Iragarkia

22. ALDIZKARIA - 2007ko otsailaren 19a

I. NAFARROAKO FORU KOMUNITATEA

1.2. AGINTARIAK ETA LANGILEAK

1.2.2. Plantilla Organikoa, Lan Eskaintza Publikoa, oposizioak eta lehiaketak

DEIALDIA, Funtzio Publikoaren zuzendari nagusiak otsailaren 5eko 332/2007 Ebazpenaren bitartez onetsia, Nafarroako Foru Komunitateko Administrazioaren eta haren erakunde autonomoen zerbitzuko suhiltzaileen sarjentu izateko 12 lanpostu, lekualdatze lehiaketa egin ondotik aterako direnak, oposizio-lehiaketaren bidez betetzekoa.

Funtzio Publikoaren zuzendari nagusiak otsailaren 5eko 332/2007 Ebazpenaren bitartez, Nafarroako Foru Komunitateko Administrazioaren eta haren erakunde autonomoen zerbitzuko suhiltzaileen sarjentu izateko 12 lanpostu, lekualdatze lehiaketa egin ondotik aterako direnak, oposizio-lehiaketaren bidez betetzeko deialdia onetsi da.

Hautapen prozesua ondoko hauetan xedatutakoari jarraikiz eginen da: Nafarroako Administrazio Publikoen zerbitzuko Langileen Estatutuaren Testu Bategina, abuztuaren 30eko 251/1993 Legegintzako Foru Dekretuaren bidez onetsi zena, aipatu estatutua garatu eta burutzeko Sarrera Erregelamendua, gainerako aplikazio arauak eta deialdi honetako arauak.

1._Deialdiaren xedea.

1.1. Deialdi honek xedea du Nafarroako Foru Komunitateko Administrazioaren eta haren erakunde autonomoen zerbitzuko suhiltzaileen sarjentu izateko 12 lanpostu, lekualdatze lehiaketa egin ondotik aterako direnak, oposizio-lehiaketaren bidez betetzea. Lanpostuak funtzionarioen araubidekoak eta B mailakoak dira, Nafarroako Larrialdietako Agentziako Prebentzio, Su-itzaltze eta Salbamendurako Zuzendaritzari atxikirik daude, eta ondoko txandetan banatzen dira:

_6 lanpostu txanda irekian.

_6 lanpostu igoera txandan.

1.2. Hautapen prozesua gainditzeko eskatzen den gutxieneko puntuaziora ez iristeagatik, bete gabe gelditzen bada igoera txandako lanpostu hutsen bat, orduan txanda irekikoei gehituko zaie.

Bestaldetik, igoera txandan hutsik dauden lanpostuak baino izangai gehiagok gainditzen badute, txanda horretan lanpostuak eskuratzen ez dituztenek aukera izanen dute txanda irekiko lanpostu hutsak eskuratzeko, txanda horretako izangaiekin lehian eta eskuratutako azken puntuazioaren arabera.

Era berean, txanda irekiko lanpostuak eskuratzeko aukera izanen dute, aurreko lerroaldean adierazitako moduan, 7.2 atalean agiriak aurkezteko ezartzen den epea bukatzen denean deialdiko 2.1.2 arauko eskakizun berariazkoak betetzen ez dituzten igoera txandako izangaiek.

1.3. Lanpostuek B mailako lansariak izanen dituzte, uztailaren 4ko 158/1984 Foru Dekretuaren bidez onetsitako Lansarien Behin-behineko Erregelamenduan eta, kasuan kasu, aplikatu beharreko gainerako xedapenetan ezarritakoari jarraikiz.

2._Betebeharrak

2.1. Oposizio-lehiaketa honetan onartuak izateko, izangaiek, eskabideak aurkezteko epea amaitzen den egunean eta agiriak aurkezteko epearen barrenean (deialdiaren 7.2 atalean adierazia), eta lanpostuaren jabetza hartu arte, gidatzeko baimena izan ezik (horretarako epea ere 7.2 atalean adierazia baitago) baldintza hauek bete beharko dituzte:

2.1.1. Txanda irekiko izangaiek bete beharreko baldintzak:

a) Espainiako herritarra izatea.

b) Adinez nagusia izatea eta eskaerak aurkezteko epea bukatu baino lehen 36 urteak bete gabe edukitzea.

c) Ingeniari teknikoaren edo arkitekto teknikoaren titulua edo baliokidea izatea, edo eskaerak aurkezteko epea bukatzen den egunean titulu hori eskuratzeko moduan egotea.

d) Bere eginkizunak betetzeko gaitasun fisiko eta psikikoa izatea eta atxikirik dagoen V. eranskinean agertzen diren baztertze arrazoi medikoetako bakarra ere ez izatea.

e) Eginkizun publikoetan aritzeko desgaitu edo gabetua ez egotea eta administrazio publikoren baten zerbitzutik bereizia ez izatea.

f) C motako ibilgailuak gidatzeko BTP baimena izatea.

2.1.2. Igoera txandako izangaiek bete beharreko baldintzak:

a) Nafarroako edozein Administrazio Publikotako langile finkoa izatea, edo Nafarroako Foru Komunitateko Administrazioari transferitutako Justizia Administrazioaren zerbitzuei atxikitako langile finkoa, eta jatorrizko lanpostuan borondatezko edo nahitaezko eszedentzian ez egotea.

b) Deialdiko lanpostu hutsen maila berekoa edo apalagokoa izatea.

c) Hiru baldintza hauetako bat betetzea:

Bat._Ingeniari teknikoaren edo arkitekto teknikoaren titulua edo horien baliokidea izatea, edo eskaerak aurkezteko epea amaitzen denean eskuratzeko moduan egotea, eta administrazio publikoetan gutxienez bost urteko antzinatasuna duela frogatzea, Nafarroako Polizia Kidegoetako kideen kasuan izan ezik, kidego horietan benetako zerbitzuetan zortzi urteko antzinatasuna dutela frogatu beharko baitute.

Bi._Suhiltzaileen kabo lanposturako izendatua izatea Nafarroako edozein Administrazio Publikotan, lanpostu horretan hiru urte, bederen ,eman dituela frogatzea eta aurreko atalean aipatzen den titulazioa izatea.

Hiru._Suhiltzaileen kabo lanposturako izendatua izatea Nafarroako edozein Administrazio Publikotan eta lanpostu horretan bost urte, bederen, eman dituela frogatzea.

d) C motako ibilgailuak gidatzeko BTP baimena izatea.

e) Bere eginkizunak betetzeko gaitasun fisiko eta psikikoa izatea eta atxikirik dagoen V. eranskinean agertzen diren baztertze arrazoi medikoetako bakarra ere ez izatea.

f) Suhiltzaileen kabua izan ezean, eskaerak aurkezteko epea bukatu baino lehen 36 urteak bete gabe edukitzea.

Nafarroako Administrazio Publikoetan lan egiten duten langileen Estatutuaren zortzigarren xedapen gehigarrian ezarri dena aplikatuz, igoera txandan esku hartzeko baldintzak betetzen dituzten Nafarroako Parlamentuko funtzionarioek ere txanda horretan parte hartzen ahalko dute.

2.2. Deialdiko 3.2 arauaren bigarren, hirugarren, laugarren, bosgarren eta seigarren puntuetan aipatzen den salbuespena salbuespen, izendatuak izateko proposatzen diren izangaiek deialdiko 7.2 atalean ezarririko epean eta moduan frogatu beharko dituzte betebehar horiek.

3._Eskabideak

3.1. Deialdian parte hartzeko eskabideak Lehendakaritza, Justizia eta Barne Departamentuko Erregistro Orokorrean (Karlos III.aren etorbidea, 2, atalondoa, 31002 Iruña) edo erregistro horretako beste edozein bulegotan (zerrenda 2007ko 14. Nafarroako ALDIZKARI OFIZIALean argitaratu zen, urtarrilaren 31n) aurkeztu beharko dira, edo, bestela, Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legeko 38.4 artikuluan adierazitako bideren bat erabiliz, deialdia Nafarroako ALDIZKARI OFIZIALean argitaratu eta biharamunetik hogeita hamar egun naturaleko epean.

Eskabideak deialdi honen eranskinean dagoen ereduari lotu behar zaizkio eta, haietan, izangaiek adierazi beharko dute eskatutako baldintza guztiak betetzen dituztela. Eredu hori Nafarroako Gobernuko Erregistro Orokorrean dago eskuragarri. Interneten bidez ere lortzen ahal da, www.navarra.es helbidean, bai argitaratzen deneko Aldizkari Ofizialetik abiatuta, bai Zerbitzuen Katalogoko Enplegu Publikoan dagoen deialdiaren aiputik abiatuta.

3.2. Eskabideari, behar bezala bete ondoren, agiri hauek erantsiko zaizkio:

Bat._Espedientea formalizatzeko eta azterketa eskubideetarako 18 euro ordaindu izanaren ziurtagiria. Azterketa eskubideen tasa ordaintzen ez bada, izangaia baztertu eginen da.

