Iragarkia

64. ALDIZKARIA - 2007ko maiatzaren 23a

I. NAFARROAKO FORU KOMUNITATEA

1.3. BESTELAKO XEDAPENAK

1.3.4. Dirulaguntzak eta bekak

87/2007 FORU AGINDUA, apirilaren 20koa, Vianako Printzea Erakundea-Kultura eta Turismo Departamentuko kontseilariak emana, museoentzako eta bilduma iraunkorrentzako laguntzak emateko hiru deialdiren oinarri arau-emaileak onetsi, haien kontzesiorako aurreikusitako gastua baimendu eta oinarriak Nafarroako ALDIZKARI OFIZIALean argitaratzea agintzen duena.

Kultura Zuzendaritza Nagusiak eskatu du museoentzako eta bilduma iraunkorrentzako laguntzak emateko hiru deialdiren oinarriak onets daitezela, haien kontzesiorako 520.073 euroko gastua baimen dadila eta oinarriak Nafarroako ALDIZKARI OFIZIALean argitara daitezela.

Horrenbestez, eta Nafarroako Gobernuari eta lehendakariari buruzko abenduaren 3ko 14/2004 Foru Legearen 40.1. artikuluan, e) atalean, ematen zaizkidan ahalmenak erabiliz,

AGINDU DUT:

1. Deialdi hauen oinarriak onestea:

a) 2007. urtean museoen eta bilduma museografiko iraunkorren funtzionamendurako dirulaguntzak emateko lehiaketa publikoa. Gehieneko dotazioa 133.000 eurokoa izanen da.

b) 2007. urtean museoen eta bilduma museografiko iraunkorren zabalkundeko jarduera eta ekintzetarako dirulaguntzak emateko lehiaketa publikoa. Gehieneko dotazioa 45.200 eurokoa izanen da.

c) 2007. urtean museoen eta bilduma museografiko iraunkorren inbertsioetarako dirulaguntzak emateko lehiaketa publikoa. Gehieneko dotazioa 341.873 eurokoa izanen da.

2. Dirulaguntzetan 520.073 euroko gastua baimentzea, 2007ko aurrekontuko kontusail hauen kontura:

A20003-A2310-4816-333100 "Museoentzako eta erakusketa iraunkorrentzako laguntzak", 178.200 euro.

A20003-A2310-7816-333100 "Museoentzako eta erakusketa iraunkorrentzako laguntzak", 341.873 euro.

3. Oinarriak Nafarroako ALDIZKARI OFIZIALean argitaratzea.

4. Foru agindu honen aurka gora jotzeko errekurtsoa aurkezten ahalko da, Nafarroako Gobernuari zuzendua, hilabeteko epean, argitara eman eta biharamunetik hasita.

Iruñean, 2007ko apirilaren 20an._Vianako Printzea Erakundea-Kultura eta Turismo Departamentuko kontseilaria, Juan Ramón Corpas Mauleón.

Nafarroako Gobernuko Vianako Printzea Erakundea-Kultura eta Turismo Departamentuak, Nafarroako museoen eta bilduma museografiko iraunkorren zabalkunderako jarduerak eta ekintzak laguntzeko asmoz, deialdi hau egin du, guztira 45.200 euroko kontsignazioa duena. Honako hauek dira oinarriak:

2007. URTEAN MUSEOEN ETA BILDUMA MUSEOGRAFIKO IRAUNKORREN ZABALKUNDEKO JARDUERA ETA EKINTZETARAKO DIRULAGUNTZAK EMATEKO DEIALDI PUBLIKOA

Foru agindu honetan aurreikusitako dirulaguntzek gehienez ere 45.200 euroko kopurua eginen dute, A20003 A2310 4816 333100 "Museoentzako eta erakusketa iraunkorrentzako laguntzak" kontusailaren kontura.

Diru kopuru horri eransten ahalko zaio, hala behar izanez gero, museoen eta bilduma museografiko iraunkorren funtzionamendurako dirulaguntzak emateko lehiaketa bukatu ondoren gelditzen den saldoa.

ERANSKINA

Oinarriak

1._Xedea.

1.1. Deialdi honen helburua da 2007. urtean Nafarroako Foru Komunitateko museoen eta bilduma museografiko iraunkorren zabalkundeko jarduera eta ekintzetarako dirulaguntzak ematea. Dirulaguntza horiek izan daitezke jada burutu diren proiektuetarako edo exekuzio fasean daudenetarako, 2007an hasitakoak badira, behintzat.

2._Hartzaileak.

Dirulaguntza hauek eskuratzen ahalko dituzte baldintza hauek betetzen dituzten toki entitateek eta pertsona fisiko edo juridikoek:

_Laguntzaren xede izanen den museoaren edo bilduma museografiko iraunkorraren titularra izatea. Museoak edo bildumak Nafarroan kokatua eta jendearentzat irekia behar du.

_Pertsona juridikoa izanez gero, eskaera aurkezten den egunean legez eratutako entitatea izatea.

_Onuradun izateko baldintzak betetzea, Dirulaguntzei buruzko azaroaren 9ko 11/2005 Foru Legean ezarritakoaren arabera. Horretarako, eskatzaileak 2. eranskinean ageri den erantzukizuneko aitorpena aurkeztu beharko du.

Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legeko hemezortzigarren xedapen gehigarriko 3. idatz-zatian aurreikusitakoaren ondorioetarako, eskaera aurkezteak berarekin dakar interesdunak organo kudeatzaileari baimena ematea Zerga Administrazioaren Estatuko Agentzian, Nafarroako Ogasun Publikoan eta Gizarte Segurantzaren Diruzaintzan tributu arloko betebeharrak eguneratuak izatearen ziurtagiria eska dezan.

Museoen edo bilduma museografiko iraunkorren titularrek ezin izanen dituzte laguntza hauek eskuratu, baldin eta Nafarroako 2007ko aurrekontu orokorretako kontusailik badute euren izenean.

3._Eskaerak aurkeztea.

3.1. Laguntzaren eskaerak, oinarri hauetako I. eranskinean ageri den ereduarekin bat, Vianako Printzea Erakundea-Kultura eta Turismo Departamentuan aurkeztuko dira, Iruñeko Navarrería kaleko 39an (31001 posta kodea), edo Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legeko 38.4 artikuluan aipatzen diren lekuetako edozeinetan.

Eskaera aurkeztuko da Vianako Printzea Erakundea-Kultura eta Turismo Departamentuko Kultur Ondarearen Zuzendaritza Nagusiko Museoen Zerbitzuari zuzendua, eta ohar modura jarriko da "Museoentzako eta bilduma museografiko iraunkorrentzako laguntzak emateko deialdia, 2007. urteko zabalkundeko jarduera eta ekintzetarako".

3.2. Bi museok edo bilduma museografiko iraunkorrek baino gehiagok jardueraren bat elkarrekin eta guztien onerako egiteko asmoa baldin badute, eskaera bakarra aurkeztuko da. Museo edo bilduma museografiko guztien titularrek 2. oinarrian adierazi baldintzak bete beharko dituzte.

Elkarlanean jarduten duten museoak edo bilduma museografiko iraunkorrak bi herri desberdinetan kokaturik badaude, Batzordeak kontuan hartuko du datu hori balorazioa egiterakoan, 5.3. oinarrian xedatzen den bezala.

3.3. Eskaerak aurkezteko epea hogei egun naturalekoa izanen da, deialdi hau Nafarroako ALDIZKARI OFIZIALean argitaratu eta biharamunetik hasita.

