Iragarkia
20. ALDIZKARIA - 2007ko otsailaren 14a
I. NAFARROAKO FORU KOMUNITATEA
1.2. AGINTARIAK ETA LANGILEAK
1.2.2. Plantilla Organikoa, Lan Eskaintza Publikoa, oposizioak eta lehiaketak
DEIALDIA, Funtzio Publikoaren zuzendari nagusiak urtarrilaren 29an emandako 257/2007 Ebazpenaren bidez onetsia, Nafarroako Foru Komunitateko Administrazioaren eta haren erakunde autonomoen zerbitzuko suhiltzaile izateko 20 lanpostu oposizio bidez betetzekoa.
Funtzio Publikoaren zuzendari nagusiak urtarrilaren 29an emandako 257/2007 Ebazpenaren bidez, Nafarroako Foru Komunitateko Administrazioaren eta haren erakunde autonomoen zerbitzuko suhiltzaile izateko 20 lanpostu oposizio bidez betetzeko deialdia onetsi zuen.
Hautaprobak lotuko zaizkie abuztuaren 30eko 251/1993 Legegintzako Foru Dekretuaren bidez onetsitako Nafarroako Administrazio Publikoen zerbitzuko Langileen Estatutuaren Testu Bateginean gaiari buruz xedatutakoari, estatutua garatu eta burutzeko asmoz emandako Langileen Sarrerari buruzko Erregelamenduari, Nafarroako Babes Zibilari eta Larrialdien Kudeaketari buruzko uztailaren 1eko 8/2005 Foru Legeari, gainerako aplikazio arauei eta arau hauei.
1._Deialdiaren xedea.
1.1. Deialdi honen xedea suhiltzaile izateko 20 lanpostu oposizio bidez betetzea da. Lanpostuak funtzionarioen araubidekoak dira, C mailakoak eta Nafarroako Larrialdietako Agentziako Aurreneurri, Su-itzaltze eta Salbamendurako Zuzendaritzari atxikiak. Haien plantillako zenbakiak lanpostu hutsak hautatzeko ekitaldia baino lehen zehaztuko dira, aurretik egindako lekualdatze lehiaketa ebatzirik (Barne zuzendari nagusiak urtarrilaren 26an emandako 8/2007 Ebazpenaren bidez onetsia).
Deialdiko lanpostuak txanda hauetan banatuko dira:
_10 txanda irekian.
_10 igoera txandan.
1.2. Igoera txandako lanpostuak hutsik geldituz gero, izangaiek hautaprobak gainditzeko behar den gutxieneko puntuazioa atera ez dutelako, txanda irekikoei gehituko zaizkie.
Igoera txandan hutsik dauden lanpostuak baino izangai gehiagok gainditzen badute, txanda horretan lanpostuak eskuratzen ez dituztenek aukera izanen dute txanda irekiko lanpostu hutsak eskuratzeko, txanda horretako izangaiekin lehian eta eskuratutako azken puntuazioaren arabera.
Era berean, txanda irekiko lanpostuak eskuratzeko aukera izanen dute, aurreko lerroaldean adierazitako moduan, deialdiko 6.2.2.1 atalean aipatutako prestakuntza ikastaroan onartutako izangaien behin-behineko zerrenda Nafarroako Gobernuko iragarki oholean argitaratzen den egunean 2.1.2 arauan ezarritako baldintzak betetzen ez dituzten izangaiek.
1.3. Lanpostuek C mailako lansariak izanen dituzte, uztailaren 4ko 158/1984 Foru Dekretuaren bidez onetsitako Lansarien Behin-behineko Erregelamenduan eta aplikatu beharreko gainerako xedapenetan ezarritakoari jarraikiz.
2._Betebeharrak.
2.1. Oposizio honetan onartuak izateko, izangaiek ondoko baldintzak bete beharko dituzte:
2.1.1. Txanda irekiko izangaiak:
a) Espainiarra izatea, edo Europar Batasuneko beste estatu batekoa, edo, Europar Batasunak izenpetu eta Espainiak berretsitako nazioarteko itunak direla medio, langileen zirkulazio librea aplikatzen den eremuko estatu batekoa.
b) Adinez nagusia izatea eta eskaerak aurkezteko epea bukatu baino lehen 36 urteak bete gabe edukitzea.
c) Eskaerak aurkezteko epea amaitzen den egunean Batxilergoko titulua, Bigarren Mailako Lanbide Heziketakoa edo baliokidea izatea edo eskuratzeko baldintzetan egotea.
Aurrekoa gorabehera, Nafarroako Babes Zibilari eta Larrialdien Kudeaketari buruzko uztailaren 1eko 8/2005 Foru Legearen 54. artikuluan xedatutakoaren arabera, deialdi honetan onartua izateko, nahiko izanen da eskola-graduatua, lehen mailako lanbide-heziketako titulua edo baliokidea izatea, halako moduz non, deialdi honetako 6.2.3 arauan aurreikusitako oinarrizko prestakuntzarako ikastaroa gaindituta, teknikoki baliokideak izanen baitira oinarrizko ikastaro hori eta batxilergoa, bigarren mailako lanbide-heziketa edo horien baliokidea; baliokidetasun hori, hala ere, ondorio administratiboetarako baino ez da izanen, hau da, C mailako funtzionario izendatzeko, eta ez du baliorik izanen arlo ez akademikoan ezta irakaskuntzaren edo hezkuntzaren arloan ere.
Atzerrian lorturiko tituluak badira, homologazioaren egiaztagiria eduki beharko da.
d) Deialdiaren xede den lanpostuari dagozkion eginkizunak betetzeko behar diren gaitasun fisiko eta psikikoa izatea eta ez edukitzea deialdiaren IV. eranskinean zehazten diren bazterbide medikoetako bat.
e) Eginkizun publikoetan aritzeko desgaitu edo gabetua ez egotea eta Administrazio Publikoren baten zerbitzutik bereizia ez izatea.
Espainiako hiritartasuna ez duten izangaiek frogatu beharko dute beren Estatuko Funtzio Publikoan sartzea eragozten dien diziplina zehapenik edo zigor penalik ez dutela.
f) C motako ibilgailuak gidatzeko BTP baimena izatea.
2.1.2. Igoera txandako izangaiak:
a) Eskaerak aurkezteko epea bukatu baino lehen 36 urteak bete gabe edukitzea.
b) Deialdiaren xede den lanpostuari dagozkion eginkizunak betetzeko behar diren gaitasun fisiko eta psikikoa izatea eta ez edukitzea deialdiaren IV. eranskinean zehazten diren bazterbide medikoetako bat.
c) Nafarroako edozein Administrazio Publikotako langile finkoa izatea, edo Nafarroako Foru Komunitateko Administrazioari transferitutako Justizia Administrazioaren zerbitzuei atxikitako langile finkoa, eta jatorrizko lanpostuan borondatezko edo nahitaezko eszedentzian ez egotea.
d) Deialdiko lanpostu hutsen maila berekoa edo apalagokoa izatea.
e) C motako ibilgailuak gidatzeko BTP baimena izatea.
f) Batxilergoko edo bigarren mailako lanbide heziketako titulua edo baliokideren bat izatea eta administrazio publikoetan aitortutako bost urteko antzinatasuna izatea.
Aurrekoa gorabehera, Nafarroako Babes Zibilari eta Larrialdien Kudeaketari buruzko uztailaren 1eko 8/2005 Foru Legearen 54. artikuluan xedatutakoaren arabera, deialdi honetan onartua izateko, nahiko izanen da eskola-graduatua, lehen mailako lanbide-heziketako titulua edo baliokidea izatea, halako moduz non, deialdi honetako 5.2.2 arauan aurreikusitako oinarrizko prestakuntzarako ikastaroa gaindituta, teknikoki baliokideak izanen baitira oinarrizko ikastaro hori eta batxilergoa, bigarren mailako lanbide-heziketa edo horien baliokidea; baliokidetasun hori, hala ere, ondorio administratiboetarako baino ez da izanen, hau da, C mailako funtzionario izendatzeko, eta ez du baliorik izanen arlo ez akademikoan ezta irakaskuntzaren edo hezkuntzaren arloan ere.
Aurreko lerroaldean aipatutako tituluaren ordez, administrazio publikoaren zerbitzuan egindako zortzi urte onartuak frogatzeak balio du.
Nafarroako Administrazio Publikoetan lan egiten duten langileen Estatutuaren zortzigarren xedapen gehigarrian ezarri dena aplikatuz, igoera txandan esku hartzeko baldintzak betetzen dituzten Nafarroako Parlamentuko funtzionarioek ere txanda horretan parte hartzen ahalko dute.
Orobat, Nafarroako Polizia Kidegoei buruzko Foru Legearen testu bategina onesten duen urriaren 11ko 213/2002 Legegintzako Foru Dekretuaren 40.2 artikuluarekin bat, kidego horietako kideek ere parte hartu ahalko dute igoera txandan, betiere kidego horietan zortzi urtez eman badituzte zerbitzuak eta txanda horretan parte hartzeko baldintzak betetzen badituzte.