Prozedura hauetako bat erabiliz ordaintzen ahalko da tasa hori:

_Behar bezala betetako ordainketa gutuna erabiliz; Foru Komunitateko Administrazioak Nafarroako finantza entitateetan dituen kontuetan sartuko da dirua. Arestian aipatutako webgunean, deialdiaren iragarkian, ordainketa gutunaren eredua dago.

_Sarrera eskudirutan edo bankuko transferentzia bidez eginez, Banestoko (Banco Español de Crédito) 00308124 87 0870002271 kontuan; horrelakoetan ordainagirian datu hauek jarri beharko dira nahitaez:

_Izangaiaren izen-deiturak.

_NANa/IFZ.

_Ordainketa zein kontutan egiten den, haren zenbakia.

_Kontzeptua: oposizioak.

_Deialdiaren xede den lanpostua.

Honako hauek ez dute tasarik ordaindu beharko:

a) %33ko edo gehiagoko ezgaitasun aitortua dutela frogatzen duten pertsonek, organo eskudunak luzaturiko jatorrizko agiriaren edo behar bezala konpultsaturiko fotokopiaren bidez.

b) Hautaproben deialdia egin aurretik hilabete batez edo luzaroago lan-eskatzaile gisa inskribaturik egon diren pertsonak. Salbuespen hori aplikatzeko baldintza izanen da inskribaturik egon diren bitartean eskainitako inolako lan egokiri uko egin ez izana eta lanbide sustapen, prestakuntza edo aldaketarako ekintzetan parte hartzeari uko egin ez izana, justifikaturiko kasuetan izan ezik, eta, horrez gainera, lanbide arteko gutxieneko soldatatik gorakoa den dirusarrerarik ez izatea hilabetero.

Lan-eskatzailea dela frogatzeko, Enplegu Bulegoak emandako agiria aurkeztu beharko da. Bertan, lan-eskatzaile gisa inskribatu zeneko data agertuko da eta, orobat, adieraziko da inskribaturik egon den bitartean ez diola uko egin handik eskainitako inolako lan egokiri, ez eta lanbide sustapen, prestakuntza edo aldaketarako ekintzetan parte hartzeari ere, justifikaturiko kasuetan izan ezik.

Hilabetero lanbide arteko gutxieneko soldatatik gorako dirusarrerarik ez duela interesatuaren adierazpenaren bidez frogatuko da. Adierazpen eredua Nafarroako Gobernuko Informazio Bulegoan eskuratzen ahalko da, edo bestela Internet bidez, arestian emandako helbidean.

Bi._Deialdian parte hartzeko 2. arauan eskatzen den tituluaren kopia konpultsatua, izangaia 2.1.c) arauaren hirugarren puntuan ezarritako kasuan egon ezik.

Hiru._Nortasun Agiri Nazionalaren bi aldeen kopia konpultsatua.

Lau._Izangaiak III. eranskinean agertzen diren proba fisikoak egiteko gaitasuna duela adierazten duen ziurtagiri mediko ofiziala.

Bost._Deialdiaren II eranskinean ezarritako merezimenduen baremoaren arabera baloratu beharreko merezimenduak frogatzen dituzten agirien kopia konpultsatuak.

Sei._Deialdian igoera txandan parte hartu nahi duten izangaiek, Nafarroako Foru Komunitateko Administrazioa ez den Nafarroako beste Administrazio Publiko bateko langile finkoak badira, edo Nafarroako Foru Komunitateari eskualdatutako Justizia Administrazioko zerbitzuei atxikitako langile finkoak, lehengoaz gainera, 2.1.2. ataleko a), b) eta c) letretan jasotzen diren eskakizunak betetzen dituztela frogatzen duen agiria gehitu beharko diote eskabideari.

3.3. Eskabideak aurkezteko epea ezin izanen da luzatu.

3.4. Eskabidean atzematen diren akats materialak edo egitezkoak ofizioz edo interesatuak eskaturik zuzentzen ahalko dira, noiznahi ere.

4._Izangaien onarpena eta erreklamazioak.

4.1. Eskaerak aurkezteko epea bukaturik, Funtzio Publikoaren zuzendari nagusiak ebazpena emanen du izangai onartu eta baztertuen behin-behineko zerrenda onesteko, eta Nafarroako ALDIZKARI OFIZIALean argitara dadila aginduko du.

4.2. Izangai baztertuek hamar egun balioduneko epea izanen dute, behin-behineko zerrenda Nafarroako ALDIZKARI OFIZIALean argitaratzen denetik, erreklamazioak aurkezteko eta, akatsik egin badute, zuzentzeko.

4.3. Erreklamazioetarako epea bukatutakoan eta horiek ebatzita, Funtzio Publikoaren zuzendari nagusiak onartu eta baztertuen behin betiko zerrenda onesten duen ebazpena emanen du, eta Nafarroako ALDIZKARI OFIZIALean argitara dadila aginduko.

4.4. Izangaiei egotziriko arrazoiengatik baztertzen direnei ez zaizkie azterketa egiteko eskubideak itzuliko.

5._Epaimahaia

5.1. Epaimahaiak kide hauek izanen ditu:

_Mahaiburua: David Sáinz Jiménez jauna, Nafarroako Larrialdietako Agentziaren zuzendari kudeatzailea.

_Ordezkoa: José Javier Vitrián Arigita jauna, Nafarroako Larrialdietako Agentziako kudeaketa zuzendaria.

_Mahaikidea: Joaquín Ganuza Armendáriz jauna, Nafarroako Larrialdietako Agentziaren Prebentzio, Su-itzaltze eta Salbamendu Zerbitzuen Zuzendaritzako suhiltzaileen ofizialordea.

_Ordezkoa: Rafael Castell Sanz jauna, Nafarroako Larrialdietako Agentziaren Prebentzio, Su-itzaltze eta Salbamendu Zerbitzuen Zuzendaritzako suhiltzaileen ofizialordea.

_Mahaikidea: José Javier Garayoa Gurucharri jauna, Nafarroako Larrialdietako Agentziaren Prebentzio, Su-itzaltze eta Salbamendu Zerbitzuen Zuzendaritzako suhiltzaileen ofiziala.

_Ordezkoa: Francisco Javier Echeverría Iriarte jauna, Nafarroako Larrialdietako Agentziaren Prebentzio, Su-itzaltze eta Salbamendu Zerbitzuen Zuzendaritzako suhiltzaileen ofiziala.

_Mahaikidea: Administrazio Erroko Langileen Batzordearen ordezkari bat, batzordeak berak proposatua.

_Ordezkoa: Administrazio Erroko Langileen Batzordearen ordezkari bat, batzordeak berak proposatua.

_Mahaikide idazkaria: Martín Elcano Sesma jauna, Nafarroako Larrialdietako Agentziaren Kudeaketa Zuzendaritzari atxikitako funtzionarioa, Zuzenbidean lizentziatua.

_Ordezkoa: María del Mar Sorbet Pezonaga andrea, Administrazio Publikoaren teknikaria (arlo juridikoa), Barne Zuzendaritza Nagusiari atxikitako funtzionarioa, zuzenbidean lizentziatua.

Epaimahaia hautaprobak hasi baino lehen eratuko da.

5.2. Epaimahaia ezin izanen da eratu, ezta aritu ere, kideen gehiengo osoa bertan izan gabe.

Organo kolegiatuaren eraketak eta jardunak balio izateko, mahaiburuak eta mahaikide idazkariak edo haien ordezkoek bertan egon beharko dute.

5.3. Epaimahaiko kideek ez dute parte hartuko, eta organo dei egileari horren berri emanen diote, Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legean parte ez hartzeko aipatzen diren egoeretakoaren batean baldin badaude.

Izangaiek, halaber, zilegi dute mahaikideak errefusatzea, egoera horietako bat gertatzen denean.

5.4. Epaimahaiak gehiengoz erabakiko ditu deialdiaren oinarriak ulertu eta aplikatzeko moduaren inguruan sortzen diren arazo guztiak.

5.5. Epaimahaiak aholkulari adituen laguntza izan dezake proba batzuetan nahiz guztietan. Aholkulari horiek beren espezialitate teknikoetan baizik ez dira ariko eta horietan bakarrik emanen diote laguntza epaimahaiari.

6._Oposizio-lehiaketaren nondik norakoak.

6.1. Oposizio-lehiaketa bi alditan eginen da, lehiaketaldia lehenbizi eta oposizioaldia gero, oinarri hauetan zehazten den gisara. Horren ondotik prestakuntza ikastaroa eginen da.

6.2. Oposizioa 2007ko maiatzean hasiko da. Izangai onartu eta baztertuen behin betiko zerrenda onesten duen ebazpen berean zehaztuko da probak hasteko lekua, eguna eta ordua.

Ondoren, epaimahaiak gainerako probak egiteko iragarkiak jakinaraziko ditu, arauz egin behar den moduan.

6.3. Lehiaketaldia

6.3.1. Epaimahaiak lehiatzaileek alegatutako eta egiaztatutako merezimenduak baloratuko ditu, deialdiaren II. eranskineko baremoari jarraikiz.

