Iragarkia

145. ALDIZKARIA - 2006ko abenduaren 4a

I. NAFARROAKO FORU KOMUNITATEA

1.2. AGINTARIAK ETA LANGILEAK

1.2.2. Plantilla Organikoa, Lan Eskaintza Publikoa, oposizioak eta lehiaketak

DEIALDIA, Funtzio Publikoaren zuzendari nagusiak azaroaren 13an emandako 2776/2006 Ebazpenaren bidez onetsia, Nafarroako Foru Komunitateko Administrazioaren eta haren erakunde autonomoen zerbitzuko arkitekto izateko 5 lanpostu huts oposizio bidez betetzekoa.

Funtzio Publikoaren zuzendari nagusiak martxoaren 13an emandako 2776/2006 Ebazpenaren bidez, Nafarroako Foru Komunitateko Administrazioaren eta haren erakunde autonomoen zerbitzuko arkitekto izateko 5 lanpostu huts oposizio bidez betetzeko deialdia onetsi zuen.

Hautapen prozesua ondoko hauetan xedatutakoari jarraikiz eginen da: Nafarroako Administrazio Publikoen zerbitzuko Langileen Estatutuaren Testu Bategina, abuztuaren 30eko 251/1993 Legegintzako Foru Dekretuaren bidez onetsi zena, aipatu estatutua garatu eta burutzeko Sarrera Erregelamendua, gainerako aplikazio arauak eta deialdi honetako arauak.

1._Deialdiaren xedea.

1.1. Deialdi honen xedea da Ingurumen, Lurraldearen Antolamendu eta Etxebizitza Departamentuari atxikitako arkitekto izateko 5 lanpostu oposizio bidez betetzea. Lanpostu horiek funtzionarioen araubidekoak dira, A mailakoak, destinoa Iruñean dute eta plantilla organikoko zenbaki hauek: 1428, 1425, 6870, 7498 eta 7499. Hauxe da txanden araberako banaketa:

_2 lanpostu txanda irekian.

_3 lanpostu igoera txandan.

1.2. Igoera txandako lanpostuak hutsik geldituz gero, izangaiek hautapen probak gainditzeko behar den gutxieneko puntuazioa atera ez dutelako, txanda irekikoei gehituko zaizkie.

Bestaldetik, igoera txandan hutsik dauden lanpostuak baino izangai gehiagok gainditzen badute, txanda horretan lanpostuak eskuratzen ez dituztenek aukera izanen dute txanda irekiko lanpostu hutsak eskuratzeko, txanda horretako izangaiekin lehian eta eskuratutako azken puntuazioaren arabera.

Era berean, txanda irekiko lanpostuak eskuratzeko aukera izanen dute, aurreko lerroaldean adierazitako moduan, deialdiko 7.2 arauan agiriak aurkezteko ezartzen den epea bukatzen denean deialdiko 2.1.2 arauko eskakizun berariazkoak betetzen ez dituzten igoera txandako izangaiek.

1.3. Lanpostuek A mailako lansariak izanen dituzte, uztailaren 4ko 158/1984 Foru Dekretuaren bidez onetsitako Lansarien Behin-behineko Erregelamenduan eta, kasuan kasu, aplikatu beharreko gainerako xedapenetan ezarritakoari jarraikiz.

1.4. Halaber, deialdi honen bidez hauta-probak gainditu bai baina lanposturik lortzen ez duten izangaiekin aldi baterako kontratatuak izateko izangaien zerrenda bat osatuko da, deialdi honetako 10. arauan xedaturikoarekin bat.

2._Betebeharrak.

2.1. Oposizio honetan onartuak izateko, izangaiek, eskabideak aurkezteko epea amaitzen den egunean eta agiriak aurkezteko epea amaitzen denetik (deialdiaren 7.2 atalean adierazia) lanpostuaren jabetza hartu arte, baldintza hauek bete beharko dituzte:

2.1.1. Izangai guztiek bete beharreko baldintzak:

a) Espainiarra izatea, edo Europar Batasuneko beste estatu batekoa, edo, Europar Batasunak izenpetu eta Espainiak berretsitako nazioarteko itunak direla medio, langileen zirkulazio librea aplikatzen den eremuko estatu batekoa.

Orobat, espainiarren eta Europar Batasuneko beste Estatuetako edo aipatu nazioarteko itunek ukitutako Estatuetako herritarren ezkontideek hartzen ahal dute parte, zuzenbidez bereizita ez badaude; halaber, haien ondorengoek eta ezkontidearenek, zuzenbidez bereizita ez badaude, 21 urtetik beherakoak badira, edo gorakoak, haien kontura biziz gero.

b) Adin nagusikoa izatea eta erretiroko adina ez izatea.

c) Arkitektoaren titulua edo baliokidea izatea, edo eskaerak aurkezteko epea bukatzen den egunean titulu hori eskuratzeko moduan egotea.

Atzerrian lorturiko tituluak badira, homologazioa egiaztatzen duen kredentziala eduki beharko da.

d) Bete behar dituen eginkizunetan aritzeko adinako gaitasun fisiko eta psikikoa izatea.

e) Eginkizun publikoetan aritzeko desgaitu edo gabetua ez egotea eta administrazio publikoren baten zerbitzutik bereizia ez izatea.

Espainiako nazionalitatea ez duten izangaiek frogatu beharko dute beren estatuko funtzio publikoan sartzea eragozten dien diziplina zehapenik edo zigor penalik ez dutela.

f) B motako ibilgailuak gidatzeko baimena izatea.

2.1.2. Igoera txandako izangaiek bete beharreko baldintza berariazkoak.

Igoera txandako izangaiek, aurreko atalean adierazitako betebeharrez gain, hauek bete beharko dituzte:

a) Nafarroako edozein Administrazio Publikotako langile finkoa izatea, edo Nafarroako Foru Komunitateko Administrazioari transferitutako Justizia Administrazioaren zerbitzuei atxikitako langile finkoa, eta jatorrizko lanpostuan borondatezko edo nahitaezko eszedentzian ez egotea.

b) Deialdiko lanpostu hutsen maila berekoa edo apalagokoa izatea.

c) Administrazio Publikoetan bost urteko antzinatasun onartua izatea, Nafarroako Polizia Kidegoetako kideen kasuan izan ezik, horiek frogatu beharko baitute zortzi urtez eman dituztela zerbitzuak kidego horietan.

Nafarroako Administrazio Publikoetan lan egiten duten langileen Estatutuaren zortzigarren xedapen gehigarrian ezarri dena aplikatuz, igoera txandan esku hartzeko baldintzak betetzen dituzten Nafarroako Parlamentuko funtzionarioek ere txanda horretan parte hartzen ahalko dute.

2.2. Deialdiko 3.3 arauaren bigarren puntuan aipatzen den salbuespena salbuespen, izendatuak izateko proposatzen diren izangaiek deialdiko 7.2 atalean ezarritako epean eta moduan frogatu beharko dituzte betebehar horiek.

3._Eskabideak.

