I. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
411/2007 FORU AGINDUA, azaroaren 28koa, Ekonomia eta Ogasun kontseilariak emana, Javier Angel López de Dicastillo Nafarroako Estatistika Kontseiluko kide izendatzen duena, Nafarroako Udal eta Kontzejuen Federazioaren ordezkari.
Nafarroako Estatistikari buruzko ekainaren 27ko 11/1997 Foru Legearen 36. artikuluan eta Nafarroako Estatistika Kontseiluaren antolamendu eta funtzionamendurako Erregelamendua arautzen duen urriaren 19ko 308/1998 Foru Dekretuaren 6. artikuluan ezarrita dago nortzuek osatzen duten Nafarroako Estatistika Kontseilua.
Ekonomia eta Ogasun kontseilariak, apirilaren 11ko 105/2006 Foru Aginduaren bidez, kontseilu horretako kideak izendatu zituen.
Nafarroako Udal eta Kontzejuen Federazioko Batzorde Betearazleak, 2007ko azaroaren 13ko bilkuran, Javier Angel López de Dicastillo, Mendazako alkatea, hautatu du ordezkari Estatistika Kontseiluan, José Iribas Sánchez de Boadoren ordez.
Irailaren 25eko 317/2000 Foru Dekretuko 3. artikuluak, Ekonomia eta Ogasun kontseilariari, Nafarroako Estatistika Institutuko Kontseiluko burua baita, ahalmena ematen dio kideak aldatzeko, Kontseiluan ordezkaturik dauden departamentu eta erakundeek proposatuta.
Horrenbestez, ukituriko erakundeak proposaturik eta Nafarroako Estatistika Institutuaren txostena ikusirik,
AGINDU DUT:
1. artikulua. José Iribas Sánchez de Boado, Nafarroako Udal eta Kontzejuen Federazioaren ordezkaria Nafarroako Estatistika Kontseiluan, kargu horretatik kentzea. kp off
2. artikulua. Javier Angel López de Dicastillo Nafarroako Estatistika Kontseiluko kide izendatzea, Nafarroako Udal eta Kontzejuen Federazioaren ordezkari.
3. artikulua. Foru agindu hau Nafarroako ALDIZKARI OFIZIALean argitaratzea eta interesdunei jakinaraztea.
Iruñean, 2007ko azaroaren 28an.-Ekonomia eta Ogasun kontseilaria, Alvaro Miranda Simavilla.
Iragarkiaren kodea: F0718432