4._Agiriak.

4.1. Eskaerarekin batera (1. eranskina) agiri hauek aurkeztu beharko dira, jatorrizkoak edo kopia kautotuak:

a) 2. oinarrian xedatutakoa egiaztatzen duen agiria. Jendearentzako irekia edukitzeko ordutegiari buruzko erantzukizuneko aitorpena aurkeztuko du eskatzaileak, 2007. urteari dagokiona, astean eta urte-sasoietan gertatzen diren aldaketak eta bestelakoak zehaztuz.

b) Eskatzailearen NANa eta noren edo zeren izenean parte hartzen duen egiaztatzen duten agiriak.

c) Museoaren edo bilduma museografiko iraunkorraren eraketaren ziurtagiria.

d) Ondorengo datuak, bederen, dauzkan memoria: bildumaren deskribapena, hirugarrenek gordailu gisa utzitako piezen deskribapena eta gordailu horietarako baldintzak; eraikinaren eta bere instalazioen deskribapena eta haren guztiaren egungo egoera; langileak.

e) Museoaren edo bilduma museografiko iraunkorraren jardueraren memoria eta kontuak (gastuak eta dirusarrerak) , 2006. urteari dagozkionak.

f) Jardueren plana eta gastuen eta dirusarreren aurrekontua 2007. urterako. Entitate publikoek museorako edo bilduma museografiko iraunkorrerako diren kontusailen ziurtagiria aurkeztuko dute.

g) Jarduerarako laguntzen kasuan, laguntzaren xede den proiektuaren deskribapen xehekatua, aurrekontu zehaztua eta finantzaketa plana, bai eta museoaren edo bilduma museografiko iraunkorraren jardun-lerroen azalpena ere, eta aipatutako proiektua nola egokitzen zaion hari. Elkarlanean jarduten duten kasuan, 3.2 oinarrian aipatu bezala, proiektuaren aurrekontu osoa adieraziko da, bai eta erakunde bakoitzarena ere.

h) Proiektua aurrera eramateko beharrezkoak diren laguntzaile bakoitzaren adostasun agiria, adibidez, hizlariena, artistena, erakundeena, etab.

i) Museoak edo bilduma museografiko iraunkorrak proiekturako dituen laguntza edo dirulaguntzen berri ematen duen aitorpen esplizitua, edo, horrelakorik ez bada, inongo laguntzarik ez dela erabiltzen ari adierazten duen aitorpena. Horri dagokion laguntza eskaera aurkezterakoan, oraindik ere ebatzi gabeko beste laguntza eskaeraren bat baldin bada, hori ere aipatu beharko da.

3.2 oinarrian aipatzen den kasuan, eskaeran sartu beharko da bi museoetako bakoitzaren dokumentazioa.

Nafarroako Foru Komunitateko Administrazioari buruzko abenduaren 3ko 15/2004 Foru Legeko 9.4 artikuluari jarraikiz, eskatzaileak uste badu errekeritzen zaizkion agirietakoren bat lehendik Foru Administrazioak baduela, horixe bera adieraz dezake bere eskabidean.

4.2. Eskaerak aurreko atalean adierazitako baldintzak betetzen ez baditu, interesdunari horiek bete ditzala eskatuko zaio. Horretarako, hamar egun balioduneko epea emanen zaio, horiek betetzeko jakinarazi eta biharamunetik hasita. Eskatzaileak hala egiten ez badu, eskaerari uko egiten diola ulertuko da; hortaz, espedientea artxibatzeko ebazpena eman eta halaxe jakinaraziko zaio.

5._Tramitazioa.

5.1. Eskaerak Vianako Printzea Erakundea-Kultura eta Turismo Departamentuko Museoen Zerbitzuak tramitatuko ditu.

5.2. Batzorde batek baloratuko ditu aurkezten diren eskaerak eta behar den proposamena helaraziko dio Vianako Printzea Erakundea-Kultura eta Turismo kontseilariari, hogei egun naturaleko epean, zuzenketa fasean aurkezten den azkeneko agiria jasotzen denetik hasita. Batzordeburua Carmen Valdés Sagüés (Museoen Zerbitzuko zuzendaria) izanen da eta, batzordekideak, honako hauek: Susana Irigaray Soto (Museoen Zerbitzuko goi mailako teknikaria) eta Koldo Lasa Aristu (Nafarroako Kulturaren Kontseiluko Ondare Historikoaren Batzordeko kidea).

Beharrezkoa bada, Museoen Zerbitzuko zuzendariaren ordez, Miguel Angel Hurtado Alfaro (Nafarroako Museoaren Ataleko burua) ariko da; Susana Irigaray Sotoren ordez, Museoen Zerbitzuko goi mailako teknikari bat, eta, Koldo Lasa Aristuren ordez, José Luis Ramírez Sádaba (Nafarroako Kulturaren Kontseiluko Ondare Historikoaren Batzordeko kidea).

5.3. Jardueretarako aurkezten diren eskaeren balorazioa, gehienez ere, 100 puntu izanen da, eta laguntzaren zenbatekoa zehazteko, Batzordeak honako hauek hartuko ditu kontuan:

_Proiektuaren kalitatea eta nola egokitzen zaien museoaren edo bilduma museografiko iraunkorraren ezaugarriei, horien jardun-lerroei eta helburuei (%50).

_Museoak edo bilduma museografiko iraunkorrak kultur arloan egindako bidea (%30).

_Jarduerak Nafarroako Foru Komunitateko turismoaren eta kulturaren esparruan duen eragina (%10).

_Herri desberdinetan kokaturik dauden bi museoren edo bilduma museografiko iraunkorren arteko elkarlana (%10).

5.4. Batzordeak, erabakiak hobeki hartu ahal izateko, argibide gehiago eska dezake, baita eskatzailea bera agertzea ere.

5.5. Batzordeak, zer eskaera aurkezten diren ikusirik, behar duen aholkularitza teknikoa eskatzen ahalko du, bai Foru Administrazioan bertan bai kanpoko adituei. Hortik hartutako txostenak laguntzak ebazteko espedientean sartuko dira.

5.6. Ez dute inola ere laguntzarik jasoko 50 puntura iristen ez diren eskaerak, Balorazio Batzordeak deialdi honetako 5.3 oinarriari jarraikiz egindako balorazioaren arabera.

6._Ebazpena.

6.1. Laguntzak Vianako Printzea Erakundea-Kultura eta Turismo Departamentuko kontseilariaren foru agindu bitartez esleituko dira, eta hark deialdia osorik edo hein batean hutsik gelditu dela deklaratzen ahalko du, eskaerarik aurkezten ez bada edo eskatzaileek deialdi honetan ezarritako baldintzak betetzen ez badituzte. Foru agindu hau eskatzaile guztiei jakinaraziko zaie eta Vianako Printzea Erakundea-Kultura eta Turismo Departamentuko iragarki oholean paratuko da.

6.2. Laguntzaren zenbatekoa proiektuak lortzen duen puntuazioaren araberakoa izanen da, onartzen den aurrekontuaren %70ekoa edo 25.000 eurokoa gehienez ere.

Alabaina, horrela emandako laguntzak aurrekontuetako asignazio osora iristen ez badira, Batzordeak handitzen ahal du hondarra kopuru berdinetan edo portzentualetan banatuz, baina onartutako aurrekontuaren %70a gainditu gabe, betiere.