6.3.2. Alegatutako merezimendu guztiak agirien bidez frogatu beharko dira izangaiek oposizio-lehiaketa honetan parte hartzeko eskabidea aurkezten duten unean. Agiriak jatorrizkoak zein behar bezala konpultsatuak izanen dira, bestela ez aurkeztutzat joko baitira.

6.3.3. Baremoaren aplikazioak eskatzen duen informazio guztia jaso beharko dute agiriek. Justifikatu gabeko merezimenduak ez dira baloratuko.

Lehiakideek alegatutako merezimenduen gaineko azalpenak eta datu osagarriak eskatzen ahal ditu epaimahaiak noiznahi.

6.3.4. Lehiaketaldia ez da baztertzailea izanen, eta 44'60 puntuko balorazioa izanen du, gehienez ere. Deialdiko II. eranskinari jarraiki banatuko dira puntuak, honela:

_Emandako zerbitzuak: gehienez 22 puntu.

_Prestakuntza, irakasle eta ikerketa lana eta bertze merezimendu batzuk: gehienez 15 puntu.

_Hizkuntzak jakitea: gehienez 7,60 puntu.

6.3.5. Epaimahaiak baremoaren atal bakoitzean izangaien merezimenduak baloratuko ditu. Epaimahaiak ez du inoiz aintzat hartuko izangaiak aurretiaz azaldu eta agiri bidez frogatu gabeko merezimendurik, eta ezin izanen du atal bakoitzerako ezarritako puntuazioa baino handiagorik eman.

6.3.6. Lehiaketaldia amaitzen denean, epaimahaiak Nafarroako Gobernuaren iragarki oholean jarriko du izangai bakoitzak lortutako puntuazioa.

Lehiaketaldiko puntuazioa opsizioaldikoari gehituko zaio, eta emaitza oposizio-lehiaketako puntuazio osoa izanen da.

6.4. Oposizioaldia

6.4.1. Oposizioak ariketa hauek izanen ditu:

Lehena: deialdiaren III. eranskinean agertzen diren proba fisikoak egin beharko dira.

Izangai guztiak antidoping kontrola egitera behartuta egonen dira, probak egin bitartean edo beste noiznahi, epaimahaiak hala eskatuz gero. Praktika debekatuak atzeman edo egiaztatzeko egindako analisiak, dagokion organo espezializatuak eginen ditu. Horretarako, debekatuta egonen dira debekatutako substantzia eta gai farmakologikoei eta kirolean arauz kanpokoak diren doping metodoei buruz Kiroletako Kontseilu Gorenak emandako 2005eko azaroaren 7ko ebazpenaren eranskinean (2005eko 278. Estatuko Aldizkari Ofizialean, azaroaren 21ean, argitaratua) edo proba fisikoak egin behar direnean indarra duen ebazpenean heldu diren substantzia, gai farmakologikoak, doping metodoak eta manipulazioak.

Bigarrena: deialdiko IV. eranskinaren gai zerrendako bigarren zatitik zozketan aukeratuko diren bi gai idatziz azaltzea. Ariketaren gehieneko iraupena epaimahaiak finkatuko du azterketa hasi aurretik.

Hirugarrena: gai zerrendako lehenbiziko eta hirugarren zatietan dauden gaiei buruz zenbait galdera erantzun beharko dira. Galderek erantzun bat baino gehiago izanen dituzte, baina haietariko bat bakarrik egonen da ongi. Erantzun hutsak zehatu eginen dira.

Ariketa egiteko izangaiek izanen duten denbora epaimahaiak finkatuko du azterketa hasi aurretik.

Laugarrena: gai zerrendako edukiei loturiko kasu praktiko bat edo gehiako konpondu beharko dute izangaiek, gelan eta/edo kanpoan. Epaimahaiak ariketa hori egiteko zenbat denbora dagoen adieraziko du haren hasieran.

Bosgarrena: izangaiek zenbait proba psikotekniko eta buruz buruko eta/edo taldekako elkarrizketa egin beharko dituzte, lanpostuaren ezaugarri profesiografikoaren eskakizunetara zein neurritan egokitzen diren zehazteko. Proba hau Nafarroako Administrazio Publikoaren Institutuak eginen du eta haren balorazioa loteslea izanen da epaimahaiarendako.

Bigarren ariketa plika sistemaren bidez eginen da.

Oposizioaldiko ariketa bakoitzerako dei bakarra eginen da eta izangaiek Nortasun Agiri Nazionala, pasaportea edo gidatzeko baimena eraman beharko dute. Iragarritako egunetan, orduetan eta tokietan agertzen ez diren izangaiak, arrazoia edozei dela ere, edo aipatu diren agirien bidez identifikatzen ez direnak oposiziotik baztertuak izanen dira.

Oposizioaldiko ariketa bakoitza zuzendu ondoren, epaimahaiak jendaurrean jarriko du, Nafarroako Gobernuaren iragarki oholean eta ariketa egin den tokian, gainditu duten izangaien zerrenda, lortutako kalifikazioekin eta, halaber, oposizioaren hurrengo proba edo ariketa egiteko tokia, eguna eta ordua, gutxienez 48 ordu lehenago.

6.4.2. Oposizioaldiko ariketen balorazioan 110 puntu eman daitezke gehienez ere, honela banatuak:

Lehena: Gai edo Ez Gai.

Bigarrena: gehienez 30 puntu. Gai bakoitzean gehienez 15 puntuko balorazioa ematen ahal da.

Hirugarrena: gehienez 30 puntu.

Laugarrena: gehienez 30 puntu.

Bosgarrena: gehienez 20 puntu.

6.4.3. Oposizioko ariketak kanporagarriak izanen dira. Baztertuak izanen dira lehenbiziko ariketan "Ez Gai" kalifikazioa ateratzen duten izangaiak eta gainerako ariketetan, gutxienez, gehieneko puntuazioaren erdia erdiesten ez dutenak.

Halaber, bazterturik geldituko da bigarren gaietako edo laugarreneko kasuetako edozeinetan 0 puntuko kalifikazioa ematen zaiona.

6.4.4. Ariketak zuzendu ondoren, epaimahaiak jendaurrean jarriko du, Nafarroako Gobernuaren iragarki oholean eta ariketa egin den tokian, gainditu duten izangaien zerrenda, lortutako kalifikazioekin eta, halaber, oposizioaren hurrengo proba edo ariketa egiteko tokia, eguna eta ordua, gutxienez 48 ordu lehenago.

6.4.5. Ariketa bakoitzerako dei bakarra eginen da. Izangaiek nortasun agiri nazionala, pasaportea edo gidatzeko baimena eraman beharko dute. Azterketara agertzen ez direnak edo arestian aipatutako agirietako baten bidez beren nortasuna egiaztatzen ez dutenak oposiziotik baztertuko dira.

6.4.6. Hautapen probak egiteko, eskaera egin duten ezgaitasun aitortua dutenentzat bidezkoak diren denbora eta baliabide egokitzapenak eginen dira, eskabidean azaldutakoaren arabera.

7._Probak gainditu dituztenen zerrenda, izendapen proposamena eta agirien aurkezpena.

7.1. Oposizioaldiko hautaprobak amaiturik, epaimahaiak jendaurrean jarriko du probak gainditu dituztenen zerrenda, lehiaketan eta oposizioan guztira lortutako puntuazioaren araberakoa, Nafarroako Gobernuaren iragarki oholean. Gero, Funtzio Publikoaren zuzendari nagusiari igorriko dio probak puntuaziorik altuenarekin gainditu dituzten eta deialdiko lanpostuen kopuruaren barruan sartzen diren izangaiak izendatu eta kontratatzeko proposamena, espediente osoarekin batera. Proposamen hori Nafarroako ALDIZKARI OFIZIALean argitaratuko da.

Berdinketarik izanez gero, bigarren ariketan puntu gehien erdietsi dituztenen alde jokatuko da. Hori eginda, berdinketak oraindik badirau, hirugarren eta laugarren ariketetan lorturiko puntuazioak hartuko dira kontuan, hurrenkera horrexetan.

7.2. Izendapen proposamena Nafarroako ALDIZKARI OFIZIALean argitaratu ondoko 30 egun naturaleko epean, proposatutako izangaiek inprimaki berariazko batzuk jaso eta honako agiri hauek aurkeztu behar dituzte Funtzio Publikoaren Zuzendaritza Nagusian:

7.2.1. Nafarroako Foru Komunitateko Administrazioaren eta haren erakunde autonomoen zerbitzuko langile finko ez diren izangaiak:

a) Laneko Arriskuei Aurrea hartzeko Atalak emandako txostena, interesatuak karguan aritzea eragotziko liokeen eritasun edo akats fisiko edo psikikorik ez duela frogatzeko.