2.2. Baldintza horiek guztiak bete beharko dira eskabideak aurkezteko epea amaitu arte, eta baita deialdiko 6.2.2.1 atalean aipatutako prestakuntza ikastaroan onartutako izangaien behin-behineko zerrenda Nafarroako Gobernuko iragarki oholean argitaratzen den egunetik lanpostuaz jabetu arte ere.
Gidabaimenari dagokion baldintzari ez zaio aurreko lerroaldean ezarritakoa aplikatuko, hori prestakuntza ikastaroan onartutako izangaien behin-behineko zerrenda argitaratzen den egunean izan beharko baita, ez eta 36 urte beteak ez izateari buruzko baldintzari ere, aski izanen baita eskabideak aurkezteko epea bukatu baino lehen betetzea baldintza hori.
2.3. Deialdiaren 3.2 atalean ezarritako salbuespenarekin, prestakuntza ikastaroan onartutako izangaiek baldintza horiek betetzen dituztela frogatu beharko dute, deialdi honen 6.2.2.3 atalean ezarritako hamabost egun naturaleko epean.
3._Eskabideak.
3.1. Deialdian parte hartzeko eskabideak Nafarroako Gobernuko Erregistro Orokorrean (Karlos III.aren etorbidea, 2, atalondoa, 31002 Iruña) edo Nafarroako Gobernuaren gainerako erregistro bulegoetako edozeinetan (zerrenda 2006ko 65. Nafarroako ALDIZKARI OFIZIALean argitaratu zen, maiatzaren 31n) aurkeztu beharko dira, edo, bestela, Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legeko 38.4 artikuluan adierazi diren bideetakoren bat erabiliz, deialdia Nafarroako ALDIZKARI OFIZIALean argitaratu eta biharamunetik hogeita hamar egun naturaleko epean.
Eskabidea posta bulego batean aurkeztuz gero, kartazal irekian eginen da, postako langileek, ziurtatu aurretik, data eta zigilua jar ditzaten.
Eskabideak deialdi honen eranskinean dagoen ereduari lotu behar zaizkio eta, haietan, izangaiek adierazi beharko dute eskatutako baldintza guztiak betetzen dituztela. Eredu hori Nafarroako Gobernuaren edozein erregistro bulegotan dago eskuragarri. Interneten bidez ere lortzen ahal da, www.navarra.es helbidean, bai argitaratzen deneko Aldizkari Ofizialetik abiatuta, bai Zerbitzuen Katalogoko Enplegu Publikoan dagoen deialdiaren aiputik abiatuta.
3.2. Eskabideari, behar bezala bete ondoren, agiri hauek erantsiko zaizkio:
a) Nortasun Agiri Nazionalaren bi aldeen fotokopia konpultsatua.
b) Nafarroako Foru Komunitateko Administrazioaren kontuan 12 euro ordaindu izana frogatzen duen agiria. Kopuru horrekin espedientearen formalizazioa eta azterketa eskubideak ordainduko dira.
Azterketa eskubideen tasa ordaintzen ez bada, izangaia baztertu eginen da.
Hautaproben deialdia egin aurretik hilabete batez edo luzaroago lan-eskatzaile gisa inskribaturik egon diren pertsonak tasa ordaintzetik libre egonen dira. Salbuespen hori aplikatzeko baldintza izanen da inskribaturik egon den bitartean eskainitako inolako lan egokiri uko egin ez izana eta lan-igoera, prestakuntza edo eraberritze ekintzetan parte hartzeari uko egin ez izana, justifikaturiko kasuetan izan ezik, eta, horrez gainera, lanbide arteko gutxieneko soldatatik gorako den dirusarrerarik ez izatea hilabetero.
Lan-eskatzailea dela frogatzeko, Enplegu Bulegoak emandako agiria aurkeztu beharko da. Bertan, lan-eskatzaile gisa inskribatu zeneko data agertuko da eta, orobat, adieraziko da inskribaturik egon den bitartean ez diola uko egin handik eskainitako inolako lan egokiri, ez eta lanbide sustapen, prestakuntza edo eraberritze ekintzetan parte hartzeari ere, justifikaturiko kasuetan izan ezik.
Hilero lanbide arteko gutxieneko lansaritik gorako errentarik ez duela interesatuaren adierazpenaren bidez frogatuko da. Argibide Bulegoan adierazpenaren eredua emanen da. Interneten, lehen aipatu den webgunean ere aurkitzen ahal da, deialditik beretik.
c) Izangaiak III. eranskinean agertzen diren proba fisikoak egiteko gaitasuna duela adierazten duen ziurtagiri mediko ofiziala.
d) Deialdi honetan eskatzen den titulazioaren fotokopia konpultsatua.
Deialdian igoera txandan parte hartu nahi duten izangaiek, Nafarroako Foru Komunitateko Administrazioa ez den Nafarroako beste Administrazio Publiko bateko langile finkoak badira, edo Nafarroako Foru Komunitateari eskualdatutako Justizia Administrazioko zerbitzuei atxikitako langile finkoak, ondoko agiri hauek erantsi beharko dizkiote eskabideari: deialdi honetako 2.1.2 atalaren c) eta d) letretan jasotzen diren eskakizunak betetzen dituztela frogatzen duen agiria, aitortua duten antzinatasunarena eta, polizia kidego bateko kideen kasuan, Nafarroako polizia kidegoetan 8 urteko zerbitzualdia egin izanari dagokiona.
3.3. Eskabideak aurkezteko epea luzaezina da.
3.4. Izangairen batek deialdiaren 3.2 atalean aipatutako dokumentazioa aurkezten ez badu eskabidearekin batera eta agindutako moduan, deialdian onartu eta baztertu diren izangaien behin betiko zerrendatik kenduko da, erreklamazioak aurkezteko behin-behineko zerrendan ezarritako epearen barruan aurkeztu ezik.
3.5. Eskabidean atzematen diren akats materialak edo egitezkoak ofizioz edo interesatuak eskaturik zuzentzen ahalko dira, noiznahi ere.
4._Izangaien onarpena eta erreklamazioak.
4.1. Eskaerak aurkezteko epea bukaturik, Funtzio Publikoaren zuzendari nagusiak ebazpena emanen du izangai onartu eta baztertuen behin-behineko zerrenda onesteko, eta Nafarroako ALDIZKARI OFIZIALean argitara dadila aginduko du.
4.2. Izangai baztertuek hamar egun balioduneko epea izanen dute, behin-behineko zerrenda Nafarroako ALDIZKARI OFIZIALean argitaratzen denetik, erreklamazioak aurkezteko eta, akatsik egin badute, zuzentzeko.
4.3. Erreklamazioetarako epea bukatutakoan eta horiek ebatzita, Funtzio Publikoaren zuzendari nagusiak onartu eta baztertuen behin betiko zerrenda onesten duen ebazpena emanen du, eta Nafarroako ALDIZKARI OFIZIALean argitara dadila aginduko.
4.4. Izangaiei egotziriko arrazoiengatik baztertzen direnei ez zaizkie azterketa egiteko eskubideak itzuliko.
5._Epaimahaia.
5.1. Epaimahaiak kide hauek izanen ditu:
_Batzordeburua: David Sáinz Jiménez jauna, Nafarroako Larrialdietako Agentzia erakunde autonomoko zuzendari kudeatzailea.
Ordezkoa: Javier Vitrián Arigita jauna, Nafarroako Larrialdietako Agentzia erakunde autonomoko kudeaketa zuzendaria.
_Mahaikidea: José Javier Boulandier Herrera jauna, Nafarroako Larrialdietako Agentzia erakunde autonomoko Aurreneurri, Su-itzaltze eta Salbamendurako zuzendaria.
Ordezkoa: Carlos Orta González de Oruña jauna, Nafarroako Larrialdietako Agentzia erakunde autonomoko Kanpainen, Erreskate Taldeen eta Talde Berezien Alorreko burua.
_Mahaikidea: Francisco Javier Bayona Iturrarte jauna, Donostiako Udaleko Aurreneurri, Su Itzaltze eta Salbamendurako Zerbitzuko zuzendariorde nagusia.
Ordezkoa: Francisco Javier Echeverría Iriarte jauna, Nafarroako Larrialdietako Agentzia erakunde autonomoko Aginte eta Laguntza Arloko burua.
_Mahaikidea: Administrazio Erroko Langileen Batzordearen ordezkari bat, batzordeak berak proposatua.
Ordezkoa: Administrazio Erroko Langileen Batzordearen ordezkari bat, batzordeak berak proposatua.
_Mahaikide idazkaria: José Manuel García Arguiñano jauna, Nafarroako Larrialdietako Agentzia erakunde autonomoko Langileak Kudeatzeko Unitateko burua.
Ordezkoa: Begoña Martínez Barrado andrea, Barne Zuzendaritza Nagusiko Barneko Kudeaketa Teknikoaren Ataleko burua.
Epaimahaia hautaprobak hasi baino lehen eratuko da.
5.2. Epaimahaia ezin izanen da eratu, ezta aritu ere, kideen gehiengo osoa bertan izan gabe.
Organo kolegiatuaren eraketak eta jardunak balio izateko, mahaiburuak eta mahaikide idazkariak edo haien ordezkoek bertan egon beharko dute.
5.3. Epaimahaiko kideek ez dute parte hartuko, eta organo dei egileari horren berri emanen diote, Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legean parte ez hartzeko aipatzen diren egoeretakoaren batean baldin badaude.