Laguntzaren azken likidazioa egiteko, laguntzaren kontzesioan aipatzen den ehunekoa aplikatuko zaie jarduera egin eta gero aurkeztutako gastuen agiriei.

6.3. Laguntzaren kontzesioa jakinarazi ondotik, dirulaguntzaren esleipen-hartzaileak idatziz adierazi beharko du zenbatekoarekin ados dagoela, jakinarazpena jaso eta hamar egun balioduneko epean, eta hitz emanen du diferentzia bere kontura ordainduko duela eta proiektua aurkeztu zuenean azaldu bezala mantenduko duela. Epe hori pasatu eta idatziz adostasuna adierazi ezean, laguntzari uko egiten diola ulertuko da.

Uko horiengatik eskuragai gelditzen den diru kopurua bidera daiteke, eskatutako gutxieneko puntuazioa lortu arren, diru aski izan ez eta hasieran laguntzarik gabe gelditu diren beste museoetara edo bilduma museografiko iraunkorretara. Museorik edo bilduma museografiko iraunkorrik ez badago egoera horretan, eskuragarri den saldoa funtzionamendurako laguntzen deialdira bidera daiteke, bai hasierako esleipenerako, bai eta eskatutako gutxieneko puntuazioa erdietsi arren diru aski izan ez eta hasieran laguntzarik gabe gelditu diren museoetarako edo bilduma museografiko iraunkorretarako ere.

6.4. Kultura Zuzendaritza Nagusiak laguntzak bi epetan ordainduko ditu.

Emandako laguntzaren %60 ordainduko da kontzesioaren unean bertan, aurrerakin gisara, aurreko puntuan ezarritakoa bete ondoren.

Nolanahi ere, aurrerakin horien ordainketa obligazio onartuei aurre egiteko aurreikusirik dauden funts likidoen egoeraren menpe egonen da. Hortaz, aurrerakinak Ekonomia eta Ogasun Departamentuak espresuki baimendu beharko ditu.

Jardueretarako laguntzen kasuan, gainerako %40a lanak bukatu ondoren ordainduko da, egindako jardueraren memoria eta gastuen ziurtagiriak aurkeztutakoan.

Ziurtagiri horiek jatorrizkoak edo, bestela, konpultsatutako fotokopiak izanen dira, 2007. urtekoak izan eta behar bezala beterik egon beharko dute, maiatzaren 17ko 205/2004 Foru Dekretuaren arabera, haren bidez onetsi baitzen fakturazio betebeharrak arautzen dituen Erregelamendua.

6.5. Proiektuko gastu guztiak justifikatu beharko dira. Laguntzaren portzentajea behar bezala justifikatutako gastu osoari aplikatuko zaio, esleipenean ezarritako gehieneko mugara iritsi gabe.

Jarduerak dirulaguntzaz gain berezko funtsekin edo bestelako dirulaguntza edo baliabideekin finantzatuak izan direnean, halaxe adierazi beharko da dirulaguntzen xede diren jardueretarako funts horien zenbatekoaren, jatorriaren eta aplikazioaren justifikazioan.

6.6. Dirulaguntzaren xede den gastuaren zenbatekoa 30.000 eurotik goitikoa bada, obraren exekuzioaren kostuaren kasuan, edo 12.000 eurotik goitikoa, aholkularitza edo laguntza enpresek ekipo ondasunak edo zerbitzuak ematen dituztenean, onuradunak frogatu beharko du hornitzailea eraginkortasun eta ekonomia irizpideei jarraituz hautatu dela, salbu eta dirulaguntzaren xede diren ezaugarrien berezitasuna dela-eta, merkatuan hornidura edo zerbitzua emateko behar adina enpresa ez badago, edo gastua egin bada dirulaguntza eskatu baino lehen. Zehaztasun horiek justifikatzeko, hiru aurrekontu gutxienez aurkeztu beharko dira.

6.7. Frogagiriak aurkezteko epea 2007ko abenduaren 10ean bukatuko da. Behin epe hori akituz gero, fakturarik aurkeztu ez bada, laguntzaren kontzesioa baliogabetua gertatuko da.

7._Onuradunen betebeharrak.

7.1. Hauek dira onuradunen beharkizunak:

a) Xedea betetzea, proiektua gauzatzea, jarduera egitea edo dirulaguntza horiek emateko oinarri izan den portaera izatea, dirulaguntzak ematerakoan Vianako Printzea Erakundea-Kultura eta Turismo Departamentuak emandako jarraibide teknikoei egokituz.

b) Vianako Printzea Erakundea-Kultura eta Turismo Departamentuaren aurrean honako hauek justifikatzea: jarduera egin egin dela eta laguntza hartzeko edo erabiltzeko eskatu diren baldintza guztiak betetzen direla, eta dirulaguntzaren helburua errespetatu dela.

c) Vianako Printzea Erakundea-Kultura eta Turismo Departamentuak eta kontrol organo eskudun nazionalek zein europarrek egiten ahal dituzten egiaztapen eta kontrol tekniko eta finantzarioko jarduerak onartzea, eta dirulaguntza eman duen organoak eskatzen duen informazioa eta dokumentazioa ematea, hala eskatuz gero.

d) Vianako Printzea Erakundea-Kultura eta Turismo Departamentuari jakinaraztea diruz lagundutako jarduera horiek finantzatzeko beste laguntza, dirusarrera edo baliabiderik lortu ote den. Egoera hori jakin bezain laster jakinaraziko da eta, betiere, jasotako dirua zertan erabili den justifikatu baino lehen.

e) Kultura Zuzendaritza Nagusiari jakinaraztea diruz lagundutako proiektuaren ezaugarrietako batean edo hura gauzatzean gerta daitekeen edozein aldaketa, eskaeran adierazitakoarekin alderatuta. Proiektuaren gaineko edozein aldaketak, aurretik, Kultura Zuzendaritza Nagusiaren adostasuna jaso beharko du.

f) Nafarroako Gobernuaren laguntza aipatzea diruz lagundutako proiektuan, instalazioetan edo ondasunean agerrarazi daitekeen moduan.

g) Dirulaguntzak ematen dituen ebazpenaren proposamena egiten den unean, Gizarte Segurantzarekiko betebeharrak eta zergen gainekoak eguneratuak izatea.

h) Jasotako diruaren erabilpenari buruzko frogagiriak gordetzea, agiri elektronikoak barne, egiaztatze eta kontrol lanak egin ahal izateko.

i) Dirulaguntzei buruzko azaroaren 9ko 11/2005 Foru Legean aurreikusitako kasuetan, hartutako dirulaguntzak itzultzea.

7.2. Vianako Printzea Erakundea-Kultura eta Turismo Departamentura ale bat edo kopia bat, dagokion euskarrian, bederen, eramatea, jarduerak horretarako bide ematen badu.

8._Bateragarritasuna beste dirulaguntza batzuekin.

Nafarroako Gobernuaren dirulaguntzarekin batera beste batzuk ere jaso daitezke, Foru Komunitateko Administrazioarenak edo beste administrazio publiko batzuenak izan, bestelako entitate pribatu edo publikoenak izan edo pertsona partikularrenak izan. Dirulaguntzen zenbatekoa ezin da inola ere izan, bakarrik edo beste dirulaguntza, laguntza, dirusarrera edo berezko baliabide batzuekin baturik, onuradunak egin beharreko jardueraren kostua baino handiagoa.

