I. NAFARROAKO FORU KOMUNITATEA
Herrilanak eta Zerbitzu Publikoak
273/2002 FORU DEKRETUA, abenduaren 23koa, Faltzesko Udaleko 305.000 metro koadroko herrilurraren desafektazioa onesten duena, ondoren haren erabilera lagatzeko.
Faltzesko Udalak Nafarroako Gobernuari eskatu dio 305.000 metro koadroko herrilurren desafektazioari aginduzko onespena eman diezaiola. Lur horiek 2. poligonoko 1408, 1411, 1434, 1441, 1442, 1452, 1455 eta 1464. lurzatiei, 3. poligonoko 439. lurzatiari, 4. poligonoko 412, 447, 452, 472 eta 477. lurzatiei, 14. poligonoko 200 eta 204. lurzatiei, 15. poligonoko 280, 281 eta 283. lurzatiei eta 16. poligonoko 258, 270, 280, 286 eta 289. lurzatiei dagozkie.
Proposaturiko desafektazioaren xedea hauxe da: lur haiek Energía Hidroeléctrica de Navarra, S.A. enpresari 75 urtez lagatzea, urtero kanon bat kobratuta, bertan Veladillo eta Moncayuelo izeneko bi haize-parke paratu eta argindar energia garbi eta berriztagarria lortzeko.
Faltzesko Udalak hertsiki bete du espediente honen xede den arloaren gainean Nafarroako Toki Administrazioari buruzko uztailaren 2ko 6/1990 Foru Legeak dioena, baita Nafarroako Toki Entitateen Ondasunei buruzko Erregelamenduan ezarritakoa ere (urriaren 18ko 280/1990 Foru Dekretuaren bidez onetsia).
Horiek horrela, Nekazaritza, Abeltzaintza eta Elikadura kontseilariak proposaturik, eta Nafarroako Gobernuak bi mila eta biko abenduaren hogeita hiruko bilkuran hartutako Erabakiarekin bat,
DEKRETATU DUT:
1. artikulua. Faltzesko Udaleko 305.000 metro koadroko herrilurren desafektazioa onestea. Lur horiek 2. poligonoko 1408, 1411, 1434, 1441, 1442, 1452, 1455 eta 1464. lurzatiei, 3. poligonoko 439. lurzatiari, 4. poligonoko 412, 447, 452, 472 eta 477. lurzatiei, 14. poligonoko 200 eta 204. lurzatiei, 15. poligonoko 280, 281 eta 283. lurzatiei eta 16. poligonoko 258, 270, 280, 286 eta 289. lurzatiei dagozkie.
2. artikulua. Faltzesko Udalari baimena ematea lur haiek Energía Hidroeléctrica de Navarra, S.A. enpresari 75 urtez lagatzeko, urtero kanon bat kobratuta, bertan Veladillo eta Moncayuelo izeneko bi haize-parke paratu eta argindar energia garbi eta berriztagarria lortzeko.
3. artikulua. Aipatu desafektazioaren onespena Faltzesko Udalak gai honetaz 2002ko maiatzaren 31n onetsitako baldintza plegua hertsiki betetzearen baldintzapean dago, batez ere klausula berezi bat, zeinean adierazten baita herrilur hori herri ondarera itzuli behar dela desafektazioa eragin zuten helburuak desagertu edo betetzen ez badira.
4. artikulua. Faltzesko Udalak espediente honen xede diren lurren mugak jarri beharko ditu.
AZKEN XEDAPENA
Foru Dekretu honek Nafarroako ALDIZKARI OFIZIALean argitaratu eta biharamunean hartuko du indarra.
Iruñean, bi mila eta biko abenduaren hogeita hiruan._Nafarroako Gobernuko lehendakaria, Miguel Sanz Sesma._Nekazaritza, Abeltzaintza eta Elikadura kontseilaria, Ignacio Javier Martínez Alfaro.
Iragarkiaren kodea: A0214104
