Iragarkia

41. ALDIZKARIA - 2006ko apirilaren 5a

I. NAFARROAKO FORU KOMUNITATEA

1.2. AGINTARIAK ETA LANGILEAK

1.2.2. Plantilla Organikoa, Lan Eskaintza Publikoa, oposizioak eta lehiaketak

DEIALDIA, Funtzio Publikoaren zuzendari nagusiak martxoaren 13an emandako 635/2006 Ebazpenaren bidez onetsia, Nafarroako Foru Komunitateko Administrazioaren eta haren erakunde autonomoen zerbitzuko arkitekto tekniko izateko 13 lanpostu huts oposizio bidez betetzekoa.

Funtzio Publikoaren zuzendari nagusiak martxoaren 13an emandako 635/2006 Ebazpenaren bidez, Nafarroako Foru Komunitateko Administrazioaren eta haren erakunde autonomoen zerbitzuko arkitekto tekniko izateko 13 lanpostu huts oposizio bidez betetzeko deialdia onetsi zuen.

Hautaprobak lotuko zaizkie abuztuaren 30eko 251/1993 Legegintzako Foru Dekretuaren bidez onetsitako Nafarroako Administrazio Publikoen zerbitzuko Langileen Estatutuaren Testu Bateginean gaiari buruz xedatutakoari, estatutua garatu eta burutzeko sarrera erregelamenduari, gainerako aplikazio arauei eta deialdi honetako arauei.

1._Deialdiaren xedea.

1.1. Deialdi honen xedea da arkitekto tekniko izateko 13 lanpostu oposizio bidez betetzea, funtzionarioen araubidekoak eta B mailakoak, Iruñean aritzekoak, txanda hauetan banatuak:

_6 lanpostu txanda irekian.

_7 lanpostu igoera txandan.

1.2. Hauek dira eskaintzen diren lanpostu hutsak:

_1 Lehendakaritza, Justizia eta Barne Departamentuko Barne Zuzendaritza Nagusian, Iruñean aritzeko. Plantilla zenbakia: 5823.

_5 lanpostu Nafarroako Zerga Ogasunean, Iruñean aritzeko. Plantilla zenbakiak: 4858, 6833, 7034, 7042 eta 7480.

_1 Toki Administrazioko Departamentuko Toki Administrazioko Zuzendaritza Nagusian, Iruñean aritzeko. Plantilla zenbakia: 6943.

_1 Gizarte Ongizate, Kirol eta Gazteria Departamentuko Gizarte Ongizateko Zuzendaritza Nagusian, Iruñean aritzeko. Plantilla zenbakia: 2780.

_1 Nafarroako Kirol eta Gazteriaren Institutuan, Iruñean aritzeko. Plantilla zenbakia: 4962.

_1 Vianako Printzea Erakundea-Kultura eta Turismo Departamentuko Kultur Ondarearen Zuzendaritza Nagusian, Iruñean aritzeko. Plantilla zenbakia: 32862.

_2 Eskola eta Lanbide Irakaskuntzaren Zuzendaritza Nagusian, Iruñean aritzeko. Plantilla zenbakiak: 33198 eta 37404.

_1 Osasunbidea-Nafarroako Osasun Zerbitzuko Zerbitzu Zentraletan, Iruñean aritzeko. Plantilla zenbakia: 66597.

1.3. Igoera txandako lanpostuak hutsik geldituz gero, izangaiek hautapen probak gainditzeko behar den gutxieneko puntuazioa atera ez dutelako, txanda irekikoei gehituko zaizkie.

Bestaldetik, igoera txandan hutsik dauden lanpostuak baino izangai gehiagok gainditzen badute, txanda horretan lanpostuak eskuratzen ez dituztenek aukera izanen dute txanda irekiko lanpostu hutsak eskuratzeko, txanda horretako izangaiekin lehian eta eskuratutako azken puntuazioaren arabera.

Era berean, txanda irekiko lanpostuak eskuratzeko aukera izanen dute, aurreko lerroaldean adierazitako moduan, deialdiko 7.2. arauan agiriak aurkezteko ezartzen den epea bukatzen denean deialdiko 2.1.2 arauko eskakizun berariazkoak betetzen ez dituzten igoera txandako izangaiek.

1.4. Lanpostuek B mailako lansariak izanen dituzte, uztailaren 4ko 158/1984 Foru Dekretuaren bidez onetsitako Lansarien Behin-behineko Erregelamenduan eta, kasuan kasu, aplikatu beharreko gainerako xedapenetan ezarritakoari jarraikiz.

1.5. Halaber, deialdi honen bidez hauta-probak gainditu bai baina lanposturik lortzen ez duten izangaiekin aldi baterako kontratatuak izateko izangaien zerrenda bat osatu nahi da, deialdi honetako 3., 10., 11., 12. eta 13. arauetan xedaturikoarekin bat.

2._Betebeharrak.

2.1. Oposizio honetan onartuak izateko, izangaiek, eskabideak aurkezteko epea amaitzen den egunean eta agiriak aurkezteko epearen barrenean (deialdiaren 7.2 atalean adierazia) eta lanpostuaren jabetza hartu arte, baldintza hauek bete beharko dituzte:

2.1.1. Izangai guztiek bete beharreko baldintzak.

a) Espainiarra izatea, edo Europar Batasuneko beste estatu batekoa, edo, Europar Batasunak izenpetu eta Espainiak berretsitako nazioarteko itunak direla medio, langileen zirkulazio librea aplikatzen den eremuko estatu batekoa.

Orobat, espainiarren eta Europar Batasuneko beste estatuetako edo aipatu nazioarteko itunek ukitutako estatuetako herritarren ezkontideek hartzen ahal dute parte; halaber, haien ondorengoek eta ezkontidearenek, zuzenbidez bereizita ez badaude, 21 urtetik beherakoak badira edo, gorakoak izanik, haien kontura biziz gero.

b) Adin nagusikoa izatea eta erretiroko adina ez izatea.

c) Arkiteko teknikoaren titulua edo baliokidea izatea, edo eskaerak aurkezteko epea bukatzen den egunean titulu hori eskuratzeko moduan egotea.

Atzerrian lorturiko tituluak badira, homologazioa egiaztatzen duen kredentziala eduki beharko da.

d) Bete behar dituen eginkizunetan aritzeko behar den gaitasun fisiko eta psikikoa izatea.

e) Eginkizun publikoetan aritzeko desgaitu edo gabetua ez egotea eta Administrazio Publikoren baten zerbitzutik bereizia ez izatea.

Espainiako hiritartasuna ez duten izangaiek frogatu beharko dute beren Estatuko Funtzio Publikoan sartzea eragozten dien diziplina zehapenik edo zigor penalik ez dutela.

f) B motako ibilgailuak gidatzeko baimena izatea.

2.1.2. Igoera txandako izangaiek bete beharreko baldintza berariazkoak.

Igoera txandako izangaiek, aurreko idatz-zatian adierazitako betebeharrez gain, hauek bete beharko dituzte:

a) Nafarroako edozein Administrazio Publikotako langile finkoa izatea, edo Nafarroako Foru Komunitateko Administrazioari transferitutako Justizia Azministrazioaren zerbitzuei atxikitako langile finkoa, eta jatorrizko lanpostuan borondatezko edo nahitaezko eszedentzian ez egotea.

b) Deialdiko lanpostu hutsen maila berekoa edo apalagokoa izatea.

c) Administrazio Publikoetan bost urteko antzinatasun onartua izatea, Nafarroako Polizia Kidegoetako kideen kasuan izan ezik, horiek frogatu beharko baitute zortzi urtez eman dituztela zerbitzuak kidego horietan.

Nafarroako Administrazio Publikoetan lan egiten duten langileen Estatutuaren xedapen gehigarrietatik zortzigarrenean ezarri dena aplikatuz, igoera txandan esku hartzeko baldintzak betetzen dituzten Nafarroako Parlamentuko funtzionarioek ere txanda horretan parte hartzen ahalko dute.

