Iragarkia

73. ALDIZKARIA - 2006ko ekainaren 19a

I. NAFARROAKO FORU KOMUNITATEA

1.2. AGINTARIAK ETA LANGILEAK

1.2.2. Plantilla Organikoa, Lan Eskaintza Publikoa, oposizioak eta lehiaketak

DEIALDIA, Funtzio Publikoaren zuzendari nagusiaren maiatzaren 29ko 1362/2006 Ebazpenaren bitartez onetsia, Nafarroako Foru Komunitateko Administrazioaren eta haren erakunde autonomoen zerbitzuko Administrazio Publikoko arlo ekonomikoko teknikari izateko 32 lanpostu oposizio bidez betetzekoa.

Funtzio Publikoaren zuzendari nagusiak, maiatzaren 29ko 1362/2006 Ebazpenaren bidez, Nafarroako Foru Komunitateko Administrazioaren eta haren erakunde autonomoen zerbitzuko Administrazio Publikoko arlo ekonomikoko teknikari izateko 32 lanpostu oposizio bidez betetzeko deialdia onetsi du.

Hautapen prozesua ondoko hauetan xedatutakoari jarraikiz eginen da: Nafarroako Administrazio Publikoen zerbitzuko Langileen Estatutuaren Testu Bategina, abuztuaren 30eko 251/1993 Legegintzako Foru Dekretuaren bidez onetsi zena, aipatu estatutua garatu eta burutzeko Sarrera Erregelamendua, gainerako aplikazio arauak eta deialdi honetako oinarriak.

1._Deialdiaren xedea.

1.1. Deialdi honen xedea da Administrazio Publikoko arlo ekonomikoko teknikari izateko 32 lanpostu oposizio bidez betetzea, funtzionarioen araubidekoak eta A mailakoak. Lanpostuak Iruñean aritzekoak dira eta txanda hauetan banaturik daude:

_15 lanpostu txanda irekian.

_16 lanpostu igoera txandan.

_Lanpostu bat txanda murriztuan, %33ko edo hortik gorako ezgaitasuna duten pertsonentzat.

1.2. Hauek dira eskaintzen diren lanpostu hutsak:

_2 Lehendakaritza, Justizia eta Barne Departamentuan. Plantilla organikoko zenbakiak: 772 eta 66925.

_20 Ekonomia eta Ogasun Departamentuan. Plantilla organikoko zenbakiak: 6751, 6752, 6947, 1334, 6739, 6741, 6742, 6744, 6745, 6746, 6748, 6749, 6948, 7405, 7458, 7459, 7460, 7461, 6743 eta 5573. Azkeneko horretarako beharrezkoa da ingelesez eta frantsesez jakitea, ahoz eta idatziz.

_3 Toki Administrazioko Departamentuan. Plantilla organikoko zenbakiak: 3713, 3982 eta 6738.

_2 Herri Lan, Garraio eta Komunikazio Departamentuan. Plantilla organikoko zenbakiak: 7511 eta 7512.

_2 Industria eta Teknologia, Merkataritza eta Lan Departamentuan. Plantilla organikoko zenbakiak: 7524 eta 7525.

_Lanpostu bat Gizarte Ongizate, Kirol eta Gazteri Departamentuan, plantilla organikoan 7537 zenbakia duena.

_2 Nafarroako Gizarte Ongizatearen Institutuan. Plantilla organikoko zenbakiak: 4840 eta 7538.

Ingelesez eta frantsesez ahoz eta idatziz jakitea eskatzen duen lanposturako, dagokion gaitasun proba gainditu beharko da.

Lanpostu hori lortu nahi duten izangaiek proba hori egin nahi dutela adierazi beharko dute eskabidearekin batera.

Proba Nafarroako Administrazio Publikoaren Institutuan eginen da, eta izangaiek "gai" edo "ez gai" kalifikazioa lortzen ahalko dute.

Proba egitera oposizioa gainditzen duten izangaiak baizik ez dira deituko, betiere eskabidean hala eskatu badute.

1.3. Igoera txandako lanpostuak hutsik geldituz gero, izangaiek hautapen probak gainditzeko behar den gutxieneko puntuazioa atera ez dutelako, txanda irekikoei gehituko zaizkie.

Minusbaliotasuna duten pertsonentzako txanda murriztuko lanpostua, izangaiek hauta-probak gainditzeko behar den gutxieneko puntuazioa atera ez dutelako bete gabe geldituz gero, beste txandetakoei gehituko zaie, Nafarroako Administrazio Publikoen zerbitzuko Langileen Estatutuaren 15.3 artikuluan ezarritako ordenaren arabera.

Orobat, igoera txandan edo/eta minusbaliatuentzako txandan eskaintzen diren lanpostuak baino izangai gehiagok gainditzen badute, txanda horretan lanpostua eskuratzen ez dutenek aukera izanen dute txanda irekiko lanpostu hutsak eskuratzeko, txanda horretako izangaiekin lehia garbian eta eskuratutako azken puntuazioaren arabera.

Era berean, txanda irekiko lanpostuak eskuratzeko aukera izanen dute, aurreko lerroaldean adierazitako moduan, deialdiko 7.2 oinarrian agiriak aurkezteko ezartzen den epea bukatzen denean deialdiko 2.1.2 oinarriko eskakizun berariazkoak betetzen ez dituzten igoera txandako izangaiek.

1.4. Lanpostuek A mailako lansariak izanen dituzte, uztailaren 4ko 158/1984 Foru Dekretuaren bidez onetsitako Lansarien Behin-behineko Erregelamenduan eta, kasuan kasu, aplikatu beharreko gainerako xedapenetan ezarritakoari jarraikiz.

1.5. Halaber, deialdi honen bidez hauta-probak gainditu bai baina lanposturik lortzen ez duten izangaiekin aldi baterako kontratatuak izateko izangaien zerrenda bat osatu nahi da, deialdi honetako 3., 10., 11., 12. eta 13. oinarrietan xedaturikoarekin bat.

2._Izangaiek bete beharreko baldintzak.

2.1. Oposizio honetan onartuak izateko, izangaiek, eskabideak aurkezteko epea amaitzen den egunean eta agiriak aurkezteko epearen barrenean (deialdiaren 7.2 atalean adierazia) eta lanpostuaren jabetza hartu arte, baldintza hauek bete beharko dituzte:

2.1.1. Izangai guztiek bete beharreko baldintzak.

a) Espainiako herritarra izatea.

b) Adin nagusikoa izatea eta erretiroko adina ez izatea.

c) Ekonomiako edo Enpresen Administrazio eta Zuzendaritzako lizentziatura edo baliokidea izatea, edo eskaerak aurkezteko epea bukatzen den egunean titulu hori eskuratzeko moduan egotea.

Atzerrian lorturiko tituluak badira, homologazioaren egiaztagiria eduki beharko da.

d) Bete behar dituen eginkizunetan aritzeko adinako gaitasun fisiko eta psikikoa izatea.

e) Eginkizun publikoetan aritzeko desgaitu edo gabetua ez egotea eta administrazio publikoren baten zerbitzutik bereizia ez izatea.

2.1.2. Igoera txandako izangaiek bete beharreko baldintza berariazkoak.

Igoera txandako izangaiek, aurreko idatz-zatian adierazitako betebeharrez gain, hauek bete beharko dituzte:

a) Nafarroako edozein Administrazio Publikotako langile finkoa izatea, edo Nafarroako Foru Komunitateko Administrazioari transferitutako Justizia Administrazioaren zerbitzuei atxikitako langile finkoa, eta jatorrizko lanpostuan borondatezko edo nahitaezko eszedentzian ez egotea.

b) Deialdiko lanpostu hutsen maila berekoa edo apalagokoa izatea.

c) Administrazio Publikoetan bost urteko antzinatasun onartua izatea, Nafarroako Polizia Kidegoetako kideen kasuan izan ezik, horiek frogatu beharko baitute zortzi urtez eman dituztela zerbitzuak kidego horietan.

Nafarroako Administrazio Publikoetan lan egiten duten langileen Estatutuaren xedapen gehigarrietatik zortzigarrenean ezarri dena aplikatuz, igoera txandan esku hartzeko baldintzak betetzen dituzten Nafarroako Parlamentuko funtzionarioek ere txanda horretan parte hartzen ahalko dute.