Ezgaitasunen bat alegatu duten izangaiek, gainera, ezgaitasuna deialdiko lanpostuarekin bateragarria dela dioen frogagiria aurkeztu beharko dute, balorazio eta orientazio talde eskudunek emana.

b) Eginkizun publikoetarako ezgaitua edo gabetua ez izatearen eta inongo administrazio publikoren zerbitzutik bereizia ez izanaren zinpeko aitorpena.

c) Zin egin edo hitz ematea, Nafarroako Foru Eraentza errespetatu, Konstituzioari eta Legeei men egin, eta karguari dagozkion eginkizunak zuzen beteko dituela.

d) C motako ibilgailuak gidatzeko BTP baimenaren kopia konpultsatua.

e) Funtzio Publikoaren Zuzendaritza Nagusiak eskatzen dituen gainerako agiriak.

Deialdi hau egin ez duen Nafarroako beste Administrazio Publikoren bateko langile finko, edo Nafarroako Foru Komunitateari eskualdatutako Justizia Administrazioko zerbitzuei atxikitako langile finko diren izangaiek, gainera, aurreko administrazioko espediente pertsonalean ageri diren inguruabar eta aurrekari guztiak frogatzen dituen ziurtagiria aurkeztu beharko dute, hots, sarrerari, antzinatasunari, mailari, egoera administratiboari eta abarrei buruzkoa.

7.2.2. Nafarroako Foru Komunitateko Administrazioaren edo haren erakunde autonomoen zerbitzuko langile finkoak diren izangaiak:

a) C motako ibilgailuak gidatzeko BTP baimenaren kopia konpultsatua.

b) Funtzio Publikoaren Zuzendaritza Nagusiak eskatzen dizkion agiriak.

Ezgaitasunen bat alegatu duten izangaiek, gainera, ezgaitasuna deialdiko lanpostuarekin bateragarria dela dioen frogagiria aurkeztu beharko dute, balorazio eta orientazio talde eskudunek emana.

7.3. Aipatu epearen barrenean, eta aski justifikaturik dauden ezinbesteko kasuak salbuetsiz, arestiko agiriak aurkezten ez dituztenak ezin izanen dira izendatu, eta ordura arteko egintza guztiak baliorik gabe geldituko dira, euren eskabidearen faltsukeria dela eta, legokiekeen erantzunbeharra galarazi gabe.

7.4. Aurreko atalean aurreikusitakoa gertatuz gero, Funtzio Publikoaren zuzendari nagusiak probak gainditu dituztenen zerrendan, 7.1 atalean aipatutakoan, hurrengoa den izangaiarekin beteko du baja, eta horrekin ere aurreko ataletan adierazitako moduan jokatuko da.

8._Prestakuntza ikastaroa

8.1. Aurreko arauan ezarritakoa betetzen duten izangai proposatuek prestaketa ikastaroa eginen dute eta Nafarroako Segurtasun Eskolak emanen du. Ikastaroari Eskolaren antolamendu eta funtzionamendurako Erregelamendua onesten duen irailaren 12ko 113/2005 Foru Dekretuak horren gainean ezarritako aginduak eta aplikagarriak diren gainerako xedapenak aplikatuko zaizkio. Ikastaroan izangaiei "Gai" edo "Ez Gai" kalifikazioa paratuko zaie.

8.2. Prestakuntza ikastaroan parte hartzen duten izangaiak Segurtasun Eskolari atxiki eta, aurretik Nafarroako Foru Komunitateko Administrazioaren funtzionarioak direnak izan ezik, praktiketako funtzionario izendatuak izanen dira. Atxikipen eta izendapen horiek deialdia egin duen organoak eginen ditu ebazpen bidez.

8.3. Ikastaroan, praktiketako funtzionario izendatutako izangaiek suhiltzaileen sarjentuari dagokion hasierako soldata jasoko dute eta, bidezkoa bada, familia laguntza, eta Gizarte Segurantzaren Araubide Orokorrean afiliatu eta alta emanen zaie, salbu eta lehendik Nafarroako Administrazio Publikoen zerbitzuko langileen eskubide pasiboen beste araubide batean afiliatuta zeudenen kasuan, horrexetan segituko baitute. Beste izangaiek erregelamenduz dagozkien lansariak jasoko dituzte.

8.4. Praktiketako funtzionario izateak ez du suhiltzaileen sarjentuaren lanpostuari dagokion eskubiderik ematen.

8.5. Ikastaroan baja ematen zaien edo ikastaroa gainditzen ez duten izangaiek praktiketako funtzionarioen izaera galduko dute, beste izapiderik gabe, eta, horrekin batera, hautespen prozesuan parte hartzean eskuratutako eskubideak, bereziki deialdiaren xede den lanpostuan aritzeko izendatuak izateko eskubidea.

8.6. Prestakuntza ikastaroa gainditzen duten izangaiak Funtzio Publikoaren zuzendari nagusiaren ebazpen baten bitartez Nafarroako Foru Komunitateko Administrazioaren eta haren erakunde autonomoen zerbitzuko suhiltzaileen sarjentuaren lanposturako izendatuak izanen dira, ikastaroko kalifikazioa loteslea delakoz.

8.7. Ikastaroa egiteko praktiketako funtzionarioak izendatu eta hura gainditzen duten izangaiek izaera hori izanen dute harik eta deialdiaren xede den lanpostuaren jabetza hartzen duten arte.

8.8. Aurreko lerroaldeetan ezarritako ondorioak bete daitezen, prestakuntza ikastaroa bukatutakoan Nafarroako Segurtasun Eskolako zuzendariak hura gainditu duten izangaien zerrenda igorriko dio Funtzio Publikoaren zuzendari nagusiari.

9._Lanpostu hutsak hautatzea

9.1. Prestakuntza ikastaroa gainditu duten izangaiek azaltzen zaizkien lanpostu hutsen artean zein nahiago duten jakinaraziko dute, Funtzio Publikoaren Zuzendaritza Nagusiak horretarako emandako epean.

9.2. Hautaprobak igoera txandan gainditu dituzten izangaiek deialdiko lanpostuak betetzeko lehentasuna izanen dute txanda horretakoak ez diren izangaien aldean.

10._Izendapena, lanpostuen esleipena eta jabetza hartzea

10.1. Funtzio Publikoaren zuzendari nagusiak, ebazpen baten bitartez, aurreko oinarrietan ezarritakoa betetzen duten izangaiak Nafarroako Foru Komunitatearen Administrazioko funtzionario izendatuko ditu, suhiltzaileen sarjentu lanetan aritzeko. Ebazpen horren bidez lanpostuen esleipena ere eginen da.

10.2. Izendapenak eta lanpostuaren jabetza hartzeak nomina eta plantillako funtzionario bilakatuko dituzte izendatuak, indarra duten xedapenek ezartzen dituzten eskubide eta betebehar guztiak dituztela. Gizarte Segurantzako araubide orokorrean inskribatu eta kidetuko dira, araubide horretan aurreikusitakoaren babesean.

Aurrekoa gorabehera, Nafarroako Administrazio Publikoen Zerbitzuko Langileen Estatutua onetsi zuen abuztuaren 30eko 251/1993 Legegintzako Foru Dekretuaren bederatzigarren xedapen gehigarriaren 3. puntuan xedatutakoa aplikatzearen ondorioz, Nafarroako administrazio publikoen edozein mutualitatetako eskubide pasiboen araubidekoak direnen kasuan, bi aukera izanen dituzte: Nafarroako Foru Komunitateko Administrazioko mutualitatean segitzea, martxoaren 5eko 10/2003 Foru Legearen bidez arauturiko eskubide pasiboen araubideak babesturik, edo Gizarte Segurantzaren Araubide Orokorrean sartzea.

10.3. Izendatzen diren izangaiek destinoko herrian bizi beharra dute eta, horretarako, udalerri horretan finkatuko dute bizilekua. Administrazio organo eskudunek destinoa aldatzen ahalko dute, aplikatzekoa den arautegian ezarritakoarekin bat.

10.4. Lanaldia zerbitzuaren beharretara egokituko da eta noiznahi aldatzen ahalko dute administrazio organo eskudunek, aplikatzekoa den araudian ezarritakoarekin bat.

10.5. Izendapena Nafarroako ALDIZKARI OFIZIALean argitaratuko da eta izangai izendatuak hilabeteko epean jabetu beharko du bere lanpostuaz, izendapenaren jakinarazpenetik kontatzen hasita.

Epe horretan jabetza hartzen ez dutenek, ezinbesteko kasuetan izan ezik, deialdiaren xede den lanpostuari loturiko eskubide guztiak galduko dituzte.

11._Errekurtsoak

Epaimahaiak ematen dituen egintza eta ebazpenen kontra gora jotzeko errekurtsoa paratzen ahal da Funtzio Publikoaren zuzendari nagusiari zuzenduta, errekurtsoaren xede den egintza argitaratu edo jakinarazi eta biharamunetik hilabeteko epean.

Deialdi honen eta bere arauen kontra eta arauak aplikatzeko egintzen kontra, epaimahaiak hartutakoen kontra izan ezik, zilegi izanen da gora jotzeko errekurtsoa jartzea, Lehendakaritza, Justizia eta Barne kontseilariari zuzendua, hilabeteko epean, errekurritu nahi den egintza argitaratu edo jakinarazi eta biharamunetik kontatuta.