3.1. Deialdian parte hartzeko eskabideak Nafarroako Gobernuko Erregistro Orokorrean (Karlos III.aren etorbidea, 2, atalondoa, 31002 Iruña) edo Nafarroako Gobernuaren gainerako erregistro bulegoetako edozeinetan (zerrenda 2006ko 65. Nafarroako ALDIZKARI OFIZIALean argitaratu zen, maiatzaren 31n) aurkeztu beharko dira, edo, bestela, Herri Administrazioen Araubide Juridikoari eta Administrazio Prozedura Erkideari buruzko azaroaren 20ko 30/1992 Legeko 38.4 artikuluan adierazi diren bideetakoren bat erabiliz, deialdia Nafarroako ALDIZKARI OFIZIALean argitaratu eta biharamunetik hogeita hamar egun naturaleko epean.

Eskabidea posta bulego batean aurkeztuz gero, kartazal irekian eginen da, postako langileek, ziurtatu aurretik, data eta zigilua jar ditzaten.

Eskabideak deialdiko eranskinean azaltzen den ereduaren araberakoak izanen dira. Eredua Nafarroako Gobernuaren edozein erregistro bulegotan dago eskuragarri. Interneten bidez ere lortzen ahal da, www.navarra.es helbidean, bai argitaratzen deneko Aldizkari Ofizialetik abiatuta, bai Zerbitzuen Katalogoko Enplegu Publikoan dagoen deialdiaren aiputik abiatuta. Eskabidean izangaiek adierazi beharko dute eskatutako baldintza guztiak betetzen dituztela.

3.2. Ezgaitasun aitortua duten lehiatzaileek, ariketak egin ahal izateko denbora edo baliabideetan egokitzapenik behar badute, zilegi izanen dute eskabidean eskatzea, eta hartarako, aparteko orri batean adierazi beharko dute nolako ezgaitasuna duten eta zer egokitzapen eskatzen duten. Horrekin batera, legeen arabera ezgaitasunen bat dutela frogatzeko agiriaren kopia konpultsatua ere aurkeztu beharko dute, organo eskudunak emana.

3.3. Eskabideari, behar bezala bete ondoren, agiri hauek erantsiko zaizkio:

Bat._Espedientea irekitzeko eta azterketa egiteko eskubidea izateko tasa, 25 eurokoa, pagatu dela frogatzen duen agiria. Azterketa egiteko eskubidea izateko tasa pagatu ezean, izangaia baztertuko da.

Prozedura hauetako bat erabiliz ordaintzen ahalko da tasa hori:

_Behar bezala betetako ordainketa gutuna erabiliz; Foru Komunitateko Administrazioak Nafarroako finantza entitateetan dituen kontuetako batean dirua sartu dela frogatuko da. Arestian aipatutako webgunean, deialdiaren iragarkian, ordainketa gutunaren eredua ageri da.

_Sarrera eskudirutan edo bankuko transferentzia bidez eginez, Banestoko (Banco Español de Crédito) 00308124 87 0870002271 kontuan; horrelakoetan ordainagirian datu hauek jarri beharko dira nahitaez:

-Izangaiaren izen-deiturak.

-NAN/IFZ.

-Ordainketa zein kontutan egiten den, haren zenbakia.

-Kontzeptua: oposizioak.

-Deialdiaren xede den lanpostua.

Honako hauek ez dute tasarik ordaindu beharko:

a) %33ko edo gehiagoko ezgaitasun aitortua dutela frogatzen duten pertsonek, organo eskudunak luzaturiko jatorrizko agiriaren edo behar bezala konpultsaturiko fotokopiaren bidez.

b) Hautaproben deialdia egin aurretik hilabete batez edo luzaroago lan-eskatzaile gisa inskribaturik egon diren pertsonak. Salbuespen hori aplikatzeko baldintza izanen da inskribaturik egon diren bitartean eskainitako inolako lan egokiri uko egin ez izana eta lanbide sustapen, prestakuntza edo aldaketarako ekintzetan parte hartzeari uko egin ez izana, justifikaturiko kasuetan izan ezik, eta, horrez gainera, lanbide arteko gutxieneko soldatatik gorakoa den dirusarrerarik ez izatea hilabetero.

Lan-eskatzailea dela frogatzeko, Enplegu Bulegoak emandako agiria aurkeztu beharko da. Bertan, lan-eskatzaile gisa inskribatu zeneko data agertuko da eta, orobat, adieraziko da inskribaturik egon den bitartean ez diola uko egin handik eskainitako inolako lan egokiri, ez eta lanbide sustapen, prestakuntza edo aldaketarako ekintzetan parte hartzeari ere, justifikaturiko kasuetan izan ezik.

Hilero lanbide arteko gutxieneko lansaritik gorako errentarik ez duela interesatuaren adierazpenaren bidez frogatuko da. Adierazpenaren eredua Nafarroako Gobernuko Informazio Bulegoan eskuratzen ahalko da, edo bestela Interneten, arestian emandako webgunean.

Bi._Deialdian igoera txandan parte hartu nahi duten izangaiek, Nafarroako Foru Komunitateko Administrazioa ez den Nafarroako beste Administrazio Publiko bateko langile finkoak badira, edo Nafarroako Foru Komunitateari eskualdatutako Justizia Administrazioko zerbitzuei atxikitako langile finkoak, lehengoaz gainera, deialdi honetako 2.1.2 arauan jasotzen diren eskakizunak betetzen dituztela frogatzen duen agiria gehitu beharko diote eskabideari.

3.4. Eskabideak aurkezteko epea ezin izanen da luzatu.

3.5. Eskabidean atzematen diren akats materialak edo egitezkoak ofizioz edo interesatuak eskaturik zuzentzen ahalko dira, noiznahi ere.

4._Izangaien onarpena eta erreklamazioak.

4.1. Eskaerak aurkezteko epea bukaturik, Funtzio Publikoaren zuzendari nagusiak ebazpena emanen du izangai onartu eta baztertuen behin-behineko zerrenda onesteko, eta Nafarroako ALDIZKARI OFIZIALean argitara dadila aginduko du.

4.2. Izangai baztertuek hamar egun balioduneko epea izanen dute, behin-behineko zerrenda Nafarroako ALDIZKARI OFIZIALean argitaratzen denetik, erreklamazioak aurkezteko eta, akatsik egin badute, zuzentzeko.

4.3. Erreklamazioetarako epea bukatutakoan eta horiek ebatzita, Funtzio Publikoaren zuzendari nagusiak onartu eta baztertuen behin betiko zerrenda onesten duen ebazpena emanen du, eta Nafarroako ALDIZKARI OFIZIALean argitara dadila aginduko.

4.4. Izangaiei egotziriko arrazoiengatik baztertzen direnei ez zaizkie azterketa egiteko eskubideak itzuliko.

5._Epaimahaia.

5.1. Epaimahaiak kide hauek izanen ditu:

_Mahaiburua: Luis Antonio Ayesa Ajona, Ingurumen, Lurraldearen Antolamendu eta Etxebizitza Departamentuko Etxebizitza Zerbitzuko zuzendaria.

_Ordezkoa: José Antonio Marcén Zunzarren, Ingurumen, Lurraldearen Antolamendu eta Etxebizitza Departamentuko Lurraldearen Antolamendu eta Hirigintza Zerbitzuko zuzendaria.

_Mahaikidea: Martín Ignacio García López, Ingurumen, Lurraldearen Antolamendu eta Etxebizitza Departamentuko Eraikuntza Ataleko burua.

_Ordezkoa: Pablo Palacios Martínez de Lizarrondo, Ingurumen, Lurraldearen Antolamendu eta Etxebizitza Departamentuko Hirigintzako Diziplina Ataleko burua.