2.1.3. Ezgaitasunak dituzten pertsonendako txandako izangaiek bete beharreko berariazko baldintza

Ezgaitasunak dituzten pertsonendako txandako izangaiek, 2.1.1 atalean aipatzen diren baldintzez gain, ofizialki aitorturik eduki beharko dute %33ko edo hortik goitiko ezgaitasuna.

2.2. Deialdiko 3.3. arauko bigarren puntuan aipatzen den salbuespena salbuespen, izendatuak izateko proposatzen diren izangaiek deialdiko 7.2 idatz-zatian ezarririko epean eta moduan frogatu beharko dituzte betebehar horiek.

3._Eskabideak.

3.1. Deialdian parte hartzeko eskabideak Nafarroako Gobernuko Lehendakaritza, Justizia eta Barne Departamentuko Erregistro Orokorrean (Karlos III.aren etorbidea, 2, atalondoa, 31002 Iruña) edo erregistro horretako beste edozein bulegotan (zerrenda 2005eko 33. Nafarroako ALDIZKARI OFIZIALean argitaratu zen, martxoaren 18an) aurkeztu beharko dira, edo, bestela, Herri Administrazioen Araubide Juridikoari eta Administrazio Prozedura Erkideari buruzko azaroaren 20ko 30/1992 Legeko 38.4 artikuluan adierazitako bideren bat erabiliz, deialdia Nafarroako ALDIZKARI OFIZIALean argitaratu eta biharamunetik hogeita hamar egun naturaleko epean.

Eskabideak deialdi honen eranskinean dagoen ereduari lotu behar zaizkio eta, haietan, izangaiek adierazi beharko dute eskatutako baldintza guztiak betetzen dituztela. Eredu hori Nafarroako Gobernuko Argibide Bulegoan dago eskuragarri. Interneten bidez ere lortzen ahal da, www.navarra.es helbidean, bai argitaratzen deneko Aldizkari Ofizialetik abiatuta, bai Zerbitzuen Katalogoko Enplegu Publikoan dagoen deialdiaren aiputik abiatuta.

3.2. Ezgaitasun aitortua duten lehiatzaileek, ariketak egin ahal izateko denbora edo baliabideetan egokitzapenik behar badute, zilegi izanen dute eskabidean eskatzea, eta hartarako, aparteko orri batean adierazi beharko dute nolako ezgaitasuna duten eta zer egokitzapen eskatzen duten. Horrekin batera, legeen arabera ezgaitasunen bat dutela frogatzeko agiriaren kopia konpultsatua ere aurkeztu beharko dute, organo eskudunak emana.

3.3. Hautapen prozesuko ariketa guztiak gainditzen ez dituzten hautagaiekin zerrenda batzuk osatuko dira, ondoren aldi baterako kontratazioak egiteko. Horrtarako, parte hartzaileek deialdiko eskabidean berean adierazi beharko dute kontratazio zerrendetatik zeinetan nahi duten sartu.

Xede horrekin, parte hartzaileek eskabidean agertzen diren kudeaketa esparruetako bakarra hautatu beharko dute, Nafarroako Osasun Zerbitzuko zerrendetan, Nafarroako Gizarte Ongizatearen Institutukoetan edo Nafarroako Foru Komunitateko Administrazioaren gainerako departamentu (Administrazio erroa) eta erakunde autonomokoetan sartuak izateko. Kudeaketa esparru bat baino gehiago hautatuz gero, edo parte hartzeko eskabidean atal hori betetzen ez bada, Administrazio erroko zerrendetan besterik ez dutela parte hartu nahi ulertuko da.

3.4. Eskabideari, behar bezala bete ondoren, agiri hauek erantsiko zaizkio:

Bat._Espedientea formalizatzeko eta azterketa eskubideetarako 25 euro ordaindu izanaren ziurtagiria. Azterketa eskubideen tasa ordaindu izanaren agiria aurkezten ez bada, izangaia baztertu eginen da.

Sistema hauetako bat erabiliz ordaintzen ahalko da tasa hori:

_Behar bezala betetako ordainketa gutuna erabiliz; Foru Komunitateko Administrazioak Nafarroako finantza entitateetan dituen kontuetan sartuko da dirua. Arestian aipatutako webgunean, deialdiaren iragarkian, ordainketa gutuna eredua ageri da.

_Sarrera esku-dirutan edo bankuko transferentzia bidez eginez, Banestoko (Banco Español de Crédito) 00308124 87 0870002271 kontuan; horrelakoetan ordain-agirian datu hauek jarri beharko dira:

.Izangaiaren izen-deiturak.

.NAN/IFZ.

.Ordainketa zein kontutan egiten den, haren zenbakia.

.Kontzeptua: oposizioak.

.Deialdiaren xede den lanpostua.

Frogagirian datu horietako bat falta baldin bada, izangaia baztertu eginen da.

Honako hauek ez dute tasarik ordaindu beharko:

a) %33ko edo gehiagoko ezgaitasun aitortua dutela frogatzen duten pertsonek, organo eskudunak luzaturiko jatorrizko agiriaren edo behar bezala konpultsaturiko fotokopiaren bidez.

b) Hauta-proben deialdia egin aurretik hilabete batez edo luzaroago lan-eskatzaile gisa inskribaturik egon diren pertsonak. Salbuespen hori aplikatzeko baldintza izanen da inskribaturik egon den bitartean eskainitako inolako lan egokiri uko egin ez izana eta lanbide sustapen, prestakuntza edo eraberritze ekintzetan parte hartzeari uko egin ez izana, justifikaturiko kasuetan izan ezik, eta, horrez gainera, lanbide arteko gutxieneko soldatatik gorako den dirusarrerarik ez izatea hilabetero.

Lan eskatzailea dela frogatzeko, Enplegu Bulegoak emandako agiria aurkeztu beharko da. Bertan, lan-eskatzaile gisa inskribatu zeneko data agertuko da eta, orobat, adieraziko da inskribaturik egon den bitartean ez diola uko egin handik eskainitako inolako lan egokiri, ez eta lan-igoera, prestakuntza edo eraberritze ekintzetan parte hartzeari ere, justifikaturiko kasuetan izan ezik.

Hilero lanbide arteko gutxieneko soldatatik gorako errentarik ez duela interesatuaren adierazpenaren bidez frogatuko da. Adierazpen eredua Nafarroako Gobernuko Informazio Bulegoan eskuratzen ahalko da, edo bestela internet bidez, arestian emandako helbidean.

Bi._Deialdian igoera txandan parte hartu nahi duten izangaiek, Nafarroako Foru Komunitateko Administrazioa ez den Nafarroako beste Administrazio Publiko bateko langile finkoak badira, edo Nafarroako Foru Komunitateari eskualdatutako Justizia Administrazioko zerbitzuei atxikitako langile finkoak, lehengoaz gainera, deialdi honetako 2.1.2. arauan jasotzen diren eskakizunak betetzen dituztela frogatzen duen agiria gehitu beharko diote eskabideari.

3.5. Eskabideak aurkezteko epea ezin izanen da luzatu.

3.6. Eskabidean atzematen diren akats materialak edo egitezkoak ofizioz edo interesatuak eskaturik zuzentzen ahalko dira, noiznahi ere.

4._Izangaien onarpena eta erreklamazioak.

4.1. Eskaerak aurkezteko epea bukaturik, Funtzio Publikoaren zuzendari nagusiak ebazpena emanen du izangai onartu eta baztertuen behin-behineko zerrenda onesteko, eta Nafarroako ALDIZKARI OFIZIALean argitara dadila aginduko du.

4.2. Izangai baztertuek hamar egun balioduneko epea izanen dute, behin-behineko zerrenda Nafarroako ALDIZKARI OFIZIALean argitaratzen denetik, erreklamazioak aurkezteko eta, akatsik egin badute, zuzentzeko.

4.3. Erreklamazioetarako epea bukatutakoan eta horiek ebatzita, Funtzio Publikoaren zuzendari nagusiak onartu eta baztertuen behin betiko zerrenda onesten duen ebazpena emanen du, eta Nafarroako ALDIZKARI OFIZIALean argitara dadila aginduko.

4.4. Izangaiei egotziriko arrazoiengatik baztertzen direnei ez zaizkie azterketa egiteko eskubideak itzuliko.

5._Epaimahai kalifikatzailea.

5.1. Epaimahaiak kide hauek izanen ditu:

_Mahaiburua: Ignacio Arrizabalaga Rodríguez jauna, Ekonomia eta Ogasun Departamentuko Kontu-hartze Orokorraren Zerbitzuko zuzendaria.