Hori guztia Nafarroako Foru Komunitateko Administrazioari buruzko abenduaren 3ko 15/2004 Foru Legearen 57. artikuluarekin bat, eta urtarrilaren 13ko 4/1999 Legeak aldatutako Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 114. eta 115. artikuluei jarraikiz.

Iruñean, 2007ko otsailaren 5ean._Funtzio Publikoaren zuzendari nagusia, Alberto Andérez González.

I. ERANSKINA

Eskabidea

Izena: .............................., adinez nagusia. Nortasun Agiri Nazionala jauna/andrea, adin nagusikoa, (NAN edo identitate-agiri baliokidearen zenbakia: ................., naziotasuna: ............, orain bizi den udalerria: (...................), karrika: ......................, posta kodea: ......................, telefonoa: ................., laneko telefonoa: ..........

AZALTZEN DUT:

Nafarroako Foru Komunitateko Administrazioaren zerbitzuko .............. izateko ...............lanpostu ....................bidez betetzeko deialdian parte hartzeko onar nazatela eskatzen dudala, aipatu txandan (deialdia ...... zenbakiko Nafarroako ALDIZKARI OFIZIALean argitaratu zen, .........(e)an).

f Txanda irekia

f Igoera txanda*

f Ezgaitasunen bat dutenendako txanda*

Hautaprobak gainditzen ez baditut, lanpostuak behin-behinekoz betetzeko aukeraz baliatu nahi dudala, honako esparruotako batean:

f Administrazio erroa*

f Osasunbidea-Nafarroako Osasun Zerbitzua*

f Nafarroako Gizarte Ongizatearen Institutua*

(Esparruetako bakar bat aukeratu daiteke)

Ez dudala karguan aritzea galarazten didan eritasunik edo akats fisikorik nahiz psikikorik.

Indarra duten xedapenetan ezarritako ezintasunik ez dudala.

Ez naizela diziplinako espediente bidez ezein administrazio publikoren zerbitzutik kanpo utzia izan eta ez nautela eginkizun publikoak betetzeko gaitasunik gabe utzi.

Deialdian eskatzen den titulazioaren jabe naizela.

Azterketa eskubideak ordaindu ditudala deialdian ezarritako moduan eta horren gordekina erantsi dudala, edo erantsitako agirien bidez frogatzen dudala tasa ordaintzetik salbuetsita nagoela.

Eskabideak aurkezteko epearen azken egunean beharkizun guztiak betetzen ditudala.

Ezgaitua naizelakoz, orri bereizi batean adierazten ditudan denbora eta baliabide egokitzapenak eskatzen ditudala.

Ezgaitasuna frogatzen duen agiria aurkezten dudala, erakunde eskudun batek emana.

Euskararen gaitasunaren agiria edo ofizialki baliokidea den beste titulu bat aurkezten dudala*

Euskara maila jakiteko proba egitea eskatzen dudala*

Frantseseko eta ingeleseko nahikotasun frogak egitea eskatzen dudala.*

Horrenbestez,

Eskabide hau ontzat hartu eta aipatu deialdian onartua izatea eskatzen dut.

Iruñean,........(e)ko .........................aren ............(e)an.

(Sinadura)

NAFARROAKO GOBERNUA. LEHENDAKARITZA, JUSTIZIA ETA BARNE DEPARTAMENTUA. FUNTZIO PUBLIKOAREN ZUZENDARITZA NAGUSIA

(*) Bidezkoa bada.

OHARRA._Datu Pertsonalak Babesteari buruzko abenduaren 13ko 15/1999 Lege Orgainkoan xedatutakoa betez, jakinarazten da agiri honetan ageri diren datuak eta administrazioarekin etorkizunean izan daitekeen zerbitzu harremena kudeatzeko beharrezkoak diren gainerako guztiak datuen fitxategi automatizatu batean sartuko direla. Nafarroako Gobernuko Funtzio Publikoaren Zuzendaritza Nagusia da fitxategi horren erantzulea, eta datuen konfidentzialtasuna bermatzen du. Datuen titularrari jakinarazten zaio datu pertsonalen tratamendua eskuratu, zuzendu, ezabatu eta haren aurka jotzeko eskubidea erabiltzen ahal duela, datuak babesteko indarra duen araudiarekin bat.

II. ERANSKINA

Merezimenduak baloratzeko baremoa

a) Administrazio Publikoetan emandako zerbitzuak.

1) Administrazio Publikoetan suhiltzaileen sarjentuaren lanpostuan emandako zerbitzuak: 9 puntu gehienez ere, 0'20 puntu hilabeteko.

2) Administrazio Publikoetan suhiltzaileen kaboaren lanpostuan emandako zerbitzuak: 6 puntu gehienez ere, 0'10 puntu hilabeteko.

3) Administrazio Publikoetan suhiltzailearen lanpostuan emandako zerbitzuak: 5 puntu gehienez ere, 0'025 puntu hilabeteko.

4) Administrazio Publikoetan, aurrekoak ez bezalako lanpostuetan emandako zerbitzuak: 2 puntu gehienez ere, 0'010 puntu hilabeteko.

Oharrak:

1. Urteen kopurua osoa ez bada, zerbitzuan egindako aldiari proportzioan dagokion puntuazioa emanen da.

2. a) atalari dagokion puntuazioa gehienez ere 22 puntu izanen da.

3. Lanaldi partzialean egindako zerbitzuen kasuan, behar den zatia kenduko da.

4. Deialdia argitaratu ondoan egindako zerbitzuak ez dira baloratuko.

b) Prestakuntza, irakasle-lana eta beste merezimendu batzuk.

1) Erakunde edo zentro publikoek eta unibertsitateek antolaturiko prestakuntza-ekintzetan parte hartzea: 0,10 puntu, kreditu akademiko edo horren baliokide bakoitzeko (10 ikastordu), eta gehienez ere 6 puntu.

Oharrak:

1. Baloratu beharreko ikastaroetan, irakastorduen zatikiak hainbanatuko dira.

2. Irakastorduen kopurua agertzen ez duten ziurtagiriei kreditu bateko balorazioa emanen zaie.

3. Ikasturte bateko iraupena agertzen duten ziurtagiriei 12 kredituko balorazioa emanen zaie.

4. Erakunde antolatzaileari buruzko betebeharrak betetzen ez badituzte ere, Administrazioak agindurik edo oniritzirik eginak diren prestakuntza ekintzetan parte hartzea puntuazio berarekin baloratuko da. Horien artean, espresuki, sindikatuek Administrazio Publikoetako Etengabeko Prestakuntzarako Itunen barruan antolatuak sartuko dira.

5. Titulu akademiko bat eskuratzeko ikasketak, hala unibertsitatekoak nola unibertsitatez kanpokoak, ez dira atal honetan baloratuko.

2) Biltzar edo jardunaldietan txostenak edo komunikazioak aurkeztea, beka edo saria jaso duten zientzia edo ikerketa lanak egitea eta aldizkari espezializatuetan lanak argitaratzea: 2 puntu, gehienez ere, epaimahaiak baloratu beharrekoa, kontuan hartuz lana edo jarduera bakar batek edo taldean egina den eta biltzarra edo argitalpena zein mailatakoa den, tokikoa, eskualdekoa, naziokoa edo nazioartekoa.

3) Sektore publikoan prestakuntza saioak antolatu edo halakoetan irakasle jardutea: gehienez puntu bat, haien iraupenaren arabera epaimahai kalifikatzaileak baloratu beharrekoak.

4) Titulazio eta espezialitate akademikoak, deialdian eskatu ez direnak: Gehienez ere 3 puntu. Baloratu diren titulazioak erdiesteko tarteko tilulaziorik eda baloratuko.

5) Beste merezimendu batzuk, epaimahaiak kontuan hartu beharrekoak: bertzeak bertze, sektore pribatuko lanak, prestakuntzarako beka edo egonaldiak, edo kontsulta, aholkularitza, partaidetza edo ordezkaritza organoetan parte hartzea: Gehienez ere 3 puntu.

Oharrak b) atal osorako

1. Atal honetan aipatutako merezimenduak deialdiko lanpostuarekin ikusteko izanez gero soilik baloratuko dira.

2. Baremoaren b) ataleko puntuazioa 15 puntukoa da, gehienez.

Puntuazio erantsia hizkuntzak jakiteagatik.

_Frantsesa, ingelesa edo alemana jakiteagatik, Europar Batasuneko lan hizkuntzak diren aldetik, hizkuntza horietako bakoitzeko 1'85 puntu gehienez.

_Euskaraz jakiteagatik: destinoa eremu euskaldunean duten lanpostuetarako 2,05 puntu gehienez, plantilla organikoan euskara jakitea beharrezkotzat hartu bada, eta destinoa eremu mistoan dutenetarako 1,95 puntu gehienez, betiere, plantilla organikoaren arabera, lanpostu horretan aritzeko euskaraz jakitea merezimendu gisa baloratzen baldin bada.

Ondorio horietarako, Hizkuntza Eskola Ofizial batek emandako gaitasun agiria edo ofizialki baliokidea den titulua edukiz gero, aurreko ataletan adierazten den gehieneko puntuazioa emanen da.