Izangaiek, halaber, zilegi dute mahaikideak errefusatzea, egoera horietako bat gertatzen denean.
5.4. Epaimahaiak gehiengoz erabakiko ditu deialdiaren arauak ulertu eta aplikatzeko moduaren inguruan sortzen diren arazo guztiak.
5.5. Epaimahaiak aholkulari adituen laguntza izan dezake proba batzuetan nahiz guztietan. Aholkulari horiek beren espezialitate teknikoetan baizik ez dira ariko eta horietan bakarrik emanen diote laguntza epaimahaiari.
6._Oposizioa nola eginen den.
6.1. Oposizioa 2007ko irailean hasiko da. Onartu eta baztertuen behin betiko zerrenda onesten duen ebazpenean berean finkatuko dira probak hasteko tokia, eguna eta ordua. Ondoren, epaimahaiak jakitera emanen ditu gainerako probak egiteko iragarkiak.
6.2. Oposizioak bi fase izanen ditu: lehenengoan gorputz egoera neurtzeko probak, orotariko kulturakoak eta psikoteknikoak eginen dira, eta bigarrenean, berriz, oinarrizko prestakuntzako ikastaro bat gainditu beharko da.
6.2.1. Hautapenaldia
Hautapenaldiak proba hauek izanen ditu:
a) Lehenbizikoa: deialdi honetako II. eranskinean agertzen den gai zerrendako atal bakoitzari buruzko froga objektiboa egitea.
b) Bigarrena: deialdiaren III. eranskinean agertzen diren proba fisikoak.
Izangai guztiak antidoping kontrola egitera behartuta egonen dira, ariketak egin bitartean edo beste noiznahi, epaimahaiak hala eskatuz gero. Praktika debekatuak atzeman edo egiaztatzeko egindako analisiak, dagokion organo espezializatuak eginen ditu. Horretarako, debekatuta egonen dira debekatutako substantzia eta gai farmakologikoei eta kirolean arauz kanpokoak diren doping metodoei buruz Kiroletako Kontseilu Gorenak emandako 2005eko azaroaren 7ko ebazpenaren eranskinean (2005eko 278. Estatuko Aldizkari Ofizialean, azaroaren 21ean, argitaratua) edo proba fisikoak egin behar direnean indarra duen ebazpenean heldu diren substantzia, gai farmakologikoak, doping metodoak eta manipulazioak.
c) Hirugarrena: izangaiek ariketa psikoteknikoak eta buruz buruko eta/edo taldekako elkarrizketak egin beharko dituzte, lanpostuaren ezaugarri profesiografikoaren eskakizunetara zein neurritan egokitzen diren zehazteko. Proba hau Nafarroako Administrazio Publikoak eginen du, eta haren balorazioa lotzailea izanen da epaimahaiarendako.
Proba hori egitera dei eginen zaie igoera txandako 20 izangairi eta txanda irekiko beste 20 izangairi bakarrik, aurreko bi probak gainditu dituztenen artean eta horietan izandako puntuazioaren araberako hurrenkeran; txanda bakoitzeko 20. lekuan izangai batzuk bilduz gero puntuazio berberarekin, denak onartuko dira. Gainerako izangaiak deialditik baztertuko dira. Txandetako batean hautatutako izangaiak gutxiegi balira, beste txanda bateko izangaiek beteko lituzkete lanpostu horiek.
Probak egiteko dei bakarra eginen da. Izangaiek Nortasun Agiri Nazionala, pasaportea edo gidatzeko baimena eraman beharko dute. Bazterturik geldituko dira zernahi arrazoi dela medio iragarritako leku, egun eta orduetan aurkezten ez diren izangaiak, hala nola aipatutako agiri baten bidez nor diren egiaztatzen ez dutenak.
Deialdiko ariketa bakoitza zuzendu ondoren, epaimahaiak jendaurrean jarriko du, Nafarroako Gobernuaren iragarki oholean eta ariketa egin den tokian, gainditu duten izangaien zerrenda, lortutako kalifikazioekin eta, halaber, oposizioaren hurrengo proba edo ariketa egiteko tokia, eguna eta ordua, gutxienez 48 ordu lehenago.
6.2.2. Prestakuntza ikastaroa egiteko onartzea.
6.2.2.1. Hautapenaldia bukaturik, epaimahaiak jendaurrean jarriko du Nafarroako Gobernuko iragarki oholean oinarrizko prestakuntza ikastarora behin-behinekoz onartutako izangaien zerrenda, txanden arabera banatuak, eta txanda bakoitzean, hurrenez hurren erdietsitako puntuazioaren araberako hurrenkeran, deialdiaren lehenbiziko arauan ezarritakoa betetzeko. 20 ikasle onartuko dira gehienez.
Txanda bakoitzean izangai bat baino gehiago baldin badago ikastarora egiteko azken plaza lortzeko puntuazio berarekin, aurrena, lehenbiziko proban lortutako puntuazioa hartuko da kontuan, eta gero, bigarren proban lortutakoa.
6.2.2.2. Prestakuntza ikastaroan parte hartzen ahal izateko, behin-behinekoz onartutako izangaiek gaitasun psiko-fisikoaren azterketa gainditu beharko dute, deialdiaren 2.1.1.d) eta 2.1.2.b) ataletan ezarritako baldintza betetzen dutela frogatzeko.
Nafarroako Gobernuko Lehendakaritza, Justizia eta Barne Departamentuko Laneko Arriskuei Aurrea Hartzeko Atalak eginen du osasun azterketa hori, IV. eranskineko bazterbide medikoen taula kontuan hartuz, eta hartan, izangaiak "gai" edo "ez gai" deklaratuko dira.
6.2.2.3. Halaber, izangaiek ondoren azaltzen diren dokumentuak aurkeztu beharko dizkiote epaimahaiari, Nafarroako Gobernuko Erregistro Orokorraren bidez eta prestakuntza ikastaroa egiteko onartuen behin-behineko zerrenda Nafarroako Gobernuko iragarki oholean jendaurrean jarri eta hamabost egun naturaleko epean:
Nafarroako Foru Komunitateko Administrazioaren eta haren erakunde autonomoen zerbitzuko langile finko ez diren izangaiak, edo Nafarroako Foru Komunitateari eskualdatutako Justizia Administrazioko zerbitzuei atxikitako langile finko direnak:
a) Zinpeko aitorpena, eginkizun publikoetan aritzeko desgaitua edo gabetua ez dagoela eta inongo administrazio publikoren zerbitzutik ez dela baztertua izan erakusten duena.
b) Nafarroako Foru Eraentza errespetatzeko, Konstituzioari eta legeei men egiteko eta karguaren eginkizunak zintzo betetzeko zina edo agindua.
c) C motako ibilgailuak gidatzeko BTP baimenaren aurreko eta atzeko aldeen fotokopia konpultsatuak.
d) Hala izanez gero, deialdiaren 10.2 atalean aipatzen den aukeraz baliatu dela adierazten duen agiria.
Nafarroako Foru Komunitateko Administrazioaren eta haren erakunde autonomoen zerbitzuko langile finko diren izangaiak:
a) BTP baimenarekin C motako ibilgailuak gidatzeko baimenaren aurreko eta atzeko aldeen fotokopia konpultsatua.
b) Hala izanez gero, deialdiaren 10.2 atalean aipatzen den aukeraz baliatu dela adierazten duen agiria.
Atal honetan eskatutako dokumentuak behar den bezala aurkeztu ezean eta akatsak zuzentzeko emandako epean aurkeztu ezean, izangaia hautapen prozesutik bazterturik geratuko da.
6.2.2.4. Epaimahaiak, gaitasun psiko-fisikoaren azterketaren emaitzak ikusirik, hautapen prozesuan sortutako bajak ezarriko ditu, eta baja horiek bazterturik gelditu ez diren beste izangai batzuekin beteko ditu, betiere azterketa hori gainditu eta eskatutako dokumentazioa aurkezten badute. Hori egindakoan, oinarrizko prestakuntzako ikastarora onartutakoen behin betiko zerrenda argitaratuko da.
6.2.3. Oinarrizko prestakuntza ikastaroa.
Ikastaroa Nafarroako Segurtasun Eskolak emanen du, gainditu egin beharko da eta gobernatuko dute Nafarroako Segurtasun Eskolaren antolamendu eta funtzionamendurako Erregelamendua onesten duen irailaren 12ko 113/2005 Foru Dekretuak horren gainean ezarritako aginduek.
Prestakuntza ikastaroan parte hartzen duten izangaiak, aurretik Nafarroako Foru Komunitateko Administrazioaren funtzionarioak direnak izan ezik, praktiketako funtzionario izendatuak izanen dira.
Funtzio Publikoko Zuzendaritza Nagusiak praktiketako funtzionarioen izendapenak eginen ditu eta Nafarroako Administrazio Publikoaren Institutuko Segurtasun Eskolari atxikiko zaizkio.
Izangaiek erregelamenduaren arabera ezarritako lansariak jasoko dituzte eta Gizarte Segurantzaren Araubide Orokorrean afiliatuko dira eta alta emanen zaie, salbu eta lehendik Nafarroako Administrazio Publikoen zerbitzuko Langileen eskubide pasiboen beste araubide batean afiliatuta zeudenen kasuan, bertan segituko baitute.