_Ordezkoa: Marisa García Mayayo andrea, Ekonomia eta Ogasun Departamentuko Aurrekontu eta Diruzaintza Zerbitzuko zuzendaria.

_Mahaikidea: Minerva Ullate Fabo andrea, Nafarroako Ekonomia eta Ogasun Departamentuko Administrazio Publikoko arlo ekonomikoko teknikaria.

_Ordezkoa: María Rosario Subiza Espinal andrea, Industria eta Teknologia, Merkataritza eta Lan Departamentuko Plangintza eta Ebaluazio Ataleko burua.

_Mahaikidea: Alfonso Lecumberri Palacios jauna, Ekonomia eta Ogasun Departamentuko Finantza Politikarako atalburua.

_Ordezkoa: Jesús Muñoz Apesteguía jauna, Ekonomia eta Ogasun Departamentuko Kontuei buruzko Informazioa sortzeko Bulegoko burua.

_Mahaikidea: Administrazio Erroko Langileen Batzordearen ordezkari bat, batzordeak berak proposatua.

_Ordezkoa: Administrazio Erroko Langileen Batzordearen ordezkari bat, batzordeak berak proposatua.

_Mahaikide idazkaria: Amaya Larequi Górriz andrea, Nekazaritza, Abeltzaintza eta Elikadura Departamentuko Informazio eta Kudeaketa Ekonomikoaren Zerbitzuko zuzendaria.

_Ordezkoa: Begoña Urrutia Jaunicotena andrea, Toki Administrazioko Departamentuko Toki Entitateen Afera Ekonomikoak Kudeatzeko Ataleko burua.

Epaimahaia hautaprobak hasi baino lehen eratuko da.

5.2. Epaimahaia ezin izanen da eratu, ezta aritu ere, kideen gehiengo osoa bertan izan gabe.

Organo kolegiatuaren eraketak eta jardunak balio izateko, mahaiburuak eta mahaikide idazkariak edo haien ordezkoek bertan egon beharko dute.

5.3. Epaimahaiko kideek parte hartzeari uko egin beharko diote eta deialdia egin duen organoari hala jakinarazi, Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Foru Legean horretarako aurreikusiak dauden egoerak gertatzen direnean.

Izangaiek, halaber, zilegi izanen dute mahaikideak errefusatzea, egoera horietako bat gertatzen denean.

5.4. Epaimahaiak gehiengoz erabakiko ditu deialdiaren oinarriak ulertu eta aplikatzeko moduaren inguruan sortzen diren arazo guztiak.

5.5. Epaimahaiak aholkulari adituen laguntza izan dezake, proba batzuetan nahiz guztietan laguntzeko. Aholkulari horiek beren espezialitate teknikoetan baizik ez dira ariko eta horietan bakarrik emanen diote laguntza epaimahaiari.

6._Oposizioa nola eginen den.

6.1. Oposizioa 2007ko urtarrilean hasiko da. Onartu eta baztertuen behin betiko zerrenda onesten duen ebazpenean berean finkatuko dira probak hasteko tokia, eguna eta ordua.

Ondoren, epaimahaiak jakinaraziko ditu gainerako probak egiteko iragarkiak, erregelamenduz.

6.2. Oposizioak ariketa hauek izanen ditu:

Lehenbizikoa. Praktikoa. Epaimahaiak gai zerrendako I. zatiko gaiei buruz proposaturiko galdera eta kasuak garatu eta ebatzi beharko dira.

Epaimahaiak ariketa hori egiteko izangaiek zenbat denbora duten adieraziko du haren hasieran.

Bigarrena. Deialdiko gai zerrendako gaiei buruzko 60 galdera idatziz erantzutea. Galdera bakoitzarentzat erantzun batzuk emanen dira aukeran, baina bat bakarra izanen da egokia. Ariketa hau egiteko, 90 minutu utziko dira gehienez. Erantzun hutsak zehatuko dira.

Hirugarrena. Teorikoa. Zozketaz ateratzen diren hiru gairen gainean idatzi beharko da, gehienez ere 5 orduz; II. zatiko atal bakoitzeko gai bana eta bestea, III. zatikoa.

Laugarrena. Praktikoa. Gai zerrendako III. zatiko gaien gainean epaimahaiak proposatuko dituen galdera eta kasu zehatzak garatu eta ebatzi beharko dira.

Epaimahaiak ariketa hori egiteko izangaiek zenbat denbora duten adieraziko du haren hasieran.

Lehenbiziko, hirugarren eta laugarren ariketak plika sistemaren bidez eginen dira.

6.3. Oposizioko ariketen balorazioan 100 puntu eman daitezke gehienez ere, honela banatuak:

Lehenbizikoa: gehienez 28 puntu.

Bigarrena: gehienez 24 puntu. Galdera guztiek berdin balioko dute.

Hirugarrena: gehienez 24 puntu. Gai bakoitzean gehienez 8 puntuko balorazioa ematen ahal da.

Laugarrena: gehienez 24 puntu.

6.4. Oposizioko ariketak kanporagarriak izanen dira. Bazterturik geldituko dira horietako ariketaren batean gutxienez gehieneko puntuazioaren erdia lortzen ez duten izangaiak. Halaber, bazterturik geldituko da lehenbiziko, hirugarren edo laugarren ariketetako gai edo kasuetako edozeinetan 0 puntuko kalifikazioa ematen zaiona.

6.5. Ariketa bakoitza amaitutakoan, epaimahaiak jendaurrean jarriko du, ariketa egin den lekuan eta Nafarroako Gobernuaren iragarki oholean, probak gainditu dituzten izangaien zerrenda, bakoitzaren kalifikazioekin. Horrez gain, oposizioko hurrengo proba non, zein egunetan eta zer ordutan eginen den adierazten duen oharra argitaratuko du, gutxienez hura hasi baino 48 ordu lehenago.

6.6. Ariketa bakoitzerako dei bakarra eginen da. Izangaiek Nortasun Agiri Nazionala, gidabaimena edo pasaportea eraman beharko dute. Oposiziotik kanpo geldituko dira agertzen ez direnak edo nortasuna aipatutako agirien bidez frogatzen ez dutenak.

6.7. Hauta-probak egiteko, ezgaitasun aitorturen bat dutenentzat bidezkoak diren denbora eta baliabide egokitzapenak eginen dira, eskabidean azaldutakoaren arabera.

7._Probak gainditu dituztenen zerrenda, izendapen proposamena eta agirien aurkezpena.

7.1. Hautaprobak amaiturik, epaimahaiak jendaurrean jarriko du probak gainditu dituztenen zerrenda, oposizioan lortutako kalifikazioekin, Nafarroako Gobernuaren iragarki oholean. Gero, zerrenda hori Funtzio Publikoaren zuzendari nagusiari igorriko dio, deialdiko lanpostuen kopuruaren barruan sartzen diren eta probak puntuazio altuenekin gainditu dituzten izangaiak izendatzeko proposamenarekin eta espediente osoarekin batera. Proposamen hori Nafarroako ALDIZKARI OFIZIALean argitaratuko da.

Berdinketa izanez gero, lehen ariketan puntuazio altuagoa erdiesten duenaren alde jokatuko da. Hori eginda, berdinketak oraindik badirau, bigarren eta laugarren ariketetan lorturiko puntuazioak hartuko dira kontuan, hurrenkera horrexetan.

7.2. Izendapen proposamena Nafarroako ALDIZKARI OFIZIALean argitaratu ondoko 30 egun naturaleko epean, proposatutako izangaiek inprimaki berariazko batzuk jaso eta honako agiri hauek aurkeztu behar dituzte Funtzio Publikoaren Zuzendaritza Nagusian:

7.2.1. Nafarroako Foru Komunitateko Administrazioaren eta haren erakunde autonomoen zerbitzuko langile finko ez diren izangaiak:

a) Nortasun Agiri Nazionalaren bi fotokopia konpultsatu, edo izangaiaren hiritartasuna eta nortasuna frogatzen dituen beste agiri baliokideren batenak.

b) Deialdiko 2. arauan eskatzen den tituluaren fotokopia konpultsatua, lortzeko eskubideak pagatu direla frogatzen duen gordekinarena edo, hala bada, eskabideak aurkezteko epean titulua eskuratzeko moduan dagoela frogatzen duen ziurtagiria.

c) Laneko Arriskuei Aurrea hartzeko Atalak emandako txostena, interesatuak karguan aritzea eragotziko liokeen eritasun edo akats fisiko edo psikikorik ez duela frogatzeko.