_Mahaikidea: Ramón Sáinz de los Terreros Goñi, Ingurumen, Lurraldearen Antolamendu eta Etxebizitza Departamentuko Hirigintza Planeamendurako Ataleko burua.

_Ordezkoa: Luis Antonio Gómara Granada, Ingurumen, Lurraldearen Antolamendu eta Etxebizitza Departamentuko Azterketa eta Lurralde Plangintzarako Ataleko burua.

_Mahaikidea: Administrazio Erroko Langileen Batzordearen ordezkari bat, batzordeak berak proposatua.

_Ordezkoa: Administrazio Erroko Langileen Batzordearen ordezkari bat, batzordeak berak proposatua.

_Mahaikide idazkaria: María José Alvarez Los Arcos andrea, Ingurumen, Lurraldearen Antolamendu eta Etxebizitza Departamentuko idazkari tekniko nagusia.

_Ordezkoa: Félix Armendáriz Martínez jauna, Ingurumen, Lurraldearen Antolamendu eta Etxebizitza Departamentuko Ingurumeneko Araubide Juridikoaren Ataleko burua.

Epaimahaia hautaprobak hasi baino lehen eratuko da.

5.2. Epaimahaia ezin izanen da eratu, ezta aritu ere, kideen gehiengo osoa bertan izan gabe.

Organo kolegiatuaren eraketak eta jardunak balio izateko, mahaiburuak eta mahaikide idazkariak edo haien ordezkoek bertan egon beharko dute.

5.3. Epaimahaiko kideek ez dute parte hartuko, eta organo dei egileari horren berri emanen diote, Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legean parte ez hartzeko aipatzen diren egoeretakoren batean baldin badaude.

Izangaiek, halaber, zilegi dute mahaikideak errefusatzea, egoera horietako bat gertatzen denean.

5.4. Epaimahaiak gehiengoz erabakiko ditu deialdiaren oinarriak ulertu eta aplikatzeko moduaren inguruan sortzen diren arazo guztiak.

5.5. Epaimahaiak aholkulari adituen laguntza eskatzen ahalko du proba batzuetarako edo guztietarako. Aholkulari horiek beren espezialitate teknikoan aritzera mugatuko dira eta haietan soilik emanen diote laguntza epaimahaiari.

6._Oposizioaren nondik norakoak.

6.1. Oposizioa 2007ko irailean hasiko da. Onartu eta baztertuen behin betiko zerrenda onesten duen ebazpenean berean zehaztuko da ariketak non, noiz eta zer ordutan hasiko diren.

Ondoren, epaimahaiak gainerako probak egiteko iragarkiak jakinaraziko ditu, arauz egin behar den moduan.

6.2. Oposizioak ariketa hauek izanen ditu:

Lehena. Bi zati izanen ditu, egun desberdinetan egitekoak.

_Lehen zatia: deialdiko gai zerrendako lehen zatitik zozketaz aukeratuko diren bi gai idatziz azaltzea. Ariketa hau egiteko lau ordu izanen dituzte oposiziogileek.

_Bigarren zatia: deialdiko gai zerrendako bigarren zatitik zozketaz aukeratuko diren bi gai idatziz azaltzea, gehienez ere 4 ordutan.

Bigarrena. Bi gai idatziz azaltzea, gehienez ere 4 ordutan. Gai horiek zozketaz aukeratuko dira, bata deialdiko gai zerrendako hirugarren zatikoen artean eta bestea laugarren zatikoen artean.

Hirugarrena. Praktikoa: eraikuntza eta etxebizitzaren arloko kasu praktiko bat edo gehiago ebaztea eta lurraldearen antolamendu eta hirigintzaren arloko kasu praktiko bat edo gehiago ebaztea.

Oposizioko ariketak plika sistemaren bidez eginen dira.

6.3. Oposizioko ariketen balorazioan 100 puntu eman daitezke gehienez ere, honela banatuak:

_Lehen ariketa: 40 puntu gehienez, 20 puntu zati bakoitzak eta horien barruan 10 puntu gai bakoitzak.

_Bigarren ariketa: gai bakoitzak 10 puntu, 20 puntu guztira, gehienez ere.

_Hirugarren ariketa: 40 puntu gehienez, 20 puntu eraikuntza eta etxebizitzaren arloko kasurako edo kasuetarako, eta 20 puntu lurraldearen antolamendu eta hirigintzako kasurako edo kasuetarako.

6.4. Oposizioko ariketak baztergarriak izanen dira. Gutxienez ere ariketa bakoitzak daukan puntuazioaren erdia lortzen ez duten izangaiak baztertu eginen dira, bai eta gai edo kasuetako batean punturik jasotzen ez dutenak ere.

6.5. Ariketak zuzendu ondoren, epaimahaiak jendaurrean jarriko du, Nafarroako Gobernuaren iragarki oholean eta ariketa egin den tokian, gainditu duten izangaien zerrenda, lortutako kalifikazioekin eta, halaber, oposizioaren hurrengo proba edo ariketa egiteko tokia, eguna eta ordua, gutxienez 48 ordu lehenago.

6.6. Ariketa bakoitzerako dei bakarra eginen da. Izangaiek Nortasun Agiri Nazionala, gidabaimena edo pasaportea eraman beharko dute. Oposiziotik kanpo geldituko dira agertzen ez direnak edo nortasuna aipatutako agirien bidez frogatzen ez dutenak.

6.7. Hautaprobak egiteko, ezgaitasun aitorturen bat dutenentzat bidezkoak diren denbora eta baliabide egokitzapenak eginen dira, eskabidean azaldutakoaren arabera.

7._Probak gainditu dituztenen zerrenda, izendapen proposamena eta agirien aurkezpena.

7.1. Hautaprobak amaiturik, epaimahaiak jendaurrean jarriko du probak gainditu dituztenen zerrenda, oposizioan lortutako kalifikazioekin, Nafarroako Gobernuaren iragarki oholean. Gero, zerrenda hori Funtzio Publikoaren zuzendari nagusiari igorriko dio, deialdiko lanpostuen kopuruaren barruan sartzen diren eta probak puntuazio altuenekin gainditu dituzten izangaiak izendatzeko proposamenarekin eta espediente osoarekin batera. Proposamena Nafarroako ALDIZKARI OFIZIALean argitaratuko da.

Berdinketarik gertatuz gero, hirugarren ariketan puntu gehien lortu dutenen alde ebatziko da. Eta hala ere berdinduta segitzen badute, bigarren ariketan lortutako puntuazioa hartuko da kontuan.

7.2. Izendapen proposamena Nafarroako ALDIZKARI OFIZIALean argitaratu ondoko 30 egun naturaleko epean, proposatutako izangaiek inprimaki berariazko batzuk jaso eta honako agiri hauek aurkeztu behar dituzte Funtzio Publikoaren Zuzendaritza Nagusian:

7.2.1. Nafarroako Foru Komunitateko Administrazioaren eta haren erakunde autonomoen zerbitzuko langile finko ez diren izangaiak:

a) Nortasun Agiri Nazionalaren bi fotokopia konpultsatu, edo izangaiaren nazionalitatea eta nortasuna frogatzen dituen beste agiri baliokideren batenak.

b) Deialdiko 2. arauan eskatzen den tituluaren fotokopia konpultsatua, lortzeko eskubideak pagatu direla frogatzen duen gordekinarena edo, hala bada, eskabideak aurkezteko epean titulua eskuratzeko moduan dagoela frogatzen duen ziurtagiria.

c) Laneko Arriskuei Aurrea hartzeko Atalak emandako txostena, interesatuak karguan aritzea eragotziko liokeen eritasun edo akats fisiko edo psikikorik ez duela frogatzeko.

