73. ALDIZKARIA - 2003ko ekainaren 11

I. NAFARROAKO FORU KOMUNITATEA

Beste Xedapenak

615/2003 FORU AGINDUA, apirilaren 14koa, Ingurumen, Lurraldearen Antolamendu eta Etxebizitza kontseilariak emana, Funesko Arau Subsidiarioak aldatzeko espedientea, Ramira Terés Navarro eta Jesús María Díaz Terés jaun-andreek sustatua, behin betikoz onesten duena. Horren bitartez kategoria aldatzen zaie 6. poligonoko 285. eta 310. lurzatiei, nekazaritzako ekoizpen handiko lurzoru urbanizaezin izatetik lurzoru urbanizaezin generikoa izatera pasa daitezen.

Funesko Udalak idazpuruan azaltzen den espedientea aurkeztu du Ingurumen, Lurraldearen Antolamendu eta Etxebizitza Departamentuan, behin betikoz onets dadin.

Ikusirik aurkezturiko agiriak eta Lurraldearen Antolamendu eta Hirigintza Zerbitzuaren txostena, bidezko da behin betikoz onestea.

Horrenbestez, Lurraldearen Antolamenduari eta Hirigintzari buruzko abenduaren 20ko 35/2002 Foru Legearen hirugarren xedapen iragankorreko 2. puntuan xedaturikoarekin bat,

AGINDU DUT:

1. Funesko Arau Subsidiarioak aldatzeko espedientea, Ramira Terés Navarro eta Jesús María Díaz Terés jaun-andreek sustatua, behin betikoz onestea. Horren bitartez kategoria aldatzen zaie 6. poligonoko 285. eta 310. lurzatiei, nekazaritzako ekoizpen handiko lurzoru urbanizaezin izatetik lurzoru urbanizaezin generikoa izatera pasa daitezen.

2. Foru agindu honen kontra gora jotzeko errekurtsoa jartzen ahal dela adieraztea, Nafarroako Gobernuari zuzendua, hura jakinarazi edo, bestela, Nafarroako ALDIZKARI OFIZIALean argitaratu eta biharamunetik hilabeteko epean, Administrazio Publikoen Araubide Juridikoari eta Guztiendako Administrazio Prozedurari buruzko azaroaren 26ko 30/1992 Legeko 114. eta 115. artikuluei jarraikiz. Aldaketa honen aurka, bestalde, administrazioarekiko auzi-errekurtsoa jartzen ahal da Nafarroako Auzitegi Nagusiko arlo bereko Sailari zuzendua, foru agindu hau jakinarazi edo Nafarroako ALDIZKARI OFIZIALean argitaratu eta biharamunetik hasita bi hilabeteko epean, Administrazioarekiko Auzien Jurisdikzioa arautzen duen uztailaren 13ko 29/1998 Legearen 10. artikuluan xedaturikoari jarraikiz.

3. Foru Agindu honen berri ematea Funesko Udalari eta Ramira Terés Navarro eta Jesús María Díaz Terés jaun-andreei eta Nafarroako ALDIZKARI OFIZIALean argitaratzea, behar diren ondorioak izan ditzan.

Iruñean, bi mila eta hiruko apirilaren hamalauan._Ingurumen, Lurraldearen Antolamendu eta Etxebizitza kontseilaria, Jesús Javier Marcotegui Ros.

Iragarkiaren kodea: A0304144