III. NAFARROAKO TOKI ADMINISTRAZIOA
G A R E S
Exekuzio unitateen mugapen berria
Garesko Udaleko Alkatetzak, 2003ko maiatzaren 15ean emandako ebazpenaren bidez, hasiera batez onetsi zuen Hiri Antolamendurako Udal Planeko URN 2 eta URN 8 bitarteko (biak barne) exekuzio unitateak berriz mugatzeko espedientea, ofizioz sustatua, "ISA (Inversiones, Suelos y Actuaciones), S.L." enpresak eskaturik.
Lurraldearen Antolamenduari eta Hirigintzari buruzko abenduaren 20ko 35/2002 Foru Legearen 76 artikuluan ezarritakoari jarraituz, espedientea jendaurrean egonen da hogei egunez, iragarki hau Nafarroako ALDIZKARI OFIZIALean argitaratzen denetik hasita, aztertu eta bidezko alegazioak aurkez daitezen. Jendaurreko aldian alegaziorik aurkeztu ezean, agiria organo eskudunari aurkeztuko zaio behin betiko onets dezan, bidezkoa bada.
Garesen, bi mila eta hiruko maiatzaren hamaseian. Alkatea, Eva Erro Ochoa.
Iragarkiaren kodea: A0306353