Ikastaroan baja emateak oposizioaldian jarraitzeko eskubidea eta praktiketako funtzionarioaren izaera galtzea ekarriko du berekin. Gertatzen denean, deialdia egin duen organoari jakinaraziko zaio.
7._Proben eta prestakuntza ikastaroaren balorazioa.
7.1. Lehen probako ariketak honela kalifikatuko dira: Nafarroako legeria, erakundeei eta historiari buruzkoa, gehienez 25 puntu; Nafarroako geografiari buruzkoa, gehienez 30 puntu; Hizkuntzari buruzkoa, gehienez 15 puntu; Su-itzaltze eta Salbamenduari buruzkoa, gehienez 30 puntu; eta ezagupen teknikoei buruzkoa, gehienez 50 puntu.
Baztertuta geldituko dira guztira 75 puntu eskuratzen ez dutenak, baita ariketaren batean 0 puntu lortzen dutenak ere.
7.2. Bigarren probako ariketak honela kalifikatuko dira:
_Pisua goratzea (banku press-a), 10-20 puntu bitarte.
_Uretan aritzeko gaitasuna, 10-20 puntu bitarte.
_Orekako proba, 5-10 puntu bitarte.
_Zalutasun proba (Barrow testa), 5-10 puntu bitarte.
_Indar erlatiboaren proba (sokan gora egitea), 5-10 puntu bitarte.
_Erresistentzia proba (Course Navette), 10-20 puntu bitarte.
_Indar, erresistentzia eta koordinazio proba (alboko jauzien testa), 5-10 puntu bitarte.
Proba bakoitzean eskatutako gutxieneko puntuazioa lortzen ez duten izangaiak kanporaturik geldituko dira. Orobat, bazterturik geldituko dira dopajea galarazteko kontroletan positiboa ematen dutenak.
7.3. Hirugarren probak 0-50 puntuko bitarteko puntuazioa izanen du. Bazterturik geldituko dira gutxienez 25 puntu eskuratzen ez duten izangaiak.
7.4. Oinarrizko prestakuntza ikastaroa Nafarroako Segurtasun Eskolaren antolamendu eta funtzionamendurako Erregelamenduan ezarritakoari jarraikiz kalifikatuko da, eta 800 puntuko balorazioa izanen du gehienez.
Eskolak ematen dituen kalifikazioak lotesleak izanen dira epaimahaiarentzat.
8._Probak gainditzen dituztenen zerrenda eta izendapen proposamena.
Epaimahaiak, izangaiek prestakuntza ikastaroan erdietsitako kalifikazioak jaso ondotik, espedienteari atxikiko zaizkio, ikastaroa gainditu dutenen zerrenda onetsi (txanden arabera eta txanda bakoitzean oposizioan ateratako puntuazio osoaren arabera) eta Funtzio Publikoaren zuzendari nagusiari izendapen proposamena igorriko dio. Proposamen hori Nafarroako ALDIZKARI OFIZIALean argitaratuko da.
9._Lanpostu hutsak hautatzea.
9.1. Horretarako ezarritako epean, proposatutako izangaiek jakinarazi beharko dute zein den eskaintzen zaizkien lanpostu hutsetatik nahiago dutena.
9.2. Hautaprobak igoera txandan gainditzen dituzten izangaiek deialdiko lanpostuak betetzeko lehentasuna izanen dute txanda horretakoak ez diren izangaien aurrean.
10._Izendapena, lanpostuen esleipena eta jabetza hartzea.
10.1. Funtzio Publikoaren zuzendari nagusiak, ebazpen baten bitartez, proposatu diren izangaiak Nafarroako Foru Komunitatearen Administrazioko funtzionario izendatuko ditu, suhiltzaile lanetan aritzeko. Ebazpen horren bidez lanpostuen esleipena ere eginen da.
10.2. Izendapena eta jabetza hartzea direla bide, izendatuak Nafarroako Foru Komunitateko Administrazioaren plantillako nominadun funtzionarioak izanen dira, eta Nafarroako Foru Komunitateko Administrazioko funtzionarioei buruz indarra duten xedapenetan ezarritako eskubideak eta betebeharrak izanen dituzte. Gizarte Segurantzako Araubide Orokorrean izena emanen dute eta bertan kidetuko dira eta araubide horrek babestuko ditu, salbu eta Nafarroako Administrazio Publikoetan Estatutuan eta gainerako xedapen osagarrietan aipatzen den Eskubide Pasiboen eta Osasun eta Gizarte Laguntzako araubidean izena emanak badira eta babes araubide horretan irautea erabaki badute.
10.3. Izendatzen diren izangaiek destinoko herrian bizi beharra dute eta, horretarako, udalerri horretan finkatuko dute bizilekua. Administrazio organo eskudunek destinoa aldatzen ahalko dute, aplikatzekoa den arautegian ezarritakoarekin bat.
10.4. Lanaldia zerbitzuaren beharretara egokituko da eta noiznahi aldatzen ahalko dute administrazio organo eskudunek, aplikatzekoa den araudian ezarritakoarekin bat.
10.5. Izendapena Nafarroako ALDIZKARI OFIZIALean argitaratuko da eta jabetza hartzea izendapenaren ebazpenean adierazten den egunean eginen da.
Jabetza hartzearekin batera deuseztatu eginen da praktiketako funtzionarioaren izendapena.
Ezinbesteko kasuetan izan ezik, ezarritako egunean lanpostua hartzen ez dutenek Foru Komunitateko Administrazioko funtzionario bihurtu eta deialdiko lanpostuan aritzeko eskubide guztiak galduko dituzte.
11._Errekurtsoak.
Epaimahaiak ematen dituen egintza eta ebazpenen kontra gora jotzeko errekurtsoa paratzen ahal da Funtzio Publikoaren zuzendari nagusiari zuzenduta, errekurtsoaren xede den egintza argitaratu edo jakinarazi eta biharamunetik hilabeteko epean.
Deialdi honen eta bere arauen kontra eta arauak aplikatzeko egintzen kontra, epaimahaiak hartutakoen kontra izan ezik, zilegi izanen da gora jotzeko errekurtsoa jartzea, Lehendakaritza, Justizia eta Barne kontseilariari zuzendua, hilabeteko epean, errekurritu nahi den egintza argitaratu edo jakinarazi eta biharamunetik kontatuta.
Hori guztia Nafarroako Foru Komunitateko Administrazioari buruzko abenduaren 3ko 15/2004 Foru Legearen 57. artikuluarekin bat, eta urtarrilaren 13ko 4/1999 Legeak aldatutako Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 114. eta 115. artikuluei jarraikiz.
Iruñean, 2007ko urtarrilaren 29an._Funtzio Publikoaren zuzendari nagusia, Alberto Andérez González.
I. ERANSKINA
Eskabidea
Nafarroako Gobernua. Lehendakaritza, Justizia eta Barne Departamentua, Funtzio Publikoaren Zuzendaritza Nagusia.
.................................... jauna/andrea, adinez nagusia, ............... zk.ko Nortasun Agiri Nazionalaren (edo nortasun agiri baliokidea) jabea, ...................(e)n (................) 19.....eko ......aren ......(e)an jaioa, nazionalitate ........(e)koa, helbidea: (.............), gaur eguneko helbidea ................, (...........), kalea ......................, posta kodea ........, telefonoa ................, laneko telefonoa .......................
AZALTZEN DUT:
Nafarroako Foru Komunitateko Administrazioaren zerbitzuko .............. izateko ...............lanpostu ....................bidez betetzeko deialdian parte hartzeko onar nazatela eskatzen dudala, aipatu txandan (deialdia ...... zenbakiko Nafarroako ALDIZKARI OFIZIALean argitaratu zen, .........(e)an).
f Txanda irekia
f Igoera txanda*
f Ezgaitasunen bat dutenendako txanda*
Hautaprobak gainditzen ez baditut, lanpostuak behin-behinekoz betetzeko aukeraz baliatu nahi dudala, honako esparruotako batean:
f Administrazio erroa*
f Osasunbidea-Nafarroako Osasun Zerbitzua*
f Nafarroako Gizarte Ongizatearen Institutua*
(Esparruetako bakar bat aukeratu daiteke).
Ez dudala karguan aritzea galarazten didan eritasunik edo akats fisikorik nahiz psikikorik.
Indarra duten xedapenetan ezarritako ezintasunik ez dudala.
Ez naizela diziplinako espediente bidez ezein administrazio publikoren zerbitzutik kanpo utzia izan eta ez nautela eginkizun publikoak betetzeko gaitasunik gabe utzi.
Deialdian eskatzen den titulazioaren jabe naizela.
Azterketa eskubideak ordaindu ditudala deialdian ezarritako moduan eta horren gordekina erantsi dudala, edo erantsitako agirien bidez frogatzen dudala tasa ordaintzetik salbuetsita nagoela.