Ezgaitasunen bat alegatu duten izangaiek, gainera, ezgaitasuna deialdiko lanpostuarekin bateragarria dela dioen frogagiria aurkeztu beharko dute, balorazio eta orientazio talde eskudunek emana.

d) Eginkizun publikoetarako ezgaitua edo gabetua ez izatearen eta inongo administrazio publikoren zerbitzutik bereizi ez izanaren zinpeko aitorpena.

e) Zin egin edo hitz ematea, Nafarroako Foru Eraentza errespetatu, Konstituzioari eta Legeei men egin eta karguari dagozkion eginkizunak zuzen beteko dituela.

f) %33ko edo hortik gorako minusbaliotasuna aitortzen duen agiriaren fotokopia konpultsatua izatea, baldin eta minusbaliatuentzako txanda murriztuan parte hartu nahi bada.

g) Funtzio Publikoaren Zuzendaritza Nagusiak eskatzen dituen gainerako agiriak.

Deialdi hau egin ez duen Nafarroako beste Administrazio Publikoren bateko langile finko, edo Nafarroako Foru Komunitateari eskualdatutako Justizia Administrazioko zerbitzuei atxikitako langile finko diren izangaiek, gainera, aurreko administrazioko espediente pertsonalean ageri diren inguruabar eta aurrekari guztiak frogatzen dituen ziurtagiria aurkeztu beharko dute, hots, sarrerari, antzinatasunari, mailari, egoera administratiboari eta abarrei buruzkoa.

7.2.2. Nafarroako Foru Komunitateko Administrazioaren edo haren erakunde autonomoen zerbitzuko langile finkoak diren izangaiak:

a) Deialdiko 2. arauan eskatzen den tituluaren fotokopia konpultsatua, lortzeko eskubideak pagatu direla frogatzen duen gordekinarena edo, hala bada, eskabideak aurkezteko epean titulua eskuratzeko moduan dagoela frogatzen duen ziurtagiria.

b) %33ko edo hortik gorako minusbaliotasuna aitortzen duen agiriaren fotokopia konpultsatua izatea, baldin eta minusbaliatuentzako txanda murriztuan parte hartu nahi bada.

c) Funtzio Publikoaren Zuzendaritza Nagusiak eskatzen dituen gainerako agiriak.

Ezgaitasunen bat alegatu duten izangaiek, gainera, ezgaitasuna deialdiko lanpostuarekin bateragarria dela dioen frogagiria aurkeztu beharko dute, balorazio eta orientazio talde eskudunek emana.

7.3. Aipatu epearen barrenean, eta aski justifikaturik dauden ezinbesteko kasuak salbuetsiz, arestiko agiriak aurkezten ez dituztenak ezin izanen dira izendatu, eta ordurako egintza guztiak baliorik gabe geldituko dira, euren eskabidearen faltsukeria dela eta, legokiekeen erantzunbeharra galarazi gabe.

7.4. Aurreko atalean aurreikusitakoa gertatuz gero, Funtzio Publikoaren zuzendari nagusiak probak gainditu dituztenen zerrendan, 7.1. atalean aipatutakoan, hurrengoa den izangaiarekin beteko du baja, eta horrekin ere aurreko ataletan adierazitako moduan jokatuko da.

8._Lanpostu hutsak hautatzea.

8.1. Aurreko oinarrian xedatu dena betetzen duten lehiatzaileek Funtzio Publikoaren Zuzendaritza Nagusiak hartarako jartzen dien epean aditzera eman beharko dute eskaintzen zaizkien lanpostuetatik zein hautatzen duten. Aukeratu beharreko lanpostuak hasieran deitutakoak izanen dira, edo beste batzuk, zerbitzuaren beharrei jarraikiz horiek aldatzea erabakitzen bada.

8.2. Hautaprobak igoera txandaren bidez gainditzen dituzten izangaiek, 8.3 ataleko bigarren lerroaldean aipatutako kasuan izan ezik, lehentasuna izanen dute deialdiko lanpostu hutsak aukeratzerakoan, txanda horretakoak ez diren izangaien aurretik.

8.3. Lanpostu hutsak aukeratzeko orduan, %33ko edo handiagoko minusbaliotasun aitortua duten izangaiek lehentasuna izanen dute txanda irekiko izangaien aurretik.

Izangai minusbaliaturik bada, eta horrek eragina badu lanpostu bat edo bestea hautatzeko, aukeratzen hasi aurretik, minusbaliotasunarekin hobekien egokitzen direnak esleituko zaizkie, horren gainean balorazio eta orientazio talde eskudunek egindako txostenaren arabera.

9._Izendapena, lanpostuen esleipena eta jabetza hartzea.

9.1. Funtzio Publikoaren zuzendari nagusiak, ebazpen baten bitartez, aurreko arauetan ezarritakoa betetzen duten izangaiak Nafarroako Foru Komunitatearen Administrazioko funtzionario izendatuko ditu, Administrazio Publikoko arlo ekonomikoko teknikari lanetan aritzeko. Ebazpen horren bidez lanpostuen esleipena ere eginen da.

9.2. Izendapenak eta lanpostuaren jabetza hartzeak nomina eta plantillako funtzionario bilakatuko dituzte izendatuak, indarra duten xedapenek ezartzen dituzten eskubide eta betebehar guztiak dituztela. Gizarte Segurantzako araubide orokorrean inskribatu eta kidetuko dira, araubide horretan aurreikusitakoaren babesean.

Aurrekoa gorabehera, Nafarroako Administrazio Publikoen Zerbitzuko Langileen Estatutua onetsi zuen abuztuaren 30eko 251/1993 Legegintzako Foru Dekretuaren bederatzigarren xedapen gehigarriaren 3. puntuan xedatutakoa aplikatzearen ondorioz, Nafarroako administrazio publikoen edozein bahituretxetako eskubide pasiboen araubidekoak direnen kasuan, bi aukera izanen dituzte: Nafarroako Foru Komunitateko Administrazioko bahituretxean segitzea, martxoaren 5eko 10/2003 Foru Legearen bidez arauturiko eskubide pasiboen araubideak babesturik, edo Gizarte Segurantzaren Araubide Orokorrean sartzea.

9.3. Izendatzen diren izangaiek destinoko herrian izan beharko dute bizilekua, bertan helbidea egiazki kokatuz. Administrazio organo eskudunek destinoa aldatzen ahalko dute, aplikatzekoa den arautegian ezarritakoarekin bat.

9.4. Lanaldia zerbitzuaren beharretara egokituko da eta noiznahi aldatzen ahalko dute administrazio organo eskudunek, aplikatzekoa den araudian ezarritakoarekin bat.

9.5. Izendapena Nafarroako ALDIZKARI OFIZIALean argitaratuko da eta izangai izendatuak hilabeteko epean jabetu beharko du bere lanpostuaz, izendapenaren jakinarazpenetik kontatzen hasita.

Aipatu epean eta behar bezain ongi arrazoitutako kasuetan izan ezik, izangairen batek ez baldin badu lanpostua bere egiten, Foru Komunitateko Administrazioaren funtzionario izateko eskubide guztiak galduko ditu. Hala bada, 7.4 atalean ezarritakoari jarraikiko zaio.

9.6. Izangai bat funtzionario bihurtu eta lanpostuan batere aritu gabe zuzenean eta berak eskatuta borondatezko eszedentzia ematen bazaio jabetza hartzearen egunetik bertatik, data hartan beste Administrazio Publiko batean ari delako, kasuko lanpostu hutsa ere beteko da deialdiko 7.4 atalak agintzen duen moduan.

9.7. Aurreko bi ataletan aipatutako kasuetan, izendapena egin aurretik hautaturiko lanpostua ez da aldatuko. Beraz, funtzionario berriei, zuzenean, egoera horien ondoriozko lanpostuak esleituko zaizkie.

10._Aldi baterako kontratuetarako izangaien zerrenda.

10.1. Nafarroako Administrazio Publikoan sartzeko Erregelamenduaren 42. artikuluan, lanpostuak aldi baterako betetzeko kudeaketa arauak onetsi zituen Lehendakaritza, Justizia eta Barne kontseilariaren azaroaren 14ko 146/2005 Foru Aginduan eta oinarri honexetan ezarritako prozedurari jarraikiz, aldi baterako kontrataziorako izangaien zerrenda hauek sortuko dira:

_Probak gainditu bai baina lanposturik lortu ez duten izangaien zerrenda, komuna Foru Komunitateko Administrazioko departamentu eta erakunde autonomo guztientzat.