Titulurik eduki ezik, Hizkuntza Eskola Ofizialean gainditutako maila bakoitzagatik gehieneko puntuazioaren bosten bat emanen da. Euskararen kasuan, Nafarroako Gobernuak antolatutako ikastaroetan gainditutako urrats bakoitzeko 1/12 emanen da.

Lau hizkuntza horietatik bakoitzak zer dakien baloratzeko, Nafarroako Administrazio Publikoaren Institutuak espresuki antolatutako azterketak egiten ahal ditu; bost zailtasun maila izanen dira, eta hizkuntza bakoitzari gehienez ere ematen ahal zaion gehieneko balorazioaren 1/5 bat emanen zaio maila bakoitzari.

III. ERANSKINA

Proba fisikoak

1._Erresistentzia testa (3000 m)

Deskripzioa: zutik, oinak irteera marraren atzean, izangaia seinale akustikoa entzutean abiatuko da eta 3.000 metroko tartea ezarritako denboran egin beharko du korrika, oinez edo bietara. Ez da onartzen oinetako takodunik erabiltzea. Proba hau egiteko saio bakarra izanen da. Proba bakoitzean eskatzen diren gutxienekoetara iritsi ezean, izangaia baztertua izanen da.

Gutxieneko denboren taulak eta bakoitzagatik eman beharreko puntuazioa:

EGIN

ADINA BEHARREKO PUNTUAZIOA

DENBORA

35 eta gutxiago 14' GAI

36tik 40ra bitarte 15'30" GAI

41etik 45era bitarte 16'30" GAI

46tik 50era bitarte 17' GAI

51 eta gehiago 18' GAI

2._Pisua jasotzeko proba (bankako press-a, 35 k)

Deskripzioa: banku batean etzanda, ahoz gora, izangaiak 35 kiloko pisua goratu behar du 30 segundutan ezarriko diren aldietan. Bi eskuekin goratuko du pisua eta barra hartuko du sorbalden zabalera baino piska bat zabalago (barrari ahurraz heldu eta behatzak itxirik). Ariketa honela eginen da: hasieran barrak bularra ukitzen du, ukondoak flexionatuak, eta gero ukondoak luzatu egiten dira bertikalean jarri arte. Proba hau egiteko saio bakarra izanen da. Proba bakoitzean eskatzen diren gutxienekoetara iritsi ezean, izangaia baztertua izanen da.

.Ariketaren hasieran ukondoak flexionatuak egonen dira eta barrak bularra ukituko du. Ukondoak agerian egonen dira eta ez dira eskularruak erabiltzen ahal.

.Oinak lehenbiziko goratzean nola dauden, horrela mantenduko dira ariketa osoan, aldatu gabe.

.Ukondoak erabat luzatu ezean edo ukondoen flexio batean barrarekin bularra ukitu ezean, jasoaldia baligabetuko da eta, beraz, ez da kontatuko.

.Izangaiak denbora agortu baino lehenago proba bukatzen badu, besoak bertikalean arras luzaturik dituela egin beharko du.

.Kontrolatzaileak jasoaldiak ozenki kontatuko ditu.

_Ariketa ondoko kasu honetan bukatuko da:

_Izangaiak ukondoak flexionatuak dituela eteten badu ariketa, barrarekin bularra ukituz.

Goratu beharreko jasoaldien taula eta haietan emanen den puntuazioa:

ADINA JASOALDIAK PUNTUAZIOA

35 eta gutxiago 25 GAI

36tik 40ra bitarte 22 GAI

41etik 45era bitarte 20 GAI

46tik 50era bitarte 17 GAI

51 eta gehiago 15 GAI

3._Sabel ariketak

Deskripzioa: lurrean etzanda, ahoz gora, besoak bularrean gurutzatuak eta eskuak besagainetan, hankak 90ºtan flexionatuak eta oinak besagainen zabalean banatuak eta lurrari atxikiak. Hasteko seinalearekin batera izangaiak soina flexionatu beharko du harik eta besoekin izterrak ukitu arte eta, gero , bizkarra lurrera eraman. 30 segunduan egin beharko ditu ezarritako flexioen kopurua. Proba hau egiteko saio bakarra izanen da. Proba bakoitzean eskatzen diren gutxienekoetara iritsi ezean, izangaia baztertua izanen da.

.Hasmentako jarreran bizkarra lurraren kontra egonen da

.Oinak nola dauden, horrela mantenduko dira ariketa osoan, aldatu gabe.

.Flexioetako batean besoek izterrak edo bizkarrak lurra ukitu ezean, flexioa baligabetuko da eta, beraz, ez da kontatuko.

.Kontrolatzaileak flexioak ozenki kontatuko ditu.

.Izangaiak denbora agortu baino lehenago proba bukatzen badu, bizkarra lurraren kontra duela egin beharko du.

.Ariketa ondoko kasu honetan bukatuko da:

_Bizkarra lurraren kontra duela gelditzen baldin bada.

Sabel ariketen kopuruen taula eta haietan emanen den puntuazioa:

ADINA SABEL ARIKETAK PUNTUAZIOA

35 eta gutxiago 25 GAI

36tik 40ra bitarte 23 GAI

41etik 45era bitarte 20 GAI

46tik 50era bitarte 17 GAI

51 eta gehiago 15 GAI

IV. ERANSKINA

GAI ZERRENDA LEHEN ZATIA

Lanbideari lotutako legeak eta gai orokorrak

1. gaia._Zuzenbide Publikoaren iturburuak: Legeak eta lege motak. lege-dekretuak. Legegintzako foru dekretuak. Nazioarteko itunak.

2. gaia._Administrazio Zuzenbidearen iturburuak: erregelamendua eta erregelamenduzko ahalmena. Erregelamendu motak. Erregelamendu-ahalmenaren mugak eta haren kontrola.

3. gaia._Administrazio prozedura erkidea: kontzeptua eta izaera. Hasiera, antolamendua, instrukzioa eta bukaera. Administrazioarekiko errekurtsoak: printzipio orokorrak eta motak.

4. gaia._Nafarroako Administrazio Publikoen kontratuak: Araubide juridikoa. Xedapen orokorrak. Administrazio kontratu ohikoenak. Administrazioarekin kontratuak egiteko baldintzak. Adjudikazioaren aurreko ekintzak, fidantzak eta bermeak. Adjudikatzea eta formalizatzea. Kontratuak betetzea, aldatzea eta etetea.

5. gaia._8/2005 Foru Legea, uztailaren 1ekoa, Nafarroako Babes Zibilari eta Larrialdien Kudeaketari buruzkoa: II. Titulua: larrialdi kolektiboko egoeretako babes zibila. I. kapitulua: babes zibilerako jarduketak. III. kapitulua: herritarren laguntza. IV. kapitulua: ikuskapenak

6. gaia._Nafarroako Larrialdietako Agentzia sortzen duen ekainaren 19ko 38/2006 Foru Dekretua: I. titulua: izaera, menpekotasuna, atxikipena eta helburuak. II. Titulua: egitura organikoa III. titulua: ondarea, baliabideak, aurrekontuak eta kontrola. IV. titulua: langileak.

7. gaia._Lan arriskuei aurrea hartzea (I): Europako arautegia. Lan Arriskuei Aurrea Hartzeari buruzko 31/1995 Legea. 39/1997 Errege Dekretua. Prebentzio-zerbitzuen erregelamendua. 135/1998 Foru Dekretua, arautegi hori Foru Komunitateko Administrazioaren eta haren erakunde autonomoen esparruari egokitzen diona. Lan arriskuei aurrea hartzeari buruzko politika: administrazio publikoen ekintzak. Langileen eskubide eta betebeharrak.

8. gaia._Lan arriskuei aurrea hartzea (II). Arriskuei aurrea hartzeko zerbitzu propioa. Arriskuei aurrea hartzeko beste norbaitek emaniko zerbitzua. Arriskuak neurtzea. Aurreneurrien plangintza. Segurtasun eta osasun arloko erregelamendua lantokietan. Makinetako segurtasunari buruzko Erregelamendua.

9. gaia._Produktu kimiko arriskutsuak. Sailkapena: Gasak eta gas motak. Likido sukoiak. Toxikoak eta korrosiboak. Erregarriak eta oxidatzaileak. Ezaugarri orokorrak eta propietate arruntenak.

10. gaia._Produktu kimikoen biltegiak. Erregelamendua. Likido sukoien eta erregaien biltegiak. Presio bidez, gas konprimitu, likidotu eta disolbatuko botilen eta botila handien biltegia eta haien erabilera.

11. gaia._Abenduaren 3ko 2267/2004 Dekretua, Industria establezimenduen suteen kontrako segurtasunerako erregelamendua onesten duena. Suteen kontrako babes aktiboa eta pasiboa.

12. gaia._Eraikuntzako NBE-CPI-96 Arau Oinarrizkoa. Igarpen instalazioak eta argiteria. Larrialdietarako igogailuak. Suaren aurrean nola jokatu. Instalazio orokorrak eta suteen kontra babesteko instalazioak. Eraikinetako sarbideak eta ingurua.