2.2. Deialdiko 3,4. arauko bigarren puntuan aipatzen den salbuespena salbuespen, izendatuak izateko proposatzen diren izangaiek deialdiko 7.2 idatz-zatian ezarririko epean eta moduan frogatu beharko dituzte betebehar horiek.

3._Eskabideak.

3.1. Deialdian parte hartzeko eskabideak Lehendakaritza, Justizia eta Barne Departamentuko Erregistro Orokorrean (Karlos III.aren etorbidea, 2, atalondoa, 31002 Iruña) edo erregistro horretako beste edozein bulegotan (zerrenda 2005eko 33. Nafarroako ALDIZKARI OFIZIALean argitaratu zen, martxoaren 18an) aurkeztu beharko dira, edo, bestela, Herri Administrazioen Araubide Juridikoari eta Administrazio Prozedura Erkideari buruzko azaroaren 20ko 30/1992 Legeko 38.4 artikuluan adierazitako bideren bat erabiliz, deialdia Nafarroako ALDIZKARI OFIZIALean argitaratu eta biharamunetik hogeita hamar egun naturaleko epean.

Eskabideak deialdi honen eranskinean dagoen ereduari lotu behar zaizkio eta, haietan, izangaiek adierazi beharko dute eskatutako baldintza guztiak betetzen dituztela. Eredu hori Nafarroako Gobernuko Argibide Bulegoan dago eskuragarri. Interneten bidez ere lortzen ahal da, www.navarra.es helbidean, bai argitaratzen deneko Aldizkari Ofizialetik abiatuta, bai Zerbitzuen Katalogoko Enplegu Publikoan dagoen deialdiaren aiputik abiatuta.

3.2. Minusbaliotasun aitortua duten lehiatzaileek, ariketak egin ahal izateko denbora edo baliabideetan egokitzapenik behar badute, zilegi izanen dute eskabidean eskatzea, eta hartarako, aparteko orri batean adierazi beharko dute nolako minusbaliotasuna duten eta zer egokitzapen eskatzen duten. Horrekin batera, legeen arabera minusbaliatuak direla frogatzeko agiriaren kopia konpultsatua ere aurkeztu beharko dute, organo eskudunak emana.

3.3. Hautapen prozesuko ariketa guztiak gainditzen ez dituzten hautagaiekin zerrenda batzuk osatuko dira, ondoren aldi baterako kontratazioak egiteko. Horrtarako, parte hartzaileek deialdiko eskabidean berean adierazi beharko dute kontratazio zerrendetatik zeinetan nahi duten sartu.

Xede horrekin, parte hartzaileek eskabidean agertzen diren kudeaketa esparruetako bakarra hautatu beharko dute, Nafarroako Osasun Zerbitzuko zerrendetan, Nafarroako Gizarte Ongizatearen Institutukoetan edo Nafarroako Foru Komunitateko Administrazioaren gainerako departamentu (Administrazio erroa) eta erakunde autonomokoetan sartuak izateko. Kudeaketa esparru bat baino gehiago hautatuz gero, edo parte hartzeko eskabidean atal hori betetzen ez bada, Administrazio erroko zerrendetan besterik ez dutela parte hartu nahi ulertuko da.

3.4. Eskabideari, behar bezala bete ondoren, agiri hauek erantsiko zaizkio:

Bat._Nafarroako Foru Komunitateko Administrazioaren kontuan 18 euro ordaindu izana frogatzen duen agiria. Kopuru horrekin espedientearen formalizazioa eta azterketa eskubideak ordainduko dira.

Azterketa eskubideak ordaindu izanaren ordainagiria aurkezten ez bada, izangaia baztertu eginen da.

Honako hauek ez dute tasarik ordaindu beharko:

a) Ehuneko 33ko edo gehiagoko ezgaitasun aitortua dutela frogatzen duten pertsonek, organo eskudunak luzaturiko jatorrizko agiriaren edo behar bezala konpultsaturiko fotokopiaren bidez.

b) Hauta-proben deialdia egin aurretik hilabete batez edo luzaroago lan-eskatzaile gisa inskribaturik egon diren pertsonak. Salbuespen hori aplikatzeko baldintza izanen da inskribaturik egin den bitartean eskainitako inolako lan egokiri uko egin ez izana eta lanbide sustapen, prestakuntza edo eraberritze ekintzetan parte hartzeari uko egin ez izana, justifikaturiko kasuetan izan ezik, eta, horrez gainera, lanbide arteko gutxieneko soldatatik gorako den dirusarrerarik ez izatea hilabetero.

Lan eskatzailea dela frogatzeko, Enplegu Bulegoak emandako agiria aurkeztu beharko da. Bertan, lan-eskatzaile gisa inskribatu zeneko data agertuko da eta, orobat, adieraziko da inskribaturik egon den bitartean ez diola uko egin handik eskainitako inolako lan egokiri, ez eta lan-igoera, prestakuntza edo eraberritze ekintzetan parte hartzeari ere, justifikaturiko kasuetan izan ezik.

Hilero lanbide arteko gutxieneko lansaritik gorako errentarik ez duela interesatuaren errentaren adierazpenaren bidez frogatuko da. Adierazpen eredua Nafarroako Gobernuko Informazio Bulegoan eskuratzen ahalko da, edo bestela internet bidez, arestian emandako helbidean.

Bi._Deialdian igoera txandan parte hartu nahi duten izangaiek, Nafarroako Foru Komunitateko Administrazioa ez den Nafarroako beste Administrazio Publiko bateko langile finkoak badira, edo Nafarroako Foru Komunitateari eskualdatutako Justizia Administrazioko zerbitzuei atxikitako langile finkoak, lehengoaz gainera, deialdi honetako 2.1.2. arauan jasotzen diren eskakizunak betetzen dituztela frogatzen duen agiria gehitu beharko diote eskabideari.

3.5. Eskabideak aurkezteko epea ezin izanen da luzatu.

3.6. Eskabidean atzematen diren akats materialak edo egitezkoak ofizioz edo interesatuak eskaturik zuzentzen ahalko dira, noiznahi ere.

4._Izangaien onarpena eta erreklamazioak.

4.1. Eskaerak aurkezteko epea bukaturik, Funtzio Publikoaren zuzendari nagusiak ebazpena emanen du izangai onartu eta baztertuen behin-behineko zerrenda onesteko, eta Nafarroako ALDIZKARI OFIZIALean argitara dadila aginduko du.

4.2. Izangai baztertuek hamar egun balioduneko epea izanen dute, behin-behineko zerrenda Nafarroako ALDIZKARI OFIZIALean argitaratzen denetik, erreklamazioak aurkezteko eta, akatsik egin badute, zuzentzeko.

4.3. Erreklamazioetarako epea bukatutakoan eta horiek ebatzita, Funtzio Publikoaren zuzendari nagusiak onartu eta baztertuen behin betiko zerrenda onesten duen ebazpena emanen du, eta Nafarroako ALDIZKARI OFIZIALean argitara dadila aginduko du.

4.4. Izangaiei egotziriko arrazoiengatik baztertzen direnei ez zaizkie azterketa egiteko eskubideak itzuliko.

5._Epaimahaia.

5.1. Epaimahaiak kide hauek izanen ditu:

_Mahaiburua: Ramón Gradé Pérez jauna, Nafarroako Zerga Ogasuna erakunde autonomoko Tasazio Ataleko burua.

_Ordezkoa: Julián Sarasa Azcárate jauna, Nafarroako Zerga Ogasuna erakunde autonomoko Balorazio Txostenen Bulegoko burua.

_Mahaikidea: Francisco Javier Sancho Domingo jauna, Vianako Printzea Erakundea-Kulturako eta Turismo Departamentuko Arkitektura Ondarearen Ataleko burua.

_Ordezkoa: Miguel Ibáñez Basterrica jauna, Vianako Printzea Erakundea-Kultura eta Turismo Departamentuari atxikitako arkitekto teknikoa.