_Hautapen prozesuko ariketa guztiak gainditu ez dituzten izangaien zerrenda, parte hartzeko eskabidean aukeratutako esparruaren arabera.

10.2. Probak gainditu bai baina lanposturik lortu ez duten izangaien zerrendak.

Probak gainditu arren lanposturik lortu ez duten izangaiekin Funtzio Publikoaren Zuzendaritza Nagusiak zerrenda bat osatuko du, ondoren aldi baterako kontratazioak egiteko, deialdi honetako 11. oinarrian ezarritako prozedurari jarraikiz. Lehendakaritza, Justizia eta Barne kontseilariaren azaroaren 14ko 146/2005 Foru Aginduan xedatutako arauen arabera kudeatuko du.

Halaber, zerrenda hori Osasunbidea-Nafarroako Osasun Zerbitzuko eta Nafarroako Gizarte Ongizatearen Institutuko organo eskudunei igorriko die, esparru bakoitzeko arauei jarraikiz kudea dezaten.

10.3. Hautapen prozesuko ariketa guztiak gainditzen ez dituzten hautagaiak.

Deialdiko hamaikagarren oinarrian ezarritako prozedurarekin bat, Funtzio Publikoaren Zuzendaritza Nagusiak aldi baterako kontratazioak egiteko izangaien zerrenda bat osatuko du deialdiko azkenaurreko ariketa gainditu eta Administrazio-erroko zerrenda hautatu duten izangaiekin.

Era berean, Funtzio Publikoaren Zuzendaritza Nagusiak Osasunbidea-Nafarroako Osasun Zerbitzuko eta Nafarroako Gizarte Ongizatearen Institutuko organo eskudunei igorriko die hautapen prozesuko ariketa guztiak gainditu ez eta esparru horietako kontratazio-zerrendak aukeratu dituztenen zerrenda, aldi baterako kontratazioetarako, deialdi honetako 12. arauan ezarritako prozedurari jarraikiz.

11._Administrazio erroan aldi baterako kontratatzeko izangaien zerrendak osatzeko prozedura.

11.1. Epaimahaiaren espedientea jasota, Funtzio Publikoaren zuzendari nagusiaren ebazpen baten bidez, hautapen prozesua gaindituta ere lanposturik gabe gelditu diren izangaiei eta deialdian ezarritako azkenaurreko ariketa gainditu eta Administrazio-erroko kontratazio-zerrenda aukeratu dutenei, hamar laneguneko epea emanen zaie, ebazpena argitaratu eta biharamunetik hasita, ondoko dokumentazio hau aurkezteko:

Deialdiko 2. arauan eskatzen den tituluaren fotokopia konpultsatua, lortzeko eskubideak pagatu direla frogatzen duen gordekinarena edo, hala bada, sartzeko prozesuan parte hartzeko eskabideak aurkezteko epean titulua eskuratzeko moduan egoten dela frogatzen duen ziurtagiria.

Ebazpen hau Nafarroako ALDIZKARI OFIZIALean argitaratuko da, eta langileen zerrendak Nafarroako Gobernuko iragarki-oholean (Karlos III.aren etorbidea, 2, atalondoa, Iruña).

Eskatzen diren agiriak aipatu epean aurkezten ez dituztenak (aski justifikatutako ezinbesteko kasuetan izan ezik) eta eskatutako baldintzak betetzen ez dituztenak ez dira sartuko aldi baterako kontratuetarako izangaien zerrendan, eta deialdian parte hartzeagatiko eskubide guztiak galduko dituzte, deusetan ukatu gabe, betiere, parte hartzeko eskabidea faltsutzeagatik legokiekeen erantzukizuna.

11.2. Sartzeko prozeduraren eskabideak aurkezteko epea bukatzen den egunerako bete beharko dira baldintzak, eta hauta-probek dirauteino eta kontratazioaldiak iraun bitarte bete beharko dira.

11.3. Dokumentazioa aurkezteko epea bukaturik, Funtzio Publikoaren zuzendari nagusiaren ebazpen baten bidez, aldi baterako kontratuetarako izangaien zerrenda hauek onetsiko dira eta Nafarroako Gobernuaren iragarki-oholean argitaratuko (Karlos III.aren etorbidea, 2, atalondoa, Iruña):

a) Probak gainditu bai baina lanposturik lortu ez duten izangaien zerrenda.

b) Deialdiko azken ariketa gaindituez eta Administrazio-erroko kontratazio zerrendak aukeratu dituztenak.

11.4. Hauxe izanen da aldi baterako kontratazioen zerrendaren ordena: oposizioa gainditu bai baina lanposturik lortu ez dutenen kasuan, hautapen prozesuan lortutako puntuazioaren arabera; gainerako izangaien kasuan, gainditutako ariketetan lortutako puntuazioen batura. Berdinketarik dagoenean nor nagusitzen den erabakitzeko, deialdi honetan kasu horietarako ezarritako irizpideak hartuko dira kontuan.

12._Osasunbidea-Nafarroako Osasun Zerbitzuan aldi baterako kontratatzeko izangaien zerrendak osatzeko prozedura.

Funtzio Publikoaren Zuzendaritza Nagusiak probak gainditu bai baino lanposturik lortu ez dutenen zerrendak eta hautapen prozesuko ariketa guztiak gainditu ez eta esparru horretako kontratazio-zerrendak aukeratu dituztenenak igorri ondoren, Osasunbidea-Nafarroako Osasun Zerbitzuko organo eskudunek beren kudeaketa esparruko aldi baterako kontratazioetarako izangaien zerrendak onetsiko dituzte, 2001eko urtarrilaren 9ko Akordioan erakunde autonomo horretako osasun zentro eta establezimenduetan aldi baterako langileak hautatzeko ezarritakoarekin bat. Akordio hori 2001eko 101. Nafarroako ALDIZKARI OFIZIALean argitaratu zen, abuztuaren 20an.

Horretarako, Nafarroako Osasun Zerbitzuak hamar egun balioduneko epea emanen die interesatuei, zentroa hautatu, iraunaldi laburreko zerrendetan egon nahi dutela adierazi eta aipatu erakunde autonomoak zehazten dituen gainerako inguruabarrak betetzeko.

Oinarri honen arabera osatzen diren zerrendak Osasunbidea-Nafarroako Osasun Zerbitzuak kudeatuko ditu, langileak hautatzeko 2001eko urtarrilaren 9ko Akordioan ezarritakoari jarraikiz.

13._Nafarroako Gizarte Ongizatearen Institutuan aldi baterako kontratatzeko izangaien zerrendak osatzeko prozedura.

Funtzio Publikoaren Zuzendaritza Nagusiak probak gainditu bai baino lanposturik lortu ez dutenen zerrendak eta hautapen prozesuko ariketa guztiak gainditu ez eta esparru horretako kontratazio-zerrendak aukeratu dituztenenak igorri ondoren, Nafarroako Gizarte Ongizatearen Institutuko organo eskudunek beren kudeaketa esparruko aldi baterako kontratazioetarako izangaien zerrendak onetsiko dituzte, erakunde autonomo horretan 2000ko urtarrilaren 17ko Akordioan aldi baterako kontratazioetarako langile zerrenden kudeaketari buruz ezarritakoarekin bat.

Horretarako, Nafarroako Gizarte Ongizatearen Institutuak hamar egun balioduneko epea emanen die interesatuei, zentroa edo eskualdea hautatu eta aipatu erakunde autonomoak zehazten dituen gainerako inguruabarrak betetzeko.

Oinarri honen arabera osatzen diren zerrendak Nafarroako Gizarte Ongizatearen Institutuak kudeatuko ditu, aldi baterako langileen zerrendak kudeatzeko 2000ko urtarrilaren 17ko Akordioan ezarritakoari jarraikiz.

14._Errekurtsoak.

Epaimahaiak ematen dituen egintza eta ebazpenen kontra gora jotzeko errekurtsoa paratzen ahal da Funtzio Publikoaren zuzendari nagusiari zuzenduta, errekurtsoaren xede den egintza argitaratu edo jakinarazi eta biharamunetik, hilabeteko epean.

Deialdi honen kontra, oinarrien kontra eta haien aplikazio egintzen kontra, epaimahaiak hartutakoak izan ezik, zilegi izanen da gora jotzeko errekurtsoa jartzea, Lehendakaritza, Justizia eta Barne kontseilariari zuzendua, hilabeteko epean, errekurritu nahi den egintza argitaratu edo jakinarazi eta biharamunetik kontatzen hasita.