13. gaia._Suteen kontra babesteko instalazioei buruzko erregelamendua (1942/1993 ED). Suteak automatikoki atzemateko sistemak. Suteen alarma emateko eskuzko sistemak. Alarma jakinarazteko sistemak. Suteak automatikoki itzaltzeko sistemak. Ur horniduraren sarea. Sute-ahoak. BIE. Zutabe idorra.

14. gaia._2647/1992 Foru Dekretua, Nafarroako lurreko osasun garraioa arautzen duena eta ondoko aldaketak izan dituena. Garraiobideen sailkapena. Ziurtapen tekniko-sanitarioa, baimenak eta ikuskapenak. Baldintza tekniko-sanitarioak. Bigarren zatia

Teknika osagarriak

1. gaia._Materialak. Materiaren egitura atomikoa eta molekularra. Materialen propietate orokorrak. Industriako materialen propietateak. Material metaliko, zeramiko eta plastikoak. Zura, ehunak, isurkiak eta labaingarriak. Materialen entsegua.

2. gaia._Energia. Kontzeptua eta unitateak. Energia motak eta haren eraldaketa. Energia ez-berriztagarriarentzako erregaiak. Energia berriztagarria. Energiaren garraioa. Energia kontsumitu eta aurreztea. "Errendimenduaren" kontzeptua eta aplikazioa.

3. gaia._Maquineria eta fabrikazio sistemak. Makina baten kontzeptua eta osagaiak. Aginte zirkuitua eta indar zirkuitua. Eskuzko tresnak. Gizakiaren esfortzu fisikoa eta materialen esfortzu mekanikoa. Makinako mugimendua, nola transmititu eta eraldatu. Marruskadurak. Makinaren labainketa eta mantentze-lanak.

4. gaia._Makineriako zirkuitu pneumatikoak. Pneumatika zertarako erabili. Aire konprimatuaren ekoizpen, tratamendu eta banaketaren funtsezko alderdiak. Zirkuitu pneumatiko baten funtsezko alderdiak. Zirkuitu pneumatiko bat muntatu eta abian jartzea. Zirkuitu pneumatiko bat desmuntatzeko jarduketak. Makinen zirkuitu pneumatikoen mantentze-lana eta segurtasuna. Suhiltzaileen zerbitzu bateko makina eta tresnei nola aplikatu.

5. gaia._Makineriako zirkuitu oleohidraulikoak. Oleohidraulika zertarako erabili. Zirkuitu oleohidraulikoaren funtsezko alderdiak. Zirkuitu oleohidraulikoa muntatu eta desmuntatzea. Zirkuitu oleohidraulikoa abian jarri eta gelditzeko jarduketa protokoloa. Olio hidraulikoak. Oliohidraulika mugikorra eraikuntza eta obra zibilerako. Zirkuitu oleohidraulikoen mantentze-lanak. Suhiltzaileen zerbitzu bateko makina eta tresnei nola aplikatu.

6. gaia._Ibilgailuen mantentze-lanak eta segurtasuna. Funtzionamendurako sistemak eta elementu kritikoak. Segurtasunerako sistemak eta elementu kritikoak. Mantentze-dosierra: aldian aldiko berrikuspena, kontrolerako puntu eta parametroak, elementuak berritzea. Jarduteko protokoloa ibilgailua hondatuz gero. Jarduteko protokoloa ibilgailuarekin istripua izanez gero. Aplikazio praktikoak suhiltzaileen zerbitzu batean.

7. gaia._Oinarrizko kontzeptuak. Elektrizitatea: motak, unitateak, zirkuitu baten osagaiak eta korronte elektrikoaren efektuak. Korronte estatikoa. Korronte elektrikoa dagoenean suhiltzaileek euren esku-hartzeetan paratu beharreko neurriak.

8. gaia._Suhiltzaileendako Norberaren Babespen Ekipoak. Zer diren. Ezaugarri orokorrak. Sailkapena. NBEk merkaturatzeko arauak. Txamarrei eta galtza gainekoei (EN-469), suhiltzaileendako kaskoei, eskularruei eta botei buruzko Europako arauak. Ekipo horien ezaugarriak eta zainketa.

9. gaia._Babespen kimikorako ekipoak. NBEren kategorizazioa. Babespen kimikorako ekipoen sailkapena. Suhiltzaileek erabiltzen dituzten berariazko jantziak. Haien ezaugarri orokorrak eta zainketa.

10. gaia._Arnasketa autonomoko ekipoak. Sailkapena. SISZn erabiltzen direnen ezaugarririk aipagarrienak. Haien mantentze-lana eta kudeaketa. Erabili aurreko txekeo plana. Konpresoreak, sailkapena eta mantentze-lana.

11. gaia._Alturan aseguratzeko ekipoak. Motak, ezaugarriak eta erabilera. Suhiltzaileen Zerbitzuek erabiltzen dituzten berariazko modeloak. Esku-hartze batean erabili aurreko txekeoa. Arau aplikagarriak. Hirugarren zatia

Su-itzaltze eta salbamendu teknikak.

1. gaia._Suteak. Konbustio prozesuak. Sute bateko gasak nola sortzen diren. Sugar motak. Suteak jotako konpartimentu baten barreneko presioak. Plano neutroa. Barneko suteetan eragina duten faktoreak. Barneko suteak nola garatzen diren. Flash-over eta backdraft. Ezaugarri orokorrak eta eboluzio faseak.

2. gaia._Arrisku naturalen azterketa. Arrisku meteorologikoak. Gertakari meteorologiko kaltegarriak igartzeko Plan Nazionala. Uholdeen, mugimendu sismikoen, sumendien eta lur mugimenduen definizioa eta ezaugarri orokorrak. Nafarroako lurraldeari dagokiona.

3. gaia._Arrisku teknologikoen azterketa. Arrisku kimikoen, nuklearren eta biologikoen definizioak eta ezaugarri orokorrak eta salgai arriskutsuen garraio istripuen arriskua. Arau aplikagarriak (ADR eta RID). Nafarroako lurraldeari dagokiona.

4. gaia._Esku-hartzea oihaneko suteetan. Arrisku orokorrak eta berariazkoak. Sutearen nondik-norakoari eragiten dioten baldintzak. Suhiltzaileen esku-hartzearen helburuak. Itzalketarako tresnak. Erasotzeko taktikak: zuzena edo zeharkakoa.

5. gaia._Esku-hartzea gune konfinatuetan. Arrisku nagusiak. Sartzeko protokoloa. Neurketa eta analisia. Arriskuetatik babesteko eta haiek estabilizatzeko ekipoak eta neurriak. Esku hartzeko tresnak eta taktikak.

6. gaia._Beste maila batera erortzeko arriskua duten esku-hartzeak. Arrisku nagusiak. Arriskuetatik babesteko eta haiek estabilizatzeko ekipoak eta neurriak. Esku hartzeko tresnak eta taktikak. Alturetako erreskatea. Ezaugarri orokorrak.

7. gaia._Esku-hartzea tuneletan eta sestrapeko azalera handiko tokietan. Arrisku nagusiak bi kasuetan. Arriskuetatik babesteko eta haiek estabilizatzeko ekipoak eta neurriak. Esku hartzeko tresnak eta taktikak. Orientazioa eta grafikoak. Esku hartzen ari direnen taldean arnasketa ekipoen erabilera eta logistika.

8. gaia._Esku-hartzea gai arriskutsuak daudenean. Gai arriskutsuen tipologia. Haietako bakoitzaren arrisku nagusiak. BLEVE arriskuaren eta azetileno egotearen kasu bereziak. Arriskuetatik babesteko eta haiek estabilizatzeko ekipoak eta neurriak. Esku hartzeko tresnak eta taktikak.

9. gaia._Esku-hartzea trafikoko eta trenbideetako istripuetako erreskateetan eta salbamenduetan. Arrisku nagusiak. Arriskuetatik babesteko eta haiek estabilizatzeko ekipoak eta neurriak. Esku hartzeko tresnak eta taktikak. Esku hartzeko gunearen seinalizazioa.

10. gaia._Esku-hartzea altura handiko eraikinetan. Arrisku nagusiak. Arriskuetatik babesteko eta haiek estabilizatzeko ekipoak eta neurriak. Esku hartzeko tresnak eta taktikak. Aireztapena eta keen dinamika. Operatiboa kontrolatzeko eta hornitzeko tokia kokatzea. Ebakuatzeko edo konfinateko erabakia.

11. gaia._Esku-hartzea egitura kolapsatuetako erreskateetan eta salbamenduetan. Arrisku nagusiak. Arraiduren eta artesien sailkapena. Arriskuetatik babesteko eta haiek estabilizatzeko ekipoak eta neurriak. Esku hartzeko tresnak eta taktikak.

12. gaia._Hil ala biziko esku-hartzea, osasun arloan, ospitaleetatik kanpo. Biziraupenaren katea. Bihotz-biriketako arnasketaren oinarrizko protokoloa. Desfibrilatzeko eskuko monitorea. Biktima anitz daudenean, haien sailkapena (START eta SHORT metodoak).