Eskabideak aurkezteko epearen azken egunean beharkizun guztiak betetzen ditudala.
f Ezgaitua naizelakoz, orri bereizi batean adierazten ditudan denbora eta baliabide egokitzapenak eskatzen ditudala.
f Ezgaitasuna frogatzen duen agiria aurkezten dudala, erakunde eskudun batek emana.
f Euskararen gaitasunaren agiria edo ofizialki baliokidea den beste titulu bat aurkezten dudala*
f Euskara maila jakiteko proba egitea eskatzen dudala*
f Frantseseko eta ingeleseko nahikotasun frogak egitea eskatzen dudala.*
Horrenbestez,
Eskabide hau ontzat hartu eta aipatu deialdian onartua izatea eskatzen dut.
Iruñean, ........(e)ko ............................aren .................(e)(a)n.
(Sinadura)
(*) Bidezkoa bada.
Oharra._Datu Pertsonalak Babesteari buruzko abenduaren 13ko 15/1999 Lege Orgainkoan xedatutakoa betez, jakinarazten da agiri honetan ageri diren datuak eta administrazioarekin etorkizunean izan daitekeen zerbitzu harremena kudeatzeko beharrezkoak diren gainerako guztiak datuen fitxategi automatizatu batean sartuko direla. Nafarroako Gobernuko Funtzio Publikoaren Zuzendaritza Nagusia da fitxategi horren erantzulea, eta datuen konfidentzialtasuna bermatzen du. Datuen titularrari jakinarazten zaio datu pertsonalen tratamendua eskuratu, zuzendu, ezabatu eta haren aurka jotzeko eskubidea erabiltzen ahal duela, datuak babesteko indarra duen araudiarekin bat.
II. ERANSKINA
Gai zerrenda
1._Nafarroako legeria, erakundeak eta historia.
1.1. Nafarroa Gaztelako Koroan sartzea. Historia, izaera eta ondorioak. Nafarroako Erresumako Eraentza. Nafarroako Gorteak. Erregeordea. Errege Kontseilua. Erresumako Diputazioa.
1.2. Lege Itundua, 1841eko abuztuaren 16koa: hitzarmenaren sorrera, negoziazioak eta amaiera. Edukiaren azterketa. Itun izaera.
1.3. Nafarroako Foru Eraentza Birrezarri eta Hobetzeari buruzko abuztuaren 10eko 13/1982 Lege Organikoa: prestakuntza prozesua. Izaera eta esanahia. Egitura eta sistematika. Atariko titulua.
1.4. Nafarroako Foru Erakundeak. Nafarroako Parlamentua edo Gorteak. Osaera eta eginkizunak. Haren Erregelamendua. Funtzionamendua: osoko bilkura eta batzordeak. Comptos Ganbera. Arartekoa.
1.5. Nafarroako Gobernuari eta lehendakariari buruzko abenduaren 3ko 14/2004 Foru Legea. Horren egitura eta edukiaren analisia.
1.6. Nafarroako Foru Komunitateko Administrazioari buruzko abenduaren 3ko 15/2004 Foru Legea. Horren egitura eta edukiaren analisia.
1.7. Abuztuaren 30eko 251/1993 Legegintzako Foru Dekretua, Nafarroako Administrazio Publikoen zerbitzuko Langileen Estatutuaren Testu Bategina onetsi zuena: horren egitura eta edukiaren analisia.
1.8. Administrazioaren xedapenak eta egintzak. Administrazio prozedura. Kontzeptua. Printzipioak. Administrazio prozedura erkidearen faseak. Prozedura bereziak.
1.9. Administrazio errekurtsoak. Kontzeptua. Oinarri orokorrak eta motak. Administrazioarekiko auzi-errekurtsoa.
1.10. 8/2005 Foru Legea, uztailaren 1ekoa, Nafarroako Babes Zibilari eta Larrialdien Kudeaketari buruzkoa. I. titulua. Xedapen orokorrak. II. titulua. Babes zibila larrialdi kolektiboetan: babes zibileko jarduketak: esku-hartzea. Herritarren laguntza. Ikuskapenak. III. titulua. Larrialdietako jardunbidea. IV. titulua. Prebentzio, su-itzaltze eta salbamendu zerbitzuak.
1.11. 38/2006 Foru Dekretua, ekainaren 19koa, Nafarroako Larrialdietako Agentzia sortzen duena. I. titulua: izaera, menpekotasuna, atxikipena eta helburuak. II. Titulua: egitura organikoa. III. titulua: ondarea, baliabideak, aurrekontuak eta kontrola. IV. titulua: langileak.
2._Nafarroako geografia.
2.1. Nafarroako geomorfologia: morfoegitura unitate nagusiak: Ebroren arroa eta Pirinioak.
2.2. Nafarroako orografia: ezaugarri nagusiak eta Iparraldeko eta Hegoaldeko Pirinioen adarrak. Biztanleriaren eta ekonomiaren gaineko eragina.
2.3. Nafarroako klimatologia: Nafarroan kliman eragiten duten faktoreak. Klima motak Nafarroan. Landaredia: motak eta banaketa.
2.4. Nafarroako hidrologia: Nafarroako ibaien ezaugarriak. Isurialdeak eta arroak: azterketa eta deskribapena. Unitate hidrogeologikoak.
2.5. Nafarroako nekazaritza: eskualdeak eta motak. Nafarroako abeltzaintza: espezieak, eskualdeak, produkzioa eta kokapena. Nafarroako meatzaritza.
2.6. Nafarroako industria: bilakaera, kokapena, arazoak.
2.7. Nafarroako hirugarren sektorea: hezkuntza. Komunikazioak, merkataritza. Nafarroako errepideen sarea. Mendateak.
2.8. Nafarroako biztanleria: ezaugarriak, bilakaera, banaketa, eremuak, migrazio mugimenduak. Nafarroako habitata. Biztanleen lanbide eta gizarte egitura.
2.9. Ipar-mendebaldeko Nafarroa hezearen eta Nafarroako Pirinioen azterketa.
2.10. Pirinioetako arroen azterketa.
2.11. Erdialdeko ekialdeko eta mendebaldeko Nafarroaren azterketa.
2.12. Ekialdeko eta mendebaldeko Erriberaren azterketa.
3._Hizkuntza.
3.1. Substantiboaren, adjektiboaren eta aditzaren morfologia. Esaldi bakunaren sintaxia.
3.2. Esaldi konposatuaren sintaxia. Deskribapena: hainbat mota. Deskripzioaren objektibotasuna eta subjektibotasuna.
3.3. Ortografia.
3.4. Sinonimoak eta antonimoak.
4._Salbamenduak eta su-itzaltzeak.
4.1. Sua: definizioa. Erreakzio energia. Suaren triangelua eta tetraedroa. Erregaia. Materialen erantzuna, suteak gertatzean. Errekaria.
4.2. Sutea. Motak. Emaitzako produktuak eta suaren zabalpena.
4.3. Su-itzaltze metodoak. Hozketa. Sua itotzea. Suari elikadura kentzea.
4.4. Uraren eta aparraren bidez itzaltzeko ekipoak. Iturriak. Ureztodiak, konexioak eta lantzak. Aparra aplikatzeko elementuak, ezaugarriak eta funtzionamendua.
4.5. Itzalgailu eramangarriak. Eragile itzalgarria. Karga. Funtzionamendu-denborak. Noraino iristen diren eta haien eraginkortasuna.
4.6. Arnasketa ekipoak. Iragazkiak eta ekipo autonomoak. Ezaugarriak eta funtzionamendua.
4.7. Aireztapen aparatuak. Hidroaireztailuak. Elektroaireztailuak. Ezaugarriak eta funtzionamendua.
4.8. Salbamendu bitartekoak. Eskalak. Sokak, motak, lotzeko materialak. Igotzeko eta erakartzeko materialak. Ebakitzeko, konpontzeko eta libratzeko materialak.
4.9. Gai arriskutsuak: sailkapena, identifikazioa eta seinaleztapena.
4.10. Suteen aurka borrokatzeko eta salbamendu lanak egiteko ibilgailuak. Sailkapena, funtsezko ekipamendua. Autoponpak. Eragile bereziak dituzten ibilgailuak. Elikadura ibilgailuak. Suteetan salbamendu lanak egiteko ibilgailuak. Istripuetan salbamendu lanak egiteko ibilgailuak. Uretan salbamendu lanak egiteko ibilgailuak.
5._Ezagupen teknikoak.
5.1. Materialak. Materiaren egitura atomikoa eta molekularra. Materialen propietate orokorrak. Material industrialen propietateak. Metal, zeramika eta plastikozko materialak. Zura, ehunkiak, isurkiak eta labaingarriak. Materialen entsegua.
5.2. Energia. Kontzeptua eta unitateak. Energia motak eta haren eraldaketa. Energia ez-berriztagarriarentzako erregaiak. Energia berriztagarria. Energiaren garraioa. Energia kontsumitu eta aurreztea. "Errendimenduaren" kontzeptua eta aplikazioa.
5.3. Makinak eta fabrikazio sistemak. Makina baten kontzeptua eta zatiak. Aginte zirkuitua eta indar zirkuitua. Esku tresnak. Ahalegin fisikoa eta materialen ahalegin mekanikoa. Mugimendua makina batean, haren transmisioa eta eraldaketa. Igurzpenak. Makinaren labainketa eta mantentze-lana.