_Mahaikidea: José Ramón Lasanta Montes jauna, Hezkuntza Departamentuko Eraikuntza Bulegoko burua.

_Ordezkoa: Anastasio Navascués Martínez jauna, Jefe de la Hezkuntza Departamentuko Obra eta Ekipamendu Ataleko burua.

_Mahaikidea: Administrazio Erroko Langileen Batzordearen ordezkari bat, batzordeak berak proposatua.

_Ordezkoa: Administrazio Erroko Langileen Batzordearen ordezkari bat, batzordeak berak proposatua.

_Mahaikide idazkaria: Marta Echavarren Zozaya andrea, Ekonomia eta Ogasun Departamentuko Ondare Zerbitzuko Ondare Ataleko burua.

_Ordezkoa: Javier Martínez Eslava jauna, Ekonomia eta Ogasun Departamentuko Ondare Zerbitzuko Kontratazio eta Aseguru Ataleko burua.

Epaimahaia hautaprobak hasi baino lehen eratuko da.

5.2. Epaimahaia ezin izanen da eratu, ezta aritu ere, kideen gehiengo osoa bertan izan gabe.

Organo kolegiatuaren eraketak eta jardunak balio izateko, mahaiburuak eta mahaikide idazkariak edo haien ordezkoek bertan egon beharko dute.

5.3. Epaimahaiko kideek ez dute parte hartuko, eta organo dei egileari horren berri emanen diote, Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legean parte ez hartzeko aipatzen diren egoeretakoren batean baldin badaude.

Izangaiek, halaber, zilegi izanen dute mahaikideak errefusatzea, arrazoi horietako bat gertatzen denean.

5.4. Epaimahaiak gehiengoz erabakiko ditu deialdiaren arauak ulertu eta aplikatzeko moduaz sortzen diren arazo guztiak.

5.5. Epaimahaiak aholkulari adituen laguntza izan dezake, proba batzuetan nahiz guztietan laguntzeko. Aholkulari horiek beren espezialitate teknikoetan baizik ez dira ariko eta horietan bakarrik emanen diote laguntza epaimahaiari.

6._Oposizioa nola eginen den.

6.1. Oposizioa 2006ko irailean hasiko da. Onartu eta baztertuen behin betiko zerrenda onesten duen ebazpenean berean finkatuko dira probak hasteko tokia, eguna eta ordua.

Ondoren, epaimahaiak jakinaraziko ditu gainerako probak egiteko iragarkiak.

6.2. Oposizioak hurrengo ariketak izanen ditu:

Lehenbizikoa: teoriko-praktikoa, bi zati izanen ditu:

_Lehena: gai-zerrendaren bigarren zatiko gaiei buruzko berrogeita hamar galdera erantzutea. Galdera bakoitzean hiru aukera emanen dira, eta bat bakarra izanen da egokia. Hogeita hamar minutu emanen dira proba hau egiteko. Hutsak zehatuko dira.

_Bigarrena: gai-zerrendaren bigarren zatiko gai zerrendako gaiei buruz epaimahaiak egiten dituen kasuak konpondu eta/edo galderak erantzun egin beharko dira, gehienez ere 2 orduan.

Bigarrena: Gai zerrendaren bigarren eta laugarren zatietatik zozketaz ateratzen den gai banaren gainean idaztea, gehienez ere hiru orduz.

Hirugarrena: teoriko-praktikoa, gai zerrendako bigarren, hirugarren eta laugarren zatietatik aterata epaimahaiak proposatzen dituen kasuak argitu edo galderak erantzun beharko dira, gehienez bost orduz.

Laugarrena: Gai zerrendaren lehen eta hirugarren zatietatik zozketaz ateratzen den gai banaren gainean idaztea, gehienez ere hiru orduz.

Oposizioko ariketa guztiak plika sistemaren bidez eginen dira.

6.3. Oposizioko ariketen balorazioan 80 puntu eman daitezke gehienez ere, honela banatuak:

Lehenbizikoa: 10na puntu, 20 puntu guztira, gehienez ere.

Bigarrena: 10na puntu, 20 puntu guztira, gehienez ere.

Hirugarrena: gehienez 20 puntu.

Laugarrena: 10na puntu, 20 puntu guztira, gehienez ere.

6.4. Oposizioko ariketak kanporagarriak izanen dira. Bazterturik geldituko dira horietako ariketaren batean gutxienez gehieneko puntuazioaren erdia lortzen ez duten izangaiak. Halaber, bazterturik geratuko dira lehen, bigarren eta hirugarren ariketetan proposatutako gaietan edo zatietan 0 puntuko kalifikazioa lortzen dutenak.

6.5. Ariketa bakoitza amaitutakoan, epaimahaiak jendaurrean jarriko du, ariketa egin den lekuan eta Nafarroako Gobernuaren iragarki oholean, probak gainditu dituzten izangaien zerrenda, bakoitzaren kalifikazioekin. Horrez gain, oposizioko hurrengo proba non, zein egunetan eta zer ordutan eginen den adierazten duen oharra argitaratuko du, gutxienez hura hasi baino 48 ordu lehenago.

6.6. Ariketa bakoitzerako dei bakarra eginen da. Izangaiek nortasun agiri nazionala, pasaportea edo gidatzeko baimena eraman beharko dute. Azterketara agertzen ez direnak edo arestian aipatutako agirietako baten bidez beren nortasuna egiaztatzen ez dutenak oposiziotik baztertuko dira.

6.7. Hautapen-probak egiteko, ezgaitasun aitorturen bat dutenentzat bidezkoak diren denbora eta baliabide egokitzapenak eginen dira, eskabidean azaldutakoaren arabera.

7._Probak gainditu dituztenen zerrenda, izendapen proposamena eta agirien aurkezpena.

7.1. Hauta probak amaiturik, epaimahaiak jendaurrean jarriko du probak gainditu dituztenen zerrenda, oposizioan lortutako kalifikazioekin, Nafarroako Gobernuaren iragarki oholean. Gero, Funtzio Publikoaren zuzendari nagusiari igorriko dio zerrenda hori, deialdiko lanpostuen kopuruaren barruan sartzen diren eta probak puntuazio altuenekin gainditu dituzten izangaiak izendatzeko proposamena, espediente osoarekin batera. Proposamen hori Nafarroako ALDIZKARI OFIZIALean argitaratuko da.

Hainbanaketarik gertatuz gero, hirugarren ariketan puntu gehien lortu dituztenen alde ebatziko da. Eta hala ere hainbana segitzen badute, lehen eta bigarren ariketetan lortutako puntuazioak hartuko dira kontuan, hurrenez hurren.

7.2. Izendapen proposamena Nafarroako ALDIZKARI OFIZIALean argitaratu ondoko 30 egun naturaleko epean, proposatutako izangaiek inprimaki berariazko batzuk jaso eta honako agiri hauek aurkeztu behar dituzte Funtzio Publikoaren Zuzendaritza Nagusian:

7.2.1. Nafarroako Foru Komunitateko Administrazioaren eta haren erakunde autonomoen zerbitzuko langile finko ez diren izangaiak:

a) Nortasun Agiri Nazionalaren bi kopia konpultsatu, edo izangaiaren hiritartasuna eta nortasuna frogatzen dituen beste agiri baliokideren batenak.

b) Deialdiko 2. arauan eskatzen den tituluaren kopia konpultsatua, lortzeko eskubideak pagatu direla frogatzen duen gordekinarena edo, hala bada, eskabideak aurkezteko epean titulua eskuratzeko moduan egoten dela frogatzen duen ziurtagiria.

c) Laneko Arriskuei Aurrea hartzeko Atalak emandako txostena, interesatuak karguan aritzea eragotziko liokeen eritasun edo akats fisiko edo psikikorik ez duela frogatzeko.