Oharra: gai guztiak deialdi hau Nafarroako ALDIZKARI OFIZIALean argitaratzen denean indarra duen legeriari jarraikiz baloratuko dira, baina egun horren ondoren onetsitako arau aldaketen ekarpenak baloratzen ahalko ditu epaimahaiak.

V. ERANSKINA

Baztertze taula

Bazterbide medikoak

1._Ikuspegia. Begien sistema.

_Zuzendu gabeko begi zolitasuna:

4/10 bi begietan, edo

3/10 begirik okerrenean eta 5/10 hoberenean, edo

2/10 begirik okerrenean eta 6/10 onenean.

Ikuseremu monokularra: Ezin izanen da plano horizontalean 120º-tik beherakoa izan, eta murrizketa nabarmenik gabekoa izanen da ikuseremuko meridiano batetik bestera.

_Diplopia.

_Diskromatopsia larriak.

_Estereopsi falta.

_Keratotomia erradiala.

2._Entzumena. Entzuteko sistema

_500tik 3.000 Hz bitarteko frekuentzietan belarriren batean 45 dB-ko edo gehiagoko galera.

_Orekari loturiko alterazioak, edozein etiologiatakoak.

3._Hizkuntza.

_Afasiak, disfoniak, disfemiak (hitz-toteltasuna), disartria eta disglosia iraunkorrak, suhiltzaile lanetan aritzea zaildu edo galarazten dutenak.

4._Giharren eta eskeletoaren aparatua.

_Artikulazioren baten galera anatomikoa edo ankilosia, eginkizunetarako duen eraginaren arabera.

_Prozesu artikularrak, eginkizunetarako duten eraginaren arabera, zeinahi etiologiaren ondorio direla ere.

_Eskoliosiak, 20º baino handiagoak.

_Zifosiak, 30º baino handiagoak.

_Espondilolisia, espondilolistesia, ornoen bategiteak eta ornoarteko diskoaren arazoak.

_Espondilitis ankilosantea.

_Paget-en eritasuna.

_Osteoporosia eta osteomalazia (eginkizunetarako duen eraginaren arabera).

_Fibromialgia.

_Deformazio anatomikoak, eginkizunetarako duten eraginaren arabera.

5._Digestio aparatua.

_Crohn-en eritasuna eta kolitis ultzeraduna.

_B eta C hepatitisa aktiboa izatea edo birusaren eramailea izatea.

_Gibeleko gutxiegitasuna, ebaluazio mahaiak baloratu beharrekoa.

_Zirrosi hepatikoa.

_Behazun-zirrosi primarioa.

_Pankreatitis kronikoa.

_Fibrosi kistikoa.

_Sabelaldeko paretako etena, ebaluazio mahaiak baloratu beharrekoa.

_Kakari eutsi ezina.

6._Bihotz-hodietako sistema.

_Bihotzeko gutxiegitasuna, maila guztietan.

_Arritmia eta blokeoak: aurre-eszitazio sindromea eta bihotzaren erritmoaren edo kondukzioaren alterazio mota guztiak, salbu eta arritmia sinusala, BGE edo BE solteak, 1. mailako blokeo AB, Eskuineko Adarraren Blokeo Osoa eta Ezkerreko Adarraren hemiblokeoak.

_Kardiopatia iskemikoa, maila guztietan.

_Balbulopatiak.

_Miokardiopatiak.

_Perikardiopatia kronikoak.

_Biriketako hipertentsio primarioa eta sekundarioa.

_Arterietako iskemia kronikoaren sindromea.

_Arterietako hipertentsioa (TAS > 140 eta TAD > 90).

_Arterietako hipotentsioa (TAS < 90 eta TAD < 45).

_Zainen eta baso linfatikoen gutxiegitasuna.

7._Arnas aparatua.

_Arnas aparatuaren afekzio kronikoak (Bronkitis kronikoa, BBEK, Enfisema, Bronkiektasiak).

_Pleurako isuri berrituak.

_Berezko pneumotorax berrituak.

_Eritasun interstizialak eta/edo biriketako fibrosia.

_Asma eta bronkioetako hipererreaktibotasuna.

8._Nerbio-sistema.

_Epilepsia.

_Esklerosi anizkoitza eta bertzelako eritasun desmielinizanteak.

_Neurona motorearen eritasunak.

_Ataxiak.

_Buruko eta integrazioko funtzioen alterazioak (arrazoitze abstraktoa, oroimena, adimena eta funtzio betearazleak).

_Parkinson-en eritasuna eta bertzelako alterazio estrapiramidalak.

_Odol-hodien afekzio iskemikoak, hemorragikoak edo malformazioren baten ondoriozkoak.

_Miastenia larria eta juntura neuromuskularraren bertzelako arazoak.

_Bertigoak.

_Siringomielia.

_Hidrozefalia.

_Miopatiak.

_Nerbio-sistema zentralaren lesioaren ondoriozko paralisia.

_Nerbio-sistema periferikoaren lesioaren ondoriozko paralisia, funtzioetan duen eraginaren arabera.

_Nerbio-sistema periferikoaren eritasunak, funtzioetan duten eraginaren arabera.

_Neke kronikoaren sindromea.

_Anosmia.

_Beste alterazio motore batzuk (tikak, estereotipia motoreak, loaren alterazioak), giza harremanetan eta lanean izan dezaketen eraginaren arabera.

9._Alterazio psikiatrikoak.

_Buruko alterazio organikoak, prozesu automugatuak eta itzulgarriak kenduta.

_Buruaren eta jokabidearen alterazioak, substantzia psikotropikoen kontsumoaren ondoriozkoak (alkohola barne).

_Eskizofrenia eta bestelako alterazio psikotikoak.

_Gogo-aldartearen alterazioak (jokabide bipolarrak, alterazio depresibo errepikariak, depresioaldi handia, alterazio distimikoak).

_Antsietate-alterazioak, ondorio kliniko nabarmena baldin badute.

_Barne-bultzaden kontrolaren eta izaeraren alterazioak, giza harremanetan eta lanean eragina dutenak.

10._Sexu eta gernu-aparatua.

_Giltzurruneko gutxiegitasuna, bilakaera eta pronostikoaren arabera.

_Pixari eutsi ezina.

_Giltzurruneko polikistosia.

11._Sistema endokrinologikoa.

_Ardatz hipotalamo-hipofisarioaren alterazioak.

_Hipertiroidismoa eta hipotiroidismoa, bilakaeraren eta pronostikoaren arabera.

_Addison, Cushing, Feokromozitoma eta giltzurrunen gaineko guruinen bertzelako alterazioak.

_Hipoaldosteronismo primarioa eta sekundarioa.

_Mellitus diabetesa.

_Adenomatosi endokrino anizkoitza.

_Hipoparatiroidismoa eta hiperparatiroidismoa, bilakaeraren eta pronostikoaren arabera.

12._Larrua, fanerak eta guruin exokrinoak.

_Orbainak eta azalaren prozesu kronikoak, baldin eta haien hedadura, funtzioetan izan dezaketen eragina eta kokapena ikusirik, polizia lanetan aritzea eragozten baldin badute.

13._Odola eta organo hematopoietikoak.

_Muineko aplasia, gaueko hemoglobinuria paroxistikoa, sindrome mieloproliferatiboak, anemia hemolitiko kronikoak, ß-talasemia anemiadunak.

_Linfomak, bilakaeraren eta pronostikoaren arabera.

_Sindrome linfoproliferatibo kronikoak, bilakaeraren eta pronostikoaren arabera.

_Mieloma anizkoitza eta Waldeström-en eritasuna.

_Hemofiliak eta hemostasiaren bestelako alterazioak.

_Inmunoeskasiak.

_Esplenektomia.

_Antikoagulatzaileak (Heparinak, Sintrom), Interferon, kortikoideak edo EPO erabiltzen dituzten tratamendu kronikoak.

14._Bestelakoak.

_GIB birusaren antigorputzen eramailea.

_Amiloidosia.

_Kolagenosia.

_Lupus eritematoso sistemikoa.

_Artritis erreumatoidea.

_Esklerodermia.

_Sjögren-en sindromea.

_Baskulitisa, ebaluazio mahaiak baloratu beharrekoa.

_Obesitatea (GMI > 25).

15._Ohar orokorrak.

_Baztertzeko moduko patologiak ebaluazio mahaiak baloratuko ditu funtzioetan duten ondorioen arabera eta suhiltzaile lanetan aritzeko pronostikoaren arabera.

_Prozesu neoplasikoetan eta organoen transplanteen kasuetan, ebaluazio mahaiak gaitasuna baloratuko du, bilakaeraren eta pronostikoaren arabera.

Funtzioetan eragina duten gorputzeko bestelako aparatu edo sistemetako afekzioak, balorazio mahaiaren iritziz, suhiltzaileen sarjentu lanetan aritzea eragozten baldin badute.

Iragarkiaren kodea: F0702349