Hori guztia Nafarroako Foru Komunitateko Administrazioari buruzko abenduaren 3ko 15/2004 Foru Legearen 57. artikuluarekin bat eta urtarrilaren 13ko 4/1999 Legeak aldatutako Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 114. eta 115. artikuluei jarraikiz.

Iruñean, 2006ko maiatzaren 29an._Funtzio Publikoaren zuzendari nagusia, Alberto Andérez González.

I. ERANSKINA

Eskabidea

Izena: ....................................................., adinez nagusia. Nortasun Agiri Nazionala (edo balio bereko beste agiriren bat): ........................ Jaioteguna: ...................................... Sorterria: ..................................... (....................................). Nazionalitatea: ......................................... Helbidea: kalea: ..........., herria: ............., probintzia: ......., posta kodea: ........, eta ........ telefonoa (........... laneko telefonoa)

Azaltzen du:

Nafarroako Foru Komunitateko Administrazioaren eta haren erakunde autonomoen zerbitzuko .............. izateko ............... lanpostu ....................bidez betetzeko deialdian parte hartzeko onartu izatea eskatzen dudala, ondoko txandan (deialdia ...... zenbakiko Nafarroako ALDIZKARI OFIZIALean argitaratu zen, .........(e)an):

f Txanda irekia

f Igoera txanda*

f Minusbaliatuendako txanda*

Hauta-probak gainditzen ez baditut, lanpostuak behin-behinekoz betetzeko aukeraz baliatu nahi dudala, honako esparruotako batean:

f Administrazio-erroa*

f Nafarroako Osasun Zerbitzua-Osasunbidea*

f Nafarroako Gizarte Ongizatearen Institutua*

(Esparruetako bakar bat aukeratu daiteke)

Ez dudala karguan aritzea galarazten didan eritasun edo akats fisiko edo psikikorik.

Indarra duten xedapenetan ezarritako ezintasunik ez dudala.

Ez naizela diziplinako espediente bidez ezein administrazio publikoren zerbitzutik kanpo utzia izan eta ez nautela eginkizun publikoak betetzeko gaitasunik gabe utzi.

Deialdian eskatzen den titulazioaren jabe naizela.

Azterketa eskubideak ordaindu ditudala deialdian ezarritako moduan eta horren gordekina erantsi dudala, edo erantsitako agirien bidez frogatzen dudala tasa ordaintzetik salbuetsita nagoela.

Eskabideak aurkezteko epearen azken egunean beharkizun guztiak betetzen ditudala.

f Ezgaitasuna dudala eta, beraz, behar ditudan egokitzapenak eskatzen ditudala, haietarako arrazoiak adierazita. (Beste orri batean azaldu behar dira eskatzen diren egokitzapenak eta haietarako arrazoiak).

f Ezgaitasuna frogatzen duen agiria aurkezten dudala, erakunde eskudun batek emana.

f Euskararen gaitasunaren agiria edo ofizialki baliokidea den beste titulu bat aurkezten dudala*

f Euskara maila neurtzeko proba egitea eskatzen dudala*

f Frantseseko eta ingeleseko nahikotasun frogak egitea eskatzen dudala (*)

Horrenbestez,

Eskabide hau ontzat hartu eta aipatu deialdian onartua izatea eskatzen dut.

Iruñean,........(e)ko .........................aren .............(e)an.

(Sinadura)

(*) Bidezkoa bada.

NAFARROAKO GOBERNUA. LEHENDAKARITZA, JUSTIZIA ETA BARNE DEPARTAMENTUA.

FUNTZIO PUBLIKOAREN ZUZENDARITZA NAGUSIA.

II. ERANSKINA

Gai zerrenda

Lehen zatia

1. gaia._Probabilitatearen kontzeptua. Probabilitate baldintzatua. Gertakarien askatasuna. Guztizko probabilitatearen eta Bayesen teoremak.

2. gaia._Kokapen neurriak (dimentsio bakarreko banaketak): batez bestekoa, mediana, moda, kuartilak eta pertzentilak. Sakabanatze neurriak: bariantza, desbideratze tipikoa, maila, aldatze koefizientea, simetria eta kurtosia.

3. gaia._Bi dimentsioko eta dimentsio anitzeko banaketak. Bazterreko eta baldintzazko banaketak. Baldintzazko momentuak. Aldagaien arteko erlazioak: koerlazioa.

4. gaia._Aldagai diskretu baten banaketa: binomiala eta multinomiala. Poissonen banaketa. Banaketa geometrikoa eta hipergeometrikoa.

5. gaia._Aldagai jarraitu baten banaketak: banaketa arrunta. Aldagaien normalizazioak. Banaketa arrunta bestelako banaketen muga gisa.

6. gaia._Lagin banaketak. Chi-karratuaren banaketa. Student-en t banaketa. Bestelako banaketak.

7. gaia._Inferentzia estatistikoa. Inferentzia metodoak. Estimatzailea eta estatistikoa: kontzeptuak. Estimatzaileen ezaugarriak: desbideratzea, bariantza, tarteko errore kuadratikoa, sendotasuna.

8. gaia._Estimazio metodoak: sinesgarritasunik handiena, momentuen metodoa. Minimo karratuen metodoa. Erregresioa eta koerlazioa. Erregresio eredua. Erregresio bidezko doitze teknikak.

9. gaia._Denborazko serieak. Denborazko serieen ezaugarriak eta azterketak. Joera. Urtaroetako aldaketak. Aldaketa ziklikoak. Ustekabeko aldaketak.

10. gaia._Zenbaki indizeak. Indize bakunak eta konposatuak. Prezio, kopuru eta baloreen indizeak. Zenbaki indizeen aplikazioak.

Finantza eragiketak

1. gaia._Finantza-eragiketa bakunak: kapitalizazioa eta deskontua. Finantza eragiketa konposatuak: kapitalizazioa eta deskontua.

2. gaia._Errentak. Kontzeptuak eta sailkapena. Errenta egiazkoak, iraunkorrak eta aldakorrak. Errenta zatikatuak. Bizitza osorako errentak.

3. gaia._Maileguak. Amortizazio sistemak: errenboltsu bakarra, amortizazio kuota iraunkorra, urteko sari iraunkorra, aritmetikoki eta geometrikoki handituz doazen urteko sariak. Amortizazio metodoa korritu zatikatuen bidez. Kapitala osatzeko eragiketak.

4. gaia._Jesapen normal klasikoak eta alde bateko zein biko ezaugarri komertzialak dituztenak. Jesapen normalizagarriak: amortizazio prima dutenak, amortizazio lehorra dutenak, loteak dituztenak, korrituen ordainketa zatikaturik daukatenak, administrazioaren aldian aldiko gastuak dituztenak.

Kontabilitatea

1. gaia._Kontabilitateko Plan Orokorra. Kontabilitateko printzipioak, kontu taula, kontabilitateko definizio eta zerrendak. Orotariko eragiketen erregistroa.

2. gaia._Kontabilitateko Plan Orokorra: urteko kontuak eta memoria Kontabilitateko Plan Orokorrean. Balorazio arauak.

3. gaia._Sozietate anonimoen kanpoko kontabilitateko eragiketen erregistroa. Osaera, kapitala eta haren aldaketak, jesapenak egitea, eraldaketa, bategitea eta likidazioa.

4. gaia._Kostuen kontabilitatea. Kontzeptuak eta sailkapena. Kostuen eredu eta metodoak.

5. gaia._Egoera orri finantzarioen azterketa. Helburuak eta metodoak. Epe laburrerako egoera orri finantzarioa aztertzea. Epe luzerako egoera orri finantzarioa aztertzea.

6. gaia._Egoera orri finantzarioen azterketa. Funtsen jatorriaren eta aplikazioaren egoera-orria. Diruzaintzako egoera-orria. Emaitzak eta errentagarritasuna aztertzea. Itopuntua eta eragiketak palankaz jasotzea.

7. gaia._Kontu auditoriako legezko esparrua. Auditore lanbidearen arautzea Europar Batasunean. Auditoriako arauak Espainian. Auditoriako txostena eta auditoreak luzaturiko beste txosten berezi batzuk.

8. gaia._Kontu auditoriako alderdi teknikoak. Lanerako paperak. Auditoriari aplikaturiko teknika estatistikoak. Balantze arloetako auditoria eta gal-irabazien kontuaren auditoria.