Beste entitate batzuetatik ere dirulaguntzarik edo laguntzarik hartuz gero, emaniko laguntza aldatuko da, laguntza guztien zenbatekoak diruz lagunduriko proiektuaren kostua gainditzen badu.

9._Itzulketa.

Itzulketa arloan, Dirulaguntzei buruzko azaroaren 9ko 11/2005 Foru Legearen 34. artikuluan eta hurrengoetan xedatutakoari jarraikiko zaio.

10._Arau-hausteak eta zehapenak.

Arau-hauste eta zehapenen arloan, Dirulaguntzei buruzko azaroaren 9ko 11/2005 Foru Legearen 42. artikuluan eta hurrengoetan xedatutakoari jarraikiko zaio.

Zehapen prozedura Nafarroako Foru Komunitateko Administrazioari buruzko abenduaren 3ko 15/2004 Foru Legean ezarritakoa izanen da.

11._Errekurtsoak.

Deialdi honen, bere oinarrien edo aplikazio-egintzen aurka gora jotzeko errekurtsoa jartzen ahal da, Nafarroako Gobernuari zuzendua, deialdia Nafarroako ALDIZKARI OFIZIALean argitara eman edo jakinarazi eta biharamunetik hilabeteko epean.

Toki entitateek administrazioarekiko auzi errekurtsoa aurkezten ahalko dute, bi hilabeteko epean, deusetan galarazi gabe aldez aurreko errekerimendua egiteko aukera, Administrazioarekiko Auzien Jurisdikzioa arautzen duen uztailaren 13ko 29/1998 Legeko 44. artikuluan ezarritako moduan eta epeetan.

Nafarroako Gobernuko Vianako Printzea Erakundea-Kultura eta Turismo Departamentuak, Nafarroako museoen eta bilduma museografiko iraunkorren funtzionamenduan laguntzeko asmoz, deialdi hau egin du, guztira 133.000 euroko kontsignazioa duena. Honako hauek dira oinarriak:

2007. URTEAN MUSEOEN ETA BILDUMA MUSEOGRAFIKO IRAUNKORREN FUNTZIONAMENDURAKO DIRULAGUNTZAK EMATEKO DEIALDI PUBLIKOA

Foru agindu honetan aurreikusitako dirulaguntzek gehienez ere 133.000 euroko kopurua eginen dute, A20003 A2310 4816 333100 "Museoentzako eta erakusketa iraunkorrentzako laguntzak" kontusailaren kontura.

Diru kopuru horri eransten ahalko zaio, hala behar izanez gero, museoen eta bilduma museografiko iraunkorren zabalkundeko jarduera eta ekintzetarako dirulaguntzak emateko lehiaketa bukatu ondoren gelditzen den saldoa.

ERANSKINA

Oinarriak

1._Xedea.

1.1. Deialdi honen helburua da 2007. urtean Nafarroako Foru Komunitateko museoen eta bilduma museografiko iraunkorren funtzionamendurako dirulaguntzak ematea.

1.2. Funtzionamendurako laguntzek 9.500 euroko kontsignazioa izanen dute.

Dirulaguntza handiagoa ematen ahalko da titulartasun pribatuko museoentzat edo bilduma museografiko iraunkorrentzat, baldin eta titularrak justifikatzen badu, bere eskaeran, premia larria duela, eta instalazio egokiak baditu, eta aurkezten badu dagokion toki erakundearen konpromiso irmoa, entitatearen funtzionamenduan ekonomikoki laguntzeko 2007. urtean. Osagarri hori ezin izanen da toki entitateak hitz emandako ekarpena baino handiagoa izan eta, ez da inondik ere 10.000 eurotik goitikoa izanen.

2._Hartzaileak.

Dirulaguntza hauek eskuratzen ahalko dituzte baldintza hauek betetzen dituzten toki entitateek eta pertsona fisiko edo juridikoek:

_Laguntzaren xede izanen den museoaren edo bilduma museografiko iraunkorraren titularra izatea. Museoak edo bildumak Nafarroan kokatua eta jendearentzat irekia behar du.

_Pertsona juridikoa izanez gero, eskaera aurkezten den egunean legez eratutako entitatea izatea.

Museoen edo bilduma museografiko iraunkorren titularrek ezin izanen dituzte laguntza hauek eskuratu, baldin eta Nafarroako 2007ko aurrekontu orokorretako kontusailik badute euren izenean.

3._Eskaerak aurkeztea.

3.1. Laguntza eskaerak, oinarri hauetako I. eranskinean ageri den ereduarekin bat, Vianako Printzea Erakundea-Kultura eta Turismo Departamentuan aurkeztuko dira, Iruñeko Navarrería kaleko 39an (31001 posta kodea), edo Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legeko 38.4 artikuluan aipatzen diren lekuetako edozeinetan.

Eskaera aurkeztuko da Vianako Printzea Erakundea-Kultura eta Turismo Departamentuko Kultur Ondarearen Zuzendaritza Nagusiko Museoen Zerbitzuari zuzendua, eta ohar modura jarriko da "Museoentzako eta bilduma museografiko iraunkorren funtzionamendurako laguntzak emateko deialdia, 2007. urterako".

3.2. Eskaerak aurkezteko epea hogei egun naturalekoa izanen da, deialdi hau Nafarroako ALDIZKARI OFIZIALean argitaratu eta biharamunetik hasita.

4._Agiriak.

4.1. Eskaerarekin batera (1. eranskina) agiri hauek aurkeztu beharko dira, jatorrizkoak edo kopia kautotuak:

b) Eskatzailearen NANa eta noren edo zeren izenean parte hartzen duen egiaztatzen duten agiriak.

c) Museoaren edo bilduma museografiko iraunkorraren eraketaren ziurtagiria.

e) Museoaren edo bilduma museografiko iraunkorraren jardueraren memoria eta kontuak (gastuak eta dirusarrerak) , 2006. urteari dagozkionak.

f) Jardueren plana eta gastuen eta dirusarreren aurrekontua 2007. urterako. Entitate publikoek museorako edo bilduma museografiko iraunkorrerako diren kontusailen ziurtagiria aurkeztuko dute.

g) Museoa edo bilduma museografiko iraunkorra ikusteko sarrerako tarifen ziurtagiria.

h) Laguntza horren beharrari buruzko memoria, ahalik eta zabalena, eta eskaera hori justifikatzeko eskatzaileari beharrezkoak iruditzen zaizkion xehetasun guztiak.

i) Baliatu nahi bada 1.2 oinarriko bigarren lerroaldean xedatutakoa, dirulaguntza handiagoa emateko espresuki egindako eskaera, premia larriaren arrazoia xehero justifikatuta, eta, horri erantsita, osoko bilkuran hartutako erabakia edo Alkatetzak emandako ebazpena, onartutako laguntza ekonomikoa zehaztu eta ziurtatzen duena.

j) Museoak edo bilduma museografiko iraunkorrak funtzionatzeko dituen laguntza edo dirulaguntzen berri ematen duen aitorpen esplizitua, edo, horrelakorik ez bada, inongo laguntzarik ez dela erabiltzen ari adierazten duen aitorpena. Horri dagokion laguntza eskaera aurkezterakoan, oraindik ere ebatzi gabeko beste laguntza eskaeraren bat baldin bada, hori ere aipatu beharko da.

5._Tramitazioa.