5.4. Makinen elementuak. Lotune finkoak eta desmuntagarriak: hariak eta hari-sistemak, errematxeak, soldadura, akoplamenduak, zirrindolak, larakoak eta lotura elastikoak. Transmisio mekanikoak: ardatzak, euskarriak, engranajeak, uhal-poleak, enbrageak, kate gurpilak, giltzadurak-errotulak, biela biradera. Kate zinematikoak. Elementu osagarriak: energia-metagailuak, balaztak, blokeatzeko sistemak, segurtasun sistemak. Makinen elementuen mantentze-lana. Makinen elementuak erabiltzeko segurtasun arauak.
5.5. Fabrikazio mekanikoa. Txirbil-harroketarik gabeko prozedurak: moldeaketa eta haren motak, soldadura bidezko lotura, forja, ijezketa, ebaketa, estaldura. Txirbil-harroketa bidezko prozedurak: karrakaketa, zerraketa, hariztaketa, torneaketa, fresaketa, zulaketa eta beste. Makina-erraminta. Prozesuen automatizazioa. Produktuaren kalitatea kontrolatzea. Makina-erramintaren mantentze-lana. Fabrikazioaren industria-hondakinak eta ingurumenaren gaineko eragina.
5.6. Makinetako zirkuitu pneumatikoak. Pneumatika zertarako erabili. Aire konprimatuaren ekoizpen, tratamendu eta banaketaren funtsezko alderdiak. Zirkuitu pneumatiko baten funtsezko elementuak. Zirkuitu pneumatiko bat muntatu eta abian jartzea. Zirkuitu pneumatiko bat desmuntatzeko jarduketak. Makinen zirkuitu pneumatikoen mantentze-lana eta segurtasuna.
5.7. Makinetako zirkuitu oliohidraulikoak. Oliohidrailuka zertarako erabili. Zirkuitu oliohidraulikoaren funtsezko elementuak. Zirkuitu oliohidrauliko bat muntatu eta desmuntatzea. Zirkuitu oliohidrauliko bat abiarazi eta geldiarazteko jarduketa protokoloa. Olio hidraulikoak. Oliohidraulika mugikorra eraikuntza eta obra zibilerako. Zirkuitu oliohidraulikoen mantentze-lana.
5.8. Automozioko ibilgailuak. Barne erreketako motorra. Diesel motor baten funtsezko elementuak eta funtzionamendua. Diesel motor baten labainketa: haren garrantzia eta funtzionamendurako elementuak. Motorraren hoztea. Ibilgailu bateko transmisioak: abiadura-kaxa, enbragea, ardatz aktiboak, diferentziala. 4x4 transmisioak: funtzionamendua, motak, elementuak.
5.9. Ibilgailuen mantentze-lana eta segurtasuna. Funtzionamendurako sistemak eta elementu kritikoak. Segurtasunerako sistemak eta elementu kritikoak. Mantentze-dosierra: aldian aldiko berrikuspena, kontrolerako puntu eta parametroak, elementuak berritzea. Jarduteko protokoloa ibilgailua hondatuz gero. Jarduteko protokoloa ibilgailuarekin istripua izanez gero.
5.10. Oinarrizko kontzeptuak. Elektrizitatea: motak, unitateak, zirkuitu baten osagaiak eta korronte elektrikoaren efektuak.
5.11. Elementu nagusiak. Erresistentziak, harilak eta kondentsadoreak. Funtzionamendua. Ezaugarriak. Arriskuak.
5.12. Segurtasuna BT-n. Behe tentsioko instalazio elektrikoetako eragite eta babes elementuak. Haien mantentze-lana.
5.13. Segurtasuna GT-n. Goi tentsioko instalazio elektrikoetako eragite eta babes elementuak. Haien mantentze-lana.
5.14. Transformadoreak. Eraldaketa zentroak. Konektatu eta deskonektatzeko eragite protokoloak. Transformadoreen mantentze-lana.
5.15. Manipulazioa BT-n. Behe tentsioko eroale, hargailu, linea eta antzekoak konektatu eta deskonektatzeko jarduketa protokoloak.
5.16. Lurra. Lurreko instalazioak. Igarotzeko tentsioa eta kontaktu-tentsioa. Lurreko instalazioen berrikuspena eta mantentzea.
5.17. Lineak. Lur gaineko eta lur azpiko lineak, behe eta goi tentsiokoak. Eraketa, eraikuntza eta manipulazioa. Lineak zaindu eta mantentzea.
5.18. Ekipo elektrogenoa. Haren garrantzia. Instalazioa, abiaraztea eta arretazko neurriak.Mantentze-lana.
5.19. Elementu osagarriak. Bateriak eta metagailuak. Argi bereziak. Hornidura osagarriak.
5.20. Ebaketa: ebaketa mekaniko eta termikoetako prozesuak. Ebaketaren garrantzia. Erabiltzen diren makina eta elementuak. Ebakitzeko segurtasun neurriak.
5.21. Gasak: ebaketa eta soldadurarako gasak sortu, gorde, garraiatu eta manipulatzea. Erabiltzen diren makinak eta elementuak. Instalazioen babesa eta mantentze-lana.
5.22. Soldaketa: soldatzeko prozesuak. Soldaketaren oinarriak eta motak. Erabiltzen diren makina eta materialak. Arku elektriko bidezko soldaketa. Atmosfera bereziak. Soldaketa prozesuetako segurtasuna. Soldatzeko makina eta instalazioen mantentze-lana.
Oharra._Gai guztiak deialdi hau Nafarroako ALDIZKARI OFIZIALean argitaratzen denean indarra duen legeriari jarraikiz baloratuko dira, baina egun horren ondoren onetsitako arau aldaketen ekarpenak baloratzen ahalko ditu epaimahaiak.
III. ERANSKINA
Proba fisikoak
1._36 kiloko pisua goratzea (banku press-a).
Deskripzioa: banku batean etzanda, ahoz gora, izangaiak 36 kiloko pisua goratu behar du 60 segundutan ahal duen aldi guztietan. Bi eskuekin goratuko du pisua eta barra hartuko du sorbalden zabalera baino piska bat zabalago (barrari ahurraz heldu eta behatzak itxirik). Ariketa honela eginen da: hasieran barrak bularra ukitzen du, ukondoak flexionatuak, eta gero ukondoak luzatu egiten dira bertikalean jarri arte. Proba hau egiteko saio bakarra izanen dute izangaiek.
Ariketaren hasieran ukondoak flexionatuak egonen dira eta barrak bularra ukituko du.
Oinak lehenbiziko goratzean nola dauden, horrela mantenduko dira ariketa osoan, aldatu gabe.
Ukondoak erabat luzatu ezean edo ukondoen flexio batean barrarekin bularra ukitu ezean, jasoaldia baligabetuko da eta, beraz, ez da kontatuko.
Ariketa ondoko kasu hauetan bukatuko da:
_Izangaiak ukondoak flexionatuak dituela eteten badu ariketa, barrarekin bularra ukituz.
Puntuazioa: egindako errepikapenen araberakoa izanen da, ondoko eskala honi jarraikiz:
ZENBAT ALDIZ-GIZONAK ZENBAT ALDIZ-EMAKUMEAK PUNTUAZIOA
20 baino gutxiago 20 baino gutxiago baztertua
20tik 30era bitarte 20 10
31tik 40ra bitarte 21etik 22ra bitarte 12
41etik 48ra bitarte 23tik 24ra bitarte 14
49tik 54ra bitarte 25etik 26ra bitarte 16
55etik 59ra bitarte 27tik 28ra bitarte 18
60 edo gehiago. 29 edo gehiago 20
2._Ur inguruneko trebetasun probak. (100 metro estilo librean).
Arnasa hartzeko mekanismoen kontrola eta ur ingurunean nola egokitzen den baloratzea.
Deskripzioa: 50 metroko igerileku batean estilo librean igeri egitea, joan eta etorri.
Gehienez ere minutu bat eta 30 segundu izanen dira hori burutzeko.
Ezin izanen da erabili urpean igeri egiteko betaurrekorik ez beste baliabiderik ere, baina bai igeri egiteko betaurrekoak.
Egiteko modua: abiatze seinalearen ondoren, izangaia uretara botako da eta igerian 100 metro eginen ditu. (50 metro joateko eta 50 metro etortzeko).
Saialdi bakarra eginen da.
Saialdia baliogabetzat joko da, baztertzeko arrazoi izanik, baldin eta izangaiak:
_Kortxo-ilarak edo igerilekuaren alboko kaleak nahiz ertza euskarri moduan edo abiada hartzeko erabiltzen baditu.
_Igerilekuaren hondoa ukitu edo hura erabiliz abiada hartzen badu.
_Kalez aldatzen bada.
Puntuazioa: ondoko eskala honen araberakoa izanen da (segunduetan emandako denbora, ehunenak kontatu gabe).
TARTEA-GIZONAK TARTEA-EMAKUMEAK PUNTUAZIOA
1'30" baino gehiago 1'30" baino gehiago baztertua
1'26"tik 1'30"ra 1'28"tik 1'30"ra 10
1'21"tik 1'25"ra 1'25"tik 1'27"ra 12
1'16"tik 1'20"ra 1'22"tik 1'24"ra 14
1'11"tik 1'15"ra 1'19"tik 1'21"ra 16
1'06"tik 1'10"ra 1'16"tik 1'18"ra 18
1'05" edo gutxiago 1'15" edo gutxiago 20
3._Orekako proba.
