I. NAFARROAKO FORU KOMUNITATEA
Agintariak eta Langileak
78/2003 EBAZPENA, martxoaren 27koa, Justizia zuzendari nagusiak emana. Honen bidez Nafarroako ALDIZKARI OFIZIALean argitaratzen da Epaimahai Kalifikatzaile Nagusiak 2003ko martxoaren 14an hartutako Erabakia, zeinen bidez argitara ematen baitira Justizia Administrazioko ofizialen kidegoan sartzeko lehiaketa murriztua, barne igoerako txandan, behin-behinekoz gainditu duten izangaien zerrendak.
Epaimahai Kalifikatzaile Nagusiak 2003ko martxoaren 14an hartutako Erabakiaren bidez, argitara ematen dira Justizia Administrazioko ofizialen kidegoan sartzeko lehiaketa murriztua, barne igoerako txandan, behin-behinekoz gainditu duten izangaien zerrendak.
Deialdiaren oinarrietan eta otsailaren 16ko 249/1996 Errege Dekretuaren 20. artikuluan ezarritakoari jarraituz, bidezko da Epaimahai Kalifikatzaile Nagusiak hartutako Erabakia Nafarroako ALDIZKARI OFIZIALean argitaratzea. Errege Dekretu horrek Justizia Administrazioko Ofizial, Laguntzaile eta Agenteen Kidegoen Erregelamendu Organikoa onesten du.
Horrenbestez, eta Lehendakaritza, Justizia eta Barne kontseilariaren urriaren 13ko 2002/1999 Foru Aginduak emandako eskurantzak erabiliz,
EBATZI DUT:
1. Nafarroako ALDIZKARI OFIZIALean argitaratzea Epaimahai Kalifikatzaile Nagusiak 2003ko martxoaren 14an hartutako Erabakia, zeinen bidez argitara ematen baitira Justizia Administrazioko ofizialen kidegoan sartzeko lehiaketa murriztua, barne igoerako txandan, behin-behinekoz gainditu duten izangaien zerrendak.
2. Epaimahai Kalifikatzaile Nagusiak 2003ko martxoaren 14an hartutako Erabakia, zeinen bidez argitara ematen baitira Justizia Administrazioko ofizialen kidegoan sartzeko lehiaketa murriztua, barne igoerako txandan, behin-behinekoz gainditu duten izangaien zerrendak, eta erabakiaren eranskin osoak Justizia Zuzendaritza Nagusian daude ikusgai (Iratxeko Monasterioa, 22, behea, Iruña).
Iruñean, bi mila eta hiruko martxoaren hogeita zazpian._Justizia zuzendari nagusia, José María Abad Alegría.
"EPAIMAHAI KALIFIKATZAILE NAGUSIAK 2003KO MARTXOAREN 14AN HARTUTAKO ERABAKIA, ZEINEN BIDEZ ARGITARA EMATEN BAITIRA JUSTIZIA ADMINISTRAZIOKO OFIZIALEN KIDEGOAN SARTZEKO LEHIAKETA MURRIZTUA, BARNE IGOERAKO TXANDAN, BEHIN-BEHINEKOZ GAINDITU DUTEN IZANGAIEN ZERRENDAK
Justizia Administrazioko Ofizialen Kidegoan barne igoeraren bidez sartzeko hautaproben deialdiari buruzko 2002ko apirilaren 30eko Aginduaren 2.7.1. oinarrian ezarritakoari jarraikiz (maiatzaren 29ko "Estatuko Aldizkari Ofiziala"), epaimahaiek izangaiek aurkeztutako agirien balorazioa eginik, eta deialdiaren 11.7 oinarrian puntuazio berdinketari buruz ezarritakoa kontuan harturik, Epaimahai honek honako hau erabaki du:
Lehena._Lurralde esparru bakoitzean barne igoeraren bidezko lehiaketa behin-behinekoz gainditu duten izangaien zerrendak argitaratzea (eranskinean ageri dira).
Deialdiaren Aginduko 2.3. oinarriko atalen arabera puntuazioa graduatu dezaketen merezimenduei dagokienez, Epaimahai Kalifikatzaile Nagusiak graduazioa egitea erabaki du. Erabaki hori 2003ko martxoaren 14an argitara eman da Justizia Auzitegi Nagusietan, Probintzi Entzutegietan, Justizia Ministerioaren Lurralde Gerentzietan, lanpostuak deitzen diren autonomia erkidegoetako organo eskudunetan eta Administrazio Publikoetako Ministerioaren Administrazio Informazioaren Zentroan.
Eman diren puntuazioetan kontuan izan da atal bakoitzean ezarritako gehienekoa.
Bigarrena._Erabaki honen kontra interesatuek alegazioak egin ahalko dituzte hamabost egun naturaleko epean, "Estatuko Aldizkari Ofizialean" argitaratu eta biharamunetik hasita.
Alegazioak epaimahai bakoitzaren idazkaritzari zuzenduko zaizkio, eta helbide hauetara bidaliko dira:
Tribunal Calificador Unico. Secretaría. Subdirección General de Medios Personales al servicio de la Administración de Justicia. Calle San Bernardo, 21, 28015 Madrid.
Tribunal Delegado de Andalucía. D. José Manuel Rodríguez Madrid. Consejería de Justicia y Administración Pública. Calle Jesús del Gran Poder, 30, 41071, Sevilla.
Tribunal Delegado de Canarias. D. José Manuel de la Viuda Pérez. Dirección General de Relaciones con la Administración de Justicia. Edificio Servicios Múltiples II, 1.ª planta. Avenida José Miguel Guimera, 8. 38003 Santa Cruz de Tenerife.
Tribunal Delegado de Cataluña. D. Daniel Castaño García. Comisión Asistencia Justicia Gratuita. Vía Layetana, 4, 6.º 08003 Barcelona.
Nafarroako Epaimahai Eskuordetua. Resurrección Ganuza Jacoisti. Lehen Auzialdiko 7. Epaitegia. San Roke, z.g. 31071 Iruña.
Madrilen, 2003ko martxoaren 14an._Epaimahaiburua. María del Coro Monreal Huerta.
Argitara bedi "Estatuko Aldizkari Ofizialean".
Madrilen, 2003ko martxoaren 14an. Zuzendari Nagusia. Sin.: Carlos Lesmes Serrano".
Iragarkiaren kodea: A0303395
