eta argitaratzea, Lan zerbitzuak Estatuko Administraziotik Nafarroako Foru Komunitatera eskualdatzen dituen apirilaren 11ko 937/1986 Errege Dekretuaren arabera, eta kontuan izanik Hitzarmen kolektiboak erregistratu eta gordetzeari buruzko maiatzaren 22ko 1040/1981 Errege Dekretuan xedatutakoa.
Adierazitakoarekin bat, eta Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1 artikuluak ematen dizkidan eskurantzak erabiliz,
EBATZI DUT:
1. "U.T.E. Recogida Basuras de Tudela" enpresaren lan hitzarmen kolektiboaren 2007ko soldaten berrikuspenari buruzko akordioa erregistratzea (kodea: 3107582) Lan Hitzarmen eta Akordio Kolektiboak Erregistratu eta Gordetzeko Bulegoan horretarako bereziki prestaturik dagoen liburuan, eta bertako administrazio unitatean testua eta dokumentazioa gordetzea.
2. Ebazpen hau negoziazio batzordeari jakinaraztea eta adieraztea ebazpenak ez duela administrazio bidea agortzen eta honen aurka gora jotzeko errekurtsoa jartzen ahal duela Industria eta Teknologia, Merkataritza eta Lan kontseilariari zuzendua, jakinarazi eta biharamunetik hilabeteko epean.
3. Ebazpen hau Nafarroako ALDIZKARI OFIZIALean argitaratzea, orok jakin dezan.
Iruñean, 2007ko martxoaren 27an._Lan zuzendari nagusia, José María Roig Aldasoro.
"U.T.E. RECOGIDA DE BASURAS DE TUDELA" ENPRESAREN LAN HITZARMEN KOLEKTIBOAREN SOLDATEN BERRIKUSPENA
Bertaratuak:
Enpresaren aldetik:
Ignacio Eguiguren Tellechea, Carmelo Aguas Martínez, Patxi Beloki eta Isidro Alvarez Alvarez.
Enpresa batzordearen aldetik:
UGT: Ana Belén Saez de Benito, Javier Lapuerta eta Alberto Magallón.
Aholkularia: Vergara jn.
CCOO: Santiago Eneriz.
Aholkularia: Gorka Arias.
SOLDATEN TAULA BERRIKUSTEAREN AKTA
Tuteran, urtarrilaren 29ko 12:00etan, bazterrean aipatu diren pertsonak bildu dira, Fomento de Construcciones y Contratas S.A. enpresaren ordezkari eta Erriberako Mankomunitateko Hiri Hondakin Solidoen Bilketarako zentroetan eta Ontzien lantegian ari diren langileen ordezkari, lan hitzarmen kolektiboan itundutako baldintza ekonomikoak eguneratzeko asmoz, eta erabaki hauek hartu dituzte:
1. 2007. urteko soldaten taulak sinatzea, 2007ko urtarrilaren 1etik 2007ko abenduaren 31 arte aplikatuko direnak, indarra duen enpresa hitzarmenean itundutako soldata igoeren arabera, hots, 2006ko KPI erreala (%2,7) + %0,9, San Martin Porreskoaren eguneko paga izan ezik, eta udako pagan 65 euroko igoera osagarria.
2. Testu hau lan administrazioko agintaritzari igortzea Hitzarmenen Erregistro Orokorrean inskribatu eta Nafarroako ALDIZKARI OFIZIALean argitara dadin.
Eta jorratu beharreko beste gairik ez izanik, bilerari bukaera eman zaio eta akta hau egin da, eta bertaratu diren guztiek irakurri eta sinatu dute beren adostasunaren adierazgarri.
Tuteran, 2007ko urtarrilaren 29an.
Tuterako "U.T.E.-R.B.U." hitzarmeneko zenbatekoen aldaketa
10. artikulua. Igandeko lana: 44 euro
22. artikulua. Pizgarriak lan bereziengatik: 2,53 euro.
23. artikulua. Gabon gaueko eta urte zaharreko lana: 36,18 euro.
27. artikulua. Dietak: 48,90 euro dieta osoa, eta 18,81 euro dieta erdia.
41. artikulua. Erretiroko saria:
Erretiroa 60 urterekin eskatzen bada: 316,88 euro.
Erretiroa 61 urterekin eskatzen bada: 256,67 euro.
Erretiroa 62 urterekin eskatzen bada: 213,65 euro.
Erretiroa 63 urterekin eskatzen bada: 178,17 euro.
Erretiroa 64 urterekin eskatzen bada: 155,61 euro.
Erretiroa 65 urterekin eskatzen bada: 137,64 euro.
Tuteran, 2007ko urtarrilaren 29an.
I. ERANSKINA
2007. urteko soldaten taulak
1. URTEKO PEOIA 25,11 9,89 5,64 2,74 9,77 1.327,35 1.614,16 1.265,84 650,58 410,44 169,88 12,32 24,27 18.850,63
EGUNEKO PEOIA 26,17 10,31 5,87 2,85 0,00 1.383,10 1.715,48 1.319,00 678,19 410,44 177,02 12,84 25,29 19.658,65
GAUEKO PEOIA 26,17 10,31 5,87 2,85 9,77 1.536,52 1.837,79 1.441,43 737,34 397,12 217,00 15,60 31,01 22.867,55
EGUNEKO GIDARIA 29,36 10,23 6,14 2,85 0,00 1.644,40 1.728,49 1.333,00 666,04 383,43 194,12 13,89 27,72 21.030,22
GAUEKO GIDARIA 29,36 10,23 6,14 2,85 9,77 1.912,09 1.828,81 1.433,73 677,48 367,69 228,60 16,66 32,65 24.259,57
1. MAIL. MEKANIKARIA 29,36 11,85 7,77 2,85 0,00 1.648,86 1.728,49 1.333,00 668,90 387,80 194,12 13,89 27,72 21.961,66
ADMINISTRARI LAGUNT. 24,44 11,19 4,90 2,85 0,00 1.560,12 1.499,06 1.397,80 1.396,36 0,00 128,25 13,60 18,32 19.400,76
1. MAIL. ADM.-OF. 35,07 14,35 5,86 2,85 0,00 1.988,45 1.885,49 1.784,23 1.784,89 0,00 176,75 16,82 25,25 25.717,49
LANGILEZAINA 28,18 12,73 5,58 2,85 9,77 1.667,05 1.633,94 1.532,68 1.530,53 0,00 160,97 15,32 22,99 24.557,69
ARDURADUNA 37,19 25,17 7,15 2,85 9,77 2.154,04 2.111,48 2.010,22 2.010,10 0,00 173,30 16,49 24,77 30.697,60
Igoera: %3,60.
Igoera osagarria udako pagan: 65
Oharra: biribiltzeak mozkinen pagan egin dira.
Iragarkiaren kodea: F0705829