Baloratu nahi da jarrera estatiko edo dinamikoari eusteko ahalmena, grabitatearen kontra.
Deskripzioa: lurretik 2 metrora kokatu den oreka haga batean mugitzea. Joan-etorri bat eginen da. Joanaldia aurreraka ibiliz eta etorria atzeraka ibiliz (bizkarra emanez).
Hagaren zabalera 10 cm-koa izanen da eta luzera 6 m, joan-etorria kontatuta.
Egiteko modua: izangaia goian dagoela, joan-etorriko ibilbide osoa eginen du hagan zehar, ibiliz edo korrika. Hasiera aurreraka eginen du, kontrolatzaileak seinalea ematen duenean. Izangaiak hasierako seinalea zanpatzen duenean hasiko da denbora kontatzen. Beste aldera joanen da, denbora guztian bi eskuetan 5 kiloko baloi medizinal bat daramala. Han, ezarritako seinalea bi oinekin zanpatu ondoren, bizkarka itzuliko da, lehenbiziko seinalea bi oinekin zanpatu arte. Une horrexetan bukatuko da denbora kontatzen.
Bi saio egiten ahal dira. Bigarren saioa lehenbizikoa baliogabea denean baizik ez da eginen. Minutu bat eta 30 segunduko tartea utziko da bigarren saioa egin baino lehen.
Saio baliogabea izanen da izangaiak ondokoak egiten baditu:
_Erortzen bada edo hagatik ateratzen bada.
_Muturretako seinaleak bi oinekin zanpatzen ez baditu.
_5 kiloko baloi medizinala erortzen bazaio.
_Ariketa hasi denean, hagan zutik dagoela, haga ukitzen badu eskuekin.
Puntuazioa: ondoko eskala honen araberakoa izanen da (segunduetan emandako denbora, ehunenak kontatu gabe). Puntuazio eskala bera dago gizon eta emakumeentzat.
TARTEA-GIZONAK TARTEA-EMAKUMEAK PUNTUAZIOA
15"1 baino gehiago 15"1 baino gehiago baztertua
12"tik-15"ra 12"tik-15"ra 5
11"tik 11"9ra 11"tik 11"9ra 6
10"tik 10"9ra 10"tik 10"9ra 7
9"tik 9"9ra 9"tik 9"9ra 8
8"tik 8"9ra 8"tik 8"9ra 9
7"9 edo gutxiago 7"9 edo gutxiago 10
4._Zalutasun proba. (Barrow testa).
Abiatzeko jarrera: zutik zutoinaren ondoan, irteera marraren atzean.
Egiteko modua: probaren helburua da ahalik eta lasterren korritzea "zortzi" baten itxurako zirkuitu bat, bost zutoinez mugatua. Horietako lauk 8,66 bider 5 metroko laukizuzen baten erpinak seinalatzen dituzte eta bosgarrena erdi-erdian dago (ikus grafikoa). Izangaiek bi aldiz egin behar dute zirkuitua, behin norabide bakoitzean (A eta B ibilbideak grafikoan). Proba hau egiteko saio bakarra izanen dute izangaiek.
Zirkuituaren eskema:
Abiadura - zalutasun (Barrow testa)
Ondokoak dira kanporatzeko arrazoiak:
_Zutoin bat botatzea.
_Izangaia ibilbidetik ateratzea.
Puntuazioa: izangaiek bi ibilbideak (A eta B) egiteko ematen duten denbora batuko da, kontuan hartuta ibilbideak bukatzen direla izangaia irteera marratik berriz pasatzen denean. Puntuazioa ondoko eskala honen araberakoa izanen da (segunduetan emandako denbora, ehunenak kontatu gabe).
TARTEA-GIZONAK TARTEA-EMAKUMEAK PUNTUAZIOA
25" baino gehiago 25" baino gehiago baztertua
25" eta 24"5 bitarte 25" eta 24"9 bitarte 5
24"4tik 24"ra 24"8tik 24"7ra 6
23"9tik 23"5era 24"6tik 24"5era 7
23"4tik 23"ra 24"4tik 24"3ra 8
22"9tik 22"5era 24"2tik 24"1era 9
22"5 baino gutxiago. 24"1 baino gutxiago. 10
5._Indar erlatiboaren proba.
Nork bere pisuaren gainean daukan kontrolaren gradua neurtu nahi da.
Deskripzioa: zintzilikatutako soka liso batez igo beharko da trepa eginez besoekin, 5 m altu ailegatzeraino gehienez ere 12 segundutan.
Egiteko modua: kontrolatzaileak "ya" esatean, gora igo eta 5 metrora dagoen seinalea edo gorago ukitu beharko du bi eskuekin. Altuera horretara iritsitakoan ezkil bat jo beharko du.
Zutik jarreran hasiko da proba (oin zolek lurra ukitzen dutela).
Jaitsierak ez du ondoriorik izanen kalifikazioan.
Bi saio egiten ahal dira. Bigarren saioa lehenbizikoa baliogabea denean baizik ez da eginen. Minutu bat eta 30 segunduko tartea utziko da bigarren saioa egin baino lehen.
Saioa baliogabea izanen da izangaiak ondokoak egiten dituenean:
_Igotzen hasterakoan bultza egiten badu.
_Igotzeko sokari hankekin heltzen badio.
_Ezkila jotzean sokari hankekin heltzen badio.
_5 metrora dagoen seinalea edo goragoko zati bat bi eskuekin ukitzen ez badu.
_Proba hasi eta 12 segundu geroago ezkila jo ez badu.
_Sokatik erortzen bada.
Puntuazioa: ondoko eskala honen araberakoa izanen da (segunduetan emandako denbora, ehunenak kontatu gabe).
TARTEA-GIZONAK TARTEA-EMAKUMEAK PUNTUAZIOA
12"1 edo gehiago 12"1 edo gehiago baztertua
10"tik 12"ra 11"tik 12"ra 5
8"tik 9"9ra 10"tik 10"9ra 6
6"tik 7"9ra 9"tik 9"9ra 7
5"tik 5"9ra 8"tik 8"9ra 8
4"tik 4"9ra 7"tik 7"9ra 9
3"9 edo gutxiago. 6"9 edo gutxiago. 10
6._Erresistentzia proba. (Course Navette-ren testa).
Egiteko modua: izangaiek 20 metroko luzera duen joan-etorriko ibilbidea egin behar dute ahalik eta denbora luzeenean, zinta magnetofoniko batez emandako seinale akustikoen bidez markatutako erritmoari jarraikiz. Izangaiek, seinalea entzutean, ibilbidearen bi muturrak seinalatzen dituzten marrak zapaldu beharko dituzte, lehenik bat eta gero bestea. Buelta emanen da oin baten gainean bermatuz eta marra zapalduz. Zintak soinua emanen du tarte erregularren arabera. Probaren hasieran abiadura motela izanen da, baina gero eta azkarragoa eginen da. Proba hau egiteko saio bakarra izanen dute izangaiek.
Testaren helburua da zinta magnetofonikoak markatutako erritmoari jarraitzea eskatutako tarteak bete arte. Ondoren azaltzen diren kasuetan, proba bukatu eta ordura arte pasatako denbora kontatuko da:
_Izangaia gelditzen denean.
_Izangaia hari emandako kaletik ateratzen denean.
_Izangaiak ibilbide bat bukatzeko haren muturreko marra zapaltzen ez duenean.
_Izangaiak hiru aldiz jarraian ez badu marra zapaltzea lortzen seinale akustikoak agintzen dionean. Marratik metro bateko tartea onartuko da, seinaleak jotzen duen unean.
Puntuazioa: izangai bakoitzarentzat proba bukatzen den arte pasatako denbora-tarteeen araberakoa izanen da (tarte bakoitza minutu batekoa da gutxi gorabehera), ondoko eskala honi jarraikiz:
TARTEAK-GIZONAK TARTEAK-EMAKUMEAK PUNTUAZIOA
10,5 baino gutxiago 10,5 baino gutxiago baztertua
10,5 eta 11 10,5 10
11,5 eta 12 11 12
12,5 eta 13 11,5 14
13,5 eta 14 12 16
14,5 eta 15 12,5 18
15,5 edo gehiago. 13 edo gehiago. 20
7._Indar-erresistentziaren eta koordinazioaren proba. (Alboko jauzien testa).
Deskripzioa: lurretik 25 zentimetrora dagoen listoi bat jauziko da, 30 segunduz etenik gabe, oinak bata bestearen ondoan edo parez pare daudela. Zenbat jauzi egiten diren kontatuko da.
Abiatzeko jarrera: izangaia zutik jarriko da, listoiaren ondoan alboka, bi oinak pare-parean. Kontrolatzaileak "ya" esatean, jauzten hasiko da, etenik gabe.
Bi saio egiten ahal dira. bigarrena lehenbizikoa baliogabea izan baldin bada eginen da soilik. Minutu bat eta 30 segunduko tartea utziko da bigarren saioa egin baino lehen.
Saio baliogabea izanen da izangaiak ondokoak egiten baditu:
_Listoia botatzen badu.
_Jauzi bat errepikatzen badu listoiaren alde berean.
_Jauzien erritmoa eteten badu 30 segunduak bukatu baino lehen.