9. gaia._Kontabilitate Publikoaren Plan Orokorra. Historia, bilakaera eta gaurko egoera. Kontabilitateko printzipioak. Kontabilitate publikoaren ingurune juridiko-ekonomikoa. Kontabilitate publikoaren helburuak. Kontabilitate publikoaren informazioaren betebeharrak. Enpresen kontabilitate finantzarioarekin egokitzea.

10. gaia._Kontabilitate Publikoaren Plan Orokorra. Kontu taularen deskripzioa. Obligazioak eta gastuak: kontzeptua eta motak, ezagutzeko eta zenbatzeko irizpideak. Kobratzeko eskubideak eta dirusarrerak: kontzeptua eta motak, ezagutzeko eta zenbatzeko irizpideak. Kontabilitateko eragiketen erregistroa.

11. gaia._Kontabilitate Publikoaren Plan Orokorra. Entitate publikoen urteroko kontuak. Balorazio arauak.

12. gaia._Administrazio publikoen kontabilitateko magnitudeak aztertu eta interpretatzea, ondareari, ekonomiari eta finantzei dagokienez.

13. gaia._Kontrola eta auditoria sektore publikoan. Auditoriako printzipio eta arauak. Auditoriako txostena. Kanpoko kontrola eta erakundeetako organoak.

Enpresaren ekonomia

1. gaia._Enpresa eta haren barne antolaketa. Enpresaren antolaketaren teoriak eta printzipioak. Enpresaren planifikazioa. Erabakiak hartzea eta erabaki motak.

2. gaia._Enpresa eta inbertsioari buruzko erabakiak. Inbertsioak hautatzeko metodoak. Errentagarritasuna, arriskua eta kapitalaren kostua.

3. gaia._Enpresaren finantzabideak. Barne finantzaketa edo autofinantzaketa. Inoren konturako finantzabideak.

4. gaia._Enpresaren balorazioa. Enpresaren kontabilitate balioa, likidazio balioa, birjartze balioa, balio substantziala, burtsa balioa eta errendimendu balioa. Good will-a edo merkataritzako fondoa. Enpresaren balio globala zehazteko metodoak.

II. zatia

Sektore publikoaren ekonomia

1. gaia._Ekonomia publikoaren teoria. Estatuaren eginkizun fiskalak. Ogasun publikoari buruzko teoria positiboa eta arauemailea.

2. gaia._Sektore publikoaren esku-hartzea jarduera ekonomikoan. Merkatuaren akatsak. Ondasun publikoak. Kanpo eraginak.

3. gaia._Sektore publikoaren erabakitzeko mekanismoak. Bozkatzeko arauak. Demokrazia ordezkatzailea.

4. gaia._Sektore publikoa funtzionatzeko ereduak. Ekoizpen publikoa eta burokrazia. Sektore publikoaren akatsak.

5. gaia._Sektore publikoaren hazkundeari buruzko teoriak. Estatuaren tamainari buruzko eztabaida. Gastu publikoaren bilakaera Europar Batasunean eta Espainian.

6. gaia._Aurrekontua: kontzeptua eta edukia. Aurrekontuei buruzko oinarri klasikoak eta horien krisiak. Aurrekontuetarako teknikak: aurrekontu administratiboarekin hasi eta aurrekontuak egiteko teknika modernoekin buka.

7. gaia._Aurrekontuaren orekaren eta hazkunde eta egonkortasun ekonomikoaren arteko lotura. Diziplina fisikala Europar Batasunean: Egonkortasunerako eta Hazkunderako Ituna. Aurrekontu egonkortasunari buruzko legedia Espainian.

8. gaia._Gastu publikoak banaketan duen eragina eta ondorioak. Gastu publikoaren eragingarritasuna eta efizientzia: kontzeptuak eta azterketa-teknikak.

9. gaia._Dirusarrera publikoak. Sailkatzeko irizpideak. Prezioak eta enpresa publikoa. Prezio publikoak eta tasak. Kontribuzio bereziak. Zerga, kontzeptua eta bereizgarriak. Zerga motak. Zergen osagaiak.

10. gaia._Zergapetzearen printzipioak. Onuraren eta ordaintzeko gaitasunaren printzipioak. Zergapetzearen eragina. Sistema fiskalak. Zergapetze mota nagusiak. Zergen egitura baldintzatzen duten elementuak. Bilakaera eta nazioarteko ereduak.

11. gaia._Defizit publikoa eta Ogasun berezia. Definizioak eta finantzabideetarako tresnak. Zor publikoa: kontzeptua, motak eta ondorio ekonomikoak, zorraren zama. Aktibo publikoen pribatizazioak. Inflakzioa zerga gisa. Defizitaren ondorio ekonomikoak: zabalpena eta kanporatze-efektua.

12. gaia._Espainiako Administrazio Publikoen arteko finantza harremanak. Araubide arrunteko autonomia erkidegoen finantzabidea: finantza baliabideak eta printzipioak. Europar Batasunarekiko finantza harremanak.

13. gaia._Hitzarmen Ekonomikoaren sistema. Nafarroaren eta Estatuaren arteko Hitzarmen Ekonomikoen historia. Ekarpen ekonomikoa Estatuaren karga orokorrei.

14. gaia._Nafarroaren eta Estatuaren arteko armonizazio fiskalari buruzko arauak. Eskumenak zehaztea eta pertsona fisikoen errenta, sozietateen gaineko zerga, balio erantsiaren gaineko zerga eta fabrikazioko zerga bereziak ordainarazteko administrazio eskuduna.

15. gaia._Nafarroako Ogasun Publikoa. Ekonomia arloko eskubideak eta betebeharrak. Finantza eragiketak. Erantzukizunak.

16. gaia._Nafarroako Aurrekontu Orokorrak (I). Edukia eta egiteko prozesua. Aurrekontuaren egitura.

17. gaia._Nafarroako Aurrekontu Orokorrak (II). Aurrekontuak betetzea eta kudeatzea. Aurrekontua likidatu eta ixtea. Betearazpena kontrolatzea.

18. gaia._Ekonomi eta finantza arloetako jarduera kontrolatzea: kontzeptua eta motak. Kontrolaz arduratzen diren organoak. Barne kontrola. Comptos Ganbera.

19. gaia._Nafarroako Aurrekontu Orokorren kontura ematen diren dirulaguntzak: kontzeptua eta arautze juridikoa. Organo eskudunak. Onuradunak. Dirulaguntzak eman eta kudeatzeko prozedurak. Dirulaguntzak justifikatu eta itzultzea.

20. gaia._Nafarroako toki korporazioen aurrekontua. Edukia, eginkizunak eta egitura. Herrietako aurrekontuen printzipioak. Herrietako aurrekontuen zikloa. Aurrekontuen kontrola: kontzeptua, motak eta erakundeak.

21. gaia._Araubide arrunteko eta foru araubideko toki korporazioen udal tributu sistema. Zergak, tasak eta kontribuzio bereziak.

Arau orokorrak

1. gaia._Espainiako 1978ko Konstituzioa. Estatuko aginteak. Koroa. Gorte Nagusiak. Gobernua eta Administrazioa. Botere judiziala Konstituzioan.

2. gaia._Zuzenbide Publikoaren iturburuak: legeak eta lege motak. Lege dekretuak. Legegintzako foru dekretuak. Nazioarteko itunak.

3. gaia._Administrazio Zuzenbidearen iturburuak: erregelamendua eta erregelamenduzko ahalmena. Erregelamendu motak. Erregelamenduzko ahalmenaren mugak eta haren kontrola.

4. gaia._Administrazio egintza (I): kontzeptua, motak eta osagaiak.

5. gaia._Administrazio egintza (II): baldintzak, eraginkortasuna, deuseztasuna eta deuseztagarritasuna.

6. gaia._Administrazio prozedura erkidea (I): kontzeptua eta izaera. Hasiera, antolamendua, instrukzioa eta bukaera.

7. gaia._Administrazio prozedura erkidea (II). Administrazio errekurtsoak: printzipio orokorrak eta motak.

8. gaia._Nafarroako Parlamentua edo Gorteak: eraketa, antolakuntza eta eginkizunak.

9. gaia._Nafarroako Gobernuari eta lehendakariari buruzko Foru Legea.

10. gaia._Nafarroako Foru Komunitateko Administrazioari buruzko Foru Legea.

11. gaia._Nafarroako Foru Komunitateko arartekoa. Comptos Ganbera. Nafarroako Kontseilua.