5.1. Eskaerak Vianako Printzea Erakundea-Kultura eta Turismo Departamentuko Museoen Zerbitzuak tramitatuko ditu.

5.3. Batzordeak honela baloratuko ditu eskaerak:

Lehenik eta behin, funtzionamendua bermatzeko egiazko premia ekonomikoa frogatzen duten museoen eta bilduma museografiko iraunkorren eskaerak baloratuko ditu. Laguntza eskuratuko dute 5.4 puntuko irizpideen arabera, 5.7 puntuan eskatzen den gutxieneko puntuazioa lortu dutenek, deialdiko dotazioak horretarako bide ematen duen heinean.

Bigarrenez, dirurik aski izanez gero, Batzordeak gainerako eskaerak baloratuko ditu, funtzionamendurako baliabide ekonomiko aski baldin badute ere. Baloratzerakoan kontuan hartuko dira 5.4 eta 5.7 puntuetako irizpide berberak.

5.4. Funtzionamendurako aurkezten diren eskaeren balorazioa, gehienez ere, 100 puntu izanen da, eta laguntzaren zenbatekoa zehazteko, 1.2 oinarrian ezarritakoaren arabera, Batzordeak honako hauek hartuko ditu kontuan:

_Museoko bildumen edo bilduma museografiko iraunkorraren kultur balioa, bai eta haiek biltzen diren eraikinarena, eta erakusketaren kalitatea (%40).

_Museoak edo bilduma museografiko iraunkorrak kultur arloan egindako bidea (%30).

_Museoak edo bilduma museografiko iraunkorrak Nafarroako Foru Komunitateko turismoaren eta kulturaren esparruan duen eragina (%30).

5.5. Batzordeak, erabakiak hobeki hartu ahal izateko, argibide gehiago eska dezake, baita eskatzailea bera agertzea ere.

5.6. Batzordeak, zer eskaera aurkezten diren ikusirik, behar duen aholkularitza teknikoa eskatzen ahalko du, bai Foru Administrazioan bertan bai kanpoko adituena. Hortik hartutako txostenak laguntzak ebazteko espedientean sartuko dira.

5.7. Ez dute inola ere laguntzarik jasoko 50 puntura iristen ez diren eskaerak, Balorazio Batzordeak deialdi honetako 5.4 oinarriari jarraikiz egindako balorazioaren arabera.

5.8. Balorazio Batzordeak proposamena igorriko dio Museoen Zerbitzuari. Horrek, onuradunek baldintza guztiak betetzen dituztela frogatzen duen agiriarekin batera, Vianako Printzea Erakundea-Kultura eta Turismo Departamentuko kontseilariari igorriko dio proposamena.

6._Ebazpena.

6.2. Laguntzaren kontzesioa jakinarazi ondotik, dirulaguntzaren esleipen-hartzaileak idatziz adierazi beharko du zenbatekoarekin ados dagoela, jakinarazpena jaso eta hamar egun balioduneko epean, diferentzia bere kontura ordainduko duela eta proiektua, hala jarduera bat bada nola museoaren edo bilduma museografiko iraunkorraren mantentze-lana, aurkeztu zuenean azaldu bezala mantenduko duela. Epe hori pasatu eta idatziz adostasuna adierazi ezean, laguntzari uko egiten diotela ulertuko da.

6.3. Uko horiengatik eskuragai gelditzen den diru kopurua bidera daiteke, eskatutako gutxieneko puntuazioa lortu arren, diru aski izan ez eta hasieran laguntzarik gabe gelditu diren beste museoetara edo bilduma museografiko iraunkorretara. Museorik edo bilduma museografikorik ez badago egoera horretan, eskuragarri den saldoa zabalkundeko jarduera eta ekintzetarako laguntzen deialdira bidera daiteke, bai hasierako esleipenerako, bai eta eskatutako gutxieneko puntuazioa erdietsi arren diru aski izan ez eta hasieran laguntzarik gabe gelditu diren museoetarako edo bilduma museografiko iraunkorretarako ere.

6.4. Kultura Zuzendaritza Nagusiak laguntzak bi epetan ordainduko ditu.

Emandako laguntzaren %60 ordainduko da kontzesioaren unean bertan, aurrerakin gisara, aurreko puntuan ezarritakoa bete ondoren.

Gainerako %40 lanak bukatu ondoren ordainduko da, egindako jardueraren memoria eta gastuen ziurtagiriak aurkeztutakoan.

6.5. Dirulaguntza arrazoitzen duten helburu, proiektu, jarduera edo jokabidearen gastu guztiak justifikatuko dira.

6.7. Frogagiriak aurkezteko epea 2007ko abenduaren 10ean bukatuko da. Behin epe hori akituz gero, fakturarik aurkeztu ez bada, laguntzaren kontzesioa baliogabetua gertatuko da. Baldintza hau betetzeko, funtzionamenduko gastuak azaroaren 30erako justifikatuko dira eta norberaren erantzukizuneko aitorpena erantsiko da, kontzeptuen zerrenda eta ordaintzeko gelditzen diren zenbatekoak aipatzen dituena.

7._Onuradunen betebeharrak.

7.1. Hauek dira onuradunen beharkizunak:

f) Nafarroako Gobernuaren laguntza aipatzea diruz lagundutako proiektuan, instalazioetan edo ondasunean agerrarazi daitekeen moduan.

g) Dirulaguntzak ematen dituen ebazpenaren proposamena egiten den unean, Gizarte Segurantzarekiko betebeharrak eta zergen gainekoak eguneratuak izatea.

h) Jasotako diruaren erabilpenari buruzko frogagiriak gordetzea, agiri elektronikoak barne, egiaztatze eta kontrol lanak egin ahal izateko.

i) Dirulaguntzei buruzko azaroaren 9ko 11/2005 Foru Legean aurreikusitako kasuetan, hartutako dirulaguntzak itzultzea.

8._Bateragarritasuna beste dirulaguntza batzuekin.

Beste entitate batzuetatik ere dirulaguntzarik edo laguntzarik hartuz gero, emaniko laguntza aldatuko da, laguntza guztien zenbatekoak diruz lagunduriko proiektuaren kostua gainditzen badu.

9._Itzulketa.

Itzulketa arloan, Dirulaguntzei buruzko azaroaren 9ko 11/2005 Foru Legearen 34. artikuluan eta hurrengoetan xedatutakoari jarraikiko zaio.

10._Arau-hausteak eta zehapenak.

Arau-hauste eta zehapenen arloan, Dirulaguntzei buruzko azaroaren 9ko 11/2005 Foru Legearen 42. artikuluan eta hurrengoetan xedatutakoari jarraikiko zaio.

Zehapen prozedura Nafarroako Foru Komunitateko Administrazioari buruzko abenduaren 3ko 15/2004 Foru Legean ezarritakoa izanen da.

11._Errekurtsoak.

Nafarroako Gobernuko Vianako Printzea Erakundea-Kultura eta Turismo Departamentuak, Nafarroako museoetan eta bilduma museografiko iraunkorretan hobekuntzak sustatzeko asmoz, deialdi hau egin du, guztira 341.873 euroko kontsignazioa duena. Honako hauek dira oinarriak:

2007. URTEAN MUSEOEN ETA BILDUMA MUSEOGRAFIKO IRAUNKORREN INBERTSIOETARAKO DIRULAGUNTZAK EMATEKO DEIALDI PUBLIKOA

Foru agindu honetan aurreikusitako dirulaguntzek gehienez ere 341.873 euroko kopurua eginen dute, A20003 A2310 7816 333100 "Museoen eta erakusketa museografiko iraunkorren sarearentzako laguntzak" kontusailaren kontura.