Ezgaitasunen bat alegatu duten izangaiek, gainera, ezgaitasuna deialdiko lanpostuarekin bateragarria dela dioen frogagiria aurkeztu beharko dute, balorazio eta orientazio talde eskudunek emana.

d) Eginkizun publikoetarako ezgaitua edo gabetua ez izatearen eta inongo administrazio publikoren zerbitzutik bereizia ez izanaren zinpeko aitorpena.

Izangaiek Espainiako nazionalitatea ez badute, agiria aurkeztu beharko dute, beren Estatuko Funtzio Publikoan sartzea eragozten dien diziplina zehapenik edo zigor penalik ez dutela adierazteko.

e) Zin egin edo hitz ematea, Nafarroako Foru Eraentza errespetatu, Konstituzioari eta legeei men egin eta karguari dagozkion eginkizunak zuzen beteko dituela.

f) B motako ibilgailuak gidatzeko baimenaren kopia konpultsatua.

g) Funtzio Publikoaren Zuzendaritza Nagusiak eskatzen dizkion gainerako agiriak.

Deialdi hau egin ez duen Nafarroako beste Administrazio Publikoren bateko langile finko, edo Nafarroako Foru Komunitateari eskualdatutako Justizia Administrazioko zerbitzuei atxikitako langile finko diren izangaiek, gainera, aurreko administrazioko espediente pertsonalean ageri diren inguruabar eta aurrekari guztiak frogatzen dituen ziurtagiria aurkeztu beharko dute, hots, sarrerari, antzinatasunari, mailari, egoera administratiboari eta abarrei buruzkoa.

7.2.2. Nafarroako Foru Komunitateko Administrazioaren edo haren erakunde autonomoen zerbitzuko langile finkoak diren izangaiak:

a) Deialdiko 2. arauan eskatzen den tituluaren fotokopia konpultsatua, lortzeko eskubideak pagatu direla frogatzen duen gordekinarena edo, hala bada, eskabideak aurkezteko epean titulua eskuratzeko moduan dagoela frogatzen duen ziurtagiria.

b) B motako ibilgailuak gidatzeko baimenaren kopia konpultsatua.

c) Funtzio Publikoaren Zuzendaritza Nagusiak eskatzen dizkion gainerako agiriak.

Ezgaitasunen bat alegatu duten izangaiek, gainera, ezgaitasuna deialdiko lanpostuarekin bateragarria dela dioen frogagiria aurkeztu beharko dute, balorazio eta orientazio talde eskudunek emana.

7.3. Aipatu epearen barrenean, eta aski justifikaturik dauden ezinbesteko kasuak salbuetsiz, arestiko agiriak aurkezten ez dituztenak ezin izanen dira izendatu, eta ordura arteko egintza guztiak baliorik gabe geldituko dira, euren eskabidearen faltsukeria dela eta, legokiekeen erantzunbeharra galarazi gabe.

7.4. Aurreko atalean aurreikusitakoa gertatuz gero, Funtzio Publikoaren zuzendari nagusiak probak gainditu dituztenen zerrendan, 7.1 atalean aipatutakoan, hurrengoa den izangaiarekin beteko du baja, eta horrekin ere aurreko ataletan adierazitako moduan jokatuko da.

8._Lanpostu hutsak hautatzea

8.1. Aurreko arauan xedatu dena betetzen duten lehiatzaileek Funtzio Publikoaren Zuzendaritza Nagusiak hartarako jartzen dien epean aditzera eman beharko dute eskaintzen zaizkien lanpostuetatik zein hautatzen duten. Aukeratu beharreko lanpostuak hasieran deitutakoak izanen dira, edo beste batzuk, zerbitzuaren beharrei jarraikiz horiek aldatzea erabakitzen bada.

8.2. Hautaprobak igoera txandaren bidez gainditzen dituzten izangaiek, 8.3 ataleko bigarren lerroaldean aipatutako kasuan izan ezik, lehentasuna izanen dute deialdiko lanpostu hutsak aukeratzerakoan, txanda horretakoak ez diren izangaien aurretik.

8.3. Lanpostu hutsak aukeratzeko orduan, %33ko ezgaitasun aitortua edo handiagoa duten izangaiek lehentasuna izanen dute txanda irekiko izangaien aurretik.

Ezgaitasuna duen izangairik bada, eta horrek eragina badu lanpostu bat edo bestea hautatzeko, aukeratzen hasi aurretik, ezgaitasunarekin hobekien egokitzen direnak esleituko zaizkie, horren gainean balorazio eta orientazio talde eskudunek egindako txostenaren arabera.

9._Izendapena, lanpostuen esleipena eta jabetza hartzea

9.1. Funtzio Publikoaren zuzendari nagusiak, ebazpen baten bitartez, aurreko arauetan ezarritakoa betetzen duten izangaiak Nafarroako Foru Komunitatearen Administrazioko funtzionario izendatuko ditu, albaitari lanetan aritzeko. Ebazpen horren bidez lanpostuen esleipena ere eginen da.

9.2. Izendapenak eta lanpostuaren jabetza hartzeak nomina eta plantillako funtzionario bilakatuko dituzte izendatuak, indarra duten xedapenek ezartzen dituzten eskubide eta betebehar guztiak dituztela. Gizarte Segurantzako araubide orokorrean inskribatu eta kidetuko dira, araubide horretan aurreikusitakoaren babesean.

Aurrekoa gorabehera, Nafarroako Administrazio Publikoen Zerbitzuko Langileen Estatutua onetsi zuen abuztuaren 30eko 251/1993 Legegintzako Foru Dekretuaren bederatzigarren xedapen gehigarriaren 3. puntuan xedatutakoa aplikatzearen ondorioz, Nafarroako administrazio publikoen edozein mutualitatetako eskubide pasiboen araubidekoak direnen kasuan, bi aukera izanen dituzte: Nafarroako Foru Komunitateko Administrazioko mutualitatean segitzea, martxoaren 5eko 10/2003 Foru Legearen bidez arauturiko eskubide pasiboen araubideak babesturik, edo Gizarte Segurantzaren Araubide Orokorrean sartzea.

9.3. Izendatutako izangaiek lanlekua duten herrian bertan bizi beharra dute, eta hori betetzeko udalerri horretan finkatuko dute beren bizilekua. Administrazio organo eskudunek destinoa aldatzen ahalko dute, aplikatzekoa den arautegian ezarritakoarekin bat.

9.4. Lanaldia zerbitzuaren beharretara egokituko da eta noiznahi aldatzen ahalko dute administrazio organo eskudunek, aplikatzekoa den araudian ezarritakoarekin bat.

9.5. Izendapena Nafarroako ALDIZKARI OFIZIALean argitaratuko da eta izangai izendatuak hilabeteko epean jabetu beharko du bere lanpostuaz, izendapenaren jakinarazpenetik kontatzen hasita.

Epe horretan, eta ezinbesteko kausarik ezean, lanpostuaz jabetzen ez badira, Foru Komunitateko Administrazioko funtzionario izateko eskubide oro galduko dute, eta 7.4 atalean azaldu dena eginen da.