Elbarritasunen bat alegatu duten izangaiek, gainera, elbarritasuna deialdiko lanpostuarekin bateragarria dela dioen frogagiria aurkeztu beharko dute, balorazio eta orientazio talde eskudunek emana.

d) Eginkizun publikoetarako ezgaitua edo gabetua ez izatearen eta inongo administrazio publikoren zerbitzutik bereizia ez izanaren zinpeko aitorpena.

Izangaiek Espainiako hiritartasuna ez badute, agiria aurkeztu beharko dute, beren Estatuko Funtzio Publikoan sartzea eragozten dien diziplina zehapenik edo zigor penalik ez dutela adierazteko.

e) Zin egin edo hitz ematea, Nafarroako Foru Eraentza errespetatu, Konstituzioari eta Legeei men egin, eta karguari dagozkion eginkizunak zuzen beteko dituela.

f) B motako ibilgailuak gidatzeko baimenaren kopia konpultsatua.

g) Funtzio Publikoaren Zuzendaritza Nagusiak eskatzen dizkion gainerako agiriak.

Deialdi hau egin ez duen Nafarroako beste Administrazio Publikoren bateko langile finko, edo Nafarroako Foru Komunitateari eskualdatutako Justizia Administrazioko zerbitzuei atxikitako langile finko diren izangaiek, gainera, aurreko administrazioko espediente pertsonalean ageri diren inguruabar eta aurrekari guztiak frogatzen dituen ziurtagiria aurkeztu beharko dute, hots, sarrerari, antzinatasunari, mailari, egoera administratiboari eta abarrei buruzkoa.

7.2.2. Nafarroako Foru Komunitateko Administrazioaren edo haren erakunde autonomoen zerbitzuko langile finkoak diren izangaiak:

a) Deialdiko 2. arauan eskatzen den tituluaren kopia konpultsatua, lortzeko eskubideak pagatu direla frogatzen duen gordekinarena edo, hala bada, eskabideak aurkezteko epean titulua eskuratzeko moduan egoten dela frogatzen duen ziurtagiria.

b) B motako ibilgailuak gidatzeko baimenaren kopia konpultsatua.

c) Funtzio Publikoaren Zuzendaritza Nagusiak eskatzen dizkion gainerako agiriak.

Ezgaitasunen bat alegatu duten izangaiek, gainera, ezgaitasuna deialdiko lanpostuarekin bateragarria dela dioen frogagiria aurkeztu beharko dute, balorazio eta orientazio talde eskudunek emana.

7.3. Aipatu epearen barrenean, eta aski justifikaturik dauden ezinbesteko kasuak salbuetsiz, arestiko agiriak aurkezten ez dituztenak ezin izanen dira izendatuak izan, eta ordurako egintza guztiak baliorik gabe geldituko dira, euren eskabidearen faltsukeria dela eta, legokiekeen erantzunbeharra galarazi gabe.

7.4. Aurreko atalean aurreikusitakoa gertatuz gero, Funtzio Publikoaren zuzendari nagusiak probak gainditu dituztenen zerrendan, 7.1. atalean aipatutakoan, hurrengoa den izangaiarekin beteko du baja, eta horrekin ere aurreko ataletan adierazitako moduan jokatuko da.

8._Lanpostu hutsak hautatzea

8.1. Aurreko oinarrian xedatu dena betetzen duten lehiatzaileek Funtzio Publikoaren Zuzendaritza Nagusiak hartarako jartzen dien epean aditzera eman beharko dute eskaintzen zaizkien lanpostuetatik zein hautatzen duten. Aukeratu beharreko lanpostuak hasieran deitutakoak izanen dira, edo beste batzuk, zerbitzuaren beharrei jarraikiz horiek aldatzea erabakitzen bada.

8.2. Hautaprobak igoera txandaren bidez gainditzen dituzten izangaiek, 8.3 ataleko bigarren lerroaldean aipatutako kasuan izan ezik, lehentasuna izanen dute deialdiko lanpostu hutsak aukeratzerakoan, txanda horretakoak ez diren izangaien aurretik.

8.3. Lanpostu hutsak aukeratzeko orduan, 100eko 33ko edo handiagoko minusbaliotasun aitortua duten izangaiek lehentasuna izanen dute txanda irekiko izangaien aurretik.

Izangai minusbaliaturik bada, eta horrek eragina badu lanpostu bat edo bestea hautatzeko, aukeratzen hasi aurretik, minusbaliotasunarekin hobekien egokitzen direnak esleituko zaizkie, horren gainean balorazio eta orientazio talde eskudunek egindako txostenaren arabera.

9._Izendapena, lanpostuen esleipena eta jabetza hartzea.

9.1. Funtzio Publikoaren zuzendari nagusiak, ebazpen baten bitartez, aurreko oinarrietan ezarritakoa betetzen duten izangaiak Nafarroako Foru Komunitatearen Administrazioko funtzionario izendatuko ditu, arkitekto tekniko lanetan aritzeko. Ebazpen horren bidez lanpostuen esleipena ere eginen da.

9.2. Izendapenak eta lanpostuaren jabetza hartzeak nomina eta plantillako funtzionario bilakatuko dituzte izendatuak, indarra duten xedapenek ezartzen dituzten eskubide eta betebehar guztiak dituztela. Gizarte Segurantzako araubide orokorrean inskribatu eta kidetuko dira, araubide horretan aurreikusitakoaren babesean.

Aurrekoa gorabehera, Nafarroako Administrazio Publikoen Zerbitzuko Langileen Estatutua onetsi zuen abuztuaren 30eko 251/1993 Legegintzako Foru Dekretuaren bederatzigarren xedapen gehigarriaren 3. puntuan xedatutakoa aplikatzearen ondorioz, Nafarroako administrazio publikoen edozein bahituretxetako eskubide pasiboen araubidekoak direnen kasuan, bi aukera izanen dituzte: Nafarroako Foru Komunitateko Administrazioko bahituretxean segitzea, martxoaren 5eko 10/2003 Foru Legearen bidez arautiriko eskubide pasiboen araubideak babesturik, edo Gizarte Segurantzaren Araubide Orokorrean sartzea.

9.3. Izendatzen diren izangaiek destinoko herrian izan beharko dute bizilekua, bertan helbidea egiazki kokatuz. Administrazio organo eskudunek destinoa aldatzen ahalko dute, aplikatzekoa den arautegian ezarritakoarekin bat.

9.4. Lanaldia zerbitzuaren beharretara egokituko da eta noiznahi aldatzen ahalko dute administrazio organo eskudunek, aplikatzekoa den arauterian ezarritakoarekin bat.

9.5. Izendapena Nafarroako ALDIZKARI OFIZIALean argitaratuko da eta izangai izendatuak hilabeteko epean jabetu beharko du bere lanpostuaz, izendapenaren jakinarazpenetik kontatzen hasita.

Aipatu epean eta behar bezain ongi arrazoitutako kasuetan izan ezik, izangairen batek ez baldin badu lanpostua bere egiten, Foru Komunitateko Administrazioaren funtzionario izateko eskubide guztiak galduko ditu. Hala bada, 7.4 atalean ezarritakoari jarraikiko zaio.

9.6. Izangai bat funtzionario bihurtu eta lanpostuan batere aritu gabe zuzenean eta berak eskatuta borondatezko eszedentzia ematen bazaio jabetza hartzearen egunetik bertatik, data hartan beste Administrazio Publiko batean ari delako, kasuko lanpostu hutsa ere beteko da deialdiko 7.4 atalak agintzen duen moduan.

9.7. Aurreko bi ataletan aipatutako kasuetan, izendapena egin aurretik hautaturiko lanpostua ez da aldatuko. Beraz, funtzionario berriei, zuzenean, egoera horien ondoriozko lanpostuak esleituko zaizkie.

10._Aldi baterako kontratuetarako izangaien zerrenda.