_Jauzi bat bukatuta listoia oinen artean gelditzen bazaio.
_Lurra bi oinekin batera ukitzen ez badu.
Puntuazioa: egindako errepikapenen araberakoa izanen da, ondoko eskala honi jarraikiz:
ZENBAT ALDIZ-GIZONAK ZENBAT ALDIZ-EMAKUMEAK PUNTUAZIOA
45 baino gutxiago 45 baino gutxiago baztertua
45etik 49ra bitarte 45etik 47ra bitarte 5
50etik 54ra bitarte 48tik 50era bitarte 6
55etik 59ra bitarte 51tik 53ra bitarte 7
60tik 64ra bitarte 54tik 56ra bitarte 8
65etik 69ra bitarte 57tik 59ra bitarte 9
70 edo gehiago. 60 edo gehiago. 10
IV. ERANSKINA
Bazterbide medikoak
1._Ikuspegia. Begien sistema
Zuzendu gabeko begi zolitasuna:
_4/10 bi begietan, edo
_3/10 begirik okerrenean eta 5/10 onenean, edo
_2/10 begirik okerrenean eta 6/10 onenean.
Ikuseremu monokularra: Ezin izanen da plano horizontalean 120º-tik beherakoa izan, eta murrizketa nabarmenik gabekoa izanen da ikuseremuko meridiano batetik bestera.
Diplopia.
Diskromatopsia larriak.
Estereopsi falta.
Keratotomia erradiala.
2._Entzumena. Entzuteko sistema
500dik 3.000 Hz bitarteko frekuentzietan belarriren batean 45 dB-ko edo gehiagoko galera.
Orekari loturiko alterazioak, edozein etiologiatakoak.
3._Hizkuntza.
Afasiak, disfoniak, disfemiak (hitz-toteltasuna), disartria eta disglosia iraunkorrak, suhiltzaile lanetan aritzea zaildu edo galarazten dutenak.
4._Giharren eta eskeletoaren aparatua.
Artikulazioren baten galera anatomikoa edo ankilosia, eginkizunetarako duen eraginaren arabera.
Prozesu artikularrak, eginkizunetarako duten eraginaren arabera, zeinahi etiologiaren ondorio direla ere.
Eskoliosiak, 20º baino handiagoak.
Zifosiak, 30º baino handiagoak.
Espondilolisia, espondilolistesia, ornoen bategiteak eta ornoarteko diskoaren arazoak.
Espondilitis ankilosantea.
Paget-en eritasuna.
Osteoporosia eta osteomalazia (eginkizunetarako duen eraginaren arabera).
Fibromialgia.
Deformazio anatomikoak, eginkizunetarako duten eraginaren arabera.
5._Digestio aparatua.
Crohn-en eritasuna eta kolitis ultzeraduna.
B eta C hepatitisa aktiboa izatea edo birusaren eramailea izatea.
gibeleko gutxiegitasuna, ebaluazio mahaiak baloratu beharrekoa.
Gibeleko zirrosia.
Behazun-zirrosi primarioa.
Pankreatitis kronikoa.
Fibrosi kistikoa.
Sabelaldeko paretako etena, ebaluazio mahaiak baloratu beharrekoa.
Hesteetako jarioa.
6._Bihotz-hodietako sistema.
Bihotzeko gutxiegitasuna, maila guztietan.
Arritmia eta blokeoak: aurre-eszitazio sindromea eta bihotzaren erritmoaren edo kondukzioaren alterazio mota guztiak, salbu eta arritmia sinusala, BGE edo BE solteak, 1. mailako blokeo AB, Eskuineko Adarraren Blokeo Osoa eta Ezkerreko Adarraren hemiblokeoak.
Kardiopatia iskemikoa, maila guztietan.
Balbulopatiak.
Miokardiopatiak.
Perikardiopatia kronikoak.
Biriketako hipertentsio primarioa eta sekundarioa.
Arterietako iskemia kronikoaren sindromea.
Arterietako hipertentsioa (TAS > 140 eta TAD > 90).
Arterietako hipotentsioa (TAS < 90 eta TAD < 45).
Zainen eta baso linfatikoen gutxiegitasuna.
7._Arnas aparatua.
Arnas aparatuaren afekzio kronikoak (Bronkitis kronikoa, BBEK, Enfisema, Bronkiektasiak).
Pleurako isuri berrituak.
Berezko pneumotorax berrituak.
Eritasun interstizialak eta/edo biriketako fibrosia.
Asma eta bronkioetako hipererreaktibotasuna.
8._Nerbio-sistema.
Epilepsia.
Esklerosi anizkoitza eta bestelako eritasun desmielinizanteak.
Neurona motorearen eritasunak.
Ataxiak.
Buruko eta integrazioko funtzioen alterazioak (arrazoitze abstraktoa, oroimena, adimena eta funtzio betearazleak).
Parkinson-en eritasuna eta bestelako alterazio estrapiramidalak.
Odol-hodien afekzio iskemikoak, hemorragikoak edo malformazioren baten ondoriozkoak.
Miastenia larria eta juntura neuromuskularraren bestelako arazoak.
Bertigoak.
Siringomielia.
Hidrozefalia.
Miopatiak.
Nerbio-sistema zentralaren lesioaren ondoriozko paralisia.
Perlesia periferikoak, funtzioetan duten eraginaren arabera.
Nerbio-sistema periferikoaren eritasunak, funtzioetan duten eraginaren arabera.
Neke kronikoaren sindromea.
Anosmia.
Beste alterazio motore batzuk (tikak, estereotipia motoreak, loaren alterazioak), giza harremanetan eta lanean izan dezaketen eraginaren arabera.
9._Alterazio psikiatrikoak.
Buruko alterazio organikoak, prozesu automugatuak eta itzulgarriak kenduta.
Buruaren eta jokabidearen alterazioak, substantzia psikotropikoen kontsumoaren ondoriozkoak (alkohola barne).
Eskizofrenia eta bestelako alterazio psikotikoak.
Gogo-aldartearen alterazioak (jokabide bipolarrak, alterazio depresibo errepikariak, depresioaldi larria, alterazio distimikoak).
Antsietate-alterazioak, ondorio kliniko nabarmena baldin badute.
Barne-bulkaden kontrolaren eta izaeraren alterazioak, giza harremanetan eta lanean eragina dutenak.
10._Sexu eta gernu-aparatua.
Giltzurruneko gutxiegitasuna, bilakaera eta pronostikoaren arabera.
Gernu jarioa.
Giltzurruneko polikistosia.
11._Sistema endokrinologikoa.
Ardatz hipotalamo-hipofisarioaren alterazioak.
Hipertiroidismoa eta hipotiroidismoa, bilakaeraren eta pronostikoaren arabera.
Addison, Cushing, feokromozitoma eta giltzurrunen gaineko guruinen bestelako alterazioak.
Hipoaldosteronismo primarioa eta sekundarioa.
Mellitus diabetesa.
Adenomatosi endokrino anizkoitza.
Hipoparatiroidismoa eta hiperparatiroidismoa, bilakaeraren eta pronostikoaren arabera.
12._Larrua, fanerak eta guruin exokrinoak.
Orbainak eta larruazalaren prozesu kronikoak, baldin eta haien hedadura, funtzioetan izan dezaketen eragina eta kokapena ikusirik, polizia lanetan aritzea eragozten baldin badiote.
13._Odola eta organo hematopoietikoak.
Muineko aplasia, gaueko hemoglobinuria paroxistikoa, sindrome mieloproliferatiboak, anemia hemolitiko kronikoak, ß-talasemia anemiadunak.
Linfomak, bilakaeraren eta pronostikoaren arabera.
Sindrome linfoproliferatibo kronikoak, bilakaeraren eta pronostikoaren arabera.
Mieloma anizkoitza eta Waldeström-en eritasuna.
Hemofiliak eta hemostasiaren bestelako alterazioak.
Inmunoeskasiak.
Esplenektomia.
Antikoagulatzaileak (Heparinak, Sintrom), Interferon, kortikoideak edo EPO erabiltzen dituzten tratamendu kronikoak.
14._Bestelakoak.
GIB birusaren antigorputzen eramailea.
Amiloidosia.
Kolagenosia.
Lupus eritematoso sistemikoa.
Artritis erreumatoidea.
Esklerodermia.
Sjögren-en sindromea.
Baskulitisa, ebaluazio mahaiak baloratu beharrekoa.
Obesitatea (GMI > 25).
15._Ohar orokorrak.
Baztertzeko moduko patologiak ebaluazio mahaiak baloratuko ditu funtzioetan duten ondorioen arabera eta suhiltzaile lanetan aritzeko pronostikoaren arabera.
Prozesu neoplasikoetan eta organoen transplanteen kasuetan, ebaluazio mahaiak gaitasuna baloratuko du, bilakaeraren eta pronostikoaren arabera.
Funtzioetan eragina duten gorputzeko bestelako aparatu edo sistemetako afekzioak, balorazio mahaiaren iritziz, suhiltzaile lanetan aritzea eragozten baldin badute.
Iragarkiaren kodea: F0701834
Sarbidea
Nafarroako Aldizkari Ofiziala
Paseo Pablo Sarasate, 38, 2.º izda.
31001 - Iruña
848 42 12 50