9.6. Izangai bat funtzionario bihurtu eta lanpostuan batere aritu gabe zuzenean eta berak eskatuta borondatezko eszedentzia ematen bazaio jabetza hartzearen egunetik bertatik, data horretan beste Administrazio Publiko batean ari delako, kasuko lanpostu hutsa ere beteko da deialdiko 7.4 atalak agintzen duen moduan.

9.7. Aurreko bi ataletan aipatutako kasuetan, izendapena egin aurretik hautaturiko lanpostua ez da aldatuko. Beraz, funtzionario berriei, zuzenean, egoera horien ondoriozko lanpostuak esleituko zaizkie.

10._Aldi baterako kontratuetarako izangaien zerrenda.

10.1. Nafarroako Administrazio Publikoan sartzeko Erregelamenduaren 42. artikuluan, lanpostuak aldi baterako betetzeko kudeaketa arauak onetsi zituen Lehendakaritza, Justizia eta Barne kontseilariaren azaroaren 14ko 146/2005 Foru Aginduan eta arau honexetan ezarritako prozedurari jarraikiz, aldi baterako kontrataziorako izangaien zerrenda hauek sortuko dira:

_Probak gainditu bai baina lanposturik lortu ez duten izangaien zerrenda.

_Hautapen prozesuaren ariketa guztiak gainditu ez dituzten izangaien zerrenda.

10.2. Epaimahaiaren espedientea jasota, Funtzio Publikoaren zuzendari nagusiaren ebazpen baten bidez, hautapen prozesua gaindituta ere lanposturik gabe gelditu diren izangaiei eta deialdian ezarritako azkenaurreko ariketa gainditu dutenei hamar egun balioduneko epea emanen zaie, ebazpena argitaratu eta biharamunetik hasita, ondoko dokumentazio hau aurkezteko:

_Deialdiaren 2. arauan eskatzen den tituluaren fotokopia konpultsatua, titulua lortzeko eskubideak pagatu direla frogatzen duen gordekinarena edo sarrera prozesurako eskabideak aurkezteko epean titulua eskuratzeko moduan dagoela frogatzen duen ziurtagiria.

_B motako ibilgailuak gidatzeko baimenaren fotokopia konpultsatua.

Ebazpen hau Nafarroako ALDIZKARI OFIZIALean argitaratuko da, eta langileen zerrendak Nafarroako Gobernuko iragarki-oholean (Karlos III.aren etorbidea, 2, atalondoa, Iruña).

Eskatzen diren agiriak aipatu epean aurkezten ez dituztenak (aski justifikatutako ezinbesteko kasuetan izan ezik) eta eskatutako baldintzak betetzen ez dituztenak ez dira sartuko aldi baterako kontratuetarako izangaien zerrendan, eta deialdian parte hartzeagatiko eskubide guztiak galduko dituzte, deusetan ukatu gabe, betiere, parte hartzeko eskabidea faltsutzeagatik legokiekeen erantzukizuna.

10.3. Sarrera prozedurako eskabideak aurkezteko epea bukatzen den egunerako bete beharko dira baldintzak, eta hautaprobek dirauteino eta kontratazioaldiak iraun bitarte bete beharko dira.

10.4. Dokumentazioa aurkezteko epea bukaturik, Funtzio Publikoaren zuzendari nagusiaren ebazpen baten bidez, aldi baterako kontratuetarako izangaien zerrenda hauek onetsiko dira eta Nafarroako Gobernuaren iragarki-oholean argitaratuko (Karlos III.aren etorbidea, 2, atalondoa, Iruña):

_Probak gainditu bai baina lanposturik lortu ez duten izangaien zerrenda.

_Deialdiaren azkenaurreko ariketa gainditu bai baina lanposturik gabeko gaindituen zerrendan ez daudenen zerrenda.

10.5. Aldi baterako kontratuetarako zerrendetan, izangaien hurrenkera hauxe izanen da: gainditu bai baina lanposturik lortu ez dutenen kasuan, hauta-probetan lortutako puntuazioaren araberakoa, eta gainerakoen kasuan, gainditutako ariketetako puntuazioen batuketaren araberakoa.

11._Errekurtsoak.

Epaimahaiak ematen dituen egintza eta ebazpenen kontra gora jotzeko errekurtsoa paratzen ahal da Funtzio Publikoaren zuzendari nagusiari zuzenduta, errekurtsoaren xede den egintza argitaratu edo jakinarazi eta biharamunetik hilabeteko epean.

Deialdi honen eta bere arauen kontra eta arauak aplikatzeko egintzen kontra, epaimahaiak hartutakoen kontra izan ezik, zilegi izanen da gora jotzeko errekurtsoa jartzea, Lehendakaritza, Justizia eta Barne kontseilariari zuzendua, hilabeteko epean, errekurritu nahi den egintza argitaratu edo jakinarazi eta biharamunetik kontatuta.

Hori guztia Nafarroako Foru Komunitateko Administrazioari buruzko abenduaren 3ko 15/2004 Foru Legearen 57. artikuluarekin bat, eta urtarrilaren 13ko 4/1999 Legeak aldatutako Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 114. eta 115. artikuluei jarraikiz.

Iruñean, 2006ko azaroaren 13an._Funtzio Publikoaren zuzendari nagusia, Alberto Andérez González.

I. ERANSKINA

Eskabidea

........................ jaun/andrea, adin nagusikoa, ...... Nortasun Agiri Nazionalaren (edo baliokidea den nortasun agiriaren) jabe, ..........(e)n (............) ......(e)ko ............aren ....(e)an jaioa, .........(e)ko nazionalitatea duena, helbidea ...........(e)ko (........) ......... kalean, ........... posta kodea, eta etxean ....... telefonoa eta lantokian ....... telefonoa dituena,

Honako hau azaltzen dut:

Nafarroako Foru Komunitateko Administrazioaren zerbitzuko .............. izateko ...............lanpostu ....................bidez betetzeko deialdian parte hartzeko onar dezatela eskatzen duela, aipatu txandan (deialdia ...... zenbakiko Nafarroako ALDIZKARI OFIZIALean argitaratu zen, .........(e)an).

f Txanda irekia:

f Igoera txanda*

f Ezgaitasunen bat dutenendako txanda*

Hautaprobak gainditzen ez baditut, lanpostuak behin-behinekoz betetzeko aukeraz baliatu nahi dudala, honako esparruotako batean:

f Administrazio erroa*

f Osasunbidea-Nafarroako Osasun Zerbitzua*

f Nafarroako Gizarte Ongizatearen Institutua*

(Esparruetako bakar bat aukeratu daiteke)

Ez dudala karguan aritzea galarazten didan eritasunik edo akats fisikorik nahiz psikikorik.

Indarra duten xedapenetan ezarritako ezintasunik ez dudala.

Ez naizela diziplinako espediente bidez ezein administrazio publikoren zerbitzutik kanpo utzia izan eta ez nautela eginkizun publikoak betetzeko gaitasunik gabe utzi.

Deialdian eskatzen den titulazioaren jabe naizela.

Azterketa eskubideak ordaindu ditudala deialdian ezarritako moduan eta horren gordekina erantsi dudala, edo erantsitako agirien bidez frogatzen dudala tasa ordaintzetik salbuetsita nagoela.

Eskabideak aurkezteko epearen azken egunean beharkizun guztiak betetzen ditudala.