12. gaia._Nafarroako Administrazio Publikoen zerbitzuko Langileen Estatutua (I): langile motak. Funtzionario publikoen hautapena. Funtzionario izaera eskuratzea eta galtzea.

13. gaia._Nafarroako Administrazio Publikoen zerbitzuko Langileen Estatutua (II): administrazio karrera. Administrazio egoerak. Lanpostuak betetzea. Lansariak.

14. gaia._Nafarroako Administrazio Publikoen kontratuak: araubide juridikoa. Administrazio kontratu ohikoenak: kontzeptua eta motak. Kontratuak esleitu, hobetu, sinatu, bete, aldatu eta iraungitzeko arau orokorrak.

15. gaia._Datu pertsonalen babesa Europan eta Espainian. Printzipioak. Pertsonen eskubideak. Datuen babesari buruzko agentzia. Datuen nazioarteko mugimenduak.

III. zatia

Ekonomia orokorra

1. gaia._Espainiako multzo ekonomikoak. Ondasun eta zerbitzuen gaineko eragiketak. Banatzeko eragiketak. Erakundeen sektoreen kontuak. Kontu finantzarioa.

2. gaia._Input-output eredua. Input-Output taula. Input-Output azterketaren aplikazioak: biderkatzaileak, kateak edo loturak, kanpoko menpekotasuna.

3. gaia._Inbertsioaren faktore erabakigarriak eta jokabidea. Inbertsioa izakinetan: faktore erabakigarriak. Inbertsioa ekipoan: kapitalaren erabilpen kostua. Doikuntza hobezinaren prozesua. Inbertsioa eraikuntzan: epe motzeko eta luzeko faktoreak.

4. gaia._Kontsumo pribatuaren faktore erabakigarriak eta jokabidea. Kontsumo erantsiaren ezaugarriak. Bizi zikloaren teoria. Errenta iraunkorraren teoria. Espektatiben egitekoa.

5. gaia._Ordainketen balantza eta trukatze tasa. Nazioarteko ekonomiaren eta ordainketen balantzaren arteko harremanak. Ordainketen balantzaren egitura. Trukeen araubideak: truke finko eta malguen sistema. Europako moneta sistemaren aipua. Ordainketa balantza eta diru kopurua.

6. gaia._Politika ekonomikoaren helburuak. Enplegu betea. Oinarrizko kontzeptuak eta lan motak. Adierazleak eta neurtzeko sistemak. Lan merkatuari buruzko planteamendu teorikoak. Enplegurako politika.

7. gaia._Prezioen egonkortasuna: kontzeptuak, kuantifikazioa eta aurreikuspena. Inflazioaren ondorioak. Inflazioaren arrazoiak. Inflazioaren aurkako neurriak.

8. gaia._Hazkunde ekonomikoa. Kontzeptua eta adierazleak. Hazkunde ekonomikoaren faktore erabakigarriak. Hazkunde ekonomikoaren aldeko neurriak.

9. gaia._Errenta banatzea. Oinarrizko kontzeptuak. Desberdintasunaren arrazoiak. Errenta banatzearen neurketa. Errenta banatzeko politika.

10. gaia._Bizi kalitatea eta ingurumena zaintzea. Bizi kalitatea neurtzea. Ingurumen baliabideak. Ingurumenerako politikak.

11. gaia._Diru politika. Funtsak eta oinarrizko edukiak. Diru politikaren oinarrizko baliabideak. Diru politikaren eraginkortasuna.

12. gaia._Politika fiskala: funtsak eta oinarrizko edukiak. Gastu publikoa, zergak eta haien eragina jardueraren mailan. Egonkortzaile automatikoak. Gastu publikoa, zergak eta aurrekontuetako saldoa. Zorra eta haren ondorioak defizit publikoan. Politika fiskalaren eraginkortasuna.

13. gaia._Eskaintza kudeatzeko politika ekonomikoak. Eskaintza politiken ezaugarri doktrinalak. Egitura doitzeko politikak. Eskaintza ekonomia eta alderdi makroekonomikoak.

14. gaia._Ziklo ekonomikoak. Teoriak. Faseak. Hazkunde iraunkorra. Joera eta zikloa.

15. gaia._Nazioarteko merkataritzaren faktore erabakigarriak: abantaila konparatiboa eta espezializazio produktiboa. Geografia ekonomikoaren ikuspegia. Eskalako eta nazioarteko merkataritzako ekonomiak. Nazioarteko merkataritza eta hazkunde ekonomikoa.

16. gaia._Integrazio ekonomikoaren teoria. Aduana batasunen ekonomia: ondorio estatikoak eta dinamikoak. Merkataritza sortzea eta desbideratzea.

17. gaia._Merkataritza politika. Baliabideak eta ondorioak. Librekanbioa eta protekzionismoa. Merkataritza politika estrategikoa.

Egitura ekonomikoa

1. gaia._Europar Batasuna: erakundeak eta ordena juridikoa. Europar Batasunaren itunak.

2. gaia._Europar Batasunaren aurrekontua: ezaugarri orokorrak eta bilakaera historikoa. Dirusarreren eta gastuen ezaugarri orokorrak. Konkurrentziarako politika.

3. gaia._Europar Batasuneko Eskualdeetarako Politika. Helburuak. Estatuetako eskualdeetarako politiken koordinazioa. Finantza baliabideak. Nafarroa, Europar Batasuneko Eskualdeetarako Politika.

4. gaia._Europar Batasuneko Nekazaritza Politika. Helburuak. Europar Batasuneko Nekazaritza Politikaren garapen historikoa eta ondorengo aldaketak.

5. gaia._Batasuneko politikak: gizarte eta enplegu politika. Ikerketa eta garapen teknologikoa. Ingurumena. Hezkuntzaren, kulturaren eta lanbide prestakuntzaren arloko politikak.

6. gaia._Ekonomia eta Moneta Batasuna. Banku zentralen sistema. Ekonomia eta diru politika: helburuak eta baliabideak.

7. gaia._Espainiako ekonomia 60. hamarkadatik aitzina. Espainiako ekonomiaren gaur egungo egoera. Europar Batasunarekiko bateratze nominala eta erreala.

8. gaia._Nafarroako ekonomiaren egitura aldaketak 1960tik aitzina. Nafarroako ekonomia Espainiako testuinguruan. Nafarroako ekonomia Europako eskualdeen testuinguruan.

9. gaia._Lehen sektorea Nafarroan. Nekazaritza politika Nafarroan. Espezializazio produktiboa. Europar Batasuneko Nekazaritza Politikaren aplikazioa Nafarroan.

10. gaia._Industria sektorea Nafarroan: bilakaera eta egungo egoera. Espezializazio produktiboa. Nafarroako Gobernuaren politika industriala eta teknologikoa.

11. gaia._Eraikuntzaren sektorea Nafarroan. Etxebizitza. Etxebizitza parkea Nafarroan: prezio eta kostuen bilakaera. Nafarroako Gobernuaren lurzoru eta etxebizitzarako politika.

12. gaia._Zerbitzuen sektorea Nafarroan. Makromagnitude nagusiak eta ekoizpen adarren araberako banaketa.

13. gaia._Lan merkatua Nafarroan. Eskura dauden iturri estatistikoak. Populazio aktiboa, lan-tasa eta langabezia. Sektore, eskualde eta adinen araberako banaketa. Nafarroako Gobernuak lana sortzeko ematen dituen laguntzak.

14. gaia._Nafarroako populazioaren egitura eta bilakaera. Populazioaren mugimendu naturala. Migrazio mugimenduak.

15. gaia._Nafarroan diharduten Administrazioen gastu publikoa. Nafarroako Aurrekontu Orokorrak: gastuen azterketa ekonomiko eta funtzionala, dirusarreren eta saldoen azterketa. Nafarroako Foru Komunitateko Administrazioko enpresen sektore publikoa.

16. gaia._Kanpo sektorea. Nafarroako ekonomiaren merkataritzako kanpo harreman globalak. Esportazioak eta inportazioak beste herrialdeekin. Atzerriko inbertsioak Nafarroan.

Oharra:

Gai guztiak deialdi hau Nafarroako ALDIZKARI OFIZIALean argitaratzen denean indarra duen legeriari jarraikiz baloratuko dira, baina egun horren ondoren onetsitako arau aldaketen ekarpenak baloratzen ahalko ditu epaimahaiak.

Iragarkiaren kodea: F0609522