10.1. Nafarroako Administrazio Publikoan sartzeko Erregelamendua onetsi zuen Erregelamenduaren 42. artikuluan ezarritakoari jarraikiz, Lehendakaritza, Justizia eta Barne kontseilariaren azaroaren 14ko 146/2005 Foru Aginduan, hots, lanpostuak aldi baterako betetzeko kudeaketa arauak onesten dituen foru aginduari eta arau honetan ezarritako prozedurari jarraikiz, aldi baterako kontrataziorako izangaien zerrenda hauek sortuko dira:

_Probak gainditu bai baina lanposturik lortu ez duten izangaien zerrenda, komuna Foru Komunitateko Administrazioko departamentu eta erakunde autonomo guztientzat.

_Hautapen prozesuko ariketa guztiak gainditu ez dituzten izangaien zerrenda, parte hartzeko eskabidean aukeratutako esparruaren arabera.

10.2. Probak gainditu bai baina lanposturik lortu ez duten izangaien zerrendak.

Probak gainditu arren lanposturik lortu ez duten izangaiekin Funtzio Publikoaren Zuzendaritza Nagusiak zerrenda bat osatuko du, ondoren aldi baterako kontratazioak egiteko, deialdi honetako 11. arauan ezarritako prozedurari jarraikiz. Lehendakaritza, Justizia eta Barne kontseilariaren azaroaren 14ko 146/2005 Foru Aginduan xedatutako arauen arabera kudeatuko du.

Halaber, zerrenda hori Osasunbidea-Nafarroako Osasun Zerbitzuko eta Nafarroako Gizarte Ongizatearen Institutuko organo eskudunei igorriko die, esparru bakoitzeko arauei jarraikiz kudea dezaten.

10.3. Hautapen prozesuko ariketa guztiak gainditzen ez dituzten hautagaiak.

Deialdiko hamaikagarren arauan ezarritako prozedurarekin bat, Funtzio Publikoaren Zuzendaritza Nagusiak aldi baterako kontratazioak egiteko izangaien zerrenda bat osatuko du deialdiko azkenaurreko ariketa gainditu eta Administrazio erroko zerrenda hautatu duten izangaiekin.

Era berean, Funtzio Publikoaren Zuzendaritza Nagusiak Osasunbidea-Nafarroako Osasun Zerbitzuko eta Nafarroako Gizarte Ongizatearen Institutuko organo eskudunei igorriko die hautapen prozesuko ariketa guztiak gainditu ez eta esparru horietako kontratazio-zerrendak aukeratu dituztenen zerrenda, aldi baterako kontratazioetarako, deialdi honetako 12. arauan ezarritako prozedurari jarraikiz.

11._Administrazio erroan aldi baterako kontratatzeko izangaien zerrendak osatzeko prozedura.

11.1. Epaimahaiaren espedientea jasota, Funtzio Publikoaren zuzendari nagusiaren ebazpen baten bidez, hautapen prozesua gaindituta ere lanposturik gabe gelditu diren izangaiei eta deialdian ezarritako azkenaurreko ariketa gainditu eta Administrazio erroko kontratazio-zerrenda aukeratu dutenei, hamar laneguneko epe bat emanen zaie, ebazpena argitaratu eta biharamunetik hasita, ondoko dokumentazio hau aurkezteko:

_Deialdiko 2. arauan eskatzen den tituluaren fotokopia konpultsatua, lortzeko eskubideak pagatu direla frogatzen duen gordekinarena edo, hala bada, sartzeko prozesuan parte hartzeko eskabideak aurkezteko epean titulua eskuratzeko moduan egoten dela frogatzen duen ziurtagiria.

_B motako ibilgailuak gidatzeko baimenaren kopia konpultsatua.

Ebazpen hau Nafarroako ALDIZKARI OFIZIALean argitaratuko da, eta langileen zerrendak Nafarroako Gobernuko iragarki-oholean (Karlos III.aren etorbidea, 2, atalondoa, Iruña).

Eskatzen diren agiriak aipatu epean aurkezten ez dituztenak (aski justifikatutako ezinbesteko kasuetan izan ezik) eta eskatutako baldintzak betetzen ez dituztenak ez dira sartuko aldi baterako kontratuetarako izangaien zerrendan, eta deialdian parte hartzeagatiko eskubide guztiak galduko dituzte, deusetan ukatu gabe, betiere, parte hartzeko esakbidean esandako gezurrengatiko erantzukizuna.

11.2. Sartzeko prozeduraren eskabideak aurkezteko epea bukatzen den egunerako bete beharko dira baldintzak, eta hautaprobek dirauteino eta zerbitzuek iraun bitarte beharko dira bete.

11.3. Dokumentazioa aurkezteko epea bukaturik, Funtzio Publikoaren zuzendari nagusiaren ebazpen baten bidez, aldi baterako kontratuetarako izangaien zerrenda hauek onetsiko dira eta Nafarroako Gobernuaren iragazki-oholean argitaratuko (Karlos III.aren etorbidea, 2, atalondoa, Iruña):

a) Probak gainditu bai baina lanposturik lortu ez duten izangaien zerrenda.

b) Deialdiko azken ariketa gaindituez eta Administrazio erroko kontratazio zerrendak aukeratu dituztenak.

11.4. Hauxe izanen da aldi baterako kontratazioen zerrendaren ordena: oposizioa gainditu bai baina lanposturik lortu ez dutenen kasuan, hautaprobetan lortutako puntuazioaren arabera; gainerako izangaien kasuan, gainditutako ariketetan lortutako puntuazioen batura. Berdinketarik dagoenean nor nagusitzen den erabakitzeko, deialdi honetan kasu horietarako ezarritako irizpideak hartuko dira kontuan.

12._Osasunbidea-Nafarroako Osasun Zerbitzuan aldi baterako kontratatzeko izangaien zerrendak osatzeko prozedura.

Funtzio Publikoaren Zuzendaritza Nagusiak probak gainditu bai baino lanposturik lortu ez dutenen zerrendak eta hautapen prozesuko ariketa guztiak gainditu ez eta esparru horretako kontratazio-zerrendak aukeratu dituztenenak igorri ondoren, Osasunbidea-Nafarroako Osasun Zerbitzuko organo eskudunek beren kudeaketa esparruko aldi baterako kontratazioetarako izangaien zerrendak onetsiko dituzte, 2001eko urtarrilaren 9ko Akordioan erakunde autonomo horretako osasun zentro eta establezimenduetan aldi baterako langileak hautatzeko ezarritakoarekin bat. Akordio hori 2001eko 101. Nafarroako ALDIZKARI OFIZIALean argitaratu zen, abuztuaren 20an.

Horretarako, Nafarroako Osasun Zerbitzuak hamar egun balioduneko epea emanen die interesatuei, zentroa hautatu, iraunaldi laburreko zerrendetan egon nahi dutela adierazi eta aipatu erakunde autonomoak zehazten dituen gainerako inguruabarrak betetzeko.

Arau honen arabera osatzen diren zerrendak Osasunbidea-Nafarroako Osasun Zerbitzuak kudeatuko ditu, langileak hautatzeko 2001eko urtarrilaren 9ko Akordioan ezarritakoari jarraikiz.

13._Nafarroako Gizarte Ongizatearen Institutuan aldi baterako kontratatzeko izangaien zerrendak osatzeko prozedura.

Funtzio Publikoaren Zuzendaritza Nagusiak probak gainditu bai baino lanposturik lortu ez dutenen zerrendak eta hautapen prozesuko ariketa guztiak gainditu ez eta esparru horretako kontratazio-zerrendak aukeratu dituztenenak igorri ondoren, Nafarroako Gizarte Ongizatearen Institutuko organo eskudunek beren kudeaketa esparruko aldi baterako kontratazioetarako izangaien zerrendak onetsiko dituzte, erakunde autonomo horretan 2000ko urtarrilaren 17ko Akordioan aldi baterako kontratazioetarako langile zerrenden kudeaketari buruz ezarritakoarekin bat.