Ezgaitasuna dudala eta, beraz, azaltzen den egokitzapena eskatzen dudala, adierazten diren arrazoiengatik (beste orri batean azaldu behar dira eskatzen diren egokitzapenak eta haietarako arrazoiak).

Ezgaitasuna frogatzen duen agiria aurkezten dudala, erakunde eskudun batek emana.

Euskararen gaitasunaren agiria edo ofizialki baliokidea den beste titulu bat aurkezten dudala*

Euskara maila jakiteko proba egitea eskatzen dudala*

Frantseseko eta ingeleseko nahikotasun frogak egitea eskatzen dudala.*

Horrenbestez,

Eskabide hau ontzat hartu eta aipatu deialdian onartua izatea eskatzen dut.

Iruñean, 200..ko .............aren ............(e)an.

(Sinadura)

NAFARROAKO GOBERNUA. LEHENDAKARITZA, JUSTIZIA ETA BARNE DEPARTAMENTUA. FUNTZIO PUBLIKOAREN ZUZENDARITZA NAGUSIA.

(*) Bidezkoa bada.

Datu Pertsonalak Babesteko abenduaren 13ko 15/99 Lege Organikoan xedatutakoa betez, jakinarazten da agiri honetan ageri diren datuak eta administrazioarekin etorkizunean izan daitekeen zerbitzu harremena kudeatzeko beharrezkoak diren gainerako guztiak datuen fitxategi automatizatu batean sartuko direla. Nafarroako Gobernuko Funtzio Publikoaren Zuzendaritza Nagusia da fitxategi horren erantzulea, eta datuen konfidentzialtasuna bermatzen du. Datuen titularrari jakinarazten zaio datu pertsonalen tratamendua eskuratu, zuzendu, ezabatu eta haren aurka jotzeko eskubidea erabiltzen ahal duela, datuak babesteko indarra duen araudiarekin bat.

II. ERANSKINA

Gai zerrenda

LEHEN ZATIA

Eraikuntza eta etxebizitza

1. gaia._Eraikuntzaren antolamenduari buruzko Legea: egitura eta edukia.

2. gaia._Eraikuntzaren eragileak, Eraikuntzaren antolamenduari buruzko Legearen arabera: haien eskumenak, betebeharrak eta erantzukizunak.

3. gaia._Eraikuntzaren antolamenduari buruzko Legeak ezarritako erantzukizun eta berme sistema.

4. gaia._Eraikuntzaren kode teknikoa. Agiri baten izaera eta deskripzioa. Martxoaren 17ko 314/2006 Errege Dekretua, Eraikuntzaren Kode Teknikoa onetsi zuena.

5. gaia._Eraikuntzaren Kode Teknikoa. 1. eta 2. kapituluak: xedapen orokorrak, eta baldintza teknikoak eta administratiboak. I. eta II. eranskinak: Obraren proiektuaren edukia eta jarraipenaren dokumentazioa.

6. gaia._Eraikuntzaren Kode Teknikoa. Egituraren segurtasuna. Oinarrizko betebeharrak, oinarrizko agiriak eta, beharrezkoa bada, bete beharreko beste arau batzuk.

7. gaia._Eraikuntzaren Kode Teknikoa. Segurtasuna suteetan. Oinarrizko betebeharrak, oinarrizko agiriak eta, beharrezkoa bada, bete beharreko beste arau batzuk.

8. gaia._Eraikuntzaren Kode Teknikoa. Erabileraren segurtasuna. Oinarrizko betebeharrak, oinarrizko agiriak eta, beharrezkoa bada, bete beharreko beste arau batzuk.

9. gaia._Eraikuntzaren Kode Teknikoa. Osasuna. Oinarrizko betebeharrak, oinarrizko agiriak eta, beharrezkoa bada, bete beharreko beste arau batzuk.

10. gaia._Eraikuntzaren Kode Teknikoa. Energia aurrezpena. Oinarrizko betebeharrak, oinarrizko agiriak eta, beharrezkoa bada, bete beharreko beste arau batzuk.

11. gaia._Eraikinetako baldintza akustikoak: araudi indarduna, edukiaren deskripzioa eta betetzen dela justifikatzea nahitaez jasotzea proiektuaren agirietan.

12. gaia._Etxebizitzen eraikuntzari buruzko araudi teknikoak (1): behe tentsioko elektrizitateari buruzko arauak eraikinetan, berokuntza, klimatizazio eta ur sanitario beroaren instalazioei buruzko arauak. Telekomunikazio zerbitzuak eskuratu ahal izateko etxeetan paratu beharreko azpiegitura komunei buruzko 1/1998 Legegintzako Errege Dekretuarekin lotutako araudia, telekomunikazioen arlokoa. Garajeen jarduerarako lizentziei buruzko arauen aipamena.

13. gaia._Etxebizitzen eraikuntzari eragiten dioten araudiak (2). Errepideetatik eta bestelako azpiegituretatik babestea, jabari publiko hidraulikoarekin lotutako gorabeherak, bide, argi eta bisten zortasun zibilak.

14. gaia._Ondare historiko-artistikoa babesteari buruzko legeriak eraikuntzan eta etxebizitzen eraikuntzan duen eragina.

15. gaia._Eraikuntzaren arloko segurtasun eta osasunari buruzko araudiaren deskripzioa.

16. gaia._Arkitektura bioklimatikoari buruzko oharrak: alderdi orokorrak eta ezaugarriak; mota horretako etxebizitzak eraikitzea sustatzeko neurriak.

17. gaia._89/106/EEE zuzentaraua, eraikuntzako produktuei buruzkoa, eta 2002/91/EE zuzentaraua, eraikinen eraginkortasun energetikoari buruzkoa: edukia eta Espainiako araudira egokitzea.

18. gaia._Argiztapena eta aireztapena eraikinari, etxebizitzari eta horren zatiei dagokien bizigarritasunari buruzko araudian.

19. gaia._Nafarroako etxebizitzen eta etxebizitza-eraikinen bizigarritasun baldintzak. Arautzea eta betekizun garrantzitsuenak.

20. gaia._Bizigarritasun zedula: izaera, tramitazioa, edukia eta ondorioak. Etxebizitza libreko eraikin berrietarako aginduzkoa den tramitazio administratiboa.

21. gaia._Eraikinen irisgarritasuna: Nafarroan aplikatzen den araudia, egitura eta edukia. Irisgarritasuna etxebizitza-eraikinetan, eragiten dioten zehaztapenak.

22. gaia._Ekainaren 24ko 8/2004 Foru Legea, Nafarroan etxebizitzari babes publikoa emateari buruzkoa. Alderdi orokorrak eta edukiaren deskripzioa.

23. gaia._Etxebizitzarako babes publikoa Nafarroan. Alderdi orokorrak, babestu daitezkeen jarduketen deskripzioa: etxebizitza babestuak, etxebizitzak zaharberritzea, gizarteratzeko etxebizitzak.

24. gaia._Babes ofizialeko etxebizitzak Nafarroan: babes ofizialaren kontzeptua eta esparrua, motak eta ezaugarriak, erabileraren lege-araubidea, eskuratzea eta salmenta_ eta errenta-prezioak.

25. gaia._Prezio tasatuko eta prezio hitzartuko etxebizitzak Nafarroan: kontzeptua eta babesaren esparrua, ezaugarriak, erabileraren lege-araubidea, eskuratzea eta salmenta_ eta errenta-prezioak.