ERANSKINA

Oinarriak

1._Xedea.

Deialdi honen helburua da 2007. urtean Nafarroako Foru Komunitateko museoen eta bilduma museografiko iraunkorren hobekuntzetarako eta inbertsioetarako dirulaguntzak ematea, jarraian ezartzen denari jarraikiz. Dirulaguntza horiek izan daitezke jada burutu diren proiektuetarako edo exekuzio fasean daudenetarako, 2007an hasitakoak badira, behintzat.

Deialdi honetan lehentasuna emanen zaie bildumen identifikazioa, segurtasuna eta kontserbazioa hobetzeko xedez aurkezten diren eskaerei:

_Inbentarioa eta katalogazioa.

_Segurtasun sistemak eta xede horrekin hartutako bestelako neurri batzuk.

_Eraikinean edo bere instalazioetan egindako hobekuntzak, bilduma behar bezala kontserbatzeko beharrezkoak direnak.

_Argiztapen sistema aldatu edo ordezkatzea.

_Museoaren edo bilduma museografiko iraunkorraren ondasun higigarriak zaindu eta zaharberritzeko tratamenduak.

Kultura Zuzendaritza Nagusiaren aburuz, aurreko alderdi horiek erabat konponduak dituzten museoen eta bilduma museografiko iraunkorren kasuan, kontuan hartu ahalko dira bestelako xedeetarako aurkezten diren eskaerak, baldin eta balorazio fasean eskatutako gutxieneko puntuazioa atera duten gainerako eskaerei erantzuteko adinako dirua badago.

2._Hartzaileak.

Dirulaguntza hauek eskuratzen ahalko dituzte baldintza hauek betetzen dituzten toki entitateek eta pertsona fisiko edo juridikoek:

_Laguntzaren xede izanen den museoaren edo bilduma museografiko iraunkorraren titularra izatea. Museoak edo bildumak Nafarroan kokatua eta jendearentzat irekia behar du.

_Pertsona juridikoa izanez gero, eskaera aurkezten den egunean legez eratutako entitatea izatea.

Museoen edo bilduma museografiko iraunkorren titularrek ezin izanen dituzte laguntza hauek eskuratu, baldin eta Nafarroako 2007ko Aurrekontu Orokorretan inbertsioetarako kontusailik badute euren izenean.

3._Eskaerak aurkeztea.

Laguntza eskaerak, oinarri hauetako I. eranskinean ageri den ereduarekin bat, Vianako Printzea Erakundea-Kultura eta Turismo Departamentuan aurkeztuko dira, Iruñeko Navarrería kaleko 39an (31001 posta kodea), edo Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legeko 38.4 artikuluan aipatzen diren lekuetako edozeinetan.

Eskaera aurkeztuko da Vianako Printzea Erakundea-Kultura eta Turismo Departamentuko Kultur Ondarearen Zuzendaritza Nagusiko Museoen Zerbitzuari zuzendua, eta ohar modura jarriko da "Museo eta bilduma museografiko iraunkorren inbertsioetarako dirulaguntzak emateko deialdia, 2007. urterako".

Eskaerak aurkezteko epea hogeita hamar egun naturalekoa izanen da, deialdi hau Nafarroako ALDIZKARI OFIZIALean argitaratu eta biharamunetik hasita.

4._Agiriak.

4.1. Eskaerarekin batera (1. eranskina) agiri hauek aurkeztu beharko dira, jatorrizkoak edo kopia kautotuak:

a) 2. oinarrian eskatutakoaren frogagiriak. Eskatzailea jabea ez bada, jabearen adostasuna ere aurkeztu beharko du. Jendearentzako irekia edukitzeko ordutegiari buruzko erantzukizuneko aitorpena aurkeztuko du eskatzaileak, 2007. urteari dagokiona, astean eta urte-sasoietan gertatzen diren aldaketak eta bestelakoak zehaztuz.

b) Eskatzailearen NANa eta noren edo zeren izenean parte hartzen duen egiaztatzen duten agiriak.

c) Museoaren edo bilduma museografiko iraunkorraren eraketaren ziurtagiria.

d) Baldin eta laguntza zuzenean eraikinerako bada, eraikin hori museoa edo bilduma museografiko iraunkorra, dirulaguntza hartzen duena, bertan kokatzeko bereizia izan dela egiaztatzen duen agiria.

e) Eraikinak zaindu eta zaharberritzeko tratamenduen kasuan, tratamendua jasoko duen ondasun hori museoarena edo bilduma museografiko iraunkorrarena dela egiaztatzen duen agiria.

f) Laguntzaren xede den proiektuaren memoria zehatza, gutxienez, hauek barnean hartuko dituena: egoeraren deskribapena, beharrezkotzat jotzen diren agiri grafiko eta fotografikoen bidez azalduko dena, esku-hartze proiektua, hura eginen duten langileak, aurrekontua eta egiteko epeak. Eraikinak zaindu eta zaharberritzeko tratamenduen kasuan, memoriak datu hauek jaso beharko ditu, gutxienez: ondasunaren eta haren kontserbazio egoeraren deskribapena, esku-hartze proiektua, esku hartzeko irizpideak, parte hartuko duten langileak, aurrekontua eta egiteko epeak.

g) Inbertsio horren beharrari buruzko memoria, ahalik eta zabalena, eta eskaera hori justifikatzeko eskatzaileari beharrezkoak iruditzen zaizkion xehetasun guztiak.

h) Proiektuaren gastuen aurrekontu zehatza, BEZa barne. Zenbateko osoa eskatzen den adieraziko da edo, horrela ez izatera, zein zenbateko eskatzen den, laguntzarekin zer egin nahi den eta gainerako gastuak nola finantzatuko diren argi azalduz.

i) Eskatzailea toki entitate bat bada, idazkariak egindako ziurtagiria, eskatzen den dirulaguntzaren xede den inbertsioa egitea onesteko toki entitateak hartu zuen erabakiarena. Gainerako kasuetan, eskatzen den dirulaguntzaren xede den inbertsioa egitea onesteko organo eskudunak hartutako erabakiaren ziurtagiria.

j) Museoaren edo bilduma museografiko iraunkorraren jardueraren memoria eta kontuak (gastuak eta dirusarrerak) , 2006. urteari dagozkionak.

k) Proiektuak dituen laguntza edo dirulaguntzen berri ematen duen aitorpen esplizitua, edo, horrelakorik ez bada, inongo laguntzarik ez dela erabiltzen ari adierazten duen aitorpena. Horri dagokion laguntza eskaera aurkezterakoan, oraindik ere ebatzi gabeko beste laguntza eskaeraren bat baldin bada, hori ere aipatu beharko da.

5._Tramitazioa.

5.1. Eskaerak Vianako Printzea Erakundea-Kultura eta Turismo Departamentuko Museoen Zerbitzuak tramitatuko ditu.

5.2. Batzorde batek baloratuko ditu aurkezten diren eskaerak eta behar den proposamena helaraziko dio Vianako Printzea Erakundea-Kultura eta Turismo kontseilariari, hogei egun naturaleko epean, zuzenketa fasean aurkezten den azkeneko agiria jasotzen denetik hasita. Batzordeburua Carmen Valdés Sagüés (Museoen Zerbitzuko zuzendaria) izanen da eta, batzordekideak, honako hauek: Javier Sancho Domingo (Arkitektura Ondarearen Ataleko burua), Alicia Ancho Villanueva (Ondasun Higigarrien eta Arkeologiaren Ataleko goi mailako teknikari zaharberritzailea) eta Koldo Lasa Aristu (Nafarroako Kulturaren Kontseiluko Ondare Historikoaren Batzordeko kidea).