Horretarako, Nafarroako Gizarte Ongizatearen Institutuak hamar egun balioduneko epea emanen die interesatuei, zentroa edo eskualdea hautatu eta aipatu erakunde autonomoak zehazten dituen gainerako inguruabarrak betetzeko.

Arau honen arabera osatzen diren zerrendak Nafarroako Gizarte Ongizatearen Institutuak kudeatuko ditu, aldi baterako langileen zerrendak kudeatzeko 2000ko urtarrilaren 17ko Akordioan ezarritakoari jarraikiz.

14._Errekurtsoak.

Epaimahaiak ematen dituen egintza eta ebazpenen kontra gora jotzeko errekurtsoa paratzen ahal da Funtzio Publikoaren zuzendari nagusiari zuzenduta, errekurtsoaren xede den egintza argitaratu edo jakinarazi eta biharamunetik, hilabeteko epean.

Deialdi honen arauen kontra eta bera aplikatzeko egintzen kontra, epaimahaiak hartutakoak izan ezik, zilegi izanen da gora jotzeko errekurtsoa jartzea, Lehendakaritza, Justizia eta Barne kontseilariari zuzendua, hilabeteko epean, errekurritu nahi den egintza argitaratu edo jakinarazi eta biharamunetik kontatuta.

Hori guztia Nafarroako Foru Komunitateko Administrazioari buruzko abenduaren 3ko 15/2004 Foru Legearen 57. artikuluarekin bat eta urtarrilaren 13ko 4/1999 Legeak aldatutako Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 114. eta 115. artikuluei jarraikiz.

Iruñean, 2006ko martxoaren 13an._Funtzio Publikoaren zuzendari nagusia, Alberto Andérez González.

I. ERANSKINA

Eskabidea

Izena ............................, adinez nagusia. Nortasun Agiri Nazionala (edo balio bereko beste agiriren bat) ......................., Sorteguna .................... Sorterria .................... (...................). Nazionalitatea .................... Helbidea: (kalea, zenbakia), .............. herria, ............. probintzia, ....... posta kodea, eta ........ telefonoa (........... laneko telefonoa) duena,

AZALTZEN DU:

Nafarroako Foru Komunitateko Administrazioaren zerbitzuko .................. izateko ............... lanpostu ................ bidez betetzeko deialdian parte hartzeko onar dezatela eskatzen duela, aipatu txandan (deialdia ...... zenbakiko Nafarroako ALDIZKARI OFIZIALean argitaratu zen, .........(e)an).

f Txanda irekia.

f Igoera txanda*

f Minusbaliatuendako txanda*

Hautaprobak gainditzen ez baditu, lanpostuak behin-behinekoz betetzeko aukeraz baliatu nahi duela, honako esparruetako batean:

f Administrazio-erroa*

f Nafarroako Osasun Zerbitzua-Osasunbidea*

f Nafarroako Gizarte Ongizatearen Institutua*

(Esparruetako bakar bat aukeratu daiteke)

Ez duela karguan aritzea galarazten dion eritasun edo akats fisiko edo psikikorik.

Indarra duten xedapenetan ezarritako ezintasunik ez duela.

Ez dela diziplinako espediente bidez ezein administrazio publikoren zerbitzutik kanpo utzia izan, eta, era berean, ez dutela eginkizun publikoak betetzeko gaitasunik gabe utzi.

Deialdian eskatzen den titulazioaren jabe dela.

Azterketa eskubideak ordaindu dituela deialdian ezarritako moduan eta horren gordekina erantsi duela, edo erantsitako agirien bidez frogatzen duela tasa ordaintzetik salbuetsita dagoela.

Eskabideak aurkezteko epearen azken egunean beharkizun guztiak betetzen dituela.

f Ezgaitasuna duela eta, beraz, behar dituen egokitzapenak eskatzen dituela, haietarako arrazoiak adierazita. (Beste orri batean azaldu behar dira eskatutako egokitzapenak eta haietarako arrazoiak).

f Ezgaitasuna frogatzen duen agiria aurkezten duela, erakunde eskudun batek emana.

f Euskararen gaitasunaren agiria edo ofizialki baliokidea den beste titulu bat aurkezten duela*.

f Euskara maila neurtzeko proba egitea eskatzen duela*.

f Frantseseko eta ingeleseko nahikotasun frogak egitea eskatzen duela*.

Horrenbestez,

Eskabide hau ontzat hartu eta aipatu deialdian onartua izatea eskatzen du.

Iruñean,........(e)ko .........................aren ............(e)an.

(Izenpea)

(*) Bidezkoa bada.

NAFARROAKO GOBERNUA. LEHENDAKARITZA, JUSTIZIA ETA BARNE DEPARTAMENTUA.

FUNTZIO PUBLIKOAREN ZUZENDARITZA NAGUSIA.

II. ERANSKINA

Gai zerrenda

Lehen zatia

1. gaia._Espainiako 1978ko Konstituzioa: Estatuko aginteak. Koroa. Gorte Nagusiak. Gobernua eta Administrazioa. Botere judiziala Konstituzioan.

2. gaia_Zuzenbide Publikoaren iturburuak: legeak eta horien motak. Lege dekretuak. Legegintzako foru dekretuak. Nazioarteko Itunak.

3. gaia_Administrazio Zuzenbidearen iturburuak: erregelamendua eta erregelamenduzko ahalmena. Erregelamendu motak. Erregelamenduzko ahalmenaren mugak eta haren kontrola.

4. gaia._Administrazio egintza: kontzeptua, motak eta osagaiak. baldintzak, eraginkortasuna, deuseztasuna eta deuseztagarritasuna.

5. gaia._Guztientzako administrazio prozedura: kontzeptua eta izaera. Hasiera, antolamendua, instrukzioa eta bukaera. Administrazioarekiko errekurtsoak: printzipio orokorrak eta motak.

6. gaia.-Nafarroako Foru Eraentza Birrezarri eta Hobetzeari buruzko Lege Organikoa. Oinarria. Nola egin zen. Oinarrizko printzipioak. Foru Eraentzaren erreforma. Nafarroaren eskumenak.

7. gaia._Nafarroako Parlamentua edo Gorteak: Eraketa, antolakuntza eta eginkizunak.

8. gaia _Nafarroako Gobernuari eta lehendakariari buruzko legea.

9. gaia._Nafarroako Foru Komunitateko Administrazioari buruzko Foru Legea.

10. gaia._Nafarroako Foru Komunitateko arartekoa. Comptos Ganbera. Nafarroako Kontseilua.

11. gaia_Nafarroako Administrazio Publikoen zerbitzuko Langileen Estatutua (I): langile motak. Funtzionario publikoen hautapena. Funtzionario izaera eskuratzea eta galtzea.

12. gaia._Nafarroako Administrazio Publikoen zerbitzuko Langileen Estatutua (II): administrazio karrera. Administrazio egoerak. Lanpostuak betetzea. Lansariak.

13. gaia._Nafarroako Ogasun Publikoaren Araubidea: egitura eta eginkizunak. Ondarea, baliabideak, aurrekontuak eta kontrola. Araubide juridikoa

14. gaia._Nafarroako Administrazio Publikoen kontratuak (I): araubide juridikoa. Administrazio kontratu ohikoenak: kontzeptua eta motak. Kontratuak esleitu, hobetu, izenpetu, bete, aldatu eta iraungitzeko orotariko arauak.

15. gaia._Nafarroako Administrazio Publikoen kontratuak (I): obra kontratua. Xedea, prestakuntza, exekuzioa eta aldaketa. Kontratua bete eta bukatzea.

16. gaia._Nafarroako Toki Administrazioari buruzko uztailaren 2ko 6/1990 Foru Legea: Nafarroako toki entitateen antolaketa eta administrazioa. Administrazioarteko harremanak. Toki entitateak.

17. gaia._Datu pertsonalen babesa (I). Datu pertsonalak babesteari buruzko abenduaren 13ko 15/1999 Lege Organikoa. Xedapen orokorrak. Datu babesaren printzipioak. Pertsonen eskubideak. Titulartasun publikoko fitxategiak. Administrazio publikoen arau-hausteak.