26. gaia._Nafarroan etxebizitza babestuei aplikatzekoa zaien diseinu eta kalitateari buruzko araudi teknikoa: arau horien zerrenda eta alderdi garrantzitsuenak.

27. gaia._Babestutako etxebizitzak jabetzan eta errentan hartzea: saltzeko baldintzak eta mugak babesaren iraunaldian, administrazioak etxebizitza horien eskualdaketaren gainean dituen lehentasun eta atzera eskuratzeko eskubideei aipamen berezia eginez.

28. gaia._Babestutako etxebizitzen behin-behineko eta behin betiko kalifikazioa: kontzeptua, eta kalifikazio horien tramitazio administratiboaren deskripzioa.

29. gaia._Etxebizitza babestuen erosleentzako eta errenta-hartzaileentzako dirulaguntzak: deskripzioa eta ezaugarriak, eta jasotzeko betebeharrak.

30. gaia._Babestutako etxebizitzen finantzaketa: mailegu kualifikatuak, etxebizitzen prezioaren kontura diru kopuruak jasotzea. Errentan hartzeko sustapenetako finantzaketari eta etxebizitza mota horren sustatzaileentzako dirulaguntzei buruzko aipamen berezia.

31. gaia._Etxebizitzak zaharberritzeko babes publikoaren araubidearen deskripzioa eta ezaugarriak.

32. gaia._Etxebizitzak zaharberritzea sustatzen dutenentzako dirulaguntzak. Deskripzioa, ezaugarriak eta horiek jasotzeko betebeharrak.

33. gaia._Populazio talde bereziei zuzendutako jarduketa babesgarrien ezaugarri bereziak: zaharrak, gazteak, minusbaliatuak, gizarteratzeko programetan dauden pertsonak, familia ugariak, generoko indarkeriaren biktimak, etab.

34. gaia._Etxebizitza babestuen erosleen interesen defentsari buruzko alderdiak, besteak beste honakoak aipatuz: proiektuen gainbegiratze administratiboa, adjudikazio-hartzaileen hautapena, kontratuak ikus-onestea, diru kopuruak kontura jasotzea eta eraikuntzako akatsengatik salaketa administratiboak jartzeko aukera. Bigarren zatia

BIGARREN ZATIA

Lurraldearen antolamendua eta hirigintza

1.1. gaia._Europako Lurralde Estrategia. Sarrera. Helburuak eta prestatzeko prozesua. Egitura eta edukiak. ELEren aplikazioa.

2. gaia._Lurraldearen antolamenduko tresnak: Nafarroako lurralde estrategia. Lurralde garapenaren ereduaren definizioa. Estrategiak, jarraibideak eta neurriak.

3. gaia._Lurraldearen antolamenduko tresnak: lurraldea antolatzeko planak. Lurralde ekintzarako plan gidariak. Iruñerriko eskualdeko hirigintza arauak.

4. gaia._Lurraldearen antolamenduko tresnak: udalez gaindiko plan eta proiektu sektorialak. Lurraldearen antolamenduan eragina duten beste tresna batzuk.

5. gaia._Lurraldearen antolamenduan eta hirigintzan eragina duten Nafarroako arau sektorialen ikuspegi orokorra.

6. gaia._Hiri antolamenduko teknikak eta hirigintzako zuzenbidea. Kontzeptua eta bilakaera.

7. gaia._Lurzoru Araubideari eta Balorazioei buruzko 6/1998 Legea: egitura eta edukiaren azterketa orokorra.

8. gaia._Jarduera publikoak lurralde antolamenduaren arloan dituen printzipioak eta helburuak, Lurraldearen Antolamenduari eta Hirigintzari buruzko uztailaren 4ko 35/2002 Foru Legearen arabera.

9. gaia._Administrazio publikoen eskumenak, antolaketa eta harremanak. Hirigintza hitzarmenak. Planeamenduko hirigintza hitzarmenak, kudeaketako hirigintza hitzarmenak.

10. gaia._Udal plan orokorra. (I). Motak. Edukia. Determinazioak. Dotazioen estandarrak. Plan bateratuak.

10. gaia._Udal plan orokorra. (II). Tramitazioa. Indarraldia, aldaketa eta berrikustea. Onespenaren ondorioak.

12. gaia._Garatzeko planeamendua (I): plan partziala. Edukia. Determinazioak. Tramitazioa.

13. gaia._Garatzeko planeamendua (II): plan bereziak. Xehetasun azterlanak. Edukia. Determinazioak. Tramitazioa.

14. gaia._Katalogoak. Ordenantzak. Edukia. Determinazioak. Tramitazioa.

15. gaia._Lurzoruaren hirigintza araubidea. Lurzoruaren sailkapena eta kalifikazioa. Hiri lurzoruaren eta lurzoru urbanizagarriaren jabeen eskubide eta betebeharrak.

16. gaia._Lurzoru urbanizaezinaren araubide juridikoa. Baimenak lurzoru urbanizaezinean. Lurzoru urbanizaezinaren jabeen eskubide eta betebeharrak.

17. gaia._Hirigintza kudeaketa: elementuak. Onuren eta zamen banaketarako teknikak.

18. gaia._Jarduketa sistematiko eta asistematikoak. Ezaugarri orokorrak. Sistemak zehaztea. Sistemaren aldaketa.

19. gaia._Urbanizazio proiektuak eta obra proiektu arruntak. Edukia. Tramitatzeko prozedura. Gastuen ordainketa. Urbanizazio kargak.

20. gaia._Jarduketa pribatuko sistemak (I): konpentsazioa. Borondatezko birzatiketa.

21. gaia._Jarduketa pribatuko sistemak (II): eragile urbanizatzailea.

22. gaia._Jarduketa publikoko sistemak (I): lankidetza.

23. gaia._Jarduketa publikoko sistemak (II): desjabetzea. Nahitaezko betearazpena.

24. gaia._Hirigintzako desjabetzeak. Desjabetzerako kasuak. Prozedura. Desjabetzeak itzultzea.

25. gaia._Hirigintzako balorazioak. Lurren balioa zehazteko irizpideak.

26. gaia._Lurzatiketak eta birzatiketak. Birzatiketa proiektua. Edukia. Tramitatzeko prozedura. Ondorioak.

27. gaia. Aurri egoera. Kontzeptua eta motak. Prozedura, organo eskudunak, interesdunak eta ondorioak. Betearazpen aginduak.

28.gaia._Hirigintzako lizentziak: kontzeptua, izaera juridikoa. Lizentzien etendura.

29. gaia._Hirigintzako legezkotasuna babestu eta hautsitako ordena konpontzea: zehapen araubidea. Hirigintzako arau-hausteak zehatzeko prozedura. Hirigintzako zehapenen arloko zuzenbidea oinarritzen duten printzipioak. Lurraldearen antolamenduaren aurkako delituak.

30. gaia._Lurzoruaren merkatuan esku-hartzeko tresnak: etxera itzultzeko eta etxez aldatzeko eskubideak. Azalera eskubideak eta lehentasunez erostekoak eta atzera eskuratzekoak.

31. gaia._Lurzoruaren ondare publikoak: Lurzoruaren udal ondarea. Lurzoruaren Foru Bankua. Kontzeptua eta justifikazioa, eraketa, zer ondasunek osatzen duten, xedea, kudeaketa, lurzoruaren lagapenak.