Beharrezkoa bada, Museoen Zerbitzuko zuzendariaren ordez, Miguel Angel Hurtado Alfaro (Nafarroako Museoaren Ataleko burua) arituko da; Javier Sancho Domingoren ordez, José Luis Franchez Apezetxea (Arkitektura Ondarearen Ataleko arkitektoa); Alicia Ancho Villanuevaren ordez, Mercedes Jover Hernando (Ondasun Higigarrien Bulegoko burua); Koldo Lasa Aristuren ordez, José Luis Ramírez Sádaba (Nafarroako Kulturaren Kontseiluko Ondare Historikoaren Batzordeko kidea).

5.3. Jardueretarako aurkezten diren eskaeren balorazioa, gehienez ere, 100 puntu izanen da, eta laguntzaren zenbatekoa zehazteko, Batzordeak honako hauek hartuko ditu kontuan:

a) Eskaera nola egokitzen zaien eskaera egiten duen museoaren edo bilduma museografiko iraunkorraren beharrei eta ezaugarriei (%50). Eraikinak zaindu eta zaharberritzeko tratamenduen kasuan, atal horren erdia irizpide hauei jarraikiz emanen da: ondasunaren balio historiko-artistikoa, 7 puntu gehienez; kontserbazio egoera, 12 puntu gehienez; esku-hartzearen gaineko memoria, erabili beharreko metodologia, ekipoa, antolakuntza eta lana egiteko aurreikusitako epeak, 6 puntu gehienez.

b) Museoak edo bilduma museografiko iraunkorrak kultur arloan egindako bidea (%30).

c) Museoak edo bilduma museografiko iraunkorrak Nafarroako Foru Komunitateko turismoaren eta kulturaren esparruan duen eragina (%20).

5.4. Batzordeak, erabakiak hobeki hartu ahal izateko, argibide gehiago eska dezake, baita eskatzailea bera agertzea ere.

5.6. Ez dute inola ere laguntzarik hartuko deialdi honetako 5.3. oinarrian ezarritako puntuaziotik %50era iristen ez direnek.

5.7. Ondasun higigarriak zaindu eta zaharberritzeko tratamenduetarako eskaerek ez dute inola ere laguntzarik jasoko, haien kontserbaziorako kaltegarria den eraikin batean edo instalazioetan dauden bitartean.

6._Ebazpena.

6.2. Onartzen den aurrekontuaren %100 emanen da edo, bestela, eskatutako zenbatekoa, baldin eta gutxiago bada, salbu eta eraikinak zaindu eta zaharberritzeko tratamenduetarako; kasu horietan, organo eskudunak kasuan kasu erabakitzen duen laguntza emanen da, eskaera horietarako 5.3 a) puntuan ezarritako irizpideekin bat, eta laguntza hori ez da inola ere onartzen den aurrekontuaren %70 baino handiagoa izanen.

Laguntza emateko orduan, baloraziotik ondorioztaturiko lehentasun-ordenari jarraituko zaio, deialdiko aurrekontuko asignazio osoa agortu arte.

6.3. Laguntzaren azken likidazioa egiteko, laguntzaren kontzesioan aipatzen den ehunekoa aplikatuko zaie inbertsioa egin eta gero aurkeztutako gastuen agiriei.

6.4. Laguntzaren kontzesioa jakinarazi ondotik, dirulaguntzaren esleipen-hartzaileak idatziz adierazi beharko du zenbatekoarekin ados dagoela, jakinarazpena jaso eta hamabost egun naturaleko epean, eta hitz emanen du diferentzia bere kontura ordainduko duela eta proiektua aurkeztu zuenean azaldu bezala mantenduko duela. Epe hori pasatu eta idatziz adostasuna adierazi ezean, laguntzari uko egiten diola ulertuko da.

Dirulaguntza eman izanaren jakinarazpena jaso eta ondorengo hilabetean hasiko dira lanak. Berehala jakinaraziko da, idatziz, lanak hasi direla. Emandako epean lanak hasi ez badira, laguntzari uko egin zaiola ulertuko da.

Aipatu kasuetatik edozeinetan, uko horiengatik eskuragai gelditzen den diru kopurua bidera daiteke, eskatutako gutxieneko puntuazioa lortu arren, diru aski izan ez eta hasieran laguntzarik gabe gelditu diren beste museoetara edo bilduma museografiko iraunkorretara. Horretarako, Kultura Zuzendaritza Nagusiak eta esleipen-hartzaile berriak adostu beharko dituzte proiektuan egin beharreko aldaketak, ezarritako epean egin ahal izateko.

6.5. Kultura Zuzendaritza Nagusiak laguntzak bi epetan ordainduko ditu.

Emandako laguntzaren %60 ordainduko da, lanen hasieraren jakinarazpena jaso ondoren, aurrerakin gisara, aurreko puntuan ezarritakoa bete ondoren. Bermea nahitaez ezarri beharko da, aurrerakina 60.000 eurotik goitikoa bada, onuraduna administrazio publiko bat edo sektore publikoko entitate bat denean izan ezik.

Nolanahi ere, dirulaguntza aurrerakin horien ordainketa obligazio onartuei aurre egiteko aurreikusirik dauden funts likidoen egoeraren menpe egonen da. Hortaz, aurrerakinak Ekonomia eta Ogasun Departamentuak espresuki baimendu beharko ditu.

Gainerako %40a ordainduko da lanak bukatzean edo hornidurak entregatzean, aldez aurretik aurkeztuta egindako lanen ziurtagiria, haien nolakotasunak horretarako aukera ematen badu, edo, bestela, onuradunaren idatzizko aitorpena, bukatu izanaren eta ados egonarena, eta haiei dagozkien gastuen frogagiriak. Ziurtagiri horiek jatorrizkoak edo, bestela, konpultsatutako fotokopiak izanen dira, 2007. urtekoak izan eta behar bezala beterik egon beharko dute, maiatzaren 17ko 205/2004 Foru Dekretuaren arabera, haren bidez onetsi baitzen fakturazio betebeharrak arautzen dituen Erregelamendua.

6.6. Proiektuko gastu guztiak justifikatu beharko dira. Laguntzaren portzentajea behar bezala justifikatutako gastu osoari aplikatuko zaio, esleipenean ezarritako gehieneko mugara iritsi gabe.

6.7. Dirulaguntzaren xede den gastuaren zenbatekoa 30.000 eurotik goitikoa bada, obraren exekuzioaren kostuaren kasuan, edo 12.000 eurotik goitikoa, aholkularitza edo laguntza enpresek ekipo ondasunak edo zerbitzuak ematen dituztenean, onuradunak frogatu beharko du hornitzailea eraginkortasun eta ekonomia irizpideei jarraituz hautatu dela, salbu eta dirulaguntzaren xede diren ezaugarrien berezitasuna dela-eta, merkatuan hornidura edo zerbitzua emateko behar adina enpresa ez badago, edo gastua egin bada dirulaguntza eskatu baino lehen. Zehaztasun horiek justifikatzeko, hiru aurrekontu aurkeztu beharko dira, gutxienez.