18. gaia._Datu pertsonalen babesa (II). Datu pertsonalak dituzten fitxategi automatizatuen Segurtasun Neurrien gaineko Erregelamendua. Xedapen orokorrak. Segurtasun neurrien mailak. Arau-hausteak eta zehapenak.

Bigarren zatia

1. gaia._Azaleren neurketa eraikuntzetan. Azalera erabilgarri itxia. Azalera irekiak; azalera erabilgarritzat hartzea. Azalera eraiki pribatua, azalera erabilgarri itxiarekin duen zerikusia. Elementu komunen azalera. Elementu komunak dituen azalera eraikia, azalera erabilgarri itxiarekin duen zerikusia. Elementu komunetan izaten den partaidetza koefizientea.

2. gaia._Ondasun higiezinen balio, prezio eta kostuei buruzko ezagutza. Kontzeptua eta motak.

3. gaia._Ondasun higiezinak merkatuko alderaketa metodoa erabiliz baloratzea: kontzeptua eta metodoak.

4. gaia._Ondasun higiezinak kostuaren metodoa erabiliz baloratzea: kontzeptua eta metodoak.

5. gaia._Ondasun higiezinak errentaren metodoa erabiliz baloratzea: kontzeptua eta metodoak.

6. gaia._Lurzoruaren eragin-balioa. Kontzeptua. Lurzoruaren eragin-balioa lortzeko soberakin metodoa. Soberakin-balioa zehaztean parte hartzen duten prozesuen kostu eta etekinen azterketa.

7. gaia._Hardwarea. Mikroprozesadore baten osagaiak. RAM memoria estatikoa eta dinamikoa. oinarrizko ezagutza. Periferiko erabilienak.

8. gaia._Windows NT Workstation. Mahaigaina. Programen administratzailea. Windows esploradorea. Kontrol-panela. Inprimaketa-kudeatzailea. "Hasi" botoia. Tresna-barra. NT-ren erabiltzaileak. NT zerbitzariari lotzea.

9. gaia._Testu-prozesadoreak. Windowserako Microsoft Word 2002: lan eremua; idatzi eta editatzea; testuaren formatua; orriaren diseinua eta konposizioa; estiloak; plantillak; tresnak; taulak; artxiboen administrazioa; eremuekin lan egitea; inprimatzea; makroak (oinarrizko maila).

10. gaia._Kalkulu orriak. Microsoft Excel 2002 Windowserako: fun- tsezko kontzeptuak, laneko liburuak, orriak, gelatxoak, gelatxoak eta komandoak hautatzea, datuak sartzea, formulak eta loturak sortzea, funtzioak erabiltzea, kalkulu-orri bat editatzea, formatuak, grafikoak, inprimatzea; makroak (oinarrizko maila).

11.gaia._Datu baseak. Microsoft Access 2002 Windowserako: funtsak,taulak, kontsultak, formularioak, txostenak, inprimaketa; makroak (oinarrizko maila).

12. gaia._Internet eta Intranet. Interneten oinarrituriko zerbitzuak. World Wide Web; posta; albiste multzoak; bilagailuak.

13. gaia._Outlook 98: posta elektronikoa, antolatzeko tresna eta denboraren kudeaketa. Mezuak; helbideetako libretak; agenda; harremanak; eginkizunen plangintza.

14. gaia_Marrazki teknikoko programak: Autocad. Oinarrizko kontzeptuak. Agindurik erabilienak. Programa horiek arkitekturan duten erabilgarritasuna.

15. gaia_Obren aurrekontuetarako programak: Presto. Oinarrizko kontzeptuak. Agindurik erabilienak. Programa horiek arkitekturan duten erabilgarritasuna.

16. gaia_Administrazio Publikoetan erabili ohi diren programak: Outlook, Word, Excel eta Access. Oinarrizko kontzeptuak. Agindurik erabilienak.

17. gaia._Sare informatikoak. Sareko zerbitzariak. Lanpostuak. Barne erabilerako sareak (Intranet). Teknologia berriak: internet. Oinarrizko kontzeptuak.

Hirugarren zatia

1. gaia._Urbanizazio kuotak Nafarroako Toki Ogasunei buruzko martxoaren 10eko 2/1995 Foru Legean. Urbanizazio kuotak. Lurraren gaineko kontribuzioa. Hirilurren balio igoeraren gaineko zerga.

2. gaia._Martxoaren 10eko 3/1995 Foru Legea, Nafarroako Lurralde Aberastasunaren Erregistro Fiskala arautzeari buruzkoa (I). kontzeptua eta edukia. Nafarroako Lurralde Aberastasunaren Erregistro Fiskalaren zainketa.

3. gaia._Martxoaren 10eko 3/1995 Foru Legea, Nafarroako Lurralde Aberastasunaren Erregistro Fiskala arautzeari buruzkoa (II). Nafarroako Lurralde Aberastasunaren Erregistro Fiskalaren Publikotasuna. Koordinazioa Jabetza Erregistroarekin. Xedapen gehigarriak. Xedapen iragankorrak.

4. gaia_Urriaren 10eko 216/1984 Foru Dekretua, Hirilurraren gaineko kontribuzioaren ordainarazpenaren gaineko Erregelamendua onesten duena: Hirilurraren balorazio txostena, prozedura eta edukia.

5. gaia._Nafarroako hirilurreko ondasunen katastro-balioa zehazteko arau teknikoak. Lurzoruaren balioa zehazteko arauak. Eraikinen balioa zehazteko arauak. Hirilurreko ondasunen katastro-balioa zehaztea.

6. gaia._Maiatzaren 17ko 165/1999 Foru Dekretua, Ondare-eskualdaketen eta Egintza Juridiko Dokumentatuen gaineko Zergaren Erregelamendua onesten duena (I). Ondare-eskualdaketak: Zergapeko egitatea. Subjektu pasiboa. Zerga oinarria.

7. gaia._Maiatzaren 17ko 165/1999 Foru Dekretua, Ondare-eskualdaketen eta Egintza Juridiko Dokumentatuen gaineko Zergaren Erregelamendua onesten duena (II). Egintza Juridiko Dokumentatuak: Zergapeko egitatea. Subjektu pasiboa. Zerga oinarria.

8. gaia._Maiatzaren 17ko 165/1999 Foru Dekretua, Ondare-eskualdaketen eta Egintza Juridiko Dokumentatuen gaineko Zergaren Erregelamendua onesten duena (III). Balioen egiaztapena. Peritu-tasazio kontraesanezkoa.

9.gaia._Abenduaren 16ko 250/2002 Legegintzako Foru Dekretua, oinordetza eta dohaintzen gaineko zergako xedapenen testu bategina onesten duena. Xedapen orokorrak. Zergapeko egintza. Salbuespenak. Zergaren subjektu pasibo eta erantzuleak. Zerga oinarria. Balioen egiaztapena.

10. gaia._Nafarroan etxebizitzari babes publikoa emateari buruzko ekainaren 24ko 8/2004 Foru Legea. Etxebizitza babestua. Lortzeko betebehar orokorrak. Eraikuntzaren baldintzak. Babes-araubidearen iraupena. Eskualdaketak. Eroslehentasun eta atzera-eskuratze eskubideak.

11.gaia.-Prezioak berraztertzeari buruzko legedi berezia. Salneurri indizeak eta berraztertze moduluak. Formula polinomikoak.

12. gaia_Maiatzaren 23ko 209/1991 Foru Dekretua, Gizarte Zerbitzuen gaietako Baimen, Arau-hauste eta Zehapenei buruzko azaroaren 13ko 9/1990 Foru Legea garatzen duena (I): xedea eta aplikazio esparrua. Eskumenak. Ukitutako baimen eta jarduketak. Baimenak lortezko prozedura. Ikuskapena, eskumena eta eginkizunak. Entitateen erregistroa.