32. gaia._Lurraldearen Antolamenduari eta Hirigintzari buruzko uztailaren 4ko 35/2002 Foru Legea. Egitura eta edukiaren azterketa orokorra. Hirugarren zatia

HIRUGARREN ZATIA

Zuzenbidea

1. gaia._Espainiako 1978ko Konstituzioa. Estatuko aginteak. Koroa. Gorte Nagusiak. Gobernua eta Administrazioa. Botere judiziala Konstituzioan.

2. gaia._Zuzenbide Publikoaren iturburuak: legeak eta horien motak. Lege-Dekretuak. Legegintzako Foru Dekretuak. Nazioarteko itunak.

3. gaia._Administrazio Zuzenbidearen iturburuak: erregelamendua eta erregelamendu-ahalmena. Erregelamendu motak. Erregelamendu-ahalmenaren mugak eta haren kontrola.

4. gaia._Administrazio egintza: kontzeptua, motak eta elementuak. Betebeharrak. Eraginkortasuna. Administrazio egintzen baliogabetasuna eta deusezgarritasuna.

5. gaia._Administrazio prozedura erkidea: kontzeptua eta izaera. Administrazio prozeduraren hasiera, antolaketa, instrukzioa eta amaiera. Errekurtso administratiboak. Printzipio orokorrak eta motak.

6. gaia._Nafarroako Parlamentua edo Gorteak. Osaera, antolakuntza eta eginkizunak.

7. gaia._Nafarroako Gobernuari eta lehendakariari buruzko Foru Legea.

8. gaia._Nafarroako Foru Komunitateko Administrazioari buruzko Foru Legea.

9. gaia._Nafarroako Foru Komunitateko Arartekoa. Comptos Ganbera. Nafarroako Kontseilua.

10. gaia._Nafarroako Administrazio Publikoen zerbitzuko Langileen Estatutua: langile motak. Funtzionario publikoen hautapena. Funtzionario izaera eskuratu eta galtzea. Karrera administratiboa. Egoera administratiboak. Lanpostuak betetzea. Ordainsariak.

11. gaia._Nafarroako Ogasun Publikoa: Nafarroako Ogasun Publikoaren eskubide eta betebeharrak. Nafarroako aurrekontu orokorrak: edukia eta onespena; gastuen sailkapen ekonomikoa; betearaztea eta likidazioa.

12. gaia._Nafarroako Administrazio Publikoen kontratuak: araubide juridikoa. Administrazio kontratu ohikoenak: kontzeptua eta motak. Kontratuak esleitu, hobetu, sinatu, bete, aldatu eta iraungitzeko arau orokorrak.

13. gaia._Obra kontratua: xedapen berariazkoak. Prestakuntzako jarduketak. Kontratua betetzea. Kontratua aldatzea. Obra ziurtagiriaren kontrola. Kontratu-hartzailearen eskubideak eta betebeharrak. Kontratua iraungitzea. Laguntza teknikoko kontratua: xedapen berariazkoak. Prestakuntzako jarduketak. Kontratua betetzea. Aldaketak eta iraungitzea.

14. gaia._Datu pertsonalen babesa Europan eta Espainian. Printzipioak. Pertsonen eskubideak. Datuak Babesteko Agentzia. Datuen nazioarteko mugimendua.

15. gaia._Nafarroako Foru Komunitateko Administrazioaren eta haren erakunde autonomoen dirulaguntzak eman, kudeatu eta kontrolatzeko araubide orokorra.

16. gaia._Nafarroako Toki Administrazioa. Toki araubidearen gaineko legeria. Toki entitate motak. Nafarroako toki entitateen antolaketa eta eskumenak.

17. gaia._Europar Batasuna. Antolaketa. Erakundeak. Lurraldearen eta ingurumenaren arloko politikari buruz dauden estrategia eta zuzentarau nagusiak.

18. gaia._Ingurumen, Lurraldearen Antolamendu eta Etxebizitza Departamentua. Egitura eta eginkizunak.

Tema 19._Nafarroako Foru Eraentza Birrezarri eta Hobetzeari buruzko Lege Organikoa. Laugarren zatia

LAUGARREN ZATIA

Gai sektorialak eta Nafarroari buruzkoak

1. gaia._Nafarroa: Lurraldearen egitura fisikoa: ingurune fisikoa eta ingurumeneko kalitatea.

2. gaia._Lurraldearen hiri egitura: kokalekuen sistema, produkzio sistema eta azpiegituren sistema.

3. gaia._Ingurumenaren babesa. Nafarroako Foru Komunitatearen eskumenak. Habitatei buruzko 92/43/EEE Zuzentaraua. Naturguneak eta oihan-ondarea babesteko Nafarroako legediaren aipamen orokorra.

4. gaia._21 Toki Agendak. Jatorria eta garapena. Tokiko garapen iraunkorrerako elementuak eta faktoreak. Hirigintzaren plangintzan duten eragina.

5. gaia._Ingurumenaren gaineko eraginaren ebaluazioak. Xedeak. Eragina ebaluatzeko irizpide eta oinarriak. Ingurumenaren gaineko eraginaren azterlanak egiteko metodo eta ereduak. Indarra duen araudia.

6. gaia._Nafarroako Foru Komunitateko administrazio publikoek ingurumenean esku hartzeko moduak.

7. gaia._Lurraldeari buruzko informazio sistemak. Ezarpena. SITNA: ezaugarriak eta eginkizunak.

8. gaia._Nafarroako errepideen araubide juridikoa. Urriaren 10eko 11/1986 Foru Legea, Nafarroako Errepideen Babesari buruzkoa: edukiaren egitura eta analisia.

9. gaia._Uren gaineko legeria. Lurraldearen antolamenduan eta hirigintzan duen eragina. Ureztatzen ahal diren eremuen antolaketa eta planeamendu berriko eremuetan onartzen ahal diren lur erabilerak, Uraren Liburu Zuriaren arabera (CEDEX).

10. gaia._Nafarroako Foru Komunitateko Ondareari buruzko Foru Legea. Kontzeptua eta motak. Administratzea. Eskuratzea. Besterentze eta lagatzea. Babesa eta zaintzea.

11. gaia._Ondasun higiezinen balorazioa: kostuaren metodoa, alderaketa metodoa, errenta gaurkotzearen metodoa. Soberakin metodoa.

12. gaia._Higiezinen kultur ondarean esku-hartzeko lege esparrua Espainian: Espaniako Ondare Historikoari buruzko 16/1985 Legea. Garapeneko erregelamendua.

13. gaia._Ondare arkitektonikoaren babesa Nafarroako Kultur Ondareari buruzko azaroaren 22ko 14/2005 Foru Legean eta Lurraldearen Antolamenduari eta Hirigintzari buruzko abenduaren 20ko 35/2002 Foru Legean.

14. gaia._Ondare arkitektonikoaren katalogoak eta inbentarioak. Irizpide orokorrak. Garapena eta aplikazioak. Nafarroako egoera.

15. gaia._Nafarroako herri arkitektura. Ingurune fisikoa eta kulturala. Mendialdeko, erdialdeko eta Erriberako aldagai arkitektonikoak, eraikin motak eta eraikuntza sistemak.

Oharra._Gai guztiak deialdi hau Nafarroako ALDIZKARI OFIZIALean argitaratzen denean indarra duen legeriari jarraikiz baloratuko dira, baina egun horren ondoren onetsitako arau aldaketen ekarpenak baloratzen ahalko ditu epaimahaiak.

Iragarkiaren kodea: F0618628