6.8. Frogagiriak aurkezteko epea 2007ko abenduaren 1ean bukatuko da. Behin epe hori akituz gero, fakturarik aurkeztu ez bada, laguntzaren kontzesioa baliogabetua gertatuko da.

7._Onuradunen betebeharrak.

7.1. Hauek dira onuradunen beharkizunak:

f) Diruz lagundutako jarduketak Nafarroako Gobernuaren laguntzaz egiten direla aipatzea, baldin eta inbertsioaren nolakotasunak horretarako aukera ematen badu.

g) Dirulaguntzak ematen dituen ebazpenaren proposamena egiten den unean, Gizarte Segurantzarekiko betebeharrak eta zergen gainekoak eguneratuak izatea.

h) Jasotako diruaren erabilpenari buruzko frogagiriak gordetzea, agiri elektronikoak barne, egiaztatze eta kontrol lanak egin ahal izateko.

i) Hartutako dirulaguntzak itzultzea, Dirulaguntzei buruzko azaroaren 9ko 11/2005 Foru Legean aurreikusitako kasuetan.

7.2. Inbentario lanetarako laguntzen kasuan, kopia bat entregatu beharko zaio Vianako Printzea Erakundea-Kultura eta Turismo Departamentuari.

Azkeneko azterlana edo txostena duten proiektuentzako laguntzen kasuan, kopia bat entregatu beharko zaio Vianako Printzea Erakundea-Kultura eta Turismo Departamentuari.

7.3. Dirulaguntza erabiltzen bada ondasun inbentariagarriak erosteko, eraikitzeko, zaharberritzeko eta hobetzeko, dirulaguntza zein helburu konkretutarako eman zitzaion, hartantxe erabili beharko ditu ondasunok onuradunak, gutxienez zazpi urtez, ondasun horiek erregistro publiko batean inskribatu beharrekoak badira, eta bi urtez gutxienez, gainerako ondasunen kasuan.

Erregistro publiko batean erregistratu beharreko ondasunak izanez gero, gorabehera hori eta harturiko dirulaguntzaren zenbatekoa eskrituran adieraziko dira, bai eta emandako dirulaguntza ere. Zehaztasun horiek egoki den erregistro publikoan inskribatuko dira.

8._Bateragarritasuna beste dirulaguntza batzuekin.

Nafarroako Gobernuaren dirulaguntzarekin batera beste batzuk ere jaso daitezke, Foru Komunitateko Administrazioarenak edo beste administrazio publiko batzuenak izan, bestelako entitate pribatu edo publikoenak izan edo pertsona partikularrenak izan. Dirulaguntzen zenbatekoa ezin izanen da inola ere izan, bakarrik edo beste dirulaguntza, laguntza, dirusarrera edo berezko baliabide batzuekin baturik, onuradunak egin beharreko jardueraren kostua baino handiagoa.

Beste entitate batzuetatik ere dirulaguntzarik edo laguntzarik hartuz gero, emaniko laguntza aldatuko da, laguntza guztien zenbatekoak diruz lagunduriko proiektuaren kostua gainditzen badu.

9._Itzulketa.

Itzulketa arloan, Dirulaguntzei buruzko azaroaren 9ko 11/2005 Foru Legearen 34. artikuluan eta hurrengoetan xedatutakoari jarraikiko zaio.

10._Arau-hausteak eta zehapenak.

Arau-hauste eta zehapenen arloan, Dirulaguntzei buruzko azaroaren 9ko 11/2005 Foru Legearen 42. artikuluan eta hurrengoetan xedatutakoari jarraikiko zaio.

Zehapen prozedura Nafarroako Foru Komunitateko Administrazioari buruzko abenduaren 3ko 15/2004 Foru Legean ezarritakoa izanen da.

11._Errekurtsoak.

1. ERANSKINA

Eskaera

Izena: .............................................., NAN/IFZa: ................., bizitokia (herria, kalea, posta kodea): ..............................., telefonoa: ......................, bere izenean edo ondoko honen izenean (bidezko ez dena ezabatu): ....................., NAN/IFZa: ..............., bizitokia (herria, kalea, posta kodea): ............................................. telefonoa: .................., museo eta bilduma museografiko iraunkorren 2007ko ........................................ dirulaguntzaren eskabidea aurkeztu du, ...................aren .......(e)ko ............../2007 Foru Aginduaren bidez onetsitako oinarriei jarraikiz (..2007ko ........... aren ...........eko Nafarroako ALDIZKARI OFIZIALean argitaratua, ...........zk.).

Eta, arau horietan aurreikusitakoarekin bat:

1. Ondoko atal hauetan aipatzen diren agiriak aurkezten ditut: 4.1 oinarriko a), b), c), d), e), f), g), h), i), j) eta k).

2. Eskaera aurkezteak berarekin dakar interesdunak organo kudeatzaileari baimena ematea Zerga Administrazioaren Estatuko Agentziak, Nafarroako Zerga Ogasunak eta Gizarte Segurantzaren Diruzaintzak luzatu beharreko ziurtagiriak eskatzeko.

...........................(e)n, 2007ko .................aren ....(e)an.

(Sinadura)

2. ERANSKINA

...................................................... jaun/andreak, .................... kargua duenak, ..................................(a)ren izenean eta hura ordezkatuz, ........................................... museorako dirulaguntza-eskaerari dagokionez,

Erantzukizuna nire gain hartuz, eskaera-egilearen izenean deklaratzen dut:

a) Epai irmo baten bidez ez dela kondenatua izan dirulaguntzak edo laguntza publikoak jasotzeko aukera galtzera.

b) Ez duela lehiaketa baten deklarazioa eskatu, ezein prozeduratan ez dela kaudimengabea deklaratua izan, ez dagoela lehiaketa baten partaide gisa deklaratua, kontu-hartze judizialaren menpe ez dagoela eta, Lehiaketei buruzko Legearen arabera, lehiaketa kalifikatzen duen epaian finkatutako ezgaitasun aldian egoteagatik ez dagoela ezgaitua ere.

c) Errudun deklaratua izatearen ondorioz, Administrazioarekin sinatutako ezein kontraturen suntsiarazpen irmorik ez dela izan.

d) Hauetakoak (markatu behar den laukitxoa):

f Pertsona fisikoa.

f Administratzaileak, merkataritzako sozietateen kasuan.

f Legezko ordezkariak, beste pertsona juridiko batzuen kasuan.

Ez daudela indarreko araudian ezarritako bateraezintasuneko kasuetan.

e) Zergei buruzko betebeharrak, Nafarroako Foru Komunitateko Administrazioaren eta haren erakunde autonomoen aldeko zorrak ordaintzeari buruzkoak, eguneratuak dituela.

f) Egoitza fiskala ez duela erregelamenduz paradisu fiskaltzat kalifikatutako herrialde edo lurralde batean.

g) Epai irmo baten bidez ez dela zehatua izan dirulaguntzak jasotzeko aukera galtzera, Dirulaguntzei buruzko irailaren 9ko 11/2005 Foru Legean ezarritakoaren edo tributuei buruzko legeria orokorraren arabera.

.....................(e)n, 2007ko ................aren ....(e)an.

Sinatua: ...................

Iragarkiaren kodea: F0706764

Sarbidea

Loturiko estekak

Nafarroako Aldizkari Ofiziala

Paseo Pablo Sarasate, 38, 2.º izda.

31001 - Iruña

848 42 12 50

bon@navarra.es