13. gaia_Maiatzaren 23ko 209/1991 Foru Dekretua, Gizarte Zerbitzuen gaietako Baimen, Arau-hauste eta Zehapenei buruzko azaroaren 13ko 9/1990 Foru Legea garatzen duena (II): gizarte zerbitzuen arloetako zerbitzu eta zentroen sailkapena. Baldintza orokorrak. Mota bakoitzaren, erabiltzaileen eta ezaugarri berariazkoen definizioa.

14. gaia._Dirulaguntzei buruzko azaroaren 9ko 11/2005 Foru Legea. Denetarako xedapenak. Dirulaguntzak emateko prozedurak. Justifikazioa, egiaztapena, ordainketa, jarraipena eta kontrola.

15. gaia._Laneko arriskuei aurrea hartzeari buruzko 31/1995 Legea. Xedea eta esparrua. Langile eta enpresen eskubide eta betebeharrak. Prebentzio zerbitzuak.

16. gaia._Eraikuntza lanetako segurtasuna eta osasuna. 1627/1997 Errege Dekretua, urriaren 24koa Segurtasunari eta osasunari buruzko azterlanak. Laneko segurtasun eta osasun plangintza. Norbanakoa eta taldea babesteko segurtasun bitartekoak, zehazpenak eta erabilera. Segurtasun eta osasunaren gaineko xedapenak laneko bitartekoen erabileran. Enpresen jardueren koordinazioa.

17. gaia._Kirol ekipamenduak: UNE arauak (AENOR): Jokalekuetako ekipoak. Gimnasiarako ekipoak. Entrenamenduko ekipo finkoak. Alpinismo eta Eskalada ekipoak.

15/2001 Foru Legea, uztailaren 5ekoa, Nafarroako Kirolari buruzkoa: Xedeak eta printzipio orokorrak. Aministrazioaren antolamendua eta eskumenak. Erabilera publikoko kirol instalazioak. Kirol jardueren plangintza.

19. gaia._Araubide orokorreko irakaskuntzak ematen dituzten ikastetxeen gutxieneko betebeharrak. 1537/2003 Errege Dekretua, abenduaren 5ekoa.

20. gaia._Lurraldearen antolamenduari eta hirigintzari buruzko 35/2002 Foru Legea, abenduaren 20koa. Hirigintza lizentziak: Kontzeptua. Lizentzia behar duten egintzak. Eskumena eta prozedura. Eraginkortasuna. Iraungipena.

14/2005 Foru Legea, azaroaren 22koa, Nafarroako kultur ondareari buruzkoa. Xedapen orokorrak. Ondasunen sailkapena. Ondasun higiezinen babesa.

Laugarren zatia

1. gaia._Eraikinetako suteen kontrako babesa: CPI-96. Xedea, esparrua eta araubidea. Konpartimentazioa, okupazioa eta hustea: baldintza orokorrak. Seinalizazioa. Eraikuntza-elementuen ezaugarriak, egonkortasuna eta erresistentzia. Materialen ezaugarriak eta baldintzak. Babeserako instalazioak: baldintza orokorrak.

2. gaia._Nafarroako Foru Komunitateko kirol ekipamenduak erabiltzeko orduan hartu beharreko segurtasun neurriak: uztailaren 15eko 272/1996 Foru Dekretua.

3. gaia._Kirol instalazioen araudia (NIDE) (I): Baldintza orokorrak: Arau eta xedapen orokorrak. Plangintzaren eta egoeraren baldintzak. Eraikuntza baldintzak; sarrera-irteeretarako eta segurtasunerako baldintzak

4. gaia._Kirol instalazioen araudia (NIDE) (II): Eserlekuak. Kirolerako zoruak eta ingurumenari buruzko irizpideak. Neurriak eta joko eremuak. Zelai txikiak. Aldagelak. Zelai handiak. Kirol ekipamendua. Bestelako arau interesgarriak.

5. gaia._Oztopo fisikoak. Ekainaren 29ko 154/1989 Foru Dekretua, oztopo fisiko eta zentzumenezkoei buruzko uztailaren 11ko 4/1988 Foru Legea garatu eta aplikatzeko erregelamendua onesten duena. Ibilbide motak, eskakizun mailak. Sinbologia. Erreserbak.

6. gaia._Obren antolaketa. Denboraren eta kostuen kontrola. Gantt-en diagramak. Pert-denboren sistemak. Aurreikuspenak betetzeko probabilitateak. Pertt-kostuen eta C.P.M. sistemak.

7. gaia._Lurrerauzketak eta indusketak zimentatzeko. Tipologiak. Obra horien kontrola eta ikuskapena. Eremuko eta laborategiko entseiuak lurzoruen mekanikan. Neurketa eta balorazioa.

8. gaia._Egiturak. Tipologiak. Hormigoi armatuzko egiturak: obra horien kontrola eta ikuskapena. Arautegia, neurketa eta balorazioa.

9. gaia._Zura zerratuzko egiturak. Propietateak. Kalkuluaren faktoreak. Erantzuna suaren aurrean. Aurreneurrien babesa.

10. gaia._Estalkiak. Tipologiak. Obra horien kontrola eta ikuskapena. Arautegia. Neurketa eta balorazioa.

11. gaia._Fatxaden itxierak eta trenkada multzoak. Tipologiak. Obra horien kontrola eta ikuskapena. Arautegia. Neurketa eta balorazioa.

12. gaia._Barne estaldurak. Tipologiak. Obra horien kontrola eta ikuskapena. Arautegia. Neurketa eta balorazioa.

13. gaia._Isolamendu termikoa eta akustikoa etxebizitza eraikinetan. Arautegia. Bete beharreko baldintzak. Kontrola eta ikuskatzailetza.

14.gaia._Kanpoko eta barneko arotz lanak. Tipologiak. Obra horien kontrola eta ikuskapena. Arautegia. Neurketa eta balorazioa.

15. gaia._Iturgintza eta saneamenduko instalazioak, berokuntzakoak eta ur beroarenak. Tipologiak. Kontrola eta ikuskaritza. Araudia. Neurketa eta balorazioa.

16. gaia._Elektrizitaterako eta igogailurako instalazioak. Arautegia. Kontrola eta ikuskaritza. Instalazioen segurtasuna.

17. gaia._Aldamioak, eskoraketak eta apeamenduak. Planteamendua, exekuzioaren kontrola eta segurtasun neurriak.

18. gaia._Hezeguneak eraikinetan: motak, jatorria, ondorioak eta antzemateko modua. Jarduketa proposamenak.

19. gaia_Eraikin historikoen zainketa eta mantentze-lanak. Kontzeptua. Parte hartzen duten eragileak. Kategoriak. Eginkizunen identifikazioa. Mantentze programak: osagaiak. Aplikatzekoak diren arauak.

20. gaia._Zurezko egituren diagnostikoa. Helburuak. Aldez aurreko informazioa, egiturazko elementuen ikuskaritza, prospekzioak, egituraren egiaztapena.

21. gaia._Adreiluzko fabrikaren hondamena motak eta zergatiak: materialak, ura, eragile biologikoak, atmosferaren kutsadura, tentsioen pilaketa, azaleko ur-biltegiak, gizakien eragina.

22. gaia._Harrizko fabrikaren hondamena. Alterazio motak. Alterazio eragile eta mekanismoak: ura, atmosferaren kutsatzaileak, gatz disolbagarriak, organismo bizidunak, bestelakoak.

23. gaia._Kare estaldurak. Materialak: karea, harea, ura, gehigarriak. Teknikak: dosifikazioa eta exekuzioa. Zarpiatuak, entikadurak eta iztukoak.

Gaiak deialdi hau Nafarroako ALDIZKARI OFIZIALean argitaratzen denean indarra duen legeriari jarraikiz baloratuko dira, baina epaimahaiak egun horren ondoren onetsitako arau-aldaketen aipamenak baloratzen ahalko ditu.

Iragarkiaren kodea: F0604871